“യാഹിന്റെ ജ്വാല” അണയാതെ സൂക്ഷി​ക്കു​ക

1. യഥാർഥ​സ്‌നേ​ഹത്തെ ബൈബിൾ വർണി​ച്ചി​രി​ക്കു​ന്നത്‌ എങ്ങനെ​യാണ്‌?

പ്രേമ​ത്തി​ന്റെ “ജ്വാലകൾ ആളിക്ക​ത്തുന്ന തീനാ​ള​ങ്ങ​ളാണ്‌, യാഹിന്റെ ജ്വാല​യാണ്‌. ആർത്തല​ച്ചു​വ​രുന്ന വെള്ളത്തി​നു പ്രേമത്തെ കെടു​ത്തി​ക്ക​ള​യാ​നാ​കില്ല. നദികൾക്ക്‌ അതിനെ ഒഴുക്കി​ക്ക​ള​യാ​നാ​കില്ല.”b (ഉത്ത. 8:6, 7) യഥാർഥ​സ്‌നേ​ഹ​ത്തെ​ക്കു​റി​ച്ചുള്ള എത്ര മനോ​ഹ​ര​മായ വർണന! ഈ വാക്കുകൾ ദമ്പതി​കൾക്ക്‌ ഇങ്ങനെ​യൊ​രു ഉറപ്പു​ത​രു​ന്നു: നിങ്ങൾക്കു തമ്മിൽ ശക്തമാ​യൊ​രു സ്‌നേ​ഹ​ബന്ധം നിലനി​റു​ത്താ​നാ​കും.

2. നിങ്ങൾക്കി​ട​യി​ലെ സ്‌നേ​ഹ​ബന്ധം തണുത്തു​പോ​കാ​തി​രി​ക്കാൻ ദമ്പതികൾ എന്തു ചെയ്യണം?

² ദമ്പതികൾ ജീവി​ച്ചി​രി​ക്കു​ന്നി​ട​ത്തോ​ളം കാലം അവർക്കി​ട​യി​ലെ സ്‌നേ​ഹ​ബന്ധം നിലനി​റു​ത്താൻ നല്ല ശ്രമം ആവശ്യ​മാണ്‌. ഉദാഹ​ര​ണ​ത്തിന്‌, നമ്മൾ വെളി​യിൽ തീ കൂട്ടു​ന്നെ​ന്നി​രി​ക്കട്ടെ. ഇടയ്‌ക്കി​ടെ വിറകു വെച്ചു​കൊ​ടു​ത്താൽ അതു കെടാതെ കത്തി​ക്കൊ​ണ്ടി​രി​ക്കും. ഇല്ലെങ്കിൽ കുറച്ച്‌ കഴിയു​മ്പോൾ തീ അണഞ്ഞു​പോ​കും. ഇതു​പോ​ലെ ഭാര്യാ​ഭർത്താ​ക്ക​ന്മാർക്കി​ട​യി​ലെ സ്‌നേ​ഹ​ബന്ധം കെടാതെ ശക്തമാക്കി നിലനി​റു​ത്താ​നാ​കും. പക്ഷേ അവർ അതിനു​വേണ്ടി ശ്രമി​ക്കേ​ണ്ട​തുണ്ട്‌. സാമ്പത്തി​ക​ബു​ദ്ധി​മു​ട്ടോ ആരോ​ഗ്യ​പ്ര​ശ്‌ന​ങ്ങ​ളോ കുട്ടി​കളെ വളർത്തു​ന്ന​തി​ന്റെ സമ്മർദ​മോ കാരണം ചില ദമ്പതി​കൾക്ക്‌ അവർക്കി​ട​യി​ലെ സ്‌നേഹം തണുത്തു​പോ​കു​ന്ന​താ​യി തോന്നി​യി​ട്ടുണ്ട്‌. അതു​കൊണ്ട്‌ നിങ്ങളു​ടെ വിവാ​ഹ​ജീ​വി​ത​ത്തിൽ “യാഹിന്റെ ജ്വാല” അണയാ​തി​രി​ക്കാൻ ദമ്പതി​ക​ളെന്ന നിലയിൽ നിങ്ങൾക്ക്‌ എന്തൊക്കെ ചെയ്യാൻ കഴിയും? നിങ്ങൾക്കി​ട​യി​ലെ സ്‌നേ​ഹ​ബന്ധം ശക്തമാ​ക്കി​നി​റു​ത്തി​ക്കൊണ്ട്‌ സന്തോ​ഷ​മുള്ള വിവാ​ഹ​ജീ​വി​തം നയിക്കാൻ സഹായി​ക്കുന്ന മൂന്നു കാര്യ​ങ്ങ​ളെ​ക്കു​റിച്ച്‌ ഈ ലേഖന​ത്തിൽ ചർച്ച ചെയ്യും.c

യഹോ​വ​യു​മാ​യുള്ള ബന്ധം ശക്തമാ​ക്കു​ന്ന​തിൽ തുടരുക

3. യഹോ​വ​യു​മാ​യുള്ള ശക്തമായ ബന്ധം എങ്ങനെ​യാ​ണു ദമ്പതി​കൾക്കി​ട​യി​ലെ സ്‌നേ​ഹ​ബന്ധം ജ്വലി​പ്പി​ച്ചു​നി​റു​ത്താൻ സഹായി​ക്കു​ന്നത്‌? (സഭാ​പ്ര​സം​ഗകൻ 4:12) (ചിത്ര​വും കാണുക.)

³ “യാഹിന്റെ ജ്വാല” അണയാ​തി​രി​ക്കാൻ ഭാര്യ​യും ഭർത്താ​വും യഹോ​വ​യു​മാ​യുള്ള അവരുടെ ബന്ധം ശക്തമാക്കി നിറു​ത്തേ​ണ്ട​തുണ്ട്‌. ഇത്‌ എങ്ങനെ​യാണ്‌ അവരുടെ വിവാ​ഹ​ജീ​വി​തത്തെ സഹായി​ക്കു​ന്നത്‌? ദമ്പതികൾ സ്വർഗീ​യ​പി​താ​വു​മാ​യുള്ള സൗഹൃ​ദ​ത്തി​നു പ്രാധാ​ന്യം കൊടു​ക്കു​മ്പോൾ ദൈവം പറയുന്ന കാര്യങ്ങൾ മനസ്സോ​ടെ അനുസ​രി​ക്കാൻ അവർ തയ്യാറാ​കും. അങ്ങനെ ചെയ്യു​ന്നത്‌ അവർക്കി​ട​യി​ലെ സ്‌നേ​ഹ​ബന്ധം തണുത്തു​പോ​കാൻ ഇടയാ​ക്കി​യേ​ക്കാ​വുന്ന പ്രശ്‌നങ്ങൾ പരിഹ​രി​ക്കാ​നും ഒഴിവാ​ക്കാ​നും അവരെ സഹായി​ക്കും. (സഭാ​പ്ര​സം​ഗകൻ 4:12 വായി​ക്കുക.) ഇനി, ആത്മീയ​ചി​ന്ത​യുള്ള ആളുകൾ യഹോ​വയെ അനുക​രി​ക്കാ​നും യഹോ​വ​യു​ടെ ഗുണങ്ങൾ വളർത്തി​യെ​ടു​ക്കാ​നും ശ്രമി​ക്കും. ഉദാഹ​ര​ണ​ത്തിന്‌, തെറ്റുകൾ ക്ഷമിക്കാ​നും ദയ കാണി​ക്കാ​നും ക്ഷമയോ​ടെ ഇടപെ​ടാ​നും ഒക്കെ. (എഫെ. 4:32–5:1) ഇതു​പോ​ലുള്ള ഗുണങ്ങൾ ദമ്പതികൾ കാണി​ക്കു​മ്പോൾ അവർക്കി​ട​യി​ലെ സ്‌നേ​ഹ​ബന്ധം തഴച്ചു​വ​ള​രാ​നി​ട​യാ​കും. വിവാഹം കഴിഞ്ഞ്‌ 25-ലേറെ വർഷം പിന്നിട്ട ലെന സഹോ​ദരി പറയുന്നു: “ആത്മീയ​ത​യുള്ള ഒരാളെ സ്‌നേ​ഹി​ക്കാ​നും ബഹുമാ​നി​ക്കാ​നും എളുപ്പ​മാണ്‌.”

