യുവജ​നങ്ങൾ ചോദി​ക്കു​ന്നു. . .

എനി​ക്കെ​ങ്ങനെ ശപിക്കു​ന്ന​തി​നുള്ള പ്രേര​ണയെ ചെറു​ക്കാൻ കഴിയും?

“ഒരു അനിയ​ന്ത്രി​ത​മായ വിഫല​ത​യു​ടെ സാഹച​ര്യ​ത്തിൽ, ധിക്കാ​ര​പ​ര​മായ അസഭ്യ​ഭാ​ഷ​യു​ടെ ഉപയോ​ഗ​ത്തിന്‌ ആരോ​ഗ്യാ​വ​ഹ​മായ കുറെ ഫലമുണ്ടെ”ന്ന്‌ സുപ്ര​സിദ്ധ മനഃശാ​സ്‌ത്ര​ജ്ഞ​നായ ജോയി​സി ബ്രദേ​ഴ്‌സ്‌ പറയുന്നു.

ഇന്ന്‌ വിപു​ല​മാ​യി​രി​ക്കുന്ന അസഭ്യ​ഭാ​ഷണം അനേകർ ഈ വികാ​ര​ങ്ങളെ അനുകൂ​ലി​ക്കു​ന്നു എന്ന്‌ സൂചി​പ്പി​ക്കു​ന്നു. എന്നിരു​ന്നാ​ലും അസഭ്യ​സം​സാ​രം അശേഷം ആരോ​ഗ്യാ​വ​ഹ​മാ​യി​രി​ക്കാ​തെ ദ്രോ​ഹ​ക​ര​വും വിനാ​ശ​ക​ര​വും അധമവു​മാണ്‌.a ബൈബിൾ എഴുത്തു​കാ​ര​നായ യാക്കോബ്‌ ഇപ്രകാ​രം പ്രസ്‌താ​വി​ച്ചു: “ഉറവ ഒരേ ദ്വാര​ത്തിൽനിന്ന്‌ മധുര​വും കയ്‌പ്പും പുറ​പ്പെ​ടാ​നി​ട​യാ​ക്കു​ന്നില്ല, ഉവ്വോ?” അപ്പോൾ, “പിതാ​വു​ത​ന്നെ​യാ​യി​രി​ക്കുന്ന യഹോ​വയെ വാഴ്‌ത്തു​ക​യും എന്നാൽ അതേ നാവി​നാൽ ‘ദൈവ​ത്തി​ന്റെ സാദൃ​ശ്യ​ത്തിൽ’ ആസ്‌തി​ക്യ​ത്തി​ലേക്കു വന്ന മനുഷ്യ​നെ ശപിക്കു​ക​യും ചെയ്യു​ന്നത്‌” എത്ര പരസ്‌പ​ര​വി​രു​ദ്ധ​മാണ്‌. യാക്കോബ്‌ ഇപ്രകാ​രം ഉപസം​ഹ​രി​പ്പി​ക്കു​ന്നു: “സഹോ​ദ​രൻമാ​രേ, ഈ കാര്യങ്ങൾ ഈ വിധത്തിൽ സംഭവി​ച്ചു​കൊ​ണ്ടി​രി​ക്കു​ന്നത്‌ ഉചിതമല്ല.”—യാക്കോബ്‌ 3:9-11.

അശുദ്ധ ഭാഷയു​ടെ ഉപയോ​ഗം മിക്ക​പ്പോ​ഴും അടിയു​റച്ച ശീലമാ​യി​ത്തീ​രു​ന്നു എന്നതാണ്‌ പ്രശ്‌നം. ഒരു യുവാവ്‌ എന്ന നിലയിൽ റോൺ ഇപ്രകാ​രം പറയുന്നു: “ഈ ശാപവാ​ക്കു​കൾ [പ്രകോ​പ്പി​ക്ക​പ്പെ​ടു​മ്പോൾ] നിങ്ങൾ ഒന്ന്‌ പറയാൻ തോന്ന​ത്ത​ക്ക​വണ്ണം നിങ്ങളു​ടെ മനസ്സിൽ അത്ര ദൃഢമാ​യി പതിയു​ന്നു.” അപ്പോൾ എങ്ങനെ ഒരു വ്യക്തിക്ക്‌, പ്രത്യേ​കിച്ച്‌ സമ്മർദ്ദ​ത്തിൻകീ​ഴിൽ, അയാളു​ടെ സംസാ​ര​ത്തിൻമേൽ നിയ​ന്ത്രണം നേടാൻ കഴിയും?

