ലൈം​ഗി​ക​ത​യും വിവാ​ഹ​വും സംബന്ധിച്ച്‌ സഭയുടെ വീക്ഷണം

ലൈം​ഗി​ക​ത​യും വിവാ​ഹ​വും വാസ്‌ത​വ​ത്തിൽ ലോക​ത്തെ​വി​ടെ​യും താല്‌പ​ര്യ​മുള്ള വിഷയ​ങ്ങ​ളാണ്‌. ഒരുപക്ഷെ, ആളുകൾ വളരെ സാധാ​ര​ണ​മാ​യി ആലോ​ച​ന​യും മാർഗ്ഗ​നിർദ്ദേ​ശ​വും തേടുന്ന മറ്റു വിഷയങ്ങൾ ഇല്ലതന്നെ. ലൈം​ഗി​ക​കാ​ര്യ​ങ്ങൾ സംബന്ധിച്ച്‌ ബൈബി​ളിന്‌ വളരെ​യ​ധി​കം പറയാ​നുണ്ട്‌, ഒരു പക്ഷെ മിക്കയാ​ളു​ക​ളും തിരി​ച്ച​റി​യു​ന്ന​തി​നേ​ക്കാ​ള​ധി​കം തന്നെ. പാശ്ചാ​ത്യ​ലോ​ക​ത്തി​ലെ പ്രധാന മതമായ റോമൻ കത്തോ​ലി​ക്കാ സഭയുടെ കാര്യ​വും അങ്ങനെ​തന്നെ.

ലൈം​ഗി​ക കാര്യങ്ങൾ സംബന്ധിച്ച്‌ അത്‌ പഠിപ്പി​ച്ചി​ട്ടുള്ള കാര്യ​ങ്ങ​ളാൽ കത്തോ​ലി​ക്കാ സഭ അതിലെ ദശലക്ഷ​ക്ക​ണ​ക്കിന്‌ വിശ്വാ​സി​ക​ളു​ടെ ജീവി​തത്തെ വളരെ​യ​ധി​കം സ്വാധീ​നി​ച്ചി​ട്ടുണ്ട്‌. വിശേ​ഷി​ച്ചും, പുരോ​ഹി​തൻമാ​രു​ടെ​യും കന്യാ​സ്‌ത്രീ​ക​ളു​ടെ​യും ജീവി​തത്തെ ബാധി​ച്ചി​രി​ക്കു​ന്നു. സഭയുടെ പഠിപ്പി​ക്ക​ലിന്‌ നല്ലതും പ്രയോ​ജ​ന​പ്ര​ദ​വു​മായ ഒരു ഫലമു​ണ്ടാ​യോ അതോ ഒരു ഹീനഫ​ല​മു​ണ്ടാ​യോ? ലൈം​ഗിക കാര്യങ്ങൾ സംബന്ധിച്ച കത്തോ​ലി​ക്കാ​സ​ഭ​യു​ടെ വീക്ഷണം ബൈബിൾ പഠിപ്പി​ക്കു​ന്ന​തി​നോട്‌ എങ്ങനെ പൊരു​ത്ത​പ്പെ​ടു​ന്നു? ഈ ലേഖന പരമ്പര ഈ വിഷയങ്ങൾ സൂക്ഷ്‌മാ​വ​ലോ​കനം നടത്തും.

ലൈം​ഗി​ക​ത​യും വിവാ​ഹ​വും സംബന്ധിച്ച റോമൻക​ത്തോ​ലി​ക്കാ​സ​ഭ​യു​ടെ മനോ​ഭാ​വം ഒരു കത്തോ​ലി​ക്കാ നിഘണ്ടു​വിൽ സൂചി​പ്പി​ച്ചി​ട്ടുണ്ട്‌, അത്‌ ഇപ്രകാ​രം പറയുന്നു: “അൾത്താ​ര​യി​ലേക്ക്‌ വിളി​ക്ക​പ്പെ​ട്ടി​രി​ക്കു​ന്ന​തു​കൊണ്ട്‌ അവർ വിവാ​ഹ​ത്തേ​ക്കാൾ വിശു​ദ്ധ​മായ ജിതേ​ന്ദ്രീയ ജീവിതം [ലൈം​ഗിക സംഭോ​ഗ​ത്തിൽനി​ന്നുള്ള സംയമം] ഉള്ളവരാ​യി​രി​ക്കണം . . . എന്നിവ​യാണ്‌ പുരോ​ഹി​തൻമാ​രു​ടെ​മേൽ ബ്രഹ്മച​ര്യം അടി​ച്ചേൽപ്പി​ക്കാൻ സഭയെ പ്രേരി​പ്പി​ച്ചി​ട്ടുള്ള തത്വങ്ങൾ.”

