കാട്ടുതേൻ

കാട്ടു​തേ​നീ​ച്ച​യു​ടെ കൂടും (1) തേൻ ഇറ്റിറ്റു​വീ​ഴുന്ന ഒരു തേനട​യും (2) ആണ്‌ ചിത്ര​ത്തിൽ കാണി​ച്ചി​രി​ക്കു​ന്നത്‌. യോഹ​ന്നാൻ കഴിച്ച തേൻ ആ പ്രദേ​ശ​ങ്ങ​ളിൽ പൊതു​വേ​യുള്ള ഏപിസ്‌ മെലിഫറ സിറിയക എന്ന കാട്ടു​തേ​നീ​ച്ച​യു​ടേ​താ​യി​രി​ക്കാം. യഹൂദ്യ​വി​ജ​ന​ഭൂ​മി​യി​ലെ ചൂടുള്ള, വരണ്ട കാലാ​വ​സ്ഥ​യു​മാ​യി ഇണങ്ങി​ക്ക​ഴി​യുന്ന ഈ വർഗം ആക്രമ​ണ​കാ​രി​ക​ളാ​യ​തു​കൊണ്ട്‌ മനുഷ്യർക്ക്‌ ഇവയെ വളർത്താൻ സാധി​ക്കില്ല. എന്നാൽ ബി.സി. 9-ാം നൂറ്റാ​ണ്ടു​മു​തൽതന്നെ ഇസ്രാ​യേ​ലി​ലു​ള്ളവർ തേനീ​ച്ച​കളെ കളിമൺകു​ഴ​ലു​ക​ളിൽ വളർത്തി​യി​രു​ന്നു. പണ്ട്‌ യോർദാൻ താഴ്‌വ​ര​യി​ലു​ണ്ടാ​യി​രുന്ന ഒരു നഗര​പ്ര​ദേ​ശ​ത്തു​നിന്ന്‌ (ഇന്നത്തെ ടേൽ രഹോവ്‌) ഇത്തരം തേനീ​ച്ച​ക്കൂ​ടു​ക​ളു​ടെ അവശി​ഷ്ടങ്ങൾ ധാരാ​ള​മാ​യി കണ്ടെടു​ത്തി​ട്ടുണ്ട്‌. ഇന്ന്‌ തുർക്കി എന്ന്‌ അറിയ​പ്പെ​ടുന്ന സ്ഥലത്തു​നിന്ന്‌ കൊണ്ടു​വന്ന ഒരിനം തേനീ​ച്ച​യെ​യാ​യി​രു​ന്നു സാധ്യ​ത​യ​നു​സ​രിച്ച്‌ ഇതിൽ വളർത്തി​യി​രു​ന്നത്‌.