നമ്മുടെ മാസി​കകൾ ഏറ്റവും നന്നായി ഉപയോ​ഗ​പ്പെ​ടു​ത്തുക

¹ നിങ്ങ​ളൊ​രു പത്രക്ക​ട​യിൽ ചെല്ലു​മ്പോൾ എന്താണു കാണു​ന്നത്‌? മാസി​കകൾ. തെരു​ക്കോ​ണി​ലെ ഒരു കടയിൽ നിങ്ങളു​ടെ ശ്രദ്ധ പിടി​ച്ചു​പ​റ്റു​ന്നത്‌ എന്താണ്‌? മാസി​കകൾ. പോസ്റ്റു​മാൻ തപാലു​രു​പ്പി​ടി​കൾ നിറഞ്ഞ തന്റെ ബാഗിന്റെ ഭാരത്താൽ കുനി​ഞ്ഞു​പോ​കു​ന്ന​തി​ന്റെ കാരണ​മെ​ന്താണ്‌? മാസി​കകൾ. അതു​കൊണ്ട്‌, പലരും വായി​ക്കു​ന്നത്‌ എന്താണ്‌? മാസി​കകൾ. 10-നും 18-നും ഇടയിൽ പ്രായ​മുള്ള 10 യുവജ​ന​ങ്ങ​ളിൽ 9 പേരും അത്രയും​തന്നെ ശതമാനം മുതിർന്ന​വ​രും ഓരോ മാസവും ചുരു​ങ്ങി​യത്‌ ഒരു മാസി​ക​യെ​ങ്കി​ലും വായി​ക്കു​ന്നു​ണ്ടെന്നു സർവേകൾ കാണി​ക്കു​ന്നു. ആളുകൾ മാസി​കാ​ബോ​ധ​മു​ള്ള​വ​രാണ്‌.

² പരമാർഥ​ഹൃ​ദ​യരെ വീക്ഷാ​ഗോ​പു​ര​വും ഉണരുക!യും സംബന്ധി​ച്ചു ബോധ​മു​ള്ള​വ​രാ​ക്കാൻ നമുക്കു കഴിയു​മോ? വീക്ഷാ​ഗോ​പു​ര​വും ഉണരുക!യും സംബന്ധി​ച്ചു നാംതന്നെ ബോധ​മു​ള്ള​വ​രാ​ണെ​ങ്കിൽ നമുക്ക​തി​നു കഴിയും. നമ്മെ സഹായി​ക്കാൻ എന്തിനു കഴിയും? ഈ നിർദേ​ശങ്ങൾ പരിചി​ന്തി​ക്കുക:

◼ മാസി​കകൾ വായി​ക്കുക: തന്റെ സർക്കി​ട്ടി​ലുള്ള 3 പ്രസാ​ധ​ക​രിൽ ശരാശരി ഒരാൾ മാത്രമേ വീക്ഷാ​ഗോ​പു​ര​ത്തി​ന്റെ​യും ഉണരുക!യുടെ​യും ഓരോ ലക്കവും പുറ​ത്തോ​ടു​പു​റം വായി​ക്കു​ന്നു​ള്ളൂ​വെന്ന്‌ ഒരു സഞ്ചാര​മേൽവി​ചാ​രകൻ റിപ്പോർട്ടു ചെയ്യു​ക​യു​ണ്ടാ​യി. നിങ്ങളോ? ഓരോ ലേഖന​വും വായി​ക്കു​മ്പോൾ സ്വയം ചോദി​ക്കുക: ‘ആരായി​രി​ക്കും ഈ വിവരം ഇഷ്ടപ്പെ​ടുക—ഒരു മാതാ​വോ അജ്ഞേയ​വാ​ദി​യോ ബിസി​ന​സു​കാ​ര​നോ അതോ ഒരു യുവവ്യ​ക്തി​യോ?’ മാസിക സമർപ്പി​ക്കു​മ്പോൾ ഉപയോ​ഗി​ക്കാൻ കഴിയുന്ന ഒന്നോ രണ്ടോ ആശയങ്ങൾ നിങ്ങളു​ടെ വ്യക്തിഗത പ്രതി​യിൽ അടയാ​ള​പ്പെ​ടു​ത്തുക. എന്നിട്ട്‌, ഒന്നോ രണ്ടോ വാചകങ്ങൾ ഉപയോ​ഗിച്ച്‌ ആ വിഷയ​ത്തി​ലുള്ള താത്‌പ​ര്യം എങ്ങനെ ഉണർത്താൻ കഴിയു​മെന്നു ചിന്തി​ക്കുക.

◼ ഒരു നിർദിഷ്ട മാസികാ ഓർഡർ ഉണ്ടായി​രി​ക്കുക: ഓരോ ലക്കത്തി​ന്റെ​യും ഒരു നിർദിഷ്ട എണ്ണം കോപ്പി​കൾക്കു വേണ്ടി, മാസി​കകൾ കൈകാ​ര്യം ചെയ്യുന്ന സഹോ​ദ​രന്റെ പക്കൽ ഒരു സുനി​ശ്ചിത ഓർഡർ കൊടു​ക്കുക. ആ വിധത്തിൽ നിങ്ങൾക്കും നിങ്ങളു​ടെ കുടും​ബ​ത്തി​നും ക്രമമായ, വേണ്ടത്ര മാസി​ക​ക​ളു​ടെ ശേഖരം ഉണ്ടായി​രി​ക്കും.

◼ പതിവായ ഒരു മാസി​കാ​ദി​വസം പട്ടിക​പ്പെ​ടു​ത്തുക: പല സഭകളും മുഖ്യ​മാ​യി മാസികാ സാക്ഷീ​ക​ര​ണ​ത്തി​നു വേണ്ടി ഒരു നിർദിഷ്ട ദിവസം മാറ്റി​വെ​ച്ചി​ട്ടുണ്ട്‌. സഭയുടെ മാസി​കാ​ദി​വ​സത്തെ നിങ്ങൾക്കു പിന്താ​ങ്ങാൻ കഴിയു​മോ? ഇല്ലെങ്കിൽ, കുറെ സേവന സമയം മാസികാ തെരുവു സാക്ഷീ​ക​ര​ണ​ത്തി​നും മാസി​കകൾ വ്യക്തി​ഗ​ത​മാ​യി വിതരണം ചെയ്യു​ന്ന​തി​നു​മാ​യി ഉപയോ​ഗി​ക്കാൻ ഇടയ്‌ക്കി​ട​യ്‌ക്കു ശ്രമി​ക്കുക. ഈ രണ്ടു രീതി​ക​ളും വീടു​തോ​റും അതു​പോ​ലെ മാസി​കാ​റൂ​ട്ടു​ക​ളി​ലും ആകാം.

