ജീവിത-സേവന യോഗ​ത്തി​നുള്ള പഠനസ​ഹാ​യി—പരാമർശ​ങ്ങൾ

© 2024 Watch Tower Bible and Tract Society of Pennsylvania

ജനുവരി 6-12

ദൈവ​വ​ച​ന​ത്തി​ലെ നിധികൾ | സങ്കീർത്തനം 127–134

മാതാ​പി​താ​ക്കളേ, നിങ്ങളു​ടെ സ്വത്തായ മക്കൾക്കു​വേണ്ടി കരുതുക

w21.08 5 ¶9

യഹോ​വ​യു​ടെ കുടും​ബ​ത്തിൽ നിങ്ങൾക്കുള്ള സ്ഥാനം വില​പ്പെ​ട്ട​താ​യി കാണുക

⁹ മക്കളെ ജനിപ്പി​ക്കാ​നുള്ള കഴിവ്‌ നൽകി​ക്കൊ​ണ്ടും അതു​പോ​ലെ യഹോ​വയെ സ്‌നേ​ഹി​ക്കാ​നും സേവി​ക്കാ​നും മക്കളെ പഠിപ്പി​ക്കാ​നുള്ള ഉത്തരവാ​ദി​ത്വം നൽകി​ക്കൊ​ണ്ടും യഹോവ മനുഷ്യ​നെ ആദരി​ച്ചി​രി​ക്കു​ന്നു. യഹോവ ദൂതന്മാർക്ക്‌ അത്ഭുത​ക​ര​മായ പല കഴിവു​ക​ളും നൽകി​യി​ട്ടു​ണ്ടെ​ങ്കി​ലും മക്കളെ ജനിപ്പി​ക്കാ​നുള്ള പ്രാപ്‌തി കൊടു​ത്തി​ട്ടില്ല. എന്നാൽ ആ കഴിവ്‌ മനുഷ്യർക്കു നൽകി​യി​ട്ടുണ്ട്‌. അതു​കൊണ്ട്‌ “യഹോ​വ​യു​ടെ ശിക്ഷണ​ത്തി​ലും ഉപദേ​ശ​ത്തി​ലും” മക്കളെ വളർത്തി​ക്കൊ​ണ്ടു​വ​രാ​നുള്ള വലി​യൊ​രു ഉത്തരവാ​ദി​ത്വ​മാ​ണു ദൈവം മനുഷ്യ​നു നൽകി​യി​രി​ക്കു​ന്നത്‌. (എഫെ. 6:4; ആവ. 6:5-7; സങ്കീ. 127:3) നിങ്ങൾ ഒരു മാതാ​വോ പിതാ​വോ ആണെങ്കിൽ അങ്ങനെ​യൊ​രു വലിയ അനു​ഗ്രഹം കിട്ടി​യി​രി​ക്കു​ന്ന​തിൽ നിങ്ങൾ നന്ദിയു​ള്ള​വ​രല്ലേ? ഇക്കാര്യ​ത്തിൽ മാതാ​പി​താ​ക്കളെ സഹായി​ക്കാൻ യഹോ​വ​യു​ടെ സംഘടന ധാരാളം കാര്യങ്ങൾ ചെയ്യു​ന്നുണ്ട്‌. ബൈബി​ളി​നെ അടിസ്ഥാ​ന​മാ​ക്കി തയ്യാറാ​ക്കി​യി​രി​ക്കുന്ന പ്രസി​ദ്ധീ​ക​ര​ണ​ങ്ങ​ളും വീഡി​യോ​ക​ളും പാട്ടു​ക​ളും മറ്റു ലേഖന​ങ്ങ​ളും എല്ലാം അതിനുള്ള ഉദാഹ​ര​ണ​ങ്ങ​ളാണ്‌. ഇതു കാണി​ക്കു​ന്നത്‌ യഹോ​വ​യും യേശു​വും നമ്മുടെ കുട്ടി​കളെ ഒരുപാ​ടു സ്‌നേ​ഹി​ക്കു​ന്നുണ്ട്‌ എന്നാണ്‌. (ലൂക്കോ. 18:15-17) യഹോ​വ​യിൽ ആശ്രയി​ച്ചു​കൊണ്ട്‌ തങ്ങളുടെ പ്രിയ മക്കൾക്ക്‌ ഏറ്റവും നല്ലതു നൽകാൻ മാതാ​പി​താ​ക്കൾ ശ്രമി​ക്കു​ന്നതു കാണു​മ്പോൾ യഹോവ സന്തോ​ഷി​ക്കു​ന്നു. അതിലൂ​ടെ അവർ എന്നെന്നും യഹോ​വ​യു​ടെ കുടും​ബ​ത്തി​ന്റെ ഭാഗമാ​യി​രി​ക്കാ​നുള്ള അവസര​വും മക്കൾക്കു നൽകു​ക​യാണ്‌.

w19.12 27 ¶20

മാതാ​പി​താ​ക്കളേ, യഹോ​വയെ സ്‌നേ​ഹി​ക്കാൻ മക്കളെ പഠിപ്പി​ക്കു​ക

²⁰ ഓരോ കുട്ടി​യെ​യും മനസ്സി​ലാ​ക്കുക. മക്കളെ അസ്‌ത്ര​ങ്ങ​ളോ​ടാ​ണു 127-ാം സങ്കീർത്തനം താരത​മ്യം ചെയ്യു​ന്നത്‌. (സങ്കീർത്തനം 127:4 വായി​ക്കുക.) അസ്‌ത്രങ്ങൾ പലപല വസ്‌തു​ക്കൾകൊണ്ട്‌ ഉണ്ടാക്കാം, വലുപ്പ​ത്തി​ന്റെ കാര്യ​ത്തി​ലും വ്യത്യാ​സ​മു​ണ്ടാ​യി​രി​ക്കും. സമാന​മാ​യി, രണ്ടു കുട്ടികൾ എല്ലാ കാര്യ​ത്തി​ലും ഒരു​പോ​ലെ​യാ​യി​രി​ക്കില്ല. അതു​കൊണ്ട്‌ ഓരോ കുട്ടി​യെ​യും എങ്ങനെ പരിശീ​ലി​പ്പി​ക്ക​ണ​മെന്നു മാതാ​പി​താ​ക്കൾ തീരു​മാ​നി​ക്കണം. രണ്ടു കുട്ടി​കളെ യഹോ​വയെ സേവി​ക്കു​ന്ന​വ​രാ​യി വളർത്തി​ക്കൊ​ണ്ടു​വന്ന ആധുനിക ഇസ്രാ​യേ​ലി​ലെ ഒരു ദമ്പതികൾ തങ്ങളെ എന്താണു സഹായി​ച്ച​തെന്നു പറയുന്നു: “ഞങ്ങൾ ഓരോ കുട്ടി​ക്കും വെവ്വേറെ ബൈബിൾപ​ഠ​നങ്ങൾ നടത്തി.” ഇങ്ങനെ ഓരോ കുട്ടി​ക്കും വേറെ​വേറെ ബൈബിൾപ​ഠ​നങ്ങൾ നടത്തേണ്ട ആവശ്യ​മു​ണ്ടോ, അതു സാധി​ക്കു​മോ എന്നൊക്കെ തീരു​മാ​നി​ക്കേ​ണ്ടതു കുടും​ബ​നാ​ഥ​നാണ്‌.

ആത്മീയരത്നങ്ങൾ

w00 5/15 27 ¶3-5

ദൈവ ഭവനത്തി​ലെ തഴച്ചു​വ​ള​രുന്ന ഒലിവു വൃക്ഷം

ഉപയോ​ഗ​പ്ര​ദ​മായ ഒലിവു വൃക്ഷം ഉചിത​മാ​യും ദിവ്യാ​നു​ഗ്ര​ഹത്തെ ചിത്രീ​ക​രി​ക്കു​ന്നു. ദൈവ​ഭ​യ​മുള്ള ഒരു വ്യക്തിക്ക്‌ എന്തു പ്രതി​ഫ​ല​മാ​ണു ലഭിക്കുക? “നിന്റെ ഭാര്യ നിന്റെ വീട്ടി​ന്ന​കത്തു ഫലപ്ര​ദ​മായ മുന്തി​രി​വ​ള്ളി​പോ​ലെ​യും നിന്റെ മക്കൾ നിന്റെ മേശെക്കു ചുററും ഒലിവു​തൈ​കൾപോ​ലെ​യും ഇരിക്കും” എന്ന്‌ സങ്കീർത്ത​ന​ക്കാ​രൻ പാടി. (സങ്കീർത്തനം 128:3) ഈ “ഒലിവു​തൈകൾ” എന്താണ്‌, സങ്കീർത്ത​ന​ക്കാ​രൻ അവരെ പുത്ര​ന്മാ​രോ​ടു ഉപമി​ച്ചത്‌ എന്തു​കൊണ്ട്‌?

തായ്‌ത്ത​ടി​യു​ടെ ചുവട്ടിൽനിന്ന്‌ എപ്പോ​ഴും പുതിയ മുളകൾ പൊട്ടി​വ​ള​രു​ന്നത്‌ ഒലിവു വൃക്ഷത്തി​ന്റെ അസാധാ​ര​ണ​മായ ഒരു പ്രത്യേ​ക​ത​യാണ്‌. വളരെ പ്രായം ചെന്നിട്ട്‌ തായ്‌വൃ​ക്ഷം പഴയതു​പോ​ലെ ഫലം പുറ​പ്പെ​ടു​വി​ക്കാ​താ​കു​മ്പോൾ, പുതു​താ​യി കിളിർത്തു വരുന്ന മുളകൾ മരത്തിന്റെ അവിഭാ​ജ്യ ഭാഗമാ​യി​ത്തീ​രു​ന്ന​തു​വരെ വളരാൻ കർഷകർ അനുവ​ദി​ച്ചേ​ക്കാം. കുറച്ചു കാലം കഴിയു​മ്പോൾ ആദ്യത്തെ മരത്തിനു ചുവട്ടിൽ കരുത്തുറ്റ മൂന്നോ നാലോ കൊച്ചു മരങ്ങൾ ഉണ്ടായി​രി​ക്കും—ഒരു മേശയ്‌ക്കു ചുറ്റും പുത്ര​ന്മാർ ഇരിക്കു​ന്ന​തു​പോ​ലെ. ഇവയ്‌ക്ക്‌ ഒരേ വേരു​പ​ട​ലം​ത​ന്നെ​യാണ്‌ ഉള്ളത്‌. അവ ഒന്നിച്ച്‌ നല്ല വിളവ്‌ ഉത്‌പാ​ദി​പ്പി​ക്കു​ക​യും ചെയ്യുന്നു.

മാതാ​പി​താ​ക്ക​ളു​ടെ ശക്തമായ ആത്മീയ വേരു​കളെ ആശ്രയിച്ച്‌ പുത്രീ​പു​ത്ര​ന്മാർക്കു വിശ്വാ​സ​ത്തിൽ ശക്തരായി വളരാൻ കഴിയു​ന്നത്‌ എങ്ങനെ​യെന്ന്‌ ഒലിവു വൃക്ഷത്തി​ന്റെ ഈ പ്രത്യേ​കത നന്നായി ചിത്രീ​ക​രി​ക്കു​ന്നു. വളർന്നു വലുതാ​കു​ന്ന​തോ​ടെ മക്കൾ ഫലം പുറ​പ്പെ​ടു​വി​ക്കു​ക​യും മാതാ​പി​താ​ക്കളെ പിന്താ​ങ്ങു​ക​യും ചെയ്യുന്നു. തങ്ങളോ​ടൊ​പ്പം മക്കളും യഹോ​വയെ സേവി​ക്കു​ന്നത്‌ കണ്ട്‌ മാതാ​പി​താ​ക്കൾ സന്തോ​ഷി​ക്കു​ന്നു.—സദൃശ​വാ​ക്യ​ങ്ങൾ 15:20.

