“മറിയ​യു​ടെ നിത്യ​ക​ന്യ​കാ​ത്വം” അതിന്റെ സ്വാധീ​നം

“കത്തോ​ലി​ക്കാ​സഭ—ലൈം​ഗി​ക​ത​യോ​ടുള്ള അതിന്റെ വീക്ഷണം” എന്ന പൊതു വിഷയ​ത്തിൻകീ​ഴിൽ “മറിയ​യു​ടെ നിത്യ​ക​ന്യ​കാ​ത്വം” എന്ന വിഷയം പരിചി​ന്തി​ക്കു​ന്ന​തു് കാണു​ക​യിൽ ചില വായന​ക്കാർ ആശ്ചര്യ​പ്പെ​ട്ടേ​ക്കാം, ഞെട്ടി​പ്പോ​യേ​ക്കാം. ഞങ്ങളുടെ ലക്ഷ്യം ഒരിക്ക​ലും കത്തോ​ലി​ക്കരെ വ്രണ​പ്പെ​ടു​ത്തു​ക​യോ മറിയയെ അപകീർത്തി​പ്പെ​ടു​ത്തു​ക​യോ ചെയ്യുക എന്നല്ല. ക്രിസ്‌തു​വി​ന്റെ വിശ്വസ്‌ത ശിഷ്യൻമാ​രിൽ ഒരാളെന്ന നിലയിൽ ഞങ്ങൾക്കു് വാസ്‌ത​വ​ത്തിൽ അവളോ​ടു് വലിയ ബഹുമാ​നം ഉണ്ടു്.

അതിലു​പ​രി, മറിയ യേശു​വി​നെ പ്രസവി​ച്ച​പ്പോൾ അവൾ ഒരു കന്യക​യാ​യി​രു​ന്നു എന്നതി​നോ​ടു് ഞങ്ങൾ പൂർണ്ണ​മാ​യി യോജി​ക്കു​ന്നു. (മത്തായി 1:18-23) മറിയ തന്റെ ഭൗമി​ക​ജീ​വി​ത​കാ​ല​ത്തു​ട​നീ​ളം ഒരു കന്യക​യാ​യി തുടർന്നു​വോ എന്നതാ​ണു് ചോദ്യം?

പല കത്തോ​ലി​ക്ക​രും സംശയ​ത്തി​ലാ​ണു്

മറിയ അവളുടെ ജീവിത കാലം മുഴുവൻ ഒരു കന്യക​യാ​യി തുടർന്നു​വോ എന്നതു സംബം​ന്ധി​ച്ചു് കത്തോ​ലി​ക്ക​രായ പണ്ഡിതൻമാർക്കു് സംശയ​ങ്ങ​ളു​ണ്ടെന്നു കത്തോ​ലി​ക്കാ പരാമർശ ഗ്രൻഥങ്ങൾ വെളി​പ്പെ​ടു​ത്തു​ന്നു. ബൈബിൾ തന്നെയും അനേകം പ്രാവി​ശ്യം യേശു​വി​ന്റെ “സഹോ​ദ​രൻമാ​രെ​യും” “സഹോ​ദ​രി​മാ​രെ​യും” പരാമർശി​ക്കു​ന്നു. (മത്തായി 12:46, 47; 13:55, 56; മർക്കോസ്‌ 6:3; ലൂക്കൊസ്‌ 8:19, 20; യോഹ​ന്നാൻ 2:12; 7:3, 5) എന്നിരു​ന്നാ​ലും ഈ വാക്കുകൾ മച്ചുനൻമാ​രേ​പ്പോ​ലുള്ള “ബന്ധുക്കളെ” അർത്ഥമാ​ക്കു​ന്ന​വെ​ന്നു് ചില കത്തോ​ലി​ക്കർ അവകാ​ശ​പ്പെ​ടു​ന്നു. ഇതു് സത്യമാ​ണോ?