നിങ്ങളു​ടെ ഹൃദയത്തെ സംരക്ഷി​ക്കു​ക

ഒന്നാമത്‌, അശുദ്ധ​സം​സാ​രത്തെ അതിന്റെ ഉറവി​ങ്കൽതന്നെ ഛേദി​ക്കു​ന്ന​തിന്‌ ശ്രമി​ക്കുക. “ഹൃദയ​ത്തി​ന്റെ സമൃദ്ധി​യിൽനിന്ന്‌ വായ്‌ സംസാ​രി​ക്കു​ന്നു” എന്ന്‌ യേശു പറഞ്ഞു. (മത്തായി 12:34) അതു​കൊണ്ട്‌ നിങ്ങളു​ടെ വായിൽനിന്ന്‌ പുറ​ത്തേക്കു വരുന്നത്‌ നിങ്ങൾ നിങ്ങളു​ടെ മനസ്സി​നെ​യും ഹൃദയ​ത്തെ​യും എന്തു​കൊണ്ട്‌ പോഷി​പ്പി​ച്ചി​രി​ക്കു​ന്നു എന്നതിനെ പ്രതി​ഫ​ലി​പ്പി​ക്കു​ന്നു.

ദൃഷ്ടാ​ന്ത​ത്തിന്‌, നിങ്ങൾ വായി​ക്കുന്ന പുസ്‌ത​ക​ങ്ങ​ളും മാസി​ക​ക​ളും മുഖ്യ​മാ​യി അശുദ്ധ​മായ ഭാഷയെ വിശേ​ഷ​വൽക്ക​രി​ക്കു​ന്നു​വോ? എങ്കിൽ വായനാ​ശീ​ല​ങ്ങ​ളിൽ ചില മാററങ്ങൾ ആവശ്യ​മാണ്‌. (ഫിലി​പ്പി​യർ 4:8) നിങ്ങൾക്ക്‌ താണത​ര​ത്തി​ലു​ള്ള​തൊ അസഭ്യം​പോ​ലു​മൊ ആയ മുദ്രാ​വാ​ക്യ​ങ്ങൾ ഉള്ള പരസ്യ​ങ്ങ​ളൊ ബട്ടണു​ക​ളൊ T-ഷെർട്ടുകളൊ ഉണ്ടോ? അത്തരം മുദ്രാ​വാ​ക്യ​ങ്ങൾ തമാശ​യു​ള്ള​താ​യി തോന്നി​യേ​ക്കാം, എന്നാൽ ദൈവം കുററം വിധി​ക്കുന്ന കാര്യ​ങ്ങ​ളിൽ ചിരിച്ചു രസിക്കു​ന്നത്‌ അവന്റെ ദൃഷ്ടി​യിൽ ശുദ്ധമാ​യി നില​കൊ​ള്ളാ​നുള്ള നിങ്ങളു​ടെ യത്‌ന​ങ്ങൾക്കു തുരങ്കം വെക്കു​ക​യി​ല്ലേ?—അവ ധരിച്ചു​കൊണ്ട്‌ പരസ്യം​ചെ​യ്യു​ന്നത്‌ പറകയും​വേ​ണ്ട​ല്ലോ. ഏതു വിധത്തി​ലു​മുള്ള “അശ്ലീല തമാശയെ”യും ക്രിസ്‌ത്യാ​നിക്ക്‌ “അയോഗ്യ”മെന്ന നിലയിൽ കുററം വിധി​ക്കു​ന്നു.—എഫേസ്യർ 5:4.

