ജിപ്‌സി​കൾ—അവർ തെറ്റി​ദ്ധ​രി​ക്ക​പ്പെ​ടു​ക​യാ​ണോ?

ബ്രിട്ടനിലെ “ഉണരുക!” ലേഖകൻ

“ജിപ്‌സി​കൾ ഇവിടെ എത്തിയി​രി​ക്കു​ന്നു!” അത്തരം വാർത്ത ചുരുക്കം ചില അയൽക്കാ​രേ സ്വാഗതം ചെയ്യു​ക​യു​ള്ളു. അനേക​രും ജിപ്‌സി​കളെ കള്ളൻമാർ, സാമൂ​ഹ്യ​വി​രു​ദ്ധർ ആയി വീക്ഷി​ക്കു​ന്നു.a അവർ അടുക്കും ചിട്ടയു​മി​ല്ലാ​ത്ത​തും മലിന​മാ​യ​തു​മായ കൂടാ​ര​ങ്ങ​ളിൽ താമസി​ച്ചു​കൊണ്ട്‌ അയൽവാ​സി​ക​ളിൽ നേത്ര​രോ​ഗം പരത്തു​ന്ന​താ​യി കുറ്റം ചുമത്ത​പ്പെ​ടു​ന്നു. എന്നിരു​ന്നാ​ലും, വെറു​പ്പി​ന്റെ ഈ വികാരം തികച്ചും രണ്ടു കൂട്ടരി​ലു​മുണ്ട്‌. തീർച്ച​യാ​യും ജിപ്‌സി​കൾ മറ്റുള്ള​വരെ ജാജി അഥവാ ജോർജി​യോസ്‌ എന്നു വിളി​ക്കു​ന്നു. ഈ വാക്കു​ക​ളും അവയുടെ വ്യത്യസ്‌ത രൂപ​ഭേ​ദ​ങ്ങ​ളും “കിരാ​തൻമാർ” എന്നു അർത്ഥമാ​ക്കു​ന്നു.

എന്നിരു​ന്നാ​ലും ജിപ്‌സി​കൾ ആരാണ്‌? അവർക്ക്‌ സ്ഥിരതാ​മ​സ​ക്കാ​രു​ടെ സമൂഹ​വു​മാ​യി സ്‌നേ​ഹ​ബന്ധം സ്ഥാപി​ക്കു​ന്ന​തി​നു ഇത്ര പ്രയാ​സ​മാ​യി​രി​ക്കു​ന്ന​തെ​ന്തു​കൊണ്ട്‌? അവർ യഥാർത്ഥ​ത്തിൽ സാമൂ​ഹ്യ​വി​രു​ദ്ധർ ആണോ?, അഥവാ, ഒരു പക്ഷെ, കേവലം തെറ്റി​ദ്ധ​രി​ക്ക​പ്പെ​ടു​ക​യാ​ണോ?

അവരുടെ ദുർജ്ഞേ​യ​മായ ചരിത്രം

പൊതു​വായ അർത്ഥത്തിൽ “ജിപ്‌സി” എന്ന ഇംഗ്ലീഷ്‌ വാക്കിന്റെ അർത്ഥം “അലഞ്ഞു തിരി​യുന്ന സ്വഭാ​വ​മോ ഉത്ഭവമോ ഉള്ള ഒരു വ്യക്തി” എന്നാണ്‌. എന്നിരു​ന്നാ​ലും യഥാർത്ഥ ജിപ്‌സി​കൾ തങ്ങൾക്കു സ്വന്തമാ​യി ഒരു ഭാഷയുള്ള ജനങ്ങളു​ടെ ഒരു വർഗ്ഗമാണ്‌. അവർ തങ്ങളെ​ത്തന്നെ “മനുഷ്യൻ” എന്നു തങ്ങളുടെ ഭാഷയിൽ അർത്ഥം വരുന്ന റോം എന്നു വിളി​ക്കു​ന്നു. ഇതിൽനി​ന്നു നമുക്കു ജിപ്‌സി​യു​ടെ മറ്റൊരു പേരായ “റൊമാ​നി” എന്ന പദം ലഭിക്കു​ന്നു. എന്നിരു​ന്നാ​ലും ജിപ്‌സി​ക​ളു​ടെ ഉത്ഭവം വളരെ നാളു​ക​ളോ​ളം ഒരു വിഷമ പ്രശ്‌ന​മാ​യി​രു​ന്നു.

