വിശ്വ​സ്‌ത​രായ ദൂതന്മാ​രെ അനുക​രി​ക്കു​ക

1-2. (എ) ദൂതന്മാ​രിൽനിന്ന്‌ നമ്മൾ വ്യത്യ​സ്‌ത​രാ​യി​രി​ക്കു​ന്നത്‌ എങ്ങനെ? (ബി) ദൂതന്മാ​രു​മാ​യി നമുക്ക്‌ എന്തൊക്കെ സമാന​ത​ക​ളുണ്ട്‌?

യഹോവ നമ്മളെ സത്യത്തി​ലേക്ക്‌ ആകർഷി​ച്ച​പ്പോൾ സ്‌നേ​ഹ​മുള്ള വലി​യൊ​രു കുടും​ബ​ത്തി​ലേ​ക്കാ​ണു നമ്മളെ ക്ഷണിച്ചത്‌. ആ കുടും​ബ​ത്തിൽ വിശ്വ​സ്‌ത​രായ ലക്ഷക്കണ​ക്കി​നു ദൂതന്മാ​രു​മുണ്ട്‌. (ദാനി. 7:9, 10) ദൂതന്മാ​രെ​ക്കു​റിച്ച്‌ ഓർക്കു​മ്പോൾ അവർ നമ്മളിൽനിന്ന്‌ എത്ര വ്യത്യ​സ്‌ത​രാ​ണെന്നു മിക്ക​പ്പോ​ഴും നമ്മൾ ചിന്തി​ച്ചേ​ക്കാം. ഉദാഹ​ര​ണ​ത്തിന്‌, മനുഷ്യ​രോ​ടുള്ള താരത​മ്യ​ത്തിൽ ഒരുപാ​ടു കാലം മുമ്പു സൃഷ്ടി​ക്ക​പ്പെ​ട്ട​വ​രാണ്‌ ദൂതന്മാർ. (ഇയ്യോ. 38:4, 6) അവർ നമ്മളെ​ക്കാൾ വളരെ ശക്തരു​മാണ്‌. ഇനി, നമ്മൾ അപൂർണ​രാ​യ​തു​കൊ​ണ്ടു​തന്നെ അവർ നമ്മളെ​ക്കാൾ വിശു​ദ്ധ​രും നീതി​മാ​ന്മാ​രും ആണ്‌.—ലൂക്കോ. 9:26.

² ഇങ്ങനെ ഒരുപാ​ടു വ്യത്യാ​സ​ങ്ങ​ളു​ണ്ടെ​ങ്കി​ലും ദൂതന്മാ​രു​മാ​യി പല സമാന​ത​ക​ളും നമുക്കുണ്ട്‌. ഉദാഹ​ര​ണ​ത്തിന്‌, ദൂതന്മാ​രെ​പ്പോ​ലെ​തന്നെ നമുക്കും യഹോ​വ​യു​ടെ ഗുണങ്ങൾ അനുക​രി​ക്കാൻ കഴിയും. അവരെ​പ്പോ​ലെ സ്വന്തമാ​യി തീരു​മാ​ന​മെ​ടു​ക്കാ​നുള്ള സ്വാത​ന്ത്ര്യം ദൈവം നമുക്കു നൽകി​യി​രി​ക്കു​ന്നു. ഇനി, ദൂതന്മാർക്കു​ള്ള​തു​പോ​ലെ നമുക്കും വ്യക്തി​പ​ര​മായ പേരു​ക​ളും വേറിട്ട വ്യക്തി​ത്വ​ങ്ങ​ളും വ്യത്യ​സ്‌ത​നി​യ​മ​ന​ങ്ങ​ളും ഒക്കെയുണ്ട്‌. അതു​പോ​ലെ ദൂതന്മാർക്കും മനുഷ്യർക്കും ആത്മീയാ​വ​ശ്യ​വു​മുണ്ട്‌; അതായത്‌ സ്രഷ്ടാ​വി​നെ ആരാധി​ക്കേണ്ട ആവശ്യ​മുണ്ട്‌.—1 പത്രോ. 1:12.

3. വിശ്വ​സ്‌ത​രായ ദൂതന്മാ​രിൽനിന്ന്‌ നമുക്ക്‌ എന്തു പഠിക്കാം?

³ ദൂതന്മാർക്കും നമുക്കും പല സമാന​ത​ക​ളും ഉള്ളതു​കൊണ്ട്‌ അവരുടെ മാതൃ​ക​യ്‌ക്കു നമ്മളെ പ്രോ​ത്സാ​ഹി​പ്പി​ക്കാ​നും പല പാഠങ്ങൾ പഠിപ്പി​ക്കാ​നും കഴിയും. ഈ ലേഖന​ത്തിൽ അവരുടെ താഴ്‌മ​യും, ആളുക​ളോ​ടുള്ള സ്‌നേ​ഹ​വും, സഹനശ​ക്തി​യും, സഭയെ ശുദ്ധി​യു​ള്ള​താ​യി നിലനി​റു​ത്താൻ അവർ ചെയ്യുന്ന ശ്രമങ്ങ​ളും നമുക്ക്‌ എങ്ങനെ അനുക​രി​ക്കാ​മെന്നു പഠിക്കും.

