നിങ്ങൾ തെര​ഞ്ഞെ​ടു​ക്കു​ന്നു​വോ അതോ നിങ്ങൾക്കു​വേണ്ടി മററ​ള്ളവർ തെര​ഞ്ഞെ​ടു​ക്കാൻ അനുവ​ദി​ക്കു​ന്നു​വോ?

പെ​ഡ്രോ​യിക്ക്‌ എട്ടു വയസ്സാ​കു​ന്ന​തു​വരെ അവൻ മമനു​ഷ്യ​ന്റെ സ്രഷ്‌ടാ​വും ഭൂമി​യു​ടെ നിർമ്മാ​താ​വും എന്നു സങ്കൽപ്പി​ക്ക​പ്പെട്ട മലീവാ​യെ ആരാധി​ച്ചി​രു​ന്നു. സകല തിൻമ​യു​ടെ​യും രോഗ​ത്തി​ന്റെ​യും മുന്നോ​ടി​യെന്നു പറയപ്പെട്ട യോളു​ജാ​യെ അവനു ഭയമാ​യി​രു​ന്നു. അധോ​ലോക ദേവത​യെന്നു കുററ​പ്പെ​ടു​ത്ത​പ്പെ​ട്ടി​രുന്ന പുലോ​വി​യു​ടെ ദുഷ്‌ട​ബു​ദ്ധി​യോ​ടു​കൂ​ടിയ പദ്ധതി​കളെ ഒഴിവാ​ക്കാൻ അവൻ ശ്രമിച്ചു.

പെഡ്രോ വെന​സ്വേ​ല​യി​ലെ അനേകം ഇൻഡ്യൻ ഗോ​ത്ര​ങ്ങ​ളി​ലൊ​ന്നായ ഒരു ഗ്വാജി​റോ ആയിരു​ന്നു. അവൻ ഒരു കത്തോ​ലി​ക്ക​നാ​യി സ്‌നാ​പ​ന​മേൽക്കാൻ സ്ഥലത്തെ സ്‌കൂൾറ​റീ​ച്ചർ ക്രമീ​ക​രി​ക്കു​ന്ന​തു​വരെ അവൻ തന്റെ പൂർവി​ക​രു​ടെ പാരമ്പ​ര്യ​മതം അനുസ​രി​ച്ചു​പോ​ന്നു.

“ആരും എന്നോട്‌ ആലോ​ചി​ച്ചില്ല, എന്റെ പുതിയ മതത്തെ​ക്കു​റിച്ച്‌ എനിക്ക്‌ യാതൊ​ന്നും അറിയാൻ പാടി​ല്ലാ​യി​രു​ന്നു,” പെഡ്രോ വിശദീ​ക​രി​ച്ചു. “എന്നാൽ ഈ പുതിയ വിശ്വാ​സം സ്വീക​രി​ക്കു​ന്നത്‌ പ്രയാ​സ​മാ​യി​രി​ക്കു​ക​യി​ല്ലെന്ന്‌ ഞാൻ തിരി​ച്ച​റി​ഞ്ഞു, അത്‌ എന്റെ അനുദിന നടത്തയിൽ യാതൊ​രു ഗണ്യമായ മാററ​വും ആവശ്യ​പ്പെ​ട്ടില്ല. ഡിസം​ബ​റിൽ ഒരു സമയത്ത്‌ ഞാൻ എല്ലായ്‌പ്പോ​ഴും കുറു​ബാ​നക്ക്‌ പോയി​രു​ന്ന​തു​കൊണ്ട്‌ ഞാൻ എന്റെ പുതിയ മതത്തോ​ടു വിശ്വ​സ്‌ത​നാ​യി​രു​ന്നു.”

രണ്ടു വ്യത്യസ്‌ത മതങ്ങളിൽ ഉൾപ്പെ​ട്ടി​രു​ന്നെ​ങ്കി​ലും രണ്ടു കേസു​ക​ളി​ലും പെഡ്രോ ബോധ​പൂർവ​ക​മായ ഒരു തെര​ഞ്ഞെ​ടു​പ്പു നടത്തി​യി​രു​ന്നില്ല. മററു​ള്ളവർ അവനു​വേണ്ടി തെര​ഞ്ഞെ​ടു​ത്തി​രു​ന്നു. നൂററാ​ണ്ടു​ക​ളിൽ അവന്റെ അനുഭവം അസംഖ്യം പ്രാവ​ശ്യം ആവർത്തി​ക്ക​പ്പെ​ട്ടി​ട്ടുണ്ട്‌. യഥാർത്ഥ​ത്തിൽ, ഇന്നു ജീവി​ച്ചി​രി​ക്കുന്ന അഞ്ഞൂറു​കോ​ടി​യാ​ളു​ക​ളിൽ താരത​മ്യേന ചുരു​ക്കം​പേരേ മതത്തിന്റെ കാര്യ​ത്തിൽ മനഃപൂർവ​മായ ഒരു തെര​ഞ്ഞെ​ടു​പ്പു നടത്തി​യി​ട്ടു​ള്ളു. ഭൂരി​പ​ക്ഷ​ത്തി​ന്റെ​യും മതം, അവരുടെ ആകാര​വും അവരുടെ ലക്ഷണങ്ങ​ളും അല്ലെങ്കിൽ അവർ ജീവി​ക്കുന്ന വീടും പോലെ ഏറെയും അവകാ​ശ​പ്പെ​ടു​ത്തി​യ​താണ്‌.

അവർ സ്വന്തം തെര​ഞ്ഞെ​ടു​പ്പു നടത്തി

എന്നാൽ നാം അവകാ​ശ​പ്പെ​ടു​ത്തു​ന്നത്‌ എല്ലായ്‌പ്പോ​ഴും നല്ലതാ​ണോ? നാം നമ്മുടെ ചമയം നമ്മാൽ കഴിയു​ന്ന​തു​പോ​ലെ മെച്ച​പ്പെ​ടു​ത്താൻ ശ്രമി​ച്ചേ​ക്കാം. നമ്മുടെ മാതാ​പി​താ​ക്കൾ നമുക്കു വിട്ടു​ത​ന്നി​രി​ക്കാ​വുന്ന വീട്‌ മെച്ച​പ്പെ​ടു​ത്താൻ നാം കഠിന​യ​ത്‌നം ചെയ്‌തേ​ക്കാം. നാം അവകാ​ശ​പ്പെ​ടു​ത്തി​യി​രി​ക്കുന്ന അനഭി​ല​ഷ​ണീയ സ്വഭാ​വ​വി​ശേ​ഷങ്ങൾ തരണം​ചെ​യ്യാൻ നാം പോരാ​ടു​ക​പോ​ലും ചെയ്‌തേ​ക്കാം.

ഈ കാരണ​ത്താൽ, ഭൂമി​യി​ലെ​ല്ലാം തങ്ങളുടെ പൂർവ​പി​താ​ക്ക​ളിൽനിന്ന്‌ അവകാ​ശ​പ്പെ​ടു​ത്തിയ മതത്തെ രണ്ടാമ​തൊ​ന്നു വീക്ഷി​ക്കുന്ന ചിലരുണ്ട്‌. ചോദ്യം​ചെ​യ്യാ​തെ പുലർത്തി​പ്പോ​രേണ്ട ഒരു കുടും​ബ​പാ​ര​മ്പ​ര്യ​ത്തി​ന്റെ നിരസ​ന​മാ​യി ഇതിനെ പരിഗ​ണി​ക്കു​ന്ന​തി​നു പകരം അവരുടെ ആത്മീയ വാഞ്‌ഛ മെച്ചമായ ഒന്ന്‌ അന്വേ​ഷി​ക്കാൻ അവരെ പ്രേരി​പ്പി​ച്ചി​രി​ക്കു​ന്നു. ഹിറോ​ക്കോ​യു​ടെ കാര്യ​ത്തിൽ ഇതായി​രു​ന്നു വാസ്‌തവം. അവളുടെ പിതാവ്‌ ജപ്പാനി​ലെ മയോ​ക്യോ ക്ഷേത്ര​ത്തി​ലെ ഒരു ബൗദ്ധപു​രോ​ഹി​ത​നാ​യി​രു​ന്നു.

