സമയം—നിങ്ങൾ അതിന്റെ യജമാ​ന​നോ അടിമ​യോ?

“നീ എന്തു​കൊണ്ട്‌ വൈകി?” ആൽബർട്ട്‌ ക്ലാസ്സ്‌ മുറി​യി​ലേക്ക്‌ കയറി​യ​പ്പോൾ ടീച്ചർ ചോദി​ച്ചു. “കാരണം സ്‌കൂ​ളി​ലേ​ക്കുള്ള വഴിയ​ത്ര​യും ഞാൻ എന്റെ സൈക്കി​ളി​നൊ​പ്പം ഓടു​ക​യാ​യി​രു​ന്നു,” കിതച്ചു​കൊണ്ട്‌ ആൽബർട്ട്‌ ഉത്തരം പറഞ്ഞു.

“നീ എന്തു​കൊണ്ട്‌ സൈക്കിൾ ഓടി​ച്ച​കൊണ്ട്‌ വന്നില്ല?” എന്ന്‌ ടീച്ചർ കൗതു​ക​പൂർവം ചോദി​ച്ചു. “എന്തു​കൊ​ണ്ട​ന്നാൽ ഞാൻ നന്നേ വൈകി​പ്പോ​യ​തു​കൊണ്ട്‌ നിർത്തി ബൈക്കിൽ കയറാ​നുള്ള സാവകാ​ശം എനിക്കി​ല്ലാ​യി​രു​ന്നു,” ആൽബർട്ട്‌ വിശദീ​ക​രി​ച്ചു.

അതിശ​യോ​ക്തി​യുള്ള ഈ ഫലിതകഥ നമ്മിൽ മിക്കവ​രും ദൈനം​ദി​നം നേരി​ടുന്ന ഒരു സ്ഥിതി​വി​ശേ​ഷത്തെ വർണ്ണി​ക്കു​ന്നു. കർത്തവ്യ​ങ്ങൾ ഒട്ടേറെ ചെയ്‌തു​തീർക്കേ​ണ്ട​താ​യും വാക്കു പറഞ്ഞ അവധികൾ അനവധി പാലി​ക്കേ​ണ്ട​താ​യും വരുന്ന നമ്മൾ ഒരു കാര്യ​ത്തിൽ നിന്ന്‌ അടുത്ത​തി​ലേക്ക്‌ പായു​ന്ന​താ​യി തോന്നി​യേ​ക്കാം. പക്ഷേ, ആൽബർട്ടി​നെ​പ്പോ​ലെ ഒന്ന്‌ നിർത്തി കാര്യ​ക്ഷ​മ​ത​യ്‌ക്ക്‌ ആവശ്യ​മായ പുന:സ്സംഘടന ചെയ്യാ​നുള്ള സമയം നമുക്കില്ല എന്ന്‌ നിഗമനം ചെയ്‌തു​കൊണ്ട്‌ നാം നമ്മെത്തന്നെ മന്ദീഭ​വി​പ്പി​ക്കു​ന്നു.

എങ്കിലും ഒരു വിരാമം ഇട്ട്‌, സമയം കൈകാ​ര്യം ചെയ്യാ​നുള്ള നമ്മുടെ സാമർത്ഥ്യ​ത്തിന്‌ മൂർച്ച വരുത്തു​ന്നു​വെ​ങ്കിൽ സമയം ലാഭി​ക്കു​ന്ന​തി​നും കാലാ​ന്ത​ര​ത്തിൽ അധികം കാര്യങ്ങൾ നിറ​വേ​റ്റു​ന്ന​തി​നും സംഘർഷം കുറക്കു​ന്ന​തി​നും നമുക്കു കഴിയും. അപ്പോൾ സമയത്തെ ഒരു കർക്കശ​നായ യജമാനൻ എന്നു വീക്ഷി​ക്കു​ന്ന​തി​നു പകരം അതിന്‌ ഒരു സഹായി​യായ സേവകൻ ആയിത്തീ​രാൻ കഴിയും.

നിങ്ങളു​ടെ സമയം കൂടുതൽ കാര്യ​ക്ഷ​മ​ത​യോ​ടെ നിങ്ങൾക്ക്‌ എങ്ങനെ കൈകാ​ര്യം ചെയ്യാൻ കഴിയും? പിൻവ​രു​ന്നവ ചില നിർദ്ദേ​ശ​ങ്ങ​ളാണ്‌. നിങ്ങൾ അവ വായി​ക്കു​മ്പോൾ നിങ്ങളു​ടെ ആവശ്യ​ങ്ങൾക്ക്‌ ചേരുന്നവ തെര​ഞ്ഞെ​ടു​ക്കു​ക​യും നിങ്ങളു​ടെ സാഹച​ര്യ​ങ്ങൾക്ക്‌ ചേരുന്ന വിധത്തിൽ അവയെ പൊരു​ത്ത​പ്പെ​ടു​ത്തു​ക​യും ചെയ്യുക.