സംഗീ​ത​ത്തി​ന്റെ ഫലങ്ങൾ

നിങ്ങൾ ഏതുതരം സംഗീ​തങ്ങൾ ശ്രദ്ധി​ക്കു​ന്നു? “ഗാനങ്ങൾ ശ്രദ്ധി​ക്കു​ന്ന​തി​നാൽ നിങ്ങൾക്ക്‌ എന്തും പഠിക്കാൻ കഴിയും” എന്നതാ​യി​രു​ന്നു ജിം എന്നു പേരുള്ള ഒരു യുവാ​വി​ന്റെ തുറന്ന നിരീ​ക്ഷണം. പച്ചയായി അധാർമ്മി​ക​മായ അല്ലെങ്കിൽ അശ്ലീല​മായ ജനപ്രീ​തി​യുള്ള അനേകം ഗാനങ്ങ​ളെ​യാണ്‌ അവൻ പരാമർശി​ച്ചത്‌. എഴുത്തു​കാ​ര​നായ ററിപ്പർ ഗോർ ഇപ്രകാ​രം റിപ്പോർട്ടു ചെയ്യുന്നു: ‘യുവാ​ക്ക​ളു​ടെ സംഗീ​ത​വി​ഗ്ര​ഹ​ങ്ങ​ളായ ജനപ്രീ​തി​യുള്ള അനേക​രും ഇപ്പോൾ ബലാൽസം​ഗം, മുഷ്ടി​മൈ​ഥു​നം, അഗമ്യ​ഗ​മനം, അക്രമം, സംഭോ​ഗം എന്നിവ​യെ​ക്കു​റിച്ച്‌ പാടുന്നു.’

യുവജ​ന​ങ്ങൾ മിക്ക​പ്പോ​ഴും ആശയങ്ങളെ അഗണ്യ​മാ​ക്കു​ന്ന​താ​യി തോന്ന​ത്ത​ക്ക​വണ്ണം സ്വരമാ​ധു​ര്യ​ത്തി​ലും താളത്തി​ലും ആകൃഷ്ട​രാ​കു​ന്ന​താ​യി​തോ​ന്നു​ന്നു. എന്നിരു​ന്നാ​ലും യാദൃ​ച്ഛി​ക​മാ​യി മാത്രം നിങ്ങൾ കേട്ട ഒരു ഗാനത്തെ നിങ്ങളു​ടെ മനസ്സിൽ നിന്ന്‌ ഒഴിവാ​ക്കാൻ പ്രയാസം തോന്നിയ സമയം എപ്പോ​ഴെ​ങ്കി​ലും ഉണ്ടായി​ട്ടു​ണ്ടോ? നിങ്ങൾ അവ വീണ്ടും വീണ്ടും കേൾക്കു​ന്നെ​ങ്കിൽ ആ വാക്കു​കൾക്ക്‌ എത്രമാ​ത്രം ആഴത്തിൽ പതിയാൻക​ഴി​യു​മെന്ന്‌ സങ്കൽപ്പി​ക്കുക! അശ്ലീല​മൊ അശുദ്ധ​മൊ ആയ പദങ്ങ​ളോ​ടു​കൂ​ടിയ സംഗീ​ത​ത്തി​ന്റെ ക്രമമായ ആഹാര​ത്തിന്‌ നിങ്ങളു​ടെ മനസ്സിനെ ദുഷിച്ച ചിന്തക​ളാൽ നിറക്കു​ന്ന​തി​നു മാത്രമെ കഴിയു​ക​യു​ള്ളു—അതിന്‌ എളുപ്പ​ത്തിൽ നിങ്ങളു​ടെ സംസാ​ര​ത്തി​ലേക്കു തുളു​മ്പാൻ കഴിയും.

