1925​—നൂറു വർഷം മുമ്പ്‌

പ്രതീ​ക്ഷകൾ നിറ​വേ​റാൻ വൈകു​ന്നു

1925-ൽ ഭൂമി ഒരു പറുദീ​സ​യാ​യി മാറു​മെന്നു പല ബൈബിൾവി​ദ്യാർഥി​ക​ളും പ്രതീ​ക്ഷി​ച്ചി​രു​ന്നു. പിന്നീട്‌ ഭരണസം​ഘാം​ഗ​മാ​യി പ്രവർത്തിച്ച ആൽബർട്ട്‌ ഷ്രോഡർ സഹോ​ദരൻ അതെക്കു​റിച്ച്‌ പറഞ്ഞത്‌ ഇങ്ങനെ​യാണ്‌: “1925-ൽ ക്രിസ്‌തു​വി​ന്റെ അഭിഷിക്ത അനുഗാ​മി​ക​ളിൽ ബാക്കി​യു​ള്ളവർ സ്വർഗ​ത്തി​ലേക്കു പോകു​മെ​ന്നും അബ്രാ​ഹാ​മി​നെ​യും ദാവീ​ദി​നെ​യും പോ​ലെ​യുള്ള മുൻകാല വിശ്വ​സ്‌ത​ദാ​സ​ന്മാർ ഭൂമി​യി​ലേക്കു പുനരു​ത്ഥാ​ന​പ്പെട്ട്‌ വന്ന്‌ ഇവിടെ പ്രഭു​ക്ക​ന്മാ​രാ​യി നേതൃ​ത്വ​മെ​ടു​ക്കും എന്നും ഞങ്ങൾ വിശ്വ​സി​ച്ചി​രു​ന്നു.” എന്നാൽ ആ വർഷം കടന്നു​പോ​യ​പ്പോൾ അവർ പ്രതീ​ക്ഷി​ച്ച​തു​പോ​ലെ ഒന്നും സംഭവി​ച്ചില്ല. സ്വാഭാ​വി​ക​മാ​യും അതു ചിലരെ നിരാ​ശ​പ്പെ​ടു​ത്തി.—സുഭാ. 13:12.

നിരാ​ശ​യൊ​ക്കെ തോന്നി​യെ​ങ്കി​ലും ബൈബിൾവി​ദ്യാർഥി​ക​ളിൽ മിക്കവ​രും തുടർന്നും പ്രസം​ഗ​പ്ര​വർത്തനം ഉത്സാഹ​ത്തോ​ടെ ചെയ്‌തു. യഹോ​വ​യ്‌ക്കു സാക്ഷ്യം കൊടു​ക്കുക എന്ന തങ്ങളുടെ ഉത്തരവാ​ദി​ത്വ​മാണ്‌ ഏറ്റവും പ്രധാ​ന​പ്പെ​ട്ട​തെന്ന്‌ അവർ തിരി​ച്ച​റി​യാൻതു​ടങ്ങി. ഉദാഹ​ര​ണ​ത്തിന്‌, അവർ റേഡി​യോ പ്രക്ഷേ​പ​ണ​ത്തി​ലൂ​ടെ അതിവി​ദൂര ഭാഗങ്ങൾവരെ സത്യം എത്തിക്കാൻ ശ്രമി​ച്ചത്‌ എങ്ങനെ​യാ​ണെന്നു നോക്കാം.