ദൂതന്മാർ താഴ്‌മ​യു​ള്ള​വ​രാണ്‌

4. (എ) ദൂതന്മാർ താഴ്‌മ കാണി​ക്കു​ന്നത്‌ എങ്ങനെ​യാണ്‌? (ബി) ദൂതന്മാർ താഴ്‌മ​യു​ള്ള​വ​രാ​യി​രി​ക്കു​ന്നത്‌ എന്തു​കൊ​ണ്ടാണ്‌? (സങ്കീർത്തനം 89:7)

⁴ വിശ്വ​സ്‌ത​രായ ദൂതന്മാർ താഴ്‌മ​യു​ള്ള​വ​രാണ്‌. അവർ അനുഭ​വ​പ​രി​ച​യ​മു​ള്ള​വ​രും അതിശ​ക്ത​രും ജ്ഞാനി​ക​ളും ഒക്കെയാ​ണെ​ങ്കി​ലും അവർ യഹോ​വ​യു​ടെ നിർദേ​ശങ്ങൾ അനുസ​രി​ക്കു​ന്നു. (സങ്കീ. 103:20) നിയമ​നങ്ങൾ ചെയ്യു​മ്പോൾ, തങ്ങൾ ചെയ്യുന്ന കാര്യ​ങ്ങ​ളെ​ക്കു​റിച്ച്‌ അവർ പൊങ്ങച്ചം പറയു​ക​യോ അമാനു​ഷി​ക​ശക്തി കാണി​ച്ചു​കൊണ്ട്‌ മറ്റുള്ള​വ​രു​ടെ മുന്നിൽ ആളാകാൻ ശ്രമി​ക്കു​ക​യോ ചെയ്യു​ന്നില്ല. ഒരു കാര്യം ചെയ്യു​മ്പോൾ തങ്ങളുടെ പേര്‌ ആരും അറിഞ്ഞി​ല്ലെ​ങ്കിൽപ്പോ​ലും അവർ സന്തോ​ഷ​ത്തോ​ടെ യഹോ​വ​യു​ടെ ഇഷ്ടം ചെയ്യുന്നു.a (ഉൽപ. 32:24, 29; 2 രാജാ. 19:35) യഹോ​വ​യ്‌ക്ക്‌ ലഭിക്കേണ്ട മഹത്ത്വം ഒരിക്ക​ലും അവർ സ്വീക​രി​ക്കില്ല. എന്തു​കൊ​ണ്ടാണ്‌ ദൂതന്മാർ ഇങ്ങനെ താഴ്‌മ​യു​ള്ള​വ​രാ​യി​രി​ക്കു​ന്നത്‌? കാരണം, അവർ യഹോ​വയെ ഒരുപാട്‌ സ്‌നേ​ഹി​ക്കു​ക​യും ആദരി​ക്കു​ക​യും ചെയ്യുന്നു.—സങ്കീർത്തനം 89:7 വായി​ക്കുക.

5. അപ്പോ​സ്‌ത​ല​നായ യോഹ​ന്നാ​നെ തിരു​ത്തി​യ​പ്പോൾ ഒരു ദൂതൻ എങ്ങനെ​യാ​ണു താഴ്‌മ കാണി​ച്ചത്‌? (ചിത്ര​വും കാണുക.)

⁵ ദൂതന്മാ​രു​ടെ താഴ്‌മ​യെ​ക്കു​റിച്ച്‌ മനസ്സി​ലാ​ക്കാൻ സഹായി​ക്കുന്ന ഒരു സംഭവം നോക്കുക. ഏകദേശം എ.ഡി. 96-ൽ, പേര്‌ പറഞ്ഞി​ട്ടി​ല്ലാത്ത ഒരു ദൂതൻ അത്ഭുത​ക​ര​മായ ഒരു ദർശനം അപ്പോ​സ്‌ത​ല​നായ യോഹ​ന്നാ​നെ കാണിച്ചു. (വെളി. 1:1) അതു കണ്ടപ്പോൾ യോഹ​ന്നാൻ എന്താണു ചെയ്‌തത്‌? അദ്ദേഹം ദൂതനെ ആരാധി​ക്കാൻ ശ്രമിച്ചു. എന്നാൽ വിശ്വ​സ്‌ത​നായ ആ ആത്മവ്യക്തി പെട്ടെ​ന്നു​തന്നെ യോഹ​ന്നാ​നെ തടഞ്ഞു​കൊണ്ട്‌ ഇങ്ങനെ പറഞ്ഞു: “എന്താണ്‌ ഈ ചെയ്യു​ന്നത്‌? അരുത്‌! ദൈവ​ത്തെ​യാണ്‌ ആരാധി​ക്കേ​ണ്ടത്‌. നിന്നോ​ടും . . . നിന്റെ സഹോ​ദ​ര​ന്മാ​രോ​ടും ഒപ്പം പ്രവർത്തി​ക്കുന്ന ഒരു അടിമ മാത്ര​മാ​ണു ഞാൻ.” (വെളി. 19:10) എത്ര താഴ്‌മ​യുള്ള വാക്കുകൾ അല്ലേ! സ്‌തു​തി​യും മഹത്ത്വ​വും ഒന്നും കിട്ടാൻ ആ ദൂതൻ ആഗ്രഹി​ച്ചില്ല. അദ്ദേഹം അപ്പോൾത്തന്നെ യോഹ​ന്നാ​ന്റെ ശ്രദ്ധ യഹോ​വ​യി​ലേക്കു തിരി​ച്ചു​വി​ട്ടു. അതേസ​മയം ദൂതൻ യോഹ​ന്നാ​നെ വില കുറഞ്ഞ​യാ​ളാ​യി കണ്ടുമില്ല. യോഹ​ന്നാ​നെ​ക്കാൾ അനേകം വർഷം കൂടുതൽ യഹോ​വയെ സേവി​ച്ച​യാ​ളാ​യി​ട്ടും വളരെ​യേറെ ശക്തിയു​ണ്ടാ​യി​ട്ടും ദൂതൻ അദ്ദേഹത്തെ ഒപ്പം പ്രവർത്തി​ക്കുന്ന അടിമ എന്നാണു വിളി​ച്ചത്‌. ഇനി, തിരുത്തൽ കൊടു​ക്കേ​ണ്ടി​വ​ന്ന​പ്പോ​ഴും ദൂതൻ പ്രായ​മുള്ള ഈ അപ്പോ​സ്‌ത​ലനെ വഴക്കു പറഞ്ഞില്ല. പകരം ദയയോ​ടെ സംസാ​രി​ച്ചു. യോഹ​ന്നാൻ തന്നെ ആരാധി​ക്കാൻ ശ്രമി​ച്ചത്‌ ദർശനം കണ്ട്‌ അതിശ​യി​ച്ചു​പോ​യ​തു​കൊ​ണ്ടാ​ണെന്ന്‌ അദ്ദേഹം മനസ്സി​ലാ​ക്കി.