4. ഭാവി മിശി​ഹ​യു​ടെ മാതാ​പി​താ​ക്ക​ളാ​യി​രി​ക്കാൻ യഹോവ യോ​സേ​ഫി​നെ​യും മറിയ​യെ​യും തിര​ഞ്ഞെ​ടു​ത്തത്‌ എന്തു​കൊ​ണ്ടാണ്‌?

⁴ ബൈബി​ളി​ലെ ഒരു ഉദാഹ​രണം നോക്കാം. ഭാവി മിശി​ഹ​യു​ടെ മാതാ​പി​താ​ക്ക​ളാ​കാൻ ഒരു ദമ്പതി​കളെ കണ്ടെ​ത്തേ​ണ്ടി​വ​ന്ന​പ്പോൾ യഹോവ യോ​സേ​ഫി​നെ​യും മറിയ​യെ​യും ആണ്‌ തിര​ഞ്ഞെ​ടു​ത്തത്‌. ദാവീ​ദി​ന്റെ വംശജ​രിൽ അനേകം സ്‌ത്രീ​പു​രു​ഷ​ന്മാ​രു​ണ്ടാ​യി​രുന്നി​ട്ടും എന്തു​കൊ​ണ്ടാണ്‌ യഹോവ ഇവരെ അതിനു​വേണ്ടി ഉപയോ​ഗി​ച്ചത്‌? അവർക്കു രണ്ടു പേർക്കും യഹോ​വ​യു​മാ​യി വ്യക്തി​പ​ര​മായ ഒരു ബന്ധമു​ണ്ടാ​യി​രു​ന്നു. അതു​കൊണ്ട്‌ അവർ തങ്ങളുടെ വിവാ​ഹ​ജീ​വി​ത​ത്തിൽ യഹോ​വ​യ്‌ക്ക്‌ ഒന്നാം സ്ഥാനം കൊടു​ക്കു​മെന്നു ദൈവ​ത്തിന്‌ അറിയാ​മാ​യി​രു​ന്നു. ദമ്പതി​കളേ, യോ​സേ​ഫി​ന്റെ​യും മറിയ​യു​ടെ​യും മാതൃ​ക​യിൽനിന്ന്‌ നിങ്ങൾക്ക്‌ എന്തു പഠിക്കാം?

5. ഭർത്താ​ക്ക​ന്മാർക്ക്‌ യോ​സേ​ഫിൽനിന്ന്‌ എന്തു പഠിക്കാൻ കഴിയും?

⁵ യഹോവ നൽകിയ നിർദേ​ശങ്ങൾ യോ​സേഫ്‌ മനസ്സോ​ടെ അനുസ​രി​ച്ചു. അതാണ്‌ അദ്ദേഹത്തെ നല്ലൊരു ഭർത്താ​വാ​ക്കി​യത്‌. കുടും​ബ​ത്തോ​ടുള്ള ബന്ധത്തിൽ അദ്ദേഹ​ത്തി​നു കുറഞ്ഞത്‌ മൂന്ന്‌ തവണ​യെ​ങ്കി​ലും ദൈവ​ത്തിൽനി​ന്നുള്ള നിർദേ​ശങ്ങൾ കിട്ടി. അവ അനുസ​രി​ക്കു​ന്നത്‌ അത്ര എളുപ്പ​മ​ല്ലാ​യി​രു​ന്നെ​ങ്കി​ലും ഓരോ തവണയും അദ്ദേഹം കിട്ടിയ നിർദേ​ശം​പോ​ലെ പെട്ടെന്നു പ്രവർത്തി​ച്ചു. (മത്താ. 1:20, 24; 2:13-15, 19-21) ദൈവം പറഞ്ഞത​നു​സ​രിച്ച്‌ യോ​സേഫ്‌ മറിയയെ സംരക്ഷി​ച്ചു, പിന്തു​ണച്ചു, അവൾക്കാ​യി കരുതു​ക​യും ചെയ്‌തു. യോ​സേഫ്‌ ഇങ്ങനെ​യൊ​ക്കെ ചെയ്‌തത്‌ മറിയ​യ്‌ക്ക്‌ അദ്ദേഹ​ത്തോ​ടുള്ള സ്‌നേ​ഹ​വും ബഹുമാ​ന​വും ഒക്കെ കൂടാൻ എത്രയ​ധി​കം സഹായി​ച്ചി​രി​ക്കു​മെന്ന്‌ ചിന്തി​ക്കുക. ഭർത്താ​ക്ക​ന്മാ​രേ, യോ​സേ​ഫി​നെ അനുക​രി​ച്ചു​കൊണ്ട്‌ കുടും​ബത്തെ പരിപാ​ലി​ക്കു​ന്ന​തു​മാ​യി ബന്ധപ്പെട്ട്‌ ബൈബിൾ നൽകുന്ന നിർദേ​ശങ്ങൾ എന്തൊ​ക്കെ​യാ​ണെന്നു കണ്ടെത്തുക.d അവ അനുസ​രി​ക്കുക. അത്‌ എപ്പോ​ഴും അത്ര എളുപ്പ​മാ​യി​രി​ക്ക​ണ​മെ​ന്നില്ല. പക്ഷേ, നിങ്ങൾ അങ്ങനെ ചെയ്യു​ന്നെ​ങ്കിൽ ഭാര്യ​യോ​ടുള്ള നിങ്ങളു​ടെ സ്‌നേഹം തെളി​യി​ക്കു​ക​യാ​യി​രി​ക്കും. അതോ​ടൊ​പ്പം നിങ്ങളു​ടെ വിവാ​ഹ​ബന്ധം ശക്തമാ​കു​ക​യും ചെയ്യും. വിവാഹം കഴിഞ്ഞിട്ട്‌ 20-ലേറെ വർഷമായ, വന്വാ​ട്ടു​വി​ലുള്ള ഒരു സഹോ​ദരി പറയുന്നു: “എന്റെ ഭർത്താവ്‌ യഹോവ തരുന്ന നിർദേ​ശ​ങ്ങൾക്കു​വേണ്ടി അന്വേ​ഷി​ക്കു​ക​യും അതനു​സ​രിച്ച്‌ പ്രവർത്തി​ക്കു​ക​യും ചെയ്യു​ന്നതു കാണു​മ്പോൾ എനിക്ക്‌ അദ്ദേഹ​ത്തോ​ടുള്ള ആദരവ്‌ കൂടും. അദ്ദേഹ​ത്തി​ന്റെ തീരു​മാ​ന​ത്തിൽ വിശ്വാ​സ​മർപ്പി​ക്കാ​നും സുരക്ഷി​ത​ത്വം തോന്നാ​നും അത്‌ എന്നെ സഹായി​ക്കു​ന്നു.”