“ഞാൻ ഒരു കുട്ടി​യാ​യി​രു​ന്ന​പ്പോൾ ശീതകാ​ലത്തെ അതി​ശൈ​ത്യ​മുള്ള രാത്രി​ക​ളിൽ ഞാൻ ഞങ്ങളുടെ ഗ്രാമ​ത്തി​ലെ മഞ്ഞുനി​റഞ്ഞ തെരു​വു​ക​ളി​ലൂ​ടെ അങ്ങോ​ട്ടു​മി​ങ്ങോ​ട്ടും നടക്കു​മാ​യി​രു​ന്നു,” ഹിറോ​ക്കോ വിശദീ​ക​രി​ക്കു​ന്നു. “അപ്പൻ ഒരു തമ്പേറ​ടി​ച്ചു​കൊ​ണ്ടും സൂത്രങ്ങൾ ഉരുവി​ട്ടു​കൊ​ണ്ടും മുമ്പിൽ നടക്കും. ഇളം​പ്രാ​യ​ത്തിൽതന്നെ ആത്മ പരിത്യാ​ഗ​ച​ട​ങ്ങു​ക​ളും ബുദ്ധമത കർമ്മങ്ങ​ളും എന്റെ ജീവി​ത​ത്തി​ന്റെ ഒരു ഭാഗമാ​യി​രു​ന്നു.”

എന്നിരു​ന്നാ​ലും, ഹിറോ​ക്കോ അവളുടെ അവകാ​ശ​പ്പെ​ടു​ത്തിയ മതത്തിൽ അസന്തു​ഷ്ട​യാ​യി​രു​ന്നു. “എനിക്കു​ണ്ടാ​യി​രുന്ന അനേകം ചോദ്യ​ങ്ങൾക്ക്‌ തൃപ്‌തി​ക​ര​മായ ഒരു ഉത്തരം​പോ​ലും എനിക്ക്‌ കണ്ടെത്താൻ കഴിഞ്ഞി​രു​ന്നില്ല. മരിച്ച​വ​രു​ടെ മരണാ​നന്തര പേരു​മാ​റ​റ​ങ്ങ​ളും സൂത്രങ്ങൾ ഉരുവി​ട്ടാ​ലു​ടനെ ശവകു​ടീ​ര​ശി​ല​കളെ ജീവി​ക​ളാ​യി കരുതു​ന്ന​തും ഒരു വിശ്വാ​സി​യെ സംരക്ഷി​ക്കു​മെന്നു സങ്കൽപ്പി​ക്ക​പ്പെ​ടുന്ന കടലാസ്‌ മന്ത്രങ്ങ​ളും മററ​നേകം ക്ഷേത്ര​ച​ട​ങ്ങു​ക​ളും എന്നെ യഥാർത്ഥ​മാ​യി പരി​ഭ്ര​മി​പ്പി​ച്ചു.

“ഞങ്ങൾ ബുദ്ധമ​ത​ത്തി​ലെ അത്യന്തം ഉദ്‌ബു​ദ്ധ​മായ വിഭാ​ഗ​ത്തിൽപെ​ട്ട​വ​രാ​ണെന്ന്‌ എന്നോടു പറയ​പ്പെട്ടു. എന്നിരു​ന്നാ​ലും, എന്റെ ചോദ്യ​ങ്ങ​ളെ​ല്ലാം പിന്നെ​യും ഉത്തരം​കി​ട്ടാ​തെ ശേഷി​ക്കു​ക​യാ​യി​രു​ന്നു. എവി​ടെ​യെ​ങ്കി​ലും എന്തെങ്കി​ലു​മു​ണ്ടാ​യി​രി​ക്കു​മെന്ന്‌ എനിക്കു ബോദ്ധ്യ​മു​ണ്ടാ​യി​രു​ന്നു. എല്ലാ ഉത്തരങ്ങ​ളും എനിക്കു തരുന്ന ഒരു മതത്തെ യഥേഷ്ടം പരി​ശോ​ധി​ക്ക​ണ​മെ​ന്നാ​യി​രു​ന്നു എന്റെ ആശ.” ഹിറോ​ക്കോ തൃപ്‌ത​യാ​കാ​തെ ഒരു പൗരസ്‌ത്യ​മ​ത​ത്തിൽനിന്ന്‌ മറെറാ​ന്നി​ലേക്ക്‌ അലഞ്ഞു​ന​ടന്നു. ഒടുവിൽ, യഹോ​വ​യു​ടെ സാക്ഷി​ക​ളു​ടെ സഹായ​ത്തോ​ടെ അവൾ സർവശ​ക്ത​നായ ദൈവ​ത്തെ​ക്കു​റിച്ച്‌, ആകാശ​ത്തെ​യും ഭൂമി​യെ​യും സൃഷ്ടി​ച്ച​വ​നെ​ക്കു​റിച്ച്‌, ബൈബി​ളിൽനി​ന്നു പഠിച്ചു. അവളുടെ കുട്ടി​ക്കാ​ലത്തെ ചോദ്യ​ങ്ങൾക്കുള്ള ഉത്തരങ്ങ​ളും അവൾ കണ്ടെത്തി.

അവളുടെ കാര്യ​ത്തിൽ, യിരെ​മ്യാ​പ്ര​വാ​ച​കന്റെ വാക്കുകൾ അക്ഷരീ​യ​മാ​യി നിവർത്തി​ക്ക​പ്പെട്ടു: “നിങ്ങൾ എന്നെ അന്വേ​ഷി​ക്കു​മ്പോൾ നിങ്ങൾ എന്നെ കണ്ടെത്തും; നിങ്ങൾ നിങ്ങളു​ടെ പൂർണ്ണ​ഹൃ​ദ​യ​ത്തോ​ടെ എന്നെ അന്വേ​ഷി​ക്കു​ന്നു​വെ​ങ്കിൽ, എന്നെ കണ്ടെത്താൻ ഞാൻ നിങ്ങളെ അനുവ​ദി​ക്കും എന്നു കർത്താവു പറയുന്നു.”—യിരെ​മ്യാവ്‌ 29:13, 14, ന്യൂ ഇംഗ്ലീഷ്‌ ബൈബിൾ.