6. ദൂതന്മാ​രു​ടെ താഴ്‌മ നമുക്ക്‌ എങ്ങനെ അനുക​രി​ക്കാം?

⁶ ദൂതന്മാ​രു​ടെ താഴ്‌മ നമുക്ക്‌ എങ്ങനെ അനുക​രി​ക്കാം? നമ്മൾ നിയമ​നങ്ങൾ ചെയ്യു​മ്പോൾ പൊങ്ങച്ചം പറയു​ക​യോ നമ്മുടെ കഴിവു​കൊ​ണ്ടാണ്‌ ചില കാര്യങ്ങൾ നേടി​യത്‌ എന്ന രീതി​യിൽ പെരു​മാ​റു​ക​യോ ഇല്ല. (1 കൊരി. 4:7) ഇനി, കൂടുതൽ കാലം യഹോ​വയെ സേവി​ച്ച​തു​കൊ​ണ്ടോ ചില പ്രത്യേ​ക​നി​യ​മ​നങ്ങൾ ഉള്ളതു​കൊ​ണ്ടോ നമ്മൾ മറ്റുള്ള​വ​രെ​ക്കാൾ വലിയ​വ​രാ​ണെന്നു ചിന്തി​ക്കു​ക​യു​മ​രുത്‌. ശരിക്കും​പ​റ​ഞ്ഞാൽ കൂടുതൽ ഉത്തരവാ​ദി​ത്വ​ങ്ങൾ കിട്ടു​മ്പോൾ നമ്മൾ നമ്മളെ​ത്തന്നെ കൂടുതൽ ചെറു​താ​യി കാണു​ക​യാണ്‌ വേണ്ടത്‌. (ലൂക്കോ. 9:48) ദൂതന്മാ​രെ​പ്പോ​ലെ നമ്മുടെ ആഗ്രഹ​വും മറ്റുള്ള​വരെ സേവി​ക്കുക എന്നതാണ്‌; അല്ലാതെ അവരുടെ ശ്രദ്ധ നമ്മളി​ലേക്കു കൊണ്ടു​വ​രുക എന്നതല്ല.

7. ഒരാളെ തിരു​ത്തേ​ണ്ടി​വ​രു​മ്പോൾ നമുക്ക്‌ എങ്ങനെ താഴ്‌മ കാണി​ക്കാം?

⁷ ഒരാളെ തിരു​ത്തേ​ണ്ടി​വ​രു​മ്പോ​ഴും നമ്മൾ താഴ്‌മ കാണി​ക്കണം. അങ്ങനെ തിരു​ത്തേ​ണ്ടി​വ​രു​ന്നത്‌ ഒരു സഹവി​ശ്വാ​സി​യെ​യോ നമ്മുടെ കുട്ടി​യെ​യോ ആയിരി​ക്കാം; കൊടു​ക്കാ​നു​ള്ളതു ശക്തമായ തിരു​ത്ത​ലും ആയിരു​ന്നേ​ക്കാം. എന്നാൽ അങ്ങനെ ചെയ്യു​മ്പോൾ യോഹ​ന്നാ​നെ ദയയോ​ടെ തിരു​ത്തിയ ദൂത​നെ​പ്പോ​ലെ നമുക്കും, ആ വ്യക്തി തകർന്നു​പോ​കാത്ത വിധത്തിൽ പറയാ​നു​ള്ളതു പറയാ​നാ​കും. നമ്മൾ അവരെ​ക്കാൾ വലിയ​വ​രാ​ണെന്നു ചിന്തി​ക്കാ​തി​രു​ന്നാൽ ബൈബി​ളിൽനി​ന്നുള്ള തിരുത്തൽ ആദര​വോ​ടെ​യും സ്‌നേ​ഹ​ത്തോ​ടെ​യും കൊടു​ക്കാൻ എളുപ്പ​മാ​യി​രി​ക്കും.—കൊലോ. 4:6.

