പുതിയ ലോക​ത്തെ​ക്കു​റി​ച്ചുള്ള യഹോ​വ​യു​ടെ വാഗ്‌ദാ​ന​ത്തിൽ വിശ്വാ​സം ശക്തമാക്കാം

1-2. പുതിയ ലോക​ത്തി​നാ​യി കാത്തി​രി​ക്കുന്ന ഈ സമയത്ത്‌ നമ്മൾ എന്തു ചെയ്യണം?

ഈ ദുഷിച്ച ലോക​ത്തി​നു പകരം ആ സ്ഥാനത്ത്‌ നീതി​യുള്ള ഒരു പുതിയ ലോകം കൊണ്ടു​വ​രു​മെന്ന യഹോ​വ​യു​ടെ വാഗ്‌ദാ​നത്തെ നമ്മൾ വളരെ വില​യേ​റി​യ​താ​യി കാണുന്നു. (2 പത്രോ. 3:13) ആ ലോകം എന്നു വരു​മെന്നു നമുക്ക്‌ അറിയി​ല്ലെ​ങ്കി​ലും തെളി​വു​കൾ സൂചി​പ്പി​ക്കു​ന്നത്‌ അതിനു​വേണ്ടി നമുക്ക്‌ അധികം കാത്തി​രി​ക്കേണ്ടി വരി​ല്ലെ​ന്നാണ്‌.—മത്താ. 24:32-34, 36; പ്രവൃ. 1:7.

² സത്യത്തിൽ വന്നിട്ട്‌ എത്ര കാലമാ​യാ​ലും നമ്മളെ​ല്ലാം ഈ വാഗ്‌ദാ​ന​ത്തി​ലുള്ള വിശ്വാ​സം ശക്തമാ​ക്കേ​ണ്ട​തുണ്ട്‌. കാരണം ശക്തമായ വിശ്വാ​സം​പോ​ലും കുറഞ്ഞു​പോ​കാൻ സാധ്യ​ത​യുണ്ട്‌. വിശ്വാ​സ​ക്കു​റ​വി​നെ പൗലോസ്‌ വിളി​ച്ചത്‌ ‘എളുപ്പം വരിഞ്ഞു​മു​റു​ക്കുന്ന പാപം’ എന്നാണ്‌. (എബ്രാ. 12:1) അതു​കൊണ്ട്‌ പുതിയ ലോക​ത്തി​നാ​യി കാത്തി​രി​ക്കുന്ന ഈ സമയത്ത്‌ നമ്മുടെ വിശ്വാ​സം കുറഞ്ഞു​പോ​കാ​തി​രി​ക്കാൻ എന്തു ചെയ്യാം? അതു പെട്ടെന്നു വരു​മെ​ന്ന​തി​ന്റെ തെളി​വു​ക​ളെ​ക്കു​റിച്ച്‌ പതിവാ​യി ആഴത്തിൽ ചിന്തി​ക്കുക.—എബ്രാ. 11:1.

3. ഈ ലേഖന​ത്തിൽ നമ്മൾ എന്തു ചർച്ച ചെയ്യും?

³ പുതിയ ലോക​ത്തെ​ക്കു​റി​ച്ചുള്ള യഹോ​വ​യു​ടെ വാഗ്‌ദാ​ന​ത്തിൽ വിശ്വാ​സം ശക്തമാ​ക്കാൻ സഹായി​ക്കുന്ന മൂന്നു കാര്യ​ങ്ങ​ളെ​ക്കു​റിച്ച്‌ ഈ ലേഖന​ത്തിൽ ചർച്ച ചെയ്യും: (1) മോച​ന​വി​ല​യെ​ക്കു​റിച്ച്‌ ധ്യാനി​ക്കു​ന്നത്‌, (2) യഹോ​വ​യു​ടെ ശക്തി​യെ​ക്കു​റിച്ച്‌ ആഴത്തിൽ ചിന്തി​ക്കു​ന്നത്‌, (3) ആത്മീയ പ്രവർത്ത​ന​ങ്ങ​ളിൽ ഉത്സാഹ​ത്തോ​ടെ ഉൾപ്പെ​ടു​ന്നത്‌. കൂടാതെ, ഹബക്കൂക്ക്‌ പ്രവാ​ച​കന്‌ യഹോവ നൽകിയ സന്ദേശം ഇന്നു നമ്മുടെ വിശ്വാ​സം കൂടുതൽ ശക്തമാ​ക്കു​ന്നത്‌ എങ്ങനെ​യെ​ന്നും പഠിക്കും. എന്നാൽ ആദ്യം​തന്നെ, നമ്മുടെ ജീവി​ത​ത്തിൽ ഇപ്പോൾ നേരി​ട്ടേ​ക്കാ​വുന്ന ചില സാഹച​ര്യ​ങ്ങ​ളെ​ക്കു​റിച്ച്‌ നോക്കാം. യഹോ​വ​യു​ടെ വാഗ്‌ദാ​ന​ങ്ങ​ളിൽ ശക്തമായ വിശ്വാ​സ​മു​ണ്ടാ​യി​രി​ക്കു​ന്നത്‌ അത്തരം സന്ദർഭ​ങ്ങ​ളിൽ നമ്മളെ എങ്ങനെ സഹായി​ക്കു​മെ​ന്നും കാണാം.