നിങ്ങളു​ടെ ദിവസത്തെ ക്രമീ​ക​രി​ക്കു​ക

നിങ്ങളു​ടെ ദിവസം ആരംഭി​ച്ച​തേ​യു​ള്ളൂ എന്ന്‌ കരുതുക. നിങ്ങൾക്ക്‌ മുമ്പിൽ എണ്ണിയാ​ലൊ​ടു​ങ്ങാ​ത്തതു പോലുള്ള ജോലി​ക​ളുണ്ട്‌. ഈ കർത്തവ്യ​ങ്ങ​ളെ​ക്കു​റി​ച്ചെ​ല്ലാ​മുള്ള ചിന്ത ദിവസത്തെ ഭയപ്പെ​ടാൻ നിങ്ങൾക്ക്‌ കാരണ​മാ​യേ​ക്കാം. നിങ്ങ​ളെ​വി​ടെ തുടങ്ങും? ദിവസത്തെ ക്രമീ​ക​രി​ച്ചു​കൊണ്ട്‌ തന്നെ തുടങ്ങുക.

ചെയ്യേണ്ട കാര്യ​ങ്ങ​ളു​ടെ പട്ടിക എന്നറി​യ​പ്പെ​ടുന്ന ഒന്ന്‌ എഴുതി​ക്കൊ​ണ്ടാണ്‌ പലരും തുടങ്ങു​ന്നത്‌. ഒരു വലിയ സ്ഥാപന​ത്തിൽ ഒട്ടനവധി ഉത്തരവാ​ദി​ത്തങ്ങൾ ഉള്ള ഒരു വ്യക്തി താൻ പ്രവർത്ത​ന​നിഷ്‌ഠ പാലി​ക്കു​ന്ന​തെ​ങ്ങനെ എന്ന്‌ വിവരി​ക്കു​ന്ന​തി​ങ്ങ​നെ​യാണ്‌: “ചെയ്യേ​ണ്ട​തായ കാര്യ​ങ്ങ​ളു​ടെ ഒരു പട്ടിക ഞാൻ എഴുതി​സൂ​ക്ഷി​ക്കു​ന്നു. പുതിയ ജോലി​കൾ വന്നു​പെ​ടു​ക​യോ മനസ്സി​ലു​ദി​ക്കു​ക​യോ ചെയ്യു​മ്പോൾ ഞാനവയെ പട്ടിക​യോട്‌ ചേർക്കും. ഓരോ കാര്യ​വും ചെയ്‌തു​തീ​രു​ന്ന​ത​നു​സ​രിച്ച്‌ ഞാനോ​രോ​ന്നും വെട്ടി​ക്ക​ള​യും.”

നിങ്ങളു​ടെ ദൈനം​ദിന പ്രവർത്ത​നങ്ങൾ ആസൂ​ത്രണം ചെയ്യു​ന്ന​തിന്‌ ഇതു​പോ​ലുള്ള ഒരു ലിഖി​ത​പ​ട്ടിക നിങ്ങളെ സഹായി​ക്കാ​നി​ട​യി​ല്ലേ? നിങ്ങളി​ങ്ങനെ പ്രതി​വർത്തി​ച്ചേ​ക്കാം: ‘കാര്യങ്ങൾ തുടങ്ങി​വ​യ്‌ക്കാൻ അതെന്നെ സഹായി​ച്ചേ​ക്കാം, പക്ഷേ എന്റെ പട്ടിക​യി​ലുള്ള സർവ്വതും ഒരിക്ക​ലും ഞാൻ ചെയ്‌തു​തീർത്തെന്നു വരിക​യില്ല!’. ഒരുപക്ഷേ നിങ്ങൾ പറഞ്ഞതു ശരിയാ​കാ​നു​മി​ട​യുണ്ട്‌. അതു​കൊ​ണ്ടാണ്‌ പിൻവ​രുന്ന സംഗതി സഹായ​ക​മാ​യി​രി​ക്കു​ന്നത്‌ . . .

മുൻഗ​ണ​നകൾ വയ്‌ക്കുക

പ്രാധാ​ന്യ​മ​നു​സ​രിച്ച്‌ നിങ്ങളു​ടെ പട്ടിക​യി​ലുള്ള ഓരോ​ന്നി​നും അക്കമി​ടു​ന്നതു വഴി നിങ്ങൾക്ക്‌ മുൻഗ​ണ​നകൾ വയ്‌ക്കാൻ കഴിയും. തുടർന്ന്‌, സാധ്യ​മാ​കു​വോ​ളം ഓരോ ജോലി​യും അതേ ക്രമത്തിൽ കൈകാ​ര്യം ചെയ്യുക. സ്വാഭാ​വി​ക​മാ​യും കൃത്യ​മാ​യി അതേ മുൻഗ​ണ​നാ​ക്ര​മ​ത്തിൽ കാര്യങ്ങൾ ചെയ്യാതെ ചില​പ്പോ​ഴെ​ല്ലാം ഭേദഗതി വരുത്തി നിങ്ങളു​ടെ സാഹച​ര്യ​ങ്ങൾക്കും താൽപ്പ​ര്യ​ങ്ങൾക്കും അനുസ​ര​ണ​മാ​യി കാര്യങ്ങൾ ചെയ്യാ​വു​ന്ന​താണ്‌. അതു​കൊണ്ട്‌ വഴക്കമു​ള്ള​വ​രാ​യി​രി​ക്കുക. ഓരോ ദിവസ​വും നിങ്ങളു​ടെ കാര്യ​നിർവ്വ​ഹണം യാദൃ​ച്ഛിക രൂപത്തി​ലാ​യി​രി​ക്കാ​തെ നിങ്ങളു​ടെ സ്വന്ത തെര​ഞ്ഞെ​ടു​പ്പിൻ പ്രകാരം ആയിരി​ക്കു​മാറ്‌ കാര്യ​ങ്ങ​ളു​ടെ മേൽ നിയ​ന്ത്ര​ണ​മു​ണ്ടാ​യി​രി​ക്കുക എന്നതാണ്‌ നിങ്ങളു​ടെ ഉദ്ദേശ്യ​ല​ക്ഷ്യം.