ദൂതന്മാർ ആളുകളെ സ്‌നേ​ഹി​ക്കു​ന്നു

8. (എ) ലൂക്കോസ്‌ 15:10-ൽനിന്ന്‌ ദൂതന്മാർ ആളുകളെ സ്‌നേ​ഹി​ക്കു​ന്നു​ണ്ടെന്നു നമുക്ക്‌ എങ്ങനെ മനസ്സി​ലാ​ക്കാം? (ബി) പ്രസം​ഗ​പ്ര​വർത്ത​ന​ത്തിൽ ദൂതന്മാർ എന്തു പങ്കുവ​ഹി​ക്കു​ന്നു? (ചിത്ര​വും കാണുക.)

⁸ മനുഷ്യ​രിൽനിന്ന്‌ അകന്നു​നിൽക്കു​ന്ന​വരല്ല ദൂതന്മാർ. അവർ ആളുകളെ സ്‌നേ​ഹി​ക്കു​ന്നു. ഒരു പാപി പശ്ചാത്ത​പി​ക്കു​മ്പോൾ, അതായത്‌ നഷ്ടപ്പെട്ട ഒരു ആട്‌ യഹോ​വ​യി​ലേക്കു തിരി​കെ​വ​രു​മ്പോ​ഴും ഒരു വ്യക്തി സത്യം പഠിച്ച്‌ ജീവി​ത​ത്തിൽ മാറ്റം​വ​രു​ത്തു​മ്പോ​ഴും ദൂതന്മാർ സന്തോ​ഷി​ക്കു​ന്നു. (ലൂക്കോസ്‌ 15:10 വായി​ക്കുക.) പ്രസം​ഗ​പ്ര​വർത്ത​ന​ത്തി​ലും ദൂതന്മാർ ഉത്സാഹ​ത്തോ​ടെ ഉൾപ്പെ​ടു​ന്നുണ്ട്‌. (വെളി. 14:6) അവർ ആളുക​ളോ​ടു നേരിട്ട്‌ സംസാ​രി​ക്കു​ന്നി​ല്ലെ​ങ്കി​ലും യഹോ​വ​യെ​ക്കു​റിച്ച്‌ അറിയാൻ താത്‌പ​ര്യ​മുള്ള ഒരാളു​ടെ അടു​ത്തേക്കു അവർ നമ്മളെ നയി​ച്ചേ​ക്കാം. പക്ഷേ, ഏതെങ്കി​ലും ഒരു വ്യക്തി​യു​ടെ അടു​ത്തേക്കു ദൂതന്മാ​രാ​ണു നമ്മളെ നയിച്ച​തെന്നു തറപ്പിച്ച്‌ പറയാ​നാ​കില്ല. കാരണം, ആളുകളെ സഹായി​ക്കാ​നോ തന്റെ ദാസരെ വഴിന​യി​ക്കാ​നോ പരിശു​ദ്ധാ​ത്മാ​വു​പോ​ലുള്ള ഏതൊരു മാർഗ​വും യഹോ​വ​യ്‌ക്ക്‌ ഉപയോ​ഗി​ക്കാൻ കഴിയും. (പ്രവൃ. 16:6, 7) എങ്കിലും യഹോവ, ദൂതന്മാ​രെ വലി​യൊ​രു അളവിൽ ഉപയോ​ഗി​ക്കു​ന്നുണ്ട്‌. അതു​കൊണ്ട്‌ നമ്മൾ സന്തോ​ഷ​വാർത്ത അറിയി​ക്കു​മ്പോൾ ദൂതന്മാർ നമ്മളെ സഹായി​ക്കാ​നാ​യി ഒപ്പമു​ണ്ടെന്ന്‌ ഉറപ്പോ​ടെ വിശ്വ​സി​ക്കാ​നാ​കും.—“അവരുടെ പ്രാർഥ​ന​കൾക്ക്‌ ഉത്തരം ലഭിച്ചു” എന്ന ചതുരം കാണുക.b

9. ദൂതന്മാർക്ക്‌ ആളുക​ളോ​ടുള്ള സ്‌നേഹം അനുക​രി​ക്കാൻ നമുക്ക്‌ എന്തെല്ലാം ചെയ്യാം?