“ജിപ്‌സി” എന്ന പദം തന്നെ “ഈജി​പ്‌ഷ്യൻ” എന്ന വാക്കിൽ നിന്നാണ്‌ ഉണ്ടായത്‌. എന്നാൽ ഒരിക്കൽ അവർ അപ്രകാ​രം അവകാ​ശ​പ്പെ​ട്ടെ​ങ്കി​ലും അവർ ഈജി​പ്‌റ്റിൽ ഉത്ഭവിച്ചു എന്നത്‌ അങ്ങേയറ്റം അസംഭ​വ്യ​മാണ്‌. 1780-കളോ​ട​ടുത്ത്‌ ഭാഷാ​തത്വ ശാസ്‌ത്ര​ജ്ഞ​നാ​യി​രുന്ന ഗ്രിൽമാൻ ജിപ്‌സി​ക​ളു​ടെ റൊമാ​നി ഭാഷയും വടക്കെ ഇൻഡ്യ​യി​ലെ ഇൻഡോ—ആര്യൻ ഭാഷക​ളും തമ്മിലുള്ള അതിശ​യ​ക​ര​മായ സാമ്യം കുറി​ക്കൊ​ണ്ടു. അദ്ദേഹ​ത്തി​ന്റെ പഠനങ്ങൾ ജിപ്‌സി​യു​ടെ മാതൃ​രാ​ജ്യം ഇൻഡ്യ ആയിരു​ന്നു എന്ന നിഗമ​ന​ത്തിൽ അദ്ദേഹത്തെ എത്തിച്ചു. ഇന്നു ഇതു പൊതു​വെ യാഥാർത്ഥ്യ​മാ​യി സ്വീക​രി​ച്ചി​രി​ക്കു​ന്നു. എന്നിരു​ന്നാ​ലും, എപ്പോൾ എന്തിനു തങ്ങളുടെ പാശ്ചാത്യ കുടി​യേറ്റം ആരംഭി​ച്ചു എന്നതു ദുർജ്ഞേ​യ​മാ​യി​ത്തന്നെ സ്ഥിതി​ചെ​യ്യു​ന്നു. ജിപ്‌സി​കൾ തന്നെ ഒരിക്ക​ലും എഴുത​പ്പെട്ട രേഖകൾ സൂക്ഷി​ക്കു​ന്ന​വ​രാ​യി​രു​ന്നി​ട്ടി​ല്ലാ​ത്ത​തി​നാൽ അവർ പ്രവാ​സി​ക​ളാ​യി​രുന്ന രാഷ്‌ട്ര​ങ്ങ​ളി​ലെ ചരി​ത്രാ​ഖ്യാ​ന​ങ്ങ​ളിൽ മാത്ര​മാണ്‌ അവരുടെ ചരി​ത്ര​പ​ര​മായ രേഖകൾ കണ്ടെത്തു​ന്നത്‌.

അത്തരം രേഖകൾ ജിപ്‌സി​കളെ അതിഥി​ക​ളാ​യി സ്വാഗതം ചെയ്‌തി​രു​ന്നില്ല എന്നു വെളി​പ്പെ​ടു​ത്തു​ന്നു. തീർച്ച​യാ​യും, അവരുടെ അല്ലലി​ല്ലാത്ത ജീവിത രീതി​യും—ചില​പ്പോ​ഴെ​ല്ലാ​മുള്ള അത്ത്യാർത്തി​യും—മിക്ക​പ്പോ​ഴും പ്രകട​മായ പീഡന​ത്തി​നു കാഞ്ചി വലിച്ചി​രു​ന്നു. 16-ാം നൂറ്റാ​ണ്ടിൽ, ഇംഗ്ലണ്ട്‌ അവരോ​ടു പുറത്തു​പോ​കാൻ കല്‌പി​ച്ചു, ആരെങ്കി​ലും അവശേ​ഷി​ച്ചാൽ അവർ വധിക്ക​പ്പെ​ടു​മെ​ന്നും പ്രഖ്യാ​പി​ച്ചു! ഇപ്പോൾ റൊമാ​നി​യാ ആയിരു​ന്നി​ട​ത്തും ജിപ്‌സി​കൾ അതു​പോ​ലെ​തന്നെ മോശ​മാ​യി കഴിഞ്ഞു​കൂ​ടി. അവിടെ അവരെ 19-ാം നൂറ്റാ​ണ്ടി​ന്റെ മദ്ധ്യം വരെ അടിമ​ക​ളെ​പ്പോ​ലെ വാങ്ങു​ക​യും വിൽക്കു​ക​യും ചെയ്‌തി​രു​ന്നു. 1726-ൽ ജർമ്മനി​യി​ലെ ചാൾസ്‌ VI-ാമൻ ചക്രവർത്തി ജിപ്‌സി പുരു​ഷൻമാ​രെ തൂക്കി​ക്കൊ​ല്ലാൻ കൽപ്പിച്ചു. അവരുടെ സ്‌ത്രീ​ക​ളും കുട്ടി​ക​ളും മടങ്ങി​വ​രാൻ തുനി​യു​ന്നെ​ങ്കിൽ എളുപ്പം തിരി​ച്ച​റി​യ​ത്ത​ക്ക​വണ്ണം അവരുടെ കാതുകൾ അറുത്തു​ക​ള​യു​ക​യും വേണം എന്നും കൽപ്പിച്ചു. ഫ്രാൻസി​ലും ജർമ്മനി​യി​ലും ഡെൻമാർക്കി​ലും സ്വീഡ​നി​ലും ജിപ്‌സി​കളെ പട്ടികളെ വിട്ട്‌ ഓടി​ക്ക​യും “വിനോ​ദ​ത്തി​നു” വേണ്ടി മാനു​ക​ളെ​പ്പോ​ലെ വേട്ടയാ​ടു​ക​യും ചെയ്‌തു.