ജോലി​യിൽനിന്ന്‌ ജോലി​യി​ലേക്ക്‌ പരക്കം പായു​ക​യോ പട്ടിക​പ്പെ​ടു​ത്തിയ സകല കാര്യ​ങ്ങ​ളും ചെയ്യു​ന്ന​തി​നെ​ക്കു​റിച്ച്‌ വ്യാകു​ല​പ്പെ​ടു​ക​യോ ചെയ്യരുത്‌. സമയ കൈകാ​ര്യ​വി​ദ​ഗ്‌ദ്ധ​നായ ആലൻ ലാക്കീൻ ഇങ്ങനെ ഊന്നി​പ്പ​റ​യു​ന്നു: “ഒരാൾ അപൂർവ്വ​മാ​യേ ചെയ്യേണ്ട കാര്യ​ങ്ങ​ളു​ടേ​തായ പട്ടിക​യു​ടെ അടിയി​ലെ​ത്തു​ക​യു​ള്ളൂ. പട്ടിക പൂർത്തി​യാ​ക്കു​ന്നതല്ല പ്രധാനം, പിന്നെ​യോ നിങ്ങളു​ടെ സമയത്തി​ന്റെ ഉത്തമ ഉപയോ​ഗം നടത്തു​ന്ന​താണ്‌.”

നിങ്ങളു​ടെ സമയത്തി​ന്റെ സിംഹ​ഭാ​ഗ​വും വാസ്‌ത​വ​മാ​യി പ്രാധാ​ന്യം അർഹി​ക്കുന്ന കാര്യ​ങ്ങ​ളി​ലേക്ക്‌ തിരി​ച്ചു​വി​ട്ടാൽ നിങ്ങൾ ഇത്‌ നിവർത്തി​ച്ചി​രി​ക്കും. തീർക്കാ​നാ​കാ​തെ അവശേ​ഷി​ക്കുന്ന കാര്യ​ങ്ങളെ സംബന്ധി​ച്ചാ​ണെ​ങ്കിൽ അവയെ മറ്റാർക്കെ​ങ്കി​ലും എൽപ്പി​ച്ചു​കൊ​ടു​ക്കാൻ കഴിയു​മോ എന്നോ പിറ്റെ ദിവസത്തെ പട്ടിക​യി​ലേക്ക്‌ മാറ്റാൻ കഴിയു​മോ എന്നോ ചിന്തി​ക്കുക. മുൻഗണന അർഹി​ക്കാത്ത കാര്യ​ങ്ങളെ സൂക്ഷ്‌മ വിശക​ല​ന​ത്തിന്‌ വിധേ​യ​മാ​ക്കി​യാൽ പലപ്പോ​ഴും അവ ചെയ്യേ​ണ്ട​തേ​യില്ല എന്ന്‌ വ്യക്തമാ​കും. അതേ സമയം ഇന്നത്തെ പട്ടിക​യു​ടെ ഏറ്റവും താഴെ​യുള്ള ഒരിന​ത്തിന്‌ നാളെ ഏറിയ മുൻഗണന അർഹി​ക്കു​ന്നു​ണ്ടാ​വാം.

എന്നാൽ നിങ്ങളു​ടെ പട്ടിക​യി​ലെ പ്രവർത്ത​ന​ങ്ങ​ളിൽ മുൻഗണന അർഹി​ക്കു​ന്നവ ഏതെന്നു നിങ്ങൾ എങ്ങനെ നിർണ്ണ​യി​ക്കും? ഏതായാ​ലും, കർത്തവ്യ​ങ്ങ​ളു​ടെ ഒരു നീണ്ട പട്ടിക​യി​ലേക്ക്‌ നോക്കു​മ്പോൾ പലതി​നും തുല്യ പ്രാധാ​ന്യം ഉള്ളതായി തോന്നാ​റുണ്ട്‌. അതു​കൊണ്ട്‌ കാര്യ​ക്ഷ​മ​മാ​യി മുൻഗ​ണ​നകൾ വയ്‌ക്കു​ന്ന​തിന്‌, നിങ്ങൾ . . .