എന്താണ്‌ പാഠം? നിങ്ങൾ ശ്രദ്ധി​ക്കേ​ണ്ട​വയെ തെര​ഞ്ഞെ​ടു​ക്കുക. “അണ്ണാക്ക്‌ ഭക്ഷണം രുചി​ച്ചു​നോ​ക്കു​ന്ന​തു​പോ​ലെ ചെവി​തന്നെ വാക്കു​കളെ പരി​ശോ​ധി​ക്കു​ന്നി​ല്ലേ?”യെന്ന്‌ ബൈബി​ളിൽ ഇയ്യോബ്‌ ചോദി​ച്ചു. (ഇയ്യോബ്‌ 12:11) നിങ്ങളു​ടെ നാവ്‌ ചിലതരം ഭക്ഷണങ്ങ​ളോട്‌ ഒരു ഇഷ്‌ടം വളർത്തു​ന്ന​തു​പോ​ലെ, നിങ്ങൾ ശ്രദ്ധി​ക്കേ​ണ്ട​വ​യു​ടെ കാര്യ​ത്തിൽ തുല്യ​മാ​യി വിവേ​ച​ന​കാ​ട്ടാൻ നിങ്ങളു​ടെ കാതിനെ പരിശീ​ലി​പ്പി​ക്കാൻ കഴിയും.

പരിചി​ന്തി​ക്കേണ്ട മറെറാ​രു ഘടകം നിങ്ങൾ കാണുന്ന ചലച്ചി​ത്ര​ങ്ങ​ളു​ടെ​യും ററിവി​പ്ര​ദർശ​ന​ങ്ങ​ളു​ടെ​യും തരമാണ്‌. ഇവ അശ്ലീല​ഭാഷ ഉപയോ​ഗി​ക്കു​ന്ന​തി​ലും അധാർമ്മി​ക​ന​ട​ത്തയെ ചിത്രീ​ക​രി​ക്കു​ന്ന​തി​ലും വളരെ​യ​ധി​കം ധൈര്യം കാട്ടു​ക​യാണ്‌. വീഡി​യോ കാസറ​റു​കൾ യുവാ​ക്കൾക്ക്‌ മ്ലേച്‌ഛ​മായ ഫിലി​മു​കളെ അനായാ​സം ലഭ്യമാ​ക്കി​യി​രി​ക്കു​ക​യാണ്‌. റൈറം മാസിക പറയു​ന്ന​ത​നു​സ​രിച്ച്‌ “ഓരോ ദിവസ​വും രാജ്യ​ത്തു​ട​നീ​ളം [ഐക്യ​നാ​ടു​ക​ളിൽ] 17 വയസ്സിൽ താണ കുട്ടികൾ തങ്ങളുടെ അയലത്തെ വീഡി​യോ സ്‌റേ​റാ​റു​ക​ളി​ലേക്കു നടന്നു​ചെന്ന്‌ തങ്ങൾക്ക്‌ ഒരു തിയേ​റ​റ​റിൽ കാണാൻക​ഴി​യാത്ത ചലച്ചി​ത്രങ്ങൾ വാടക​ക്കെ​ടു​ക്കു​ന്നു.”

താക്കോൽ സ്ഥിതി​ചെ​യ്യു​ന്നത്‌ തെര​ഞ്ഞെ​ടു​പ്പി​ലാണ്‌. നിങ്ങളു​ടെ സമപ്രാ​യ​ക്കാർക്ക്‌ വളരെ ഇഷ്ടപ്പെ​ടുന്ന ചലച്ചി​ത്ര​ങ്ങ​ളിൽനി​ന്നും പ്രദർശ​ന​ങ്ങ​ളിൽനി​ന്നും അകന്നു​മാ​റു​ന്ന​തി​നെ അതർത്ഥ​മാ​ക്കി​യേ​ക്കാം. യേശു ഇങ്ങനെ പറഞ്ഞു: “ഇപ്പോൾ, നിന്റെ വലതു​കണ്ണ്‌ നിനക്ക്‌ ഇടർച്ച വരുത്തു​ന്നു​വെ​ങ്കിൽ അത്‌ പിഴു​തെ​ടുത്ത്‌ എറിഞ്ഞു​ക​ള​യുക. നിന്റെ മുഴു​ശ​രീ​ര​ത്തെ​യും [നാശത്തി​ലേക്കു] തള്ളിയി​ടു​ന്ന​തി​നെ​ക്കാൾ നിനക്കു പ്രയോ​ജ​ന​ക​ര​മാണ്‌ നിന്റെ അവയവ​ങ്ങ​ളി​ലൊന്ന്‌ നിനക്ക്‌ നഷ്‌ട​മാ​കു​ന്നത്‌.”—മത്തായി 5:29.

