അനീതി നേരി​ടു​മ്പോൾ എങ്ങനെ വിശ്വ​സ്‌ത​രാ​യി തുടരാം?

1-2. നമുക്ക്‌ ആരിൽനി​ന്നൊ​ക്കെ അനീതി നേരി​ട്ടേ​ക്കാം? വിശദീ​ക​രി​ക്കുക.

യേശു ഒരിക്കൽ, ന്യായം നടത്തി​ക്കി​ട്ടാൻ പതിവാ​യി ന്യായാ​ധി​പന്റെ അടുത്ത്‌ അപേക്ഷി​ച്ചു​കൊ​ണ്ടി​രുന്ന ഒരു വിധവ​യു​ടെ ദൃഷ്ടാന്തം പറഞ്ഞു. അന്നത്തെ ആളുകൾ അനീതി നേരി​ട്ടി​ട്ടു​ള്ള​തു​കൊണ്ട്‌ യേശു​വി​ന്റെ ശിഷ്യ​ന്മാർക്ക്‌ ആ കഥയിലെ വിധവ​യു​ടെ അവസ്ഥ മനസ്സി​ലാ​ക്കാൻ കഴിയു​മാ​യി​രു​ന്നു. (ലൂക്കോ. 18:1-5) അതു നമുക്കും മനസ്സി​ലാ​ക്കാ​നാ​കും. കാരണം ഒരു വിധത്തിൽ അല്ലെങ്കിൽ മറ്റൊരു വിധത്തിൽ നമ്മളും അനീതി നേരി​ട്ടി​ട്ടുണ്ട്‌.

² മുൻവി​ധി​യും അസമത്വ​വും അടിച്ച​മർത്ത​ലും നിറഞ്ഞ​താണ്‌ ഇന്നത്തെ ലോകം. അതു​കൊണ്ട്‌ ആരെങ്കി​ലും നമ്മളോട്‌ അന്യാ​യ​മാ​യി പെരു​മാ​റി​യാ​ലും അതിൽ അതിശ​യി​ക്കാ​നില്ല. (സഭാ. 5:8) എന്നാൽ ഒരു സഹോ​ദ​ര​നോ സഹോ​ദ​രി​യോ ആണ്‌ നമ്മളോട്‌ അനീതി​യോ​ടെ പെരു​മാ​റു​ന്ന​തെ​ങ്കി​ലോ? അപ്പോൾ നമുക്കു നിരാശ തോന്നി​യേ​ക്കാം. കാരണം അവരിൽനിന്ന്‌ നമ്മൾ അതു പ്രതീ​ക്ഷി​ക്കു​ന്നില്ല. സത്യത്തെ എതിർക്കു​ന്ന​വ​രെ​പ്പോ​ലെ നമ്മളോട്‌ അനീതി കാണി​ക്കാൻ ആഗ്രഹി​ക്കു​ന്ന​തു​കൊ​ണ്ടാ​യി​രി​ക്കില്ല അവർ അങ്ങനെ ചെയ്യു​ന്നത്‌. അവർ അപൂർണ​രാ​യ​തു​കൊ​ണ്ടാണ്‌ അങ്ങനെ സംഭവി​ക്കു​ന്നത്‌. ദുഷ്ടരായ എതിരാ​ളി​ക​ളിൽനിന്ന്‌ അനീതി നേരി​ട്ട​പ്പോൾ യേശു എങ്ങനെ പ്രതി​ക​രി​ച്ചു എന്നതിൽനിന്ന്‌ നമുക്കു പലതും പഠിക്കാ​നുണ്ട്‌. നമ്മളെ എതിർക്കുന്ന എതിരാ​ളി​ക​ളോ​ടു നമ്മൾ ക്ഷമിക്കു​മെ​ങ്കിൽ നമ്മുടെ സഹോ​ദ​ര​ങ്ങ​ളോ​ടു നമ്മൾ എത്രയ​ധി​കം ക്ഷമിക്കണം! പുറത്തു​ള്ള​വ​രിൽനി​ന്നോ സഭയി​ലു​ള്ള​വ​രിൽനി​ന്നോ നമുക്ക്‌ അനീതി നേരി​ട്ടാൽ യഹോ​വ​യ്‌ക്ക്‌ എന്താണു തോന്നു​ന്നത്‌? യഹോവ അതു കാര്യ​മാ​യെ​ടു​ക്കു​മോ?

3. നമ്മൾ നേരി​ടുന്ന അനീതി​യെ​ക്കു​റിച്ച്‌ യഹോ​വ​യ്‌ക്ക്‌ ചിന്തയു​ണ്ടെന്നു നമുക്ക്‌ എങ്ങനെ അറിയാം?

