വനങ്ങളി​ല്ലാ​ത്ത ഒരു ഭൂമി—ഭാവി​യിൽ വരാനി​രി​ക്ക​ന്നത്‌ അതാണോ?

സഹസ്രാ​ബ്ദ​ങ്ങ​ളിൽ ഇടതൂർന്ന ഉഷ്‌ണ​മേ​ഖലാ മഴവന​ങ്ങ​ളാൽ മൂടി​ക്കി​ടന്ന വിസ്‌തൃ​ത​മായ പ്രദേ​ശങ്ങൾ ഇന്ന്‌ ഊഷര​മാ​യി​ക്കൊ​ണ്ടി​രി​ക്കു​ക​യാണ്‌. ഒരു കാലത്തു ദശലക്ഷ​ക്ക​ണ​ക്കി​നു ചെടി​ക​ളു​ടെ​യും ആകാശ​ത്തി​ലേക്ക്‌ 60 മീറ്റ​റോ​ളം ഉയർന്നു​നിന്ന വൃക്ഷങ്ങ​ളു​ടെ​യും ഫലസമൃ​ദ്ധ​മായ കുടക്കീ​ഴിൽ അഭയം​തേ​ടി​യി​രുന്ന മനോ​ജ്ഞ​മായ പക്ഷിക​ളു​ടെ​യും മൃഗങ്ങ​ളു​ടെ​യും ആവാസ​കേ​ന്ദ്ര​മാ​യി​രുന്ന ഭൂമി​യി​ലെ ജീവൻതു​ടി​ക്കുന്ന ഈ ഹരിതാ​ഭ​മായ മനോ​ഹ​ര​സ്ഥ​ലങ്ങൾ സത്വരം മരുഭൂ​മി​ക​ളാ​യി​ത്തീ​രു​ക​യാണ്‌.

വിനാ​ശ​ക​മാ​യ കാര്യ​ക്ഷ​മ​ത​യോ​ടെ മനുഷ്യൻ പർവ്വത​ങ്ങളെ കോടാ​ലി​കൊ​ണ്ടും വാൾകൊ​ണ്ടും ബുൾഡോ​സർകൊ​ണ്ടും തീപ്പെ​ട്ടി​കൊ​ണ്ടും നശിപ്പി​ക്കു​ക​യാണ്‌. അവൻ അവയെ വെട്ടി​ത്തെ​ളിച്ച്‌ മുറി​വേൽപ്പിച്ച്‌ കരിച്ച്‌ പരിത്യക്ത മരുഭു​മി​ക​ളാ​ക്കി മാറ്റു​ക​യാണ്‌. ഭൂമി​യി​ലെ ഉഷ്‌ണ​മേ​ഖ​ലാ​മ​ഴ​വ​ന​ങ്ങ​ളു​ടെ ഈ കഠോ​ര​മായ നാശം മിനി​റ്റിൽ 50 ഏക്കർ അല്ലെങ്കിൽ വർഷത്തിൽ 1,00,000-ത്തിൽപരം ചതുരശ്ര കിലോ​മീ​റ്റർ എന്ന ഞെട്ടി​ക്കുന്ന നിരക്കി​ലാണ്‌ വരുത്ത​പ്പെ​ടു​ന്നത്‌—ആസ്‌ട്രി​യാ​യി​ക്കു സമായ വിസ്‌തൃ​തി​യാ​ണിത്‌.a