6. ഭാര്യ​മാർക്കു മറിയ​യിൽനിന്ന്‌ എന്തൊക്കെ പഠിക്കാം?

⁶ മറിയ​യ്‌ക്ക്‌ യഹോ​വ​യു​മാ​യി വ്യക്തി​പ​ര​മായ ഒരു ബന്ധമു​ണ്ടാ​യി​രു​ന്നു. യോ​സേ​ഫി​നെ ആശ്രയി​ച്ചാ​യി​രു​ന്നില്ല മറിയ​യു​ടെ വിശ്വാ​സം. തിരു​വെ​ഴു​ത്തു​ക​ളെ​ക്കു​റിച്ച്‌ മറിയ​യ്‌ക്കു നല്ല അറിവു​ണ്ടാ​യി​രു​ന്നു. (ലൂക്കോ. 1:46-ന്റെ പഠനക്കു​റി​പ്പു കാണുക.) അവയെ​ക്കു​റിച്ച്‌ ആഴത്തിൽ ചിന്തി​ക്കാ​നും സമയ​മെ​ടു​ത്തി​രു​ന്നു. (ലൂക്കോ. 2:19, 51) യഹോ​വ​യു​മാ​യു​ണ്ടാ​യി​രുന്ന ആ ബന്ധമാണു മറിയയെ ഒരു ഉത്തമഭാ​ര്യ​യാ​ക്കി​യത്‌. ഇന്നു പല ഭാര്യ​മാ​രും മറിയ​യു​ടെ ആ മാതൃക പകർത്താൻ നന്നായി ശ്രമി​ക്കു​ന്നുണ്ട്‌. ഉദാഹ​ര​ണ​ത്തിന്‌, എമിക്കോ എന്നു പേരുള്ള ഒരു സഹോ​ദരി പറയുന്നു: “വിവാ​ഹ​ത്തി​നു മുമ്പ്‌ എനിക്കു വ്യക്തി​പ​ര​മായ പ്രാർഥ​ന​യ്‌ക്കും പഠനത്തി​നും ഒക്കെ നല്ലൊരു പട്ടിക​യു​ണ്ടാ​യി​രു​ന്നു. എന്നാൽ, കല്യാണം കഴിയു​ന്ന​തോ​ടെ ഭർത്താ​വാ​ണ​ല്ലോ പ്രാർഥ​ന​യ്‌ക്കും കുടും​ബാ​രാ​ധ​ന​യ്‌ക്കും ഒക്കെ നേതൃ​ത്വ​മെ​ടു​ക്കു​ന്നത്‌. അതു​കൊണ്ട്‌ ഇത്തരം കാര്യ​ങ്ങൾക്കു​വേണ്ടി ഞാൻ എപ്പോ​ഴും അദ്ദേഹത്തെ ആശ്രയി​ക്കു​ന്ന​താ​യി തോന്നി. പക്ഷേ യഹോ​വ​യു​മാ​യുള്ള എന്റെ ബന്ധം ശക്തമാ​ക്ക​ണ​മെ​ങ്കിൽ പ്രാർഥ​ന​യും പഠനവും പോലുള്ള കാര്യങ്ങൾ ഞാൻ സ്വന്തമാ​യും ചെയ്യേ​ണ്ട​തു​ണ്ടെന്ന്‌ എനിക്കു മനസ്സി​ലാ​യി. അതു​കൊണ്ട്‌ ഇപ്പോൾ സ്വന്തമാ​യി പ്രാർഥി​ക്കു​ക​യും ബൈബിൾ വായി​ക്കു​ക​യും ധ്യാനി​ക്കു​ക​യും ഒക്കെ ചെയ്‌തു​കൊണ്ട്‌ എന്റെ ദൈവ​ത്തോ​ടൊ​പ്പ​മാ​യി​രി​ക്കാൻ ഞാൻ സമയം മാറ്റി​വെ​ച്ചി​ട്ടുണ്ട്‌.” (ഗലാ. 6:5) ഭാര്യ​മാ​രേ, യഹോ​വ​യു​മാ​യുള്ള നിങ്ങളു​ടെ സുഹൃ​ദ്‌ബന്ധം ശക്തമാ​ക്കു​ന്ന​തിൽ തുടരുക. അപ്പോൾ നിങ്ങളു​ടെ ഭർത്താ​ക്ക​ന്മാർക്കു നിങ്ങളെ പ്രശം​സി​ക്കാ​നും സ്‌നേ​ഹി​ക്കാ​നും ഉള്ള കൂടുതൽ കാരണങ്ങൾ കിട്ടും.—സുഭാ. 31:30.

7. ഒരുമിച്ച്‌ യഹോ​വയെ ആരാധി​ക്കുന്ന കാര്യ​ത്തിൽ ദമ്പതി​കൾക്ക്‌ യോ​സേ​ഫിൽനി​ന്നും മറിയ​യിൽനി​ന്നും എന്തു പഠിക്കാം?