◼ “വീക്ഷാ​ഗോ​പു​രം,” “ഉണരുക!” ബോധ​മു​ള്ള​വ​രാ​യി​രി​ക്കുക: യാത്ര ചെയ്യു​മ്പോ​ഴോ സാധനങ്ങൾ വാങ്ങാൻ പോകു​മ്പോ​ഴോ മാസി​ക​ക​ളു​ടെ പ്രതി​ക​ളും കൂടെ കൊണ്ടു​പോ​കുക. സഹജോ​ലി​ക്കാർ, അയൽക്കാർ, സഹപാ​ഠി​കൾ, അല്ലെങ്കിൽ അധ്യാ​പകർ എന്നിവ​രോ​ടൊ​ക്കെ സംസാ​രി​ക്കു​മ്പോൾ അവ സമർപ്പി​ക്കുക. മിക്ക​പ്പോ​ഴും യാത്ര ചെയ്യാ​റുള്ള ഒരു ദമ്പതികൾ തങ്ങളുടെ അടുത്തി​രി​ക്കുന്ന യാത്ര​ക്കാ​ര​നു​മാ​യി/യാത്ര​ക്കാ​രി​യു​മാ​യി സംഭാ​ഷ​ണ​ത്തി​നു തുടക്ക​മി​ടു​ന്ന​തിന്‌ അടുത്ത കാലത്തെ മാസി​ക​ക​ളിൽനി​ന്നുള്ള ഒരു വിഷയം എടുത്തി​ടു​ന്നു. അവർ സന്തോ​ഷ​ക​ര​മായ പല അനുഭ​വ​ങ്ങ​ളും ആസ്വദി​ച്ചി​ട്ടുണ്ട്‌. ചില യുവജ​നങ്ങൾ, തങ്ങളുടെ അധ്യാ​പ​കർക്ക്‌ അല്ലെങ്കിൽ സഹവി​ദ്യാർഥി​കൾക്കു താത്‌പ​ര്യ​ജ​ന​ക​മെന്നു വിചാ​രി​ക്കുന്ന ലേഖന​ങ്ങ​ള​ട​ങ്ങിയ മാസി​കകൾ സ്‌കൂ​ളിൽ കൊണ്ടു​പോ​കാ​റുണ്ട്‌. നിങ്ങളു​ടെ അടുത്തുള്ള കടയിൽ പോകു​മ്പോൾപോ​ലും മാസി​ക​ക​ളു​ടെ പ്രതികൾ കൂടെ കൊണ്ടു​പോ​കുക. എന്നിട്ട്‌ നിങ്ങൾ സാധനങ്ങൾ വാങ്ങി​ക്ക​ഴി​യു​മ്പോൾ അവ കടക്കാർക്കു സമർപ്പി​ക്കുക. നമ്മിൽ പലരും വണ്ടിയിൽ പതിവാ​യി പെ​ട്രോൾ നിറയ്‌ക്കാ​റുണ്ട്‌; പെ​ട്രോൾ പമ്പിലുള്ള ആൾക്ക്‌ എന്തു​കൊ​ണ്ടു മാസി​കകൾ സമർപ്പി​ച്ചു​കൂ​ടാ? ബന്ധുക്കൾ സന്ദർശി​ക്കു​മ്പോൾ, പൊതു​വാ​ഹ​ന​ങ്ങ​ളിൽ സഞ്ചരി​ക്കു​മ്പോൾ, അല്ലെങ്കിൽ നിങ്ങൾ ആർക്കെ​ങ്കി​ലും വേണ്ടി കാത്തി​രി​ക്കു​മ്പോൾ, പെട്ടെന്ന്‌ എടുക്കാ​വുന്ന സ്ഥാനത്തു മാസി​കകൾ വെക്കുക. അനു​യോ​ജ്യ​മായ മറ്റവസ​ര​ങ്ങ​ളെ​ക്കു​റി​ച്ചു നിങ്ങൾക്കു ചിന്തി​ക്കാൻ കഴിയു​മോ?

◼ ഹ്രസ്വ​മായ ഒരു മാസി​കാ​വ​ത​രണം തയ്യാറാ​വുക: കുറച്ചു മാത്രം സംസാ​രി​ക്കാൻ ആസൂ​ത്രണം ചെയ്യുക, എന്നാൽ പറയു​ന്നതു നന്നായി പറയു​ക​തന്നെ വേണം. ഉത്സാഹ​മു​ള്ള​വ​നാ​യി​രി​ക്കുക. ആളുക​ളു​ടെ ഹൃദയത്തെ ഉണർത്തുക. വാരി​വ​ലി​ച്ചു പറയാ​തി​രി​ക്കുക. ഒരു ലേഖന​ത്തിൽനിന്ന്‌ ഏതെങ്കി​ലും ഒരാശ​യ​മെ​ടു​ത്തു ചുരു​ങ്ങിയ വാക്കു​ക​ളിൽ പറഞ്ഞിട്ട്‌ മാസി​കകൾ സമർപ്പി​ക്കുക. താത്‌പ​ര്യ​മു​ള​വാ​ക്കുന്ന ഒരു വിഷയം സംബന്ധി​ച്ചു ചോദ്യ​മു​ന്ന​യി​ക്കുക, എന്നിട്ടു തിരു​വെ​ഴു​ത്തു​പ​ര​മായ ഉത്തരം നൽകുന്ന ഒരു ലേഖനം ചൂണ്ടി​ക്കാ​ട്ടുക. അതാണു മാസി​കകൾ സമർപ്പി​ക്കു​ന്ന​തി​നുള്ള ഉത്തമ മാർഗം. ഇത്‌ എങ്ങനെ ചെയ്യാൻ കഴിയു​മെ​ന്ന​തി​നു ചില ഉദാഹ​ര​ണങ്ങൾ പരിചി​ന്തി​ക്കുക:

³ വർധി​ച്ചു​വ​രുന്ന കുറ്റകൃ​ത്യ​നി​ര​ക്കി​നെ​ക്കു​റി​ച്ചുള്ള ഒരു ലേഖന​മാ​ണു വിശേ​ഷ​വ​ത്‌ക​രി​ക്കു​ന്ന​തെ​ങ്കിൽ, ഇങ്ങനെ പറയാ​വു​ന്ന​താണ്‌:

◼“കുറ്റകൃ​ത്യ​ത്തെ​ക്കു​റി​ച്ചുള്ള ഭയം കൂടാതെ രാത്രി​യിൽ നമുക്ക്‌ ഉറങ്ങാൻ സാധി​ക്ക​ണ​മെ​ങ്കിൽ എന്താണ്‌ ആവശ്യ​മാ​യി​രി​ക്കു​ന്നത്‌?” സംഗതി​കൾ മെച്ച​പ്പെ​ടു​മെ​ന്നതു സംബന്ധി​ച്ചു വീട്ടു​കാ​രന്‌ ഒരുപക്ഷേ ശുഭ​പ്ര​തീക്ഷ കാണി​ല്ലാ​യി​രി​ക്കാം. അനേക​രും അങ്ങനെ​ത​ന്നെ​യാ​ണു വിചാ​രി​ക്കു​ന്ന​തെ​ന്നും അയാൾക്കു താത്‌പ​ര്യ​ജ​ന​ക​മാ​യി​രി​ക്കു​മെന്നു കരുതുന്ന ചില കാര്യങ്ങൾ നിങ്ങളു​ടെ പക്കലു​ണ്ടെ​ന്നും മറുപടി പറയാ​വു​ന്ന​താണ്‌. എന്നിട്ടു ലേഖന​ത്തി​ലെ ഉചിത​മായ ഒരാശയം പരാമർശി​ക്കുക.