കൂടുതൽ റേഡി​യോ നിലയങ്ങൾ

മുൻവർഷം ഡബ്ല്യു​ബി​ബി​ആർ റേഡി​യോ നിലയം ഒരു വൻവി​ജയം ആയിരു​ന്ന​തു​കൊണ്ട്‌ 1925-ൽ ബൈബിൾവി​ദ്യാർഥി​കൾ മറ്റൊരു റേഡി​യോ നിലയം പണിയാൻ തീരു​മാ​നി​ച്ചു. ഇലി​നോ​യി​യി​ലെ ചിക്കാ​ഗോ​യ്‌ക്ക്‌ അടുത്ത്‌ പണിത ആ നിലയ​ത്തി​ന്റെ പേര്‌ ഡബ്ല്യു​ഓ​ആർഡി എന്നായി​രു​ന്നു. ആ നിലയം പണിയാൻ സഹായിച്ച ഒരു റേഡി​യോ എഞ്ചിനീ​യ​റായ റാൾഫ്‌ ലെഫ്‌ലർ ഇങ്ങനെ പറയുന്നു: “തണുപ്പുള്ള രാത്രി​ക​ളിൽ ഈ റേഡി​യോ നിലയ​ത്തിൽനി​ന്നുള്ള പ്രക്ഷേ​പ​ണങ്ങൾ അങ്ങു വിദൂ​ര​ങ്ങ​ളി​ലു​ള്ള​വർവരെ കേട്ടു.” ഉദാഹ​ര​ണ​ത്തിന്‌, ആ നിലയ​ത്തിൽനിന്ന്‌ 5,000 കിലോ​മീ​റ്റർ അകലെ​യുള്ള അലാസ്‌ക​യി​ലെ പൈലറ്റ്‌ സ്‌റ്റേഷൻ എന്ന സ്ഥലത്ത്‌ താമസി​ക്കുന്ന ഒരു കുടും​ബം, ആദ്യ പ്രക്ഷേ​പ​ണ​ങ്ങ​ളിൽ ഒരെണ്ണം കേട്ടു. അതിനു​ശേഷം ആ കുടും​ബം, ഇത്രയും നല്ല ആത്മീയ​പ​രി​പാ​ടി തന്നതിനു നന്ദി പറഞ്ഞു​കൊണ്ട്‌ നിലയ​ത്തിൽ പ്രവർത്തി​ക്കു​ന്ന​വർക്ക്‌ ഒരു കത്ത്‌ എഴുതി.

ദൂരെ​യുള്ള സ്ഥലങ്ങളിൽവരെ പ്രക്ഷേ​പണം എത്തിക്കാൻ ഈ റേഡി​യോ നിലയ​ത്തി​നു കഴിഞ്ഞത്‌ എന്തു​കൊ​ണ്ടാ​ണെന്നു 1925 ഡിസംബർ 1 വീക്ഷാ​ഗോ​പു​രം വിശദീ​ക​രി​ച്ചു: “ഡബ്ല്യു​ഓ​ആർഡി ഐക്യ​നാ​ടു​ക​ളി​ലെ​തന്നെ ശക്തമാ​യൊ​രു റേഡി​യോ സ്റ്റേഷനാണ്‌. 5,000 വാട്‌സി​ലാണ്‌ അതു പ്രവർത്തി​ക്കു​ന്നത്‌. ഇതിന്റെ സിഗ്‌ന​ലു​കൾ ഐക്യ​നാ​ടു​ക​ളു​ടെ കിഴക്കും പടിഞ്ഞാ​റും ഉള്ള തീരങ്ങൾ വരെയും അതു​പോ​ലെ ക്യൂബ മുതൽ അങ്ങ്‌ വടക്കേ അറ്റത്തുള്ള അലാസ്‌ക വരെയും എത്തുന്നുണ്ട്‌. മുമ്പൊ​രി​ക്ക​ലും സത്യം കേട്ടി​ട്ടി​ല്ലാത്ത അനേകർ ഈ പ്രക്ഷേ​പ​ണങ്ങൾ കേട്ട​പ്പോൾ കൂടുതൽ അറിയാൻ താത്‌പ​ര്യം കാണി​ച്ചി​രി​ക്കു​ന്നു.”