തന്റെ മാതാ​പി​താ​ക്ക​ളു​ടെ മതത്തിൽനി​ന്നു വ്യത്യ​സ്‌ത​മാ​യി​രു​ന്നെ​ങ്കി​ലും ഹിറോ​ക്കോ സ്വന്തം മതം തെര​ഞ്ഞെ​ടു​ക്കു​ന്നത്‌ പ്രയോ​ജ​ന​ക​ര​മാ​ണെന്ന്‌ വിചാ​രി​ച്ചു. “പ്രകാ​ശനം ലഭിച്ച​തിൽ ഞാൻ അതിര​ററു സന്തോ​ഷി​ച്ചു, ഇപ്പോൾ എനിക്ക്‌ എന്നെ അനേക വർഷങ്ങ​ളാ​യി അലട്ടി​ക്കൊ​ണ്ടി​രുന്ന ചോദ്യ​ങ്ങ​ളും ഉൽക്കൺഠ​ക​ളു​മില്ല” എന്ന്‌ അവൾ വിശദീ​ക​രി​ക്കു​ന്നു. എന്നാൽ നിങ്ങളു​ടെ ഇപ്പോ​ഴത്തെ മതത്തിൽ നിങ്ങൾ സംതൃ​പ്‌ത​രാ​ണെ​ങ്കി​ലും അല്ലെങ്കി​ലും നിങ്ങൾ ഒരു തെര​ഞ്ഞെ​ടു​പ്പു നടത്തേ​ണ്ടത്‌ ഇപ്പോ​ഴും ഉചിത​മാണ്‌.

ഒരു തെര​ഞ്ഞെ​ടു​പ്പു നടത്തേ​ണ്ട​തെ​ന്തു​കൊണ്ട്‌?

നാം സമയ​മെ​ടു​ത്തു ചിന്തി​ക്കു​ക​യാ​ണെ​ങ്കിൽ, മതം വരുന്ന​തു​പോ​ലെ വരട്ടെ​യെന്നു വെക്കാൻ പാടി​ല്ലാ​ത്ത​വണ്ണം പ്രാധാ​ന്യ​മു​ള്ള​താ​ണെന്ന്‌ നമ്മിൽ മിക്കവ​രും സമ്മതി​ക്കും. എന്തിന്‌, അനുദിന കാര്യ​ങ്ങ​ളിൽ പോലും നാം സ്വന്തം ജീവി​തത്തെ കഴിയു​ന്നി​ട​ത്തോ​ളം നിയ​ന്ത്രി​ക്കാൻ ശ്രമി​ക്കു​ന്നു. ആർ സാഹച​ര്യ​ങ്ങ​ളു​ടെ ഒരു ഇര മാത്ര​മാ​യി​രി​ക്കാ​നാ​ഹ്രി​ക്കു​ന്നു?

നിങ്ങൾക്ക്‌ കലശലായ തലവേ​ദ​ന​യു​ണ്ടെ​ങ്കിൽ, നിങ്ങൾ ലേബലിൽ സൂക്ഷ്‌മ​ത​യോ​ടെ നോക്കാ​തെ കൂടി​ക്ക​ലർന്നു​കി​ട​ക്കുന്ന മരുന്നു​ക​ളു​ടെ ഒരു കൂട്ടത്തിൽനിന്ന്‌ പെട്ടെന്ന്‌ ഒന്നുരണ്ടു ഗുളി​കകൾ എടുത്തു തിന്നു​മോ?

നിങ്ങൾ പുതിയ വസ്‌ത്രം തെര​ഞ്ഞെ​ടു​ക്കു​ക​യാ​ണെ​ങ്കിൽ കടയിൽ ആദ്യം കൈയിൽകി​ട്ടിയ സ്യൂട്ട്‌ കൃത്യ​മാ​യും ചേരു​മെന്ന്‌ ആഹ്ലാദ​പൂർവം സങ്കൽപ്പി​ച്ചു​കൊണ്ട്‌ കൈക്ക​ലാ​ക്കു​മോ?

നിങ്ങൾ ഒരു പഴയ കാർ വാങ്ങു​ക​യാ​ണെ​ങ്കിൽ എൻജിൻപോ​ലും പരി​ശോ​ധി​ക്കാ​തെ നിങ്ങൾ അത്‌ ഓടി​ച്ചു​കൊ​ണ്ടു പോകു​മോ?

‘ഭോഷൻമാർ മാത്രമേ അതു ചെയ്യു​ക​യു​ള്ളു’ എന്ന്‌ നിങ്ങൾ വിചാ​രി​ച്ചേ​ക്കാം. അങ്ങനെ​യുള്ള കാര്യങ്ങൾ നിസ്സാ​ര​മാ​യി എടുക്ക​രുത്‌. എന്നിരു​ന്നാ​ലും, നമ്മില​നേ​കർക്കും ഒരുവന്റെ ജീവി​ത​ത്തി​ലെ ഏററവും നിർണ്ണാ​യ​ക​മായ തീരു​മാ​ന​ങ്ങ​ളി​ലൊന്ന്‌—നമ്മുടെ മതം ഏതായി​രി​ക്ക​ണ​മെ​ന്നു​ളു​ളത്‌—പണ്ടേ വിസ്‌മൃ​ത​മായ ചരി​ത്ര​ത്തി​ന്റെ സവി​ശേ​ഷ​മാ​റ​റ​ങ്ങ​ളാ​ലും ജൻമസ്ഥ​ല​ങ്ങ​ളാ​ലും യാദൃ​ച്ഛി​ക​മാ​യി തീരു​മാ​നി​ക്ക​പ്പെ​ട്ടി​രി​ക്കു​ക​യാണ്‌.

‘എന്റെ മതം എന്തി​നോ​ടു കടപ്പെ​ട്ടി​രി​ക്കു​ന്നു?’ എന്ന്‌ നിങ്ങ​ളോ​ടു​തന്നെ ചോദി​ക്കു​ന്നത്‌ ബുദ്ധി​പൂർവ​ക​മാ​യി​രി​ക്കു​ക​യി​ല്ലേ? അത്‌ ഞാൻ ഒരിക്ക​ലും ചോദ്യം​ചെ​യ്‌തി​ട്ടി​ല്ലാ​ത്ത​താ​യി കൈമാ​റി​ക്കി​ട്ടി​യ​താ​ണോ? അതോ ഞാൻ കരുതി​ക്കൂ​ട്ടി ഒരു യുക്തി​പൂർവ​ക​മായ തെര​ഞ്ഞെ​ടു​പ്പു നടത്തി​യി​രി​ക്കു​ന്നു​വോ? അങ്ങനെ​യുള്ള ചോദ്യ​ങ്ങൾ ചോദി​ക്കാൻത​ന്നെ​യാണ്‌ ബൈബിൾ നമ്മെ പ്രോൽസാ​ഹി​പ്പി​ക്കു​ന്നത്‌? ‘തങ്ങൾ വിശ്വാ​സ​ത്തി​ലാ​ണോ​യെന്ന്‌ പരി​ശോ​ധി​ച്ചു​കൊ​ണ്ടി​രി​ക്കാൻ, അവർ ആരാ​ണെന്ന്‌ തെളി​യി​ച്ചു​കൊ​ണ്ടി​രി​ക്കാൻ’ അപ്പോ​സ്‌ത​ല​നായ പൗലോസ്‌ കൊരി​ന്ത്യ​രെ ബുദ്ധി​യു​പ​ദേ​ശി​ച്ചു.—2 കൊരി​ന്ത്യർ 13:5.