ചില വിദഗ്‌ദ്ധൻമാർ പറയു​ന്ന​ത​നു​സ​രിച്ച്‌ 2000-ാമാണ്ടാ​കു​ന്ന​തോ​ടെ 1980-ൽ ഉണ്ടായി​രുന്ന ഉഷ്‌ണ​മേ​ഖ​ലാ​മ​ഴ​വ​ന​ങ്ങ​ളു​ടെ 12 ശതമാനം പൊയ്‌പ്പോ​യി​രി​ക്കും—നശീക​ര​ണ​ത്തി​ന്റെ ദുഷ്‌കീർത്തി​യോ​ടു​കൂ​ടിയ മനു​ഷ്യ​ന്റെ ചെറിയ ഒരു നേട്ടമ​ല്ലിത്‌. ഭൂമി​യി​ലെ മറ്റൊ​രു കാലാ​വ​സ്ഥാ​പ്ര​ദേ​ശ​ത്തും കാണാൻ കഴിയാത്ത മനോ​ജ്ഞ​പ​ക്ഷി​ക​ളും മൃഗജാ​ല​ങ്ങ​ളും വിവി​ധ​യി​നം സസ്യങ്ങ​ളും പൊയ്‌പ്പോ​കും. മനുഷ്യ​ജീ​വി​ത​ത്തി​നു ജീവൽപ്ര​ധാ​ന​വും അവനു കണക്കി​ല്ലാ​തെ പ്രയോ​ജനം ചെയ്യു​ന്ന​തു​മായ സങ്കീർണ്ണ പരിസ്ഥി​തി​വ്യ​വ​സ്ഥ​യു​ടെ​തന്നെ ഒരു ഭാഗത്തെ അവൻ നശിപ്പി​ക്കു​ക​യാണ്‌.

മനുഷ്യൻ ഉപയോ​ഗി​ക്കുന്ന ഔഷധ​ങ്ങ​ളിൽ പകുതി​യി​ല​ധി​ക​വും ചെടി​ക​ളിൽനി​ന്നാ​ണു കിട്ടു​ന്നത്‌, ഒട്ടനവ​ധി​യും ഉഷ്‌ണ​മേ​ഖ​ലാ​സ​സ്യ​ങ്ങ​ളിൽനി​ന്നു​തന്നെ. റബ്ബർ, റ്റർപ്പൻ​റ്റൈൻ, ചൂരൽ, മുള എന്നിവ​യു​ടെ ഉറവി​ല്ലെ​ങ്കിൽ വ്യവസാ​യം എന്തു ചെയ്യും—എല്ലാം ഉഷ്‌ണ​മേ​ഖ​ലാ​വ​ന​ത്തിൽനി​ന്നു ലഭിക്കു​ന്ന​തു​തന്നെ. കൂടാതെ നാരു​ക​ളു​ടെ​യും മരക്കറ​യു​ടെ​യും ചായങ്ങ​ളു​ടെ​യും സുഗന്ധ​ദ്ര​വ്യ​ങ്ങ​ളു​ടെ​യും ഒരു ഗണവും വേണമ​ല്ലോ. മനുഷ്യൻ വമ്പിച്ച മൂല്യ​മുള്ള ഒരു നിക്ഷേ​പത്തെ അന്ധമാ​യും വിവേ​ച​നാ​ര​ഹി​ത​മാ​യും നശിപ്പി​ക്കു​ക​യാണ്‌.

ഈ വലിയ വനങ്ങളിൽ നിന്ന്‌ ജീവദാ​യ​ക​മായ ധാരാളം ഓക്‌സി​ജൻ ഉൽപ്പാ​ദി​പ്പി​ക്ക​പ്പെ​ടു​ന്നു. ഓക്‌സി​ജൻ ഉൽപ്പാ​ദി​പ്പി​ക്കുന്ന വനങ്ങളു​ടെ വമ്പിച്ച നശീക​രണം ഭയപ്പെ​ടുന്ന സസ്യോ​ഷ്‌ണ​ശാ​ലാ​ഫ​ലത്തെ തീവ്ര​മാ​ക്കു​ക​യും വിപൽക്ക​ര​മാ​യി സമു​ദ്ര​നി​ര​പ്പു​കളെ ഉയർത്തു​ക​യും ചെയ്‌തേ​ക്കാം.

