ചെറു​പ്പ​ക്കാർ ചോദി​ക്കു​ന്നു . . .

‘സന്തോ​ഷ​ക​ര​മായ സമയം ആസ്വദി​ക്കു​ന്ന​തിൽ തെറ്റെ​ന്താണ്‌?’

എല്ലാ വെള്ളി​യാ​ഴ്‌ച​യും വൈകു​ന്നേരം പോൾലിൻ (അവളുടെ യഥാർത്ഥ പേരല്ല) ക്രിസ്‌തീയ മീറ്റിം​ഗു​കൾക്ക്‌ പോകു​മാ​യി​രു​ന്നു. അവിടെ നടന്ന ചർച്ചകൾ അവൾ എത്രമാ​ത്രം ആസ്വദി​ച്ചോ അത്രമാ​ത്രം സ്‌കൂ​ളി​ലെ കുട്ടി​ക​ളും പാർട്ടി​ക​ളിൽനി​ന്നും ഡാൻസു​ക​ളിൽനി​ന്നും സന്തോഷം ആസ്വദി​ക്കു​ന്നു​ണ്ടെന്ന്‌ അവൾ കരുതി.

മീറ്റിംഗ്‌ കഴിഞ്ഞ്‌ അവൾ വീട്ടി​ലേക്ക്‌ മടങ്ങു​ന്നത്‌ യുവാ​ക്ക​ളു​ടെ ഒരു തദ്ദേശ സമ്മേളന സ്ഥലത്തിന്‌ സമീപ​ത്തു​കൂ​ടെ​യാ​ണെന്ന്‌ പോൾലിൻ പറയുന്നു. അവൾ ഇപ്രകാ​രം വിവരി​ക്കു​ന്നു: “ഇടവി​ട്ടി​ട​വിട്ട്‌ മിന്നുന്ന ദീപങ്ങ​ളും ശബ്ദായ​മാ​ന​മായ സംഗീ​ത​ങ്ങ​ളും എന്നെ ആകർഷി​ച്ചു. ഞാൻ കടന്നു​പോ​കു​മ്പോൾ ജനാല​യോട്‌ പറ്റി​ച്ചേർന്നു​നിന്ന്‌ അത്‌ നിരീ​ക്ഷി​ക്കു​ക​യും അവർ ആസ്വദി​ക്കുന്ന രസം മനസ്സിൽ കാണു​ക​യും ചെയ്യു​മാ​യി​രു​ന്നു.” കാല​ക്ര​മ​ത്തിൽ, അവളുടെ കൂട്ടു​കാ​രോ​ടൊ​പ്പം ജീവിതം ആസ്വദി​ക്കാ​നുള്ള അവളുടെ ആഗ്രഹം അവളുടെ ജീവി​ത​ത്തിൽ പ്രമുഖ സ്ഥാനം പിടിച്ചു.

‘ഞാൻ നഷ്ടപ്പെ​ടു​ത്തു​ന്നു​വോ?’

നിങ്ങളെ സംബന്ധി​ച്ചി​ട​ത്തോ​ളം, സന്തോ​ഷ​ക​ര​മായ സമയം ആസ്വദി​ക്കു​ന്നത്‌ അത്ര കണ്ട്‌ പ്രധാ​ന​മാ​ണോ? അല്ലായി​രി​ക്കാം, എന്നാൽ, ഒരുപക്ഷേ പോൾലി​നെ​പ്പോ​ലെ നിങ്ങളും എന്തോ നഷ്ടപ്പെ​ടു​ത്തു​ന്നെന്ന്‌ നിങ്ങൾക്കും വല്ലപ്പോ​ഴും തോന്നി​യേ​ക്കാം. നിങ്ങളു​ടെ സഹപാ​ഠി​ക​ളും സുഹൃ​ത്തു​ക്ക​ളും അത്തരം നല്ല സമയം ആസ്വദി​ക്കു​ന്ന​താ​യി നിങ്ങൾ വിചാ​രി​ച്ചേ​ക്കാം. പക്ഷേ നിങ്ങളോ? സ്‌കൂ​ളിൽ പോക്കും ഗൃഹപാ​ഠ​വും ഗൃഹ​ജോ​ലി​ക​ളു​മാ​യി നിങ്ങൾ ബന്ധിക്ക​പ്പെ​ട്ടി​രി​ക്കു​ന്നു. നിങ്ങളു​ടെ മാതാ​പി​താ​ക്കൾ ക്രിസ്‌ത്യാ​നി​ക​ളും ബൈബിൾ തത്വങ്ങൾ പിൻപ​റ്റാൻ നിർബ്ബന്ധം പിടി​ക്കു​ന്ന​വ​രു​മാ​ണെ​ങ്കിൽ ജീവിതം കൂടുതൽ നിയ​ന്ത്ര​ണ​ത്തി​ലാ​ണെന്ന്‌ കണ്ടെത്തി​യേ​ക്കാം.