⁴ കുടും​ബ​ജീ​വി​ത​ത്തെ​ക്കു​റി​ച്ചു പ്രതി​പാ​ദി​ക്കുന്ന ഒരു ലേഖനം സമർപ്പി​ക്കു​മ്പോൾ ഇങ്ങനെ പറയാ​വു​ന്ന​താണ്‌:

◼“അഹോ​വൃ​ത്തി​ക്കുള്ള വക സമ്പാദി​ക്കു​ക​യും ഒരു കുടും​ബത്തെ പോറ്റി​പ്പു​ലർത്തു​ക​യും ചെയ്യു​ന്നത്‌ ഇക്കാലത്ത്‌ ഒരു യഥാർഥ വെല്ലു​വി​ളി​യാ​ണെന്നു പല ആളുക​ളും മനസ്സി​ലാ​ക്കു​ന്നു. പ്രസ്‌തുത വിഷയ​ത്തെ​ക്കു​റിച്ച്‌ അനവധി പുസ്‌ത​കങ്ങൾ എഴുത​പ്പെ​ട്ടി​ട്ടുണ്ട്‌, എന്നാൽ നമ്മുടെ പ്രശ്‌ന​ങ്ങൾക്കുള്ള പരിഹാ​ര​മാർഗങ്ങൾ സംബന്ധി​ച്ചു വിദഗ്‌ധർപോ​ലും യോജി​ക്കു​ന്നില്ല. ആശ്രയ​യോ​ഗ്യ​മായ മാർഗ​നിർദേ​ശ​ത്തി​നു വേണ്ടി നമുക്കു പോകാൻ കഴിയുന്ന ഏതെങ്കി​ലും ഇടമു​ണ്ടോ?” എന്നിട്ടു മാസി​ക​യി​ലുള്ള ഒരു നിർദിഷ്ട അഭി​പ്രാ​യ​ത്തി​ലേക്കു വിരൽചൂ​ണ്ടുക.

⁵ ഒരു സാമൂ​ഹിക പ്രശ്‌ന​ത്തെ​ക്കു​റി​ച്ചു പ്രതി​പാ​ദി​ക്കുന്ന ലേഖനം വിശേ​ഷ​വ​ത്‌ക​രി​ക്കു​മ്പോൾ ഈ സമീപനം സ്വീക​രി​ക്കാ​വു​ന്ന​താണ്‌:

◼“മിക്കവ​രും ഇന്നു സമ്മർദ​മ​നു​ഭ​വി​ക്കു​ന്ന​വ​രാണ്‌. നമ്മൾ ഇങ്ങനെ ജീവി​ക്കാൻ ദൈവം ഒരിക്ക​ലും ഉദ്ദേശി​ച്ചി​രു​ന്നില്ല.” എന്നിട്ട്‌, ആ ലേഖന​ത്തി​ലുള്ള വിവര​ങ്ങൾക്കു ജീവി​ത​ത്തി​ലെ പ്രശ്‌ന​ങ്ങളെ ഇപ്പോൾ തരണം ചെയ്യാൻ എങ്ങനെ നമ്മെ സഹായി​ക്കാൻ കഴിയു​മെ​ന്നും ഭാവി​യി​ലെ സ്ഥായി​യായ ഒരു പരിഹാ​രം സംബന്ധിച്ച പ്രത്യാശ എങ്ങനെ നൽകാൻ കഴിയു​മെ​ന്നും കാട്ടി​ക്കൊ​ടു​ക്കുക.

⁶ തെരുവു സാക്ഷീ​ക​രണം ഫലപ്രദം: മാസി​കകൾ ഉപയോ​ഗി​ച്ചുള്ള തെരുവു സാക്ഷീ​ക​ര​ണ​ത്തി​നു വേണ്ടി വാരത്തിൽ ഒരു പ്രത്യേക ദിവസം പട്ടിക​പ്പെ​ടു​ത്താൻ പ്രസാ​ധ​കരെ ആദ്യമാ​യി പ്രോ​ത്സാ​ഹി​പ്പി​ച്ചത്‌ ഇൻഫോർമൻറി​ന്റെ (നമ്മുടെ രാജ്യ ശുശ്രൂ​ഷ​യു​ടെ) 1940 ജനുവരി ലക്കത്തി​ലൂ​ടെ​യാ​യി​രു​ന്നു. നിങ്ങൾ ഇടയ്‌ക്കി​ടെ തെരുവു സാക്ഷീ​ക​ര​ണ​ത്തിൽ ഏർപ്പെ​ടാ​റു​ണ്ടോ? ഉണ്ടെങ്കിൽ, നിങ്ങൾ ഉപയോ​ഗി​ക്കുന്ന രീതി വാസ്‌ത​വ​ത്തിൽ ഫലപ്ര​ദ​മാ​ണോ? ചില പ്രസാ​ധകർ പരസ്‌പരം സംസാ​രി​ച്ചു​കൊണ്ട്‌ ഒരു തെരു​ക്കോ​ണിൽ നിൽക്കവേ അനേക​മാ​ളു​കൾ ശ്രദ്ധി​ക്ക​പ്പെ​ടാ​തെ കടന്നു​പോ​കു​ന്ന​താ​യി നിരീ​ക്ഷി​ക്ക​പ്പെ​ട്ടി​ട്ടുണ്ട്‌. മാസി​ക​ക​ളു​മാ​യി അടുത്ത​ടു​ത്തു നിൽക്കു​ന്ന​തി​നു പകരം, വേറി​ട്ടു​നിന്ന്‌ ആളുകളെ സമീപി​ക്കു​ന്നതു കൂടുതൽ ഫലപ്ര​ദ​മാണ്‌. സമീപി​ക്കു​ന്നത്‌ ഒരാൾ മാത്ര​മാ​ണെ​ങ്കിൽ അപരി​ചി​തർ അൽപ്പ​നേരം നിന്നു കേൾക്കാൻ സാധ്യ​ത​യുണ്ട്‌. എന്നാൽ സംഭാ​ഷ​ണ​ത്തിൽ മുഴു​കി​യി​രി​ക്കുന്ന ഒരു കൂട്ടമാ​ളു​ക​ളു​ടെ അടുക്കൽ ചെല്ലാൻ അധികം യാത്ര​ക്കാ​രും മുതി​രാ​റില്ല. തെരു​വിൽവെച്ചു നാം വളരെ ശ്രദ്ധയ്‌ക്കു പാത്ര​മാ​കു​മെ​ന്ന​തു​കൊണ്ട്‌, ദൈവ​ത്തി​ന്റെ ശുശ്രൂ​ഷ​കർക്കു യോജിച്ച വിധത്തിൽ ചമഞ്ഞൊ​രു​ങ്ങേ​ണ്ട​തി​ന്റെ​യും മാന്യ​മാ​യി വസ്‌ത്ര​ധാ​രണം ചെയ്യേ​ണ്ട​തി​ന്റെ​യും പ്രത്യേക ആവശ്യ​മുണ്ട്‌.—1 തിമൊ. 2:9, 10.