ബൈബിൾ തിമൊ​ഥെ​യോസ്‌ എന്നു പേരു​ണ്ടാ​യി​രുന്ന ഒരു ചെറു​പ്പ​ക്കാ​ര​നെ​ക്കു​റി​ച്ചു പറയുന്നു. അവന്റെ അമ്മയും വല്യമ്മ​യും തിരു​വെ​ഴു​ത്തു​കൾക്ക​നു​യോ​ജ്യ​മാ​യി അവനെ വളർത്തി. എന്നാൽ, അവൻ അന്ധമായി അവരുടെ വിശ്വാ​സം സ്വീക​രി​ച്ചി​ല്ലെന്ന്‌ വ്യക്തമാണ്‌. അവൻ ‘പഠിക്കു​ക​യും വിശ്വ​സി​ക്കാൻ പ്രേരി​പ്പി​ക്ക​പ്പെ​ടു​ക​യും​ചെയ്‌ത’തായി വർഷങ്ങൾക്കു​ശേഷം പൗലോസ്‌ അവനെ ഓർമ്മി​പ്പി​ച്ചു. (2 തിമൊ​ഥെ​യോസ്‌ 3:14) തിമൊ​ഥെ​യോസ്‌ സ്വീക​രി​ച്ചി​രുന്ന വിശ്വാ​സ​ത്തിൽ നിലനിൽക്കാൻ അവൻ പ്രേരി​പ്പി​ക്ക​പ്പെട്ടു—എന്നാൽ അവൻതന്നെ ഒരു പൂർണ്ണ​പ​രി​ശോ​ധന നടത്തി​യ​പ്പോ​ഴാണ്‌.

മറിച്ച്‌, ചിലർ തങ്ങളുടെ മതപര​മായ വളർത്ത​ലി​നെ പുനഃ​പ​രി​ശോ​ധി​ക്കാൻ പ്രേരി​ത​രാ​യി. സെർഗ്ഗ്യസ്‌ പൗലോസ്‌ ഒരു പ്രാ​ദേ​ശിക റോമൻ ഭരണാ​ധി​കാ​രി​യാ​യി​രു​ന്നു. അയാൾ ചില റോമാ ദൈവ​ങ്ങളെ പൂജി​ച്ചി​രു​ന്നു​വെ​ന്ന​തി​നു സംശയ​മില്ല. എന്നിരു​ന്നാ​ലും, പൗലോ​സി​ന്റെ പ്രസംഗം കേട്ട​ശേഷം “കർത്താ​വി​നെ​ക്കു​റിച്ച്‌ താൻ പഠിച്ച​തിൽ ആഴമായ മതിപ്പു​ള​വാ​ക​യാൽ അയാൾ ഒരു വിശ്വാ​സി​യാ​യി​ത്തീർന്നു.”—പ്രവൃ​ത്തി​കൾ 13:12, NE.

രണ്ടു കേസു​ക​ളി​ലും ദൈവ​വ​ച​ന​ത്തി​ല​ടി​സ്ഥാ​ന​പ്പെ​ടു​ത്തി ഒരു പൂർണ്ണ​മായ പരി​ശോ​ധന നടത്ത​പ്പെട്ടു. സെർഗ്ഗ്യസ്‌ പൗലോ​സി​ന്റെ​യും തിമൊ​ഥെ​യോ​സി​ന്റെ​യും ഗതി അനുക​രി​ക്കാൻപാ​ടി​ല്ല​യോ? ഒരാൾ തന്റെ മതം മാറി, മറേറ​യാൾ മാറി​യില്ല; എന്നാൽ ഇരുവ​രും വ്യക്തി​പ​ര​മാ​യി സത്യം കണ്ടെത്തി​യ​തിൽ പ്രതി​ഫലം പ്രാപി​ച്ചു. എന്നിരു​ന്നാ​ലും, പാരമ്പ​ര്യ​വും ഭയവും മുൻവി​ധി​യും നിമിത്തം അത്തര​മൊ​രു നടപടി സീകരി​ക്കു​ന്ന​തിന്‌ ചിലർക്ക്‌ മടിയാ​യി​രി​ക്കാം.

ഒരു തെര​ഞ്ഞെ​ടു​പ്പു നടത്തു​ന്ന​തി​ന്റെ വെല്ലു​വി​ളി

മതപാ​ര​മ്പ​ര്യ​ങ്ങൾ നീണാൾ നിൽക്കു​ന്നു, അനേക​രും യുഗപ​ഴ​ക്ക​മുള്ള ആചാര​ങ്ങ​ളി​ലും വിശ്വാ​സ​പ്ര​മാ​ണ​ങ്ങ​ളി​ലും ആശ്വാ​സം​ക​ണ്ടെ​ത്തു​ന്നു. “ഒരിക്കൽ കത്തോ​ലി​ക്ക​നെ​ങ്കിൽ എല്ലായ്‌പ്പോ​ഴും കത്തോ​ലി​ക്കൻ” എന്നു ചിലർ പറഞ്ഞേ​ക്കാം. ഒരുപക്ഷേ നിങ്ങൾ നിങ്ങളു​ടെ വിശ്വാ​സ​ത്തെ​ക്കു​റിച്ച്‌ അതേ വിധത്തിൽ വിചാ​രി​ച്ചേ​ക്കാം, അറിയാ​ത്ത​തി​നെ അപേക്ഷിച്ച്‌ പരമ്പരാ​ഗ​ത​മാ​യ​തി​നെ കൂടു​ത​ലി​ഷ്ട​പ്പെ​ടു​ക​യും ചെയ്‌തേ​ക്കാം. തീർച്ച​യാ​യും ഏതൊരു പാരമ്പ​ര്യ​ത്തെ​യും വിശക​ല​നം​ചെ​യ്യു​ന്ന​തി​നു മുമ്പ്‌ അതിനെ പൊടു​ന്നനേ തള്ളിക്ക​ള​യു​ന്നത്‌ ബുദ്ധി​യ​ല്ലാ​യി​രി​ക്കും. ‘തങ്ങൾ പഠിച്ചി​രുന്ന പാരമ്പ​ര്യ​ങ്ങ​ളോ​ടു പററി​നിൽക്കാൻ’ പൗലോസ്‌ തെസ്സ​ലോ​നി​ക്യ ക്രിസ്‌ത്യാ​നി​ക​ളോ​ടു പറഞ്ഞു. (2 തെസ്സ​ലോ​നി​ക്യർ 2:15, NE) മറിച്ച്‌, മതപാ​ര​മ്പ​ര്യ​ങ്ങൾക്ക്‌ ബൈബി​ളാ​കുന്ന ദൈവ​വ​ച​നത്തെ അസാധു​വാ​ക്കി​ക്കൊണ്ട്‌ നമ്മെ ദൈവ​ത്തിൽ നിന്ന്‌ അന്യ​പ്പെ​ടു​ത്താൻ കഴിയു​മെന്ന്‌ യേശു മുന്നറി​യി​പ്പു​നൽകി. (മത്തായി 15:6) എല്ലായ്‌പ്പോ​ഴും പാരമ്പ​ര്യ​ത്തെ ആശ്രയി​ക്കാൻ കഴിക​യില്ല.