ജനുവരി 13-19

ദൈവ​വ​ച​ന​ത്തി​ലെ നിധികൾ | സങ്കീർത്തനം 135–137

“നമ്മുടെ കർത്താവ്‌ മറ്റെല്ലാ ദൈവ​ങ്ങ​ളെ​ക്കാ​ളും വലിയവൻ”

it-2-E 661 ¶4-5

ശക്തി, ശക്തിയു​ടെ പ്രകട​ന​ങ്ങൾ

പ്രകൃ​തി​ശ​ക്തി​ക​ളു​ടെ മേൽ ദൈവ​ത്തി​നു നിയ​ന്ത്ര​ണ​മുണ്ട്‌. യഹോവ സത്യ​ദൈ​വ​മാ​ണെ​ങ്കിൽ യഹോ​വ​യ്‌ക്കു പ്രകൃ​തി​ശ​ക്തി​കളെ അസാധാ​ര​ണ​മായ വിധത്തിൽ ഉപയോ​ഗി​ക്കാൻ കഴിയ​ണ​മ​ല്ലോ എന്നു നമ്മൾ ചിന്തി​ക്കും. (സങ്ക 135:5, 6) സൂര്യ​നും ചന്ദ്രനും ഗ്രഹങ്ങ​ളും നക്ഷത്ര​ങ്ങ​ളും ഒക്കെ കൃത്യ​മായ പാതയി​ലൂ​ടെ സഞ്ചരി​ക്കു​ന്നതു കാണു​മ്പോ​ഴോ അല്ലെങ്കിൽ മറ്റു സൃഷ്ടികൾ സ്ഥിരം ചെയ്യുന്ന കാര്യങ്ങൾ കാണു​മ്പോ​ഴോ ഒക്കെ അതെല്ലാം ചുറ്റും നടക്കുന്ന സാധാരണ കാര്യ​ങ്ങ​ളാ​യി​ട്ടേ നമുക്കു തോന്നാൻ ഇടയുള്ളൂ. പക്ഷേ ചില​പ്പോ​ഴൊ​ക്കെ യഹോവ, തന്റെ പ്രത്യേക ഉദ്ദേശ്യ​ങ്ങൾ നിവർത്തി​ക്കാ​നാ​യി സൃഷ്ടി​ക​ളെ​യും അവയുടെ ചില ഘടകങ്ങ​ളെ​യും ഉപയോ​ഗി​ച്ചി​ട്ടുണ്ട്‌; അങ്ങനെ തന്റെ ദിവ്യ​ത്വം തെളി​യി​ച്ചി​ട്ടുണ്ട്‌. ഉദാഹ​ര​ണ​ത്തിന്‌, വരൾച്ച​യും പേമാ​രി​യും അതു​പോ​ലുള്ള മറ്റ്‌ അവസ്ഥക​ളും സാധാ​ര​ണ​മാ​ണെ​ങ്കി​ലും അത്‌ യഹോവ പ്രവചിച്ച സമയത്ത്‌ സംഭവി​ക്കു​മ്പോൾ വ്യത്യ​സ്‌ത​മായ ഒന്നായി​ത്തീ​രു​ന്നു. (1രാജ 17:1; 18:1, 2, 41-45 താരത​മ്യം ചെയ്യുക.) ചില​പ്പോൾ ഇത്തരം സംഭവ​ങ്ങ​ളു​ടെ തീവ്ര​ത​യും അളവും ആണ്‌ അതിനെ പ്രത്യേ​ക​ത​യു​ള്ള​താ​ക്കു​ന്നത്‌. (പുറ 9:24) മറ്റു ചില​പ്പോൾ അവ സംഭവി​ച്ചി​ട്ടു​ള്ളത്‌, അസാധാ​ര​ണ​മായ രീതി​യി​ലോ പ്രതീ​ക്ഷി​ക്കാത്ത സമയത്തോ ആണ്‌. (പുറ 34:10; 1ശമു 12:16-18) ഈ വിധങ്ങ​ളി​ലെ​ല്ലാം തന്റെ എല്ലാ സൃഷ്ടി​ക​ളു​ടെ​യും മേൽ തനിക്കു നിയ​ന്ത്ര​ണ​മു​ണ്ടെ​ന്നും താൻ സത്യ​ദൈ​വ​മാ​ണെ​ന്നും യഹോവ തെളി​യി​ച്ചി​രി​ക്കു​ന്നു.

w21.11 6 ¶16

യഹോ​വ​യു​ടെ അചഞ്ചല​സ്‌നേ​ഹം

¹⁶ യഹോവ നമ്മുടെ സുരക്ഷി​ത​സ​ങ്കേ​ത​മാ​യി​രി​ക്കു​മെന്ന്‌ അറിയു​ന്നതു നമുക്ക്‌ ഒരു ആശ്വാ​സ​മാണ്‌. എങ്കിലും നമ്മൾ ആകെ തളർന്നു​പോ​കുന്ന ചില സമയങ്ങൾ ഉണ്ടായി​രു​ന്നേ​ക്കാം. അത്തരം സമയങ്ങ​ളിൽ യഹോവ നമുക്കു​വേണ്ടി എന്തു ചെയ്യും? (സങ്കീർത്തനം 136:23 വായി​ക്കുക.) യഹോവ മെല്ലെ തന്റെ കൈകൾകൊണ്ട്‌ നമ്മളെ താങ്ങി എഴു​ന്നേൽപ്പി​ക്കും. അതെ, ഏതു സമയത്തും നമുക്ക്‌ യഹോ​വ​യിൽ ആശ്രയി​ക്കാ​നാ​കും. (സങ്കീ. 28:9; 94:18) നമുക്കുള്ള പ്രയോ​ജനം: ഒന്നാമ​താ​യി, നമ്മൾ ലോകത്ത്‌ എവി​ടെ​യാ​യി​രു​ന്നാ​ലും ഒരു സുരക്ഷി​ത​സ​ങ്കേ​തം​പോ​ലെ യഹോവ നമ്മളെ സംരക്ഷി​ക്കു​മെന്നു നമുക്ക്‌ ഉറപ്പുണ്ട്‌. രണ്ടാമ​താ​യി, സ്‌നേ​ഹ​മുള്ള ഒരു അപ്പനെ​പ്പോ​ലെ യഹോവ നമുക്കു​വേണ്ടി കരുതു​മെ​ന്നും നമുക്ക്‌ അറിയാം. എത്ര വലിയ അനു​ഗ്ര​ഹ​മാണ്‌ അത്‌!

ആത്മീയരത്നങ്ങൾ

it-1-E 1248

യാഹ്‌

രണ്ട്‌ അക്ഷരം മാത്ര​മുള്ള ഈ പദം സാധാ​ര​ണ​യാ​യി പാട്ടി​ലും പ്രാർഥ​ന​ക​ളി​ലും ആണ്‌ കാണു​ന്നത്‌. യഹോ​വ​യ്‌ക്കുള്ള സ്‌തുതി ഹൃദയം​ഗ​മ​മാ​യി പ്രകടി​പ്പി​ക്കാ​നാണ്‌ അത്‌ ഉപയോ​ഗി​ച്ചി​രി​ക്കു​ന്നത്‌. യഹോവ ശത്രു​ക്ക​ളു​ടെ കൈയിൽനിന്ന്‌ രക്ഷിക്കു​ക​യും വലിയ വിജയം നേടി​ക്കൊ​ടു​ക്കു​ക​യും ചെയ്‌ത സാഹച​ര്യ​ങ്ങ​ളിൽ ആളുകൾ ഈ പദം ഉപയോ​ഗി​ച്ച​താ​യി കാണു​ന്നുണ്ട്‌. യഹോ​വ​യു​ടെ ശക്തി​യോ​ടുള്ള വിലമ​തിപ്പ്‌ പ്രകടി​പ്പി​ക്കാ​നും ഈ പദം ഉപയോ​ഗി​ച്ചി​ട്ടുണ്ട്‌. സങ്കീർത്തനം 104:35-ലാണ്‌ “യാഹിനെ വാഴ്‌ത്തു​വിൻ” (ഹല്ലേലൂയ) എന്നതു ദൈവത്തെ സ്‌തു​തി​ക്കുന്ന ഒരു പദപ്ര​യോ​ഗ​മാ​യി ആദ്യമാ​യി ഉപയോ​ഗിച്ച്‌ കാണു​ന്നത്‌. മറ്റു ബൈബിൾഭാ​ഗ​ങ്ങ​ളിൽ, “യാഹ്‌” എന്ന പദം കാണു​ന്നത്‌ യഹോ​വ​യ്‌ക്കുള്ള പാട്ടു​ക​ളി​ലും പ്രാർഥ​ന​ക​ളി​ലും ആണ്‌. (പുറ 15:2) കൂടുതൽ ഊന്നൽ കൊടു​ക്കു​ന്ന​തി​നു​വേണ്ടി യശയ്യ, “യഹോ​വ​യാം യാഹ്‌” എന്ന്‌ രണ്ടു പേരു​ക​ളും കൂടെ ചേർത്ത്‌ പറഞ്ഞു. (യശ 12:2; 26:4) രോഗം അത്ഭുത​ക​ര​മാ​യി സുഖ​പ്പെ​ട്ട​പ്പോൾ തന്റെ അതിരറ്റ സന്തോഷം പ്രകടി​പ്പിച്ച സമയത്ത്‌ ഹിസ്‌കിയ “യാഹ്‌” എന്ന വാക്ക്‌ വീണ്ടും​വീ​ണ്ടും ഉപയോ​ഗി​ച്ചി​ട്ടുണ്ട്‌. (യശ 38:9, 11) മറ്റു ചില സങ്കീർത്ത​ന​ങ്ങ​ളിൽ, വിടു​ത​ലും സംരക്ഷ​ണ​വും തിരു​ത്ത​ലും ലഭിച്ച​പ്പോൾ അതിനെ വിലമ​തി​ച്ചു​കൊ​ണ്ടുള്ള പ്രാർഥ​ന​ക​ളിൽ “യാഹ്‌” എന്ന പദം ഉപയോ​ഗി​ച്ച​താ​യി കാണാം.—സങ്ക 94:12; 118:5, 14.

ജനുവരി 20-26

ദൈവ​വ​ച​ന​ത്തി​ലെ നിധികൾ | സങ്കീർത്തനം 138-139

പേടി നിങ്ങളെ പിന്നോ​ട്ടു വലിക്ക​രുത്‌

w19.01 10 ¶10

സഭാമ​ധ്യേ യഹോ​വയെ സ്‌തു​തി​ക്കു​ക

¹⁰ ഉത്തരം പറയാൻ കൈ പൊക്കു​ന്ന​തി​നെ​ക്കു​റിച്ച്‌ ആലോ​ചി​ക്കു​മ്പോൾത്തന്നെ ഉള്ളിൽ തീ കത്തുന്ന​തു​പോ​ലെ​യാ​ണോ നിങ്ങൾക്കു തോന്നു​ന്നത്‌? എങ്കിൽ ഇക്കാര്യ​ത്തിൽ നിങ്ങൾ ഒറ്റയ്‌ക്ക​ല്ലെന്ന്‌ ഓർക്കുക. സത്യത്തിൽ, ഉത്തരം പറയാൻ എല്ലാവർക്കും​തന്നെ അൽപ്പം പേടി​യുണ്ട്‌. ഉത്തരം പറയാൻ തടസ്സമാ​യി നിൽക്കുന്ന ഭയത്തെ മറിക​ട​ക്ക​ണ​മെ​ങ്കിൽ ആദ്യം അതിന്റെ കാരണം എന്താ​ണെന്നു കണ്ടെത്തണം. പറയാൻ വന്നതു മറന്നു​പോ​കു​മെ​ന്നോ പറയുന്ന ഉത്തരം തെറ്റി​പ്പോ​കു​മെ​ന്നോ ആണോ നിങ്ങളു​ടെ ഭയം? മറ്റുള്ളവർ പറയു​ന്നതു നല്ല ഉത്തരമാ​ണെ​ന്നും അതു​പോ​ലെ നിങ്ങ​ളെ​ക്കൊണ്ട്‌ കഴിയി​ല്ലെ​ന്നും ആണോ നിങ്ങൾ ചിന്തി​ക്കു​ന്നത്‌? വാസ്‌ത​വ​ത്തിൽ, അങ്ങനെ ചിന്തി​ക്കു​ന്നതു താഴ്‌മ​യു​ടെ ലക്ഷണമാ​യി​രി​ക്കാം. നിങ്ങൾക്കു താഴ്‌മ​യു​ണ്ടെ​ന്നും മറ്റുള്ള​വരെ നിങ്ങ​ളെ​ക്കാൾ ശ്രേഷ്‌ഠ​രാ​യി കാണു​ന്നു​ണ്ടെ​ന്നും ആണ്‌ അതു കാണി​ക്കു​ന്നത്‌. യഹോവ താഴ്‌മ എന്ന ഗുണം ഇഷ്ടപ്പെ​ടു​ന്നു. (സങ്കീ. 138:6; ഫിലി. 2:3) എന്നാൽ നിങ്ങൾ യഹോ​വയെ സ്‌തു​തി​ക്കാ​നും മീറ്റി​ങ്ങു​ക​ളിൽ ഉത്തരം പറഞ്ഞു​കൊണ്ട്‌ സഹോ​ദ​ര​ങ്ങളെ പ്രോ​ത്സാ​ഹി​പ്പി​ക്കാ​നും യഹോവ ആഗ്രഹി​ക്കു​ന്നുണ്ട്‌. (1 തെസ്സ. 5:11) യഹോവ നിങ്ങളെ സ്‌നേ​ഹി​ക്കു​ന്നു, നിങ്ങൾക്ക്‌ ആവശ്യ​മായ ധൈര്യം യഹോവ തരും.

