യുവജ​നങ്ങൾ ചോദി​ക്കു​ന്നു . . .

മറ്റു യുവജ​നങ്ങൾ എല്ലാ വിനോ​ദ​ങ്ങ​ളും ആസ്വദി​ക്കു​ന്ന​തെ​ന്തു​കൊണ്ട്‌?

“ഞങ്ങൾ വിനോ​ദി​ക്കാ​നാ​ഗ്ര​ഹി​ക്കു​ന്നു, പക്ഷേ അതു വളരെ ബുദ്ധി​മു​ട്ടാണ്‌,” 15 വയസ്സു​കാ​ര​നായ ജേസൺ പരാതി​പ്പെട്ടു.

വിനോ​ദി​ക്കാ​നാ​ഗ്ര​ഹി​ക്കു​ന്നത്‌ സ്വാഭാ​വി​കം മാത്ര​മാണ്‌—പ്രത്യേ​കി​ച്ചു നിങ്ങൾ ചെറു​പ്പ​മാ​യി​രി​ക്കു​മ്പോൾ! മിക്ക യുവജ​ന​ങ്ങളെ സംബന്ധി​ച്ചും വിനോ​ദി​ക്കു​ന്നത്‌, ഭക്ഷണം​ക​ഴി​ക്കു​ന്ന​തും ഉറക്കവും പോലെ പ്രധാ​ന​മാണ്‌. സമപ്രാ​യ​ക്കാ​രു​ടെ​യും മാധ്യ​മ​ത്തി​ന്റെ​യും പ്രേര​ണാ​ഫ​ല​മാ​യി യുവജ​നങ്ങൾ അനേക തരങ്ങളി​ലുള്ള വിനോദ പ്രവർത്ത​ന​ങ്ങ​ളിൽ അതീവ താത്‌പ​ര്യ​ത്തോ​ടെ ഏർപ്പെ​ടു​ന്നു. ഒരു സർവേ പറയു​ന്ന​ത​നു​സ​രിച്ച്‌ കൗമാ​ര​പ്രാ​യ​ക്കാ​രു​ടെ​യി​ട​യി​ലെ പ്രിയ​ങ്ക​ര​മായ സായാഹ്ന നേര​മ്പോ​ക്കു​ക​ളു​ടെ പട്ടിക​യിൽ ആദ്യം വരുന്നത്‌ സുഹൃദ്‌ സന്ദർശ​നങ്ങൾ, ടിവി കാഴ്‌ച, സിനി​മ​കൾക്കു പോകൽ, പാർട്ടി​ക​ളിൽ പങ്കെടു​ക്കൽ, നൃത്തം ചെയ്യൽ എന്നിവ​യാണ്‌. വായന, കളിക​ളി​ലും സ്‌പോർട്‌സി​ലും പങ്കെടു​ക്കൽ, സംഗീതം ശ്രവിക്കൽ എന്നിവ​യും പ്രസി​ദ്ധ​മാ​യി​രു​ന്നു.

ഇത്രയ​ധി​കം വിനോദ പ്രവർത്ത​നങ്ങൾ ലഭ്യമാ​യി​രി​ക്കു​മ്പോൾ ജേസ​ണെ​പ്പോ​ലെ​യുള്ള ചില യുവജ​ന​ങ്ങൾക്കു വേണ്ടത്ര വിനോ​ദ​മി​ല്ലെന്നു തോന്നു​ന്ന​തെ​ന്തു​കൊ​ണ്ടെന്നു മുതിർന്ന​വർക്കു മനസ്സി​ലാ​ക്കാൻ ബുദ്ധി​മു​ട്ടു​ണ്ടാ​യി​രി​ക്കാം. എന്നാൽ ചില ക്രിസ്‌തീയ യുവജ​നങ്ങൾ കൃത്യ​മാ​യും അങ്ങനെ​യാണ്‌ അവകാ​ശ​വാ​ദം ഉന്നയി​ച്ചി​രി​ക്കു​ന്നത്‌! യഹോ​വ​യു​ടെ സാക്ഷി​ക​ളി​ലൊ​രു​വ​ളായ കേസി എന്ന യുവതി അത്‌ ഈ രീതി​യിൽ വർണിച്ചു: “നിങ്ങളു​ടെ സ്‌കൂൾ മിത്ര​ങ്ങ​ളെ​ല്ലാ​വ​രും പാർട്ടി​കൾ നടത്തു​ന്ന​താ​യും കാര്യങ്ങൾ ചെയ്യു​ന്ന​താ​യും കാണുന്നു, നിങ്ങൾക്കു വാസ്‌ത​വ​ത്തിൽ നഷ്ടബോ​ധം തോന്നു​ന്നു.” എന്നാൽ വാസ്‌ത​വ​ത്തിൽ സാഹച​ര്യം അത്ര മോശ​മാ​ണോ?