⁷ യഹോ​വ​യു​മാ​യുള്ള ബന്ധം ശക്തമാ​ക്കി​നി​റു​ത്താൻ യോ​സേ​ഫും മറിയ​യും ഒരുമി​ച്ചും പ്രവർത്തി​ച്ചു. ഒരു കുടും​ബ​മെന്ന നിലയിൽ യഹോ​വയെ ആരാധി​ക്കു​ന്ന​തി​ന്റെ പ്രാധാ​ന്യം അവർ തിരി​ച്ച​റി​ഞ്ഞു. (ലൂക്കോ. 2:22-24, 41; 4:16) കുട്ടി​ക​ളൊ​ക്കെ ഉണ്ടായ​പ്പോൾ ഒരുപക്ഷേ അങ്ങനെ ചെയ്യു​ന്നത്‌ അവർക്കു ബുദ്ധി​മു​ട്ടാ​യി​രു​ന്നി​രി​ക്കാം. എന്നിട്ടും അവർ അതൊക്കെ ചെയ്‌തു. ഇന്നത്തെ ദമ്പതി​കൾക്ക്‌ എത്ര നല്ലൊരു മാതൃക. യോ​സേ​ഫി​നെ​യും മറിയ​യെ​യും പോലെ നിങ്ങൾക്കു കുട്ടി​ക​ളു​ണ്ടെ​ങ്കിൽ ഒരുപക്ഷേ മീറ്റി​ങ്ങി​നു പോകു​ന്ന​തും കുടും​ബാ​രാ​ധ​ന​യ്‌ക്കു സമയം കണ്ടെത്തു​ന്ന​തും എപ്പോ​ഴും അത്ര എളുപ്പ​മാ​യി​രി​ക്കില്ല. ഇനി, ദമ്പതി​ക​ളെന്ന നിലയിൽ ഒരുമിച്ച്‌ പഠിക്കാ​നും പ്രാർഥി​ക്കാ​നും ഒക്കെ സമയം കണ്ടെത്തു​ന്നത്‌ അതി​ലേറെ ബുദ്ധി​മു​ട്ടാ​യി​രി​ക്കാം. എങ്കിലും ഒരു കാര്യം ഓർക്കുക: ഒരുമിച്ച്‌ യഹോ​വയെ ആരാധി​ക്കു​മ്പോൾ നിങ്ങൾ യഹോ​വ​യോ​ടു കൂടുതൽ അടുക്കും. കൂടാതെ നിങ്ങൾ തമ്മിലുള്ള ബന്ധവും ശക്തമാ​കും. അതു​കൊണ്ട്‌, ആരാധ​ന​യ്‌ക്കു നിങ്ങളു​ടെ ജീവി​ത​ത്തിൽ ഒന്നാം സ്ഥാനം കൊടു​ക്കുക.

8. വിവാ​ഹ​ജീ​വി​ത​ത്തിൽ പ്രശ്‌ന​ങ്ങ​ളുള്ള ദമ്പതി​കൾക്ക്‌ കുടും​ബാ​രാ​ധ​ന​യിൽനിന്ന്‌ കൂടുതൽ പ്രയോ​ജനം നേടാൻ എന്തു ചെയ്യാം?

⁸ നിങ്ങളു​ടെ വിവാ​ഹ​ബ​ന്ധ​ത്തിൽ എന്തെങ്കി​ലും പ്രശ്‌ന​ങ്ങ​ളു​ണ്ടെ​ങ്കി​ലോ? കുടും​ബാ​രാ​ധ​ന​യ്‌ക്കു​വേണ്ടി ഒരുമി​ച്ചാ​യി​രി​ക്കു​ന്നത്‌ അത്ര സുഖമാ​യി​രി​ക്ക​ണ​മെ​ന്നില്ല. എങ്കിൽ, നിങ്ങൾക്കു രണ്ടു പേർക്കും ഇഷ്ടമുള്ള, യോജി​ക്കാൻ കഴിയുന്ന ഒരു വിഷയ​ത്തെ​ക്കു​റിച്ച്‌ അൽപ്പസ​മയം ചർച്ച ചെയ്‌തു​കൊണ്ട്‌ ഒരു തുടക്ക​മി​ടാ​വു​ന്ന​താണ്‌. അങ്ങനെ ചെയ്യു​ന്നതു നിങ്ങൾക്കി​ട​യി​ലെ സ്‌നേ​ഹ​വും യഹോ​വയെ ഒരുമിച്ച്‌ ആരാധി​ക്കാ​നുള്ള ആഗ്രഹ​വും കൂടുതൽ ശക്തമാ​ക്കും.

ഒരുമിച്ച്‌ സമയം ചെലവ​ഴി​ക്കു​ക

9. ഭർത്താ​വും ഭാര്യ​യും ഒരുമിച്ച്‌ സമയം ചെലവ​ഴി​ക്കേ​ണ്ടത്‌ എന്തു​കൊണ്ട്‌?

⁹ ദമ്പതി​കളേ, ഒരുമിച്ച്‌ സമയം ചെലവ​ഴി​ച്ചു​കൊ​ണ്ടും നിങ്ങൾക്കി​ട​യി​ലെ സ്‌നേഹം ജ്വലി​പ്പി​ച്ചു​നി​റു​ത്താ​നാ​കും. അങ്ങനെ ചെയ്യു​ന്നെ​ങ്കിൽ ഇണയുടെ ചിന്തക​ളും വികാ​ര​ങ്ങ​ളും ഒക്കെ മനസ്സി​ലാ​ക്കാൻ എളുപ്പ​മാ​യി​രി​ക്കും. (ഉൽപ. 2:24) ലിലി​യ​യു​ടെ​യും റസ്‌ല​ന്റെ​യും വിവാഹം കഴിഞ്ഞിട്ട്‌ 15-ലേറെ വർഷമാ​യി. കല്യാണം കഴിഞ്ഞ്‌ ഉടനെ​തന്നെ അവർ മനസ്സി​ലാ​ക്കിയ ഒരു കാര്യ​ത്തെ​ക്കു​റിച്ച്‌ ലിലിയ പറയുന്നു: “വിചാ​രിച്ച അത്രയും സമയം ഒരുമിച്ച്‌ ചെലവ​ഴി​ക്കാൻ കഴിയി​ല്ലെന്നു ഞങ്ങൾ തിരി​ച്ച​റി​ഞ്ഞു. ഞങ്ങളുടെ സമയം മുഴുവൻ ജോലി​ക്കും വീട്ടു​പ​ണി​കൾക്കും പിന്നീടു മക്കൾക്കും ഒക്കെയാ​യി മാറ്റി​വെ​ക്കേ​ണ്ടി​വന്നു. ദമ്പതി​ക​ളെന്ന നിലയിൽ ഒരുമിച്ച്‌ സമയം ചെലവ​ഴി​ക്കു​ന്നി​ല്ലെ​ങ്കിൽ ഞങ്ങൾ തമ്മിൽ അകന്നു​പോ​യേ​ക്കാ​മെന്നു ഞങ്ങൾക്കു മനസ്സി​ലാ​യി.”

10. എഫെസ്യർ 5:15, 16-ലെ തത്ത്വത്തി​നു ചേർച്ച​യിൽ ദമ്പതി​കൾക്ക്‌ എങ്ങനെ പ്രവർത്തി​ക്കാൻ കഴിയും?