ആധുനിക നാളിൽ എന്ത്‌? നാസി ഭരണകൂ​ടം ജിപ്‌സി​കളെ “ജനങ്ങളു​ടെ ശത്രുക്കൾ” എന്നു മുദ്ര​കു​ത്തു​ക​യും അവരെ ഉൻമൂ​ല​നാ​ശം ചെയ്യു​ക​യും ചെയ്‌തു. 4,00,000 ത്തിൽപരം പേർ നശിപ്പി​ക്ക​പ്പെട്ടു.

ഇന്ന്‌ അവരുടെ ജീവിതം

അതി​ഘോ​ര​മായ പീഡന​ത്തി​ന്റെ ഈ ചരി​ത്ര​മു​ണ്ടെ​ങ്കി​ലും ജിപ്‌സി​കൾ ഇന്ന്‌ യൂറോ​പ്പി​ലും ഐക്യ​നാ​ടു​ക​ളി​ലും തെക്കെ അമേരി​ക്ക​യി​ലും ആസ്‌ട്ര​ലി​യ​യി​ലും തഴച്ചു വളരുന്നു. വ്യത്യ​സ്‌ത​രും ചിതറി​ക്കി​ട​ക്കു​ന്ന​വ​രു​മായ ഈ ആളുക​ളു​ടെ ഒരു പൊതു​ഭാ​ഷ​യും മാറി​മാ​റി​ത്താ​മ​സി​ക്കു​ന്ന​തി​നുള്ള ഒടുങ്ങാത്ത പ്രേര​ണ​യും കൂടാ​ര​ത്തി​നു ചുറ്റു​മാ​യി കാത്തു സൂക്ഷി​ക്ക​പ്പെ​ടുന്ന ഒരു അലിഖിത സംസ്‌കാ​ര​വും തങ്ങൾ ഒരു ഉന്നത ജനതയാ​ണെ​ന്നുള്ള വിശ്വാ​സ​വും അവരുടെ തിരി​ച്ച​റി​യി​ക്കൽ നിലനിർത്തു​ന്ന​തി​നു സഹായി​ച്ചി​രി​ക്കു​ന്നു. എന്നിരു​ന്നാ​ലും കാലം ചില മാറ്റങ്ങൾ പ്രാവർത്തി​ക​മാ​ക്കി​യി​രി​ക്കു​ന്നു.