ഒരു രസകര​മായ സമയമു​ണ്ടാ​യി​രി​ക്കു​ന്നതു ബൈബിൾ നിരോ​ധി​ക്കു​ന്നു​വോ? ഒരിക്ക​ലു​മല്ല. ബൈബിൾ യഹോ​വയെ “സന്തുഷ്ട​നായ ദൈവം” എന്നു വിളി​ക്കു​ന്നു. (1 തിമോ​ത്തി 1:11, NW) അതു​കൊണ്ട്‌ ശലോ​മോൻ രാജാവു പിൻവ​രു​ന്ന​പ്ര​കാ​രം പറഞ്ഞതു നിങ്ങളെ അതിശ​യി​പ്പി​ക്ക​രുത്‌: “എല്ലാറ്റി​ന്നും ഒരു സമയമു​ണ്ടു; . . . കരവാൻ ഒരു കാലം; ചിരി​പ്പാൻ ഒരു കാലം; വിലപി​പ്പാൻ ഒരു കാലം; നൃത്തം ചെയ്‌വാൻ ഒരു കാലം.” (സഭാ​പ്ര​സം​ഗി 3:1, 4) ഇവിടത്തെ ‘ചിരി​ക്കുക’ എന്നതി​ന്റെ​യും അതുമാ​യി ബന്ധപ്പെട്ട മറ്റു പദങ്ങളു​ടെ​യും മൂല എബ്രായ പദത്തിന്‌ “ആഘോ​ഷി​ക്കു”ക, “കളിക്കു”ക, “കളികൾ കാണിക്കു”ക, ‘വിനോ​ദി​പ്പി​ക്കുക,’ “വിനോ​ദ​ങ്ങ​ളി​ലേർപ്പെ”ടുക, “വിനോ​ദി​ക്കു”ക എന്നർഥ​മുണ്ട്‌.—2 ശമുവേൽ 6:21, NW; ഇയ്യോബ്‌ 41:5; ന്യായാ​ധി​പ​ന്മാർ 16:25, NW; പുറപ്പാട്‌ 32:6, പി.ഒ.സി. ബൈബിൾ; ഉല്‌പത്തി 26:8.

പണ്ടു ബൈബിൾ കാലങ്ങ​ളിൽ ദൈവ​ജനം സംഗീ​തോ​പ​ക​ര​ണങ്ങൾ വായിക്കൽ, ഗീതം ആലപിക്കൽ, നൃത്തം​ചെയ്യൽ, സംഭാ​ഷണം നടത്തൽ, വിനോ​ദ​ങ്ങ​ളിൽ ഏർപ്പെടൽ എന്നിങ്ങ​നെ​യുള്ള ആരോ​ഗ്യാ​വ​ഹ​മായ വിവിധ പ്രവർത്ത​നങ്ങൾ ആസ്വദി​ച്ചു. സദ്യയ്‌ക്കും ഉല്ലാസ​ക​ര​മായ സഹവാ​സ​ത്തി​നു​മുള്ള പ്രത്യേ​കാ​വ​സ​ര​ങ്ങ​ളും അവർക്കു​ണ്ടാ​യി​രു​ന്നു. (യിരെ​മ്യാ​വു 7:34; 16:9; 25:30; ലൂക്കൊസ്‌ 15:25) എന്തിന്‌, യേശു​ക്രി​സ്‌തു​തന്നെ ഒരു വിവാ​ഹ​ച​ട​ങ്ങിൽ പങ്കെടു​ത്തു!—യോഹ​ന്നാൻ 2:1-10.