വൈദ്യ​ശാ​സ്‌ത്രം, സയൻസ്‌, സാങ്കേ​തി​ക​ശാ​സ്‌ത്രം, എന്നീ മണ്ഡലങ്ങ​ളിൽ മിക്ക​പ്പോ​ഴും അറിവു വർദ്ധി​ക്കു​മ്പോൾ പരമ്പരാ​ഗത നടപടി​കൾ പരിഷ്‌ക്ക​രി​ക്ക​പ്പെ​ടു​ക​യോ മാററ​പ്പെ​ടു​ക​പോ​ലു​മോ ചെയ്യുന്നു. ഈ മണ്ഡലങ്ങ​ളിൽ മിക്കയാ​ളു​കൾക്കും ഒരു തുറന്ന മനസ്സുണ്ട്‌, അത്‌ മെച്ച​പ്പെ​ടു​ന്ന​തിന്‌ സഹായ​ക​മാണ്‌. നമ്മുടെ മതപാ​ര​മ്പ​ര്യം ദിവ്യ ഉൽഭവ​മു​ള്ള​താ​ണെന്ന്‌ നാം വിശ്വ​സി​ച്ചേ​ക്കാ​മെ​ങ്കി​ലും “എല്ലാ നിശ്വ​സ്‌ത​മൊ​ഴി​യെ​യും വിശ്വ​സി​ക്ക​രുത്‌” എന്ന്‌ ബൈബിൾ നമുക്ക്‌ മുന്നറി​യി​പ്പു നൽകുന്നു. എന്നാൽ, “നിശ്വ​സ്‌ത​മൊ​ഴി​കൾ ദൈവ​ത്തിൽനിന്ന്‌ ഉത്ഭവി​ക്കു​ന്നു​വോ​യെന്നു കാണാൻ അവയെ പരി​ശോ​ധി​ക്കാൻ” ആവശ്യ​പ്പെ​ടു​ന്നു. (1 യോഹ​ന്നാൻ 4:1) നാം “സകലവും നിശ്ചയ​പ്പെ​ടു​ത്തുക; നല്ലതിനെ മുറു​കെ​പ്പി​ടി​ക്കുക” എന്ന്‌ അതു ശുപാർശ​ചെ​യ്യു​ന്നു. (1 തെസ്സ​ലോ​നീ​ക്യർ 5:21) അങ്ങനെ​യുള്ള സൂക്ഷ്‌മ​പ​രി​ശോ​ധ​ന​യിൽ പ്രയോ​ജ​ന​പ്ര​ദ​മായ പാരമ്പ​ര്യ​ങ്ങൾ എല്ലായ്‌പ്പോ​ഴും പിടി​ച്ചു​നിൽക്കും.

മതകാ​ര്യ​ങ്ങ​ളിൽ ഒരു തെര​ഞ്ഞെ​ടു​പ്പു നടത്തു​ന്ന​തി​നുള്ള മറെറാ​രു തടസ്സം ഭയമാണ്‌. “ഞാൻ ഒരിക്ക​ലും മതമോ രാഷ്‌ട്രീ​യ​മോ ചർച്ച​ചെ​യ്യു​ന്നില്ല” എന്നത്‌ ഒരു സാധാരണ പ്രസ്‌താ​വ​ന​യാണ്‌. നാം വഴി​തെ​റ​റി​ക്ക​പ്പെ​ട്ടി​രി​ക്കു​ന്നു​വെന്ന്‌ കണ്ടുപി​ടി​ക്ക​പ്പെ​ടു​ന്ന​തി​നെ​ക്കു​റി​ച്ചുള്ള ഭയമോ മററു​ള്ളവർ എന്തു ചിന്തി​ച്ചേ​ക്കാ​മെന്ന ഭയമോ യാതൊ​ന്നും ചെയ്യാ​തി​രി​ക്കു​ന്ന​തി​നുള്ള ശക്തമായ ഒഴിക​ഴി​വാണ്‌. യേശു​വി​ന്റെ നാളിൽ അവന്റെ പഠിപ്പി​ക്ക​ലി​ന്റെ മൂല്യത്തെ തിരി​ച്ച​റിഞ്ഞ അനേകർ ഉണ്ടായി​രു​ന്നു, എന്നാൽ അവർ “സിന​ഗോ​ഗിൽനി​ന്നു നിരോ​ധി​ക്ക​പ്പെ​ടു​മെ​ന്നുള്ള ഭയത്താൽ” അവനെ മശിഹാ​യാ​യി അംഗീ​ക​രി​ക്കു​ന്ന​തിൽനിന്ന്‌ പിൻമാ​റി​നി​ന്നു. “എന്തു​കൊ​ണ്ടെ​ന്നാൽ അവർ മനുഷ്യ​രു​ടെ മുമ്പാ​കെ​യുള്ള അവരുടെ കീർത്തി​യെ ദൈവ​ത്തിൽനി​ന്നു വരുന്ന മാന​ത്തെ​ക്കാ​ളു​പ​രി​യാ​യി വിലമ​തി​ച്ചു.”—യോഹ​ന്നാൻ 12:42, 43, NE.

യേശു​വി​ന്റെ നാളിലെ ആ ആളുകൾ ആ ഇടുങ്ങിയ മനസ്ഥി​തി​ക്കാ​രായ മതസമൂ​ഹ​ത്തി​ന്റെ സമ്മർദ്ദ​ങ്ങൾക്കു വഴങ്ങി​യ​തു​കൊണ്ട്‌ ക്രിസ്‌തു​വി​ന്റെ ശിഷ്യ​രാ​കു​ന്ന​തി​നുള്ള അനുപ​മ​മായ പദവി നഷ്ടപ്പെ​ടു​ത്തി. ഒഴുക്കി​നെ​തി​രെ നീന്താൻ ധൈര്യ​മാ​വ​ശ്യ​മാ​ണെ​ന്നു​ള്ളത്‌ സത്യം​തന്നെ. വ്യത്യ​സ്‌ത​രാ​യി​രി​ക്കു​ന്നത്‌ ഒരിക്ക​ലും എളുപ്പമല്ല. എന്നാൽ നിങ്ങൾ ഒരു തെര​ഞ്ഞെ​ടു​പ്പു നടത്താൻ വിളംബം വരുത്തു​ക​യാ​ണെ​ങ്കിൽ അനിവാ​ര്യ​മാ​യി മററു​ള്ളവർ നിങ്ങൾക്കു​വേണ്ടി തെര​ഞ്ഞെ​ടു​പ്പു നടത്തും.

“വിദേ​ശീയ”മായ എന്തി​നോ​ടു​മുള്ള മുൻവി​ധിക്ക്‌ ഒരു നിഷ്‌പക്ഷ പരി​ശോ​ധന നടത്താൻ ആഗ്രഹി​ക്കു​ന്ന​വരെ തടസ്സ​പ്പെ​ടു​ത്താൻ കഴിയും. യേശു​വി​ന്റെ നാളിൽ മശിഹാ ഒരു നസറായൻ ആയിരു​ന്ന​തു​കൊ​ണ്ടും ഒരു ഗലീല​ക്കാ​ര​നാ​യി​രു​ന്ന​തു​കൊ​ണ്ടും അവനെ പുച്ഛ​ത്തോ​ടെ വീക്ഷി​ച്ചി​രു​ന്നു. ഇരുപ​താം നൂററാ​ണ്ടി​ലെ മുൻവി​ധി സമാന​മാണ്‌.—യോഹ​ന്നാൻ 1:46; 7:52.