മറ്റെല്ലാ​വ​രും ചർച്ച ചെയ്യുന്ന ആ പ്രത്യേക ടെലി​വി​ഷൻ പരിപാ​ടി നിങ്ങൾക്കും കാണണ​മെ​ന്നുണ്ട്‌. എന്നാൽ അത്‌ കൂടുതൽ അക്രമം നിറഞ്ഞ​താ​ണെന്ന്‌ നിങ്ങളു​ടെ മാതാ​പി​താ​ക്കൾ പറയുന്നു. നിങ്ങൾക്ക്‌ നിങ്ങളു​ടെ ചില സഹപാ​ഠി​ക​ളോ​ടൊ​പ്പം വെളി​യിൽ പോക​ണ​മെ​ന്നുണ്ട്‌. പക്ഷേ അവർ ചീത്ത സഹവാ​സ​മാ​ണെന്ന്‌ മാതാ​പി​താ​ക്കൾ പറയുന്നു. (1 കൊരി​ന്ത്യർ 15:33) ഒരു സാമൂ​ഹ്യ​കൂ​ട്ട​ത്തി​നു​വേണ്ടി നിങ്ങൾക്ക്‌ ചില സുഹൃ​ത്തു​ക്കളെ കിട്ടി​യാൽ കൊള്ളാ​മെ​ന്നുണ്ട്‌. എന്നാൽ തങ്ങൾ അതിന്‌ മേൽനോ​ട്ടം വഹിക്കു​മെന്ന്‌ പപ്പായും മമ്മിയും നിർബ്ബ​ന്ധി​ക്കു​ന്നു.

എന്നാൽ നിങ്ങളു​ടെ ചില സഹപാ​ഠി​കൾക്ക്‌ അത്തരം യാതൊ​രു നിയ​ന്ത്ര​ണ​വും ഇല്ലായി​രി​ക്കാം. കഞ്ചാവ്‌ വലിക്കു​ന്ന​തോ ചട്ടമ്പി​ക​ളു​ടെ റോക്ക്‌ സംഗീ​ത​ക്ക​ച്ചേ​രിക്ക്‌ പോകു​ന്ന​തോ അധാർമ്മിക ലൈം​ഗിക ബന്ധത്തിൽ ഏർപ്പെ​ടു​ന്ന​തോ അവരുടെ മാതാ​പി​താ​ക്കൾ കണ്ണട​ച്ചേ​ക്കാം, അല്ലെങ്കിൽ അനുവ​ദി​ച്ചേ​ക്കാം. എന്നാൽ ഇത്തരം മോശ​മായ കാര്യങ്ങൾ ചെയ്യാൻ നിങ്ങൾ ആഗ്രഹി​ക്കു​ന്നു എന്നല്ല. മറിച്ച്‌, അത്‌, തങ്ങൾ ആഗ്രഹി​ക്കു​ന്നത്‌ ചെയ്യാ​നുള്ള നിങ്ങളു​ടെ സുഹൃ​ത്തു​ക്ക​ളു​ടെ സ്വാത​ന്ത്ര്യ​ത്തോ​ടുള്ള നിങ്ങളു​ടെ അസൂയ​യാ​യി​രി​ക്കാം. ‘വല്ലപ്പോ​ഴും സന്തോ​ഷ​ക​ര​മായ സമയം ആസ്വദി​ക്കു​ന്ന​തി​ലെ തെറ്റെ​ന്താണ്‌?’ എന്ന്‌ നിങ്ങൾ ചോദി​ച്ചേ​ക്കാം.