അതു​കൊണ്ട്‌ ആരോ​ഗ്യാ​വ​ഹ​മായ വിനോ​ദം ഇന്ന്‌ ക്രിസ്‌തീയ യുവജ​ന​ങ്ങ​ളു​ടെ​യി​ട​യിൽ നിരോ​ധി​ക്ക​പ്പെ​ട്ടി​ട്ടില്ല. തീർച്ച​യാ​യും ബൈബിൾ ഇപ്രകാ​രം പറയുന്നു: “യൌവ​ന​ക്കാ​രാ, നിന്റെ യൌവ​ന​ത്തിൽ സന്തോ​ഷിക്ക; യൌവ​ന​കാ​ല​ത്തിൽ നിന്റെ ഹൃദയം ആനന്ദി​ക്കട്ടെ.” എന്നാൽ, ശലോ​മോൻ ഈ വാക്കുകൾ സംബന്ധിച്ച്‌ ഇങ്ങനെ മുന്നറി​യി​പ്പു നൽകുന്നു: “എന്നാൽ ഇവ ഒക്കെയും നിമിത്തം ദൈവം നിന്നെ ന്യായ​വി​സ്‌താ​ര​ത്തി​ലേക്കു വരുത്തും എന്നറിക.” (സഭാ​പ്ര​സം​ഗി 11:9) അതേ, നിങ്ങൾ നടത്തുന്ന തിര​ഞ്ഞെ​ടു​പ്പു​കൾക്ക്‌ നിങ്ങൾ ദൈവ​മു​മ്പാ​കെ ഉത്തരവാ​ദി​യാണ്‌. അതു​കൊണ്ട്‌ വിനോ​ദ​ത്തി​ന്റെ കാര്യം വരു​മ്പോൾ “സൂക്ഷ്‌മ​ത്തോ​ടെ, അജ്ഞാനി​ക​ളാ​യി​ട്ടല്ല ജ്ഞാനി​ക​ളാ​യി​ട്ട​ത്രേ നടപ്പാൻ നോക്കു​വിൻ.” (എഫെസ്യർ 5:15, 16) കാരണം? പല ചെറു​പ്പ​ക്കാ​രും ഈ കാര്യ​ത്തിൽ വളരെ മോശ​മായ തിര​ഞ്ഞെ​ടു​പ്പു​കൾ നടത്തുന്നു.

വിനോ​ദം നിയ​ന്ത്രണം വിട്ടു പോകു​മ്പോൾ

പണ്ട്‌ ബൈബിൾ കാലങ്ങ​ളിൽ എന്തു സംഭവി​ച്ചു​വെന്നു പരിഗ​ണി​ക്കുക. ചില ഇസ്രാ​യേ​ല്യർക്ക്‌ വിനോ​ദ​ത്തി​ന്റെ കാര്യ​ത്തിൽ എല്ലാ സമനി​ല​യും നഷ്ടമാ​കു​ക​യും മുഴു രാത്രി​യും നീണ്ടു​നിന്ന അനിയ​ന്ത്രി​ത​മായ പാർട്ടി​കൾ നടത്തു​ക​യും ചെയ്‌തു! യെശയ്യാ പ്രവാ​ചകൻ ഇപ്രകാ​രം പറഞ്ഞു: “അതികാ​ലത്തു എഴു​ന്നേ​ററു മദ്യം തേടി ഓടു​ക​യും വീഞ്ഞു കുടിച്ചു മത്തരായി സന്ധ്യാ​സ​മ​യത്തു വൈകി ഇരിക്ക​യും ചെയ്യു​ന്ന​വർക്കും അയ്യോ കഷ്ടം! അവരുടെ വിരു​ന്നു​ക​ളിൽ കിന്നര​വും വീണയും തപ്പും കുഴലും വീഞ്ഞും ഉണ്ടു.” കൂടി​വ​രു​ന്ന​തും ഭക്ഷണം, സംഗീതം, നൃത്തം എന്നിവ ആസ്വദി​ക്കു​ന്ന​തും തെറ്റാ​യി​രു​ന്നു​വെന്ന്‌ ഇത്‌ അർഥമാ​ക്കി​യില്ല. എന്നാൽ ഈ മദ്യപാ​ന​ഘോ​ഷ​ക്കാ​രെ​ക്കു​റിച്ച്‌ യെശയ്യാവ്‌ ഇപ്രകാ​രം പറയുന്നു: “യഹോ​വ​യു​ടെ പ്രവൃ​ത്തി​യെ അവർ നോക്കു​ന്നില്ല.”—യെശയ്യാ​വു 5:11, 12.