“അടിയ​ന്തി​ര​വും” “പ്രധാ​ന​വും” തമ്മിൽ വേർതി​രി​ച്ച​റി​യുക

“ഒരു മനുഷ്യൻ തന്റെ സകല കഠിനാ​ദ്ധ്വാ​ന​ത്തി​ന്റെ​യും നൻമ കാണേ​ണ്ട​തുണ്ട്‌,” എന്ന്‌ ബൈബിൾ കാലങ്ങ​ളി​ലെ ഒരു ജ്ഞാനി​യായ രാജാവ്‌ പറഞ്ഞു. (സഭാ​പ്ര​സം​ഗി 3:13) ചില ജോലി​കൾ മറ്റു​ള്ള​വ​യെ​ക്കാൾ നല്ല ഫലം ഉളവാ​ക്കു​ന്നു. അതു​കൊണ്ട്‌ ഒരു പട്ടിക​യി​ലെ കർത്തവ്യ​നിര നോക്കു​മ്പോൾ ഓരോ​ന്നും ഉത്‌പാ​ദി​പ്പി​ക്കുന്ന ഫലങ്ങളെ സംബന്ധിച്ച്‌ പരിചി​ന്തി​ക്കുക. ഒരു ജോലി​യു​ടെ പൂർത്തീ​ക​രണം ഗണ്യമായ പ്രയോ​ജ​നങ്ങൾ കൈവ​രു​ത്തു​മോ? നിങ്ങളു​ടെ കഠിനാ​ദ്ധ്വാ​ന​ത്തിൽ നിന്ന്‌ നിങ്ങൾ “നൻമ കാണു​മോ?” ഇല്ലെങ്കിൽ അത്‌ മുൻഗണന അർഹി​ക്കുന്ന ഒരു ജോലി ആയിരി​ക്കു​ക​യില്ല.

പ്രഥമ നോട്ട​ത്തിൽ നിങ്ങളു​ടെ പട്ടിക​യി​ലുള്ള സർവ്വതും അടിയ​ന്ത​ര​മാ​യി തോന്നാം. പക്ഷേ, അടിയ​ന്ത​ര​കാ​ര്യ​ങ്ങൾ എപ്പോ​ഴും നമ്മുടെ സമയത്തി​ന്റെ ഗണ്യമായ അളവ്‌ കൈയ്യ​ട​ക്ക​ത്ത​ക്ക​വി​ധം പ്രധാ​ന​മാ​ണോ? ന്യൂ ഓർലി​യൻസ്‌ സർവ്വക​ലാ​ശാ​ല​യി​ലെ സമയ മാനേ​ജ്‌മെൻറി​ന്റെ പ്രൊ​ഫസർ ആയ മൈഖേൽ ലീബോഫ്‌ ഇങ്ങനെ നിരീ​ക്ഷണം നടത്തുന്നു: “പ്രധാന കാര്യങ്ങൾ അടിയ​ന്ത​ര​മോ അടിയന്തര കാര്യങ്ങൾ പ്രധാ​ന​മോ ആയിത്തീ​രു​ന്നത്‌ അപൂർവ്വ​മാണ്‌. പോകാൻ വൈകിയ വേളയിൽ കാറ്റു​പോയ ഒരു ടയറിന്റെ കേടു പോക്കുക എന്നത്‌ നിങ്ങളു​ടെ ഓട്ടോ ഇൻഷ്വ​റൻസ്‌ പ്രീമി​യം അടക്കാൻ ഓർമ്മി​ക്കു​ന്ന​തി​നേ​ക്കാൾ അടിയ​ന്തി​ര​മാണ്‌. പക്ഷേ, അതിന്‌ (ടയറിന്‌) മിക്ക കേസു​ക​ളി​ലും താരത​മ്യേന കുറഞ്ഞ പ്രാധാ​ന്യം മാത്രമേ ഉണ്ടായി​രി​ക്കു​ക​യു​ള്ളു.”

അനന്തരം അദ്ദേഹം ഇങ്ങനെ വിലപി​ക്കു​ന്നു: “നിർഭാ​ഗ്യ​വ​ശാൽ, നമ്മിൽ മിക്കവ​രും അടിയ​ന്ത​ര​ത​യു​ടെ ഭീകര​വാ​ഴ്‌ചക്ക്‌ അടി​പ്പെട്ട്‌ അഗ്നി​ക്കെ​തി​രെ പോരാ​ടി​ക്കൊണ്ട്‌ ജീവിതം ചെലവ​ഴി​ക്കു​ന്നു. അതിന്റെ ഫലം നാം അടിയ​ന്തരത കുറഞ്ഞ​തും പക്ഷേ ജീവി​ത​ത്തിൽ അധികം പ്രാധാ​ന്യം ഉള്ളതു​മായ കാര്യങ്ങൾ അവഗണി​ച്ചു​പോ​വു​ന്നു എന്നതാണ്‌. അത്‌ ഒരു വലിയ കാര്യ​ക്ഷ​മ​താ​ഹ​ന്ത​ക​നാണ്‌”.