മനുഷ്യൻ—ജീവിതം ആസ്വദി​ക്കാൻ സൃഷ്ടി​ക്ക​പ്പെ​ട്ടി​രി​ക്കു​ന്നു!

മനുഷ്യൻ വല്ലപ്പോ​ഴും സന്തോ​ഷ​ക​ര​മായ സമയം ആസ്വദി​ക്കു​ന്ന​തിൽ സ്രഷ്ടാ​വായ ദൈവം യാതൊ​രു തെറ്റും കാണു​ന്നില്ല. ഇതിന്റെ തെളിവ്‌ സൃഷ്ടി​ക​ളിൽ ദൃശ്യ​മാണ്‌. ഉദാഹ​ര​ണ​ത്തിന്‌, മിന്നി​ത്തി​ള​ങ്ങുന്ന മിഴി​ക​ളോ​ടു​കൂ​ടിയ നീർനായ്‌ ചെളി​കൊ​ണ്ടു​ണ്ടാ​ക്കിയ അതിന്റെ വീടിന്റെ മുകളി​ലേക്ക്‌ പാഞ്ഞു​ക​യ​റി​യിട്ട്‌ അതു​പോ​ലെ​തന്നെ കുത്തനെ ചാഞ്ഞി​റ​ങ്ങു​ന്നത്‌ മനസ്സിൽ കാണുക. അത്‌ വെള്ളത്തി​ലേക്ക്‌ തല ആദ്യം തെന്നി​ച്ചു​കൊണ്ട്‌ വീണ്ടും വീണ്ടും അഴുക്കു​ചാൽ തെറ്റി​ത്തെ​റി​പ്പി​ക്കു​ന്നു—ഇത്‌ അതിന്റെ കളിയാണ്‌. ആ ചെറിയ ജീവി തന്റെ ഉല്ലാസ​ക​ര​മായ കളിയിൽ എന്നെങ്കി​ലും ക്ഷീണി​ക്കു​ന്ന​താ​യി കാണ​പ്പെ​ടു​ന്നില്ല. എല്ലായ്‌പ്പോ​ഴും കളിക്കുന്ന ഈ ജീവി​യു​ടെ സ്രഷ്ടാ​വി​ന്റെ വ്യക്തി​ത്വ​ത്തെ​ക്കു​റിച്ച്‌ ഇത്‌ നിങ്ങളെ എന്തെങ്കി​ലും വിളി​ച്ച​റി​യി​ക്കു​ന്നി​ല്ലേ?

യഹോവ ഒരു “സന്തുഷ്ട ദൈവ”മാണ്‌. (1 തിമൊ​ഥെ​യോസ്‌ 1:11) അവന്റെ സൃഷ്ടികൾ വെറുതെ ആസ്‌തി​ക്യ​ത്തി​ലു​ണ്ടാ​യി​രി​ക്കു​ന്ന​തി​ല​ധി​കം അവൻ ആഗ്രഹി​ക്കു​ന്നു. അവർ ജീവി​ത​ത്തിൽ യഥാർത്ഥ സന്തോഷം ആസ്വദി​ക്ക​ണ​മെ​ന്നും അവൻ ആഗ്രഹി​ക്കു​ന്നു. ഇത്‌ ദൈവ​ത്തി​ന്റെ സ്വന്ത പ്രതി​ച്ഛാ​യ​യിൽ സൃഷ്ടി​ക്ക​പ്പെ​ട്ടി​രി​ക്കുന്ന മനുഷ്യ​രായ നമ്മെ സംബന്ധിച്ച്‌ വിശേ​ഷാൽ സത്യമാണ്‌.—ഉല്‌പത്തി 1:26, 27.