ഈ ശ്രദ്ധേ​യ​മായ വാക്കു​ക​ളു​ടെ അർത്ഥ​മെ​ന്താണ്‌? തങ്ങൾക്ക്‌ ആത്‌മീ​യ​മാ​യി വിലങ്ങു​ത​ടി​യാ​യി​രി​ക്കുന്ന എന്തി​നെ​യും—“വലതു​കൈ”പോലെ വില​പ്പെ​ട്ട​വ​പോ​ലും—നീക്കം​ചെ​യ്യാൻ ക്രിസ്‌ത്യാ​നി​കൾ മനസ്സു​ള്ള​വ​രാ​യി​രി​ക്ക​ണ​മെ​ന്നു​തന്നെ. തീർച്ച​യാ​യും, ശുദ്ധമായ സംസാ​രത്തെ കാത്തു​സൂ​ക്ഷി​ക്കാൻ അല്‌പം വിനോ​ദത്തെ ‘പറിച്ചു​മാ​റ​റു​ന്നത്‌’ ഒരു ചെറിയ ത്യാഗം​മാ​ത്ര​മാണ്‌, അല്ലേ?

നിങ്ങളു​ടെ സഹവാ​സ​ങ്ങളെ സൂക്ഷി​ക്കുക!

അശുദ്ധ​ഭാ​ഷ​യെ​ക്കു​റി​ച്ചുള്ള തന്റെ പുസ്‌ത​ക​ത്തിൽ ബർജസ്‌ ജോൺസൺ അതിനെ “സാം​ക്ര​മി​കം” എന്നു വിളിച്ചു. അപകട​ക​ര​വും അത്യന്തം സാം​ക്ര​മി​ക​വു​മായ ഒരു രോഗ​മുള്ള ഒരാ​ളോട്‌ എത്ര​ത്തോ​ളം അടുക്കാൻ നിങ്ങൾ ആഗ്രഹി​ക്കും? എന്നിരു​ന്നാ​ലും, യഥേഷ്ടം അശ്ലീല​ഭാഷ ഉപയോ​ഗി​ക്കുന്ന സഹപാ​ഠി​ക​ളോട്‌ നിങ്ങൾ എത്ര അടുത്തു​ചെ​ന്നി​ട്ടുണ്ട്‌?

അശുദ്ധ​ഭാ​ഷ യുവാ​ക്ക​ളു​ടെ (മുതിർന്ന​വ​രു​ടെ​യും) ഇടയിൽ ഭയാന​ക​മാ​യി സാധാ​ര​ണ​മാ​യി​രി​ക്കു​ക​യാണ്‌. അതുപ​യോ​ഗി​ക്കു​ന്നത്‌ തങ്ങളെ കൂടുതൽ മുതിർന്ന​വ​രാ​ക്കു​ന്നു​വെന്ന്‌ ചിലർ വിചാ​രി​ക്കു​ന്നു​വെന്ന്‌ പ്രത്യ​ക്ഷ​മാണ്‌. ചില പ്രദേ​ശ​ങ്ങ​ളിൽ യുവജ​നങ്ങൾ അശ്ലീല​ഭാ​ഷ​സം​സാ​രി​ക്കു​ന്ന​തിൽ മത്സരം പോലും ഏർപ്പെ​ടു​ത്തു​ന്നുണ്ട്‌. സമപ്രാ​യ​ക്കാ​രു​ടെ ഒരു സദസ്സി​നാൽ ഉത്തേജി​ത​രാ​യി അവർ ദുഷിച്ച ഒരു അവഹേ​ള​ന​ത്തി​ന്റെ​യും തെറി​വി​ളി​യു​ടെ​യും കളിയിൽ മററു​ള്ള​വ​രെ​ക്കാൾ മികച്ചു​നിൽക്കാൻ ശ്രമി​ക്കു​ന്നു. മ്ലേച്ഛഭാ​ഷ​യു​ടെ ഈ യുദ്ധത്തിൽ മാതാ​പി​താ​ക്ക​ളും കുടും​ബ​വു​മെ​ല്ലാം—ദൈവം പോലും—ഇരയാ​കു​ക​യാണ്‌.