⁷ വീടു​കൾതോ​റു​മുള്ള മാസി​കാ​വി​ത​രണം: തെരുവു സാക്ഷീ​ക​രണം മാത്രമല്ല മാസി​കകൾ സമർപ്പി​ക്കു​ന്ന​തി​നുള്ള മാർഗം. വീടു​തോ​റു​മുള്ള ശുശ്രൂ​ഷ​യി​ലും അവ സമർപ്പി​ക്കാൻ സാധി​ക്കും, അങ്ങനെ ചെയ്യേ​ണ്ട​തു​മാണ്‌. ആളുകളെ വീടു​ക​ളിൽ സന്ദർശി​ക്കു​മ്പോൾ, മൂന്നു​മു​തൽ എട്ടുവരെ മിനി​റ്റാ​ണു നാം സാധാ​ര​ണ​മാ​യി സംസാ​രി​ക്കാ​റു​ള്ളത്‌. അപ്പോൾ ഒന്നോ രണ്ടോ തിരു​വെ​ഴു​ത്തു​കൾ ഉപയോ​ഗി​ക്കു​ക​യും ആ മാസ​ത്തേക്കു നിർദേ​ശി​ച്ചി​രി​ക്കുന്ന സമർപ്പണ ഇനം, പുസ്‌ത​ക​മോ ചെറു​പു​സ്‌ത​ക​മോ വരിസം​ഖ്യ​യോ എന്തായി​രു​ന്നാ​ലും, അതു സമർപ്പി​ക്കു​ക​യും ചെയ്യുന്നു. എന്നാൽ സഭ മാസി​കാ​ദി​വസം ക്രമീ​ക​രി​ക്കു​മ്പോൾ, (പല സഭകളും അതു ചെയ്യു​ന്നത്‌ എല്ലാ ശനിയാ​ഴ്‌ച​യു​മാണ്‌,) ഉച്ചകഴി​ഞ്ഞു തെരു​വു​വേ​ല​യിൽ ഏർപ്പെ​ടാൻ നിങ്ങൾക്കു തീരു​മാ​നി​ക്കാ​വു​ന്ന​താണ്‌, എന്നാൽ രാവിലെ മാസി​കകൾ മാത്രം സമർപ്പി​ച്ചു​കൊ​ണ്ടു വീടു​തോ​റു​മുള്ള വേലയിൽ ഏർപ്പെ​ടണം. അത്തരം മാസി​കാ​വേ​ല​യു​ടെ സമയത്തു വീട്ടു​വാ​തിൽക്ക​ലുള്ള നമ്മുടെ അവതരണം ഹ്രസ്വ​മാ​യി​രി​ക്കും—30 മുതൽ 60 വരെ സെക്കൻറു മാത്രം. മാത്രമല്ല, മാസി​കകൾ സാധാ​ര​ണ​മാ​യി കൊടു​ക്കു​ന്നതു തിരു​വെ​ഴു​ത്തു​കൾ വായി​ക്കാ​തെ​യു​മാ​യി​രി​ക്കും. വീട്ടു​കാ​രൻ താത്‌പ​ര്യം കാണി​ച്ചു​വെ​ങ്കിൽ അതു കുറി​ച്ചു​വെ​ക്കു​ക​യും താത്‌പ​ര്യം കാണിച്ച വ്യക്തി​കളെ മടങ്ങി​ച്ചെന്നു സന്ദർശി​ക്കു​ക​യും വേണം. അല്ലെങ്കിൽ പിന്നീ​ടൊ​രു ദിവസം പ്രസ്ഥാന സാഹി​ത്യം ഉപയോ​ഗി​ച്ചു കുറേ​ക്കൂ​ടെ സാവധാ​നം അതേ പ്രദേ​ശ​ത്തു​തന്നെ പ്രവർത്തി​ക്കാ​വു​ന്ന​താണ്‌. എന്നാൽ വീടു​തോ​റും നടത്തുന്ന ത്വരി​ത​ഗ​തി​യി​ലുള്ള മാസി​കാ​വേ​ല​യു​ടെ മൂല്യം ഒരിക്ക​ലും താഴ്‌ത്തി മതിക്ക​രുത്‌. വാസ്‌ത​വ​ത്തിൽ, തെരുവു സാക്ഷീ​ക​ര​ണ​ത്തോ​ടു താരത​മ്യം ചെയ്യു​മ്പോൾ വീട്ടു​വാ​തിൽക്കൽ മാസി​കകൾ സമർപ്പി​ക്കു​ന്നതു തുടക്ക​മി​ടുക കൂടുതൽ എളുപ്പ​മാ​ക്കി​ത്തീർക്കു​ന്നു:

⁸ മാസി​കാ​റൂ​ട്ടു​കൾ: പ്രദേ​ശങ്ങൾ പതിവാ​യി പ്രവർത്തി​ച്ചു തീർക്കു​ന്ന​താ​ണെ​ങ്കിൽ പോലും മാസി​കാ​റൂ​ട്ടു​ള്ളവർ അനേകം മാസി​കകൾ സമർപ്പി​ക്കാ​റുണ്ട്‌. ഭാവി ഭവന ബൈബി​ള​ധ്യ​യ​ന​ങ്ങ​ളു​ടെ ഒരു മികച്ച ഉറവി​ട​മാ​ണു മാസി​കാ​റൂ​ട്ടു​കൾ.

⁹ മാസി​കകൾ കൊടു​ക്കു​ന്ന​തി​നു പതിവാ​യി മടക്കസ​ന്ദർശ​നങ്ങൾ നടത്തു​മ്പോൾ, വീട്ടു​കാ​ര​നും നിങ്ങൾക്കു​മി​ട​യി​ലുള്ള ഊഷ്‌മ​ള​ത​യും സൗഹൃ​ദ​വും വളരു​ന്ന​താ​യി നിങ്ങൾ മനസ്സി​ലാ​ക്കും. നിങ്ങളി​രു​വ​രും കൂടുതൽ പരിച​യ​മു​ള്ള​വ​രാ​കും​തോ​റും തിരു​വെ​ഴു​ത്തു വിഷയ​ങ്ങ​ളെ​ക്കു​റി​ച്ചു സംഭാ​ഷണം നടത്തുക കൂടുതൽ എളുപ്പ​മാ​യി​ത്തീ​രും. ഫലപ്ര​ദ​മായ ഒരു ബൈബി​ള​ധ്യ​യനം തുടങ്ങു​ന്ന​തി​ലേക്ക്‌ അതിനു നയിക്കാൻ കഴിയും. മാസി​ക​ക​ളോ​ടു വ്യക്തമായ വിലമ​തി​പ്പു കാണി​ക്കു​ന്നി​ടത്തു സന്ദർശ​നങ്ങൾ നടത്തു​മ്പോൾ വരിസം​ഖ്യ കൊടു​ക്കുക. മാത്രമല്ല, ഓരോ പ്രാവ​ശ്യ​വും വീട്ടു​കാ​ര​നു​മാ​യി ബന്ധപ്പെ​ടു​മ്പോൾ നിങ്ങൾക്ക്‌ ഒരു മടക്കസ​ന്ദർശനം റിപ്പോർട്ടു ചെയ്യാ​മെ​ന്നത്‌ ഓർമി​ക്കുക.