സ്വയം ആസ്വദി​ക്കു​ന്ന​തി​നുള്ള പ്രാപ്‌തി ദൈവം ആദ്യമ​നു​ഷ്യ​നായ ആദാമിന്‌ സമ്മാനി​ച്ചി​രു​ന്നു. അവൻ ഒരിക്ക​ലും ഒരു യന്ത്രമ​നു​ഷ്യ​നാ​യി​രു​ന്നില്ല. അല്ലെങ്കിൽ, പഠനം മാത്ര​മോ ജോലി മാത്ര​മോ ഉള്ള ഒരു അർത്ഥശൂ​ന്യ​മായ വ്യക്തി​ത്വ​മാ​യി​രു​ന്നില്ല അവന്റേത്‌. അവന്‌ ജീവി​ത​ത്തിൽ ഒരു യഥാർത്ഥ ആസ്വാ​ദ​ന​മു​ണ്ടാ​യി​രു​ന്നു. ഈ ഉദ്ദേശ്യ​ത്തിൽ, ദൈവം ആദാമിന്‌ വൈവി​ദ്ധ്യ​മാർന്ന ദൃശ്യ​ങ്ങ​ളും സ്വാദു​ക​ളും ശബ്ദങ്ങളും ഗന്ധങ്ങളും അനുഭ​വി​ച്ചാ​സ്വ​ദി​ക്കു​ന്ന​തി​നുള്ള പ്രാപ്‌തി നൽകി. കൂടാതെ, സഹവാ​സ​ത്തി​നുള്ള അവന്റെ ആവശ്യം തിരി​ച്ച​റിഞ്ഞ്‌ ദൈവം ആദാമിന്‌ പൂർണ്ണ​ത​യുള്ള ഒരു സഹകാ​രി​യെ പ്രദാനം ചെയ്‌തു.—ഉല്‌പത്തി 2:18, 23.

അതു​കൊണ്ട്‌ ദൈവം യുവാ​ക്കൾക്ക്‌ ആസ്വാ​ദ്യ​ക​ര​മായ സമയം നിഷേ​ധി​ക്കു​ന്നില്ല. ജ്ഞാനി​യായ ശലോ​മോ​നി​ലൂ​ടെ അവൻ പറയുന്നു: “യുവാവേ, നിന്റെ യുവത്വം ആസ്വദി​ക്കുക. നീ യുവാ​വാ​യി​രി​ക്കു​മ്പോൾത്തന്നെ സന്തുഷ്ട​നാ​യി​രുന്ന്‌ നിന്റെ ഹൃദ​യേ​ച്ഛയെ പിൻതു​ട​രുക.”—സഭാ​പ്ര​സം​ഗി 11:9, ഇന്നത്തെ ഇംഗീഷ്‌ പരിഭാഷ.

എന്തും സ്വീകാ​ര്യ​മോ?

വിനോ​ദ​ത്തി​ന്റെ സംഗതി​യിൽ, എന്തും സ്വീകാ​ര്യ​മാ​ണെന്ന്‌ ഇത്‌ അർത്ഥമാ​ക്കു​ന്നു​ണ്ടോ? ഇല്ല. എന്തു​കൊ​ണ്ടെ​ന്നാൽ, മേൽപ്പറഞ്ഞ വാക്കുകൾ ഉച്ചരി​ച്ച​ശേഷം ശലോ​മോൻ മുന്നറി​യി​പ്പു നൽകുന്നു: “എന്നാൽ നിന്റെ പ്രവർത്തനം നിമിത്തം ദൈവം നിന്നെ ന്യായ​വി​ധി​യി​ലേക്ക്‌ വരുത്തു​മെന്ന്‌ അറിയുക.” അതെ, ജീവിതം പൂർണ്ണ​മാ​യി ആസ്വദി​ക്ക​ണ​മെന്ന്‌ ദൈവം ആഗ്രഹി​ക്കു​ന്നു. എന്നാൽ അതേസ​മയം, അവൻ നിങ്ങളു​ടെ പ്രവർത്ത​ന​ത്തി​നു​ത്ത​ര​വാ​ദി​ത്വം നിങ്ങളിൽതന്നെ ഒതുക്കി​നിർത്തു​ന്നു. “നിന്റെ ഹൃദയ​ത്തിൽനിന്ന്‌ ശല്യം നീക്കു​ക​യും നിന്റെ ജഡത്തിൽനിന്ന്‌ വിപത്ത്‌ ഒഴിവാ​ക്കു​ക​യും ചെയ്യുക, എന്തെന്നാൽ ബാല്യ​വും നവയൗ​വ​ന​വും വ്യർത്ഥ​മ​ത്രെ” എന്ന്‌ ശലോ​മോൻ തുടർന്നു പറയുന്നു.—സഭാ​പ്ര​സം​ഗി 11:10.