ശക്തമായ വിശ്വാ​സം വേണ്ട സാഹചര്യങ്ങൾ

4. എങ്ങനെ​യുള്ള കാര്യ​ങ്ങ​ളിൽ തീരു​മാ​ന​മെ​ടു​ക്കാൻ ശക്തമായ വിശ്വാ​സം ആവശ്യ​മാണ്‌?

⁴ ശക്തമായ വിശ്വാ​സം ആവശ്യ​മായ പല തീരു​മാ​ന​ങ്ങ​ളും നമുക്കു ജീവി​ത​ത്തിൽ എടു​ക്കേ​ണ്ടി​വ​രാ​റുണ്ട്‌. ഉദാഹ​ര​ണ​ത്തിന്‌, വിനോ​ദം, വിദ്യാ​ഭ്യാ​സം, കൂട്ടു​കാർ, വിവാഹം, കുട്ടികൾ, ജോലി എന്നിങ്ങ​നെ​യുള്ള കാര്യ​ങ്ങ​ളിൽ. നമുക്കു നമ്മളോ​ടു​തന്നെ ഇങ്ങനെ ചോദി​ക്കാം: ‘ഈ ലോകം മാറി ദൈവ​ത്തി​ന്റെ പുതിയ ലോകം വരുമെന്ന ബോധ്യം എനിക്കു​ണ്ടെന്നു തെളി​യി​ക്കു​ന്ന​താ​ണോ ഞാൻ എടുക്കുന്ന തീരു​മാ​നങ്ങൾ? അതോ മരണ​ത്തോ​ടെ എല്ലാം അവസാ​നി​ക്കു​മെന്നു വിശ്വ​സി​ക്കുന്ന ആളുക​ളു​ടേ​തു​പോ​ലെ​യാ​ണോ എന്റെ തീരു​മാ​നങ്ങൾ?’ (മത്താ. 6:19, 20; ലൂക്കോ. 12:16-21) പുതിയ ലോകം തൊട്ട​ടുത്ത്‌ എത്തിയെന്ന വിശ്വാ​സം ശക്തമാ​ക്കു​ക​യാ​ണെ​ങ്കിൽ ഏറ്റവും നല്ല തീരു​മാ​ന​ങ്ങ​ളെ​ടു​ക്കാൻ നമുക്കാ​കും.

5-6. വിഷമ​ക​ര​മായ സാഹച​ര്യ​ങ്ങ​ളി​ലൂ​ടെ കടന്നു​പോ​കു​മ്പോൾ നമുക്കു ശക്തമായ വിശ്വാ​സം വേണ്ടത്‌ എന്തു​കൊണ്ട്‌? ഒരു ഉദാഹ​ര​ണ​ത്തി​ലൂ​ടെ വിശദീ​ക​രി​ക്കുക.

⁵ ജീവി​ത​ത്തിൽ പ്രശ്‌ന​ങ്ങ​ളു​ണ്ടാ​കു​മ്പോ​ഴും ശക്തമായ വിശ്വാ​സം ആവശ്യ​മാ​യി​വ​രും. ഉപദ്ര​വ​മോ ഗുരു​ത​ര​മായ രോഗ​മോ മറ്റ്‌ ഏതെങ്കി​ലും കാര്യ​ങ്ങ​ളോ ചില​പ്പോൾ നമ്മളെ നിരു​ത്സാ​ഹ​പ്പെ​ടു​ത്തി​യേ​ക്കാം. ആദ്യ​മൊ​ക്കെ ആ പരീക്ഷ​ണത്തെ നമ്മൾ സഹിച്ചു​നി​ന്നേ​ക്കാം. എന്നാൽ പ്രശ്‌നങ്ങൾ പെട്ടെന്നു മാറാ​തെ​വ​രു​മ്പോൾ അതു സഹിച്ചു​നിൽക്കാ​നും സന്തോ​ഷ​ത്തോ​ടെ യഹോ​വയെ സേവി​ക്കു​ന്ന​തിൽ തുടരാ​നും ശക്തമായ വിശ്വാ​സം കൂടിയേ തീരൂ.—റോമ. 12:12; 1 പത്രോ. 1:6, 7.

⁶ ഒരു പരീക്ഷ​ണ​ത്തി​ലൂ​ടെ കടന്നു​പോ​കു​മ്പോൾ ‘പുതിയ ലോകം എന്നു വരാനാണ്‌’ എന്നു നമ്മൾ ചിന്തി​ച്ചേ​ക്കാം. അതിന്റെ അർഥം നമുക്ക്‌ വിശ്വാ​സം കുറഞ്ഞു​പോ​യെ​ന്നാ​ണോ? അങ്ങനെ​യാ​യി​രി​ക്ക​ണ​മെ​ന്നില്ല. ഇതൊന്നു ചിന്തി​ക്കുക: ആഴ്‌ച​ക​ളോ​ളം ശക്തമായ മഴ പെയ്യു​മ്പോൾ ‘ഇനി എന്നു വെയിൽ തെളി​യാ​നാ’ എന്നു നമുക്കു തോന്നും. പക്ഷേ വെയിൽ വരു​മെന്നു നമുക്ക്‌ അറിയാം. ഇതു​പോ​ലെ കടുത്ത നിരാ​ശ​യി​ലാ​യി​രി​ക്കു​മ്പോൾ, പുതിയ ലോകം പെട്ടെ​ന്നൊ​ന്നും വരി​ല്ലെന്നു തോന്നി​യേ​ക്കാം. എന്നാൽ വിശ്വാ​സം ശക്തമാ​ണെ​ങ്കിൽ, ദൈവ​ത്തി​ന്റെ വാഗ്‌ദാ​നങ്ങൾ നടപ്പി​ലാ​കു​മെന്നു നമുക്ക്‌ ഉറപ്പാ​യി​രി​ക്കും. (സങ്കീ. 94:3, 14, 15; എബ്രാ. 6:17-19) അത്‌ യഹോ​വയെ ആരാധി​ക്കു​ന്ന​തിന്‌ ജീവി​ത​ത്തിൽ ഒന്നാം സ്ഥാനം കൊടു​ക്കാൻ നമ്മളെ സഹായി​ക്കും.