¹⁰ ഒരു സഹോ​ദരി ഒരു വനിത​യ്‌ക്കു മാസി​കകൾ കൊണ്ടു​പോ​യി കൊടു​ക്കുക പതിവാ​യി​രു​ന്നു. അവർ അവ എപ്പോ​ഴും സ്വീക​രി​ക്കു​ക​യും ചെയ്‌തി​രു​ന്നു. എങ്കിലും, “നിങ്ങളീ പറയുന്ന കാര്യ​ങ്ങ​ളി​ലൊ​ന്നും എനിക്കു വിശ്വാ​സ​മില്ല” എന്ന്‌ ആ വനിത പറഞ്ഞു. പിന്നീ​ടൊ​രി​ക്കൽ സന്ദർശി​ച്ച​പ്പോൾ, സഹോ​ദരി ആ വനിത​യു​ടെ ഭർത്താ​വി​നെ അവരുടെ വീട്ടിൽവെച്ചു കണ്ടുമു​ട്ടി. ഒരു സൗഹൃദ സംഭാ​ഷ​ണ​ത്തി​നു​ശേഷം, ഒരു ബൈബി​ള​ധ്യ​യ​ന​ത്തി​നുള്ള ക്രമീ​ക​ര​ണങ്ങൾ ചെയ്‌തു. അധ്യയ​ന​ത്തിൽ ചേരാൻ വന്ന മൂന്നു പുത്ര​ന്മാ​രു​മാ​യി ആ സഹോ​ദരി സൗഹൃ​ദ​ത്തി​ലാ​യി. കാല​ക്ര​മേണ, ആ മാതാ​വും അവരുടെ പുത്ര​ന്മാ​രും യഹോ​വ​യ്‌ക്കു തങ്ങളുടെ ജീവിതം സമർപ്പി​ച്ചു സ്‌നാ​പ​ന​മേറ്റു. ഇന്നോളം, ആ കുടും​ബ​ത്തി​ലെ 35 അംഗങ്ങൾ സത്യം സ്വീക​രി​ച്ചി​രി​ക്കു​ന്നു. ഇതി​നെ​ല്ലാം കാരണ​മോ, ആ സഹോ​ദരി മാസി​കാ​റൂട്ട്‌ നടത്തി​യ​തും!

¹¹ മാസി​കാ​റൂട്ട്‌ തുടങ്ങു​ന്ന​തിന്‌ അനേകം മാർഗ​ങ്ങ​ളുണ്ട്‌. നിങ്ങളു​ടെ സമർപ്പ​ണ​ങ്ങ​ളെ​ക്കു​റി​ച്ചുള്ള ഒരു രേഖ സൂക്ഷി​ച്ചു​വെ​ക്കു​ക​യും ഓരോ രണ്ടാഴ്‌ച കൂടു​മ്പോ​ഴും ഏറ്റവും പുതിയ ലക്കങ്ങളു​മാ​യി മടങ്ങി​ച്ചെ​ല്ലാൻ ക്രമീ​ക​രണം നടത്തു​ക​യും ചെയ്യു​ക​വഴി നിങ്ങൾക്ക്‌ ഒരു റൂട്ട്‌ തുടങ്ങാ​വു​ന്ന​താണ്‌. “ഞങ്ങളുടെ അടുത്ത ലക്കത്തിൽ” എന്നതിൻ കീഴി​ലുള്ള വിവരങ്ങൾ ഉപയോ​ഗ​പ്പെ​ടു​ത്തു​ക​യാണ്‌ ഒരു മാർഗം. മടങ്ങി​ച്ചെ​ല്ലു​മ്പോൾ, നിങ്ങൾ മുമ്പു പരാമർശിച്ച ലേഖന​മുള്ള മാസിക കൈവ​ശ​മു​ണ്ടെന്നു വീട്ടു​കാ​ര​നോ​ടു പറയുക. അല്ലെങ്കിൽ മടക്കസ​ന്ദർശനം നടത്തു​മ്പോൾ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌: “ഞാൻ ഈ ലേഖനം വായിച്ചു, അപ്പോൾ കരുതി അതു നിങ്ങൾക്കും പ്രയോ​ജ​ന​പ്ര​ദ​മാ​യി​രി​ക്കു​മെന്ന്‌ . . .” എന്നിട്ടു ലേഖന​ത്തെ​ക്കു​റി​ച്ചു ചുരു​ക്ക​മായ ചില അഭി​പ്രാ​യങ്ങൾ നടത്തി​യ​ശേഷം അതു സമർപ്പി​ക്കുക. സന്ദർശനം പൂർത്തി​യാ​ക്കി​ക്ക​ഴി​യു​മ്പോൾ, നിങ്ങളു​ടെ വീടു​തോ​റു​മുള്ള രേഖയിൽ ലളിത​മായ അഞ്ചു കാര്യങ്ങൾ രേഖ​പ്പെ​ടു​ത്തുക: (1) വീട്ടു​കാ​രന്റെ പേര്‌, (2) വീട്ടു​കാ​രന്റെ മേൽവി​ലാ​സം, (3) സന്ദർശന തീയതി, (4) സമർപ്പിച്ച ലക്കങ്ങൾ, (5) വിശേ​ഷ​വ​ത്‌ക​രിച്ച ലേഖനം. മാസികാ റൂട്ടുകൾ നേടി​യെ​ടു​ക്കുന്ന കാര്യ​ത്തിൽ ചില പ്രസാ​ധ​കർക്കു വളരെ​യ​ധി​കം വിജയം കൈവ​രി​ക്കാൻ കഴിഞ്ഞി​ട്ടുണ്ട്‌. അവരുടെ ലിസ്റ്റിൽ 40-ഓ അതിൽ കൂടു​ത​ലോ സന്ദർശ​ന​ങ്ങ​ളുണ്ട്‌!