⁹ ആളുക​ളോ​ടുള്ള ദൂതന്മാ​രു​ടെ സ്‌നേഹം നമുക്ക്‌ എങ്ങനെ അനുക​രി​ക്കാം? ഒരാളെ സഭയി​ലേക്കു പുനഃ​സ്ഥി​തീ​ക​രി​ച്ചു എന്നൊരു അറിയി​പ്പു കേൾക്കു​മ്പോൾ നമുക്കും ദൂതന്മാ​രെ​പ്പോ​ലെ സന്തോ​ഷി​ക്കാം. അവർ യഹോ​വ​യു​ടെ അടു​ത്തേക്കു മടങ്ങി​വ​ന്ന​തിൽ ഒരുപാ​ടു സന്തോ​ഷ​മു​ണ്ടെ​ന്നും നമ്മൾ അവരെ സ്‌നേ​ഹി​ക്കു​ന്നു​ണ്ടെ​ന്നും അവരോ​ടു പറയാം. (ലൂക്കോ. 15:4-7; 2 കൊരി. 2:6-8) അതു​പോ​ലെ പ്രസം​ഗ​പ്ര​വർത്ത​ന​ത്തിൽ നമുക്കു ചെയ്യാൻ പറ്റുന്ന​തി​ന്റെ പരമാ​വധി ചെയ്‌തു​കൊ​ണ്ടും ദൂതന്മാ​രെ അനുക​രി​ക്കാം. (സഭാ. 11:6) കൂടാതെ സന്തോ​ഷ​വാർത്ത അറിയി​ക്കു​മ്പോൾ ദൂതന്മാർ നമ്മളെ പിന്തു​ണ​യ്‌ക്കു​ന്ന​തു​പോ​ലെ നമുക്കും സഹോ​ദ​ര​ങ്ങളെ ശുശ്രൂ​ഷ​യിൽ പിന്തു​ണ​യ്‌ക്കാം. ഉദാഹ​ര​ണ​ത്തിന്‌, അനുഭ​വ​പ​രി​ചയം കുറഞ്ഞ പ്രചാ​ര​ക​രോ​ടൊ​പ്പം ശുശ്രൂ​ഷ​യിൽ പ്രവർത്തി​ക്കാ​നുള്ള ക്രമീ​ക​രണം നിങ്ങൾക്കു ചെയ്യാ​നാ​കു​മോ? ശുശ്രൂ​ഷ​യിൽ ഏർപ്പെ​ടാൻ പ്രായ​മു​ള്ള​വ​രെ​യോ ആരോ​ഗ്യ​പ്ര​ശ്‌ന​മു​ള്ള​വ​രെ​യോ സഹായി​ക്കാൻ നിങ്ങൾക്കു കഴിയു​മോ?

10. സാറ സഹോ​ദ​രി​യു​ടെ അനുഭ​വ​ത്തിൽനിന്ന്‌ നമുക്ക്‌ എന്തു പഠിക്കാം?

¹⁰ നമ്മുടെ സാഹച​ര്യം കാരണം, ആഗ്രഹി​ക്കുന്ന അത്രയും ദൈവ​സേ​വ​ന​ത്തിൽ ഏർപ്പെ​ടാൻ പറ്റുന്നി​ല്ലെ​ങ്കി​ലോ? അപ്പോ​ഴും പ്രസം​ഗ​പ്ര​വർത്ത​ന​ത്തിൽ ദൂതന്മാ​രോ​ടൊ​പ്പം പ്രവർത്തി​ക്കാൻ നമുക്കു പലതും ചെയ്യാ​നാ​കും. ഇന്ത്യയിൽനി​ന്നുള്ള സാറc സഹോ​ദ​രി​യു​ടെ അനുഭവം നോക്കുക. മുൻനി​ര​സേ​വനം തുടങ്ങി ഏതാണ്ട്‌ 20 വർഷം കഴിഞ്ഞ​പ്പോൾ സാറയ്‌ക്ക്‌ ഗുരു​ത​ര​മായ ഒരു രോഗം ബാധിച്ചു; സഹോ​ദരി പൂർണ​മാ​യും കിടപ്പി​ലാ​യി​പ്പോ​യി. സാറ ആകെ നിരാ​ശ​യി​ലാ​യി. എന്നാൽ, സഭയിലെ സഹോ​ദ​ര​ങ്ങ​ളു​ടെ സഹായം​കൊ​ണ്ടും ദിവസ​വും ബൈബിൾ വായി​ച്ച​തു​കൊ​ണ്ടും സാറയ്‌ക്ക്‌ പതിയെ സന്തോഷം വീണ്ടെ​ടു​ക്കാൻ കഴിഞ്ഞു. പക്ഷേ ശുശ്രൂ​ഷ​യിൽ ഏർപ്പെ​ടാൻ പുതിയ മാർഗങ്ങൾ കണ്ടെത്ത​ണ​മാ​യി​രു​ന്നു. കത്തുകൾ എഴുതാ​നാ​യി എഴു​ന്നേ​റ്റി​രി​ക്കാൻപോ​ലും പറ്റാത്ത​തു​കൊണ്ട്‌ ഫോണി​ലൂ​ടെ​യുള്ള സാക്ഷീ​ക​രണം മാത്ര​മാ​യി​രു​ന്നു സഹോ​ദ​രി​യു​ടെ മുമ്പി​ലു​ണ്ടാ​യി​രുന്ന ഏക മാർഗം. അങ്ങനെ സാറ മടക്കസ​ന്ദർശ​ന​ത്തി​ലു​ള്ള​വരെ ഫോൺ വിളി​ക്കാൻതു​ടങ്ങി. അവർ സഹോ​ദ​രി​യോ​ടു സംസാ​രി​ക്കാൻ താത്‌പ​ര്യം കാണി​ച്ചേ​ക്കാ​വുന്ന മറ്റുള്ള​വ​രെ​ക്കു​റിച്ച്‌ പറഞ്ഞു. പിന്നെ എന്തുണ്ടാ​യി? ഏതാനും മാസങ്ങൾകൊണ്ട്‌ സാറയ്‌ക്ക്‌ 70 ബൈബിൾപ​ഠ​നങ്ങൾ ലഭിച്ചു. എല്ലാം​കൂ​ടെ ഒറ്റയ്‌ക്കു നടത്താൻ കഴിയാ​ത്ത​തു​കൊണ്ട്‌ അവയിൽ ചിലതു സഹോ​ദരി സഭയിലെ മറ്റുള്ള​വരെ ഏൽപ്പിച്ചു. അതിൽ പല വിദ്യാർഥി​ക​ളും ഇപ്പോൾ മീറ്റി​ങ്ങി​നു വരുന്നുണ്ട്‌. സാറ സഹോ​ദ​രി​യെ​പ്പോ​ലെ ശുശ്രൂ​ഷ​യിൽ പരമാ​വധി ചെയ്യുന്ന സഹോ​ദ​ര​ങ്ങ​ളോ​ടൊ​പ്പം പ്രവർത്തി​ക്കു​മ്പോൾ ദൂതന്മാർക്ക്‌ എത്ര സന്തോഷം തോന്നു​ന്നു​ണ്ടാ​കും!