7. ഏതു തരം ചിന്ത നമ്മൾ ഒഴിവാ​ക്കണം?

⁷ “സന്തോ​ഷ​വാർത്ത” മറ്റുള്ള​വരെ അറിയി​ക്കാ​നും നമുക്കു ശക്തമായ വിശ്വാ​സം വേണം. (മത്താ. 24:14) ദൈവ​ത്തി​ന്റെ പുതിയ ലോകം വരുമെന്ന വാർത്ത ആളുകളെ അറിയി​ക്കു​മ്പോൾ അവരിൽ പലരും ചിന്തി​ക്കു​ന്നത്‌ ‘ഇതൊ​ന്നും നടക്കാൻപോ​കു​ന്നില്ല’ എന്നാണ്‌. (യഹ. 33:32) അങ്ങനെ​യൊ​രു ചിന്ത നമ്മളെ​യും പിടി​കൂ​ടാ​തി​രി​ക്കാൻ ശ്രദ്ധി​ക്കണം. അതിനാ​യി നമ്മൾ വിശ്വാ​സം ശക്തമാ​ക്കി​ക്കൊ​ണ്ടി​രി​ക്കണം. അതിനു സഹായി​ക്കുന്ന മൂന്നു കാര്യങ്ങൾ നോക്കാം.

മോച​ന​വി​ല​യെ​ക്കു​റിച്ച്‌ ധ്യാനിക്കുക

8-9. മോച​ന​വി​ല​യെ​ക്കു​റിച്ച്‌ ചിന്തി​ക്കു​ന്നതു നമ്മുടെ വിശ്വാ​സം ശക്തമാ​ക്കു​ന്നത്‌ എങ്ങനെ?

⁸ നമ്മുടെ വിശ്വാ​സം ശക്തമാ​ക്കാൻ കഴിയുന്ന ഒരു വിധം മോച​ന​വി​ല​യെ​ക്കു​റിച്ച്‌ ആഴത്തിൽ ചിന്തി​ക്കു​ന്ന​താണ്‌. ദൈവം വാഗ്‌ദാ​നം ചെയ്‌തി​രി​ക്കുന്ന കാര്യങ്ങൾ നടക്കും എന്നതിന്റെ പൂർണ ഉറപ്പാണു മോച​ന​വില. എന്തു​കൊ​ണ്ടാ​ണു മോച​ന​വില നൽകി​യത്‌, അതിനു​വേണ്ടി യഹോവ എന്തൊക്കെ ത്യാഗങ്ങൾ ചെയ്‌തു എന്നതി​നെ​ക്കു​റി​ച്ചെ​ല്ലാം ആഴത്തിൽ ചിന്തി​ക്കുക. അപ്പോൾ പുതിയ ഭൂമി​യിൽ നിത്യം ജീവി​ക്കാ​നാ​കു​മെന്ന, ദൈവ​ത്തി​ന്റെ വാഗ്‌ദാ​ന​ത്തി​ലുള്ള നമ്മുടെ വിശ്വാ​സം ശക്തമാ​കും. എന്തു​കൊ​ണ്ടാണ്‌ അങ്ങനെ പറയു​ന്നത്‌?

⁹ എന്തൊക്കെ ത്യാഗങ്ങൾ സഹിച്ചാണ്‌ യഹോവ മോച​ന​വില നൽകി​യത്‌? മറ്റാ​രെ​ക്കാ​ളും തനിക്ക്‌ അടുപ്പ​മു​ണ്ടാ​യി​രുന്ന പ്രിയ മകനെ യഹോവ സ്വർഗ​ത്തിൽനിന്ന്‌ ഒരു പൂർണ മനുഷ്യ​നാ​യി ഭൂമി​യി​ലേക്ക്‌ അയച്ചു. ഭൂമി​യി​ലാ​യി​രു​ന്ന​പ്പോൾ യേശു​വിന്‌ ഒരുപാ​ടു കഷ്ടങ്ങൾ സഹി​ക്കേ​ണ്ടി​വന്നു. അവസാനം വേദന സഹിച്ച്‌ മരിക്കു​ക​യും ചെയ്‌തു. യഹോവ നൽകിയ വില എത്ര വലുതാണ്‌, അല്ലേ? നമ്മൾ കുറച്ച്‌ കാല​ത്തേക്കു മാത്രം നല്ലൊരു ജീവിതം നയിക്കാ​നാണ്‌ യഹോവ ഉദ്ദേശി​ച്ചി​രു​ന്ന​തെ​ങ്കിൽ തന്റെ മകൻ വേദനകൾ സഹിച്ച്‌ മരിക്കാൻ സ്‌നേ​ഹ​വാ​നായ ദൈവം അനുവ​ദി​ക്കു​മാ​യി​രു​ന്നോ? (യോഹ. 3:16; 1 പത്രോ. 1:18, 19) നമുക്കു​വേണ്ടി സ്വന്തം മകനെ​പ്പോ​ലും നൽകി​ക്കൊണ്ട്‌ വലിയ ത്യാഗം ചെയ്‌ത യഹോവ പുതിയ ഭൂമി​യിൽ നമ്മൾ എന്നേക്കും ജീവി​ക്കു​ന്ന​തി​നു വേണ്ട കാര്യ​ങ്ങ​ളും ഉറപ്പാ​യും ചെയ്യും.