അതു​കൊണ്ട്‌ മുൻഗ​ണ​നകൾ വയ്‌ക്കു​മ്പോൾ സത്യത്തിൽ പ്രാധാ​ന്യം ഉള്ള കാര്യങ്ങൾ ഏതെല്ലാം എന്ന്‌ നിങ്ങ​ളോട്‌ തന്നെ ചോദി​ക്കുക. അനന്തരം നിങ്ങളു​ടെ സമയത്തി​ന്റെ ഏറിയ പങ്കും ഇവയിൽ ചെലവ​ഴി​ക്കുക. ഒരുപക്ഷേ ഒരു അടിയന്തര കാര്യ​ത്തിന്‌ ഉടനടി​യുള്ള ശ്രദ്ധ ആവശ്യ​മി​ല്ലാ​യി​രി​ക്കാം. അതിന്‌ ഒരു വലിയ അളവ്‌ സമയം ചെലവി​ടു​ന്നതു ന്യായ​മാ​യി​രി​ക്കു​മോ? നിങ്ങൾക്ക്‌ അത്‌ പെട്ടെന്ന്‌ ചെയ്‌തു തീർത്ത്‌ ഏറിയ നേട്ടമുള്ള മറ്റൊ​രു പ്രവൃ​ത്തി​യി​ലേക്ക്‌ നീങ്ങാൻ കഴിയു​മോ? അല്ലെങ്കിൽ അതിലും മെച്ചമാ​യി അത്‌ മറ്റൊ​രാൾക്ക്‌ എൽപ്പി​ച്ചു​കൊ​ടു​ക്കാൻ കഴിയു​മോ?

കൈയിൽ കിട്ടുന്ന ഏതെങ്കി​ലും ജോലി​യിൽ തിരക്കിട്ട്‌ വ്യാപൃ​ത​നാ​കു​ന്ന​തി​നേ​ക്കാൾ സുപ്ര​ധാന നേട്ടങ്ങൾ ഉണ്ടാക്കി​ത്ത​രുന്ന മറ്റെ​ന്തി​ലെ​ങ്കി​ലും വ്യാപൃ​ത​നാ​കു​ന്ന​താണ്‌ അധികം പ്രതി​ഫ​ല​ദാ​യകം എന്നതി​നോട്‌ നിങ്ങൾ നിസ്സം​ശ​യ​മാ​യും യോജി​ക്കും. നിങ്ങളു​ടെ പ്രയത്‌ന​ത്തി​ലേ​റിയ പങ്കും യഥാർത്ഥ നേട്ടങ്ങ​ളിൽ കലാശി​ക്കുന്ന പ്രവൃ​ത്തി​ക​ളി​ലേക്ക്‌ തിരി​ച്ചു​വി​ടാൻ ശ്രമി​ക്കുക.

80⁄20 എന്ന പ്രമാണം

ഇതുവരെ ചർച്ച ചെയ്‌ത തത്വങ്ങൾ ബാധക​മാ​ക്കി​യാൽ നിങ്ങളു​ടെ അനുദിന ജോലി​ക​ളിൽ എത്ര ശതമാനം ഏറ്റവും മുൻഗ​ണ​ന​യു​ള്ള​താ​യി തരം തിരി​ക്കേണ്ടി വരും എന്നു നിങ്ങൾ കരുതു​ന്നു? തീർച്ച​യാ​യും അതു നിങ്ങളു​ടെ പ്രത്യേക ഉത്തരവാ​ദി​ത്ത​ങ്ങളെ ആശ്രയി​ച്ചി​രി​ക്കു​ന്നു. സമയ-ആസൂത്രണ വിദഗ്‌ദ്ധ​രിൽ അനവധി​പ്പേർ അഭി​പ്രാ​യ​പ്പെ​ടു​ന്ന​ത​നു​സ​രിച്ച്‌ അതീവ മുൻഗ​ണ​ന​യുള്ള കാര്യ​ങ്ങളെ, മിക്ക കേസു​ക​ളി​ലും ഏകദേശം 20 ശതമാ​ന​മാ​യി ചുരു​ക്കാൻ കഴിയും. ഒരു വഴികാ​ട്ടി​യെന്ന നിലയിൽ അവർ 80⁄20 പ്രമാണം ചൂണ്ടി​ക്കാ​ണി​ക്കു​ന്നു.

ഈ തത്വം ആവിഷ്‌ക​രി​ച്ചത്‌ പത്തൊ​മ്പ​താം നൂറ്റാ​ണ്ടി​ലെ ഇറ്റാ​ലി​യൻ സാമ്പത്തിക വിദഗ്‌ദ്ധ​നായ വിൽ​ഫ്രേ​ഡോ പാരെ​റ്റോ ആയിരു​ന്നു. ഈ തത്വം കാണി​ക്കു​ന്നത്‌ ഹേതു​ക്ക​ളിൽ 20 ശതമാനം മാത്ര​മാണ്‌ ഫലങ്ങളു​ടെ 80 ശതമാ​ന​വും ഉത്‌പാ​ദി​പ്പി​ക്കു​ന്നത്‌ എന്നാണ്‌. നിങ്ങൾ ജാഗരൂ​ക​നാ​ണെ​ങ്കിൽ, അനുദിന ജീവി​ത​ത്തിൽ പാരെ​റ്റോ​യു​ടെ തത്വം ബാധക​മാ​കുന്ന ഒട്ടേറെ രംഗങ്ങ​ളുണ്ട്‌ എന്ന്‌ നിങ്ങൾ കണ്ടെത്തും. എന്നാൽ നിങ്ങളു​ടെ സമയവി​നി​യോ​ഗ​ത്തി​ന്റെ കാര്യ​ത്തിൽ 80⁄20 പ്രമാണം എങ്ങനെ ബാധക​മാ​ക്കാൻ കഴിയും?