കത്തോ​ലി​ക്കാ ഉപദേ​ശ​മ​നു​സ​രിച്ച്‌ ലൈം​ഗിക സംഭോ​ഗ​ത്തിൽനി​ന്നുള്ള വിട്ടു​നി​ല്‌ക്കൽ “കൂടുതൽ വിശു​ദ്ധ​മാ​ണെ​ങ്കിൽ, ഇത്‌ വിവാ​ഹത്തെ എവിടെ നിർത്തും? ഇത്‌ ദീർഘ​കാ​ല​മാ​യി ചരി​ത്ര​കാ​രൻമാ​രെ കുഴച്ചി​ട്ടുള്ള ഒരു ചോദ്യ​മാണ്‌. അതു​കൊണ്ട്‌, പോൾ ജോൺസൻ എഴുതിയ ക്രിസ്‌ത്യാ​നി​ത്വ​ത്തി​ന്റെ ഒരു ചരിത്രം ഇപ്രകാ​രം ചോദി​ക്കു​ന്നു: “അതു​കൊണ്ട്‌, ബ്രഹ്മച​ര്യം മേത്തര​വും വിവാഹം നിയമാ​നു​സൃ​ത​മെ​ങ്കി​ലും കീഴ്‌ത്ത​ര​വു​മാ​ണെ​ങ്കിൽ, ലൈം​ഗി​കത യഥാർത്ഥ​ത്തിൽ തിൻമ​യാ​ണെ​ന്നും വിവാ​ഹ​ത്തിൽപോ​ലും അത്‌ ലൈസൻസുള്ള ഒരുതരം പാപം ആണെന്നും സൂചി​പ്പി​ക്കു​ന്നി​ല്ലേ?”

കന്യകാ​മ​റി​യ​ത്തോട്‌ വർദ്ധിച്ച ഭക്തി കാണി​ക്കാ​നുള്ള ജോൺ പോൾ രണ്ടാമൻ പാപ്പാ​യു​ടെ നിർബ്ബന്ധം, വിവാഹം യഥാർത്ഥ​ത്തിൽ പാപമ​ല്ലെ​ങ്കി​ലും അത്‌ അശുദ്ധ​മാ​ണെന്ന ധാരണ ലഘൂക​രി​ച്ചി​ട്ടില്ല. മറിയ​യു​ടെ നിത്യ​ക​ന്യ​കാ​ത്വം സംബന്ധിച്ച ഉപദേശം ലൈം​ഗിക ബന്ധങ്ങൾ അശുദ്ധ​മാ​ണെന്ന ആശയഗതി ചിരകാ​ലം നിലനിർത്തു​ന്നു. യേശു​വി​ന്റെ ജനന​ശേഷം പോലും വിവാ​ഹ​ന​ട​പടി ഒരു വിശുദ്ധ സ്‌ത്രീ​യെന്ന നിലയി​ലുള്ള മറിയ​യു​ടെ കീർത്തി മലീമ​സ​മാ​കാൻ ഇടയാ​ക്കു​മെന്ന്‌ ആ ഉപദേശം സൂചി​പ്പി​ക്കു​ന്നു.

“ആദിമ പാപത്തി​ന്റെ രഹസ്യ​വും” “മറിയ​യു​ടെ നിത്യ​ക​ന്യ​കാ​ത്വ​വും” ആത്മാർത്ഥ​രായ കത്തോ​ലി​ക്കരെ അലട്ടുന്ന വലിയ പ്രശ്‌ന​ങ്ങ​ളാ​യി പട്ടിക​പ്പെ​ടു​ത്തു​ന്ന​തിൽ അധികം അതിശ​യി​ക്കാ​നില്ല. “വ്യാപ​ക​മാ​യി ചോദ്യം ചെയ്യ​പ്പെ​ടുന്ന പാപ്പയു​ടെ അപ്രമാ​ദി​ത്വ​വും അവയോ​ടു​കൂ​ട്ടാൻ കഴിയും,” എന്ന്‌ കത്തോ​ലി​ക്കാ എഴുത്തു​കാ​ര​നായ ജാക്വസ്‌ ഡ്യൂക്കേൻ പ്രസ്‌താ​വി​ക്കു​ന്നു.