വനനശീ​ക​ര​ണം ഇപ്പോൾത്തന്നെ ലോക​ത്തി​ന്റെ അധിക​ഭാ​ഗ​ത്തും ഗുരു​ത​ര​വും സത്വര​വു​മായ ആഘാത​മു​ള​വാ​ക്കി​യി​ട്ടുണ്ട്‌. ഇൻഡോ​നേ​ഷ്യ​യി​ലും ഫിലി​പ്പീൻസി​ലും അവരുടെ പ്രദേ​ശങ്ങൾ ഇടതൂർന്ന കാടു​ക​ളിൽനിന്ന്‌ ഊഷര​മായ പാഴ്‌പ്ര​ദേ​ശ​ങ്ങ​ളാ​യി മാറി​യി​രി​ക്കു​ക​യാണ്‌. “ദക്ഷിണ​പൂർവേ​ഷ്യ​യിൽ ഒരു കാലത്തു വനമാ​യി​രുന്ന 2 കോടി 50 ലക്ഷത്തോ​ളം ഏക്കറിൽ ആഹാര​മോ ഇന്ധനമോ കാലി​ത്തീ​റ്റ​യോ പ്രദാ​നം​ചെ​യ്യാത്ത ഉപയോ​ഗ​ശൂ​ന്യ​മായ വാൾപ്പു​ല്ലു​മാ​ത്ര​മാണ്‌ വിട്ടു​മാ​റാ​തെ വളർന്നു​കി​ട​ക്കു​ന്നത്‌” എന്ന്‌ ലോക​വി​ഭ​വ​സ്ഥാ​പനം റിപ്പോർട്ടു​ചെ​യ്യു​ന്നു.

ഒട്ടേറെ വൃക്ഷങ്ങൾ വെട്ടി​വിൽക്കു​ന്ന​തു​കൊണ്ട്‌ ഫിജി​യിൽ 20 വർഷം​കൊ​ണ്ടും തായ്‌ല​ണ്ടിൽ ഈ നൂറ്റാ​ണ്ടി​ന്റെ അവസാ​ന​ത്തോ​ടെ​യും ഫിലി​പ്പീൻസി​ലെ താഴ്‌ന്ന മഴവന​പ്ര​ദേ​ശ​ങ്ങളെ 1990-ഓടു​കൂ​ടെ​യും നശിപ്പി​ക്കു​മെന്ന്‌ ഉറപ്പാ​ക്കു​ന്നു”വെന്ന്‌ സയൻസ്‌ ഡൈജ​സ്‌റ്റ്‌ റിപ്പോർട്ടു​ചെ​യ്യു​ന്നു. ആസ്‌​ത്രേ​ലി​യാ​യിൽ വനനശീ​ക​രണം വിപു​ല​വ്യാ​പ​ക​മാണ്‌—അവിടത്തെ മഴവന​ങ്ങ​ളു​ടെ മൂന്നിൽ രണ്ട്‌ മുഴു​വ​നാ​യി നശിച്ചി​രി​ക്കു​ന്നു! ഇൻഡ്യ​യിൽ 32 ലക്ഷം ഏക്കർ വനം ആണ്ടു​തോ​റും വെട്ടി​ന​ശി​പ്പി​ക്കു​ന്നുണ്ട്‌.

“1980-കളുടെ മദ്ധ്യ​ത്തോ​ടെ ആഫ്രി​ക്ക​യി​ലെ എല്ലാ രാജ്യ​ങ്ങ​ളി​ലും വൃക്ഷാ​വ​രണം നഷ്‌ട​പ്പെ​ട്ടു​കൊ​ണ്ടി​രി​ക്കു​ക​യാണ്‌. തീർച്ച​യാ​യും വനത്തിന്റെ കുറവ്‌ മൂന്നാം ലോക​ത്തു​ട​നീ​ള​മുണ്ട്‌” എന്ന്‌ 1986 ഏപ്രി​ലി​ലെ നാച്വറൽ ഹിസ്‌റ​റ്റ മാസിക റിപ്പോർട്ടു​ചെ​യ്യു​ന്നു. 63 രാജ്യ​ങ്ങ​ളിൽ 150 കോടി ആളുകൾ തിരികെ വളരാൻ കഴിയു​ന്ന​തി​നെ​ക്കാൾ വേഗത്തിൽ മരം മുറി​ക്കു​ക​യും വനത്തി​ന്റെ​യും വിറകി​ന്റെ​യും പാപ്പര​ത്വ​ത്തി​ലേക്കു മാത്രം നയിക്കാൻ കഴിയുന്ന ഒരു കമ്മി സൃഷ്ടി​ക്കു​ക​യു​മാണ്‌. 2000-ാമാ​ണ്ടോ​ടെ കമ്മി ഇരട്ടി​ക്കു​മെന്ന്‌ വിദഗ്‌ദ്ധൻമാർ പ്രതീ​ക്ഷി​ക്കു​ന്നു.