യഹോ​വ​യു​ടെ ശക്തി​യെ​ക്കു​റിച്ച്‌ ആഴത്തിൽ ചിന്തിക്കുക

10. എഫെസ്യർ 3:20 പറയു​ന്ന​ത​നു​സ​രിച്ച്‌ യഹോ​വ​യ്‌ക്ക്‌ എന്തു ചെയ്യാൻ കഴിയും?

¹⁰ നമ്മുടെ വിശ്വാ​സം ശക്തമാ​ക്കാൻ സഹായി​ക്കുന്ന രണ്ടാമത്തെ കാര്യം യഹോ​വ​യു​ടെ ശക്തി​യെ​ക്കു​റിച്ച്‌ ആഴത്തിൽ ചിന്തി​ക്കുക എന്നതാണ്‌. വാഗ്‌ദാ​നം ചെയ്‌തി​രി​ക്കുന്ന എല്ലാ കാര്യ​ങ്ങ​ളും നടത്താ​നുള്ള ശക്തി യഹോ​വ​യ്‌ക്കുണ്ട്‌. ‘പുതിയ ലോക​ത്തിൽ എന്നേക്കും ജീവി​ക്കുക എന്നതു നടക്കുന്ന കാര്യമല്ല’ എന്നാണു പലരും ചിന്തി​ക്കു​ന്നത്‌. എന്നാൽ ഓർക്കുക, താൻ ചെയ്യു​മെന്ന്‌ യഹോവ മിക്ക​പ്പോ​ഴും പറഞ്ഞി​ട്ടുള്ള കാര്യങ്ങൾ മനുഷ്യ​നെ​ക്കൊണ്ട്‌ ഒരിക്ക​ലും പറ്റാത്ത​വ​യാണ്‌. യഹോവ സർവശ​ക്ത​നായ ദൈവ​മാ​ണ​ല്ലോ. (ഇയ്യോ. 42:2; മർക്കോ. 10:27) അതു​കൊണ്ട്‌ നമുക്കു ചിന്തി​ക്കാൻപോ​ലും പറ്റാത്ത കാര്യങ്ങൾ ദൈവം വാഗ്‌ദാ​നം ചെയ്യു​മ്പോൾ നമ്മൾ അതിൽ അതിശ​യി​ക്കു​ന്നില്ല.—എഫെസ്യർ 3:20 വായി​ക്കുക.

11. ദൈവ​ത്തി​ന്റെ അസാധാ​ര​ണ​മായ വാഗ്‌ദാ​ന​ങ്ങ​ളിൽ ഏതെങ്കി​ലും ഒന്നി​നെ​ക്കു​റിച്ച്‌ പറയുക. (“നിറ​വേ​റിയ ചില അസാധാ​ര​ണ​വാ​ഗ്‌ദാ​നങ്ങൾ” എന്ന ചതുരം കാണുക.)

¹¹ ഒരിക്ക​ലും നടക്കി​ല്ലെന്നു തോന്നു​മാ​യി​രുന്ന ചില വാഗ്‌ദാ​നങ്ങൾ ദൈവം തന്റെ ജനത്തിനു നൽകി​യി​ട്ടുണ്ട്‌. വയസ്സു​ചെന്ന അബ്രാ​ഹാ​മി​നും സാറയ്‌ക്കും ഒരു മകൻ ജനിക്കു​മെന്ന്‌ യഹോവ വാഗ്‌ദാ​നം ചെയ്‌തു. (ഉൽപ. 17:15-17) അബ്രാ​ഹാ​മി​ന്റെ പിൻത​ല​മു​റ​ക്കാർക്കു കനാൻ ദേശം കൊടു​ക്കു​മെ​ന്നും യഹോവ അദ്ദേഹ​ത്തോ​ടു പറഞ്ഞു. അബ്രാ​ഹാ​മി​ന്റെ പിൻത​ല​മു​റ​ക്കാ​രായ ഇസ്രാ​യേ​ല്യർ കുറെ വർഷങ്ങൾ ഈജി​പ്‌തിൽ അടിമ​ക​ളാ​യി​രു​ന്നു. അതു​കൊ​ണ്ടു​തന്നെ യഹോ​വ​യു​ടെ ആ വാഗ്‌ദാ​നം ഒരിക്ക​ലും നിറ​വേ​റി​ല്ലെന്നു തോന്നാ​മാ​യി​രു​ന്നു. പക്ഷേ യഹോവ പറഞ്ഞതാ​ണു സംഭവി​ച്ചത്‌. വർഷങ്ങൾക്കു​ശേഷം വയസ്സു​ചെന്ന എലിസ​ബത്ത്‌ ഒരു കുഞ്ഞിനു ജന്മം നൽകു​മെന്ന്‌ യഹോവ അറിയി​ച്ചു. അതു​പോ​ലെ കന്യക​യായ മറിയ​യോട്‌ അവൾ തന്റെ മകനു ജന്മം നൽകു​മെന്നു യഹോവ പറഞ്ഞു. യേശു ജനിച്ച​പ്പോൾ ആ വാഗ്‌ദാ​നം നിറ​വേറി. അതിലൂ​ടെ ആയിര​ക്ക​ണ​ക്കി​നു വർഷങ്ങൾക്കു മുമ്പ്‌ ഏദെൻ തോട്ട​ത്തിൽവെച്ച്‌ യഹോവ നൽകിയ വാഗ്‌ദാ​ന​വും നിറ​വേ​റു​ക​യാ​യി​രു​ന്നു!—ഉൽപ. 3:15.