“അത്‌ പുതു​മോ​ടി കാട്ടുന്ന പുതിയ അമേരി​ക്കൻമ​ത​ങ്ങ​ളി​ലൊ​ന്നു മാത്ര​മാണ്‌!” തന്റെ വിശ്വാ​സ​ങ്ങളെ പരി​ശോ​ധി​ക്കാൻ യഹോ​വ​യു​ടെ സാക്ഷി​ക​ളാൽ ക്ഷണിക്ക​പ്പെ​ട്ട​പ്പോൾ റിക്കാ​ഡോ​യു​ടെ ആദ്യ​പ്ര​തി​ക​രണം ഇതായി​രു​ന്നു. അയാളു​ടെ ലാററിൻ അമേരി​ക്കൻ പശ്ചാത്തലം ഐക്യ​നാ​ടു​ക​ളു​ടെ ചുവയുള്ള എന്തി​നെ​യും​കു​റിച്ച്‌ അയാൾ ജാഗ്ര​ത​പു​ലർത്താൻ ഇടയാക്കി. എന്നിരു​ന്നാ​ലും, അയാളു​ടെ മുൻവി​ധി അയാൾക്കു സമർപ്പി​ക്ക​പ്പെട്ട തെളി​വി​നാൽ തകർക്ക​പ്പെട്ടു. എല്ലാറ​റി​നു​മു​പരി, അയാൾക്ക്‌ സാക്ഷി​ക​ളു​ടെ ഇടയിൽ കാണപ്പെട്ട ക്രിസ്‌ത്യാ​നി​ത്വ​ത്തി​ന്റെ പ്രാ​യോ​ഗി​ക​പ്ര​ക​ട​ന​ത്താൽ ബോദ്ധ്യം വന്നു. അവരുടെ യഥാർത്ഥ സ്‌നേ​ഹ​വും വിശ്വാ​സ​വും അയാൾക്ക്‌ ഇഷ്ടപ്പെട്ടു.—10-ാം പേജിലെ ചതുരം കാണുക.

തന്റെ പൂർവ മുൻവി​ധി മാററിയ ശേഷം റിക്കാ​ഡോ മറെറാ​രു നിരീ​ക്ഷ​ക​നോ​ടു യോജി​ച്ചു. യഹോ​വ​യു​ടെ സാക്ഷികൾ “അവരുടെ സംഘട​ന​യി​ലും സാക്ഷീ​ക​ര​ണ​വേ​ല​യി​ലും . . . ആദിമ​ക്രി​സ്‌തീയ സമൂഹ​ത്തോട്‌ പൊരു​ത്ത​പ്പെ​ടുന്ന ഏതു കൂട്ട​ത്തോ​ടും അടുത്തു​നിൽക്കു​ന്നു” എന്ന്‌ അദ്ദേഹം എഴുതി. സാദ്ധ്യ​മാ​കു​ന്ന​തി​ലേ​ക്കും ഏററം നല്ല തെര​ഞ്ഞെ​ടു​പ്പു നടത്താൻ ഒരു തുറന്ന മനസ്സ്‌ അത്യന്താ​പേ​ക്ഷി​ത​മാണ്‌ എന്ന്‌ അദ്ദേഹ​ത്തിന്‌ ഇപ്പോൾ തോന്നു​ന്നു.

നിങ്ങൾ എന്തു തെര​ഞ്ഞെ​ടു​ക്കും?

ഈ ലേഖന​ത്തി​ന്റെ തുടക്ക​ത്തിൽ പരാമർശിച്ച പെഡ്രോ സ്വയം തിരു​വെ​ഴു​ത്തു​കൾ പഠിക്കു​ന്ന​തിന്‌ പാരമ്പ​ര്യ​ത്തെ​യും ഭയത്തെ​യും മുൻവി​ധി​യെ​യും തരണം​ചെ​യ്‌തു. പൊതു​വേ മതത്തിന്റെ കാര്യ​ത്തിൽ തനിക്കു​ണ്ടായ മോഹ​ഭം​ഗം നിമിത്തം ആദ്യം അയാൾക്ക്‌ തെററി​ദ്ധാ​ര​ണകൾ ഉണ്ടായി​രു​ന്നു. അയാൾ വിശദീ​ക​രി​ക്കു​ന്നു: “മളീവാ​യി​ലോ കത്തോ​ലി​ക്ക​രു​ടെ ദൈവ​ത്തി​ലോ ഉള്ള എന്റെ വിശ്വാ​സം എനിക്ക്‌ അധികം സന്തുഷ്ടി കൈവ​രു​ത്തി​യില്ല—കത്തോ​ലി​ക്ക​രു​ടെ ദൈവ​ത്തി​ന്റെ പേരു പോലും എനിക്ക്‌ അറിയാൻപാ​ടി​ല്ലാ​യി​രു​ന്നു.” എന്നാൽ ഒടുവിൽ അയാൾ യഹോ​വ​യു​ടെ സാക്ഷി​ക​ളി​ലൊ​രാ​ളാ​കാൻ തീരു​മാ​നി​ച്ചു, 36-ാം വയസ്സിൽ അങ്ങനെ സ്‌നാ​പ​ന​മേ​ററു. “എന്നെ സഹായി​ച്ച​വ​രു​ടെ സ്‌നേ​ഹ​വും ക്ഷമയും ബൈബി​ളിൽനിന്ന്‌ എനിക്കു കിട്ടിയ സംതൃ​പ്‌തി​ക​ര​മായ ഉത്തരങ്ങ​ളു​മാ​യി​രു​ന്നു നിർണ്ണാ​യ​ക​ഘ​ട​കങ്ങൾ,” അയാൾ പറഞ്ഞു.

നിങ്ങൾക്ക്‌ പെ​ഡ്രോ​യു​ടെ ദൃഷ്ടാ​ന്തത്തെ അനുക​രി​ക്കാ​നുള്ള ധൈര്യം ഉണ്ടായി​രി​ക്കു​മോ? നിങ്ങളു​ടെ മതം എന്തായി​രു​ന്നാ​ലും അതിനെ യാദൃ​ച്ഛി​ക​തക്കു വിടരുത്‌. സത്യം, യേശു പഠിപ്പിച്ച വില​പ്പെ​ട്ട​തും അനുപ​മ​വു​മായ സത്യം, എന്താ​ണെന്ന്‌ നിങ്ങൾക്ക്‌ ഉറപ്പു​വ​രു​ത്തുക. യഹോ​വ​യു​ടെ സാക്ഷികൾ സഹായം വാഗ്‌ദാ​നം​ചെ​യ്യാൻ സന്തോ​ഷ​മു​ള്ള​വ​രാണ്‌. ‘നിങ്ങൾ ആരെ സേവി​ക്കു​മെന്ന്‌ തെര​ഞ്ഞെ​ടു​ത്തു​കൊൾക’ എന്ന യോശു​വാ​യു​ടെ വാക്കുകൾ അനുസ​രി​ക്കാൻ അവർ ആത്‌മാർത്ഥ​മാ​യി നിങ്ങളെ ക്ഷണിക്കു​ക​യാണ്‌.—യോശു​വാ 24:15 (g88 8/8)

[10-ാം പേജിലെ ചതുരം]

യഹോവയുടെ സാക്ഷികൾ—ഒരു “അമേരി​ക്കൻ മത”മോ?

അനേകം ദേശഭ​ക്ത​രായ ആളുകൾക്ക്‌ വിദേ​ശീ​യ​മോ അന്യമോ ആയ എന്തി​നെ​ക്കു​റി​ച്ചും സംശയ​മോ ഭയമോ ഉണ്ട്‌. ഇത്‌ മററു മതങ്ങ​ളെ​ക്കു​റി​ച്ചുള്ള അവരുടെ വീക്ഷണ​ത്തി​നും നിറം കൊടു​ക്കു​ന്നു.

യഹോ​വ​യു​ടെ സാക്ഷികൾ മിക്ക​പ്പോ​ഴും “അമേരി​ക്കൻനിർമ്മിത” അമേരി​ക്കൻമ​ത​മെന്ന്‌ കുററ​പ്പെ​ടു​ത്ത​പ്പെ​ടു​ന്ന​തി​നാൽ ഈ മനോ​ഭാ​വ​ത്തി​ന്റെ ഇരകളാണ്‌, ആ അടിസ്ഥാ​ന​ത്തിൽ നിരസി​ക്ക​പ്പെ​ടാൻ അർഹരാ​ണെ​ന്നും കരുത​പ്പെ​ടു​ന്നു. അത്‌ ന്യായ​മായ ഒരു പ്രതി​ക​ര​ണ​മാ​ണോ?