അവരിൽ ചിലർക്ക്‌ സ്ഥിരതാ​മ​സ​മാ​ക്കു​ന്ന​തി​നുള്ള ചായ്‌വ്‌ വളർന്നു വരുന്നു​ണ്ടെ​ങ്കി​ലും ഇപ്പോ​ഴും ആയിരങ്ങൾ റോഡിൽകൂ​ടെ സഞ്ചരി​ക്കു​ന്നു. എങ്കിലും കുതി​രകൾ വലിക്കുന്ന തങ്ങളുടെ വർണ്ണപ​കി​ട്ടാർന്ന വാർഡോ​ക​ളിൽ അപ്രകാ​രം സഞ്ചരി​ക്കു​ന്നവർ കുറഞ്ഞു കുറഞ്ഞു വരുന്നു. പശ്ചിമ യൂറോ​പ്പിൽ മിക്ക ജിപ്‌സി​ക​ളും മോ​ട്ടോർ വാഹനങ്ങൾ ഉപയോ​ഗി​ക്കു​ന്നു; അതിന്റെ ഫലമായി അവരുടെ കാവ്യാ​ത്മ​ക​മായ മുൻ പ്രതി​ച്ഛായ മിക്കവാ​റും നഷ്ടപ്പെ​ട്ടി​രി​ക്കു​ന്നു. എന്നിരു​ന്നാ​ലും കിഴക്കൻ യൂറോ​പ്പി​ലും സ്‌പെ​യി​നി​ലും പുരാതന സംസ്‌ക്കാ​രം തങ്ങിനിൽക്കു​ന്നു. നൃത്തം, സംഗീതം, ഭാഗ്യം​പ​റ​ച്ചിൽ, കരടി വളർത്തൽ, കുതി​ര​ക്ക​ച്ച​വടം, ജിപ്‌സി​ക​ളു​ടെ സ്വന്തം അതുല്യ​മായ വിധത്തിൽ ഒരു ജീവിതം നയിക്കൽ മുതലാ​യവ. അങ്ങനെ ഇപ്പോ​ഴും ആയിര​ക്ക​ണ​ക്കി​നു കാഴ്‌ച​ക്കാർക്ക്‌ സ്‌പാ​നിഷ്‌ ജിപ്‌സി​ക​ളു​ടെ പ്രസരി​പ്പുള്ള ഫ്‌ളാ​മെൻകൊ നൃത്തത്തി​ലും അയാളു​ടെ ഹങ്കേറി​യൻ സഹോ​ദ​രന്റെ ഹൃദയ​ഹാ​രി​യായ സംഗീ​ത​ത്തി​ലും പുളകം കൊള്ളാൻ കഴിയും!

അതിരറ്റ പീഡനം അവസാ​നി​ച്ചെ​ങ്കി​ലും, ജിപ്‌സി മിക്ക​പ്പോ​ഴും ക്ലേശം അനുഭ​വി​ക്കു​ന്നു. ദൃഷ്ടാ​ന്ത​ത്തി​നു, ബ്രിട്ടീഷ്‌ ഗവൺമെൻറി​ന്റെ 1982-ലെ റിപ്പോർട്ട​നു​സ​രി​ച്ചു, “ഇംഗ്ലണ്ടി​ലും വെയ്‌ൽസി​ലും 8-9,000 ത്തോളം ജിപ്‌സി കുടും​ബങ്ങൾ ഉണ്ട്‌, അവയിൽ ഏകദേശം പകുതി സ്ഥിരമാ​യി അവകാ​ശ​പ്പെ​ടു​ത്ത​പ്പെട്ട സ്ഥാനങ്ങ​ളി​ലാണ്‌ വസിക്കു​ന്നത്‌. ശേഷി​ച്ചവർ തങ്ങളുടെ വാഹനങ്ങൾ അവകാ​ശ​മി​ല്ലാത്ത സ്ഥാനങ്ങ​ളി​ലാണ്‌ ഇടുന്നത്‌, നിരന്ത​ര​മായ കുടി​യി​റക്കു ഭീഷണി​യും അടുത്തു താമസി​ക്കു​ന്ന​വ​രു​ടെ കൂടെ​ക്കൂ​ടെ​യുള്ള ഉപദ്ര​വ​വും സഹിതം.”

ആധുനി​ക​വൽക്ക​രണം, ജിപ്‌സി​കളെ ലൗകിക വിദ്യാ​ഭ്യാ​സത്തെ സംബന്ധി​ച്ചുള്ള അവരുടെ വികാ​രങ്ങൾ പുനഃ​പ​രി​ചി​ന്തനം ചെയ്യാൻ നിർബ്ബ​ന്ധി​ത​രാ​ക്കി​യി​രി​ക്കു​ന്നു. കഴിഞ്ഞ​കാ​ല​ങ്ങ​ളിൽ ഇതു പൊതു​വെ ഒരു സമയ ദുർവി​നി​യോ​ഗ​മാ​യി കണക്കാ​ക്കി​യി​രു​ന്നു. എന്നിരു​ന്നാ​ലും ‘നമ്മുടെ കുട്ടി​കൾക്ക്‌ സ്ഥിരവാ​സി​ക​ളായ സമൂഹ​ത്തി​ലെ കുട്ടി​ക​ളു​മാ​യി ഇണങ്ങു​ന്ന​തി​നും ഒരു സമാധാ​ന​പ​ര​മായ സഹവർത്തി​ത്വം ഉറപ്പു വരുത്തു​ന്ന​തി​നും അവർക്ക്‌ വിദ്യാ​ഭ്യാ​സം ആവശ്യ​മാണ്‌’ എന്ന്‌ ദി നാഷനൽ ജിപ്‌സി കൗൺസിൽ പ്രസ്‌താ​വി​ക്കു​ന്നു.