സദൃശ​വാ​ക്യ​ങ്ങൾ 13:20 ഇങ്ങനെ പറയുന്നു: “മൂഢൻമാ​രോട്‌ ഇടപാ​ടു​ക​ളു​ള്ള​വന്‌ ദോഷം ഭവിക്കും.” മററു​വാ​ക്കു​ക​ളിൽ പറഞ്ഞാൽ, അസഭ്യം​പ​റ​യു​ന്ന​വ​രോ​ടു പററി​നി​ന്നാൽ നിങ്ങളു​ടെ വായിൽനി​ന്നും മ്ലേച്‌ഛ​ഭാഷ വരുന്നു​വെ​ങ്കിൽ അതിശ​യി​ക്ക​രുത്‌. അതു​കൊണ്ട്‌, യഹോ​വ​യു​ടെ സാക്ഷി​ക​ളി​ലൊ​രാ​ളായ മോനിക്‌ താൻ ചീത്ത സംസാരം കേൾക്കാ​നാ​ഗ്ര​ഹി​ക്കു​ന്നി​ല്ലെന്ന്‌ അറിയി​ച്ചു. ഒരു സമപ്രാ​യ​ക്കാ​രി ആക്ഷേപാർഹ​മായ എന്തെങ്കി​ലും പറഞ്ഞാൽ ‘നിന്റെ വായ്‌ സൂക്ഷി​ച്ചു​കൊൾക’ എന്നു പറയാൻപോ​ലും അവൾ മുതി​രു​മാ​യി​രു​ന്നു. അത്തര​മൊ​രു നിലപാ​ടു സ്വീക​രി​ക്കുക എളുപ്പമല്ല. എന്നാൽ സ്‌ററീവ്‌ എന്നു പേരുള്ള മറെറാ​രു യുവാവ്‌ ഇങ്ങനെ​പ്ര​സ്‌താ​വി​ക്കു​ന്നു: “നിങ്ങൾ എന്തെങ്കി​ലും പറയു​ന്നി​ല്ലെ​ങ്കിൽ, നിങ്ങളു​ടെ അടുത്ത്‌ അങ്ങനെ​സം​സാ​രി​ക്കു​ന്ന​തിൽ കുഴപ്പ​മി​ല്ലെന്ന്‌ അവർ വിചാ​രി​ക്കും.”