¹⁰ ഒരുമിച്ച്‌ സമയം ചെലവ​ഴി​ക്കു​ന്നു​ണ്ടെന്ന്‌ ഉറപ്പു​വ​രു​ത്താൻ ദമ്പതി​കൾക്ക്‌ എന്തു ചെയ്യാം? അതിനു​വേണ്ടി പ്രത്യേ​കം സമയം മാറ്റി​വെ​ക്കേ​ണ്ട​തു​ണ്ടാ​യി​രി​ക്കാം. (എഫെസ്യർ 5:15, 16 വായി​ക്കുക.) നൈജീ​രി​യ​യി​ലുള്ള ഉസോ​ണ്ട്യു സഹോ​ദരൻ പറയുന്നു: “ഓരോ കാര്യ​വും ചെയ്യു​ന്ന​തി​നു സമയം പട്ടിക​പ്പെ​ടു​ത്തു​മ്പോൾ എനിക്കും ഭാര്യ​ക്കും ഒരുമി​ച്ചാ​യി​രി​ക്കാ​നുള്ള സമയവും ഞാൻ വേർതി​രി​ക്കാ​റുണ്ട്‌. (ഫിലി. 1:10) എന്തൊക്കെ സംഭവി​ച്ചാ​ലും അതിനു മുടക്കം വരുത്താ​തി​രി​ക്കാൻ ഞാൻ പ്രത്യേ​കം ശ്രദ്ധി​ക്കും.” സമയം ഏറ്റവും നന്നായി ഉപയോ​ഗി​ക്കു​ന്ന​തി​നെ​ക്കു​റിച്ച്‌ മൊൾഡോ​വ​യി​ലെ ഒരു സർക്കിട്ട്‌ മേൽവി​ചാ​ര​കന്റെ ഭാര്യ അനസ്‌താ​സീയ പറയു​ന്നത്‌ ഇങ്ങനെ​യാണ്‌: “ഭർത്താവ്‌ അദ്ദേഹ​ത്തി​ന്റെ ഉത്തരവാ​ദി​ത്വ​ങ്ങൾ ചെയ്യുന്ന സമയത്ത്‌ എനിക്കു സ്വന്തമാ​യി ചെയ്യാ​നുള്ള കാര്യങ്ങൾ ഞാൻ ചെയ്‌തു​തീർക്കും. അങ്ങനെ ചെയ്യു​ന്ന​തു​കൊണ്ട്‌ പിന്നീടു ഞങ്ങൾക്ക്‌ ഒരുമിച്ച്‌ സമയം ചെലവ​ഴി​ക്കാ​നാ​കു​ന്നു.” എന്നാൽ ഒരുമി​ച്ചാ​യി​രി​ക്കാൻ നിങ്ങൾക്ക്‌ ഒട്ടും സമയം മാറ്റി​വെ​ക്കാൻ കഴിയു​ന്നി​ല്ലെ​ങ്കി​ലോ?

11. എന്തൊക്കെ കാര്യ​ങ്ങ​ളാണ്‌ അക്വി​ല​യും പ്രിസ്‌കി​ല്ല​യും ഒരുമിച്ച്‌ ചെയ്‌തത്‌?

¹¹ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ വളരെ ബഹുമാ​നി​ച്ചി​രുന്ന ദമ്പതി​ക​ളാണ്‌ അക്വി​ല​യും പ്രിസ്‌കി​ല്ല​യും. ഇന്നത്തെ ദമ്പതി​കൾക്കും അവരുടെ മാതൃ​ക​യിൽനിന്ന്‌ പഠിക്കാൻ കഴിയും. (റോമ. 16:3, 4) അവരുടെ വിവാ​ഹ​ജീ​വി​ത​ത്തെ​ക്കു​റിച്ച്‌ ബൈബിൾ കൂടുതൽ വിശദീ​ക​ര​ണ​ങ്ങ​ളൊ​ന്നും നൽകു​ന്നി​ല്ലെ​ങ്കി​ലും അവർ ഒരുമിച്ച്‌ ജോലി ചെയ്‌ത​താ​യും സന്തോ​ഷ​വാർത്ത പ്രസം​ഗി​ച്ച​താ​യും മറ്റുള്ള​വരെ സഹായി​ച്ച​താ​യും തിരു​വെ​ഴു​ത്തു​കൾ പറയു​ന്നുണ്ട്‌. (പ്രവൃ. 18:2, 3, 24-26) ബൈബി​ളിൽ അവരെ​ക്കു​റിച്ച്‌ പറയു​ന്നി​ട​ത്തെ​ല്ലാം രണ്ടു പേരു​ടെ​യും പേരുകൾ ഒരുമിച്ച്‌ കാണാം.

12. ഒരുമിച്ച്‌ സമയം ചെലവ​ഴി​ക്കു​ന്ന​തി​നു​വേണ്ടി ഭാര്യാ​ഭർത്താ​ക്ക​ന്മാർക്ക്‌ എന്തു ചെയ്യാം? (ചിത്ര​വും കാണുക.)

¹² ഭാര്യാ​ഭർത്താ​ക്ക​ന്മാർക്ക്‌ എങ്ങനെ അക്വി​ല​യെ​യും പ്രിസ്‌കി​ല്ല​യെ​യും അനുക​രി​ക്കാം? നിങ്ങൾക്കും ഇണയ്‌ക്കും ചെയ്യാ​നുള്ള കാര്യ​ങ്ങ​ളെ​ക്കു​റിച്ച്‌ ചിന്തി​ക്കുക. അതൊക്കെ ഒറ്റയ്‌ക്കൊ​റ്റ​യ്‌ക്കു ചെയ്യു​ന്ന​തി​നു പകരം ഒരുമിച്ച്‌ ചെയ്യാ​നാ​കു​മോ? ഉദാഹ​ര​ണ​ത്തിന്‌, അക്വി​ല​യും പ്രിസ്‌കി​ല്ല​യും ഒരുമിച്ച്‌ പ്രസം​ഗ​പ്ര​വർത്തനം ചെയ്‌തു. പതിവാ​യി അങ്ങനെ ചെയ്യാൻ നിങ്ങളും ശ്രമി​ക്കാ​റു​ണ്ടോ? ഇനി, അവർ ഒരുമിച്ച്‌ ജോലി ചെയ്‌തു. നിങ്ങളു​ടെ കാര്യ​ത്തിൽ ഒരുപക്ഷേ ജോലി രണ്ടു സ്ഥലത്താ​യി​രി​ക്കാം. എന്നാൽ, വീട്ടിലെ പണികൾ ഒരുമിച്ച്‌ ചെയ്യാ​നാ​കു​മോ? (സഭാ. 4:9) ഒരു കാര്യം ഒരുമിച്ച്‌ ചെയ്യു​മ്പോൾ നിങ്ങൾ ഒറ്റക്കെ​ട്ടാ​ണെന്ന ഒരു തോന്ന​ലു​ണ്ടാ​കും. സംസാ​രി​ക്കാൻ ഒരുപാ​ടു സമയം കിട്ടു​ക​യും ചെയ്യും. റോബർട്ടി​ന്റെ​യും ലിൻഡ​യു​ടെ​യും വിവാഹം കഴിഞ്ഞിട്ട്‌ 50-ലധികം വർഷമാ​യി. അദ്ദേഹം പറയുന്നു: “സത്യം പറഞ്ഞാൽ, ഒരുമിച്ച്‌ വിനോ​ദ​ത്തി​ലേർപ്പെ​ടാ​നൊ​ന്നും ഞങ്ങൾക്ക്‌ അധികം സമയം കിട്ടാ​റില്ല. എന്നാൽ ഞാൻ പാത്രം കഴുകു​മ്പോൾ ഭാര്യ അതു തുടച്ചു​വെ​ക്കും. ഞാൻ മുറ്റത്ത്‌ പുല്ലു പറിക്കാൻ ഇറങ്ങു​മ്പോൾ അവളും ഒപ്പം കൂടും. അത്‌ എനിക്ക്‌ എത്ര സന്തോ​ഷ​മാ​ണെ​ന്നോ! ഇങ്ങനെ ഒരുമിച്ച്‌ കാര്യങ്ങൾ ചെയ്യു​ന്നതു ഞങ്ങൾ തമ്മിൽ കൂടുതൽ അടുക്കാൻ സഹായി​ക്കു​ന്നു. ഞങ്ങളുടെ സ്‌നേഹം കൂടുതൽ ശക്തമാ​കു​ക​യും ചെയ്യുന്നു.”