പല യുവജ​ന​ങ്ങ​ളും ഇന്ന്‌ ഇതുതന്നെ ചെയ്യുന്നു—വിനോ​ദം തേടു​മ്പോൾ അവർ ദൈവ​ത്തെ​ക്കു​റി​ച്ചു ചിന്തി​ക്കു​ന്നില്ല. ചിലർ, വിവാ​ഹ​ത്തി​നു​മു​മ്പുള്ള ലൈം​ഗി​ക​ത​യി​ലും നശീകരണ സ്വഭാ​വ​ത്തി​ലും മയക്കു​മ​രു​ന്നു ദുരു​പ​യോ​ഗ​ത്തി​ലും “വിനോദ”ത്തിനു​വേ​ണ്ടി​യുള്ള വിചാ​രം​കൂ​ടാ​തെ​യുള്ള മറ്റു പെരു​മാ​റ്റ​ങ്ങ​ളി​ലും ഏർപ്പെ​ട്ടു​കൊണ്ട്‌ ദൈവിക നിലവാ​ര​ങ്ങളെ ശക്തമായി വെല്ലു​വി​ളി​ക്കു​ന്നു. എന്നിരു​ന്നാ​ലും മറ്റുചില കേസു​ക​ളിൽ, ദുഷ്ടരാ​യി​രി​ക്കാൻ ചെറു​പ്പ​ക്കാർ വാസ്‌ത​വ​ത്തിൽ ശ്രമി​ക്കു​ന്നില്ല. എന്നാൽ കാര്യങ്ങൾ മിതമാ​യി ചെയ്യാ​നും അമിത​ത്വം ഒഴിവാ​ക്കാ​നും അവർ പരാജ​യ​പ്പെ​ടു​ന്നു. (സദൃശ​വാ​ക്യ​ങ്ങൾ 23:20; 1 തിമൊ​ഥെ​യൊസ്‌ 3:11) അതു​കൊണ്ട്‌ അവർ വിനോ​ദി​ക്കാ​നാ​യി കൂടി​വ​രു​മ്പോൾ കാര്യങ്ങൾ നിയ​ന്ത്രണം വിട്ടു​പോ​കു​ന്നു.—1 കൊരി​ന്ത്യർ 10:6-8 താരത​മ്യം ചെയ്യുക.

“ഇന്നത്തെ ലോക​പാർട്ടി​ക​ളിൽ എന്താണു നടക്കു​ന്നത്‌?” എന്ന്‌ ഉണരുക! അടുത്ത​കാ​ലത്തു ചില ചെറു​പ്പ​ക്കാ​രോ​ടു ചോദി​ക്കു​ക​യു​ണ്ടാ​യി. കൗമാ​ര​പ്രാ​യ​ത്തി​ലുള്ള ഒരു പെൺകു​ട്ടി ഇപ്രകാ​രം മറുപ​ടി​പ​റഞ്ഞു: “മയക്കു​മ​രു​ന്നു​ക​ളും കുടി​യും. വാസ്‌ത​വ​മാ​യും അവയുണ്ട്‌.” തന്റെ സ്‌കൂ​ളി​ലെ പാർട്ടി​ക്കു​പോ​കുന്ന ചില ആൺകു​ട്ടി​ക​ളെ​ക്കു​റിച്ച്‌ യുവാ​വായ ആൻഡ്രൂ ഇപ്രകാ​രം പറഞ്ഞു: “തങ്ങൾ എത്രമാ​ത്രം കുടി​ച്ചു​വെന്ന്‌ അവർ എല്ലായ്‌പോ​ഴും വീമ്പി​ള​ക്കു​ന്നു.” ജേസൺ ഇങ്ങനെ​പോ​ലും പറഞ്ഞു: “ഒരു ലോക​പാർട്ടി​യിൽ മിക്ക​പ്പോ​ഴും ചീത്ത കാര്യ​ങ്ങ​ളുണ്ട്‌.” “കുടി​ച്ചു​കൂ​ത്താ​ട്ട​ങ്ങ​ളും” “നിയ​ന്ത്ര​ണം​വിട്ട പാർട്ടി​ക​ളും” ബൈബി​ളിൽ കുറ്റം​വി​ധി​ക്ക​പ്പെ​ട്ടി​രി​ക്കു​ന്ന​തി​നാൽ ദൈവ​ഭ​യ​മുള്ള യുവജ​നങ്ങൾ അത്തരം നടപടി​കൾ വിശേ​ഷ​വ​ത്‌ക​രി​ക്കുന്ന സാമൂ​ഹിക കൂടി​വ​ര​വു​കൾ ഒഴിവാ​ക്കു​ന്നു.—ഗലാത്യർ 5:21; ബയിങ്‌ടൺ.