ദൂതന്മാ​രു​ടെ സഹനശക്തി

11. വിശ്വ​സ്‌ത​രായ ദൂതന്മാർ ശ്രദ്ധേ​യ​മായ രീതി​യിൽ സഹനശക്തി കാണി​ച്ചി​രി​ക്കു​ന്നത്‌ എങ്ങനെ?

¹¹ സഹിച്ചു​നിൽക്കുന്ന കാര്യ​ത്തിൽ ദൂതന്മാർ വളരെ നല്ല മാതൃക വെക്കുന്നു. ആയിര​ക്ക​ണ​ക്കി​നു വർഷങ്ങ​ളാ​യി അനീതി​യും ദുഷ്ടത​യും ഒക്കെ അവർ സഹിക്കു​ക​യാണ്‌. ഒരിക്കൽ അവരോ​ടൊ​പ്പം ദൈവത്തെ സേവി​ച്ചി​രുന്ന സാത്താ​നും മറ്റനേകം ദൂതന്മാ​രും യഹോ​വയെ എതിർക്കു​ന്നത്‌ അവർക്കു കാണേ​ണ്ടി​വന്നു. (ഉൽപ. 3:1; 6:1, 2; യൂദ 6) ഒരു വിശ്വ​സ്‌ത​നായ ദൂതനു ശക്തനായ ഒരു ഭൂതത്തിൽനിന്ന്‌ ദിവസ​ങ്ങ​ളോ​ളം എതിർപ്പു നേരി​ടേ​ണ്ടി​വ​ന്ന​തി​നെ​ക്കു​റിച്ച്‌ ബൈബിൾ പറയുന്നു. (ദാനി. 10:13) ഇനി മനുഷ്യ​ച​രി​ത്ര​ത്തിൽ ഇന്നുവരെ, ചുരുക്കം ചില ആളുകൾ മാത്രമേ സത്യാ​രാ​ധ​നയെ പിന്തു​ണ​യ്‌ക്കു​ന്ന​താ​യി ദൂതന്മാർ കണ്ടിട്ടു​ള്ളൂ. ഇത്ര​യൊ​ക്കെ പ്രശ്‌ന​ങ്ങ​ളു​ണ്ടെ​ങ്കി​ലും വിശ്വ​സ്‌ത​രായ ഈ ദൂതന്മാർ സന്തോ​ഷ​ത്തോ​ടെ​യും ഉത്സാഹ​ത്തോ​ടെ​യും യഹോ​വയെ സേവി​ക്കു​ന്നു. കൃത്യ​സ​മ​യത്ത്‌ ദൈവം എല്ലാ അനീതി​യും നീക്കം ചെയ്യു​മെന്ന്‌ അവർക്ക്‌ അറിയാം.

12. സഹിച്ചു​നിൽക്കാൻ നമ്മളെ എന്താണ്‌ സഹായി​ക്കു​ന്നത്‌?

¹² ദൂതന്മാ​രു​ടെ സഹനശക്തി നമുക്ക്‌ എങ്ങനെ അനുക​രി​ക്കാം? ദൂതന്മാ​രെ​പ്പോ​ലെ ചില​പ്പോൾ നമുക്കും അനീതി നേരി​ട്ടേ​ക്കാം. എന്നാൽ, യഹോവ കൃത്യ​സ​മ​യ​ത്തു​തന്നെ എല്ലാ ദുഷ്ടത​യും നീക്കം ചെയ്യു​മെന്നു നമ്മളും ഉറപ്പോ​ടെ വിശ്വ​സി​ക്കു​ന്നു. അതു​കൊ​ണ്ടാണ്‌ വിശ്വ​സ്‌ത​രായ ദൂതന്മാ​രെ​പ്പോ​ലെ നമ്മളും ‘നന്മ ചെയ്യു​ന്നതു നിറു​ത്തി​ക്ക​ള​യാ​ത്തത്‌.’ (ഗലാ. 6:9) അതു​പോ​ലെ, സഹിച്ചു​നിൽക്കാൻ ദൈവം നമ്മളെ സഹായി​ക്കു​മെ​ന്നും ഉറപ്പു​ത​ന്നി​ട്ടുണ്ട്‌. (1 കൊരി. 10:13) അതു​കൊണ്ട്‌ ക്ഷമയോ​ടെ​യും സന്തോ​ഷ​ത്തോ​ടെ​യും ഇരിക്കാൻ നമ്മളെ സഹായി​ക്കുന്ന പരിശു​ദ്ധാ​ത്മാ​വി​നു​വേണ്ടി നമുക്ക്‌ യഹോ​വ​യോ​ടു പ്രാർഥി​ക്കാം. (ഗലാ. 5:22; കൊലോ. 1:11) ഇനി, നമുക്ക്‌ എതിർപ്പ്‌ നേരി​ടു​ന്നെ​ങ്കി​ലോ? അപ്പോൾ ഭയപ്പെ​ടാ​തെ പൂർണ​മാ​യും യഹോ​വ​യിൽ ആശ്രയി​ക്കുക. യഹോവ നിങ്ങളെ എപ്പോ​ഴും സഹായി​ക്കു​ക​യും ശക്തി​പ്പെ​ടു​ത്തു​ക​യും ചെയ്യും.—എബ്രാ. 13:6.