w23.04 21 ¶7

സഭാ​യോ​ഗ​ങ്ങ​ളിൽ പരസ്‌പരം പ്രോ​ത്സാ​ഹി​പ്പി​ക്കുക

⁷ വീക്ഷാഗോപുരത്തിന്റെ മുൻ ലക്കങ്ങളിൽ വന്ന ചില നിർദേ​ശങ്ങൾ നിങ്ങൾക്കു പ്രയോ​ജനം ചെയ്‌തേ​ക്കും. അതിൽ ഒന്നാണു നന്നായി തയ്യാറാ​കുക എന്നത്‌. (സുഭാ. 21:5) ശരിക്കു പഠിച്ചി​ട്ടു​ണ്ടെ​ങ്കിൽ അഭി​പ്രാ​യം പറയാൻ നിങ്ങൾക്ക്‌ അധികം പേടി തോന്നില്ല. ഇനി, ചെറി​യ​ചെ​റിയ അഭി​പ്രാ​യങ്ങൾ പറയുക. (സുഭാ. 15:23; 17:27) ചെറിയ ഉത്തരമാ​കു​മ്പോൾ പറയാൻ കുറെ​ക്കൂ​ടി ധൈര്യം തോന്നും. മാത്രമല്ല, കുറെ​യ​ധി​കം ആശയങ്ങൾ ഉൾപ്പെ​ടു​ത്തി​ക്കൊ​ണ്ടുള്ള നീണ്ട അഭി​പ്രാ​യ​ങ്ങ​ളെ​ക്കാൾ എളുപ്പം മനസ്സി​ലാ​കു​ന്നത്‌ ഒന്നോ രണ്ടോ വാചക​ങ്ങ​ളിൽ പറയുന്ന ചെറിയ അഭി​പ്രാ​യ​ങ്ങ​ളാ​യി​രി​ക്കും. സ്വന്തവാ​ച​ക​ത്തിൽ ചെറിയ ഉത്തരങ്ങൾ പറയു​മ്പോൾ, നിങ്ങൾ ആ ഭാഗം നന്നായി തയ്യാറാ​യി​ട്ടു​ണ്ടെ​ന്നും ആശയങ്ങൾ നിങ്ങൾക്കു​തന്നെ വളരെ വ്യക്തമാ​ണെ​ന്നും മറ്റുള്ള​വർക്കു മനസ്സി​ലാ​കും.

ആത്മീയരത്നങ്ങൾ

it-1-E 862 ¶4

ക്ഷമ

ഇല്ല. മറ്റുള്ളവർ വേദനി​പ്പി​ക്കു​മ്പോൾ അവരോ​ടു ക്ഷമിക്കാൻ ക്രിസ്‌ത്യാ​നി​ക​ളോട്‌ ആവശ്യ​പ്പെ​ട്ടി​രി​ക്കു​ന്നു എന്നതു ശരിയാണ്‌. വീണ്ടു​വീ​ണ്ടും അവർ അങ്ങനെ ചെയ്‌താ​ലും നമ്മൾ ക്ഷമി​ക്കേ​ണ്ട​താണ്‌. (ലൂക്ക 17:3, 4; എഫ 4:32; കൊലോ 3:13) നമ്മൾ മറ്റുള്ള​വ​രോ​ടു ക്ഷമിച്ചി​ല്ലെ​ങ്കിൽ ദൈവം നമ്മളോ​ടും ക്ഷമിക്കില്ല. (മത്ത 6:14, 15) ഗുരു​ത​ര​മായ പാപം ചെയ്‌തിട്ട്‌ ഒരു വ്യക്തിയെ സഭയിൽനിന്ന്‌ പുറത്താ​ക്കി​യാ​ലും, യഥാർഥ പശ്ചാത്താ​പം കാണി​ക്കു​ന്നെ​ങ്കിൽ അയാൾക്കു ക്ഷമ കിട്ടും. അപ്പോൾ സഭയി​ലുള്ള എല്ലാവർക്കും തങ്ങൾ ആ വ്യക്തിയെ സ്‌നേ​ഹി​ക്കു​ന്നു​ണ്ടെന്ന്‌ ഉറപ്പു​കൊ​ടു​ക്കാ​നാ​കും. (1കൊ 5:13; 2കൊ 2:6-11) പക്ഷേ മനഃപൂർവം, പശ്ചാത്താ​പ​മി​ല്ലാ​തെ ഗുരു​ത​ര​മായ പാപം ചെയ്‌തു​കൊ​ണ്ടി​രി​ക്കു​ന്ന​വ​രോ​ടു ക്രിസ്‌ത്യാ​നി​കൾ ക്ഷമി​ക്കേ​ണ്ട​തില്ല. കാരണം അവർ ദൈവ​ത്തി​ന്റെ ശത്രു​ക്ക​ളാണ്‌.—എബ്ര 10:26-31; സങ്ക 139:21, 22.

ജനുവരി 27–ഫെബ്രു​വരി 2

ദൈവ​വ​ച​ന​ത്തി​ലെ നിധികൾ | സങ്കീർത്തനം 140–143

പ്രാർഥി​ച്ച​തി​നു ശേഷം ചെയ്യാ​നാ​കു​ന്ന​തെ​ല്ലാം ചെയ്യുക

w22.02 12 ¶13-14

“ജ്ഞാനി​ക​ളു​ടെ വാക്കുകൾ . . . കേൾക്കുക”

¹³ ഉപദേ​ശത്തെ ദൈവ​സ്‌നേ​ഹ​ത്തി​ന്റെ തെളി​വാ​യി കാണുക. നമുക്ക്‌ ഏറ്റവും നല്ലതു വരാനാണ്‌ യഹോവ ആഗ്രഹി​ക്കു​ന്നത്‌. (സുഭാ. 4:20-22) ബൈബി​ളി​ലൂ​ടെ​യും പ്രസി​ദ്ധീ​ക​ര​ണ​ങ്ങ​ളി​ലൂ​ടെ​യും അനുഭ​വ​പ​രി​ച​യ​മുള്ള സഹോ​ദ​ര​ങ്ങ​ളി​ലൂ​ടെ​യും നമുക്ക്‌ ഉപദേ​ശങ്ങൾ തരു​മ്പോൾ യഹോവ നമ്മളെ സ്‌നേ​ഹി​ക്കു​ന്നെന്നു കാണി​ക്കു​ക​യാണ്‌. ‘നമുക്കു നല്ലതു വരാനാണ്‌’ ദൈവം അങ്ങനെ ചെയ്യു​ന്ന​തെന്ന്‌ എബ്രായർ 12:9, 10 പറയുന്നു.

¹⁴ പറയുന്ന കാര്യ​ത്തിൽ ശ്രദ്ധി​ക്കുക, പറഞ്ഞ വിധത്തി​ലല്ല. ആരെങ്കി​ലും നമുക്ക്‌ ഒരു ഉപദേശം തരു​മ്പോൾ അതു തന്ന രീതി ശരിയാ​യില്ല എന്നു ചില​പ്പോൾ നമുക്കു തോന്നി​യേ​ക്കാം. ഒരു ഉപദേശം കൊടു​ക്കു​മ്പോൾ ആ വ്യക്തിക്ക്‌ അതു സ്വീക​രി​ക്കാൻ ബുദ്ധി​മു​ട്ടി​ല്ലാത്ത രീതി​യിൽ അതു കൊടു​ക്ക​ണ​മെ​ന്നതു ശരിയാണ്‌. (ഗലാ. 6:1) എന്നാൽ നമുക്ക്‌ ഒരു ഉപദേശം കിട്ടു​മ്പോൾ പറയുന്ന കാര്യ​ത്തി​ലാ​ണു നമ്മൾ ശ്രദ്ധി​ക്കേ​ണ്ടത്‌, അതു പറഞ്ഞ രീതി അത്ര ശരിയാ​യി​ല്ലെന്നു തോന്നി​യാൽപ്പോ​ലും. നമുക്കു നമ്മളോ​ടു​തന്നെ ഇങ്ങനെ ചോദി​ക്കാൻ കഴിയും: ‘ഉപദേശം തന്ന വിധം എനിക്ക്‌ അത്ര ഇഷ്ടപ്പെ​ട്ടി​ല്ലെ​ങ്കി​ലും ആ പറഞ്ഞതിൽ അല്‌പം കാര്യ​മി​ല്ലേ? ഉപദേശം തന്ന വ്യക്തി​യു​ടെ കുറവു​ക​ളെ​ക്കു​റിച്ച്‌ ചിന്തി​ക്കു​ന്ന​തി​നു പകരം ആ ഉപദേ​ശ​ത്തിൽനിന്ന്‌ എനിക്ക്‌ എന്തു പഠിക്കാം എന്നു ചിന്തി​ച്ചു​കൂ​ടേ?’ നമുക്കു കിട്ടുന്ന ഓരോ ഉപദേ​ശ​ത്തിൽനി​ന്നും എങ്ങനെ പ്രയോ​ജനം നേടാ​മെന്നു ചിന്തി​ക്കു​ന്നതു ജ്ഞാനമാ​യി​രി​ക്കും.—സുഭാ. 15:31.

w10 3/15 32 ¶4

ഈ ദുഷ്‌കര നാളു​ക​ളിൽ “ഹൃദയ​ശു​ദ്ധി” കാത്തു​സൂ​ക്ഷി​ക്കു​ക

എതിരാ​ളി​ക​ളിൽനി​ന്നുള്ള പ്രശ്‌നങ്ങൾ, സാമ്പത്തിക ബുദ്ധി​മുട്ട്‌, ഗുരു​ത​ര​മായ രോഗങ്ങൾ എന്നിവ ദൈവ​ദാ​സ​രിൽ ചിലരെ വല്ലാതെ ഭാര​പ്പെ​ടു​ത്തു​ന്നു. അത്തരം സാഹച​ര്യ​ങ്ങ​ളിൽ അവരുടെ മനസ്സി​ടി​ഞ്ഞു​പോ​യേ​ക്കാം. ദാവീദ്‌ രാജാ​വി​നും സമാന​മായ അനുഭവം ഉണ്ടായി​ട്ടുണ്ട്‌. “എന്റെ മനം എന്റെ ഉള്ളിൽ വിഷാ​ദി​ച്ചി​രി​ക്കു​ന്നു; എന്റെ ഹൃദയം എന്റെ ഉള്ളിൽ സ്‌തം​ഭി​ച്ചി​രി​ക്കു​ന്നു” എന്ന്‌ അവൻ എഴുതി. (സങ്കീ. 143:4) അത്തര​മൊ​രു അവസ്ഥയിൽനിന്ന്‌ പുറത്തു​ക​ട​ക്കാൻ എന്താണ്‌ അവനെ സഹായി​ച്ചത്‌? യഹോവ തന്റെ ദാസന്മാ​രോട്‌ ഇടപ്പെ​ട്ടി​രി​ക്കുന്ന വിധവും അവൻ മുമ്പ്‌ തന്നെ വിടു​വി​ച്ച​തു​മെ​ല്ലാം ദാവീദ്‌ ഓർത്തു. യഹോവ തന്റെ മഹനീയ നാമത്തി​നു​വേണ്ടി ചെയ്‌ത കാര്യ​ങ്ങ​ളും ദാവീദ്‌ ധ്യാനി​ച്ചു. യഹോ​വ​യു​ടെ പ്രവൃ​ത്തി​ക​ളെ​ക്കു​റി​ച്ചാ​യി​രു​ന്നു ദാവീദ്‌ സദാ ചിന്തി​ച്ചി​രു​ന്നത്‌. (സങ്കീ. 143:5) സമാന​മാ​യി, നമ്മുടെ സ്രഷ്ടാ​വി​നെ​ക്കു​റി​ച്ചും അവൻ നമുക്കാ​യി ചെയ്‌തി​രി​ക്കു​ന്ന​തും ഇപ്പോൾ ചെയ്യു​ന്ന​തു​മായ കാര്യ​ങ്ങ​ളെ​ക്കു​റി​ച്ചും ധ്യാനി​ക്കു​ന്നത്‌, പരി​ശോ​ധ​നകൾ നേരി​ടാൻ നമ്മെ സഹായി​ക്കും.

w15 3/15 32 ¶2

“കർത്താ​വിൽ മാത്രമേ വിവാഹം കഴിക്കാ​വൂ” അത്‌ പ്രാ​യോ​ഗി​ക​മോ?