ഉപദ്ര​വ​ര​ഹി​ത​മെന്നു തോന്നുന്ന വിനോ​ദ​രൂ​പ​ങ്ങ​ളിൽപോ​ലും ആപത്തുകൾ പതിയി​രു​ന്നേ​ക്കാം. ഉദാഹ​ര​ണ​ത്തിന്‌, ഇന്നത്തെ ഏറ്റവും പ്രസി​ദ്ധ​മായ ചലച്ചി​ത്ര​ങ്ങ​ളിൽ പലതും നഗ്നതയും സ്‌പഷ്ട​മായ ലൈം​ഗി​ക​ത​യും അസുഖ​ക​ര​മായ അക്രമ​വും വിശേ​ഷ​വ​ത്‌ക​രി​ക്കു​ന്നു. പ്രസിദ്ധ ഗാനങ്ങ​ളിൽ പലതും അശ്ലീല പദങ്ങൾ ഉൾക്കൊ​ള്ളു​ന്നു. റോക്ക്‌ സംഗീ​ത​ക്ക​ച്ചേ​രി​കൾ സാധാ​ര​ണ​മാ​യി മയക്കു​മ​രു​ന്നു ദുരു​പ​യോ​ഗ​ത്തി​ന്റെ​യും ലഹളയു​ടെ​യും അക്രമ​ത്തി​ന്റെ​യും രംഗങ്ങ​ളാണ്‌.a

മാതാ​പി​താ​ക്കൾ വേണ്ട എന്നു പറയു​മ്പോൾ

അടിസ്ഥാന സംഗതി എന്താണ്‌? നിങ്ങൾ ഒരു ക്രിസ്‌ത്യാ​നി​യാ​ണെ​ങ്കിൽ നിങ്ങളു​ടെ സമപ്രാ​യ​ക്കാർ ആസ്വദി​ക്കുന്ന എല്ലാ കാര്യ​ങ്ങ​ളും നിങ്ങൾക്കു ചെയ്യാൻ കഴിയില്ല. എങ്ങനെ​യാ​യാ​ലും, തന്റെ അനുഗാ​മി​കൾ “ലോക​ത്തി​ന്റെ ഭാഗമല്ല” എന്ന്‌ യേശു പറഞ്ഞു, അതിന്റെ അർഥം മറ്റാളു​ക​ളിൽനിന്ന്‌ വ്യത്യ​സ്‌ത​രാ​യി​രി​ക്കുക എന്നാണ്‌. (യോഹ​ന്നാൻ 15:19, NW) നിങ്ങളു​ടെ മാതാ​പി​താ​ക്കൾ ദൈവ​ഭ​യ​മു​ള്ള​വ​രാ​ണെ​ങ്കിൽ അവർക്ക്‌ ഈ വസ്‌തുത നന്നായി അറിയാം. അതു​കൊണ്ട്‌ നിങ്ങളെ സംരക്ഷി​ക്കാ​നുള്ള ആഗ്രഹം നിമിത്തം, മറ്റു യുവജ​ന​ങ്ങളെ ചെയ്യാൻ അനുവ​ദി​ച്ചി​രി​ക്കുന്ന ചില കാര്യങ്ങൾ നിങ്ങളു​ടെ മാതാ​പി​താ​ക്കൾ ചില​പ്പോൾ നിരു​ത്സാ​ഹ​പ്പെ​ടു​ത്തു​ക​യോ ശക്തമായി വിലക്കു​ക​യോ ചെയ്‌തേ​ക്കാം. ഇത്‌ അംഗീ​ക​രി​ക്കാൻ എല്ലായ്‌പോ​ഴും എളുപ്പമല്ല. “ആളുകൾ വിനോ​ദി​ക്കാൻ ആഗ്രഹി​ക്കു​ന്നു! നമ്മുടെ മാതാ​പി​താ​ക്കൾ ചെറു​പ്പ​മാ​യി​രു​ന്ന​പ്പോൾ അവർ വിനോ​ദി​ച്ചി​രു​ന്നു, എന്നാൽ നമ്മെ ബന്ധനത്തിൽ വെക്കാൻ അവർ ആഗ്രഹി​ക്കു​ന്ന​തു​പോ​ലെ ചില​പ്പോൾ തോന്നു​ന്നു” എന്ന്‌ ഒരു കൗമാ​ര​പ്രാ​യ​ക്കാ​രി ഊന്നി​പ്പ​റഞ്ഞു.