³ മറ്റുള്ളവർ നമ്മളോട്‌ എങ്ങനെ പെരു​മാ​റു​ന്നു എന്നതി​നെ​ക്കു​റിച്ച്‌ യഹോ​വ​യ്‌ക്കു ശരിക്കും ചിന്തയുണ്ട്‌. “യഹോവ നീതിയെ സ്‌നേ​ഹി​ക്കു​ന്നു.” (സങ്കീ. 37:28) ദൈവം അവർക്കു കൃത്യ​സ​മ​യത്ത്‌, “വേഗത്തിൽ ന്യായം നടത്തി​ക്കൊ​ടു​ക്കു​മെന്നു” യേശു ഉറപ്പു​ത​രു​ന്നു. (ലൂക്കോ. 18:7, 8) യഹോവ പെട്ടെ​ന്നു​തന്നെ അനീതി കാരണം നമുക്കു​ണ്ടായ വേദന​ക​ളെ​ല്ലാം മാറ്റും. പിന്നീട്‌ അങ്ങോട്ട്‌ നമ്മൾ അനീതി നേരി​ടാൻ ദൈവം അനുവ​ദി​ക്കു​ക​യു​മില്ല.—സങ്കീ. 72:1, 2.

4. എന്തെല്ലാം സഹായ​ങ്ങ​ളാണ്‌ യഹോവ ഇന്നു നമുക്കു തരുന്നത്‌?

⁴ നമ്മൾ അനുഭ​വി​ക്കുന്ന അനീതി യഹോവ ഭാവി​യിൽ പരിഹ​രി​ക്കും. അതുമാ​ത്രമല്ല യഹോവ ഇപ്പോ​ഴും നമ്മളെ സഹായി​ക്കു​ന്നുണ്ട്‌. (2 പത്രോ. 3:13) അനീതി നേരി​ടു​മ്പോൾ തെറ്റായ കാര്യങ്ങൾ ചെയ്യാ​തി​രി​ക്കാൻ യഹോവ നമ്മളെ പഠിപ്പി​ക്കു​ന്നു. അതു​പോ​ലെ മറ്റുള്ളവർ അന്യാ​യ​മാ​യി പെരു​മാ​റു​മ്പോൾ നമുക്കു പകർത്താ​നാ​യി യേശു​വി​ന്റെ നല്ല മാതൃക യഹോവ തന്നിട്ടുണ്ട്‌. കൂടാതെ നമ്മളെ സഹായി​ക്കുന്ന പ്രാ​യോ​ഗി​ക​നിർദേ​ശ​ങ്ങ​ളും തന്നിരി​ക്കു​ന്നു.

അനീതി​യോട്‌ എങ്ങനെ പ്രതി​ക​രി​ക്കു​ന്നു​വെന്നു ശ്രദ്ധി​ക്കു​ക

5. അനീതി നേരി​ടു​മ്പോൾ നമ്മൾ പ്രതി​ക​രി​ക്കുന്ന വിധം ശ്രദ്ധി​ക്കേ​ണ്ടത്‌ എന്തു​കൊ​ണ്ടാണ്‌?

⁵ അനീതി നേരി​ടു​മ്പോൾ നമുക്കു വല്ലാത്ത വേദന​യും വിഷമ​വും തോന്നി​യേ​ക്കാം. (സഭാ. 7:7) വിശ്വ​സ്‌ത​ദാ​സ​ന്മാ​രായ ഇയ്യോ​ബി​നും ഹബക്കൂ​ക്കി​നും അങ്ങനെ തോന്നി​യി​ട്ടുണ്ട്‌. (ഇയ്യോ. 6:2, 3; ഹബ. 1:1-3) ഈ ചിന്തക​ളൊ​ക്കെ സ്വാഭാ​വി​ക​മാ​ണെ​ങ്കി​ലും നമ്മൾ എങ്ങനെ പ്രതി​ക​രി​ക്കു​ന്നു​വെ​ന്നതു ശ്രദ്ധി​ച്ചി​ല്ലെ​ങ്കിൽ നമ്മൾ ബുദ്ധി​ശൂ​ന്യ​മാ​യി പ്രവർത്തി​ച്ചേ​ക്കാം.

6. അബ്‌ശാ​ലോ​മി​ന്റെ ഉദാഹ​രണം നമ്മളെ എന്താണു പഠിപ്പി​ക്കു​ന്നത്‌? (ചിത്ര​വും കാണുക.)