അതു​കൊണ്ട്‌ കേവലം സന്തോ​ഷ​ക​ര​മായ സമയത്തി​നു​വേണ്ടി ബൈബിൾ തത്വങ്ങൾ ബലിക​ഴി​ക്കു​രുത്‌. ഇന്ന്‌ “രസം” പകരു​ന്നത്‌ നാളെ പലപ്പോ​ഴും ശല്യമാ​യി​രി​ക്കാം. ഉദാഹ​ര​ണ​ത്തിന്‌ കഞ്ചാവ്‌ വലിക്കു​ന്നത്‌ രസമാ​ണെന്ന്‌ ചില യുവാക്കൾ പറയുന്നു. എന്നാൽ ശ്വാസ​കോശ ക്യാൻസ​റോ മനസ്സി​ന്റെ​യും ശരീര​ത്തി​ന്റെ​യും നാശമോ ഒരു രസമല്ല. ലൈം​ഗിക ദുർമ്മാർഗ്ഗ​ത്തി​ന്റെ പരിണത ഫലങ്ങളും—ഗർഭധാ​ര​ണ​വും ലൈം​ഗിക പകർച്ച വ്യാധി​ക​ളും—ഒരു രസമല്ല.a എന്നിരു​ന്നാ​ലും, ഈ വസ്‌തു​തകൾ മറന്ന്‌ നിങ്ങൾ മറ്റ്‌ യുവാക്കൾ ആസ്വദി​ക്കുന്ന സ്വാത​ന്ത്ര്യ​ത്തോട്‌ അസൂയ പ്രകടി​പ്പി​ച്ചേ​ക്കാം.

ഒരിക്കൽ സങ്കീർത്ത​ന​ക്കാ​രന്‌ ആ വിധത്തിൽ തോന്നി. “ദുഷ്ടൻമാ​രു​ടെ സൗഖ്യം കണ്ടിട്ട്‌ എനിക്ക്‌ അഹങ്കാ​രി​ക​ളോട്‌ അസൂയ തോന്നി” എന്ന്‌ അവൻ സമ്മതിച്ചു പറഞ്ഞു. അവൻ നീതി​യുള്ള തത്വങ്ങ​ള​നു​സ​രിച്ച്‌ ജീവി​ക്കു​ന്ന​തി​ന്റെ മൂല്യം സംശയി​ച്ചു തുടങ്ങു​ക​പോ​ലും ചെയ്‌തു. “ഞാൻ എന്റെ ഹൃദയത്തെ ശുദ്ധീ​ക​രി​ച്ച​തും എന്റെ കൈകളെ കുറ്റമി​ല്ലാ​യ്‌മ​യിൽ കഴുകി​യ​തും വ്യർത്ഥ​മ​ത്രേ” എന്ന്‌ അവൻ പറഞ്ഞു. എന്നാൽ അതിനു​ശേഷം അവന്‌ ആഴമായ ഉൾക്കാഴ്‌ച ലഭിച്ചു: ദുഷ്ടൻമാർ യഥാർത്ഥ​ത്തിൽ “തെന്നുന്ന തറയി​ലാണ്‌”—നാശത്തിൻമേൽ കളിക്കു​ന്ന​തു​പോ​ലെ​യാണ്‌! (സങ്കീർത്തനം 73:3, 13, 18) നിശ്ചയ​മാ​യും അവർ ദൈവി​ക​ത​ത്വ​ങ്ങൾ ലംഘി​ക്കു​ന്ന​തി​ന്റെ വില​യൊ​ടു​ക്കണം.