അടിസ്ഥാ​ന​പ​ര​മാ​യി നിങ്ങൾ നിങ്ങളു​ടെ മാതാ​പി​താ​ക്ക​ളു​ടെ വീക്ഷണ​ഗ​തി​യു​ള്ള​വ​രാ​ണെ​ങ്കി​ലും അത്തരം കാര്യ​ങ്ങ​ളിൽ അവരുടെ ഉപദേശം പിൻപ​റ്റു​ന്നത്‌ എളുപ്പ​മ​ല്ലാ​യി​രി​ക്കാം. നാം ജറെഡ്‌ എന്നു വിളി​ക്കാൻ പോകുന്ന, കായി​കാ​ഭ്യാ​സി​യെ​പ്പോ​ലെ തോന്നി​ക്കുന്ന ഒരു യുവാവ്‌ ഇപ്രകാ​രം അനുസ്‌മ​രി​ക്കു​ന്നു: “ഞാൻ സ്‌കൂൾ ടീമിൽ ബാസ്‌ക്ക​റ്റ്‌ബോൾ കളിക്കാൻ ആഗ്രഹി​ച്ചു. വളരെ​യ​ധി​കം ആളുകൾ ഞാൻ കളിക്ക​ണ​മെന്നു പറഞ്ഞ്‌ എന്നിൽ സമ്മർദം ചെലുത്തി, അതെന്നെ കുറെ​യൊ​ക്കെ അലട്ടി. അപ്പോൾ ഞാൻ എന്റെ മാതാ​പി​താ​ക്ക​ളോ​ടു സംസാ​രി​ച്ചു.” “മോശ​മായ സഹവാസങ്ങ”ളുടെ അപകടങ്ങൾ ജറെഡി​ന്റെ മാതാ​പി​താ​ക്കൾ ചൂണ്ടി​ക്കാ​ണി​ക്കു​ക​യും സ്‌പോർട്‌സ്‌ പ്രവർത്ത​നങ്ങൾ എത്ര സമയം​കൊ​ല്ലി​ക​ളാ​യി​രി​ക്കു​മെന്ന്‌ അവനെ ഓർമി​പ്പി​ക്കു​ക​യും ചെയ്‌തു. (1 കൊരി​ന്ത്യർ 15:33, NW) “അങ്ങനെ എനിക്ക്‌ കളിക്കാൻ കഴിഞ്ഞില്ല” എന്ന്‌ ജറെഡ്‌ സങ്കട​ത്തോ​ടെ പറയുന്നു. അവൻ മാതാ​പി​താ​ക്ക​ളു​ടെ ഉപദേശം അനുസ​രി​ച്ചു. എന്നാൽ പന്തു കളിക്കാൻ കഴിയാ​ഞ്ഞ​തിൽ അവന്‌ ഇപ്പോ​ഴും വിഷമ​മുണ്ട്‌.

‘എനിക്കു നഷ്ടമാ​കു​ന്നു!’

നിങ്ങളു​ടെ സാഹച​ര്യം എന്തായി​രു​ന്നാ​ലും, നിങ്ങളു​ടെ സഹപാ​ഠി​കൾ അവരുടെ വിനോ​ദ​ങ്ങ​ളെ​ക്കു​റി​ച്ചു വീമ്പി​ള​ക്കു​ന്നതു കേൾക്കു​മ്പോൾ നിങ്ങൾ ഇടയ്‌ക്കി​ട​യ്‌ക്കു നിരു​ത്സാ​ഹി​ത​രാ​യി​ത്തീ​രാൻ സാധ്യ​ത​യുണ്ട്‌. ‘മറ്റു യുവജ​ന​ങ്ങൾക്ക്‌ എല്ലാ വിനോ​ദ​ങ്ങ​ളും ആസ്വദി​ക്കാൻ കഴിയു​ന്ന​തെ​ന്തു​കൊണ്ട്‌?’ എന്നു നിങ്ങൾ ചോദി​ച്ചേ​ക്കാം. അതേ, നിങ്ങൾക്കു നഷ്ടമാ​കു​ന്നു എന്ന ചിന്തയെ എങ്ങനെ തരണം ചെയ്യാൻ കഴിയും?