ഇതേ കാലഘ​ട്ട​ത്തിൽ കാനഡ​യി​ലും സന്തോ​ഷ​വാർത്ത വ്യാപി​പ്പി​ക്കു​ന്ന​തി​നു​വേണ്ടി റേഡി​യോ​കൾ ഉപയോ​ഗി​ക്കാൻ ബൈബിൾവി​ദ്യാർഥി​കൾ ആഗ്രഹി​ച്ചു. അതു​കൊണ്ട്‌ 1924-ൽ സസ്‌കാ​ച്ചി​വ​നി​ലെ സാസ്‌ക​റ്റൂ​ണിൽ സിഎച്ച്‌യു​സി എന്ന റേഡി​യോ നിലയം അവർ പണിതു. മതപര​മായ വിഷയങ്ങൾ പ്രക്ഷേ​പണം ചെയ്യുന്ന കാനഡ​യി​ലെ ആദ്യത്തെ റേഡി​യോ നിലയ​ങ്ങ​ളിൽ ഒന്നായി​രു​ന്നു അത്‌. എന്നാൽ വളരെ ചെറു​താ​യി​രു​ന്ന​തു​കൊണ്ട്‌ അതു 1925-ൽ മറ്റൊ​രി​ട​ത്തേക്കു മാറ്റേ​ണ്ട​തു​ണ്ടാ​യി​രു​ന്നു. അതു​കൊണ്ട്‌ വാച്ച്‌ടവർ സൊ​സൈറ്റി ഈ നിലയ​ത്തി​ന്റെ ഉടമസ്ഥാ​വ​കാ​ശം ഏറ്റെടു​ക്കു​ക​യും സാസ്‌ക​റ്റൂ​ണി​ലെ മറ്റൊരു കെട്ടി​ട​ത്തി​ലേക്ക്‌ അതിന്റെ സ്റ്റുഡി​യോ​കൾ മാറ്റു​ക​യും ചെയ്‌തു. പഴയൊ​രു തീയേ​റ്റ​റാ​യി​രുന്ന ആ കെട്ടിടം സംഘടന വാങ്ങി ഈ ആവശ്യ​ത്തി​നാ​യി നവീക​രി​ച്ചെ​ടു​ക്കു​ക​യാ​യി​രു​ന്നു.

ഈ റേഡി​യോ സ്‌റ്റേഷൻ കാരണം സസ്‌കാ​ച്ചി​വ​നി​ലെ ഉൾപ്ര​ദേ​ശ​ങ്ങ​ളി​ലും ചെറിയ ടൗണു​ക​ളി​ലും എല്ലാം സന്തോ​ഷ​വാർത്ത ആദ്യമാ​യി എത്തി. ഉദാഹ​ര​ണ​ത്തിന്‌, ദൂരെ​യുള്ള ഒരു ടൗണിൽ താമസി​ക്കുന്ന ഒരു സ്‌ത്രീ പ്രക്ഷേ​പണം കേട്ടതി​നു ശേഷം ബൈബിൾപ്ര​സി​ദ്ധീ​ക​ര​ണങ്ങൾ ചോദി​ച്ചു​കൊണ്ട്‌ ഒരു കത്ത്‌ എഴുതി. ഇതി​നെ​ക്കു​റിച്ച്‌ ജോർജ്‌ നെയ്‌ഷ്‌ സഹോ​ദരൻ പറഞ്ഞത്‌ ഇങ്ങനെ​യാണ്‌: “‘ഞങ്ങളെ പഠിപ്പി​ക്കൂ’ എന്ന അവരുടെ കരച്ചിൽ വളരെ ഉച്ചത്തി​ലു​ള്ള​തും വ്യക്തവും ആയിരു​ന്നു. അതു​കൊണ്ട്‌ ഞങ്ങൾ വേദാ​ദ്ധ്യ​യ​നങ്ങൾ എന്ന പുസ്‌ത​ക​ത്തി​ന്റെ മുഴുവൻ വാല്യ​വും അവർക്ക്‌ അയച്ചു​കൊ​ടു​ത്തു.” പെട്ടെ​ന്നു​തന്നെ ആ സ്‌ത്രീ താൻ പഠിച്ച കാര്യങ്ങൾ കൂടുതൽ ആളുക​ളോ​ടു പറയാൻതു​ടങ്ങി. അങ്ങനെ രാജ്യ​സ​ന്ദേശം ദൂരെ​സ്ഥ​ല​ങ്ങ​ളി​ലേ​ക്കു​വരെ എത്തി.