ദ ന്യൂ കത്തലിക്‌ എൻ​സൈ​ക്ലോ​പ്പീ​ഡിക ഇപ്രകാ​രം പറയുന്നു. “യേശു​വും അവന്റെ ഈ ചാർച്ച​ക്കാ​രും തമ്മിലുള്ള ബന്ധം സൂചി​പ്പി​ക്കാൻ ഉപയോ​ഗി​ച്ചി​രുന്ന . . . ഗ്രീക്കു​വാ​ക്കു​കൾക്കു് സുവി​ശേ​ഷ​കന്റെ കാലത്തെ ഗീക്കു് സംസാ​രി​ക്കുന്ന ലോക​ത്തിൽ രക്തബന്ധ​മുള്ള സഹോ​ദരൻ എന്നും സഹോ​ദരി എന്നും ആണു അർത്ഥമു​ള്ള​തു്, ഗ്രീക്കു വായന​ക്കാർ സ്വാഭാ​വി​ക​മാ​യും ആ അർത്ഥത്തി​ലേ എടുക്കു​മാ​യി​രു​ന്നു​ള്ളു. “കൂടാതെ, യേശു​വി​ന്റെ സഹോ​ദ​രൻമാ​രെ​യും സഹോ​ദ​രി​മാ​രെ​യും പരാമർശി​ച്ചി​ട്ടുള്ള മർക്കോസ്‌ 6:1-6ന്റെ ഒരു അടിക്കു​റി​പ്പിൽ ഒരു കത്തോ​ലി​ക്കാ പരിഭാ​ഷ​യായ ദ ന്യൂ അമേരി​ക്കൻ ബൈബിൾ ഇപ്രകാ​രം സമ്മതി​ക്കു​ന്നു: “മയിയ​യു​ടെ നിത്യ​ക​ന്യ​കാ​ത്വം എന്ന സഭയുടെ വിശ്വാ​സം ഇല്ലായി​രു​ന്നെ​ങ്കിൽ ഇവിടെ അർത്ഥം സംബന്ധി​ച്ചു് പ്രശ്‌നം പൊന്തി​വ​രു​ക​യി​ല്ലാ​യി​രു​ന്നു.”

മറിയ​ക്കു് യേശു​വി​നു​പു​റമേ മറ്റ്‌ മക്കൾ ഉണ്ടായി​രു​ന്നു​വെ​ന്നു് ബൈബിൾ വ്യക്തമാ​യി തെളി​യി​ക്കു​ന്നു. ഇല്ലായി​രുന്ന എന്ന കത്തോ​ലി​ക്കാ സഭയുടെ പഠിപ്പി​ക്ക​ലാ​ണു് ഒരു വിവാദം സൃഷ്ടി​ച്ചി​രി​ക്കു​ന്ന​തു്. ഈ വിഷയ​ത്തിൽ തിരു​വെ​ഴു​ത്തു​പ​ര​മായ എല്ലാ തെളി​വു​ക​ളും പൂർണ്ണ​മാ​യി പരി​ശോ​ധി​ച്ച​ശേഷം കത്തോ​ലി​ക്കാ എഴുത്തു​കാ​ര​നായ ജെ. ഗിൽസ്‌ ഇപ്രകാ​രം നിഗമ​ന​ത്തി​ലെത്തി: “കത്തോ​ലി​ക്കാ സഭയിൽ വിശ്വ​സി​ച്ചു​കൊ​ണ്ടു തന്നെ, ചുരുക്കി അളന്നു​കു​റിച്ച ഭാഷയിൽ എനിക്കു് എന്റെ സൂക്ഷ്‌മ​പ​രി​ശോ​ധന ഇപ്രകാ​രം ഉപസം​ഗ്ര​ഹി​ക്കാ​മെ​ന്നു് ഞാൻ വിശ്വ​സി​ക്കു​ന്നു . . . കാനോ​നിക നാലു സുവി​ശേ​ഷ​ങ്ങ​ളും . . . യേശു​വി​നു് അവന്റെ കുടും​ബ​ത്തിൽ യഥാർഥ സഹോ​ദ​രൻമാ​രും സഹോ​ദ​രി​മാ​രും ഉണ്ടായി​രു​ന്നു എന്നുള്ള​തി​നു് പരസ്‌പരം പൊരു​ത്ത​മുള്ള തെളിവു നൽകുന്നു . . . പരസ്‌പരം പൊരു​ത്ത​മുള്ള തെളി​വു​ക​ളു​ടെ ആ നിരയെ അവഗണി​ച്ചുള്ള (കത്തോ​ലി​ക്കാ സഭയുടെ) പരമ്പരാ​ഗ​ത​മായ നിലപാ​ടു് ആക്രമ​ണ​വി​ധേ​യ​വും ദുർബ​ല​വും ആണെന്നു് തോന്നു​ന്നു.”

അതു​കൊ​ണ്ടു് ബൈബിൾ “മറിയ​യു​ടെ നിത്യ​കാ​ന്യാ​കാ​ത്വ”ത്തിനു് ഒരു തെളി​വും നൽകു​ന്നി​ല്ലെ​ങ്കിൽ എവിടെ ഉത്ഭവിച്ചു?