⁶ ഒരാൾ നമ്മളോ​ടോ നമ്മൾ സ്‌നേ​ഹി​ക്കുന്ന ഒരാ​ളോ​ടോ അനീതി​യോ​ടെ പെരു​മാ​റി​യാൽ അവരോ​ടു പ്രതി​കാ​രം ചെയ്യാൻ നമുക്കു തോന്നി​യേ​ക്കാം. അങ്ങനെ പ്രതി​ക​രി​ച്ചാൽ കാര്യങ്ങൾ കൂടുതൽ വഷളാ​കാൻ സാധ്യ​ത​യുണ്ട്‌. ദാവീദ്‌ രാജാ​വി​ന്റെ മകനായ അബ്‌ശാ​ലോ​മി​ന്റെ കാര്യം നോക്കാം. സ്വന്തം പെങ്ങളായ താമാ​റി​നെ അർധസ​ഹോ​ദ​ര​നായ അമ്‌നോൻ ബലാത്സം​ഗം ചെയ്‌തെന്ന്‌ അറിഞ്ഞ​പ്പോൾ അബ്‌ശാ​ലോ​മി​നു ദേഷ്യം അടക്കാ​നാ​യില്ല. മോശ​യു​ടെ നിയമ​മ​നു​സ​രിച്ച്‌ മരണശിക്ഷ അർഹി​ക്കുന്ന തെറ്റാ​യി​രു​ന്നു അമ്‌നോൻ ചെയ്‌തത്‌. (ലേവ്യ 20:17) അബ്‌ശാ​ലോ​മി​നു ദേഷ്യം തോന്നി​യ​തിൽ തെറ്റി​ല്ലാ​യി​രു​ന്നെ​ങ്കി​ലും തന്റേതായ വിധത്തിൽ കാര്യങ്ങൾ ചെയ്യാ​നുള്ള അധികാ​രം അദ്ദേഹ​ത്തി​നി​ല്ലാ​യി​രു​ന്നു.—2 ശമു. 13:20-23, 28, 29.

7. അനീതി നേരി​ട്ട​പ്പോൾ സങ്കീർത്ത​ന​ക്കാ​രൻ ആദ്യം എങ്ങനെ​യാ​ണു പ്രതി​ക​രി​ച്ചത്‌?

⁷ അനീതി പ്രവർത്തി​ക്കു​ന്ന​വർക്കു ശിക്ഷ കിട്ടാതെ പോകു​മ്പോൾ ശരി ചെയ്യു​ന്ന​തിൽ എന്തെങ്കി​ലും കാര്യ​മു​ണ്ടോ എന്നു നമ്മൾ ചിന്തി​ച്ചേ​ക്കാം. ശരിയാ​യതു ചെയ്യു​ന്ന​വ​രോ​ടു മോശ​മാ​യി പെരു​മാ​റിയ ദുഷ്ടന്മാർ, ജീവിതം ആസ്വദി​ക്കു​ന്ന​താ​യി ഒരു സങ്കീർത്ത​ന​ക്കാ​രനു തോന്നി. അദ്ദേഹം പറഞ്ഞു: “ദുഷ്ടന്മാർക്ക്‌ ഇങ്ങനെ​യാണ്‌; അവരുടെ ജീവിതം പരമസു​ഖം.” (സങ്കീ. 73:12) ഈ അനീതി കണ്ട്‌ അദ്ദേഹ​ത്തിന്‌ ആകെ നിരാശ തോന്നു​ക​യും യഹോ​വയെ സേവി​ക്കു​ന്ന​തു​കൊണ്ട്‌ ഒരു ഗുണവു​മി​ല്ലെന്നു ചിന്തി​ക്കു​ക​യും ചെയ്‌തു. “ഇതു മനസ്സി​ലാ​ക്കാൻ ശ്രമി​ച്ച​പ്പോൾ എനിക്ക്‌ ആകെ അസ്വസ്ഥത തോന്നി” എന്നാണ്‌ അദ്ദേഹം പറഞ്ഞത്‌. (സങ്കീ. 73:14, 16) ആ ദൈവ​ദാ​സൻ ഇങ്ങനെ തുറന്നു​പ​റഞ്ഞു: “എന്റെ കാലടി​കൾ വഴി​തെ​റ്റുന്ന ഘട്ടത്തോ​ളം എത്തിയ​താണ്‌; എന്റെ ചുവടു​കൾ വഴുതി​പ്പോ​യേനേ.” (സങ്കീ. 73:2) ഇതു​പോ​ലെ തോന്നിയ ആൽബർട്ടോa സഹോ​ദ​രന്റെ കാര്യം നമുക്കു നോക്കാം.

8. അനീതി നേരി​ട്ടത്‌ ഒരു സഹോ​ദ​രനെ എങ്ങനെ ബാധിച്ചു?