ചില സാഹച​ര്യ​ങ്ങ​ളിൽ സങ്കീർത്ത​ന​ക്കാ​ര​നായ ദാവീ​ദി​ന്റേ​തു​പോ​ലെ നിങ്ങളു​ടെ ഹൃദയം വിതു​മ്പി​യേ​ക്കാം: “യഹോവേ, വേഗം എനിക്കു ഉത്തരമ​രു​ളേ​ണമേ; എന്റെ ആത്മാവു കാംക്ഷി​ക്കു​ന്നു. ഞാൻ കുഴി​യിൽ ഇറങ്ങു​ന്ന​വ​രെ​പ്പോ​ലെ ആകാതി​രി​പ്പാൻ നിന്റെ മുഖത്തെ എനിക്കു മറെക്ക​രു​തേ.” (സങ്കീ. 143:5-7, 10) അത്തരം സമയങ്ങ​ളിൽ, നിങ്ങ​ളെ​ക്കു​റി​ച്ചുള്ള തന്റെ ഇഷ്ടം എന്തെന്ന്‌ കാണി​ച്ചു​ത​രാൻ നിങ്ങളു​ടെ സ്വർഗീ​യ​പി​താ​വിന്‌ സമയം അനുവ​ദി​ക്കുക. നിങ്ങൾക്ക്‌ അത്‌ എങ്ങനെ ചെയ്യാ​നാ​കും? ദൈവ​വ​ചനം വായി​ക്കാ​നും വായി​ക്കുന്ന കാര്യ​ങ്ങ​ളെ​ക്കു​റി​ച്ചു ധ്യാനി​ക്കാ​നും സമയ​മെ​ടു​ക്കുക. ദൈവ​ത്തി​ന്റെ കല്‌പ​നകൾ എന്താ​ണെന്ന്‌ നിങ്ങൾ മനസ്സി​ലാ​ക്കും. തന്റെ ജനത്തി​നു​വേണ്ടി മുൻകാ​ല​ങ്ങ​ളിൽ ദൈവം പ്രവർത്തിച്ച വിധം നിങ്ങൾ കാണു​ക​യും ചെയ്യും. അങ്ങനെ യഹോ​വയെ ശ്രദ്ധി​ക്കു​ന്ന​തു​വഴി, ദൈവത്തെ അനുസ​രി​ക്കു​ന്ന​തി​ലെ ജ്ഞാന​ത്തെ​ക്കു​റി​ച്ചുള്ള നിങ്ങളു​ടെ ബോധ്യം വർധി​ച്ചു​വ​രും.

ആത്മീയരത്നങ്ങൾ

it-2-E 1151

വിഷം

ആലങ്കാ​രി​ക​പ്ര​യോ​ഗം. ദുഷ്ടന്മാ​രു​ടെ നാവിനെ സർപ്പത്തി​ന്റെ നാവി​നോട്‌ ഉപമി​ച്ചി​രി​ക്കു​ന്നു. കാരണം അവർ പറയുന്ന നുണക​ളും പരദൂ​ഷ​ണ​വും അണലി​യു​ടെ വിഷം​പോ​ലെ മറ്റുള്ള​വർക്കു ദോഷം ചെയ്യു​ന്ന​താണ്‌. അത്തരം ഹാനി​ക​ര​മായ സംസാ​ര​ത്തിന്‌ മറ്റൊ​രാ​ളു​ടെ സത്‌പേ​രി​നെ നശിപ്പി​ക്കാ​നാ​കും.—സങ്ക 58:3, 4; 140:3; റോമ 3:13; യാക്ക 3:8.

ഫെബ്രു​വരി 3-9

ദൈവ​വ​ച​ന​ത്തി​ലെ നിധികൾ | സങ്കീർത്തനം 144-146

“യഹോവ ദൈവ​മാ​യുള്ള ജനം സന്തുഷ്ടർ”

w18.04 32 ¶3-4

വായന​ക്കാ​രിൽനി​ന്നുള്ള ചോദ്യ​ങ്ങൾ

2. 144-ാം സങ്കീർത്ത​ന​ത്തി​ലെ മറ്റു വാക്യ​ങ്ങ​ളു​മാ​യി ഈ മാറ്റം യോജി​ക്കു​ന്നു. 11-ാം വാക്യ​ത്തിൽ ദുഷ്ടന്മാ​രു​ടെ കൈയിൽനിന്ന്‌ “വിടു​വിച്ച്‌ രക്ഷി​ക്കേ​ണമേ” എന്ന്‌ അപേക്ഷി​ക്കുന്ന നീതി​മാ​ന്മാ​രെ​ക്കു​റിച്ച്‌ പറഞ്ഞി​രി​ക്കു​ന്നു. അവർക്കുള്ള അനു​ഗ്ര​ഹ​ങ്ങ​ളാണ്‌ “അപ്പോൾ” എന്നു തുടങ്ങുന്ന 12 മുതൽ 14 വരെയുള്ള വാക്യ​ങ്ങ​ളിൽ പറഞ്ഞി​രി​ക്കു​ന്നത്‌. പദഘട​ന​യിൽ വരുത്തി​യി​രി​ക്കുന്ന മാറ്റം 15-ാം വാക്യ​ത്തി​ലും പ്രതി​ഫ​ലി​ച്ചി​ട്ടുണ്ട്‌. ആ വാക്യ​ത്തിൽ രണ്ടു പ്രാവ​ശ്യം കാണുന്ന “സന്തുഷ്ടർ” എന്ന പദം ഇപ്പോൾ ഒരേ കൂട്ടർക്കു​ത​ന്നെ​യാ​ണു ബാധക​മാ​കു​ന്നത്‌, അതായത്‌ ‘യഹോവ ദൈവ​മായ ജനത്തിന്‌.’ മൂല എബ്രാ​യ​പാ​ഠ​ത്തിൽ ഉദ്ധരണി​ചി​ഹ്ന​ങ്ങൾപോ​ലുള്ള ചിഹ്നങ്ങ​ളൊ​ന്നു​മില്ല എന്നതും ശ്രദ്ധേ​യ​മാണ്‌. അതു​കൊണ്ട്‌ എബ്രായ കാവ്യ​ശൈ​ലി​യും സന്ദർഭ​വും ഇതി​നോ​ടു ബന്ധപ്പെട്ട മറ്റു ബൈബിൾഭാ​ഗ​ങ്ങ​ളും കണക്കി​ലെ​ടുത്ത്‌ പരിഭാ​ഷകർ ശരിയായ അർഥം മനസ്സി​ലാ​ക്കണം.

3. ദൈവത്തിന്റെ വിശ്വ​സ്‌ത​രായ ജനതയ്‌ക്ക്‌ അനു​ഗ്ര​ഹങ്ങൾ വാഗ്‌ദാ​നം ചെയ്‌തി​രി​ക്കുന്ന മറ്റു ബൈബിൾഭാ​ഗ​ങ്ങ​ളു​മാ​യി പരിഭാ​ഷ​യി​ലെ ഈ മാറ്റം യോജി​പ്പി​ലാണ്‌. ദൈവം ഇസ്രാ​യേൽ ജനതയെ ശത്രു​ക്ക​ളിൽനിന്ന്‌ വിടു​വി​ച്ച​ശേഷം അവർക്കു സന്തോ​ഷ​വും സമൃദ്ധി​യും നൽകി അനു​ഗ്ര​ഹി​ക്കു​മെന്നു ദാവീ​ദിന്‌ ഉറപ്പു​ണ്ടാ​യി​രു​ന്നു. 144-ാം സങ്കീർത്തനം ഇപ്പോൾ ദാവീ​ദി​ന്റെ ഈ പ്രത്യാ​ശ​യ്‌ക്കു തെളിവ്‌ തരുന്നു. (ലേവ്യ 26:9, 10; ആവ. 7:13; സങ്കീ. 128:1-6) അത്തര​മൊ​രു പ്രത്യാ​ശ​യ്‌ക്കു ദാവീ​ദിന്‌ അടിസ്ഥാ​ന​മു​ണ്ടാ​യി​രു​ന്നു. ഉദാഹ​ര​ണ​ത്തിന്‌, ആവർത്തനം 28:4 ഇങ്ങനെ പറയുന്നു: “നിങ്ങളു​ടെ മക്കൾ അനുഗൃ​ഹീ​ത​രാ​യി​രി​ക്കും; നിങ്ങളു​ടെ നിലത്തെ വിളവും നിങ്ങളു​ടെ മൃഗങ്ങ​ളു​ടെ കുഞ്ഞു​ങ്ങ​ളും—നിങ്ങളു​ടെ കന്നുകാ​ലി​ക്കി​ടാ​ങ്ങ​ളും നിങ്ങളു​ടെ ആട്ടിൻകു​ട്ടി​ക​ളും—അനുഗൃ​ഹീ​ത​മാ​യി​രി​ക്കും.” വാസ്‌ത​വ​ത്തിൽ ദാവീ​ദി​ന്റെ മകനായ ശലോ​മോ​ന്റെ ഭരണകാ​ലത്ത്‌ ഇസ്രാ​യേ​ല്യർ മുമ്പൊ​രി​ക്ക​ലും അനുഭ​വി​ച്ചി​ട്ടി​ല്ലാത്ത സമാധാ​ന​വും സമൃദ്ധി​യും ആസ്വദി​ച്ചു. അതിലു​പരി, ശലോ​മോ​ന്റെ ഭരണത്തി​ലെ നന്മകൾ മിശി​ഹ​യു​ടെ ഭരണത്തിൻകീ​ഴിൽ ആസ്വദി​ക്കാ​നി​രി​ക്കുന്ന അനു​ഗ്ര​ഹ​ങ്ങ​ളി​ലേക്കു വിരൽചൂ​ണ്ടി.—1 രാജാ. 4:20, 21; സങ്കീ. 72:1-20.

w22.10 28 ¶16-17

നിങ്ങളു​ടെ പ്രത്യാശ ശക്തമാ​ക്കി​നി​റു​ത്തുക

¹⁶ നമുക്കുള്ള നിത്യ​ജീ​വന്റെ പ്രത്യാശ ദൈവ​ത്തിൽനി​ന്നുള്ള വില​യേ​റിയ ഒരു സമ്മാന​മാണ്‌. ആ നല്ല ഭാവി​ക്കാ​യി നമ്മൾ ആകാം​ക്ഷ​യോ​ടെ കാത്തി​രി​ക്കു​ന്നു. അതു വരു​മെന്ന്‌ ഉറപ്പാണ്‌. ഈ പ്രത്യാശ നമുക്ക്‌ ഒരു നങ്കൂര​മാണ്‌. പരീക്ഷ​ണ​ങ്ങ​ളും ഉപദ്ര​വ​ങ്ങ​ളും ഉണ്ടാകു​മ്പോൾ സഹിച്ചു​നിൽക്കാ​നും മരണ​ത്തെ​പ്പോ​ലും നേരി​ടാ​നും അതു നമ്മളെ സഹായി​ക്കു​ന്നു. കൂടാതെ ഈ പ്രത്യാശ ഒരു പടത്തൊ​പ്പി​യു​മാണ്‌. അതു നമ്മുടെ ചിന്തകളെ സംരക്ഷി​ക്കു​ന്നു. അതു​കൊണ്ട്‌ തെറ്റായ കാര്യ​ങ്ങളെ തള്ളിക്ക​ളഞ്ഞ്‌ ശരിയായ കാര്യങ്ങൾ ചെയ്യാൻ നമുക്കു കഴിയു​ന്നു. ബൈബി​ളി​നെ അടിസ്ഥാ​ന​മാ​ക്കി​യുള്ള നമ്മുടെ ഈ പ്രത്യാശ യഹോ​വ​യെ​ക്കു​റിച്ച്‌ കൂടുതൽ മനസ്സി​ലാ​ക്കാൻ നമ്മളെ സഹായി​ക്കു​ന്നു. ദൈവം നമ്മളെ എത്രമാ​ത്രം സ്‌നേ​ഹി​ക്കു​ന്നെന്ന്‌ അതു കാണി​ച്ചു​ത​രു​ന്നു. പ്രത്യാശ ശക്തമാക്കി നിറു​ത്തു​ക​യാ​ണെ​ങ്കിൽ നമുക്ക്‌ അത്‌ ഒരുപാ​ടു പ്രയോ​ജനം ചെയ്യും.