വിശ്വാ​സ​ത്തി​ന്റെ ഉത്ഭവം

“നിരവധി പുരാതന മതങ്ങളിൽ കന്യകാ​ത്വ​ത്തി​നു് ഒരു വിശുദ്ധ മൂല്യം ഉണ്ടായി​രു​ന്നു. ചില ദോവ​ത​മാർ (അനാഥ്‌, അർഥമിസ്‌, അഥീന) കന്യക​മാർ എന്നു വിളി​ക്ക​പ്പെ​ട്ടി​രു​ന്നു.” എന്നു് ജെസൂട്ട്‌ പുരോ​ഹി​ത​നായ ഇഗ്നേസ്‌ ഡി ലാ പോ​റേറ്റി പ്രസ്‌താ​വി​ക്കു​ന്നു. എങ്കിലും അതിനു് മറിയ​യു​മാ​യി എന്തു ബന്ധമാ​ണു​ള്ള​തു്? കത്തോ​ലി​ക്കാ പുരോ​ഹി​ത​നായ ആൻഡ്രൂ ഗ്രീലെ ഇപ്രകാ​രം പ്രസ്‌താ​വി​ക്കു​ന്നു: “മറിയ​യു​ടെ ചിഹ്നം ക്രിസ്‌ത്യാ​നി​ത്വ​ത്തെ ദേവത​മാ​രു​ടെ പുരാ​ത​ന​മ​ത​ങ്ങ​ളോ​ടു് നേരി​ട്ടു് ബന്ധിപ്പി​ക്കു​ന്നു.”

സഭാച​രി​ത്ര പ്രൊ​ഫ​സ​റായ ഏണസ്റ്റ്‌ ഡബ്‌ൾയൂ ബെൻസ്‌ പുരാതന പുറജാ​തി മതങ്ങ​ളോ​ടുള്ള ഈ ബന്ധത്തേ​ക്കു​റി​ച്ചു് വിമർശി​ച്ചു പറയുന്നു. അദ്ദേഹം പുതിയ ബ്രിട്ടാ​നി​ക്കാ സർവ്വവി​ജ്ഞാ​ന​കോ​ശ​ത്തിൽ ഇപ്രകാ​രം എഴുതി: “ക്രിസ്‌തീയ സഭ കോൺസ്റ്റൻറന്റെ കീഴിൽ സംസ്ഥാ​ന​മ​ത​മാ​യി​ത്തീ​രു​ക​യും പുറജാ​തി​കൾ കൂട്ട​ത്തോ​ടു് സഭയി​ലേ​ക്കു് ഒഴുകു​ക​യും ചെയ്‌ത​പ്പോൾ ദൈവ മാതാ​വി​നെ വണങ്ങു​ന്ന​തി​നു് പ്രചോ​ദനം ലഭിച്ചു . . . ആയിര​ക്ക​ണ​ക്കി​നു് വർഷങ്ങൾകൊ​ണ്ടു് “അമ്മയാം ദേവത​യു​ടെ​യും ‘ദിവ്യ​ക​ന്യ​ക​യു​ടെ​യും മതനി​ഷ്‌ഠ​ക​ളി​ലൂ​ടെ (ആളുക​ളു​ടെ) ദൈവ​ഭ​ക്തി​യും മതബോ​ധ​വും രൂപീ​ക​രി​ക്ക​പ്പെ​ട്ടി​രി​ന്നു, പണ്ടു് ബാബി​ലോ​ണി​യാ​യി​ലേ​യും അസ്സീറി​യാ​യീ​ലേ​യും പ്രശസ്‌ത​മ​ത​ങ്ങ​ളിൽ തുടങ്ങി ഇന്നോളം എത്തിയ ഒരു വികസനം തന്നെ . . . സുവി​ശേ​ഷ​ങ്ങ​ളു​ടെ പാരമ്പ​ര്യ​ത്തിൽ പ്രതി​കൂ​ല​മായ മുൻഭാ​വ​നകൾ ഗണ്യമാ​ക്കാ​തെ, ദിവ്യ​ക​ന്യ​ക​യു​ടെ​യും മാതാ​വി​ന്റെ​യും വണക്കത്തി​നു് ക്രിസ്‌തീയ സഭക്കു​ള്ളിൽ മറിയാ​രാ​ധ​ന​യിൽ ഒരു പുതിയ സാദ്ധ്യത കണ്ടെത്തി.”