നിങ്ങൾ സങ്കീർത്തനം 73 വായി​ക്കു​ക​യും ആസാഫ്‌ എന്നു പേരുള്ള ബൈബിൾ എഴുത്തു​കാ​രന്റെ അനുഭ​വ​ത്തെ​ക്കു​റി​ച്ചു ധ്യാനി​ക്കു​ക​യും ചെയ്യു​ന്നതു സഹായ​ക​മാ​യി​രു​ന്നേ​ക്കാം. 2-ഉം 3-ഉം വാക്യ​ങ്ങ​ളിൽ അവൻ ഇങ്ങനെ സമ്മതി​ച്ചു​പ​റ​യു​ന്നു: “എന്റെ കാലുകൾ ഏകദേശം ഇടറി; എന്റെ കാലടി​കൾ ഏറക്കുറെ വഴുതി​പ്പോ​യി. . . . എനിക്കു അഹങ്കാ​രി​ക​ളോ​ടു അസൂയ തോന്നി.” അതേ, ആസാഫ്‌ ഒരു നിയ​ന്ത്രിത ജീവിതം നയിച്ച​പ്പോൾ, പ്രത്യ​ക്ഷ​ത്തിൽ മോശ​മായ ഫലങ്ങ​ളൊ​ന്നും കൂടാതെ തങ്ങൾ ആഗ്രഹി​ച്ച​തെ​ല്ലാം തങ്ങൾക്കു ചെയ്യാൻ കഴിഞ്ഞ​താ​യി മറ്റുള്ളവർ വീമ്പി​ളക്കി. അവർക്കു ധാരാളം ഉള്ളതാ​യും എല്ലായ്‌പോ​ഴും കൂടുതൽ ലഭിച്ചു​കൊ​ണ്ടി​രി​ക്കു​ന്ന​താ​യും കാണ​പ്പെട്ടു. (12-ാം വാക്യം) അങ്ങനെ ആസാഫ്‌ പിൻവ​രു​ന്ന​പ്ര​കാ​രം നിലവി​ളി​ക്ക​ത്ത​ക്ക​വണ്ണം അത്രമാ​ത്രം നിരു​ത്സാ​ഹി​ത​നാ​യി​ത്തീർന്നു: “ഞാൻ എന്നെത്തന്നെ നിർമ​ല​നാ​യി നിർത്തു​ക​യും പാപം ചെയ്യാ​തി​രി​ക്കു​ക​യും ചെയ്‌തത്‌ വെറു​തെ​യോ?”—സങ്കീർത്തനം 73:13, റ്റുഡേ​യ്‌സ്‌ ഇംഗ്ലീഷ്‌ വേർഷൻ.

അനു​ഗ്ര​ഹ​മെ​ന്നു പറയട്ടെ, എന്തെങ്കി​ലും സാഹസം കാണി​ക്കു​ന്ന​തി​നു​മുമ്പ്‌ ആസാഫി​നു ബോധം​വന്നു. അവൻ “ദൈവ​ത്തി​ന്റെ വിശുദ്ധ മന്ദി”രം സന്ദർശി​ച്ചു. ആ ആരോ​ഗ്യാ​വ​ഹ​മായ ചുറ്റു​പാ​ടു​ക​ളിൽ അദ്ദേഹം സംഗതി​ക​ളെ​ക്കു​റി​ച്ചു ഗൗരവ​മാ​യി ചിന്തിച്ചു. അധികം താമസി​യാ​തെ​തന്നെ, ആസാഫ്‌ ദൈവ​ഭ​യ​മി​ല്ലാത്ത ഉല്ലാസ പ്രേമി​ക​ളെ​ക്കു​റിച്ച്‌ ഒരു ശ്രദ്ധേ​യ​മായ നിഗമ​ന​ത്തിൽ എത്തി​ച്ചേർന്നു: “നിശ്ചയ​മാ​യി നീ അവരെ വഴുവ​ഴു​പ്പിൽ നിർത്തു​ന്നു; നീ അവരെ നാശത്തിൽ തള്ളിയി​ടു​ന്നു.”—സങ്കീർത്തനം 73:17, 18.