സഭയെ ശുദ്ധി​യു​ള്ള​താ​യി നിലനി​റു​ത്താൻ ദൂതന്മാർ സഹായി​ക്കു​ന്നു

13. ഈ അവസാ​ന​നാ​ളു​ക​ളിൽ ദൂതന്മാർക്ക്‌ ഏതു പ്രത്യേ​ക​നി​യ​മ​ന​മുണ്ട്‌? (മത്തായി 13:47-49)

¹³ ഈ അവസാ​ന​നാ​ളു​ക​ളിൽ ദൂതന്മാർക്ക്‌ യഹോവ ഒരു പ്രത്യേ​ക​നി​യ​മനം കൊടു​ത്തി​രി​ക്കു​ന്നു. (മത്തായി 13:47-49 വായി​ക്കുക.) ലോക​മെ​ങ്ങു​മുള്ള ലക്ഷക്കണ​ക്കിന്‌ ആളുകൾ സന്തോ​ഷ​വാർത്ത​യോ​ടു താത്‌പ​ര്യം കാണി​ക്കു​ന്നുണ്ട്‌. അവരിൽ ചിലർ ജീവി​ത​ത്തിൽ മാറ്റങ്ങൾ വരുത്തി യഥാർഥ ക്രിസ്‌ത്യാ​നി​ക​ളാ​യി​ത്തീ​രു​ന്നു; എന്നാൽ ചിലർ അങ്ങനെ ചെയ്യു​ന്നില്ല. ദൂതന്മാർക്കു കൊടു​ത്തി​രി​ക്കുന്ന നിയമനം ‘നീതി​മാ​ന്മാ​രു​ടെ ഇടയിൽനിന്ന്‌ ദുഷ്ടന്മാ​രെ വേർതി​രി​ക്കുക’ എന്നതാണ്‌. സഭയുടെ ശുദ്ധി കാത്തു​സൂ​ക്ഷി​ക്കു​ന്ന​തിൽ അവർക്കൊ​രു പങ്കു​ണ്ടെ​ന്നാണ്‌ അതു കാണി​ക്കു​ന്നത്‌. പക്ഷേ, സാക്ഷി​ക​ളോ​ടൊ​പ്പം സഹവസി​ക്കു​ന്നതു നിറു​ത്തി​പ്പോ​യ​വർക്ക്‌ ഇനി​യൊ​രി​ക്ക​ലും തിരി​ച്ചു​വ​രാൻ പറ്റി​ല്ലെ​ന്നോ സഭയിൽ ഒരു പ്രശ്‌ന​വും ഉണ്ടാകി​ല്ലെ​ന്നോ അല്ല ഇതിന്റെ അർഥം. എങ്കിലും, സഭയെ ശുദ്ധി​യു​ള്ള​താ​യി കാത്തു​സൂ​ക്ഷി​ക്കു​ന്ന​തി​നു ദൂതന്മാർ കഠിന​ശ്രമം ചെയ്യു​ന്നു​ണ്ടെന്നു നമുക്ക്‌ ഉറപ്പാണ്‌.

14-15. ദൂതന്മാ​രെ അനുക​രി​ച്ചു​കൊണ്ട്‌ സഭ ശുദ്ധയു​ള്ള​താ​യി​രി​ക്കാൻ നമ്മൾ ആഗ്രഹി​ക്കു​ന്നെന്ന്‌ എങ്ങനെ തെളി​യി​ക്കാം? (ചിത്ര​ങ്ങ​ളും കാണുക.)