12. യഹോ​വ​യു​ടെ ശക്തി​യെ​ക്കു​റിച്ച്‌ യോശുവ 23:14-ഉം യശയ്യ 55:10,11-ഉം നമുക്ക്‌ എന്ത്‌ ഉറപ്പു തരുന്നു?

¹² യഹോവ നൽകിയ എല്ലാ വാഗ്‌ദാ​ന​ങ്ങ​ളെ​ക്കു​റി​ച്ചും അവ നിറ​വേ​റി​യ​തി​നെ​ക്കു​റി​ച്ചും ചിന്തി​ക്കു​ന്നത്‌ യഹോവ എത്ര ശക്തനാ​ണെന്നു തിരി​ച്ച​റി​യാൻ നമ്മളെ സഹായി​ക്കും. (യോശുവ 23:14; യശയ്യ 55:10, 11 വായി​ക്കുക.) അങ്ങനെ ചിന്തി​ക്കു​ന്നതു ഭാവി​യെ​ക്കു​റിച്ച്‌ ദൈവം വാഗ്‌ദാ​നം ചെയ്‌തി​രി​ക്കുന്ന കാര്യ​ങ്ങ​ളി​ലുള്ള നമ്മുടെ വിശ്വാ​സം ശക്തമാ​ക്കും. അപ്പോൾ പുതിയ ലോകം വെറു​മൊ​രു സ്വപ്‌ന​മോ സങ്കൽപ്പ​മോ അല്ലെന്നു മനസ്സി​ലാ​ക്കാൻ മറ്റുള്ള​വരെ സഹായി​ക്കാ​നും നമുക്കാ​കും. പുതിയ ആകാശ​ത്തി​ന്റെ​യും പുതിയ ഭൂമി​യു​ടെ​യും വാഗ്‌ദാ​ന​ത്തെ​ക്കു​റിച്ച്‌ യഹോവ പറഞ്ഞത്‌ ഇതാണ്‌: “ഈ വാക്കുകൾ സത്യമാണ്‌, ഇവ വിശ്വ​സി​ക്കാം.”—വെളി. 21:1, 5.

ആത്മീയ പ്രവർത്ത​ന​ങ്ങ​ളിൽ ഉത്സാഹ​ത്തോ​ടെ ഉൾപ്പെടുക

13. മീറ്റി​ങ്ങു​കൾ നമ്മുടെ വിശ്വാ​സത്തെ ബലപ്പെ​ടു​ത്തു​ന്നത്‌ എങ്ങനെ​യാണ്‌, വിശദീ​ക​രി​ക്കുക.

¹³ നമ്മുടെ വിശ്വാ​സം ശക്തമാ​ക്കാൻ സഹായി​ക്കുന്ന മൂന്നാ​മത്തെ കാര്യം ആത്മീയ പ്രവർത്ത​ന​ങ്ങ​ളിൽ ഉത്സാഹ​ത്തോ​ടെ ഉൾപ്പെ​ടുക എന്നതാണ്‌. ഉദാഹ​ര​ണ​ത്തിന്‌, മീറ്റി​ങ്ങു​ക​ളി​ലൂ​ടെ നമുക്കു കിട്ടുന്ന പ്രയോ​ജ​ന​ങ്ങ​ളെ​ക്കു​റിച്ച്‌ ചിന്തി​ക്കുക. വർഷങ്ങ​ളാ​യി മുഴു​സ​മ​യ​സേ​വനം ചെയ്യുന്ന അന്ന പറയുന്നു: “മീറ്റി​ങ്ങു​കൾ നമ്മുടെ വിശ്വാ​സം ശക്തമാക്കി നിറു​ത്തു​ന്നു. പ്രസം​ഗ​കനു പഠിപ്പി​ക്കൽ പ്രാപ്‌തി കുറവാ​ണെ​ങ്കി​ലും പുതിയ വിവര​ങ്ങ​ളൊ​ന്നും അദ്ദേഹം പറയു​ന്നി​ല്ലെ​ങ്കി​ലും ബൈബിൾ സത്യങ്ങൾ എന്റെ മനസ്സിൽ ആഴത്തിൽ പതിയാൻ അവിടെ കേൾക്കുന്ന കാര്യങ്ങൾ സഹായി​ക്കു​ന്നു. അവ എന്റെ വിശ്വാ​സത്തെ ബലപ്പെ​ടു​ത്തു​ക​യും ചെയ്യുന്നു.”b സഹോ​ദ​രങ്ങൾ പറയുന്ന അഭി​പ്രാ​യ​ങ്ങൾക്കും നമ്മുടെ വിശ്വാ​സത്തെ ശക്തമാ​ക്കാ​നാ​കു​മെന്നു നമുക്ക്‌ ഓർക്കാം.—റോമ. 1:11, 12; 10:17.