നിസ്സം​ശ​യ​മാ​യും, പാപ്പാ​യു​ടെ അപ്രമാ​ദി​ത്വ​ത്തിൽ കത്തോ​ലി​ക്കർക്കുള്ള വിശ്വാ​സത്തെ ഏറ്റവും അധികം തുരങ്കം വെച്ച പേപ്പൽ ഉത്തരവ്‌ ഹ്യൂമാ​നെ വിറ്റെ എന്ന ചാക്രി​ക​ലേ​ഖ​ന​മാണ്‌. പോൾ VI-ാമൻ 1968-ൽ പുറ​പ്പെ​ടു​വിച്ച ഈ കല്‌പന, ജനനനി​യ​ന്ത്ര​ണ​ത്തിന്‌ കൃത്രി​മ​മാർഗ്ഗങ്ങൾ ഉപയോ​ഗി​ക്കു​ന്ന​തി​നെ നിരോ​ധി​ക്കുന്ന ഔദ്യോ​ഗിക കത്തോ​ലി​ക്കാ ഉപദേ​ശത്തെ വീണ്ടും സ്ഥിരീ​ക​രി​ച്ചു. “ഈ ചാക്രി​ക​ലേ​ഖനം [കത്തോ​ലി​ക്ക​രു​ടെ​യി​ട​യിൽ] പ്രതി​കൂ​ല​മായ പ്രത്യാ​ഘാ​തം സൃഷ്ടിച്ചു, ആധുനിക കാലത്ത്‌ പാപ്പാ​യു​ടെ പഠിപ്പി​ക്ക​ലി​ന്റെ ആധികാ​രി​ക​ത്വം സംബന്ധിച്‌ നടന്ന ഏറ്റവും ഉഗ്രമായ ആക്രമ​ണങ്ങൾ എന്ന്‌ വർണ്ണി​ക്കാ​വു​ന്ന​വ​തന്നെ. അതു​പോ​ലെ​തന്നെ പുരോ​ഹി​തൻമാ​രു​ടെ ബ്രഹ്മച​ര്യം നിലനിർത്താ​നുള്ള അദ്ദേഹ​ത്തി​ന്റെ [പോൾ VI-ാമന്റെ] ഉറച്ച നിലപാട്‌ . . . വളരെ പരുഷ​മായ വിമർശനം ഇളക്കി​വി​ട്ടു,” എന്ന്‌ ബ്രിട്ടാ​നി​ക്കാ സർവ്വവി​ജ്ഞാ​ന​കോ​ശം പറയുന്നു.

വിവാ​ഹ​വും പുരോ​ഹി​തൻമാ​രു​ടെ ബ്രഹ്മച​ര്യ​വും സംബന്ധിച്ച റോമൻ കത്തോ​ലി​ക്കാ സഭയുടെ വീക്ഷണങ്ങൾ കത്തോ​ലി​ക്കർക്ക്‌ പ്രശ്‌നങ്ങൾ സൃഷ്ടി​ച്ചി​രി​ക്കു​ന്നു​വെ​ന്നു​ള്ളത്‌ സ്‌പഷ്ട​മാണ്‌. സഭ സ്വയം ഈ പ്രശ്‌നങ്ങൾ സൃഷ്ടി​ച്ചി​രി​ക്കു​ന്ന​തെ​ന്തു​കൊണ്ട്‌? പുരോ​ഹി​തൻമാ​രു​ടേ​യും കന്യാ​സ്‌ത്രി​ക​ളു​ടേ​യും മേൽ ബ്രഹ്മച​ര്യം അടി​ച്ചേൽപ്പി​ക്കു​ന്ന​തി​ലേ​ക്കും മറിയ​യു​ടെ നിത്യ​ക​ന്യ​കാ​ത്വം മുറുകെ പിടി​ക്കു​ന്ന​തി​ലേ​ക്കും അതിനെ നയിച്ച​തെന്ത്‌? (g85 11/8)