ഘടനയിൽ മാറ്റങ്ങൾ

ആധുനി​ക​വൽക്ക​രണം ജിപ്‌സി​കൾ ജീവിതം നയിക്കുന്ന വിധങ്ങ​ളി​ലും ചില മാറ്റങ്ങൾ നിർബ്ബ​ന്ധി​ത​മാ​ക്കി​ത്തീർത്തു. മുൻകാ​ല​ങ്ങ​ളിൽ കാലാ​കാ​ലത്തെ കൃഷി​പ്പണി ജിപ്‌സി​ക​ളു​ടെ ഇടയിൽ വളരെ പ്രചു​ര​മാ​യി​രു​ന്നു. അവർ ജോലി ചെയ്യു​മ്പോൾ സാധാ​ര​ണ​യാ​യി, കൃഷി​ക്കാർ തങ്ങളുടെ സ്ഥലത്ത്‌ അവർ പാർക്കു​ന്ന​തി​നു അനുവ​ദി​ച്ചി​രു​ന്നു. എന്നാൽ, യന്ത്രവൽക്ക​രണം അത്തരം ജോലി​ക്കുള്ള അവസരങ്ങൾ അതിയാ​യി കുറച്ചു​ക​ളഞ്ഞു. മേലാൽ അവരുടെ വേല ആവശ്യ​മി​ല്ല​ത്ത​തി​നാൽ കൃഷി​ക്കാർ പൊതു​വെ ജിപ്‌സി​കളെ തങ്ങളുടെ സ്ഥലത്തു പാർക്കാൻ അനുവ​ദി​ക്കു​ന്ന​തി​നു മനസ്സൊ​രു​ക്ക​മി​ല്ലാ​ത്ത​വ​രാണ്‌. അങ്ങനെ ജിപ്‌സി​കൾ ലോഹ​ക്ക​ഷ​ണ​ങ്ങ​ളു​ടെ ഇടപാ​ടു​ക​ളും കെട്ടി​ട​വ്യാ​പാ​ര​വും ജോലി​ക്കുള്ള അവസരങ്ങൾ പ്രദാനം ചെയ്യുന്ന നഗരങ്ങ​ളി​ലേക്കു നീങ്ങു​ന്ന​തി​നു നിർബ്ബ​ന്ധി​ത​രാ​യി​ത്തീർന്നു.

ജിപ്‌സി​കൾക്കു മൃഗങ്ങ​ളോ​ടു അടുപ്പ​മു​ള്ള​തി​നാൽ ചിലർ, അതിനു​പ​കരം നടന്നുള്ള വില്‌പ​ന​യും സർക്കസ്സു​ക​ളും തിര​ഞ്ഞെ​ടു​ത്തി​രി​ക്കു​ന്നു. അവർ സംഗീത പ്രേമി​ക​ളാ​ക​യാൽ ചിലർ വിനോ​ദം പകരു​ന്ന​തിൽ വിജയി​ക്കു​ന്നു. മാനുഷ പ്രകൃ​തത്തെ നന്നായി നിരീ​ക്ഷി​ക്കു​ന്ന​വ​രായ സ്‌ത്രീ​കൾ “ഭാഗ്യം” പറഞ്ഞ്‌ നല്ലവരു​മാ​ന​മു​ണ്ടാ​ക്കു​ന്നു. (അടുത്ത ലേഖനം കാണുക) ജിപ്‌സി​കൾ അത്തരം ജോലി​കൾക്ക്‌ നന്നായി യോജി​ച്ച​വ​രാണ്‌. അവ അവരെ ഒരു സ്ഥലത്തു വളരെ​ക്കാ​ലം കടിച്ചു​തൂ​ങ്ങു​ന്ന​തി​നെ ഒഴിവാ​ക്കാൻ അനുവ​ദി​ക്കു​ന്നു. അവർക്ക്‌ ഭൗതിക സമ്പത്തുകൾ നേടു​ന്ന​തി​നെ​ക്കാൾ ചുറ്റി​ന​ട​ക്കു​ന്ന​തി​നുള്ള സ്വാത​ന്ത്ര്യം വളരെ​യ​ധി​കം വില​യേ​റി​യ​താണ്‌.

പിൻവ​രു​ന്ന ആത്മകഥ ഒരു ജിപ്‌സി ഒരു പുതിയ ജീവി​ത​മാർഗ്ഗം, എല്ലാറ്റി​ലും വെച്ച്‌ ഏറ്റവും മെച്ചപ്പെട്ട ഒന്ന്‌ കണ്ടെത്തിയ വിധം കാണി​ക്കു​ന്നു. (g86 5/22)

[അടിക്കു​റി​പ്പു​കൾ]