14. ശുശ്രൂഷ നമ്മുടെ വിശ്വാ​സം ശക്തമാ​ക്കു​ന്നത്‌ എങ്ങനെ?

¹⁴ മറ്റുള്ള​വരെ സന്തോ​ഷ​വാർത്ത അറിയി​ക്കു​ന്ന​തി​ലൂ​ടെ​യും നമുക്കു വിശ്വാ​സം ശക്തമാ​ക്കാ​നാ​കും. (എബ്രാ. 10:23) 70-ലേറെ വർഷമാ​യി വിശ്വ​സ്‌ത​ത​യോ​ടെ യഹോ​വയെ സേവി​ക്കുന്ന ബാർബറ സഹോ​ദരി പറയുന്നു: “സന്തോ​ഷ​വാർത്ത പ്രസം​ഗി​ക്കു​ന്ന​തി​ലൂ​ടെ എന്റെ വിശ്വാ​സം ബലപ്പെ​ടു​ന്ന​താ​യി ഞാൻ മനസ്സി​ലാ​ക്കി​യി​രി​ക്കു​ന്നു. യഹോ​വ​യു​ടെ വാഗ്‌ദാ​ന​ങ്ങ​ളെ​ക്കു​റിച്ച്‌ മറ്റുള്ള​വ​രോട്‌ എത്രയ​ധി​കം സംസാ​രി​ക്കു​ന്നോ അത്രയ​ധി​കം എന്റെ വിശ്വാ​സം ശക്തമാ​കു​ന്നു.”

15. വ്യക്തി​പ​ര​മായ പഠനം നമ്മുടെ വിശ്വാ​സം ശക്തമാ​ക്കു​ന്നത്‌ എങ്ങനെ? (ചിത്ര​ങ്ങ​ളും കാണുക.)

¹⁵ നമ്മുടെ വിശ്വാ​സം ശക്തമാ​ക്കുന്ന മറ്റൊരു ആത്മീയ പ്രവർത്ത​ന​മാ​ണു വ്യക്തി​പ​ര​മായ പഠനം. എപ്പോൾ, എന്തു പഠിക്കും എന്നു നേര​ത്തേ​തന്നെ തീരു​മാ​നി​ക്കു​ന്നത്‌ ഒരുപാ​ടു ഗുണം ചെയ്യു​ന്ന​താ​യി സൂസൻ സഹോ​ദരി കണ്ടെത്തി​യി​രി​ക്കു​ന്നു. സഹോ​ദരി പറയുന്നു: “ഓരോ ഞായറാ​ഴ്‌ച​യും ഞാൻ, തുടർന്നു​വ​രുന്ന ആഴ്‌ച​യി​ലെ വീക്ഷാ​ഗോ​പു​രം പഠിക്കും. തിങ്കളാ​ഴ്‌ച​യും ചൊവ്വാ​ഴ്‌ച​യും ഇടദി​വ​സത്തെ മീറ്റി​ങ്ങി​നു​വേണ്ടി തയ്യാറാ​കും. ബാക്കി​യുള്ള ദിവസ​ങ്ങ​ളിൽ മറ്റ്‌ ഏതെങ്കി​ലും വിഷയ​ത്തെ​ക്കു​റിച്ച്‌ പഠിക്കു​ന്നു.” ഇങ്ങനെ പതിവാ​യി ചിട്ട​യോ​ടെ പഠിക്കു​ന്ന​തി​ലൂ​ടെ സൂസൻ സഹോ​ദ​രി​ക്കു വിശ്വാ​സം ശക്തമാ​ക്കാൻ കഴിയു​ന്നു. വർഷങ്ങ​ളോ​ളം ലോകാ​സ്ഥാ​നത്ത്‌ സേവി​ച്ചി​ട്ടുള്ള ഐറിൻ സഹോ​ദരി പറയു​ന്നത്‌, ബൈബിൾ പ്രവച​ന​ങ്ങ​ളെ​ക്കു​റിച്ച്‌ പഠിക്കു​ന്നതു വിശ്വാ​സം ശക്തമാ​ക്കാൻ സഹായി​ക്കു​ന്നെ​ന്നാണ്‌. “പ്രവച​ന​ങ്ങ​ളു​ടെ ചെറിയ വിശദാം​ശങ്ങൾ പോലും നിറ​വേ​റി​യ​തി​നെ​ക്കു​റിച്ച്‌ മനസ്സി​ലാ​ക്കു​മ്പോൾ അത്‌ എന്നെ വളരെ അതിശ​യി​പ്പി​ക്കാ​റുണ്ട്‌” എന്നു സഹോ​ദരി പറയുന്നു.c

“അതു നിശ്ചയ​മാ​യും നടക്കും”

16. ഹബക്കൂ​ക്കിന്‌ യഹോവ നൽകിയ ഉറപ്പ്‌ നമുക്കു പ്രയോ​ജനം ചെയ്യു​ന്നത്‌ എങ്ങനെ? (എബ്രായർ 10:36, 37)