⁸ സഭയുടെ സംഭാ​വ​ന​യിൽനിന്ന്‌ പണം മോഷ്ടി​ച്ചു എന്നൊരു തെറ്റായ ആരോ​പണം ആൽബർട്ടോ​യ്‌ക്ക്‌ എതി​രെ​യു​ണ്ടാ​യി. അങ്ങനെ, ഒരു മൂപ്പനാ​യി സേവി​ക്കാ​നുള്ള ഉത്തരവാ​ദി​ത്വം നഷ്ടപ്പെട്ടു. അതു​പോ​ലെ ആളുകൾക്ക്‌ അദ്ദേഹ​ത്തോ​ടുള്ള ബഹുമാ​ന​വും ഇല്ലാതാ​യി. “എനിക്കു ദേഷ്യ​വും അങ്ങേയറ്റം നിരാ​ശ​യും തോന്നി” എന്ന്‌ അദ്ദേഹം പറയുന്നു. ആ വൈകാ​രി​ക​വേദന അദ്ദേഹ​ത്തി​ന്റെ ആത്മീയ​തയെ ബാധിച്ചു. അഞ്ചു വർഷ​ത്തോ​ളം അദ്ദേഹം നിഷ്‌ക്രി​യ​നാ​യി​പ്പോ​ലും തുടർന്നു. അനീതി നേരി​ടേ​ണ്ടി​വ​രു​മ്പോൾ ദേഷ്യം നിയ​ന്ത്രി​ച്ചി​ല്ലെ​ങ്കിൽ എന്തു സംഭവി​ച്ചേ​ക്കാ​മെന്ന്‌ ഈ ഉദാഹ​രണം നമുക്കു കാണി​ച്ചു​ത​രു​ന്നു.

യേശു അനീതി നേരിട്ട വിധം അനുക​രി​ക്കു​ക

9. എന്തെല്ലാം തരത്തി​ലുള്ള അനീതി​യാ​ണു യേശു​വി​നു സഹി​ക്കേ​ണ്ടി​വ​ന്നത്‌? (ചിത്ര​വും കാണുക.)

⁹ അനീതി നേരി​ട്ട​പ്പോൾ യേശു നല്ലൊരു മാതൃ​ക​വെച്ചു. കുടും​ബ​ത്തി​നു​ള്ളിൽനി​ന്നും പുറത്തു​നി​ന്നും യേശു​വിന്‌ അന്യാ​യ​മായ പെരു​മാ​റ്റം നേരി​ടേ​ണ്ടി​വന്നു. വിശ്വാ​സ​ത്തി​ലി​ല്ലാത്ത ബന്ധുക്കൾ യേശു​വി​നു ഭ്രാന്താ​ണെന്നു പറഞ്ഞു. യേശു​വി​നു ശക്തി കിട്ടി​യതു ഭൂതങ്ങ​ളിൽനി​ന്നാ​ണെന്നു മതനേ​താ​ക്ക​ന്മാർ ആരോ​പി​ച്ചു. ഇനി റോമൻ പടയാ​ളി​കൾ യേശു​വി​നെ കളിയാ​ക്കു​ക​യും ശാരീ​രി​ക​മാ​യി ഉപദ്ര​വി​ക്കു​ക​യും ഒടുവിൽ കൊല്ലു​ക​പോ​ലും ചെയ്‌തു. (മർക്കോ. 3:21; 14:55; 15:16-20, 35-37) ഇത്ര​യൊ​ക്കെ അനീതി നേരി​ടേ​ണ്ടി​വ​ന്നെ​ങ്കി​ലും യേശു ഒരിക്ക​ലും മോശ​മാ​യി പ്രതി​ക​രി​ച്ചില്ല. യേശു​വിൽനിന്ന്‌ നമുക്ക്‌ എന്തു പഠിക്കാം?

10. യേശു എങ്ങനെ​യാണ്‌ അനീതി നേരി​ട്ടത്‌? (1 പത്രോസ്‌ 2:21-23)

¹⁰ 1 പത്രോസ്‌ 2:21-23 വായി​ക്കുക.b അനീതി നേരി​ടേ​ണ്ടി​വ​രു​മ്പോൾ അത്‌ എങ്ങനെ കൈകാ​ര്യം ചെയ്യണ​മെന്ന കാര്യ​ത്തിൽ യേശു നമുക്കു നല്ലൊരു മാതൃ​ക​വെച്ചു. എപ്പോൾ സംസാ​രി​ക്ക​ണ​മെ​ന്നും സംസാ​രി​ക്കാ​തി​രി​ക്ക​ണ​മെ​ന്നും യേശു​വിന്‌ അറിയാ​മാ​യി​രു​ന്നു. (മത്താ. 26:62-64) തന്നെക്കു​റിച്ച്‌ പറഞ്ഞ തെറ്റായ എല്ലാ ആരോ​പ​ണ​ങ്ങൾക്കും മറുപടി കൊടു​ക്കാൻ യേശു ശ്രമി​ച്ചില്ല. (മത്താ. 11:19) ഇനി, മറുപടി കൊടു​ത്ത​പ്പോൾ എതിരാ​ളി​കളെ കളിയാ​ക്കു​ക​യോ അവരെ ഭീഷണി​പ്പെ​ടു​ത്തു​ക​യോ ചെയ്‌തില്ല. യേശു​വിന്‌ ആത്മനി​യ​ന്ത്രണം കാണി​ക്കാൻ കഴിഞ്ഞത്‌, ‘നീതി​യോ​ടെ വിധി​ക്കുന്ന ദൈവ​ത്തി​ന്റെ കൈയിൽ തന്റെ കാര്യം ഭരമേൽപ്പി​ച്ച​തു​കൊ​ണ്ടാണ്‌.’ യഹോ​വ​യു​ടെ കാഴ്‌ച​പ്പാ​ടിൽ കാര്യ​ങ്ങളെ കാണു​ന്ന​താണ്‌ ഏറ്റവും പ്രധാ​ന​മെന്നു യേശു​വിന്‌ അറിയാ​മാ​യി​രു​ന്നു. യഹോവ കൃത്യ​സ​മ​യത്ത്‌ പ്രവർത്തി​ക്കു​മെന്നു യേശു ഉറച്ചു​വി​ശ്വ​സി​ച്ചു.