പോൾലി​നും ഈ വിഷമം പിടി​ച്ച​മാർഗ്ഗം തിരി​ച്ച​റി​ഞ്ഞു. നല്ല സമയം ആസ്വദി​ക്കു​ന്ന​തി​നുള്ള അവളുടെ ആഗ്രഹം അവളെ ഗ്രസിച്ചു. അതു​കൊണ്ട്‌ അവൾ ഉല്ലാസ​പ്രി​യ​രായ ചെറു​പ്പ​ക്കാ​രു​മാ​യി സൗഹൃദം കൂടു​ക​യും ക്രിസ്‌തീയ മീറ്റിം​ഗു​കൾ ഉപേക്ഷി​ക്കു​ക​യും ചെയ്‌തു. അവിടം മുതൽ സകലതും അധഃപ​തി​ച്ചു തുടങ്ങി. “എനിക്ക്‌ മുന്നറി​യി​പ്പു ലഭിച്ച സകലതും ഞാൻ പ്രവർത്തി​ക്കു​ന്ന​താ​യി സ്വയം കണ്ടെത്തി.” അവളുടെ വഴിപി​ഴച്ച ഗതി നിമിത്തം അവൾ അറസ്‌റ്റ്‌ ചെയ്യ​പ്പെ​ടു​ക​യും വഴിപി​ഴച്ച പെൺകു​ട്ടി​കൾക്കു​വേ​ണ്ടി​യുള്ള സ്‌കൂ​ളി​ലേക്ക്‌ അയയ്‌ക്ക​പ്പെ​ടു​ക​യും ചെയ്‌തു! എന്നാൽ “വിപത്ത്‌ ഒഴിവാ​ക്കാ”നുള്ള ശലോ​മോ​ന്റെ മുന്നറി​യി​പ്പിന്‌ അവൾ ചെവി​കൊ​ടു​ത്തി​രു​ന്നെ​ങ്കിൽ ഈ തലവേ​ദ​ന​ക​ളെ​ല്ലാം അവൾക്ക്‌ ഒഴിവാ​ക്കാ​മാ​യി​രു​ന്നു.

സമനില കണ്ടെത്തൽ

അതു​കൊ​ണ്ടാണ്‌ നിങ്ങളു​ടെ മാതാ​പി​താ​ക്കൾ നിങ്ങളു​ടെ​മേൽ നിയ​ന്ത്രണം വെക്കു​ന്നത്‌. നിങ്ങളിൽനിന്ന്‌ നല്ല സമയം കവർന്നു​ക​ള​യാൻ അവർ ശ്രദ്ധി​ക്കു​ന്നില്ല. പകരം, ‘നിങ്ങളു​ടെ ഹൃദയ​ത്തിൽനിന്ന്‌ ശല്യം അകറ്റി’ നിങ്ങളെ ഗുരു​ത​ര​മായ പ്രശ്‌ന​ങ്ങ​ളിൽനിന്ന്‌ രക്ഷിക്കാൻ അവൻ ആഗ്രഹി​ക്കു​ന്നു. എന്നിരു​ന്നാ​ലും “ശല്യം അകറ്റു”ന്നതിൽ കേവലം ദുഷ്‌ചെ​യ്‌തി​കൾ ഒഴിവാ​ക്കു​ന്ന​തി​ല​ധി​കം ഉൾപ്പെ​ടു​ന്നു. നിങ്ങളു​ടെ പ്രാമു​ഖ്യ​തകൾ ക്രമത്തിൽ നിർത്തു​ന്ന​തും അതിൽ ഉൾപ്പെ​ടു​ന്നു. ശലോ​മോൻ ഇപ്രകാ​രം പറഞ്ഞു: “എല്ലാറ്റി​നും ഒരു നിയമിത സമയമുണ്ട്‌ . . . കരയാൻ ഒരു കാലം, ചിരി​ക്കാൻ ഒരു കാലം, വിലപി​ക്കാൻ ഒരു കാലം, നൃത്തം ചെയ്യാൻ ഒരു കാലം.”—സഭാ​പ്ര​സം​ഗി 3:1, 4.