നിങ്ങൾക്ക്‌ ചെയ്യേ​ണ്ട​തായ കാര്യ​ങ്ങ​ളു​ടെ പട്ടിക​യി​ലെ ഇനങ്ങൾ വിശക​ലനം ചെയ്യുക. പട്ടിക​പ്പെ​ടു​ത്തി​യി​രി​ക്കുന്ന പത്തു കാര്യ​ങ്ങ​ളിൽ രണ്ടെണ്ണം നിറ​വേ​റ്റു​ന്ന​തി​ലൂ​ടെ നിങ്ങൾക്ക്‌ 80 ശതമാനം ഫലപ്ര​ദ​ത്വം കൈവ​രി​ക്കാൻ കഴിയും. അങ്ങനെ​യെ​ങ്കിൽ നിങ്ങളു​ടെ പട്ടിക​യി​ലെ ഏറ്റവും പ്രധാ​ന​മായ രണ്ടിനങ്ങൾ ഇവയാണ്‌. കൂടാതെ, ഒരു സംരം​ഭ​ത്തി​ലേക്ക്‌ എടുത്തു​ചാ​ടു​ന്ന​തിന്‌ മുമ്പ്‌ അതിനെ അപഗ്ര​ഥി​ക്കുക. അതിൽ നിങ്ങളു​ടെ ലക്ഷ്യ​പ്രാ​പ്‌തിക്ക്‌ അനിവാ​ര്യ​മാ​യി​രി​ക്കു​ന്നത്‌ ഏതള​വോ​ളം? ആ ജോലി​യു​ടെ ഏതു ഭാഗം ഏറ്റവും പ്രധാ​ന​മായ ഫലങ്ങൾ ഉത്‌പാ​ദി​പ്പി​ക്കും? ജോലി​യു​ടെ ഈ ഭാഗമാണ്‌ മുൻഗണന അർഹി​ക്കു​ന്നത്‌.

സമയ-വിനി​യോഗ വിദഗ്‌ദ്ധ​നായ ഡ്രൂ സ്‌കോട്ട്‌, പാരെ​റ്റോ​യു​ടെ തത്വം ചർച്ച ചെയ്‌ത​തി​നു​ശേഷം, അത്‌ നിങ്ങൾക്ക്‌ എങ്ങനെ ഉപയോ​ഗ​ക്ഷ​മ​മാ​ക്കാം എന്ന്‌ വിശദീ​ക​രി​ക്കു​ന്നു. അവർ പറയുന്നു: “നിങ്ങളു​ടെ ഉദ്ദേശ്യ​ല​ക്ഷ്യം നേടി​യെ​ടു​ക്കു​ന്ന​തിന്‌ അതി​പ്ര​ധാ​ന​മായ ഘടകങ്ങളെ തിരി​ച്ച​റി​യുക. ആദ്യം അവ ചെയ്യുക. നിങ്ങൾക്ക്‌ ഏറ്റവും കുറഞ്ഞ സമയം കൊണ്ട്‌ ഏറ്റവും അധികം ഫലം ലഭിക്കും.”

പ്രയോ​ജ​നങ്ങൾ ആസ്വദി​ക്കു​ക

നിങ്ങളു​ടെ സമയത്തി​ന്റെ യജമാ​ന​നാ​യി​രി​ക്കു​ക​യെ​ന്നാൽ ഒരു മിനി​റ്റു പോലും പാഴാ​ക്കാ​തെ കർമ്മനി​ര​ത​നാ​യി​രി​ക്കു​ക​യെ​ന്നോ പ്രതി​സ​ന്ധി​യിൽ നിന്ന്‌ പ്രതി​സ​ന്ധി​യി​ലേക്ക്‌ പായു​ക​യെ​ന്നോ അല്ല അതിന്റെ അർത്ഥം എന്ന്‌ ഈ ഘട്ടത്തിൽ മെച്ചമാ​യി മനസ്സി​ലാ​ക്കാൻ നിങ്ങൾക്ക്‌ കഴിയു​ന്നു​ണ്ടാ​വും. മറിച്ച്‌ ഫലപ്ര​ദ​മായ സമയ വിനി​യോ​ഗ​ത്തി​ന്റെ അർത്ഥം ഇപ്പോൾ ചെയ്യേ​ണ്ട​തായ യോഗ്യ​മായ ജോലി തെര​ഞ്ഞെ​ടു​ക്കുക എന്നാണ്‌. അതിന്റെ അർത്ഥം ഉത്തമ നേട്ടങ്ങൾ കൈവ​രു​ത്തുന്ന പ്രവർത്ത​നങ്ങൾ ഏവ എന്ന്‌ തിരി​ച്ച​റി​യു​ക​യും സാദ്ധ്യ​മാ​കു​വോ​ളം ഇവയിൽ സമയം ചെലവ​ഴി​ക്കു​ക​യും ചെയ്യുക എന്നാണ്‌.