11. നമുക്കു നാവിനെ നിയ​ന്ത്രി​ക്കാൻ കഴിയുന്ന ചില വിധങ്ങൾ ഏതൊ​ക്കെ​യാണ്‌? (ചിത്ര​ങ്ങ​ളും കാണുക.)

¹¹ അന്യായം നേരി​ടു​മ്പോൾ നാവിനെ നിയ​ന്ത്രി​ച്ചു​കൊണ്ട്‌ നമുക്കു യേശു​വി​നെ അനുക​രി​ക്കാം. ചില​തൊ​ക്കെ നമുക്കു കണ്ണടച്ചു​വി​ടാൻ പറ്റുന്ന​വ​യാ​യി​രി​ക്കും. അല്ലെങ്കിൽ സാഹച​ര്യം കൂടുതൽ മോശ​മാ​കേ​ണ്ട​ല്ലോ എന്ന്‌ ഓർത്ത്‌ നമ്മൾ മിണ്ടാ​തി​രു​ന്നേ​ക്കാം. (സഭാ. 3:7; യാക്കോ. 1:19, 20) എന്നാൽ ഒരു അന്യായം കാണു​മ്പോ​ഴോ നമ്മുടെ വിശ്വാ​സ​ങ്ങ​ളെ​ക്കു​റിച്ച്‌ പറയേ​ണ്ടി​വ​രു​മ്പോ​ഴോ നമ്മൾ സംസാ​രി​ക്കാൻ തീരു​മാ​നി​ച്ചേ​ക്കാം. (പ്രവൃ. 6:1, 2) അങ്ങനെ സംസാ​രി​ക്കാൻ തീരു​മാ​നി​ക്കു​ക​യാ​ണെ​ങ്കിൽ അതു ശാന്തമാ​യും ആദര​വോ​ടെ​യും ആയിരി​ക്കാൻ നമ്മൾ പരമാ​വധി ശ്രമി​ക്കണം.—1 പത്രോ. 3:15.c

12. “നീതി​യോ​ടെ വിധി​ക്കുന്ന” ദൈവ​ത്തി​ന്റെ കൈയിൽ നമ്മുടെ കാര്യം ഭരമേൽപ്പി​ക്കാൻ എങ്ങനെ കഴിയും?

¹² “നീതി​യോ​ടെ വിധി​ക്കുന്ന” ദൈവ​ത്തി​ന്റെ കൈയിൽ കാര്യ​ങ്ങ​ളെ​ല്ലാം ഭരമേൽപ്പി​ച്ചു​കൊ​ണ്ടും നമുക്കു യേശു​വി​നെ അനുക​രി​ക്കാം. ആളുകൾ നമ്മളെ തെറ്റി​ദ്ധ​രി​ക്കു​ക​യോ നമ്മളോ​ടു മോശ​മാ​യി പെരു​മാ​റു​ക​യോ ചെയ്‌താൽ യഹോ​വ​യ്‌ക്ക്‌ എല്ലാ സത്യങ്ങ​ളും അറിയാ​മെന്ന്‌ ഉറപ്പു​ണ്ടാ​യി​രി​ക്കുക. മോശ​മായ പെരു​മാ​റ്റം സഹിച്ചു​നിൽക്കാൻ അതു നമ്മളെ സഹായി​ക്കും. കാരണം, അവസാനം യഹോവ കാര്യ​ങ്ങ​ളെ​ല്ലാം നേരെ​യാ​ക്കു​മെന്നു നമുക്ക്‌ അറിയാം. കാര്യങ്ങൾ യഹോ​വ​യ്‌ക്കു വിടു​മ്പോൾ, നമ്മുടെ ഹൃദയ​ത്തിൽ ദേഷ്യ​വും പകയും വളരു​ന്നതു തടയാ​നാ​കും. അങ്ങനെ ചെയ്‌തി​ല്ലെ​ങ്കിൽ നമ്മൾ അമിത​മാ​യി പ്രതി​ക​രി​ക്കാ​നും നമ്മുടെ സന്തോഷം നഷ്ടപ്പെ​ടാ​നും യഹോ​വ​യു​മാ​യുള്ള ബന്ധം തകരാ​നും ഇടയുണ്ട്‌.—സങ്കീ. 37:8.