13. ഭാര്യാ​ഭർത്താ​ക്ക​ന്മാർക്കി​ട​യിൽ ശരിക്കും അടുപ്പം വളരാൻ അവർ എന്തു ചെയ്യണം?

¹³ എന്നാൽ ഒന്ന്‌ ഓർക്കുക: ഭാര്യ​യും ഭർത്താ​വും ഒരുമി​ച്ചാ​യി​രി​ക്കു​ന്ന​തു​കൊണ്ട്‌ മാത്രം അവർക്കി​ട​യി​ലെ അടുപ്പം കൂടണ​മെ​ന്നില്ല. ബ്രസീ​ലിൽനി​ന്നുള്ള ഒരു ഭാര്യ പറയുന്നു: “ഒരേ വീട്ടിൽ താമസി​ക്കു​ന്ന​തു​കൊണ്ട്‌ ഒരുമിച്ച്‌ സമയം ചെലവ​ഴി​ക്കു​ന്നു​ണ്ട​ല്ലോ എന്നു ഭാര്യാ​ഭർത്താ​ക്ക​ന്മാർ ചില​പ്പോൾ ചിന്തി​ച്ചു​പോ​യേ​ക്കാം. ഇന്നത്തെ തിരക്കു​പി​ടിച്ച ജീവി​ത​ത്തിൽ അങ്ങനെ ചിന്തി​ക്കാൻ സാധ്യത കൂടു​ത​ലാണ്‌. എന്നാൽ ഒരുമിച്ച്‌ ഒരു സ്ഥലത്താ​യി​രി​ക്കു​ന്ന​തു​കൊണ്ട്‌ മാത്രം മതിയാ​കു​ന്നില്ല. ഭർത്താ​വി​നു വേണ്ട ശ്രദ്ധ കൊടു​ക്കേ​ണ്ട​തും പ്രധാ​ന​മാ​ണെന്നു ഞാൻ മനസ്സി​ലാ​ക്കി.” പരസ്‌പരം ശ്രദ്ധ നൽകു​ന്നു​ണ്ടെന്ന്‌ ഉറപ്പു​വ​രു​ത്താൻവേണ്ടി ബ്രൂ​ണോ​യും ഭാര്യ ടെയ്‌സും ചെയ്‌തത്‌ എന്താ​ണെന്നു നോക്കുക. അദ്ദേഹം പറയുന്നു: “ഞങ്ങൾ ഒരുമി​ച്ചാ​യി​രി​ക്കുന്ന സമയം നന്നായി ആസ്വദി​ക്കു​ന്ന​തി​നു​വേണ്ടി ഫോൺപോ​ലും മാറ്റി​വെ​ക്കും.”

14. ഒരുമിച്ച്‌ സമയം ചെലവ​ഴി​ക്കാൻ അത്ര ഇഷ്ടമി​ല്ലാത്ത ദമ്പതി​കൾക്ക്‌ ആ പ്രശ്‌നം പരിഹ​രി​ക്കാൻ എന്തു ചെയ്യാം?

¹⁴ എന്നാൽ നിങ്ങൾക്ക്‌ ഇണയോ​ടൊ​പ്പം സമയം ചെലവ​ഴി​ക്കാൻ അത്ര ഇഷ്ടമി​ല്ലെ​ങ്കി​ലോ? ഒരുപക്ഷേ നിങ്ങളു​ടെ താത്‌പ​ര്യ​ങ്ങൾ വ്യത്യ​സ്‌ത​മാ​യി​രി​ക്കാം. അല്ലെങ്കിൽ ഒരുമി​ച്ചാ​യി​രി​ക്കു​മ്പോൾ മറ്റേയാ​ളെ ദേഷ്യം​പി​ടി​പ്പി​ക്കുന്ന രീതി​യിൽ എന്തെങ്കി​ലും പറയു​ക​യോ പ്രവർത്തി​ക്കു​ക​യോ ഒക്കെ ചെയ്‌തേ​ക്കാം. അങ്ങനെ​യൊ​രു പ്രശ്‌ന​മു​ണ്ടെ​ങ്കിൽ നിങ്ങൾക്ക്‌ എന്തു ചെയ്യാം? പുറത്ത്‌ തീ കൂട്ടു​ന്ന​തി​നെ​ക്കു​റിച്ച്‌ നേരത്തേ പറഞ്ഞ ഉദാഹ​രണം നമുക്കു വീണ്ടും ചിന്തി​ക്കാം. ആദ്യം അത്ര വലിയ തീയൊ​ന്നും കാണില്ല. എന്നാൽ, പതി​യെ​പ്പ​തി​യെ വലിയ വിറകു​ക​ഷ​ണങ്ങൾ വെച്ചു​കൊ​ടു​ക്കു​മ്പോ​ഴാ​ണു തീ ആളിക്ക​ത്തു​ന്നത്‌. ഭാര്യാ​ഭർത്താ​ക്ക​ന്മാർക്കി​ട​യി​ലെ സ്‌നേഹം വളരാ​നും അതുതന്നെ ചെയ്യാം. ഓരോ ദിവസ​വും അൽപ്പസ​മയം ഒരുമിച്ച്‌ ചെലവ​ഴി​ച്ചു​കൊണ്ട്‌ ഒരു തുടക്ക​മി​ടാം. ആ സമയത്ത്‌ വഴക്കി​ലേക്കു നയി​ച്ചേ​ക്കാ​വുന്ന കാര്യ​ങ്ങ​ളൊ​ന്നും ചെയ്യാതെ രണ്ടു പേർക്കും ഇഷ്ടമുള്ള എന്തെങ്കി​ലും ചെയ്യാൻ ശ്രമി​ക്കാം. (യാക്കോ. 3:18) അങ്ങനെ പതി​യെ​പ്പ​തി​യെ നിങ്ങൾക്കി​ട​യി​ലുള്ള സ്‌നേഹം വീണ്ടും ആളിക്ക​ത്താൻ ഇടയാ​കും.