വിശ്വാ​സ​ങ്ങൾക്കു വ്യക്തത വരുന്നു

1925 മാർച്ച്‌ 1 ലക്കം വീക്ഷാ​ഗോ​പു​ര​ത്തിൽ “ജനതയു​ടെ ജനനം” എന്ന പ്രധാ​ന​പ്പെട്ട ഒരു ലേഖനം ഉണ്ടായി​രു​ന്നു. എന്തായി​രു​ന്നു അതിന്റെ പ്രാധാ​ന്യം? സ്വർഗ​ത്തി​ലെ ദുഷ്ടരായ ദൂതന്മാ​രും ഭൂമി​യി​ലെ മതം, രാഷ്‌ട്രീ​യം, വാണി​ജ്യം എന്നിവ​യും ഉൾപ്പെ​ടുന്ന ഒരു സംഘടന സാത്താ​നു​ണ്ടെന്നു ബൈബിൾവി​ദ്യാർഥി​കൾക്ക്‌ അറിയാ​മാ​യി​രു​ന്നു. എന്നാൽ ഈ ലേഖന​ത്തി​ലൂ​ടെ യഹോ​വ​യ്‌ക്കും ഒരു സംഘട​ന​യു​ണ്ടെ​ന്നും അതു സാത്താന്റെ സംഘട​ന​യിൽനിന്ന്‌ തികച്ചും വ്യത്യ​സ്‌ത​വും അതിന്‌ എതിരും ആണെന്നും “വിശ്വ​സ്‌ത​നും വിവേ​കി​യും ആയ അടിമ” വിശദീ​ക​രി​ച്ചു. (മത്താ. 24:45) അതോ​ടൊ​പ്പം 1914-ൽ ദൈവ​രാ​ജ്യം സ്ഥാപി​ത​മാ​യെ​ന്നും അതേ വർഷം​തന്നെ ‘സ്വർഗ​ത്തി​ലു​ണ്ടായ യുദ്ധത്തി​ന്റെ’ ഫലമായി സാത്താ​നെ​യും അവന്റെ ഭൂതങ്ങ​ളെ​യും സ്വർഗ​ത്തിൽനിന്ന്‌ പുറത്താ​ക്കു​ക​യും അവരുടെ പ്രവർത്തനം ഭൂമി​യിൽ മാത്ര​മാ​യി പരിമി​ത​പ്പെ​ടു​ത്തു​ക​യും ചെയ്‌തെ​ന്നും അടിമ ആ ലേഖന​ത്തിൽ വ്യക്തമാ​ക്കി.—വെളി. 12:7-9.

ഈ പുതിയ ഗ്രാഹ്യം അംഗീ​ക​രി​ക്കാൻ ചിലർക്കു ബുദ്ധി​മുട്ട്‌ തോന്നി. ഇതു മനസ്സി​ലാ​ക്കി​ക്കൊണ്ട്‌ ആ ലേഖന​ത്തിൽത്തന്നെ ഇങ്ങനെ പറഞ്ഞു: “വീക്ഷാ​ഗോ​പു​ര​ത്തി​ന്റെ ഏതെങ്കി​ലും വായന​ക്കാർക്ക്‌ ഇതിൽ പറഞ്ഞി​രി​ക്കുന്ന കാര്യങ്ങൾ അംഗീ​ക​രി​ക്കാൻ ബുദ്ധി​മുട്ട്‌ തോന്നു​ന്നു​ണ്ടെ​ങ്കിൽ അവർ ക്ഷമയോ​ടെ കർത്താ​വി​നാ​യി കാത്തി​രി​ക്കുക. ദൈവത്തെ വിശ്വ​സ്‌ത​മാ​യി സേവി​ക്കു​ന്ന​തിൽ തുടരുക.”