എന്നാൽ “അമ്മയാം” ദേവത​യു​ടെ​യും “ദിവ്യ​ക​ന്യക”യുടെ​യും മതനിഷ്‌ഠ സ്വീക​രി​ക്കു​ന്ന​തി​നും അനുരൂ​പ​പ്പെ​ടു​ത്തു​ന്ന​തി​നും കത്തോ​ലി​ക്കാ സഭയെ പ്രേരി​പ്പി​ച്ച​തെ​ന്താ​ണു്? ഒരു സംഗതി, സഭയി​ലേ​ക്കു് വന്നു​കൊ​ണ്ടി​രുന്ന “പുറജാ​തി​ജ​നങ്ങൾ” അതു് ആഗ്രഹി​ച്ചു, ഒരു ‘വലിയ കന്യകാ​മ​താ​വി​നെ’ വണങ്ങുന്ന ഒരു സഭയിൽ അവർക്കു് ഒരു വീട്ടിലെ പ്രതീതി അനുഭ​വ​പ്പെട്ടു. “ഈജി​പ്‌തിൽ ആദിമ ഘട്ടത്തിൽ ദൈവ​മ​താ​വു് (ത്രി​യോ​റ്റോ​ക്കോസ്‌) എന്ന പേരിൽ മറിയയെ ആരാധി​ച്ചി​രുന്ന”തായി പ്രൊ​ഫസ്സർ ബെൻസ്‌ കുറി​ക്ക​ള്ളു​ന്നു. അതു​കൊ​ണ്ടു് “ദിവ്യ​ക​ന്യക” യുടെ മതാനു​ഷ്‌ഠാ​നം സഭയി​ലേ​ക്കു് ഒഴുകി​വ​ന്നു​കൊ​ണ്ടി​രുന്ന “പുറജാ​തി​ജ​ന​ങ്ങളെ” സഹായി​ക്കു​ന്ന​തി​നാ​യി സ്വീക​രി​ക്ക​പ്പെട്ടു.

മറിയയെ വണങ്ങു​ന്ന​തി​നുള്ള പ്രചോ​ദനം പൊ.യു. 325-ലെ ഒന്നാമ​തു് നിഖ്യാ സുന്നഹ​ദോ​സിൽ പ്രദാനം ചെയ്യ​പ്പെട്ടു. എങ്ങനെ? കൊള്ളാം, നിഖ്യാ​വി​ശ്വ​വാ​സ​പ്ര​മാ​ണം യേശു ദൈവ​മാ​ണെ​ന്നു് പ്രഖ്യ​പി​ച്ചു​കൊ​ണ്ടു് ത്രി​ത്വോ​പ​ദേശം അവി​ടെ​വെ​ച്ചു് ഒരു കത്തോ​ലി​ക്കാ ഉപദേ​ശ​മാ​യി അംഗീ​ക​രി​ക്ക​പ്പെട്ടു. ഇതു് മറിയയെ “ദൈവ​മാ​താവ്‌”ആക്കി. പ്രോ​ഫസ്സർ ബെൻസ്‌ പറഞ്ഞ പ്രകാരം: “എഫേ​സോസ്‌ സുന്നഹ​ദോസ്‌ (431) ഈ പദവിയെ വിശ്വാ​സ​പ്ര​മാ​ണ​ത്തി​ന്റെ ഒരു നിലവാ​ര​ത്തി​ലേ​ക്കു് ഉയർത്തി.” അടുത്ത പടി മറിയയെ ഒരു “നിത്യ​ക​ന്യക”യാക്കുക എന്നതാ​യി​രു​ന്നു. കോൺസ്റ്റാൻറി​നോ​പ്പി​ളിൽ പൊ.യു. 553-ൽ നടന്ന രണ്ടാം സുന്നഹ​ദോ​സിൽവെ​ച്ചു് മറിയ​ക്കു് “നിത്യ​ക​ന്യക” എന്ന സ്ഥാനപ്പേർ നൽക​പ്പെ​ട്ട​പ്പോൾ ഇതു സംഭവി​ച്ചു.