13. അനീതി സഹിക്കാൻ ബുദ്ധി​മുട്ട്‌ തോന്നു​ന്നെ​ങ്കിൽ നമുക്ക്‌ എന്ത്‌ ഓർക്കാം?

¹³ യേശു​വി​ന്റെ മാതൃക പൂർണ​മാ​യി പകർത്താൻ നമുക്കു കഴിയില്ല എന്നതു ശരിയാണ്‌. പിന്നീടു വിഷമം തോന്നുന്ന എന്തെങ്കി​ലും നമ്മൾ ഇടയ്‌ക്കൊ​ക്കെ പറയാ​നോ ചെയ്യാ​നോ സാധ്യ​ത​യുണ്ട്‌. (യാക്കോ. 3:2) ചില​പ്പോൾ നമ്മൾ നേരി​ടുന്ന അന്യായം നമുക്കു താങ്ങാൻ കഴിയു​ന്ന​തി​നും അപ്പുറം നമ്മളെ മുറി​പ്പെ​ടു​ത്തി​യേ​ക്കാം. നിങ്ങളു​ടെ സാഹച​ര്യം അതാ​ണെ​ങ്കിൽ നിങ്ങൾ അനുഭ​വി​ക്കു​ന്നത്‌ എന്താ​ണെന്ന്‌ യഹോ​വ​യ്‌ക്ക്‌ അറിയാ​മെന്ന്‌ ഉറപ്പു​ണ്ടാ​യി​രി​ക്കുക. അതു​പോ​ലെ യേശു അന്യായം സഹിച്ചി​ട്ടു​ള്ള​തു​കൊണ്ട്‌ നമ്മൾ അനുഭ​വി​ക്കുന്ന വിഷമങ്ങൾ കാണു​മ്പോൾ യേശു​വി​നു സഹതാപം തോന്നും. (എബ്രാ. 4:15, 16) അനീതി നേരി​ടു​മ്പോൾ നമ്മളെ സഹായി​ക്കാൻ യേശു​വി​ന്റെ മാതൃക മാത്രമല്ല പ്രാ​യോ​ഗി​ക​മായ ചില നിർദേ​ശ​ങ്ങ​ളും യഹോവ നമുക്കു തന്നിട്ടുണ്ട്‌. അതു​പോ​ലുള്ള രണ്ടു നിർദേ​ശങ്ങൾ റോമർക്ക്‌ എഴുതിയ കത്തിൽ കാണാം.

“ദൈവ​ക്രോ​ധ​ത്തിന്‌ ഇടം കൊടു​ക്കുക”

14. “ദൈവ​ക്രോ​ധ​ത്തിന്‌ ഇടം കൊടു​ക്കുക” എന്നതിന്റെ അർഥം എന്താണ്‌? (റോമർ 12:19)

¹⁴ റോമർ 12:19 വായി​ക്കുക. അപ്പോ​സ്‌ത​ല​നായ പൗലോസ്‌ ക്രിസ്‌ത്യാ​നി​ക​ളോ​ടു “ദൈവ​ക്രോ​ധ​ത്തിന്‌ ഇടം കൊടു​ക്കുക” എന്നു പറഞ്ഞു. തന്റെ സമയത്ത്‌, തന്റേതായ വിധത്തിൽ നീതി നടത്തി​ത്ത​രാൻ യഹോ​വയെ അനുവ​ദി​ച്ചു​കൊണ്ട്‌ നമുക്ക്‌ അങ്ങനെ ചെയ്യാ​നാ​കും. അന്യായം നേരി​ടേ​ണ്ടി​വന്ന ജോൺ എന്ന സഹോ​ദരൻ പറഞ്ഞു: “തെറ്റായ കാര്യ​ങ്ങ​ളൊ​ന്നും ചെയ്യാ​തി​രി​ക്കാൻ ഞാൻ എന്റെ ദേഷ്യം നിയ​ന്ത്രി​ക്ക​ണ​മാ​യി​രു​ന്നു. പക്ഷേ അത്‌ അത്ര എളുപ്പ​മാ​യി​രു​ന്നില്ല. റോമർ 12:19 ആണ്‌ യഹോ​വ​യ്‌ക്കു​വേണ്ടി കാത്തി​രി​ക്കാൻ എന്നെ സഹായി​ച്ചത്‌.”