നിങ്ങളു​ടെ സമയത്തി​ന്റെ വ്യക്തി​പ​ര​മായ ക്രമീ​ക​ര​ണ​ത്തിന്‌ കർക്കശ​മായ ചട്ടങ്ങളില്ല. ഈ ലേഖന​ത്തി​ലെ അഭി​പ്രാ​യ​ങ്ങ​ളിൽ നിന്ന്‌ പ്രയോ​ജ​ന​മ​നു​ഭ​വി​ക്കു​ന്ന​തിന്‌ വഴക്കമു​ള്ള​വ​രാ​യി​രി​ക്കുക. പരീക്ഷണം നടത്തുക. പൊരു​ത്ത​പ്പെ​ടു​ത്തുക. നിങ്ങൾക്ക്‌ ഉത്തമാ​യി​രി​ക്കു​ന്ന​തെ​ന്തെന്ന്‌ കണ്ടുപി​ടി​ക്കുക. ഈ പേജിലെ കളത്തി​ലുള്ള ആശയങ്ങൾ വായിച്ച്‌ അവയി​ലേ​തെ​ല്ലാം കർക്കശ​നായ ഒരു യജമാ​നനെ സഹായി​യായ സേവക​നാ​ക്കി മാറ്റാൻ നിങ്ങളെ സഹായി​ക്കും എന്നു കാണുക.

നിങ്ങളു​ടെ സമയത്തി​ന്റെ മേൽ നിങ്ങൾക്ക്‌ മെച്ചമായ നിയ​ന്ത്രണം ലഭിക്കു​ന്ന​തോ​ടെ ഓരോ ദിവസാ​ന്ത്യ​ത്തി​ലും നിങ്ങൾക്ക്‌ എന്തൊരു കൃതാർത്ഥ​ത​യാ​യി​രി​ക്കും അനുഭ​വ​പ്പെ​ടുക! നാള​ത്തേക്ക്‌ ഒട്ടേറെ ജോലി​കൾ അവശേ​ഷി​ക്കാൻ ഇടയാ​യേ​ക്കാ​മെ​ങ്കി​ലും ഏറ്റവും പ്രധാ​ന​മായ കാര്യ​ങ്ങ​ളി​ലേക്ക്‌ നിങ്ങൾ നിങ്ങളു​ടെ യത്‌നങ്ങൾ തിരി​ച്ചു​വി​ട്ടു എന്നറി​യു​ന്ന​തി​ന്റേ​തായ സംതൃ​പ്‌തി നിങ്ങൾക്കു​ണ്ടാ​യി​രി​ക്കും. നിങ്ങൾ നിങ്ങളു​ടെ കഠിനാ​ദ്ധ്വാ​ന​ത്തിൽ നിന്നുള്ള “നൻമ കാണും.”

ഒടുവിൽ ഇതാ—സാരവ​ത്തായ കാര്യ​ങ്ങൾക്ക്‌ വേണ്ടു​വോ​ളം സമയം എന്നു​പോ​ലും നിങ്ങൾക്ക്‌ തോന്നും. അപ്പോൾ നിങ്ങൾ ധൃതി​പൂണ്ട സാഹച​ര്യ​ങ്ങ​ളു​ടെ ഇരയാ​കു​ക​യില്ല, പിന്നെ​യോ നിങ്ങൾ നിങ്ങളു​ടെ സമയത്തി​ന്റെ യജമാ​ന​നാ​യി​ത്തീ​രും. അത്‌ നിങ്ങളു​ടെ ജോലിക്ക്‌ ഏറിയ ഫലപ്ര​ദ​ത്വം മാത്രമല്ല ഏറിയ സന്തോ​ഷ​വും കൈവ​രു​ത്തും. (g87 12/8)

[19-ാം പേജിലെ ചതുരം]

സമയം ലാഭി​ക്കു​ന്ന​തി​നുള്ള മാർഗ്ഗങ്ങൾ

1. ജീവി​ത​ത്തിൽ വ്യക്തമായ മൂല്യ​ങ്ങ​ളും ലാക്കു​ക​ളും ഉണ്ടായി​രി​ക്കുക. ദൈനം​ദിന മുൻഗ​ണ​നകൾ വയ്‌ക്കു​ന്ന​തി​ലുള്ള താക്കോൽ ഇതാണ്‌.

2. ഏകാഗ്രത ആവശ്യ​മായ ജോലി​കൾ നിങ്ങൾ ഏറ്റവും ജാഗരൂ​ക​നാ​യി​രി​ക്കുന്ന സമയത്ത്‌ ചെയ്യുക.

3. ഒരു വ്യക്തി​യു​മാ​യി സമ്പർക്കം പുലർത്താൻ മിക്കവാ​റും സാദ്ധ്യ​ത​യു​ള്ള​പ്പോൾ ഫോൺ കോളു​കൾ നടത്തുക.

4. സാദ്ധ്യ​മാ​കു​മ്പോ​ഴെ​ല്ലാം മറ്റു​ള്ള​വരെ ജോലി​കൾ ഏൽപ്പി​ക്കുക. അത്‌ കൂടുതൽ കർത്തവ്യ​നിർവ്വ​ഹ​ണ​ത്തിന്‌ നിങ്ങളെ സ്വത​ന്ത്ര​നാ​ക്കു​ന്നു, അതോ​ടൊ​പ്പം അത്‌ മറ്റു​ള്ള​വർക്ക്‌ പരിശീ​ല​ന​വും സാദ്ധ്യ​മാ​ക്കി​ത്തീർക്കു​ന്നു.