ഉപദേ​ശ​ങ്ങ​ളു​ടെ പരിണി​ത​ഫ​ല​ങ്ങൾ

എയ്‌ൽ പ്രൊ​ഫ​സ്സ​റായ ജെ. ജെ. പെലികൻ ഇപ്രകാ​രം എഴുതു​ന്നു: “സഭയിൽ സന്യാസ-ആദർശ​ത്തി​ന്റെ വളർച്ച മറിയ ആജീവനന്ത കന്യകാ​ത്വ​ത്തി​ന്റെ മാതൃ​ക​യാ​ണെ​ന്നുള്ള ഈ വീക്ഷണത്തെ പിന്താ​ങ്ങാൻ സഹായി​ച്ചു.” നിഖ്യയെ തടർന്നു വന്ന നൂറ്റാ​ണ്ടു​ക​ളിൽ ആശ്രമ​ജീ​വി​ത​വും ബ്രഹ്മച​ര്യ​വും വികാസം പ്രാപി​ക്കു​ന്ന​തിൽ ഈ സന്യാസ-ആദർശം വ്യക്തമാ​യി​രു​ന്നു. ലക്ഷക്കണ​ക്കി​നു് കത്തോ​ലി​ക്കാ പുരോ​ഹി​തൻമാ​രും സന്യാ​സി​മാ​രും കന്യാ​സ്‌ത്രീ​ക​ളും ജിതേ​ന്ദ്രീ​യ​ജീ​വി​തം നയിക്കാൻ കഠിന ശ്രമം ചെയ്യു​ക​യു​ണ്ടാ​യി—ചിലർ വിജയി​ച്ചി​ട്ടു​ണ്ടു്. അനേക​രും പരാജ​യ​പ്പെട്ടു—കാരണം സഭ ലൈം​ഗി​ക​ത​യും വിശു​ദ്ധി​യും പൊരു​ത്ത​മി​ല്ലാ​ത്ത​വ​യാ​ണെ​ന്നു് പഠിപ്പി​ച്ചി​രു​ന്നു.

സഭയുടെ പ്രമുഖ പ്രമാ​ണി​ക​നായ “വിശുദ്ധ” അഗസ്‌തീൻ “ആദിമ പാപം ലൈം​ഗിക ഭോ​ഗേ​ച്ഛ​യാ​യി തിരി​ച്ച​റി​യി​ച്ചു” എന്നതു് പ്രാധാ​ന്യ​മർഹി​ക്കു​ന്നു. ആധുനി​ക​നാ​ളി​ലെ മിക്ക കത്തോ​ലി​ക്കാ വേദശാ​സ്‌ത്ര പണ്ഡിത​രും ഈ വ്യാഖ്യാ​നം സമ്മതി​ച്ചു​കൊ​ടു​ക്കു​ന്നി​ല്ലെ​ന്നു​ള്ള​തു് സത്യം തന്നെ. എങ്കിലും മറിയ​യു​ടെ നിത്യ​ക​ന്യ​കാ​ത്വം എന്ന ഉപദേ​ശ​വും പുരോ​ഹി​തൻമാർക്കുള്ള നിർബി​ന്ധിത ബ്രഹ്മച​ര്യ​ത്തി​ന്റെ നിയമ​വും ലൈം​ഗി​കത അശുദ്ധ​മാ​ണെന്ന ധാരണ സൃഷ്ടി​ക്കു​ന്നി​ല്ലേ? വിവാ​ഹ​മോ​ച​ന​വും ജനന നിയ​ന്ത്ര​ണ​വും സംബന്ധിച്ച വത്തിക്കാ​ന്റെ ആവർത്തി​ച്ചുള്ള നയവും ദശലക്ഷ​ക്ക​ണ​ക്കി​നു് കത്തോ​ലി​ക്കർക്കു് പ്രശ്‌നം വർദ്ധി​പ്പി​ച്ചി​ട്ടി​ല്ലേ?

അധികം പ്രധാ​ന​മാ​യി, ലൈം​ഗി​ക​വി​ഷ​യങ്ങൾ സംബന്ധിച്ച ബൈബി​ളി​ന്റെ വീക്ഷണം എന്താണു്?

[8-ാം പേജിലെ ആകർഷ​ക​വാ​ക്യം]

“കാനോ​നി​ക​മായ നാലു സുവി​ശേ​ഷ​ങ്ങ​ളും . . . യേശു​വി​നു് യഥാർത്ഥ സഹോ​ദ​രൻമാ​രും സഹോ​ദ​രി​മാ​രും ഉണ്ടായി​രു​ന്നു എന്നുള്ള​തി​നു് തെളിവു നൽകുന്നു.”—കത്തോ​ലി​ക്കാ എഴുത്തു​കാ​രൻ