ഉല്ലാസ പ്രേമി​ക​ളായ നിങ്ങളു​ടെ സമപ്രാ​യ​ക്കാ​രിൽ പലരെ​ക്കു​റി​ച്ചും ഇതുതന്നെ പറയാ​വു​ന്ന​താണ്‌. ഇപ്പോൾ തങ്ങൾ വിനോ​ദി​ക്കു​ന്ന​താ​യി അവർക്കു തോന്നി​യേ​ക്കാം. എന്നാൽ പാപത്തി​ന്റെ ആസ്വാ​ദനം താത്‌കാ​ലി​കം മാത്ര​മാണ്‌! (എബ്രായർ 11:25, NW) ബൈബിൾ നിലവാ​രങ്ങൾ പിൻപ​റ്റാ​ത്ത​തു​കൊണ്ട്‌ അവർ “വഴുവ​ഴു​പ്പിൽ” ആണു നിൽക്കു​ന്നത്‌, മുന്നറി​യി​പ്പു കൂടാതെ പെട്ടെ​ന്നുള്ള ഒരു ഭയങ്കര വീഴ്‌ച അവർക്ക്‌ എപ്പോൾ വേണ​മെ​ങ്കി​ലും സംഭവി​ക്കാം. ദൈവ​വ​ചനം ഇപ്രകാ​രം പ്രഖ്യാ​പി​ക്കു​ന്നു: “മനുഷ്യൻ വിതെ​ക്കു​ന്നതു തന്നേ കൊയ്യും.” (ഗലാത്യർ 6:7) എന്തിന്‌, “വിനോദ”ത്തിൽ അതിരു​ക​ടന്ന്‌ ഏർപ്പെ​ട്ട​തി​ന്റെ ഫലമായി ഇതി​നോ​ട​കം​തന്നെ അകാല മരണമോ രതിജ​രോ​ഗ​മോ അനാവശ്യ ഗർഭധാ​ര​ണ​മോ ഉണ്ടാകു​ക​യോ ജയിലി​ല​ട​യ്‌ക്ക​പ്പെ​ടു​ക​യോ ചെയ്‌തി​ട്ടുള്ള നിങ്ങളു​ടെ പ്രായ​ക്കാ​രായ ചെറു​പ്പ​ക്കാ​രെ​ക്കു​റി​ച്ചു നിങ്ങൾ തീർച്ച​യാ​യും കേട്ടി​ട്ടുണ്ട്‌. അങ്ങനെ​യെ​ങ്കിൽ അത്തരം സംഗതി​കൾ ഒഴിവാ​ക്കു​ന്നതു നിങ്ങൾക്കു പ്രയോ​ജനം ചെയ്യു​ന്നി​ല്ലേ?—യെശയ്യാ​വു 48:17.

ശലോ​മോൻ പിൻവ​രു​ന്ന​പ്ര​കാ​രം പറഞ്ഞു​കൊണ്ട്‌ നല്ല ബുദ്ധ്യു​പ​ദേശം നൽകുന്നു: “നിന്റെ ഹൃദയം പാപി​ക​ളോ​ടു അസൂയ​പ്പെ​ട​രു​തു; നീ എല്ലായ്‌പോ​ഴും യഹോ​വ​ഭ​ക്തി​യോ​ടി​രിക്ക. ഒരു പ്രതി​ഫലം ഉണ്ടാകും നിശ്ചയം; നിന്റെ പ്രത്യാ​ശെക്കു ഭംഗം വരിക​യു​മില്ല.” (സദൃശ​വാ​ക്യ​ങ്ങൾ 23:17, 18) അതേ, ഒരു “വിനോദ”വും ഭൂമി​യി​ലെ പറുദീ​സ​യിൽ എന്നേക്കും ജീവി​ക്കു​ന്ന​തി​നുള്ള ഒരുവന്റെ പ്രത്യാ​ശ​യു​ടെ നഷ്ടത്തി​നു​തക്ക വിലയു​ള്ളതല്ല.

അതേസ​മ​യം​ത​ന്നെ, വല്ലപ്പോ​ഴു​മൊ​രി​ക്കൽ ഒരു യഥാർഥ വിനോ​ദം ഉണ്ടായി​രി​ക്കു​ന്ന​തി​നുള്ള നിങ്ങളു​ടെ സ്വാഭാ​വിക ആഗ്രഹം നിങ്ങൾക്കെ​ങ്ങനെ തൃപ്‌തി​പ്പെ​ടു​ത്താൻ കഴിയും? അതു ചെയ്യു​ന്ന​തി​നുള്ള സുരക്ഷി​ത​വും ആരോ​ഗ്യ​പ്ര​ദ​വു​മായ മാർഗ​ങ്ങ​ളു​ണ്ടോ? പണവും മറ്റു വിഭവ​ങ്ങ​ളും പരിമി​ത​മാ​ണെ​ങ്കി​ലെന്ത്‌? ഉണരുക! ലോക​മെ​മ്പാ​ടു​മുള്ള യുവജ​ന​ങ്ങ​ളോട്‌ ചില നിർദേ​ശ​ങ്ങ​ളും ആശയങ്ങ​ളും ചോദി​ക്കു​ക​യു​ണ്ടാ​യി. ഈ പരമ്പര​യി​ലെ ഇനി വരുന്ന ലേഖന​ത്തിൽ ഇവ ചർച്ച​ചെ​യ്യ​പ്പെ​ടു​ന്ന​താ​യി​രി​ക്കും.

[അടിക്കു​റിപ്പ്‌]

[26-ാം പേജിലെ ചിത്രം]

വിനോദം എന്നു ലോകം വിളി​ക്കു​ന്ന​തിൽ ഏർപ്പെ​ടാൻ കഴിയാ​ത്ത​തു​കൊണ്ട്‌ നിങ്ങൾക്കു നഷ്ടബോ​ധം തോന്ന​ണ​മോ?