വനനശീ​ക​ര​ണം ആസ്‌തി​ക്യ​ത്തി​ലി​രി​ക്കു​ന്ന​തി​നുള്ള മനു​ഷ്യ​ന്റെ പ്രാപ്‌തി​യു​ടെ ഹൃദയത്തെ—കൃഷിയെ—ത്തന്നെ സ്‌പർശി​ക്കു​ന്നു. തുടക്ക​ത്തിൽതന്നെ മനുഷ്യൻ വിത്തു വിതക്കു​ന്ന​തി​നു പർവ്വത​ങ്ങ​ളി​ലെ​യും കുന്നു​ക​ളി​ലെ​യും വൃക്ഷങ്ങൾ വെട്ടി​യി​ടു​മ്പോൾ മണ്ണിനെ തടഞ്ഞു​നിർത്തുന്ന സസ്യങ്ങ​ളി​ല്ലാ​ത്ത​തി​നാൽ മണ്ണു പെട്ടെന്ന്‌ ഒലിച്ചു​പോ​കു​ന്നു. കൂടാതെ വിറകു ദുർല്ല​ഭ​മാ​യി​രി​ക്കുന്ന രാജ്യ​ങ്ങ​ളിൽ “കണക്കാ​ക്ക​പ്പെട്ട പ്രകാരം 40 കോടി ടൺ ചാണകം വർഷം തോറും തീകത്തി​ക്കു​ന്നു. . . . നല്ല വളത്തിന്റെ ഈ കത്തിക്കൽ ധാന്യ​വി​ള​കളെ 1 കോടി 40 ലക്ഷം ടൺ കണ്ട്‌ കുറക്കു​ന്നു​വെന്ന്‌ കണക്കാ​ക്ക​പ്പെ​ടു​ന്നു.”

ഭൂമി​യി​ലെ വലിയ വനങ്ങൾ യഥാർത്ഥ​ത്തിൽ അപ്രതി​രോ​ധ്യ​ശ​ക്തി​ക​ളാ​ലുള്ള നാശത്തി​നു വിധി​ക്ക​പ്പെ​ട്ടി​രി​ക്കു​ക​യാ​ണോ? അതോ ഈ തലമുറ ഭൂമി​യി​ലെ വിഭവ​ങ്ങ​ളു​ടെ​യും മനോ​ഹാ​രി​ത​യു​ടെ​യും അധിക​പ​ങ്കും അതിന്റെ മക്കൾക്കു വിട്ടേ​ക്കു​മോ? അതു ധാരാളം സംസാ​രി​ക്കു​ന്നുണ്ട്‌, റീംക​ണ​ക്കി​നു കടലാ​സ്സിൽ എഴുതു​ന്നുണ്ട്‌, എന്നാൽ അധിക​മൊ​ന്നും ചെയ്യു​ന്നില്ല. അതു​കൊണ്ട്‌ അത്‌ അതിന്റെ മക്കൾക്ക്‌ എന്തു ഭാവി​യാണ്‌ അവശേ​ഷി​പ്പി​ക്കുക? കാലം തെളി​യി​ക്കും, എന്നാൽ അല്‌പ​കാ​ലമേ ശേഷി​ച്ചി​ട്ടു​ള്ളു. (g87 7/22)

[അടിക്കു​റി​പ്പു​കൾ]

1ഏ.=0.4 ഹെ.

[7-ാം പേജിലെ ആകർഷ​ക​വാ​ക്യം]

അറുപത്തിമൂന്നു രാജ്യ​ങ്ങ​ളിൽ 150 കോടി ആളുകൾ വീണ്ടും വളരാൻ കഴിയു​ന്ന​തി​നെ​ക്കാൾ വേഗം മരം വെട്ടി​ക്കൊ​ണ്ടി​രി​ക്കു​ക​യാണ്‌

[7-ാം പേജിലെ ചിത്രം]

ജനതകൾ ഇടതൂർന്ന വനങ്ങളെ ഊഷര​മായ പാഴ്‌നി​ല​ങ്ങ​ളാ​യി മാറ്റു​ക​യാണ്‌