¹² ബിസി​നസ്‌ പ്രദേശം: ബിസി​നസ്‌ പ്രദേ​ശ​ങ്ങ​ളിൽ പ്രവർത്തി​ക്കുന്ന പ്രസാ​ധകർ ധാരാളം മാസി​കകൾ സമർപ്പി​ക്കാ​റുണ്ട്‌. കടകൾതോ​റു​മുള്ള പ്രവർത്തനം നിങ്ങൾ പരീക്ഷി​ച്ചു​നോ​ക്കി​യി​ട്ടു​ണ്ടോ? ചില സഭകളിൽ, സേവന​ത്തി​ന്റെ ഈ രംഗത്തുള്ള പങ്കുപറ്റൽ വളരെ പരിമി​ത​മാ​ണെന്നു റിപ്പോർട്ടു​കൾ സൂചി​പ്പി​ക്കു​ന്നു. ആദ്യ​മൊ​ക്കെ, ബിസി​ന​സു​കാ​രെ സന്ദർശി​ക്കാൻ ചിലർക്കു മടിയാണ്‌, എന്നാൽ ഏതാനും തവണ പരീക്ഷി​ച്ചു​നോ​ക്കി​ക്ക​ഴി​യു​മ്പോൾ, അതു രസാവ​ഹ​വും പ്രതി​ഫ​ല​ദാ​യ​ക​വു​മാ​ണെന്ന്‌ അവർ കണ്ടെത്തു​ന്നു. അതു ചെയ്‌തു തുടങ്ങു​ന്ന​തി​നു നിങ്ങളെ സഹായി​ക്കാൻ പരിചയ സമ്പന്നനായ ഒരു പ്രസാ​ധ​ക​നോ​ടോ ഒരു പയനി​യ​റോ​ടോ നിങ്ങൾക്ക്‌ എന്തു​കൊണ്ട്‌ ആവശ്യ​പ്പെ​ട്ടു​കൂ​ടാ?

¹³ കടകൾതോ​റും പ്രവർത്തി​ക്കു​ന്ന​തി​നാൽ ധാരാളം പ്രയോ​ജ​ന​ങ്ങ​ളുണ്ട്‌. ചുരു​ങ്ങി​യ​പക്ഷം ബിസി​നസ്‌ നടക്കുന്ന സമയ​ത്തെ​ങ്കി​ലും കടകളിൽ ആളില്ലാ​തെ വരുന്നത്‌ വളരെ അപൂർവ​മാ​യി​രി​ക്കും! പ്രത്യേ​ക​മായ താത്‌പ​ര്യം ഇല്ലെങ്കിൽപോ​ലും സാധാ​ര​ണ​ഗ​തി​യിൽ ബിസി​ന​സു​കാ​രും കടക്കാ​രും മര്യാ​ദ​യു​ള്ള​വ​രാണ്‌. നേര​ത്തെ​തന്നെ തുടങ്ങുക; അപ്പോൾ നിങ്ങൾക്കു നല്ല സ്വീക​രണം ലഭിക്കാൻ സാധ്യ​ത​യുണ്ട്‌. സ്വയം പരിച​യ​പ്പെ​ടു​ത്തി​യ​ശേഷം, ബിസി​ന​സു​കാ​രെ വീട്ടിൽ കാണു​ന്നത്‌ അപൂർവ​മാ​ണെ​ന്നും അതു​കൊ​ണ്ടു വീക്ഷാ​ഗോ​പു​ര​ത്തി​ന്റെ​യും ഉണരുക!യുടെ​യും ഏറ്റവും പുതിയ ലക്കങ്ങൾ സമർപ്പി​ക്കാൻ അവരുടെ ജോലി​സ്ഥ​ലത്ത്‌ ഏതാനും നിമി​ഷങ്ങൾ സന്ദർശി​ക്കു​ക​യാ​ണെ​ന്നും നിങ്ങൾക്കു പറയാ​വു​ന്ന​താണ്‌. വായി​ക്കാൻ സമയക്കു​റ​വു​ള്ള​തു​കൊ​ണ്ടും എന്നാൽ ലോക​ത്തി​ലെ ഏറ്റവും പുതിയ സംഭവ​ഗ​തി​കൾ അറിഞ്ഞി​രി​ക്കേണ്ട ആവശ്യ​മു​ള്ള​തു​കൊ​ണ്ടും പല ബിസി​ന​സു​കാ​രും നമ്മുടെ മാസി​കകൾ വിലമ​തി​ക്കു​ന്നു​വെന്നു ചൂണ്ടി​ക്കാ​ണി​ക്കുക. ഈ മാസി​കകൾ മതപര​മോ രാഷ്ട്രീ​യ​മോ വാണി​ജ്യ​പ​ര​മോ ആയ മുൻവി​ധി​ക​ളൊ​ന്നും കൂടാതെ ഒരു പുത്തൻ വീക്ഷണ​കോ​ണ​ത്തിൽനി​ന്നു ചിന്തോ​ദ്ദീ​പ​ക​മായ വിവരങ്ങൾ പ്രദാനം ചെയ്യുന്നു. ബിസി​നസ്‌ പ്രദേ​ശ​ത്തുള്ള താത്‌പ​ര്യ​ക്കാർക്കാ​യി ഒരു മാസി​കാ​റൂട്ട്‌ വികസി​പ്പി​ച്ചെ​ടു​ക്കാ​വു​ന്ന​താണ്‌.

¹⁴ ഒരു കുടും​ബ​മെ​ന്ന​നി​ല​യിൽ ഒരുങ്ങുക: നിങ്ങളു​ടെ പ്രദേ​ശത്ത്‌, ഏറ്റവും പുതിയ മാസി​ക​ക​ളി​ലെ ഏതു ലേഖന​ങ്ങ​ളാ​യി​രി​ക്കും ഉപയോ​ഗി​ക്കാൻ അനു​യോ​ജ്യ​മാ​യി​രി​ക്കു​ന്ന​തെന്നു ചർച്ച ചെയ്യാൻ, നിങ്ങളു​ടെ കുടും​ബാ​ധ്യ​യന സമയത്ത്‌ അൽപ്പ സമയം മാറ്റി​വെ​ക്കാ​വു​ന്ന​താണ്‌. കുട്ടികൾ ഉൾപ്പെടെ കുടും​ബാം​ഗ​ങ്ങൾക്കു തങ്ങളുടെ അവതര​ണങ്ങൾ മാറി​മാ​റി അവതരി​പ്പി​ച്ചു പരിശീ​ലി​ക്കാ​വു​ന്ന​താണ്‌. “ഞാൻ തിരക്കി​ലാണ്‌,” “ഞങ്ങൾക്കു സ്വന്തം മതമുണ്ട്‌,” അല്ലെങ്കിൽ “എനിക്കു താത്‌പ​ര്യ​മില്ല” എന്നിങ്ങ​നെ​യൊ​ക്കെ​യുള്ള ആളുക​ളു​ടെ പൊതു​വായ തടസ്സവാ​ദ​ങ്ങളെ മറിക​ട​ക്കാ​നും അവർക്കു പരിശീ​ലി​ക്കാ​നാ​കും. മാസി​കാ​വി​ത​ര​ണ​ത്തിൽ മുഴു കുടും​ബ​ത്തി​നും ക്രമമായ പങ്കുണ്ടാ​യി​രി​ക്കു​ന്നതു സാധ്യ​മാ​ക്കി​ത്തീർക്കാൻ നല്ല സഹകര​ണ​ത്തി​നു കഴിയും.