¹⁷ പൗലോസ്‌ അപ്പോ​സ്‌തലൻ റോമർക്ക്‌ എഴുതിയ കത്തിൽ ഇങ്ങനെ പ്രോ​ത്സാ​ഹി​പ്പി​ച്ചു: “പ്രത്യാശ ഓർത്ത്‌ സന്തോ​ഷി​ക്കുക.” (റോമ. 12:12) പൗലോ​സി​നു തന്റെ പ്രത്യാ​ശ​യിൽ സന്തോ​ഷി​ക്കാൻ കഴിഞ്ഞു. കാരണം താൻ വിശ്വ​സ്‌ത​നാ​യി തുടരു​ക​യാ​ണെ​ങ്കിൽ സ്വർഗ​ത്തിൽ നിത്യം ജീവി​ക്കാ​നുള്ള അനു​ഗ്രഹം തനിക്കു കിട്ടു​മെന്ന്‌ അദ്ദേഹ​ത്തിന്‌ ഉറപ്പാ​യി​രു​ന്നു. നമ്മുടെ പ്രത്യാശ ഓർത്ത്‌ നമുക്കും സന്തോ​ഷി​ക്കാം. കാരണം യഹോവ തന്റെ വാക്കു പാലി​ക്കു​മെന്ന്‌ നമുക്ക്‌ ഉറപ്പുണ്ട്‌. സങ്കീർത്ത​ന​ക്കാ​രൻ എഴുതി​യ​തു​പോ​ലെ ‘തന്റെ ദൈവ​മായ യഹോ​വ​യിൽ പ്രത്യാശ വെക്കു​ന്നവൻ സന്തുഷ്ടൻ. ദൈവം എപ്പോ​ഴും വിശ്വ​സ്‌ത​നാണ്‌’ എന്നു നമുക്ക്‌ അറിയാം.—സങ്കീ. 146:5, 6.

w18.01 26 ¶19-20

യഥാർഥ​സ​ന്തോ​ഷം കൈവ​രു​ത്തുന്ന സ്‌നേഹം

¹⁹ മനുഷ്യൻ കഴിഞ്ഞ 6,000-ത്തോളം വർഷമാ​യി അനുഭ​വി​ക്കുന്ന കഷ്ടപ്പാ​ടു​കൾക്ക്‌ അന്ത്യം കുറി​ച്ചു​കൊണ്ട്‌ സാത്താന്റെ ലോകം അവസാ​നി​ക്കാ​റാ​യി. തങ്ങളെ​ത്ത​ന്നെ​യും പണത്തെ​യും ജീവി​ത​സു​ഖ​ങ്ങ​ളെ​യും അമിത​മാ​യി സ്‌നേ​ഹി​ക്കുന്ന ആളുക​ളെ​ക്കൊണ്ട്‌ ഈ ഭൂമി നിറഞ്ഞി​രി​ക്കു​ക​യാണ്‌. തങ്ങൾക്ക്‌ എന്തു കിട്ടും എന്നാണ്‌ അവർ എപ്പോ​ഴും നോക്കു​ന്നത്‌. അവരുടെ അഭിലാ​ഷ​ങ്ങ​ളാണ്‌ അവരുടെ ജീവി​ത​ത്തി​ന്റെ കേന്ദ്ര​ബി​ന്ദു. ഇങ്ങനെ​യുള്ള ആളുകൾക്ക്‌ ഒരിക്ക​ലും യഥാർഥ​സ​ന്തോ​ഷം ലഭിക്കില്ല. സങ്കീർത്ത​ന​ക്കാ​രൻ എഴുതി​യ​താ​ണു വാസ്‌തവം: “യാക്കോ​ബി​ന്റെ ദൈവം സഹായി​യാ​യു​ള്ളവൻ സന്തുഷ്ടൻ; തന്റെ ദൈവ​മായ യഹോ​വ​യി​ല​ല്ലോ അവൻ പ്രത്യാശ വെക്കു​ന്നത്‌.”—സങ്കീ. 146:5.

²⁰ യഹോ​വ​യു​ടെ ജനത്തിന്റെ ഇടയിൽ ദൈവ​സ്‌നേഹം തഴച്ചു​വ​ള​രു​ക​യാണ്‌. ഓരോ വർഷവും അവരുടെ എണ്ണം കൂടി​ക്കൂ​ടി​വ​രു​ന്നു. ദൈവ​രാ​ജ്യം ഭരണം നടത്തുന്നു എന്നതി​ന്റെ​യും പെട്ടെ​ന്നു​തന്നെ അതു ഭൂമി​യിൽ നമുക്കു സ്വപ്‌നം​പോ​ലും കാണാൻ പറ്റാത്ത അനു​ഗ്ര​ഹങ്ങൾ കൊണ്ടു​വ​രും എന്നതി​ന്റെ​യും തെളി​വല്ലേ ഇത്‌? ഓർക്കുക: നമുക്ക്‌ യഥാർഥ​വും നിലനിൽക്കു​ന്ന​തും ആയ സന്തോഷം ലഭിക്കു​ന്നതു ദൈ​വേഷ്ടം ചെയ്യു​ന്ന​തി​ലൂ​ടെ​യും ഏറ്റവും ഉന്നതനാ​യ​വനെ നമ്മൾ പ്രസാ​ദി​പ്പി​ക്കു​ന്നു എന്ന്‌ അറിയു​ന്ന​തി​ലൂ​ടെ​യും ആണ്‌. യഹോ​വയെ സ്‌നേ​ഹി​ക്കു​ന്നവർ സന്തുഷ്ട​രാ​യി എന്നു​മെ​ന്നും ജീവി​ക്കും! അടുത്ത ലേഖന​ത്തിൽ സ്വാർഥത നിറഞ്ഞ സ്‌നേ​ഹ​ത്തിൽനി​ന്നു​ണ്ടാ​കുന്ന മോശ​മായ ചില ഗുണങ്ങ​ളെ​ക്കു​റിച്ച്‌ നമ്മൾ പഠിക്കും. യഹോ​വ​യു​ടെ ദാസരു​ടെ ഇടയിൽ കാണുന്ന ഗുണങ്ങൾ അതിൽനിന്ന്‌ എങ്ങനെ​യാ​ണു വ്യത്യാ​സ​പ്പെ​ട്ടി​രി​ക്കു​ന്ന​തെ​ന്നും പഠിക്കും.

ആത്മീയരത്നങ്ങൾ

it-1-E 111 ¶9

മൃഗങ്ങൾ

മൃഗങ്ങ​ളോ​ടു ദയയോ​ടെ ഇടപെ​ടാ​നും അതിനെ പരിപാ​ലി​ക്കാ​നും ബൈബിൾ നമ്മളെ പഠിപ്പി​ക്കു​ന്നു. ജീവി​ക്കാ​നും നന്നായി​രി​ക്കാ​നും വേണ്ട​തെ​ല്ലാം അവയ്‌ക്ക്‌ യഹോ​വ​യാണ്‌ സ്‌നേ​ഹ​ത്തോ​ടെ കൊടു​ക്കു​ന്നത്‌. (സുഭ 12:10; സങ്ക 145:15, 16) ഇസ്രാ​യേ​ല്യർക്കു മോശ​യി​ലൂ​ടെ നിയമം നൽകി​യ​പ്പോൾ വളർത്തു​മൃ​ഗ​ങ്ങൾക്കു വേണ്ട പരിപാ​ലനം കിട്ടു​ന്നു​ണ്ടെന്ന്‌ ദൈവം ഉറപ്പു​വ​രു​ത്തി. (പുറ 23:4, 5; ആവ 22:10; 25:4) ശബത്തു​ദി​വസം വിശ്ര​മി​ക്കാ​നുള്ള ക്രമീ​ക​ര​ണ​ത്തിൽനിന്ന്‌ മൃഗങ്ങൾക്കും പ്രയോ​ജനം കിട്ടാൻ ദൈവം പ്രതീ​ക്ഷി​ച്ചു.—പുറ 20:10; 23:12; ആവ 5:14.

ഫെബ്രു​വരി 10-16

ദൈവ​വ​ച​ന​ത്തി​ലെ നിധികൾ | സങ്കീർത്തനം 147-150

യഹോ​വയെ സ്‌തു​തി​ക്കാൻ ധാരാളം കാരണ​ങ്ങ​ളുണ്ട്‌

w17.07 18 ¶5-6

“യാഹിനെ സ്‌തു​തി​പ്പിൻ!”—എന്തു​കൊണ്ട്‌?

⁵ ഇസ്രാ​യേ​ല്യ​രെ ഒരു ജനതയെന്ന നിലയിൽ മാത്രമല്ല യഹോവ ആശ്വസി​പ്പി​ച്ചത്‌. ആ ജനതയി​ലെ ഓരോ വ്യക്തി​ക്കും യഹോവ ആശ്വാസം പകർന്നു. ഇന്നും അത്‌ അങ്ങനെ​ത​ന്നെ​യാണ്‌. “ഹൃദയം തകർന്ന​വരെ ദൈവം സുഖ​പ്പെ​ടു​ത്തു​ന്നു; അവരുടെ മുറി​വു​കൾ വെച്ചു​കെ​ട്ടു​ന്നു” എന്നാണു സങ്കീർത്ത​ന​ക്കാ​രൻ ദൈവ​ത്തെ​ക്കു​റിച്ച്‌ എഴുതി​യത്‌. (സങ്കീ. 147:3) അതെ, ശാരീ​രി​ക​മോ വൈകാ​രി​ക​മോ ആയ പ്രശ്‌നങ്ങൾ നേരി​ടു​ന്ന​വ​രെ​ക്കു​റിച്ച്‌ യഹോ​വ​യ്‌ക്കു ചിന്തയുണ്ട്‌. നമ്മളെ ആശ്വസി​പ്പി​ക്കാ​നും നമ്മുടെ മനസ്സി​നേറ്റ മുറി​വു​കൾ സുഖ​പ്പെ​ടു​ത്താ​നും അതിയാ​യി ആഗ്രഹി​ക്കു​ന്ന​വ​നാണ്‌ യഹോവ. (സങ്കീ. 34:18; യശ. 57:15) നമ്മൾ നേരി​ടുന്ന ഏതൊരു പ്രശ്‌ന​വും തരണം ചെയ്യാൻ ആവശ്യ​മായ ജ്ഞാനവും ശക്തിയും യഹോവ നമുക്കു തരും.—യാക്കോ. 1:5.