പരസ്‌പരം ബഹുമാ​ന​ത്തോ​ടെ ഇടപെ​ടു​ക

15. ദമ്പതി​കൾക്കി​ട​യി​ലെ സ്‌നേഹം ജ്വലി​പ്പി​ച്ചു​നി​റു​ത്താൻ പരസ്‌പ​ര​മുള്ള ബഹുമാ​നം പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹⁵ വിവാ​ഹ​ബ​ന്ധ​ത്തിൽ പരസ്‌പ​ര​മുള്ള ബഹുമാ​നം വളരെ പ്രധാ​ന​മാണ്‌. തീ ആളിക്ക​ത്താൻ സഹായി​ക്കുന്ന ഓക്‌സി​ജൻപോ​ലെ​യാണ്‌ അതെന്നു പറയാം. ഓക്‌സി​ജൻ ഇല്ലെങ്കിൽ തീ പെട്ടെന്നു കെട്ടു​പോ​കും. അതു​പോ​ലെ പരസ്‌പരം ബഹുമാ​ന​മി​ല്ലെ​ങ്കിൽ ദമ്പതി​കൾക്കി​ട​യി​ലെ സ്‌നേഹം പെട്ടെന്നു തണുത്തു​പോ​കും. എന്നാൽ, ഭാര്യാ​ഭർത്താ​ക്ക​ന്മാർ പരസ്‌പരം ബഹുമാ​നം കാണി​ക്കു​മ്പോൾ അവർക്കി​ട​യി​ലെ സ്‌നേഹം ജ്വലി​പ്പി​ച്ചു​നി​റു​ത്താൻ ശ്രമി​ക്കു​ക​യാ​യി​രി​ക്കും. എന്നാൽ മനസ്സിൽപ്പി​ടി​ക്കേണ്ട ഒരു കാര്യം ഇണയെ ബഹുമാ​നി​ക്കു​ന്നു​ണ്ടെന്നു നിങ്ങൾക്കു മാത്രം തോന്നി​യാൽ പോരാ, ഇണയ്‌ക്കും​കൂ​ടെ തോന്നണം. പെനി​യു​ടെ​യും അരേറ്റി​ന്റെ​യും വിവാഹം കഴിഞ്ഞിട്ട്‌ 25-ലധികം വർഷമാ​യി. പെനി പറയുന്നു: “ഞങ്ങൾ പരസ്‌പരം ബഹുമാ​നം കാണി​ക്കു​ന്ന​തു​കൊണ്ട്‌ കുടും​ബ​ത്തിൽ നല്ല സ്‌നേ​ഹ​വും സമാധാ​ന​വും ഉണ്ട്‌. മനസ്സി​ലു​ള്ള​തെ​ല്ലാം തുറന്നു​പ​റ​യാൻ ഞങ്ങൾക്ക്‌ ഒരു മടിയു​മില്ല. കാരണം, മറ്റേയാൾ അതിനു വിലകല്പിക്കുന്നുണ്ടെന്നു ഞങ്ങൾക്ക്‌ അറിയാം.” അതു​കൊണ്ട്‌ നിങ്ങൾ ഇണയെ ശരിക്കും ബഹുമാ​നി​ക്കു​ന്നു​ണ്ടെന്ന്‌ ഇണയ്‌ക്കു തോന്നാൻ എന്തു ചെയ്യാം? നമുക്ക്‌ ഇപ്പോൾ അബ്രാ​ഹാ​മി​ന്റെ​യും സാറയു​ടെ​യും മാതൃക നോക്കാം.

16. അബ്രാ​ഹാ​മി​ന്റെ മാതൃ​ക​യിൽനിന്ന്‌ ഭർത്താ​ക്ക​ന്മാർക്ക്‌ എന്തു പഠിക്കാം? (1 പത്രോസ്‌ 3:7) (ചിത്ര​വും കാണുക.)

¹⁶ അബ്രാ​ഹാം വളരെ ആദര​വോ​ടെ​യാ​ണു സാറ​യോട്‌ ഇടപെ​ട്ടത്‌. അദ്ദേഹം സാറയു​ടെ അഭി​പ്രാ​യങ്ങൾ ശ്രദ്ധി​ക്കു​ക​യും വികാ​രങ്ങൾ ഉൾക്കൊ​ള്ളാൻ ശ്രമി​ക്കു​ക​യും ചെയ്‌തു. ഒരു അവസര​ത്തിൽ സാറ ആകെ അസ്വസ്ഥ​യാ​യിട്ട്‌ അബ്രാ​ഹാ​മി​നോ​ടു ദേഷ്യ​പ്പെട്ടു. അദ്ദേഹത്തെ കുറ്റ​പ്പെ​ടു​ത്തു​ക​പോ​ലും ചെയ്‌തു. അബ്രാ​ഹാം തിരിച്ചു ദയയി​ല്ലാ​തെ ദേഷ്യ​പ്പെ​ട്ടോ? ഇല്ല. സാറ എപ്പോ​ഴും കീഴ്‌പെ​ട്ടി​രി​ക്കു​ന്ന​വ​ളും തന്റെ തീരു​മാ​ന​ങ്ങളെ പിന്തു​ണ​യ്‌ക്കു​ന്ന​വ​ളും ആണെന്ന്‌ അബ്രാ​ഹാ​മിന്‌ അറിയാ​മാ​യി​രു​ന്നു. അതു​കൊണ്ട്‌ അദ്ദേഹം സാറ പറഞ്ഞ​തെ​ല്ലാം ശ്രദ്ധി​ച്ചു​കേട്ടു. പ്രശ്‌നം പരിഹ​രി​ക്കാൻ ശ്രമി​ക്കു​ക​യും ചെയ്‌തു. (ഉൽപ. 16:5, 6) അതിൽനിന്ന്‌ നമുക്ക്‌ എന്തു പഠിക്കാം? ഭർത്താ​ക്ക​ന്മാ​രേ, കുടും​ബ​ത്തി​നു​വേണ്ടി തീരു​മാ​ന​ങ്ങ​ളെ​ടു​ക്കാ​നുള്ള അധികാ​രം നിങ്ങൾക്കുണ്ട്‌ എന്നതു ശരിയാണ്‌. (1 കൊരി. 11:3) എങ്കിലും തീരു​മാ​ന​മെ​ടു​ക്കു​ന്ന​തി​നു മുമ്പ്‌ ഭാര്യ​യു​ടെ അഭി​പ്രാ​യ​വും ചോദി​ക്കുക, പ്രത്യേ​കിച്ച്‌ ഭാര്യ​യും​കൂ​ടി ഉൾപ്പെട്ട ഒരു കാര്യ​മാ​ണെ​ങ്കിൽ. (1 കൊരി. 13:4, 5) ഇനി, മറ്റു ചില​പ്പോൾ വല്ലാതെ ടെൻഷൻ തോന്നി​യി​ട്ടു ഭാര്യ മനസ്സു​തു​റന്ന്‌ സംസാ​രി​ക്കാൻ ആഗ്രഹി​ച്ചേ​ക്കാം. അപ്പോൾ അവൾക്കു പറയാ​നു​ള്ളതു ശ്രദ്ധി​ച്ചു​കേ​ട്ടു​കൊണ്ട്‌ നിങ്ങൾ ബഹുമാ​നം കാണി​ക്കു​മോ? (1 പത്രോസ്‌ 3:7 വായി​ക്കുക.) ആഞ്ചലയു​ടെ​യും ഡിമി​ട്രി​യു​ടെ​യും വിവാഹം കഴിഞ്ഞിട്ട്‌ ഏതാണ്ട്‌ 30 വർഷമാ​യി. ഭർത്താവ്‌ തന്നോട്‌ ആദരവ്‌ കാണി​ക്കു​ന്ന​തി​നെ​ക്കു​റിച്ച്‌ സഹോ​ദരി പറയു​ന്നത്‌ ഇങ്ങനെ​യാണ്‌: “ഞാൻ വിഷമി​ച്ചി​രി​ക്കു​മ്പോ​ഴോ എനിക്ക്‌ ഒന്നു സംസാ​രി​ക്കാൻ തോന്നു​മ്പോ​ഴോ പറയു​ന്ന​തെ​ല്ലാം കേൾക്കാൻ ഡിമി​ട്രി എപ്പോ​ഴും തയ്യാറാണ്‌. ഞാൻ ദേഷ്യ​പ്പെട്ട്‌ എന്തെങ്കി​ലും പറഞ്ഞാൽപ്പോ​ലും അദ്ദേഹം ക്ഷമയോ​ടെ കേട്ടി​രി​ക്കും.”