5. കടലാസു ജോലി​കൾ ചെയ്യു​മ്പോൾ അതിന്‌ ‘തത്‌ക്കാല ഇരിപ്പി​ടം’ നൽകാതെ ഓരോ തുണ്ടു കടലാ​സ്സും ഒരിക്കൽ മാത്രം കൈകാ​ര്യം ചെയ്യാൻ ശ്രമി​ക്കുക.

6. മറ്റു​ള്ള​വ​രും ഒത്തുള്ള യോഗ​ങ്ങ​ളിൽ ഒരു അജണ്ട​യോട്‌ (ഇനവി​വ​ര​പ്പ​ട്ടിക) പറ്റി നിൽക്കുക. ആരംഭ​ത്തി​നും അവസാ​ന​ത്തി​നും നിർദ്ദിഷ്ട സമയം ഉണ്ടായി​രി​ക്കട്ടെ.

7. ആവശ്യ​മായ പണിയാ​യു​ധങ്ങൾ വളരെ സമീപം കരുതി​ക്കൊണ്ട്‌ നിങ്ങളു​ടെ പണിസ്ഥലം ക്രമീ​ക​രി​ക്കുക.

8. നിങ്ങളു​ടെ വഴിക്കു​വ​രുന്ന ഓരോ സാമൂ​ഹ്യ​ക്ഷ​ണ​വും സ്വീക​രി​ക്കാൻ കടപ്പെ​ട്ട​വ​നാണ്‌ നിങ്ങൾ എന്ന്‌ കരുത​രുത്‌. നയപൂർവം ഇല്ല എന്നു പറയാൻ പഠിക്കുക.

9. വാങ്ങു​ന്ന​തി​നും പായ്‌ക്കു ചെയ്യു​ന്ന​തി​നും ഉള്ള ഇനങ്ങളു​ടെ പട്ടികകൾ ആവർത്തിച്ച്‌ പുതുക്കി എഴുതു​ന്ന​തി​നു പകരം സാദ്ധ്യ​മാ​കു​വോ​ളം സ്ഥിരമായ മാതൃ​കാ​പ​ട്ടി​കകൾ ഉണ്ടാക്കുക.

10. നിങ്ങൾക്ക്‌ ഫലപ്ര​ദ​മാ​യി പ്രവർത്തി​ക്കാൻ കഴിയ​ത്ത​ക്ക​വണ്ണം വേണ്ടത്ര വിശ്ര​മ​വും വിനോ​ദ​വും ആസ്വദി​ക്കുക.

11. കാര്യ​ങ്ങ​ളു​ടെ പൂർത്തീ​ക​ര​ണ​ത്തിന്‌ നിശ്ചിത അവധികൾ വയ്‌ക്കുക.

12. കാലവി​ളം​ബം വരുത്താ​തി​രി​ക്കുക.

13. ഭീമായ ജോലി​കളെ ചെറു​ജോ​ലി​ക​ളാ​യി വിഭജി​ക്കുക.

14. പൂർണ്ണ​താ​വാ​ദി ആയിരി​ക്ക​രുത്‌. വാസ്‌ത​വ​ത്തിൽ എന്തു പ്രധാനം എന്നതിൽ ശ്രദ്ധ കേന്ദ്രീ​ക​രി​ക്കുക.

15. കാത്തു​നിൽക്കുന്ന വേളകളെ നന്നായി ഉപയോ​ഗി​ക്കുക. ഒരു കത്തെഴു​തു​ക​യോ, വായി​ക്കു​ക​യോ, മറ്റെ​ന്തെ​ങ്കി​ലും സുപ്ര​ധാ​ന​മായ ജോലി നിറ​വേ​റ്റു​ക​യോ ചെയ്യുക.

16. നിങ്ങൾ തെര​ഞ്ഞെ​ടു​ക്കാത്ത ജോലി​ക​ളിൽ സമയം ചെലവി​ടാ​നുള്ള സന്ദർഭങ്ങൾ ഉണ്ടാകും എന്ന്‌ തിരി​ച്ച​റി​യുക. അവയെ​പ്രതി ആവലാ​തി​പൂണ്ട്‌ സമയം പാഴാ​ക്കാ​തി​രി​ക്കുക. പകരം അത്‌ നിറ​വേ​റ്റാൻ പ്രവർത്തി​ക്കുക.

[17-ാം പേജിലെ ചിത്രം]

ചെയ്യേണ്ടതായ കാര്യ​ങ്ങ​ളു​ടെ ഒരു മുൻഗ​ണ​നാ​പ​ട്ടിക തയ്യാറാ​ക്കു​ന്നത്‌ സഹായ​ക​മാ​ണെന്ന്‌ അനേകർ കണ്ടെത്തു​ന്നു

[18-ാം പേജിലെ ചിത്രങ്ങൾ]

വ്യക്തിപരമായ സംവി​ധാ​ന​ത്തി​നും മുൻഗ​ണ​നകൾ വയ്‌ക്ക​ലി​നും ലോക​ത്തി​ലെ മാറ്റ​ങ്ങ​ളെ​ല്ലാം വരുത്താൻ കഴിയു​ന്നു