15. പ്രശ്‌നങ്ങൾ പരിഹ​രി​ക്കുന്ന കാര്യ​ത്തിൽ യഹോ​വ​യ്‌ക്കു​വേണ്ടി കാത്തി​രി​ക്കു​ന്നത്‌ ഏറ്റവും നല്ലതാ​യി​രി​ക്കു​ന്നത്‌ എന്തു​കൊണ്ട്‌?

¹⁵ പ്രശ്‌നം പരിഹ​രി​ക്കുന്ന കാര്യ​ത്തിൽ യഹോ​വ​യ്‌ക്കു​വേണ്ടി കാത്തി​രി​ക്കു​ന്നതു നമുക്കു പ്രയോ​ജനം ചെയ്യും. അങ്ങനെ ചെയ്യു​മ്പോൾ നമ്മു​ടേ​തായ രീതി​യിൽ പ്രശ്‌നം പരിഹ​രി​ക്കാൻ ശ്രമി​ക്കു​മ്പോ​ഴു​ണ്ടാ​കുന്ന ഭാരവും ടെൻഷ​നും ഒഴിവാ​ക്കാ​നാ​കും. നമ്മളെ സഹായി​ക്കാ​മെന്ന്‌ യഹോവ വാക്കു​ത​ന്നി​ട്ടുണ്ട്‌. യഹോവ ഇങ്ങനെ പറയു​ന്ന​തു​പോ​ലെ​യാണ്‌: ‘നിനക്കു​ണ്ടായ അനീതി എനിക്ക്‌ വിട്ടേക്ക്‌; ഞാൻ എല്ലാം നേരെ​യാ​ക്കും.’ “ഞാൻ പകരം ചെയ്യും” എന്ന യഹോ​വ​യു​ടെ വാഗ്‌ദാ​നം നമ്മൾ വിശ്വ​സി​ക്കു​ക​യാ​ണെ​ങ്കിൽ യഹോവ ഏറ്റവും നല്ല രീതി​യിൽ ആ പ്രശ്‌നത്തെ കൈകാ​ര്യം ചെയ്യും എന്ന ഉറപ്പോ​ടെ നമുക്ക്‌ അതു വിട്ടു​ക​ള​യാ​നാ​കും. മുമ്പ്‌ പറഞ്ഞ ജോണി​നെ സഹായി​ച്ചത്‌ അതാണ്‌. അദ്ദേഹം പറയുന്നു: “യഹോ​വ​യ്‌ക്കു​വേണ്ടി കാത്തി​രി​ക്കാൻ ഞാൻ തയ്യാറാ​യാൽ എന്നെക്കാൾ ഏറ്റവും നന്നായി യഹോവ അതു നോക്കി​ക്കൊ​ള്ളും.”

“എപ്പോ​ഴും നന്മകൊണ്ട്‌ തിന്മയെ കീഴട​ക്കുക”

16-17. ‘എപ്പോ​ഴും നന്മകൊണ്ട്‌ തിന്മയെ കീഴട​ക്കാൻ’ പ്രാർഥന നമ്മളെ എങ്ങനെ സഹായി​ക്കും? (റോമർ 12:21)

¹⁶ റോമർ 12:21 വായി​ക്കുക. പൗലോസ്‌ ക്രിസ്‌ത്യാ​നി​ക​ളോട്‌ “എപ്പോ​ഴും നന്മകൊണ്ട്‌ തിന്മയെ കീഴട​ക്കുക” എന്നും പറഞ്ഞു. മലയിലെ പ്രസം​ഗ​ത്തിൽ യേശു പറഞ്ഞത്‌ ഇങ്ങനെ​യാണ്‌: “ശത്രു​ക്കളെ സ്‌നേ​ഹി​ക്കുക, നിങ്ങളെ ഉപദ്ര​വി​ക്കു​ന്ന​വർക്കു​വേണ്ടി പ്രാർഥി​ക്കുക.” (മത്താ. 5:44) അതുത​ന്നെ​യാ​ണു യേശു ചെയ്‌തത്‌. റോമൻ പടയാ​ളി​കൾ യേശു​വി​നെ സ്‌തം​ഭ​ത്തിൽ തറച്ച​പ്പോൾ യേശു​വിന്‌ അനുഭ​വി​ക്കേ​ണ്ടി​വ​ന്ന​തെ​ല്ലാം നിങ്ങളു​ടെ മനസ്സി​ലേക്കു വരുന്നു​ണ്ടോ? ആ സമയത്ത്‌ യേശു സഹിച്ച കടുത്ത വേദന​യും നിന്ദയും അനീതി​യും ഒന്നും നമുക്ക്‌ ഊഹി​ക്കാൻപോ​ലും കഴിയില്ല.