17. സാറയു​ടെ മാതൃ​ക​യിൽനിന്ന്‌ ഭാര്യ​മാർക്ക്‌ എന്തു പഠിക്കാം? (1 പത്രോസ്‌ 3:5, 6)

¹⁷ അബ്രാ​ഹാ​മി​ന്റെ തീരു​മാ​ന​ങ്ങളെ പിന്തു​ണ​ച്ചു​കൊണ്ട്‌ സാറ അദ്ദേഹ​ത്തോ​ടു ബഹുമാ​നം കാണിച്ചു. (ഉൽപ. 12:5) ഒരു അവസര​ത്തിൽ അപ്രതീ​ക്ഷി​ത​മാ​യി വന്ന അതിഥി​കൾക്കു ഭക്ഷണം കൊടു​ക്കാൻ അബ്രാ​ഹാം തീരു​മാ​നി​ച്ചു. അതിനു​വേണ്ടി, ചെയ്‌തു​കൊ​ണ്ടി​രി​ക്കുന്ന പണി നിറു​ത്തി​യി​ട്ടു കുറെ​യ​ധി​കം അപ്പം ഉണ്ടാക്കാൻ അദ്ദേഹം സാറ​യോട്‌ ആവശ്യ​പ്പെട്ടു. (ഉൽപ. 18:6) സാറ പെട്ടെ​ന്നു​തന്നെ അദ്ദേഹം പറഞ്ഞതു​പോ​ലെ ചെയ്‌തു. ഭാര്യ​മാ​രേ, ഭർത്താ​ക്ക​ന്മാ​രു​ടെ തീരു​മാ​ന​ങ്ങളെ പിന്തു​ണ​ച്ചു​കൊണ്ട്‌ നിങ്ങൾക്കു സാറയെ അനുക​രി​ക്കാ​നാ​കും. അങ്ങനെ ചെയ്യു​മ്പോൾ നിങ്ങളു​ടെ വിവാ​ഹ​ബന്ധം കൂടുതൽ ശക്തമാ​കും. (1 പത്രോസ്‌ 3:5, 6 വായി​ക്കുക.) തന്നെ ഭാര്യ എങ്ങനെ​യാ​ണു ബഹുമാ​നി​ക്കു​ന്ന​തെന്നു കഴിഞ്ഞ ഖണ്ഡിക​യിൽ കണ്ട ഡിമി​ട്രി പറയുന്നു: “ചില​പ്പോൾ ഞങ്ങൾക്കു രണ്ടു പേർക്കും രണ്ട്‌ അഭി​പ്രാ​യ​ങ്ങ​ളാ​യി​രി​ക്കും. എങ്കിലും ഞാൻ എടുക്കുന്ന തീരു​മാ​ന​ത്തോട്‌ ആഞ്ചല പൂർണ​മാ​യും യോജി​ക്കു​ന്നതു കാണു​മ്പോൾ ഒരുപാ​ടു സന്തോഷം തോന്നു​ന്നു. തീരു​മാ​നങ്ങൾ തെറ്റി​പ്പോ​യാ​ലും അവൾ എന്നെ കുറ്റ​പ്പെ​ടു​ത്താ​റില്ല.” നിങ്ങളെ ബഹുമാ​നി​ക്കുന്ന ഒരാളെ സ്‌നേ​ഹി​ക്കാൻ എന്ത്‌ എളുപ്പ​മാ​യി​രി​ക്കും!

18. പരസ്‌പ​ര​മുള്ള സ്‌നേ​ഹ​ബന്ധം ജ്വലി​പ്പി​ച്ചു​നി​റു​ത്താൻ ദമ്പതികൾ ശ്രമി​ക്കു​ന്ന​തു​കൊ​ണ്ടുള്ള പ്രയോ​ജനം എന്താണ്‌?

¹⁸ ക്രിസ്‌തീയ ഭാര്യാ​ഭർത്താ​ക്ക​ന്മാർക്കി​ട​യി​ലുള്ള സ്‌നേഹം അണഞ്ഞു​പോ​കു​ന്നതു കാണാ​നാ​ണു സാത്താൻ ഇന്ന്‌ ആഗ്രഹി​ക്കു​ന്നത്‌. പരസ്‌പ​ര​മുള്ള സ്‌നേഹം നഷ്ടമാ​യാൽ യഹോ​വ​യിൽനിന്ന്‌ അവർ അകന്നു​പോ​യേ​ക്കാ​മെന്ന്‌ അവന്‌ അറിയാം. എന്നാൽ, യഥാർഥ​സ്‌നേഹം പെട്ടെ​ന്നൊ​ന്നും കെടു​ത്തി​ക്ക​ള​യാ​നാ​കില്ല. അതു​കൊണ്ട്‌ ഉത്തമഗീ​ത​ത്തിൽ വിവരി​ച്ചി​രി​ക്കുന്ന സ്‌നേ​ഹം​പോ​ലെ​യാ​യി​രി​ക്കട്ടെ നിങ്ങളു​ടെ വിവാ​ഹ​ജീ​വി​ത​ത്തി​ലെ സ്‌നേ​ഹ​വും. യഹോ​വ​യ്‌ക്കു ജീവി​ത​ത്തിൽ ഒന്നാം സ്ഥാനം കൊടു​ക്കു​ന്നു​ണ്ടെന്ന്‌ ഉറപ്പു​വ​രു​ത്തുക. ഇണയ്‌ക്കു​വേണ്ടി സമയം മാറ്റി​വെ​ക്കുക. ഇണയുടെ വികാ​ര​ങ്ങ​ളും ആവശ്യ​ങ്ങ​ളും പരിഗ​ണി​ക്കുക. അങ്ങനെ​യൊ​ക്കെ ചെയ്‌താൽ നിങ്ങളു​ടെ വിവാ​ഹ​ജീ​വി​ത​ത്തി​ലൂ​ടെ യഥാർഥ​സ്‌നേ​ഹ​ത്തി​ന്റെ ഉറവായ യഹോ​വയെ മഹത്ത്വ​പ്പെ​ടു​ത്താ​നാ​കും. ജ്വലി​ച്ചു​കൊ​ണ്ടി​രി​ക്കുന്ന തീപോ​ലെ നിങ്ങളു​ടെ സ്‌നേഹം എന്നെന്നും ജ്വലി​ച്ചു​നിൽക്കു​ക​യും ചെയ്യും.