എന്നാൽ ഈ ലേഖന​ത്തെ​ക്കു​റിച്ച്‌ മിക്ക ബൈബിൾവി​ദ്യാർഥി​കൾക്കും എന്താണു തോന്നി​യ​തെന്നു ബ്രിട്ട​നി​ലെ ഒരു കോൽപോർട്ട​റാ​യി​രുന്ന (ഇപ്പോ​ഴത്തെ മുൻനി​ര​സേ​വകൻ) ടോം എർ ഇങ്ങനെ പറയുന്നു: “വെളി​പാട്‌ 12-ാം അധ്യാ​യ​ത്തി​ന്റെ ഈ വിശദീ​ക​രണം സഹോ​ദ​ര​ങ്ങൾക്ക്‌ ആവേശം പകർന്നു. ദൈവ​രാ​ജ്യം സ്വർഗ​ത്തിൽ സ്ഥാപി​ത​മാ​യെന്നു മനസ്സി​ലാ​ക്കി​യ​പ്പോൾ ആ സന്തോ​ഷ​വാർത്ത മറ്റുള്ള​വ​രോ​ടു പറയാൻ ഞങ്ങൾക്കു കൂടുതൽ ഉത്സാഹം തോന്നി. അതു പ്രസം​ഗ​പ്ര​വർത്തനം ഊർജി​ത​മാ​ക്കാൻ ഞങ്ങളെ പ്രോ​ത്സാ​ഹി​പ്പി​ച്ചു. അതു​പോ​ലെ യഹോവ തന്റെ ജനത്തെ ഉപയോ​ഗി​ച്ചു​കൊണ്ട്‌ വലിയ കാര്യങ്ങൾ ചെയ്യാൻപോ​കു​ന്നത്‌ എങ്ങനെ​യാ​ണെന്നു മനസ്സി​ലാ​ക്കാ​നും ഞങ്ങൾക്കു കഴിഞ്ഞു.”

യഹോ​വ​യ്‌ക്കു​വേണ്ടി സാക്ഷ്യം പറയുന്നു

ഇന്ന്‌ യഹോ​വ​യു​ടെ സാക്ഷി​കൾക്ക്‌ യശയ്യ 43:10-ലെ ഈ വാക്കുകൾ വളരെ പരിചി​ത​മാണ്‌: “‘നിങ്ങൾ എന്റെ സാക്ഷികൾ’ എന്ന്‌ യഹോവ പ്രഖ്യാ​പി​ക്കു​ന്നു. ‘അതെ, ഞാൻ തിര​ഞ്ഞെ​ടുത്ത എന്റെ ദാസൻ!’” എന്നാൽ 1925-നു മുമ്പ്‌ ഈ തിരു​വെ​ഴുത്ത്‌ നമ്മുടെ പ്രസി​ദ്ധീ​ക​ര​ണ​ങ്ങ​ളിൽ വളരെ കുറച്ച്‌ മാത്രമേ ഉപയോ​ഗി​ച്ചി​രു​ന്നു​ള്ളൂ. പക്ഷേ, അതിനു മാറ്റം വരാൻ പോകു​ക​യാ​യി​രു​ന്നു. 1925-ൽ യശയ്യ 43:10, 12 വാക്യ​ങ്ങ​ളെ​ക്കു​റിച്ച്‌ ചർച്ച ചെയ്യുന്ന 11 വീക്ഷാ​ഗോ​പു​ര​ലേ​ഖ​നങ്ങൾ പുറത്തി​റങ്ങി.

1925 ആഗസ്റ്റ്‌ അവസാനം ബൈബിൾവി​ദ്യാർഥി​കൾ ഇൻഡ്യാ​ന​യി​ലെ ഇൻഡ്യാ​നാ​പോ​ളി​സിൽ ഒരു കൺ​വെൻ​ഷ​നാ​യി കൂടി​വന്നു. വരുന്ന​വരെ സ്വാഗതം ചെയ്യാ​നാ​യി കൺ​വെൻ​ഷന്റെ കാര്യ​പ​രി​പാ​ടി​യിൽ ജോസഫ്‌ എഫ്‌. റഥർഫോർഡ്‌ സഹോ​ദ​രന്റെ ഈ സന്ദേശ​മു​ണ്ടാ​യി​രു​ന്നു: “നമ്മൾ എല്ലാവ​രും ഈ കൺ​വെൻ​ഷനു വന്നിരി​ക്കു​ന്നതു . . . കർത്താ​വിൽനിന്ന്‌ ശക്തി നേടി കൂടുതൽ ആവേശ​ത്തോ​ടെ വയലി​ലേക്കു തിരിച്ച്‌ പോകാ​നും അങ്ങനെ ദൈവ​ത്തി​ന്റെ സാക്ഷി​ക​ളാ​യി പ്രവർത്തി​ക്കാ​നും ആണ്‌.” ആ എട്ടു ദിവസത്തെ കൺ​വെൻ​ഷ​നിൽ ഉടനീളം, കിട്ടുന്ന എല്ലാ അവസര​ങ്ങ​ളി​ലും യഹോ​വ​യ്‌ക്കു​വേണ്ടി സാക്ഷ്യം പറയാൻ കൂടി​വ​ന്ന​വരെ പ്രോ​ത്സാ​ഹി​പ്പി​ച്ചു.