⁶ യഹോവ “നക്ഷത്ര​ങ്ങളെ എണ്ണുന്നു” എന്നും “അവയെ​യെ​ല്ലാം പേരെ​ടുത്ത്‌ വിളി​ക്കു​ന്നു” എന്നും പറഞ്ഞു​കൊണ്ട്‌ സങ്കീർത്ത​ന​ക്കാ​രൻ തുടർന്ന്‌ ആകാശ​ത്തേക്കു ശ്രദ്ധ തിരി​ക്കു​ന്നു. (സങ്കീ. 147:4) പറഞ്ഞുവന്ന കാര്യ​ത്തിൽനിന്ന്‌ അദ്ദേഹ​ത്തി​നു വിഷയം മാറി​പ്പോ​യോ? സങ്കീർത്ത​ന​ക്കാ​രൻ എന്തു​കൊ​ണ്ടാ​ണു പെട്ടെന്ന്‌ ആകാശ​ഗോ​ള​ങ്ങ​ളെ​ക്കു​റിച്ച്‌ പറഞ്ഞത്‌? ഒന്നു ചിന്തി​ക്കുക: അദ്ദേഹ​ത്തി​നു നക്ഷത്രങ്ങൾ കാണാ​മാ​യി​രു​ന്നെ​ങ്കി​ലും അവ എത്ര​യെ​ണ്ണ​മു​ണ്ടെന്ന്‌ ഒരു ധാരണ​യു​മി​ല്ലാ​യി​രു​ന്നു. ഇന്നത്തെ കാര്യ​മോ? മനുഷ്യർ ഇന്ന്‌ എത്ര​യേറെ നക്ഷത്ര​ങ്ങളെ കണ്ടെത്തി​യി​രി​ക്കു​ന്നു! ക്ഷീരപഥം എന്ന നമ്മുടെ താരാ​പം​ക്തി​യിൽ മാത്രം ശതകോ​ടി​ക്ക​ണ​ക്കി​നു നക്ഷത്ര​ങ്ങ​ളു​ണ്ടെ​ന്നാ​ണു ചിലരു​ടെ കണക്കു​കൂ​ട്ടൽ. അത്തരത്തി​ലുള്ള സഹസ്ര​കോ​ടി​ക്ക​ണ​ക്കി​നു താരാ​പം​ക്തി​ക​ളാ​ണു പ്രപഞ്ച​ത്തി​ലു​ള്ളത്‌. അതെ, നമ്മൾ എണ്ണിയാൽ തീരാ​ത്തത്ര നക്ഷത്രങ്ങൾ! എന്നാൽ സ്രഷ്ടാവ്‌ അതി​നെ​ല്ലാം ഓരോ പേര്‌ ഇട്ടിട്ടുണ്ട്‌. അതിന്റെ അർഥം യഹോ​വ​യ്‌ക്ക്‌ ഓരോ നക്ഷത്ര​ത്തെ​യും പ്രത്യേ​കം​പ്ര​ത്യേ​കം അറിയാം എന്നാണ്‌. (1 കൊരി. 15:41) അങ്ങനെ​യെ​ങ്കിൽ ഭൂമി​യി​ലുള്ള മനുഷ്യ​സൃ​ഷ്ടി​യെ​ക്കു​റി​ച്ചോ? ഓരോ നക്ഷത്ര​വും എപ്പോൾ, എവി​ടെ​യാ​ണെന്ന്‌ അറിയാ​വുന്ന യഹോ​വ​യ്‌ക്കു നിങ്ങളെ ഓരോ​രു​ത്ത​രെ​യും വ്യക്തി​ക​ളെന്ന നിലയി​ലും അറിയാം—നിങ്ങൾ ഇപ്പോൾ എവി​ടെ​യാണ്‌, നിങ്ങളു​ടെ മാനസി​കാ​വസ്ഥ എന്താണ്‌, ഇപ്പോൾ നിങ്ങൾക്ക്‌ എന്താണു വേണ്ടത്‌ എന്നെല്ലാം യഹോവ മനസ്സി​ലാ​ക്കു​ന്നു.

w17.07 18 ¶7

“യാഹിനെ സ്‌തു​തി​പ്പിൻ!”—എന്തു​കൊണ്ട്‌?

⁷ യഹോവ നമ്മളെ ഓരോ​രു​ത്ത​രെ​യും വ്യക്തി​ക​ളെന്ന നിലയിൽ ശ്രദ്ധി​ക്കു​ന്നു എന്നു നമ്മൾ കണ്ടു. എന്നാൽ അതു മാത്രമല്ല, നമ്മുടെ പ്രശ്‌നങ്ങൾ സഹാനു​ഭൂ​തി​യോ​ടെ മനസ്സി​ലാ​ക്കാ​നുള്ള പ്രാപ്‌തി​യും നമ്മളെ സഹായി​ക്കാൻ വേണ്ട ശക്തിയും ദൈവ​ത്തി​നുണ്ട്‌. (സങ്കീർത്തനം 147:5 വായി​ക്കുക.) ഇപ്പോൾ നേരി​ടുന്ന പ്രശ്‌ന​ത്തിൽനിന്ന്‌ ഒരിക്ക​ലും കരകയ​റാ​നാ​കി​ല്ലെ​ന്നോ അത്‌ ഒറ്റയ്‌ക്കു താങ്ങാ​നാ​കി​ല്ലെ​ന്നോ നമുക്കു തോന്നി​യേ​ക്കാം. എന്നാൽ ‘നാം പൊടി​യെന്ന്‌ ഓർക്കുന്ന’ ദൈവ​ത്തി​നു നമ്മുടെ പരിമി​തി​കൾ മനസ്സി​ലാ​കും. (സങ്കീ. 103:14) അപൂർണ​രാ​യ​തു​കൊണ്ട്‌ നമ്മൾ വീണ്ടും​വീ​ണ്ടും ഒരേ തെറ്റു​തന്നെ ചെയ്‌തേ​ക്കാം. അറിയാ​തെ നമ്മുടെ നാവിൽനിന്ന്‌ വീണു​പോയ വാക്കുകൾ, ഇടയ്‌ക്കി​ടെ പൊന്തി​വ​രുന്ന മോശ​മായ ആഗ്രഹങ്ങൾ, ചില കാര്യ​ങ്ങ​ളു​ടെ പേരിൽ മറ്റുള്ള​വ​രോ​ടു തോന്നുന്ന അസൂയ ഇവയെ​ല്ലാം പലപ്പോ​ഴും നമ്മളെ നിരാ​ശ​യി​ലാ​ഴ്‌ത്തു​ന്നു​ണ്ടാ​കും. എന്നാൽ അത്തരം ബലഹീ​ന​ത​ക​ളൊ​ന്നു​മി​ല്ലാത്ത വ്യക്തി​യാണ്‌ യഹോവ. എങ്കിൽപ്പോ​ലും യഹോ​വ​യ്‌ക്കു നമ്മുടെ മാനസി​കാ​വസ്ഥ നന്നായി മനസ്സി​ലാ​ക്കാൻ കഴിയും. കാരണം യഹോ​വ​യു​ടെ ഗ്രാഹ്യം അളവറ്റ​താണ്‌.—യശ. 40:28.

w17.07 21 ¶18

“യാഹിനെ സ്‌തു​തി​പ്പിൻ!”—എന്തു​കൊണ്ട്‌?

¹⁸ പുരാ​ത​ന​കാ​ലത്തെ ഇസ്രാ​യേ​ല്യർ എത്ര അനുഗൃ​ഹീ​ത​രാ​ണെന്നു സങ്കീർത്ത​ന​ക്കാ​രന്‌ അറിയാ​മാ​യി​രു​ന്നു. ദൈവ​ത്തി​ന്റെ “മൊഴി​ക​ളും” “ചട്ടങ്ങളും വിധി​ക​ളും” ലഭിച്ച ഒരേ ഒരു ജനത അവർ മാത്ര​മാ​യി​രു​ന്നു. (സങ്കീർത്തനം 147:19, 20 വായി​ക്കുക.) ഇന്നോ? ദൈവ​ത്തി​ന്റെ പേരിൽ അറിയ​പ്പെ​ടാൻ അനു​ഗ്രഹം കിട്ടി​യി​ട്ടു​ള്ളതു നമുക്കു മാത്ര​മാണ്‌. യഹോ​വയെ അറിയാൻ കഴിഞ്ഞ​തു​കൊ​ണ്ടും നമ്മുടെ ജീവി​തത്തെ വഴിന​യി​ക്കാൻ ദൈവ​വ​ച​ന​മു​ള്ള​തു​കൊ​ണ്ടും ഇന്നു നമുക്ക്‌ യഹോ​വ​യു​മാ​യി ഒരു അടുത്ത ബന്ധമുണ്ട്‌. 147-ാം സങ്കീർത്ത​ന​ത്തി​ന്റെ രചയി​താ​വി​നെ​പ്പോ​ലെ “യാഹിനെ സ്‌തു​തി​പ്പിൻ!” എന്നു ഘോഷി​ക്കാ​നും മറ്റുള്ള​വരെ അതിനു പ്രോ​ത്സാ​ഹി​പ്പി​ക്കാ​നും എത്ര​യെത്ര കാരണ​ങ്ങ​ളാ​ണു നമുക്കു​ള്ളത്‌?

ആത്മീയരത്നങ്ങൾ

it-1-E 316

പക്ഷികൾ

പക്ഷിക​ളു​ടെ സങ്കീർണ​മായ രൂപകൽപ​ന​യും ഘടനയും യഹോ​വ​യ്‌ക്കു സ്‌തു​തി​യേ​കു​ന്നു. (സങ്ക 148:1, 10) അവയുടെ തൂവലു​കൾ വളരെ സങ്കീർണ​മായ ഘടകങ്ങൾകൊ​ണ്ടാണ്‌ ഉണ്ടാക്കി​യി​രി​ക്കു​ന്നത്‌. ഇനി, എല്ലുക​ളു​ടെ അകം പൊള്ള​യാ​യ​തു​കൊണ്ട്‌ പക്ഷികൾക്കു തൂക്കം കുറവാണ്‌. അത്‌ എളുപ്പം പറന്നു​പൊ​ങ്ങാൻ അവയെ സഹായി​ക്കു​ന്നു. അതു​പോ​ലെ വായു​വി​നെ എളുപ്പം കീറി​മു​റിച്ച്‌ പോകാൻ കഴിയുന്ന ഒരു ശരീര​ഘ​ട​ന​യാണ്‌ അവയ്‌ക്കു​ള്ളത്‌. പക്ഷിക​ളു​ടെ ഈ പ്രത്യേ​ക​തകൾ അവയെ ആധുനിക വിമാ​ന​ങ്ങ​ളെ​ക്കാൾ സങ്കീർണ​വും കാര്യ​ക്ഷ​മ​ത​യു​ള്ള​തും ആക്കുന്നു. സൃഷ്ടി​യി​ലെ ഈ അത്ഭുതം സ്രഷ്ടാ​വായ യഹോ​വ​യു​ടെ മഹത്ത്വം വെളി​പ്പെ​ടു​ത്തു​ന്നു; അതു ദൈവ​ത്തി​നു സ്‌തുതി കരേറ്റു​ന്നു.

ഫെബ്രു​വരി 17-23

ദൈവ​വ​ച​ന​ത്തി​ലെ നിധികൾ | സുഭാ​ഷി​തങ്ങൾ 1

യുവജ​ന​ങ്ങളേ—നിങ്ങൾ ആരെ ശ്രദ്ധി​ക്കും?

w17.11 29 ¶16-17

നിങ്ങളു​ടെ സമ്മാനം നഷ്ടമാ​കാ​തെ കാത്തു​സൂ​ക്ഷി​ക്കു​ക

¹⁶ ചെറു​പ്പ​ക്കാ​രേ, മാതാ​പി​താ​ക്കൾ നിങ്ങളെ മനസ്സി​ലാ​ക്കു​ന്നി​ല്ലെ​ന്നും നിങ്ങൾക്ക്‌ ആവശ്യ​ത്തി​നു സ്വാത​ന്ത്ര്യം തരുന്നി​ല്ലെ​ന്നും നിങ്ങൾക്കു തോന്നു​ന്നു​ണ്ടോ? അതെ​പ്രതി നിങ്ങൾക്ക്‌ അസ്വസ്ഥത തോന്നി​യാൽ യഹോ​വയെ സേവി​ക്ക​ണോ എന്നു​പോ​ലും നിങ്ങൾ ചിന്തി​ച്ചു​പോ​യേ​ക്കാം. അങ്ങനെ നിങ്ങൾ യഹോ​വയെ സേവി​ക്കു​ന്നതു നിറു​ത്തി​യാൽ ഒരു കാര്യം നിങ്ങൾ തിരി​ച്ച​റി​യേ​ണ്ടി​വ​രും: ദൈവ​ഭ​യ​മുള്ള മാതാ​പി​താ​ക്ക​ളെ​യും സഹോ​ദ​ര​ങ്ങ​ളെ​യും പോലെ നിങ്ങളു​ടെ കാര്യ​ത്തിൽ താത്‌പ​ര്യ​മുള്ള മറ്റാരു​മില്ല എന്ന സത്യം.