ഉല്ലാസ​ങ്ങൾക്ക്‌ പ്രാമു​ഖ്യത നൽകുന്ന ഒരു ലോക​ത്തി​ലാണ്‌ നാം ജീവി​ക്കു​ന്നത്‌. കച്ചവട നയത്തെ​ക്കു​റി​ച്ചുള്ള ഒരു പുസ്‌തകം അതിനെ ഉല്ലാസ​ത്തി​ന്റെ നവ വേദാന്തം എന്ന്‌ വിളി​ക്കു​ന്നു: “ഭാവി ഗണ്യമാ​ക്കാ​തെ, തൽക്കാ​ല​ത്തേ​ക്കു​വേണ്ടി മാത്രം ജീവി​ക്കുന്ന ഒരു പ്രവണത നിലവി​ലുണ്ട്‌. പിന്നീട്‌ ആസ്വദി​ക്കു​ന്ന​തി​നു​പ​കരം ഇപ്പോൾ രസിക്കാ​നാ​ഗ്ര​ഹി​ക്കു​ന്നു. ആളുകൾ തല്‌ക്കാല ജീവി​ത​ത്തിന്‌ പ്രാമു​ഖ്യത നൽകുന്നു. അതിനു​വേണ്ടി ഉപഭോ​ക്താ​ക്കളെ അനുവ​ദി​ച്ചു​കൊണ്ട്‌ ഇന്ന്‌ വസ്‌തു​ക്കൾ ഉല്‌പാ​ദി​പ്പി​ക്കുന്ന കമ്പനികൾ അസാധാ​ര​ണ​മായ വിജയം നേടി​യി​ട്ടുണ്ട്‌.” ഇന്നത്തെ ആളുകൾ “ഉല്ലാസ​പ്രി​യരാ”യിരി​ക്കു​മെന്ന്‌ ബൈബിൾ പ്രവചി​ച്ചി​ട്ടുണ്ട്‌.—2 തിമൊ​ഥെ​യോസ്‌ 3:1, 4.

എന്നിരു​ന്നാ​ലും, ഒരു ക്രിസ്‌ത്യാ​നി സമനില കാത്തു​സൂ​ക്ഷി​ക്കാൻ ശ്രമി​ക്കു​ന്നു. വിനോ​ദ​പ്ര​വർത്ത​നങ്ങൾ മസാല​പ്പ​ദാർത്ഥങ്ങൾ പോ​ലെ​യാണ്‌. അവ ഒരു ഊണ്‌ കൂടുതൽ രുചി​ക​ര​മാ​ക്കു​ന്നു. എന്നാൽ അവ മുഖ്യ ഭോജ​ന​മാ​യി നിങ്ങൾ കാണു​മോ? (സദൃശ​വാ​ക്യ​ങ്ങൾ 24:13, 25:27 താരത​മ്യ​പ്പെ​ടു​ത്തുക.) എന്നിരു​ന്നാ​ലും, മിക്ക യുവാ​ക്ക​ളും ഒരു വിനോ​ദ​ത്തിൽ നിന്ന്‌ മറ്റൊ​ന്നി​ലേക്ക്‌ നീങ്ങി​ക്കൊണ്ട്‌ ജീവിതം വൃഥാ ചെലവ​ഴി​ക്കു​ന്നു. പലപ്പോ​ഴും അതിന്റെ പരിണ​ത​ഫലം മോഹ​ഭം​ഗ​വും ശൂന്യ​ത​യും അവശേ​ഷി​പ്പി​ക്കുന്ന താല്‌കാ​ലി​കോ​ല്ലാ​സ​മാണ്‌. ശലോ​മോൻ ഇപ്രകാ​രം പറഞ്ഞു: “എന്റെ കണ്ണുകൾ ആഗ്രഹി​ച്ച​തൊ​ന്നും ഞാൻ നിഷേ​ധി​ച്ചില്ല. ഞാൻ എന്റെ ഹൃദയ​ത്തിന്‌ യാതൊ​രു സന്തോ​ഷ​വും വിലക്കി​യില്ല . . . നോക്കൂ! സകലതും വ്യർത്ഥ​വും കാറ്റി​നു​പി​ന്നാ​ലെ​യുള്ള ഒരു പാച്ചി​ലു​മാ​യി​രു​ന്നു.”—സഭാ​പ്ര​സം​ഗി 2:10:11.