വസ്‌തുതകൾ എന്താണ്‌?

1.ആനുപാ​തി​ക​മാ​യി അമേരി​ക്ക​യി​ലു​ള്ള​തി​നെ​ക്കാൾ കൂടുതൽ സാക്ഷികൾ കാനഡാ​യി​ലും കോസ്‌റ​റാ​റി​ക്കാ​യി​ലും ഫിൻല​ണ്ടി​ലും ജമയി​ക്കാ​യി​ലും പ്യൂർട്ടോ​റി​ക്കാ​യി​ലും സാമ്പി​യാ​യി​ലും മററു രാജ്യ​ങ്ങ​ളി​ലു​മുണ്ട്‌.

2.യഹോ​വ​യു​ടെ സാക്ഷികൾ സാർവ​ദേ​ശീ​യ​ത്തി​ലും കവിഞ്ഞ​താണ്‌, അവർ ദേശീ​യാ​തീ​ത​രാണ്‌, അതായത്‌, ഇടുങ്ങിയ ദേശീ​യാ​തിർത്തി​കൾക്കോ വർഗ്ഗീയ താൽപ്പ​ര്യ​ങ്ങൾക്കോ അതീത​രാണ്‌. വർഗ്ഗീ​യ​വും ഗോ​ത്ര​പ​ര​വും ദേശീ​യ​വു​മായ മുൻവി​ധി​കളെ തരണം​ചെ​യ്യു​ന്ന​തിൽ യഹോ​വ​യു​ടെ സാക്ഷി​കൾക്കു ലഭിച്ചി​ട്ടുള്ള വലിയ വിജയ​വും ശ്രദ്ധേ​യ​മാണ്‌. മതപര​മായ അസ്വസ്ഥ​ത​യുള്ള ദക്ഷിണാ​ഫ്രി​ക്ക​യി​ലും ഇസ്രാ​യേ​ലി​ലും ലബനനി​ലും വടക്കൻ അയർല​ണ്ടി​ലും ഇതു സത്യമാണ്‌. ഇപ്പോൾ യഹോ​വ​യു​ടെ സാക്ഷി​ക​ളാ​യി​രി​ക്കുന്ന കറുത്ത​വ​രും വെളു​ത്ത​വ​രും യഹൂദൻമാ​രും അറബി​ക​ളും മുൻ കത്തോ​ലി​ക്ക​രും പ്രോ​ട്ട​സ്‌റ​റൻറു​കാ​രും അവരുടെ കൺവൻഷ​നു​ക​ളി​ലും രാജ്യ​ഹാ​ളു​ക​ളി​ലും ഒരുമി​ച്ചു ജോലി​ചെ​യ്യു​ക​യും ആരാധി​ക്കു​ക​യും ചെയ്യുന്നു.

3.അവർ ഏതാണ്ട്‌ 200 ഭാഷക​ളിൽ തങ്ങളുടെ ബൈബിൾസാ​ഹി​ത്യം അച്ചടി​ക്കു​ന്നുണ്ട്‌. ദൃഷ്ടാ​ന്ത​മാ​യി, “വീക്താ​ഗോ​പു​രം” 105 ഭാഷക​ളി​ലും “ഉണരുക”! 54 ഭാഷക​ളി​ലും പ്രസി​ദ്ധ​പ്പെ​ടു​ത്തു​ന്നുണ്ട്‌. മൊത്തം 4 കോടി 80 ലക്ഷം പ്രതികൾ മാസം​തോ​റും അച്ചടി​ക്കു​ന്നു​മുണ്ട്‌.

4.യഹോ​വ​യു​ടെ സാക്ഷി​ക​ളു​ടെ ലോക ആസ്ഥാനം ന്യൂ​യോർക്ക്‌ നഗരത്തി​ലാ​ണെ​ങ്കി​ലും അവരുടെ 23 ശതമാനം മാത്രമേ ഐക്യ​നാ​ടു​ക​ളി​ലു​ള്ളു.

ആദിമ​ക്രി​സ്‌ത്യാ​നി​ത്വ​ത്തിന്‌ യരുശ​ലേം ഒരു സൗകര്യ​പ്ര​ദ​മായ കേന്ദ്ര​മാ​യി​രു​ന്ന​തു​പോ​ലെ ലോക​യു​ദ്ധ​ങ്ങ​ളു​ടെ​യും പോരാ​ട്ട​ങ്ങ​ളു​ടെ​യും ഈ യുഗത്തിൽ ഐക്യ​നാ​ടു​കൾ സർവ​ലോ​ക​ത്തി​ലും സുവാർത്ത പ്രസം​ഗി​ക്കു​ന്ന​തി​നുള്ള ഒരു സൗകര്യ​പ്ര​ദ​മായ ഒരു ചവിട്ടു​പടി, ഒരു കേന്ദ്രം, ആയിരു​ന്നി​ട്ടുണ്ട്‌. മറെറ​വി​ടെ​യാ​യി​രു​ന്നെ​ങ്കി​ലും വേല മുൻവി​ധി​യാ​ലും നിരോ​ധ​ന​ങ്ങ​ളാ​ലും അല്ലെങ്കിൽ അസംസ്‌കൃ​ത​വ​സ്‌തു​ക്ക​ളു​ടെ ദൗർല​ഭ്യ​ത്താ​ലും തടസ്സ​പ്പെ​ടു​മാ​യി​രു​ന്നു​വെന്ന്‌ അനുഭവം പ്രകട​മാ​ക്കി​യി​രി​ക്കു​ന്നു. എന്നാൽ സാക്ഷി​ക​ളു​ടെ ആസ്ഥാനം ന്യൂ​യോർക്കി​ലാ​യി​രി​ക്കു​ന്ന​തു​കൊണ്ട്‌ അവർ ഒരു “അമേരി​ക്കൻമതം” ആണെന്ന്‌ അതിനർത്ഥ​മില്ല, ആദിമ​ക്രി​സ്‌ത്യാ​നി​കൾ ഒരു യഹൂദ​മ​ത​മാ​യി​രി​ക്കാ​ഞ്ഞ​തു​പോ​ലെ​തന്നെ, അങ്ങനെ മുദ്ര​യ​ടി​ക്ക​പ്പെ​ട്ടെ​ങ്കി​ലും.

അന്യായമായ പീഡനം

അവരുടെ ദേശീ​യാ​തീത വീക്ഷണത്തെ വ്യക്തമാ​യി പ്രകട​മാ​ക്കുന്ന ഒരു വസ്‌തുത വ്യത്യസ്‌ത രാഷ്‌ട്രീ​യ​ഭ​ര​ണ​കൂ​ട​ങ്ങ​ളാൽ അവർ മുദ്ര​യ​ടി​ക്ക​പ്പെ​ട്ടി​രി​ക്കുന്ന വിധമാണ്‌. കഴിഞ്ഞ​കാ​ലത്ത്‌, അവർ ഐക്യ​നാ​ടു​ക​ളിൽ കമ്യൂ​ണി​സ്‌റ​റു​കാ​രാ​ണെ​ന്നും കമ്മ്യൂ​ണി​സ്‌റ​റു​രാ​ജ്യ​ങ്ങ​ളിൽ അവർ സിഐഎ ഏജൻറൻമാ​രാ​ണെ​ന്നും കുററ​പ്പെ​ടു​ത്ത​പ്പെ​ട്ടി​ട്ടുണ്ട്‌!