¹⁷ മാതാ​പി​താ​ക്കൾ നിങ്ങളെ ഒരിക്ക​ലും തിരു​ത്തി​യി​ട്ടി​ല്ലെ​ങ്കിൽ അവർക്ക്‌ യഥാർഥ​ത്തിൽ നിങ്ങ​ളോ​ടു സ്‌നേ​ഹ​മു​ണ്ടെന്നു പറയാൻ കഴിയു​മോ? (എബ്രാ. 12:8) ഒരുപക്ഷേ മാതാ​പി​താ​ക്കൾ ശിക്ഷണം തരുന്ന രീതി​യാ​യി​രി​ക്കാം നിങ്ങൾക്ക്‌ ഇഷ്ടപ്പെ​ടാ​ത്തത്‌. ശിക്ഷണം തരുന്ന വിധ​ത്തെ​ക്കു​റിച്ച്‌ ഓർത്ത്‌ വിഷമി​ക്കു​ന്ന​തി​നു പകരം എന്തു​കൊ​ണ്ടാണ്‌ അവർ ശിക്ഷണം തന്നതെന്നു ചിന്തി​ക്കുക. അതു​കൊണ്ട്‌, മാതാ​പി​താ​ക്കൾ കുറ്റ​പ്പെ​ടു​ത്തു​മ്പോൾ പ്രകോ​പി​ത​രാ​കു​ന്ന​തി​നു പകരം ശാന്തരാ​യി​രി​ക്കുക. ദൈവ​വ​ചനം പറയുന്നു: “അറിവു​ള്ളവൻ വാക്കുകൾ നിയ​ന്ത്രി​ക്കു​ന്നു; വകതി​രി​വു​ള്ളവൻ ശാന്തത പാലി​ക്കും.” (സുഭാ. 17:27) ഏതു രീതി​യി​ലാണ്‌ ഉപദേശം തന്നതെന്ന്‌ ഓർത്ത്‌ വിഷമി​ക്കു​ന്ന​തി​നു പകരം ആ ബുദ്ധി​യു​പ​ദേ​ശ​ത്തിൽനിന്ന്‌ പ്രയോ​ജനം നേടുക. ശാന്തത​യോ​ടെ ശിക്ഷണം സ്വീക​രി​ക്കാൻ കഴിയുന്ന പക്വത​യുള്ള ഒരാളാ​യി​ത്തീ​രുക എന്നതാ​യി​രി​ക്കട്ടെ നിങ്ങളു​ടെ ലക്ഷ്യം. (സുഭാ. 1:8) യഹോ​വയെ യഥാർഥ​ത്തിൽ സ്‌നേ​ഹി​ക്കുന്ന മാതാ​പി​താ​ക്ക​ളു​ണ്ടാ​യി​രി​ക്കു​ന്നത്‌ ഒരു അനു​ഗ്ര​ഹ​മാണ്‌. ജീവന്റെ സമ്മാനം നേടാൻ അവർ നിങ്ങളെ തീർച്ച​യാ​യും സഹായി​ക്കും.

w05 2/15 19-20 ¶11-12

ക്രിസ്‌ത്യാ​നി​യാ​യി തിരി​ച്ച​റി​യ​പ്പെ​ടു​ന്ന​തി​നുള്ള നമ്മുടെ പദവി കാത്തു​സൂ​ക്ഷി​ക്കു​ക

¹¹ മനുഷ്യ​നെയല്ല, ദൈവത്തെ പ്രസാ​ദി​പ്പി​ക്കാൻ ശ്രമി​ക്കുക. ഒരു കൂട്ടത്തി​ന്റെ ഭാഗമാ​യി ഒരളവു​വരെ നമ്മെ തിരി​ച്ച​റി​യി​ക്കാ​നുള്ള ആഗ്രഹം സ്വാഭാ​വി​ക​മാണ്‌. എല്ലാവർക്കും സുഹൃ​ത്തു​ക്കളെ ആവശ്യ​മാണ്‌, ഒരു സുഹൃ​ദ്വ​ല​യ​ത്തി​ന്റെ ഭാഗമാ​യി അംഗീ​ക​രി​ക്ക​പ്പെ​ടു​ന്നത്‌ നമ്മെ സന്തോ​ഷി​പ്പി​ക്കു​ന്നു. കൗമാ​ര​പ്രാ​യ​ത്തി​ലും പിൽക്കാ​ല​ത്തും സമപ്രാ​യ​ക്കാ​രിൽനി​ന്നുള്ള സമ്മർദം വളരെ ശക്തമാ​യി​രി​ക്കും, അത്‌ ഏതുവി​ധേ​ന​യും മറ്റുള്ള​വരെ അനുക​രി​ക്കു​ന്ന​തി​നും പ്രീതി​പ്പെ​ടു​ത്തു​ന്ന​തി​നും ഉള്ള വാഞ്‌ഛ ഉളവാ​ക്കു​ക​യും ചെയ്യും. എന്നാൽ സുഹൃ​ത്തു​ക്കൾക്കും സമപ്രാ​യ​ക്കാർക്കും എല്ലായ്‌പോ​ഴും നമ്മുടെ ക്ഷേമത്തിൽ താത്‌പ​ര്യം ഉണ്ടായി​രി​ക്ക​ണ​മെ​ന്നില്ല. ചില​പ്പോൾ ദുഷ്‌പ്ര​വൃ​ത്തി​കൾക്ക്‌ ഒരു കൂട്ടാ​ളി​യെ കിട്ടാൻ മാത്ര​മാ​യി​രി​ക്കും അവർ ഒരാ​ളോ​ടു ചങ്ങാത്തം കൂടു​ന്നത്‌. (സദൃശ​വാ​ക്യ​ങ്ങൾ 1:11-19) കൂട്ടു​കാ​രിൽനി​ന്നുള്ള അനഭി​കാ​മ്യ​മായ സമ്മർദ​ത്തി​നു വശംവ​ദ​നാ​കു​മ്പോൾ ഒരു ക്രിസ്‌ത്യാ​നി, മിക്ക​പ്പോ​ഴും താൻ ആരാ​ണെ​ന്നതു മറച്ചു​വെ​ക്കാൻ ശ്രമി​ക്കും. (സങ്കീർത്തനം 26:4) ‘ഈ ലോക​ത്തിന്‌ അനുരൂ​പ​രാ​ക​രുത്‌’ എന്ന്‌ അപ്പൊ​സ്‌ത​ല​നായ പൗലൊസ്‌ മുന്നറി​യി​പ്പു നൽകി. (റോമർ 12:2) ലോക​ത്തിന്‌ അനുരൂ​പ​പ്പെ​ടാ​നുള്ള ഏതു ബാഹ്യ​സ​മ്മർദ​ത്തോ​ടും പോരാ​ടു​ന്ന​തിന്‌ ആവശ്യ​മായ ആന്തരിക ശക്തി യഹോവ നമുക്കു പ്രദാനം ചെയ്യുന്നു.—എബ്രായർ 13:6.

¹² ക്രിസ്‌ത്യാ​നി​യാ​യി തിരി​ച്ച​റി​യി​ക്കാ​നുള്ള നമ്മുടെ പദവി സംബന്ധിച്ച ബോധ്യ​ത്തെ നശിപ്പി​ക്കു​മാറ്‌ ബാഹ്യ​സ​മ്മർദം ഭീഷണി​യു​യർത്തു​മ്പോൾ ഒരു കാര്യം നാം ഒരിക്ക​ലും വിസ്‌മ​രി​ക്ക​രുത്‌—പൊതു​ജന അഭി​പ്രാ​യ​ത്തെ​ക്കാ​ളും ഭൂരിപക്ഷ പ്രവണ​ത​ക​ളെ​ക്കാ​ളു​മൊ​ക്കെ പ്രധാനം ദൈവ​ത്തോ​ടുള്ള നമ്മുടെ വിശ്വ​സ്‌ത​ത​യാണ്‌. പുറപ്പാ​ടു 23:2-ലെ വാക്കുകൾ ഒരു സംരക്ഷണ തത്ത്വമാ​യി ഉതകുന്നു: “ബഹുജ​നത്തെ അനുസ​രി​ച്ചു ദോഷം ചെയ്യരുത്‌.” തന്റെ വാഗ്‌ദാ​നങ്ങൾ നിറ​വേ​റ്റാ​നുള്ള യഹോ​വ​യു​ടെ പ്രാപ്‌തി​യിൽ ഭൂരി​പക്ഷം ഇസ്രാ​യേ​ല്യ​രും സംശയം പ്രകടി​പ്പി​ച്ച​പ്പോൾ കാലേബ്‌, ഭൂരി​പ​ക്ഷ​ത്തി​നൊ​പ്പം ചേരാൻ വിസമ്മ​തി​ച്ചു​കൊണ്ട്‌ അചഞ്ചല​നാ​യി നില​കൊ​ണ്ടു. ദൈവ​ത്തി​ന്റെ വാഗ്‌ദാ​നങ്ങൾ ആശ്രയ​യോ​ഗ്യ​മാ​ണെന്ന്‌ അവന്‌ ഉറപ്പു​ണ്ടാ​യി​രു​ന്നു, ആ നിലപാ​ടു സ്വീക​രി​ച്ച​തി​നാൽ അവൻ സമൃദ്ധ​മാ​യി അനു​ഗ്ര​ഹി​ക്ക​പ്പെ​ടു​ക​യും ചെയ്‌തു. (സംഖ്യാ​പു​സ്‌തകം 13:30; യോശുവ 14:6-11) സമാന​മാ​യി, പൊതു​ജ​നാ​ഭി​പ്രാ​യം ചെലു​ത്തുന്ന സമ്മർദത്തെ പ്രതി​രോ​ധി​ച്ചു​കൊണ്ട്‌ ദൈവ​വു​മാ​യുള്ള നിങ്ങളു​ടെ ബന്ധം കാത്തു​സൂ​ക്ഷി​ക്കു​ന്ന​തിന്‌ നിങ്ങൾ മനസ്സൊ​രു​ക്ക​മു​ള്ള​വ​രാ​ണോ?

ആത്മീയരത്നങ്ങൾ

it-1-E 846

വിഡ്‌ഢി

ബൈബി​ളിൽ “വിഡ്‌ഢി” എന്ന പദം എല്ലായ്‌പ്പോ​ഴും ബുദ്ധി കുറവുള്ള ഒരാളെ കുറി​ക്കാ​നല്ല ഉപയോ​ഗി​ച്ചി​രി​ക്കു​ന്നത്‌. പകരം, വേണ്ട വിധത്തിൽ ചിന്തി​ക്കാ​തെ ദൈവ​ത്തി​ന്റെ നിലവാ​ര​ങ്ങൾക്ക്‌ എതിരായ ഒരു ജീവിതം നയിക്കുന്ന വ്യക്തി​യെ​ക്കു​റിച്ച്‌ പറയാ​നാണ്‌ മിക്ക​പ്പോ​ഴും ആ പദം ഉപയോ​ഗി​ച്ചി​ട്ടു​ള്ളത്‌. അത്തരം ആളുക​ളെ​ക്കു​റിച്ച്‌ പറയാൻ ബൈബി​ളിൽ വ്യത്യസ്‌ത എബ്രായ, ഗ്രീക്ക്‌ പദങ്ങൾ ഉപയോ​ഗി​ച്ചി​രി​ക്കു​ന്ന​താ​യി കാണാം.—സുഭ 1:22; 12:15; 17:7; 13:1; മത്ത 23:17; 25:2; ലൂക്ക 12:20; ഗല 3:1.