¹⁵ പുസ്‌ത​കാ​ധ്യ​യന നിർവാ​ഹ​കനു സഹായി​ക്കാ​നാ​കും: സഭയി​ലുള്ള എല്ലാവ​രും രാജ്യ​ഹാ​ളിൽ കൂടി​വ​രു​ന്ന​തി​നു പകരം, പ്രാ​യോ​ഗി​ക​മാ​യി​രി​ക്കു​മ്പോ​ഴൊ​ക്കെ പുസ്‌ത​കാ​ധ്യ​യന സ്ഥലത്തു​വെ​ച്ചോ പ്രവർത്തി​ക്കുന്ന സ്ഥലത്തി​ന​ടു​ത്തുള്ള ഒരു പ്രസാ​ധ​കന്റെ വീട്ടിൽവെ​ച്ചോ മാസി​കാ​ദി​വ​സത്തെ വയൽസേവന യോഗങ്ങൾ നടത്തു​ന്ന​തി​നു പട്ടിക​പ്പെ​ടു​ത്തുക. വയൽസേ​വ​ന​യോ​ഗ​ത്തി​ന്റെ ഉത്തരവാ​ദി​ത്വം വഹിക്കു​ന്നവർ കൂട്ടത്തി​നു വേണ്ടി നിർദി​ഷ്ട​മായ നിർദേ​ശങ്ങൾ സഹിതം നല്ലവണ്ണം തയ്യാറാ​യി​രി​ക്കണം. ഒരു മാതൃകാ അവതര​ണ​വും ആ പ്രദേ​ശ​ത്തു​ള്ള​വ​രു​ടെ താത്‌പ​ര്യം ഉണർത്താൻ ഉപയോ​ഗി​ക്കാ​വുന്ന അടുത്ത കാലത്തെ മാസി​ക​ക​ളിൽനി​ന്നുള്ള ഒന്നോ രണ്ടോ ആശയങ്ങ​ളും അവയിൽ ഉൾപ്പെ​ടു​ത്താ​വു​ന്ന​താണ്‌. കൂട്ടത്തെ സംഘടി​പ്പി​ക്കു​ന്നത്‌ ഉൾപ്പെടെ, വയൽസേവന യോഗങ്ങൾ ഹ്രസ്വ​മാ​യി​രി​ക്കണം, അവ 10-ഓ 15-ഓ മിനി​റ്റിൽ കവിയാൻ പാടില്ല. വയൽസേവന സമയം മുഴു​വ​നും കൂട്ടത്തി​നു തിര​ക്കോ​ടെ പ്രവർത്തി​ക്കാൻ കഴി​യേ​ണ്ട​തി​നു വേണ്ടത്ര പ്രദേശം ഉണ്ടെന്നു പുസ്‌ത​കാ​ധ്യ​യന നിർവാ​ഹകർ ഉറപ്പു​വ​രു​ത്തണം.

¹⁶ മാസി​ക​ക​ളോ​ടു വിലമ​തി​പ്പു പ്രകട​മാ​ക്കുക: 1993 ജൂ​ലൈ​യി​ലെ നമ്മുടെ രാജ്യ ശുശ്രൂ​ഷ​യിൽ പ്രസി​ദ്ധീ​ക​രിച്ച, “വീക്ഷാ​ഗോ​പു​ര​വും ഉണരുക!യും നന്നായി ഉപയോ​ഗ​പ്പെ​ടു​ത്തൽ” എന്ന ലേഖനം പ്രധാ​ന​പ്പെട്ട ഒരു ആശയം വ്യക്തമാ​ക്കി: ‘വീക്ഷാ​ഗോ​പു​ര​വും ഉണരുക!യും അവ പ്രസി​ദ്ധ​പ്പെ​ടു​ത്തുന്ന തീയതിക്ക്‌ ഒന്നോ രണ്ടോ മാസത്തി​നു​ള്ളിൽ സമർപ്പി​ച്ചി​ല്ലെ​ങ്കിൽപോ​ലും അവയുടെ മൂല്യം നഷ്ടമാ​കു​ന്നില്ല എന്ന്‌ ഓർമി​ക്കുക. കാലം കടന്നു​പോ​കു​ന്ന​തോ​ടെ അവയിൽ അടങ്ങി​യി​രി​ക്കുന്ന വിവരങ്ങൾ പ്രാധാ​ന്യം കുറഞ്ഞ​വ​യാ​യി​ത്തീ​രു​ന്നില്ല. പഴയ മാസി​കകൾ കുമി​ഞ്ഞു​കൂ​ടാൻ അനുവ​ദി​ക്കു​ന്ന​തും അവ ഒരിക്ക​ലും ഉപയോ​ഗി​ക്കാ​തി​രി​ക്കു​ന്ന​തും ഈ മൂല്യ​വ​ത്തായ ഉപകര​ണ​ങ്ങ​ളോ​ടുള്ള വിലമ​തി​പ്പി​ല്ലാ​യ്‌മയെ കാണി​ക്കു​ന്നു. പഴയ ലക്കങ്ങൾ മാറ്റി​വെ​ക്കു​ക​യും മറന്നു​ക​ള​യു​ക​യും ചെയ്യു​ന്ന​തി​നു​പ​കരം അവ താത്‌പ​ര്യ​ക്കാ​രു​ടെ കൈക​ളിൽ എത്തിക്കാൻ ഒരു ശ്രമം നടത്തു​ന്നത്‌ ഏറെ മെച്ചമാ​യി​രി​ക്കി​ല്ലേ?’

¹⁷ ഇന്നു സത്യത്തി​നു വേണ്ടി അന്വേ​ഷി​ക്കുന്ന ആത്മാർഥ​ഹൃ​ദ​യ​രായ അനേക​രുണ്ട്‌. ഒരു മാസി​ക​യിൽ അടങ്ങി​യി​രി​ക്കുന്ന വിവര​ങ്ങ​ളാ​യി​രി​ക്കാം സത്യത്തി​ലേക്ക്‌ അവരെ നയിക്കാൻ അവർക്കു വേണ്ടി​യി​രി​ക്കു​ന്നത്‌! യഹോവ നമുക്കു പ്രഘോ​ഷി​ക്കാൻ തന്നിരി​ക്കു​ന്നതു പുളക​പ്ര​ദ​മായ ഒരു സന്ദേശ​മാണ്‌, ഈ സന്ദേശം മറ്റുള്ള​വ​രു​ടെ അടുക്കൽ എത്തിക്കു​ന്ന​തിൽ നമ്മുടെ മാസി​കകൾ ഒരു മർമ​പ്ര​ധാ​ന​മായ പങ്കു വഹിക്കു​ന്നു. ഭാവി​യിൽ മാസി​കാ​വി​ത​രണം സംബന്ധി​ച്ചു നിങ്ങൾ കൂടുതൽ ബോധ​മു​ള്ള​വ​രാ​യി​രി​ക്കു​മോ? ഈ വാരാ​ന്ത​ത്തിൽതന്നെ ഈ നിർദേ​ശ​ങ്ങ​ളിൽ ചിലതു നിങ്ങൾ ബാധക​മാ​ക്കു​മോ? എങ്കിൽ, നിങ്ങൾ സമൃദ്ധ​മാ​യി അനു​ഗ്ര​ഹി​ക്ക​പ്പെ​ടും.