¹⁷ യേശു ഒരുപാട്‌ അനീതി സഹി​ച്ചെ​ങ്കി​ലും അതൊ​ന്നും തന്നെ കീഴട​ക്കാൻ യേശു അനുവ​ദി​ച്ചില്ല. ആ പടയാ​ളി​കളെ ശിക്ഷി​ക്കാൻ ആവശ്യ​പ്പെ​ടു​ന്ന​തി​നു പകരം, യേശു ഇങ്ങനെ പ്രാർഥി​ച്ചു: “പിതാവേ, ഇവർ ചെയ്യു​ന്നത്‌ എന്താ​ണെന്ന്‌ ഇവർക്ക്‌ അറിയി​ല്ലാ​ത്ത​തു​കൊണ്ട്‌ ഇവരോ​ടു ക്ഷമി​ക്കേ​ണമേ.” (ലൂക്കോ. 23:34) നമ്മളോ​ടു മോശ​മാ​യി പെരു​മാ​റി​യ​വർക്കു​വേണ്ടി നമ്മൾ പ്രാർഥി​ക്കു​മ്പോൾ നമ്മുടെ ഉള്ളിലുള്ള പകയും ദേഷ്യ​വും ഒക്കെ കുറയ്‌ക്കാ​നാ​കും. അതു​പോ​ലെ അവരെ നമ്മൾ കാണുന്ന വിധം​പോ​ലും മാറി​യേ​ക്കാം.

18. അനീതി മറിക​ട​ക്കാൻ ആൽബർട്ടോ​യെ​യും ജോണി​നെ​യും പ്രാർഥന എങ്ങനെ​യാ​ണു സഹായി​ച്ചത്‌?

¹⁸ അനീതി നേരി​ട്ട​പ്പോൾ മുമ്പ്‌ കണ്ട രണ്ടു സഹോ​ദ​ര​ന്മാ​രെ​യും പിടി​ച്ചു​നിൽക്കാൻ സഹായി​ച്ചതു പ്രാർഥ​ന​യാണ്‌. ആൽബർട്ടോ പറയുന്നു: “എന്നോട്‌ അന്യാ​യ​മാ​യി പെരു​മാ​റിയ സഹോ​ദ​ര​ങ്ങൾക്കു​വേണ്ടി ഞാൻ പ്രാർഥി​ച്ചു. ഈ അനീതി​യെ​ല്ലാം വിട്ടു​ക​ള​യാൻ സഹായി​ക്കണേ എന്നു ഞാൻ പല തവണ അപേക്ഷി​ച്ചു.” സന്തോ​ഷ​ക​ര​മായ കാര്യം, ആൽബർട്ടോ വീണ്ടും യഹോ​വയെ വിശ്വ​സ്‌ത​മാ​യി സേവി​ക്കു​ന്നു എന്നതാണ്‌. ജോൺ പറയുന്നു: “എന്നെ മുറി​പ്പെ​ടു​ത്തിയ സഹോ​ദ​ര​നു​വേണ്ടി ഞാൻ പല തവണ പ്രാർഥി​ച്ചു. അങ്ങനെ പ്രാർഥി​ച്ചത്‌ അദ്ദേഹ​ത്തോ​ടു ദേഷ്യം വെച്ചു​കൊ​ണ്ടി​രി​ക്കു​ന്നത്‌ ഒഴിവാ​ക്കാ​നും അദ്ദേഹത്തെ വിധി​ക്കാ​തി​രി​ക്കാ​നും എന്നെ സഹായി​ച്ചു. അതു​പോ​ലെ എനിക്കു നല്ല സമാധാ​ന​വും കിട്ടി.”

19. ഈ വ്യവസ്ഥി​തി​യു​ടെ അവസാ​നം​വരെ നമ്മൾ എന്തു ചെയ്യണം? (1 പത്രോസ്‌ 3:8, 9)

¹⁹ ഈ ദുഷ്ടവ്യ​വ​സ്ഥി​തി അവസാ​നി​ക്കു​ന്ന​തി​നു മുമ്പ്‌, നമ്മൾ എന്തെല്ലാം അനീതി നേരി​ടേ​ണ്ടി​വ​രും എന്നു പറയാ​നാ​കില്ല. എന്നാൽ എന്തൊക്കെ വന്നാലും സഹായ​ത്തി​നാ​യി നമുക്ക്‌ എപ്പോ​ഴും യഹോ​വ​യോ​ടു പ്രാർഥി​ക്കാം. അതു​പോ​ലെ യേശു അനീതി നേരി​ട്ട​പ്പോൾ പ്രതി​ക​രിച്ച വിധം അനുക​രി​ക്കാ​നും ബൈബിൾത​ത്ത്വ​ങ്ങൾ പകർത്താ​നും നമുക്കു ശ്രമി​ക്കാം. അങ്ങനെ ചെയ്യു​മ്പോൾ യഹോവ നമ്മളെ അനു​ഗ്ര​ഹി​ക്കു​മെന്ന്‌ ഉറപ്പാണ്‌.—1 പത്രോസ്‌ 3:8, 9 വായി​ക്കുക.