ആഗസ്റ്റ്‌ 29 ശനിയാഴ്‌ച “പ്രവർത്ത​ന​ത്തി​നുള്ള ഒരു ആഹ്വാനം” എന്ന വിഷയ​ത്തിൽ റഥർഫോർഡ്‌ സഹോ​ദ​രന്റെ ഒരു പ്രസം​ഗ​മു​ണ്ടാ​യി​രു​ന്നു. അതിൽ പ്രസം​ഗ​പ്ര​വർത്ത​ന​ത്തി​ന്റെ പ്രാധാ​ന്യം എടുത്തു​കാ​ണി​ച്ചു​കൊണ്ട്‌ സഹോ​ദരൻ ഇങ്ങനെ പറഞ്ഞു: “യഹോവ തന്റെ ജനത്തോ​ടു പറയുന്നു . . . : ‘നിങ്ങൾ എന്റെ സാക്ഷികൾ, . . . ഞാനാണ്‌ ദൈവം.’ അതിനു ശേഷം യഹോവ വ്യക്തമാ​യും ശക്തമാ​യും തന്റെ ജനത്തിന്‌ ഈ കല്പന കൊടു​ത്തു: ‘ജനങ്ങൾക്കു​വേണ്ടി ഒരു അടയാളം ഉയർത്തുക.’ ഇന്ന്‌ ഭൂമി​യിൽ ജനങ്ങൾക്കു​വേണ്ടി ഒരു അടയാളം ഉയർത്താൻ, യഹോ​വ​യ്‌ക്കു​വേണ്ടി സാക്ഷ്യം കൊടു​ക്കാൻ കഴിയു​ന്നതു കർത്താ​വിൽനിന്ന്‌ ആത്മാവ്‌ ലഭിച്ചി​ട്ടുള്ള ദൈവ​ജ​ന​ത്തി​നു മാത്ര​മാണ്‌.”—യശ. 43:12; 62:10.

റഥർഫോർഡ്‌ സഹോ​ദ​രന്റെ പ്രസം​ഗ​ത്തി​നു ശേഷം അദ്ദേഹം “പ്രത്യാ​ശാ​ദൂത്‌” (ഇംഗ്ലീഷ്‌) എന്ന വിഷയ​ത്തി​ലുള്ള ഒരു പ്രമേയം വായിച്ചു. “സമാധാ​ന​വും സമൃദ്ധി​യും ആരോ​ഗ്യ​വും നിത്യ​ജീ​വ​നും സ്വാത​ന്ത്ര്യ​വും നിലനിൽക്കുന്ന സന്തോ​ഷ​വും ലഭിക്കു​ന്നതു ദൈവ​രാ​ജ്യ​ത്തി​ലൂ​ടെ മാത്ര​മാ​യി​രി​ക്കും” എന്നായി​രു​ന്നു അതിൽ പറഞ്ഞി​രു​ന്നത്‌. ആ സന്ദേശ​ത്തോ​ടു കൺ​വെൻ​ഷ​നിൽ വന്ന എല്ലാവ​രും യോജി​ച്ചു. ഈ പ്രമേയം പിന്നീട്‌ പല ഭാഷക​ളി​ലേക്കു പരിഭാ​ഷ​പ്പെ​ടു​ത്തു​ക​യും ലഘു​ലേ​ഖ​യു​ടെ രൂപത്തിൽ അച്ചടിച്ച്‌ പുറത്തി​റ​ക്കു​ക​യും ചെയ്‌തു. അതിന്റെ ഏതാണ്ട്‌ 4 കോടി​യോ​ളം കോപ്പി​ക​ളാ​ണു വിതരണം ചെയ്‌തത്‌.