പ്രാ​യോ​ഗി​ക നിർദേ​ശങ്ങൾ:

◼ മാസി​കകൾ മുന്ന​മേ​തന്നെ വായിച്ച്‌ ലേഖനങ്ങൾ പരിചി​ത​മാ​ക്കുക.

◼ നിങ്ങളു​ടെ സമൂഹ​ത്തിൽ പൊതു താത്‌പ​ര്യ​മു​ണർത്തുന്ന കാര്യ​ത്തെ​ക്കു​റി​ച്ചു പ്രതി​പാ​ദി​ക്കുന്ന ഒരു ലേഖനം തിര​ഞ്ഞെ​ടു​ക്കുക.

◼ പുരു​ഷ​ന്മാർ, സ്‌ത്രീ​കൾ, അല്ലെങ്കിൽ യുവജ​നങ്ങൾ എന്നിങ്ങനെ പല തരക്കാ​രായ ആളുകൾക്ക്‌ അനു​യോ​ജ്യ​മായ ഒരു അവതരണം തയ്യാറാ​കുക. പ്രസ്‌തുത മാസിക വീട്ടു​കാ​ര​നോ​ടു ബന്ധപ്പെ​ട്ടി​രി​ക്കു​ന്നത്‌ എങ്ങനെ​യെ​ന്നും അതു മുഴു കുടും​ബ​വും എങ്ങനെ ഇഷ്ടപ്പെ​ടു​മെ​ന്നും വിശദീ​ക​രി​ക്കുക.

◼ മിക്ക ആളുക​ളും വീട്ടി​ലുള്ള അവസര​ത്തിൽ വയൽസേവന പ്രവർത്ത​ന​ത്തിൽ ഏർപ്പെ​ടാൻ ആസൂ​ത്രണം ചെയ്യുക. മാസി​കകൾ ഉപയോ​ഗി​ച്ചു സായാ​ഹ്ന​സാ​ക്ഷീ​ക​ര​ണ​ത്തിൽ ഏർപ്പെ​ടാൻ ചില സഭകൾ ക്രമീ​ക​രണം ചെയ്യുന്നു.

◼ നിങ്ങളു​ടെ അവതരണം ഹ്രസ്വ​വും വ്യക്തവു​മാ​യി​രി​ക്കണം.

◼ വളരെ വേഗത്തിൽ സംസാ​രി​ക്ക​രുത്‌. നിങ്ങളു​ടെ വീട്ടു​കാ​രനു താത്‌പ​ര്യ​മി​ല്ലെ​ങ്കിൽ വേഗത്തിൽ സംസാ​രി​ച്ച​തു​കൊ​ണ്ടു ഫലമു​ണ്ടാ​വില്ല. ആയാസ​ര​ഹി​ത​മാ​യി​രി​ക്കാൻ ശ്രമി​ക്കുക, വീട്ടു​കാ​രനു പ്രതി​ക​രി​ക്കാൻ അവസരം കൊടു​ക്കുക.

വീടു​തോ​റും മാസി​കകൾ സമർപ്പി​ക്കൽ:

◼ സൗഹാർദ​മായ പുഞ്ചി​രി​യും ദയാർദ്ര​മായ സ്വരവും ഉണ്ടായി​രി​ക്കുക.

◼ മാസി​കകൾ സംബന്ധിച്ച്‌ ഉത്സാഹ​മു​ള്ള​വ​രാ​യി​രി​ക്കുക.

◼ സാവധാ​ന​ത്തോ​ടെ, സ്‌പഷ്ട​മാ​യി സംസാ​രി​ക്കുക.

◼ ഒരു വിഷയ​ത്തെ​ക്കു​റി​ച്ചു മാത്രം സംസാ​രി​ക്കുക; സാവധാ​നം താത്‌പ​ര്യ​മു​ണർത്തുക, വീട്ടു​കാ​രന്‌ അതിന്റെ മൂല്യം കാട്ടി​ക്കൊ​ടു​ക്കുക.

◼ ഒരു ലേഖനം മാത്രം വിശേ​ഷ​വ​ത്‌ക​രി​ക്കുക.

◼ ഒരു മാസിക മാത്രം വിശേ​ഷ​വ​ത്‌ക​രി​ക്കുക, മറ്റേ മാസിക കൂട്ടു പ്രതി​യാ​യി സമർപ്പി​ക്കുക.

◼ മാസി​കകൾ വീട്ടു​കാ​രന്റെ കൈയിൽ കൊടു​ക്കുക.

◼ മടങ്ങി​ച്ചെ​ല്ലാ​നുള്ള നിങ്ങളു​ടെ ആസൂ​ത്ര​ണ​ത്തെ​ക്കു​റി​ച്ചു വീട്ടു​കാ​രനെ അറിയി​ക്കുക.

◼ മാസി​കകൾ നിരസി​ക്ക​പ്പെ​ടു​ന്ന​പക്ഷം സൗഹാർദ​പ​ര​വും ക്രിയാ​ത്മ​ക​വു​മായ ഒരു ഉപസം​ഹാ​രം ഉണ്ടായി​രി​ക്കുക.

◼ പ്രകട​മായ എല്ലാ താത്‌പ​ര്യ​വും സമർപ്പിച്ച പ്രസി​ദ്ധീ​ക​ര​ണ​ങ്ങ​ളും സംബന്ധി​ച്ചു വീടു​തോ​റു​മുള്ള രേഖയിൽ അടയാ​ള​പ്പെ​ടു​ത്തുക.

മാസി​ക​കൾ സമർപ്പി​ക്കു​ന്ന​തി​നുള്ള അവസരങ്ങൾ:

◼ വീടു​തോ​റു​മുള്ള സാക്ഷീ​ക​ര​ണം

◼ തെരു​വു​സാ​ക്ഷീ​ക​രണം

◼ കടകൾതോ​റു​മുള്ള വേല

◼ മാസി​കാ​റൂട്ട്‌

◼ സായാഹ്ന സാക്ഷീ​ക​ര​ണം

◼ മടക്കസ​ന്ദർശ​നങ്ങൾ നടത്തു​മ്പോൾ

◼ മുൻ ബൈബിൾ വിദ്യാർഥി​കളെ സന്ദർശി​ക്കു​മ്പോൾ

◼ യാത്ര​യി​ലാ​യി​രി​ക്കു​ക​യോ സാധനങ്ങൾ വാങ്ങു​ക​യോ ചെയ്യു​മ്പോൾ

◼ ബന്ധുക്കൾ, സഹജോ​ലി​ക്കാർ, അയൽക്കാർ, സഹപാ​ഠി​കൾ, അധ്യാ​പകർ എന്നിവ​രോ​ടൊ​ക്കെ സംസാ​രി​ക്കു​മ്പോൾ

◼ പൊതു​വാ​ഹ​ന​ങ്ങ​ളിൽ യാത്ര ചെയ്യു​മ്പോ​ഴും വെയി​റ്റിങ്‌ മുറി​ക​ളിൽ കാത്തി​രി​ക്കു​മ്പോ​ഴും