അതെ, വിനോദ പ്രവർത്ത​നങ്ങൾ ജീവി​ത​ത്തി​ലെ സർവ്വസ്വ​വു​മല്ല. യേശു​ക്രി​സ്‌തു വിനോ​ദത്തെ അതി​ന്റേ​തായ സ്ഥാനത്ത്‌ നിർത്തി. അവൻ കാനാ​യി​ലെ ഒരു വിവാ​ഹ​സ​ദ്യ​യിൽ പങ്കെടു​ത്ത​താ​യി ബൈബിൾ പറയുന്നു. അത്തരം സദ്യക​ളിൽ ഭക്ഷണവും സംഗീ​ത​വും ഡാൻസും പരി​പോ​ഷി​പ്പി​ക്കുന്ന സഹവാ​സ​വും ഉണ്ടായി​രു​ന്നു. യേശു അത്ഭുത​ക​ര​മാ​യി വീഞ്ഞ്‌ പ്രദാനം ചെയ്‌തു​കൊണ്ട്‌ കല്യാണ സദ്യയു​ടെ വിജയ​ത്തി​നു​വേണ്ടി സംഭാവന ചെയ്യു​ക​പോ​ലും ചെയ്‌തു. (യോഹ​ന്നാൻ 2:3-11) നല്ല സമയം ആസ്വദി​ക്കു​ന്ന​തെ​ങ്ങ​നെ​യെന്ന്‌ അവൻ അറിഞ്ഞി​രു​ന്നു.

എന്നാൽ യേശു​വി​ന്റെ ജീവിതം എല്ലായ്‌പ്പോ​ഴും പാർട്ടി​കൾ മാത്ര​മുള്ള ഒരു ജീവി​ത​മാ​യി​രു​ന്നില്ല. അവൻ ദൈ​വേഷ്ടം പഠിപ്പി​ച്ചു​കൊണ്ട്‌ അവന്റെ സമയത്തി​ല​ധി​ക​വും ആത്മീയ താല്‌പ​ര്യ​ങ്ങൾ പിൻതു​ട​രു​ന്ന​തി​നു​വേണ്ടി ഉപയോ​ഗി​ച്ചു. അവൻ ഇപ്രകാ​രം പറഞ്ഞു: “എന്നെ അയച്ചവന്റെ ഇഷ്ടം ചെയ്‌തു അവന്റെ വേല പൂർത്തീ​ക​രി​ക്കു​ന്ന​താണ്‌ എന്നെ സംബന്ധി​ച്ചി​ട​ത്തോ​ളം എന്റെ ആഹാരം.” (യോഹ​ന്നാൻ 4:34) യേശു​വിന്‌ ദൈ​വേഷ്ടം ചെയ്യു​ന്നത്‌ മറ്റേ​തൊ​രു താല്‌കാ​ലിക വിനോ​ദ​ത്തെ​ക്കാ​ളും അധികം സ്ഥായി​യായ ഉല്ലാസം കൈവ​രു​ത്തി.

പോൾലിൻ അവളുടെ ലൗകിക സുഖാ​സ്വാ​ദ​ന​ത്തി​നു​ശേഷം ജീവി​ത​ത്തിൽ വലിയ മാറ്റങ്ങൾ വരുത്തി. അവളും ദൈ​വേഷ്ടം ചെയ്യു​ന്ന​തി​നു​വേണ്ടി പൂർണ്ണ​മാ​യി സമർപ്പി​ക്ക​പ്പെ​ടു​ന്ന​തി​ലെ സന്തോഷം തിരി​ച്ച​റി​ഞ്ഞു. അവൾ ഇപ്പോൾ വിനോ​ദ​വും ഉല്ലാസ​വും അതി​ന്റേ​തായ സ്ഥാനത്തു വെക്കാൻ ശ്രമി​ക്കു​ന്നു. എന്നാൽ വിനോ​ദം ഉചിത​വും ആവശ്യ​വു​മാ​യി​രി​ക്കുന്ന സമയങ്ങ​ളെ​ക്കു​റി​ച്ചെന്ത്‌? അത്തരം സമയങ്ങൾക്കു​വേണ്ടി നിങ്ങൾക്കെന്തു ചെയ്യാൻ കഴിയും? ഒരു ഭാവി ലേഖനം ഇത്‌ ചർച്ച ചെയ്യും. (g86 10/22)

[അടിക്കു​റി​പ്പു​കൾ]

[12-ാം പേജിലെ ചിത്രം]

ബൈബിൾ തത്വങ്ങൾ പിൻപ​റ്റുന്ന ചെറു​പ്പ​ക്കാർ വാസ്‌ത​വ​ത്തിൽ സന്തോ​ഷ​ക​ര​മായ സമയം നഷ്ടപ്പെ​ടു​ത്തു​ന്നു​ണ്ടോ?