ഫെബ്രു​വരി 24–മാർച്ച്‌ 2

ദൈവ​വ​ച​ന​ത്തി​ലെ നിധികൾ | സുഭാ​ഷി​തങ്ങൾ 2

വ്യക്തി​പ​ര​മായ പഠനത്തിൽ നിങ്ങളു​ടെ ഹൃദയം അർപ്പി​ക്കേ​ണ്ടത്‌ എന്തു​കൊണ്ട്‌?

w22.08 18 ¶16

‘സത്യത്തിൽ നടക്കു​ന്നതു’ തുടരുക

¹⁶ വായി​ക്കാ​നും പഠിക്കാ​നും എല്ലാവർക്കും അത്ര ഇഷ്ടമൊ​ന്നും കാണില്ല. പക്ഷേ ബൈബിൾസ​ത്യ​ങ്ങ​ളെ​ക്കു​റിച്ച്‌ ആഴത്തിൽ മനസ്സി​ലാ​ക്കാൻ “അന്വേ​ഷി​ച്ചു​കൊ​ണ്ടി​രി​ക്കു​ക​യും” “തേടി​ക്കൊ​ണ്ടി​രി​ക്കു​ക​യും” ചെയ്യാ​നാണ്‌ യഹോവ നമ്മളോട്‌ ആവശ്യ​പ്പെ​ടു​ന്നത്‌. (സുഭാ​ഷി​തങ്ങൾ 2:4-6 വായി​ക്കുക.) അങ്ങനെ ചെയ്‌താൽ അതു നമുക്കു ഗുണം ചെയ്യും. താൻ ബൈബിൾ വായി​ക്കുന്ന രീതി​യെ​ക്കു​റിച്ച്‌ കോറി സഹോ​ദരൻ പറഞ്ഞത്‌, “ഓരോ വാക്യ​വും നന്നായി പഠിച്ച​തി​നു ശേഷം മാത്രമേ അടുത്ത​തി​ലേക്കു പോകൂ” എന്നാണ്‌. “എല്ലാ അടിക്കു​റി​പ്പു​ക​ളും ഒത്തുവാ​ക്യ​ങ്ങ​ളും ഞാൻ എടുത്തു​നോ​ക്കും. ആ വാക്യ​ത്തെ​ക്കു​റിച്ച്‌ കൂടു​ത​ലാ​യി ഗവേഷണം നടത്തു​ക​യും ചെയ്യും. ഈ രീതി പിൻപ​റ്റു​ന്നതു വളരെ പ്രയോ​ജനം ചെയ്‌തി​ട്ടുണ്ട്‌” എന്നും സഹോ​ദരൻ പറയുന്നു. നമ്മൾ ബൈബിൾ പഠിക്കു​ന്നത്‌ ഈ രീതി​യി​ലോ ചില​പ്പോൾ മറ്റേ​തെ​ങ്കി​ലും രീതി​യി​ലോ ആയിരി​ക്കും. എന്തുത​ന്നെ​യാ​യാ​ലും സമയ​മെ​ടുത്ത്‌, ശ്രമം ചെയ്‌ത്‌ പഠിക്കു​മ്പോൾ ബൈബിൾസ​ത്യ​ത്തെ വിലമ​തി​ക്കു​ന്നെന്നു നമ്മൾ തെളി​യി​ക്കു​ക​യാണ്‌.—സങ്കീ. 1:1-3.

w22.10 19 ¶3-4

യഥാർഥ​ജ്ഞാ​നം വിളി​ച്ചു​പ​റ​യു​ന്നു

³ നമുക്ക്‌ അറിയാ​വുന്ന കാര്യങ്ങൾ ഉപയോ​ഗിച്ച്‌ നല്ല തീരു​മാ​ന​ങ്ങ​ളെ​ടു​ക്കാ​നുള്ള കഴിവി​നെ​യാ​ണു ജ്ഞാനം എന്നതു​കൊണ്ട്‌ ഉദ്ദേശി​ക്കു​ന്നത്‌. എന്നാൽ യഥാർഥ​ജ്ഞാ​ന​ത്തിൽ അതു മാത്രമല്ല ഉൾപ്പെ​ടു​ന്നത്‌. ബൈബിൾ പറയുന്നു: “യഹോ​വ​യോ​ടുള്ള ഭയഭക്തി​യാ​ണു ജ്ഞാനത്തി​ന്റെ തുടക്കം; അതിപ​രി​ശു​ദ്ധ​നെ​ക്കു​റി​ച്ചുള്ള അറിവാ​ണു വിവേകം.” (സുഭാ. 9:10) അതു​കൊണ്ട്‌ പ്രധാ​ന​പ്പെട്ട ഒരു തീരു​മാ​ന​മെ​ടു​ക്കു​മ്പോൾ അതെക്കു​റിച്ച്‌ യഹോവ എന്താണു ചിന്തി​ക്കു​ന്ന​തെന്ന്‌ ആലോ​ചി​ക്കുക. ‘അതിപ​രി​ശു​ദ്ധ​നെ​ക്കു​റി​ച്ചുള്ള അറിവാ​യി​രി​ക്കണം’ നമ്മുടെ തീരു​മാ​ന​ത്തി​ന്റെ അടിസ്ഥാ​നം. അതിനു​വേണ്ടി ബൈബി​ളും ബൈബി​ളി​നെ അടിസ്ഥാ​ന​മാ​ക്കി​യുള്ള പ്രസി​ദ്ധീ​ക​ര​ണ​ങ്ങ​ളും നമുക്കു പഠിക്കാൻ കഴിയും. എന്നിട്ട്‌ അതിനു ചേർച്ച​യിൽ നമ്മൾ പ്രവർത്തി​ക്കു​ക​യാ​ണെ​ങ്കിൽ യഥാർഥ​ജ്ഞാ​നി​ക​ളാ​ണെന്നു നമ്മൾ തെളി​യി​ക്കു​ക​യാണ്‌.—സുഭാ. 2:5-7.

⁴ നമുക്ക്‌ യഥാർഥ​ജ്ഞാ​നം നൽകാൻ യഹോ​വ​യ്‌ക്കു മാത്രമേ കഴിയൂ. (റോമ. 16:27) എന്തു​കൊ​ണ്ടാണ്‌ അങ്ങനെ പറയു​ന്നത്‌? ഒന്നാമത്തെ കാരണം, യഹോവ നമ്മുടെ സ്രഷ്ടാ​വാണ്‌. സൃഷ്ടി​ക​ളെ​ക്കു​റി​ച്ചുള്ള എല്ലാ കാര്യ​ങ്ങ​ളും യഹോ​വ​യ്‌ക്ക്‌ അറിയാം. (സങ്കീ. 104:24) രണ്ടാമത്തെ കാരണം, യഹോ​വ​യു​ടെ പ്രവർത്ത​നങ്ങൾ യഹോ​വ​യാണ്‌ ഏറ്റവും വലിയ ജ്ഞാനി​യെന്നു തെളി​യി​ക്കു​ന്നു. (റോമ. 11:33) മൂന്നാ​മത്തെ കാരണം, യഹോവ തരുന്ന ഉപദേ​ശങ്ങൾ അനുസ​രി​ച്ചാൽ നമുക്ക്‌ എപ്പോ​ഴും പ്രയോ​ജനം മാത്രമേ ഉണ്ടാകൂ. (സുഭാ. 2:10-12) നമ്മൾ ശരിക്കും ജ്ഞാനി​ക​ളാ​ക​ണ​മെ​ങ്കിൽ പ്രധാ​ന​പ്പെട്ട ഈ മൂന്നു കാര്യങ്ങൾ അംഗീ​ക​രി​ക്കു​ക​യും അവ മനസ്സിൽപ്പി​ടി​ച്ചു​കൊണ്ട്‌ തീരു​മാ​ന​ങ്ങ​ളെ​ടു​ക്കു​ക​യും പ്രവർത്തി​ക്കു​ക​യും വേണം.

w16.09 23 ¶2-3

യുവജ​ന​ങ്ങളേ, നിങ്ങളു​ടെ വിശ്വാ​സം ശക്തമാ​ക്കു​ക

² യഹോവയെ ആരാധി​ക്കുന്ന അല്ലെങ്കിൽ യഹോ​വ​യെ​ക്കു​റിച്ച്‌ പഠിച്ചു​കൊ​ണ്ടി​രി​ക്കുന്ന ഒരു യുവവ്യ​ക്തി​യാ​ണു നിങ്ങ​ളെ​ങ്കിൽ ഒരു സ്രഷ്ടാ​വിൽ വിശ്വ​സി​ക്കു​ന്ന​തി​നു പകരം പരിണാ​മ​ത്തിൽ വിശ്വ​സി​ക്കാൻ നിങ്ങൾക്കു സമ്മർദ​മു​ണ്ടാ​കും. എങ്കിൽ നിങ്ങളു​ടെ വിശ്വാ​സം ശക്തമാ​ക്കാ​നും അങ്ങനെ​തന്നെ നിലനി​റു​ത്താ​നും നിങ്ങൾക്കു ചെയ്യാ​നാ​കുന്ന ചിലതുണ്ട്‌. ദൈവം നിങ്ങൾക്കു തന്നിരി​ക്കുന്ന വകതി​രിവ്‌ അഥവാ ചിന്താ​ശേഷി നന്നായി ഉപയോ​ഗി​ക്കുക. “വകതി​രി​വു നിന്നെ കാക്കും” എന്നു ബൈബിൾ പറയുന്നു. നിങ്ങളു​ടെ വിശ്വാ​സം തകർത്തു​ക​ള​ഞ്ഞേ​ക്കാ​വുന്ന തത്ത്വചി​ന്ത​ക​ളിൽനിന്ന്‌ അതു നിങ്ങളെ സംരക്ഷി​ക്കും.—സദൃശ​വാ​ക്യ​ങ്ങൾ 2:10-12 വായി​ക്കുക.

³ യഥാർഥവിശ്വാസത്തിന്റെ അടിസ്ഥാ​നം ദൈവ​ത്തെ​ക്കു​റി​ച്ചുള്ള സൂക്ഷ്‌മ​പ​രി​ജ്ഞാ​ന​മാണ്‌. (1 തിമൊ. 2:4) അതു​കൊണ്ട്‌ ബൈബി​ളും ക്രിസ്‌തീ​യ​പ്ര​സി​ദ്ധീ​ക​ര​ണ​ങ്ങ​ളും വെറുതേ വായി​ക്കു​ന്ന​തി​നു പകരം വായി​ക്കുന്ന കാര്യ​ങ്ങ​ളെ​ക്കു​റിച്ച്‌ ചിന്തി​ച്ചു​കൊണ്ട്‌ അവ ‘ഗ്രഹി​ക്കാൻ’ ശ്രമി​ക്കുക. (മത്താ. 13:23) അങ്ങനെ ചെയ്യു​ന്നത്‌, യഹോവ സ്രഷ്ടാ​വാ​ണെ​ന്നും ബൈബിൾ ദൈവ​ത്തിൽനി​ന്നാ​ണെ​ന്നും ഉള്ള നമ്മുടെ ബോധ്യം ശക്തമാ​ക്കും. അതി​നെ​ക്കു​റി​ച്ചാണ്‌ ഇനി നമ്മൾ പഠിക്കാൻപോ​കു​ന്നത്‌.—എബ്രാ. 11:1.

ആത്മീയരത്നങ്ങൾ

it-1-E 1211 ¶4

നിഷ്‌ക​ള​ങ്കത

നിഷ്‌ക​ള​ങ്ക​നാ​യി നടക്കാൻ, അല്ലെങ്കിൽ യഹോ​വയെ മുഴു​ഹൃ​ദ​യ​ത്തോ​ടെ സ്‌നേ​ഹി​ച്ചു​കൊണ്ട്‌ യഹോ​വ​യ്‌ക്ക്‌ അചഞ്ചല​മായ ഭക്തി​കൊ​ടു​ക്കാൻ ഒരാൾക്കു കഴിയു​ന്നത്‌, യഹോ​വ​യി​ലും യഹോ​വ​യു​ടെ രക്ഷാശ​ക്തി​യി​ലും ശക്തമായ വിശ്വാ​സ​വും ആശ്രയ​വും ഉള്ളപ്പോൾ മാത്ര​മാണ്‌. (സങ്ക 25:21) നിഷ്‌ക​ള​ങ്ക​ത​യോ​ടെ നടക്കു​ന്ന​വർക്കു താൻ ഒരു ‘പരിച​യും’ ‘സുരക്ഷി​ത​സ്ഥാ​ന​വും’ ആയിരി​ക്കു​മെന്ന്‌ യഹോവ ഉറപ്പു​ത​ന്നി​ട്ടുണ്ട്‌. (സുഭ 2:6-8; 10:29; സങ്ക 41:12) യഹോ​വ​യു​ടെ അംഗീ​കാ​രം നേടണ​മെന്ന ആഗ്രഹം എപ്പോ​ഴു​മു​ള്ള​തു​കൊണ്ട്‌ അവർ ദൈ​വേ​ഷ്ട​ത്തി​നു ചേർച്ച​യിൽ ജീവി​ക്കാൻ ശ്രമി​ക്കും. അത്‌ ഒരു പരിധി​വരെ സമാധാ​ന​മുള്ള ജീവിതം അവർക്കു കൊടു​ക്കും. (സങ്ക 26:1-3; സുഭ 11:5; 28:18) ഇനി, അവർ പ്രശ്‌ന​ങ്ങ​ളോ മരണമോ നേരി​ട്ടാൽത്തന്നെ അവർ കടന്നു​പോ​കുന്ന സാഹച​ര്യ​ങ്ങൾ യഹോവ അറിയു​ന്നുണ്ട്‌. അവരെ അനു​ഗ്ര​ഹി​ക്കു​മെ​ന്നത്‌ യഹോ​വ​യു​ടെ വാക്കാണ്‌.—ഇയ്യ 9:20-22; സങ്ക 37:18, 19, 37; 84:11; സുഭ 28:10.