¹⁶ യഹോ​വ​യു​ടെ പല ദാസന്മാ​രും ഈ ദുഷ്ട​ലോ​ക​ത്തി​ന്റെ നാശത്തി​നാ​യി വളരെ​ക്കാ​ലം കാത്തി​രു​ന്നി​ട്ടുണ്ട്‌. മാനു​ഷി​ക​മാ​യി ചിന്തി​ച്ചാൽ ദൈവം തന്റെ വാഗ്‌ദാ​നം നിറ​വേ​റ്റാൻ വൈകു​ന്ന​താ​യി ചില​പ്പോൾ തോന്നാം. യഹോ​വ​യ്‌ക്ക്‌ അതു മനസ്സി​ലാ​കും. അതു​കൊ​ണ്ടാണ്‌ യഹോവ ഹബക്കൂക്ക്‌ പ്രവാ​ച​കന്‌ ഇങ്ങനെ ഉറപ്പു​കൊ​ടു​ത്തത്‌: “നിശ്ചയിച്ച സമയത്തി​നാ​യി ഈ ദർശനം കാത്തി​രി​ക്കു​ന്നു. അത്‌ അതിന്റെ സമാപ്‌തി​യി​ലേക്കു കുതി​ക്കു​ന്നു, അത്‌ ഒരിക്ക​ലും നടക്കാ​തെ​പോ​കില്ല. വൈകി​യാ​ലും അതിനാ​യി പ്രതീ​ക്ഷ​യോ​ടെ കാത്തി​രി​ക്കുക. കാരണം അതു നിശ്ചയ​മാ​യും നടക്കും, താമസി​ക്കില്ല!” (ഹബ. 2:3) ആ ഉറപ്പ്‌ ഹബക്കൂ​ക്കി​നെ ഉദ്ദേശി​ച്ചു മാത്ര​മു​ള്ള​താ​യി​രു​ന്നോ? ആ വാക്കു​ക​ളിൽനിന്ന്‌ നമുക്ക്‌ ഇന്നു പ്രയോ​ജനം നേടാൻ കഴിയു​മോ? പുതിയ ലോക​ത്തി​നാ​യി പ്രതീ​ക്ഷ​യോ​ടെ കാത്തി​രി​ക്കുന്ന ക്രിസ്‌ത്യാ​നി​ക​ളു​ടെ പ്രയോ​ജ​ന​ത്തി​നു​വേണ്ടി ദൈവാ​ത്മാ​വി​ന്റെ സഹായ​ത്താൽ അപ്പോ​സ്‌ത​ല​നായ പൗലോസ്‌ ആ വാക്കുകൾ ഉപയോ​ഗി​ച്ചു. (എബ്രായർ 10:36, 37 വായി​ക്കുക.) അതു​കൊണ്ട്‌ നമ്മളെ രക്ഷിക്കു​മെ​ന്നുള്ള യഹോ​വ​യു​ടെ വാഗ്‌ദാ​നം നിറ​വേ​റാൻ വൈകു​ന്ന​താ​യി തോന്നി​യാ​ലും ഒരു കാര്യ​ത്തിൽ നമുക്ക്‌ ഉറപ്പു​ണ്ടാ​യി​രി​ക്കാം, “അതു നിശ്ചയ​മാ​യും നടക്കും, താമസി​ക്കില്ല.”

17. യഹോവ ഹബക്കൂ​ക്കി​നു നൽകിയ ഉപദേശം ഒരു സഹോ​ദരി അനുസ​രി​ച്ചത്‌ എങ്ങനെ​യാണ്‌?

¹⁷ “പ്രതീ​ക്ഷ​യോ​ടെ കാത്തി​രി​ക്കുക” എന്ന യഹോ​വ​യു​ടെ ഉപദേശം പല ദൈവ​ദാ​സ​ന്മാ​രും അനേകം വർഷങ്ങ​ളാ​യി അനുസ​രി​ച്ചു​പോ​രു​ക​യാണ്‌. 1939-ൽ യഹോ​വയെ ആരാധി​ക്കാൻതു​ട​ങ്ങിയ സഹോ​ദ​രി​യാ​ണു ലോയീസ്‌. സഹോ​ദരി പറയുന്നു: “എന്റെ ഹൈസ്‌കൂൾപ​ഠനം പൂർത്തി​യാ​കു​ന്ന​തി​നു മുമ്പ്‌ അർമ​ഗെ​ദോൻ വരു​മെ​ന്നാ​ണു ഞാൻ അന്നു വിചാ​രി​ച്ചി​രു​ന്നത്‌. പക്ഷേ അങ്ങനെ സംഭവി​ച്ചില്ല. എന്നാൽ ഇക്കാല​ങ്ങ​ളി​ലെ​ല്ലാം എന്നെ സഹായിച്ച ഒരു കാര്യ​മുണ്ട്‌: യഹോ​വ​യു​ടെ വാഗ്‌ദാ​നങ്ങൾ നിറ​വേ​റു​ന്നതു കാണാൻ വർഷങ്ങ​ളോ​ളം കാത്തി​രുന്ന നോഹ​യു​ടെ​യും അബ്രാ​ഹാ​മി​ന്റെ​യും യോ​സേ​ഫി​ന്റെ​യും അതു​പോ​ലുള്ള മറ്റു പല ദൈവ​ദാ​സ​ന്മാ​രു​ടെ​യും ബൈബിൾ വിവര​ണങ്ങൾ വായി​ക്കു​ന്ന​താണ്‌ അത്‌. അവയെ ‘കാത്തി​രി​പ്പിൻ വിവര​ണങ്ങൾ’ എന്നാണു ഞാൻ വിളി​ക്കു​ന്നത്‌. ദൈവ​ത്തി​ന്റെ വാഗ്‌ദാ​നങ്ങൾ നിവർത്തി​യേ​റും എന്ന വിശ്വാ​സം എപ്പോ​ഴും ഉണ്ടായി​രി​ക്കു​ന്നതു പുതിയ ലോകം തൊട്ട​ടുത്ത്‌ എത്തി എന്ന ബോധ്യ​മു​ണ്ടാ​യി​രി​ക്കാൻ എന്നെയും മറ്റുള്ള​വ​രെ​യും സഹായി​ച്ചി​ട്ടുണ്ട്‌. “ യഹോ​വയെ വർഷങ്ങ​ളോ​ളം വിശ്വ​സ്‌ത​മാ​യി സേവി​ച്ചു​വ​രുന്ന പലരും അതി​നോ​ടു യോജി​ക്കും!