ദൃഷ്ടാ​ന്ത​മാ​യി, 1950കളിൽ ഒരു വർത്തമാ​ന​പ്പത്ര ലേഖനം “പോളണ്ട്‌ കമ്മ്യൂ​ണി​സ്‌റ​റു​കൾ ‘യഹോവാ’ ഏജൻറൻമാർക്ക്‌ സാമ്പത്തി​ക​സ​ഹാ​യം ചെയ്യന്നു” എന്നു വായി​ക്ക​പ്പെട്ടു. ഒരു യു.എസ്‌. റേഡി​യോ സ്‌റേ​റ​ഷ​നിൽനി​ന്നുള്ള മറെറാ​രു റിപ്പോർട്ട്‌ ഇങ്ങനെ പറഞ്ഞു: “സോവ്യ​ററ്‌ ഉപ്രഗഹ [പോളീഷ്‌] ഗവൺമെൻറ്‌ സാക്ഷി​കളെ പ്രോൽസാ​ഹി​പ്പി​ക്കു​ക​യും സാമ്പത്തി​ക​മാ​യി സഹായി​ക്കു​ക​യും ചെയ്യുന്നു.” അയർല​ണ്ടിൽ സാക്ഷികൾ അക്രമാ​സ​ക്ത​രായ ജനക്കൂ​ട്ട​ങ്ങ​ളാൽ “കമ്മ്യൂ​ണി​സ്‌റ​റു​കൾ!” “ഇവി​ടെ​നിന്ന്‌ ഇറങ്ങി​ക്കൊ​ള്ളണം!” എന്നിങ്ങ​നെ​യുള്ള പരിഹാ​സ​ങ്ങളെ അഭിമു​ഖീ​ക​രി​ച്ചു.

ഇതിനി​ട​യിൽ, പോള​ണ്ടി​ലും മററു കമ്മ്യൂ​ണി​സ്‌ററ്‌ രാജ്യ​ങ്ങ​ളി​ലും സാക്ഷികൾ നിയമ​വി​രു​ദ്ധ​രാ​യി പ്രഖ്യാ​പി​ക്ക​പ്പെട്ടു. അനേകർ തങ്ങളുടെ വിശ്വാ​സം​നി​മി​ത്തം ജയിലി​ല​ട​ക്ക​പ്പെട്ടു. ചിലർ സിഐ​എ​യു​ടെ ആഭിമു​ഖ്യ​ത്തി​ലുള്ള ഒരു ചാരവ​ല​യ​ത്തിൽപെ​ട്ട​വ​രെന്ന്‌ ആരോ​പി​ക്ക​പ്പെ​ടു​ക​പോ​ലും​ചെ​യ്‌തു. സോവ്യ​ററ്‌ യൂണി​യ​നി​ലെ അവരുടെ അവസ്ഥ 1976ൽ പാശ്ചാ​ത്യ​രാ​ജ്യ​ത്തേക്ക്‌ കുടി​യേ​റിയ വ്‌ളാ​ഡി​മിർ ബുക്കോ​വി​സ്‌ക്കി​യാൽ പിൻവ​രു​ന്ന​പ്ര​കാ​രം വർണ്ണി​ക്ക​പ്പെട്ടു: “ലണ്ടനിൽ ഒരു സന്ധ്യാ​വേ​ള​യിൽ ഒരു കെട്ടി​ട​ത്തിൻമേ​ലുള്ള ഒരു ഫലകത്തിൽ യഹോ​വ​യു​ടെ സാക്ഷികൾ. . . . എന്ന്‌ എഴുത​പ്പെ​ട്ടി​രി​ക്കു​ന്നതു ഞാൻ കാണാ​നി​ട​യാ​യി. ഞാൻ അന്ധാളി​ച്ചു​പോ​ക​ത്ത​ക്ക​വണ്ണം ഞെട്ടി​പ്പോ​യി. അതെങ്ങനെ സാധി​ക്കും? ഞാൻ എന്നോ​ടു​തന്നെ ചോദി​ച്ചു. യു. എസ്‌. എസ്‌. ആറിൽ നിങ്ങൾ മാംസ​ര​ക്ത​ങ്ങ​ളായ സാക്ഷി​കളെ തുറു​ങ്കു​ക​ളി​ലും തടങ്കൽപാ​ള​യ​ങ്ങ​ളി​ലും മാത്ര​മാണ്‌ കാണു​ന്നത്‌. യഥാർത്ഥ​ത്തിൽ ആർക്കെ​ങ്കി​ലും പോയി അവരോ​ടു​കൂ​ടെ ഒരു ചായ കഴിക്കാൻ കഴിയു​മോ? എന്റെ തുലനം അൽപ്പം അസ്ഥാന​ത്താ​യി​രി​ക്കാം, എന്നാൽ COSA NOSTRA LTD.,MAFIA GENERAL STAFF എന്ന ഫലക​ത്തോ​ടു​കൂ​ടിയ ഒരു കെട്ടിടം ഒരുവൻ കാണു​ന്നു​വെന്ന്‌ ഒരു നിമി​ഷ​ത്തേക്കു സങ്കൽപ്പി​ക്കുക. അവരുടെ രാജ്യത്ത്‌ മാഫി​യാ​യോ​ടു​ള്ള​തു​പോ​ലെ​യുള്ള ക്രോ​ധ​ത്തോ​ടെ​യാണ്‌ ഞങ്ങളുടെ രാജ്യത്ത്‌ ‘സാക്ഷികൾ’ പിൻതു​ട​ര​പ്പെ​ടു​ന്നത്‌.”

ഈ ചുരു​ങ്ങിയ ദൃഷ്ടാ​ന്തങ്ങൾ അനേകം നിഷ്‌പക്ഷ നിരീ​ക്ഷകർ ഇപ്പോൾത്തന്നെ തിരി​ച്ച​റി​യു​ന്ന​തി​നെ—അതായത്‌, യഹോ​വ​യു​ടെ സാക്ഷികൾ ദേശീ​യ​മോ രാഷ്‌ട്രീ​യ​മോ ആയ ഏതു ചായ്‌വിൽനി​ന്നും വിട്ടു​നിൽക്കു​ന്നു​വെന്ന്‌— പ്രകട​മാ​ക്കു​ന്നു. അവർ തങ്ങളുടെ നിഷ്‌പക്ഷ ദൈവത്തെ അനുക​രി​ക്കാ​നാ​ഗ്ര​ഹി​ക്കു​ന്ന​തു​കൊണ്ട്‌ അവരുടെ വിശ്വാ​സം ദേശീ​യാ​തീ​ത​മാണ്‌.—പ്രവൃ​ത്തി​കൾ 10:34. (g88 8/8)

[8-ാം പേജിലെ ചിത്രം]

ലേബൽ വായി​ക്കാ​തെ നിങ്ങൾക്ക്‌ ആദ്യം കൈയിൽ കിട്ടുന്ന ഔഷധം നിങ്ങൾ ഉപയോ​ഗി​ക്കു​മോ?

[9-ാം പേജിലെ ചിത്രങ്ങൾ]

നിങ്ങൾ നിങ്ങളു​ടെ മതത്തിൽ ജനിച്ച​താ​ണോ, അതോ നിങ്ങൾ അതിനെ തെര​ഞ്ഞെ​ടു​ത്ത​താ​ണോ?