¹⁴ സഭയെ ശുദ്ധമാ​ക്കി നിറു​ത്താ​നുള്ള ദൂതന്മാ​രു​ടെ ഉത്സാഹം നമുക്ക്‌ എങ്ങനെ അനുക​രി​ക്കാം? സഭയെ ശുദ്ധമാ​ക്കി നിറു​ത്തു​ന്ന​തിൽ നമുക്കു നമ്മുടെ പങ്കുവ​ഹി​ക്കാ​നാ​കും. അതിന്‌ യഹോ​വ​യു​മാ​യുള്ള നമ്മുടെ ബന്ധം സംരക്ഷി​ക്കാൻ നമ്മൾ പരമാ​വധി ശ്രമി​ക്കണം. യഹോ​വയെ സ്‌നേ​ഹി​ക്കുന്ന കൂട്ടു​കാ​രെ തിര​ഞ്ഞെ​ടു​ക്കു​ക​യും ദൈവ​വു​മാ​യുള്ള സൗഹൃദം തകർക്കുന്ന കാര്യ​ങ്ങ​ളിൽനിന്ന്‌ അകന്നു​നിൽക്കു​ക​യും വേണം. (സങ്കീ. 101:3) ഇനി, യഹോ​വ​യോ​ടു വിശ്വ​സ്‌ത​രാ​യി നിൽക്കാൻ നമുക്കു നമ്മുടെ സഹാരാ​ധ​ക​രെ​യും സഹായി​ക്കാം. ഉദാഹ​ര​ണ​ത്തിന്‌, സഹോ​ദ​ര​ങ്ങ​ളിൽ ആരെങ്കി​ലും ഗുരു​ത​ര​മായ ഒരു തെറ്റു ചെയ്‌തെന്ന്‌ അറിഞ്ഞാൽ നമ്മൾ എന്തു ചെയ്യണം? നമുക്ക്‌ അവരോ​ടു സ്‌നേ​ഹ​മു​ള്ള​തു​കൊണ്ട്‌ മൂപ്പന്മാ​രോട്‌ ഇതെക്കു​റിച്ച്‌ സംസാ​രി​ക്കാൻ നമ്മൾ അവരോ​ടു പറയും. അവർ അതു ചെയ്യു​ന്നി​ല്ലെ​ങ്കിൽ നമ്മൾതന്നെ ആ കാര്യം മൂപ്പന്മാ​രെ അറിയി​ക്കും. ആത്മീയ​മാ​യി ദുർബ​ല​നായ ആ സഹോ​ദ​രനു പെട്ടെ​ന്നു​തന്നെ സഹായം കിട്ടണ​മെ​ന്നാ​ണു നമ്മുടെ ആഗ്രഹം.—യാക്കോ. 5:14, 15.

¹⁵ എന്നാൽ ഗുരു​ത​ര​മായ തെറ്റു ചെയ്‌ത ഒരാളെ ചില​പ്പോൾ സഭയിൽനിന്ന്‌ നീക്കം ചെയ്‌തേ​ക്കാം. അങ്ങനെ​യൊ​രു സാഹച​ര്യ​ത്തിൽ നമ്മൾ അവരു​മാ​യുള്ള ‘കൂട്ടു​കെട്ട്‌ ഉപേക്ഷി​ക്കണം.’d (1 കൊരി. 5:9-13) ഈ ക്രമീ​ക​രണം സഭയുടെ ശുദ്ധി കാത്തു​സൂ​ക്ഷി​ക്കാൻ സഹായി​ക്കു​ന്നു. അതു​പോ​ലെ സഭയിൽനിന്ന്‌ നീക്കം ചെയ്‌ത​വ​രോ​ടു സഹവസി​ക്കാ​തി​രി​ക്കു​മ്പോൾ നമ്മൾ ശരിക്കും അവരോ​ടു ദയ കാണി​ക്കു​ക​യാണ്‌. നമ്മുടെ ഉറച്ച നിലപാട്‌ യഹോ​വ​യി​ലേക്കു തിരി​ച്ചു​വ​രേ​ണ്ട​തി​ന്റെ ആവശ്യം അവരെ ഓർമി​പ്പി​ച്ചേ​ക്കാം. അവർ തിരി​ച്ചു​വ​ന്നാൽ യഹോ​വ​യു​ടെ​യും ദൂതന്മാ​രു​ടെ​യും ഒപ്പം നമുക്കും സന്തോ​ഷി​ക്കാ​നാ​കും.—ലൂക്കോ. 15:7.

16. ദൂതന്മാ​രെ നിങ്ങൾ എങ്ങനെ​യെ​ല്ലാം അനുക​രി​ക്കാൻ ശ്രമി​ക്കും?

¹⁶ സ്വർഗ​ത്തി​ലുള്ള ദൂതന്മാ​രെ​ക്കു​റിച്ച്‌ പഠിക്കാ​നും അവരോ​ടൊ​പ്പം പ്രവർത്തി​ക്കാ​നും ആകുന്നത്‌ നമുക്കു കിട്ടി​യി​രി​ക്കുന്ന എത്ര വലി​യൊ​രു പദവി​യാണ്‌! അവരുടെ താഴ്‌മ​യും ആളുക​ളോ​ടുള്ള സ്‌നേ​ഹ​വും സഹനശ​ക്തി​യും സഭയെ ശുദ്ധി​യു​ള്ള​താ​ക്കി നിലനി​റു​ത്താ​നുള്ള ഉത്സാഹ​വും നമുക്ക്‌ അനുക​രി​ക്കാം. വിശ്വ​സ്‌ത​രായ ദൂതന്മാ​രെ അനുക​രി​ക്കു​ന്നെ​ങ്കിൽ, നമുക്ക്‌ എന്നെന്നും യഹോ​വ​യു​ടെ വലിയ കുടും​ബ​ത്തി​ന്റെ ഭാഗമാ​യി​രി​ക്കാ​നാ​കും.