18. സൃഷ്ടി​കളെ നിരീ​ക്ഷി​ക്കു​ന്നത്‌ എങ്ങനെ​യാ​ണു പുതിയ ലോക​ത്തി​ലുള്ള നമ്മുടെ വിശ്വാ​സം ശക്തമാ​ക്കു​ന്നത്‌?

¹⁸ പുതിയ ലോകം ഇതുവരെ വന്നിട്ടി​ല്ലെ​ന്നു​ള്ളതു ശരിയാണ്‌. എന്നാൽ ഇപ്പോൾത്തന്നെ ഇവി​ടെ​യുള്ള ചില കാര്യ​ങ്ങ​ളെ​ക്കു​റിച്ച്‌ ചിന്തി​ക്കുക: നക്ഷത്രങ്ങൾ, മരങ്ങൾ, മൃഗങ്ങൾ, മനുഷ്യർ ഇവയൊ​ക്കെ. ഒരു കാലത്ത്‌ ഇവയൊ​ന്നും ഇല്ലായി​രു​ന്നു. പക്ഷേ എന്നു കരുതി ഇന്ന്‌ അവ ഇവി​ടെ​യു​ണ്ടോ എന്ന്‌ ആരും സംശയി​ക്കി​ല്ല​ല്ലോ. യഹോവ സൃഷ്ടി​ച്ച​തു​കൊണ്ട്‌ മാത്ര​മാണ്‌ അവയൊ​ക്കെ ഇപ്പോ​ഴു​ള്ളത്‌. (ഉൽപ. 1:1, 26, 27) അതു​പോ​ലെ ഒരു പുതിയ ലോകം കൊണ്ടു​വ​രു​മെ​ന്നും യഹോവ വാഗ്‌ദാ​നം ചെയ്‌തി​ട്ടുണ്ട്‌. താൻ നിശ്ചയി​ച്ചി​രി​ക്കുന്ന സമയത്തു​തന്നെ ഉറപ്പാ​യും യഹോവ അതു നിറ​വേ​റ്റും. ആ പുതിയ ലോക​ത്തിൽ മനുഷ്യ​രെ​ല്ലാം പൂർണാ​രോ​ഗ്യ​ത്തോ​ടെ എന്നേക്കും ജീവി​ക്കും. ഇന്നു പ്രപഞ്ചം നമ്മുടെ കൺമു​ന്നി​ലു​ള്ള​തു​പോ​ലെ​തന്നെ അന്നു പുതിയ ലോക​വും ഒരു യാഥാർഥ്യ​മാ​യി​ത്തീ​രും.—യശ. 65:17; വെളി. 21:3, 4.

19. നിങ്ങൾക്ക്‌ എങ്ങനെ വിശ്വാ​സം ശക്തമാ​ക്കാം?

¹⁹ പുതിയ ലോകം വരുന്ന​തു​വരെ നമ്മുടെ വിശ്വാ​സം ശക്തമാ​ക്കാൻ കഴിവി​ന്റെ പരമാ​വധി ശ്രമി​ക്കാം. മോച​ന​വി​ല​യോട്‌ എപ്പോ​ഴും നന്ദിയു​ള്ള​വ​രാ​യി​രി​ക്കുക. യഹോ​വ​യു​ടെ ശക്തി​യെ​ക്കു​റിച്ച്‌ ആഴത്തിൽ ചിന്തി​ക്കുക. ആത്മീയ പ്രവർത്ത​ന​ങ്ങ​ളിൽ സജീവ​മാ​യി ഉൾപ്പെ​ടുക. ഇങ്ങനെ​യൊ​ക്കെ ചെയ്യു​മ്പോൾ ‘വിശ്വാ​സ​ത്തി​ലൂ​ടെ​യും ക്ഷമയി​ലൂ​ടെ​യും വാഗ്‌ദാ​നങ്ങൾ അവകാ​ശ​മാ​ക്കി​യ​വ​രു​ടെ കൂടെ’ നിങ്ങളും ഉണ്ടായി​രി​ക്കും.—എബ്രാ. 6:11, 12; റോമ. 5:5.