യഹോ​വ​യ്‌ക്കു​വേണ്ടി സാക്ഷ്യം പറയാ​നുള്ള തങ്ങളുടെ ഉത്തരവാ​ദി​ത്വ​ത്തി​ന്റെ പ്രാധാ​ന്യം ബൈബിൾവി​ദ്യാർഥി​കൾ തിരി​ച്ച​റി​യാൻ തുടങ്ങി​യി​രു​ന്നു. എങ്കിലും അവർ പിന്നെ​യും കുറെ വർഷങ്ങൾ കഴിഞ്ഞാണ്‌ യഹോ​വ​യു​ടെ സാക്ഷികൾ എന്ന പേരു സ്വീക​രി​ക്കു​ന്നത്‌.

താത്‌പ​ര്യ​മു​ള്ള​വരെ വീണ്ടും ചെന്ന്‌ കാണുന്നു

ലോക​മെ​ങ്ങു​മുള്ള ബൈബിൾവി​ദ്യാർഥി​ക​ളു​ടെ എണ്ണം വർധി​ച്ച​തു​കൊണ്ട്‌ സന്തോ​ഷ​വാർത്ത​യോ​ടു താത്‌പ​ര്യം കാണി​ക്കു​ന്ന​വ​രു​ടെ അടുത്ത്‌ മടങ്ങി​ച്ചെ​ല്ലാൻ സംഘടന പ്രോ​ത്സാ​ഹി​പ്പി​ച്ചു. പ്രത്യാ​ശാ​ദൂത്‌ എന്ന ലഘു​ലേ​ഖ​യു​ടെ പ്രചാരണ പരിപാ​ടി​ക്കു ശേഷം ബുള്ളറ്റിൻa ഇങ്ങനെ നിർദേ​ശി​ച്ചു: “മറ്റ്‌ പ്രസി​ദ്ധീ​ക​ര​ണങ്ങൾ ഒന്നും കൊടു​ക്കാ​തെ പ്രത്യാ​ശാ​ദൂ​തി​ന്റെ ഒരു കോപ്പി മാത്രം കൊടു​ത്തി​രി​ക്കുന്ന വീടു​ക​ളിൽ മടങ്ങി​ച്ചെ​ല്ലാൻ ക്രമീ​ക​രി​ക്കുക.”

1925 ജനുവരി ലക്കം ബുള്ളറ്റി​നിൽ ടെക്‌സ​സി​ലെ പ്ലാനോ​യിൽനി​ന്നുള്ള ഒരു ബൈബിൾവി​ദ്യാർഥി​യു​ടെ ഈ വാക്കുകൾ ഉണ്ടായി​രു​ന്നു: “പുതിയ ഒരു പ്രദേ​ശത്ത്‌ പോകു​ന്ന​തി​നെ​ക്കാൾ പല തവണ പ്രവർത്തി​ച്ചി​ടത്ത്‌ വീണ്ടും മടങ്ങി​ച്ചെ​ല്ലു​മ്പോൾ മിക്ക​പ്പോ​ഴും കൂടുതൽ ഫലം ലഭിക്കു​ന്ന​താ​യി ഞങ്ങൾക്കു തോന്നു​ന്നു. അതു ശരിക്കും ഞങ്ങളെ അതിശ​യി​പ്പി​ക്കു​ന്നുണ്ട്‌. കഴിഞ്ഞ പത്ത്‌ വർഷത്തി​നി​ടെ അഞ്ചു തവണ പ്രവർത്തിച്ച ഒരു ചെറിയ ടൗൺ ഞങ്ങളുടെ പ്രദേ​ശ​ത്തുണ്ട്‌. . . . അടുത്തി​ടെ ഹെൻഡ്രി​ക്‌സ്‌ സഹോ​ദ​രി​യും എന്റെ അമ്മയും വീണ്ടും ആ പ്രദേ​ശത്ത്‌ ചെന്ന​പ്പോൾ മുമ്പൊ​രി​ക്ക​ലും കൊടു​ത്തി​ട്ടി​ല്ലാ​ത്തത്ര പുസ്‌ത​കങ്ങൾ അവർക്കു കൊടു​ക്കാ​നാ​യി!”

പാനമ​യിൽനി​ന്നുള്ള ഒരു കോൽപോർട്ടർ ഇങ്ങനെ എഴുതി: “വീട്ടു​വാ​തിൽക്കൽനിന്ന്‌ എന്നെ ഓടി​ച്ചു​വിട്ട പലരു​ടെ​യും അടുത്ത്‌ ഞാൻ രണ്ടാമ​തോ മൂന്നാ​മ​തോ ചെന്ന​പ്പോൾ അവരുടെ മനോ​ഭാ​വ​ത്തി​നു മാറ്റം വന്നതായി കണ്ടു. കഴിഞ്ഞ വർഷം ഞാൻ കൂടുതൽ സമയവും ചെലവ​ഴി​ച്ചത്‌ സന്ദർശിച്ച വീടു​ക​ളിൽ മടങ്ങി​ച്ചെ​ല്ലു​ന്ന​തി​ലാണ്‌. എനിക്ക്‌ അതിൽനിന്ന്‌ നല്ല അനുഭ​വ​ങ്ങ​ളും കിട്ടി​യി​ട്ടുണ്ട്‌.”

ഭാവി​യി​ലേക്ക്‌

എല്ലാ കോൽപോർട്ടർമാർക്കും ഉള്ള തന്റെ വാർഷിക കത്തിൽ, ആ വർഷത്തെ പ്രവർത്ത​ന​ങ്ങ​ളെ​ക്കു​റി​ച്ചും മുന്നോട്ട്‌ ഇനി എന്താണു ചെയ്യേ​ണ്ടത്‌ എന്നതി​നെ​ക്കു​റി​ച്ചും റഥർഫോർഡ്‌ സഹോ​ദരൻ ഇങ്ങനെ പറഞ്ഞു: “ഈ വർഷം, വിഷമി​ച്ചി​രുന്ന അനേകരെ ആശ്വസി​പ്പി​ക്കാൻ നിങ്ങൾക്കു കഴിഞ്ഞു. ഈ പ്രവർത്തനം നിങ്ങളു​ടെ ഹൃദയ​ത്തി​നു സന്തോഷം പകർന്നു. . . . ഇനി അടുത്ത വർഷവും ദൈവ​ത്തി​നും ദൈവ​രാ​ജ്യ​ത്തി​നും വേണ്ടി സാക്ഷ്യം പറയാ​നും ജനങ്ങൾക്കു​വേണ്ടി ഒരു അടയാളം ഉയർത്താ​നും നിങ്ങൾക്കു ധാരാളം അവസരങ്ങൾ ലഭിക്കും. . . . തുടർന്നും നമുക്ക്‌ ഒരുമിച്ച്‌ നമ്മുടെ ദൈവ​ത്തെ​യും നമ്മുടെ രാജാ​വി​നെ​യും സ്‌തു​തി​ക്കു​ന്ന​തി​നാ​യി ശബ്ദം ഉയർത്താം.”

1925 അവസാ​നി​ക്കാ​റാ​യ​പ്പോൾ ബ്രൂക്‌ലിൻ ബഥേൽ വലുതാ​ക്കാൻ സഹോ​ദ​രങ്ങൾ പദ്ധതി​യി​ട്ടു. സംഘട​ന​യ്‌ക്കു​ള്ളിൽ അന്നുവരെ നടന്നി​ട്ടു​ള്ള​തി​ലേ​ക്കും ഏറ്റവും വലിയ നിർമാണ പദ്ധതിക്ക്‌ 1926 എന്ന വർഷം തുടക്കം കുറി​ക്കു​മാ​യി​രു​ന്നു.