എന്നിരു​ന്നാ​ലും, ഒരു സഹക്രി​സ്‌ത്യാ​നി തന്റെ സംസാ​ര​ത്തിൽ തെററു​വ​രു​ത്തു​ന്നു​വെ​ങ്കി​ലെന്ത്‌? ഒരു സുഹൃത്തു നഷ്‌ട​പ്പെ​ടു​മെ​ന്നുള്ള ഭയത്തിൽ പറഞ്ഞകാ​ര്യ​ത്തെ നിസ്സാ​ര​മാ​യി തള്ളിക്ക​ള​യാൻ ചിലർ ചായ്‌വു കാണി​ച്ചേ​ക്കാം. എന്നിരു​ന്നാ​ലും, യഥാർത്ഥ​സു​ഹൃ​ത്തു​ക്കൾ, സത്യം​പ​റ​ഞ്ഞു​കൊണ്ട്‌ ഒരു സുഹൃ​ത്തി​ന്റെ വികാ​ര​ങ്ങളെ ‘മുറി​പ്പെ​ടു​ത്തി​യാൽ’പോലും അവർ അന്യോ​ന്യം കരുത​ലു​ള്ള​വ​രാണ്‌. (സദൃശ​വാ​ക്യ​ങ്ങൾ 27:6) കാര്യങ്ങൾ നേരെ​യാ​ക്കു​ന്ന​തിന്‌ ഒരു പ്രസം​ഗ​ത്തി​നു പകരം ദയാപൂർവ​ക​മായ ഒരു ഓർമ്മി​പ്പി​ക്കൽ മാത്രം മതിയാ​യി​രി​ക്കാം. തീർച്ച​യാ​യും, ഒരു സുഹൃ​ത്തിന്‌ തന്റെ സംസാ​ര​ത്തിൽ ഗുരു​ത​ര​മായ പ്രശ്‌ന​മു​ണ്ടെ​ങ്കിൽ, അവൻ അല്ലെങ്കിൽ അവൾ ആത്‌മീ​യ​മാ​യി യോഗ്യ​ത​യുള്ള ഒരു മുതിർന്ന​യാ​ളി​ന്റെ സഹായം സ്വീക​രി​ക്കാൻ സഹായി​ക്കു​ന്നത്‌ ഏററം നല്ലതാ​യി​രി​ക്കാം.b—ഗലാത്യർ 6:1 താരത​മ്യം ചെയ്യുക.

സൂക്ഷിക്കു​ക

“ഒരു യുവാവ്‌ തന്റെ പാത എങ്ങനെ വെടി​പ്പാ​ക്കും?” എന്ന ചോദ്യം ചോദി​ച്ച​പ്പോൾ സങ്കീർത്ത​ന​ക്കാ​രൻ ഒരുവന്റെ സംസാ​രത്തെ നിയ​ന്ത്രി​ക്കാൻ സഹായി​ക്കുന്ന മറെറാ​രു തത്വം എടുത്തു​പ​റഞ്ഞു. ഉത്തര​മെ​ന്താ​യി​രു​ന്നു? “നിന്റെ വചന​പ്ര​കാ​രം അതിനെ സൂക്ഷി​ക്കു​ന്ന​തി​നാൽ.” (സങ്കീർത്തനം 119:9) ഇതു ചെയ്യാ​നുള്ള ഒരു മാർഗ്ഗം നിരന്ത​ര​മാ​യി നല്ല ആരോ​ഗ്യാ​വ​ഹ​മായ സംസാരം ഉപയോ​ഗി​ക്കുന്ന ശീലം വളർത്തു​ന്ന​താണ്‌. നിങ്ങൾ പറയു​ന്ന​തു​കേൾക്കാൻ ആരും ഇല്ലാത്ത​പ്പോൾപോ​ലും അശുദ്ധ​ഭാ​ഷയെ ആശ്രയി​ക്കു​ന്നത്‌ ഒഴിവാ​ക്കുക. സമ്മർദ്ദ​മു​ണ്ടാ​കു​മ്പോൾ അങ്ങനെ ചെയ്യു​ന്ന​തിന്‌ നിങ്ങൾക്ക്‌ അതിലും വളരെ കുറഞ്ഞ പ്രവണ​തയേ ഉണ്ടായി​രി​ക്ക​യു​ള്ളു.

സൂക്ഷി​ക്കു​ന്നത്‌ “സംസാ​രി​ക്കാൻ താമസം, കോപ​ത്തി​നു താമസം” ഉണ്ടായി​രി​ക്കു​ന്ന​തി​നെ​യും അർത്ഥമാ​ക്കു​ന്നു. (യാക്കോബ്‌ 1:19) വൈകാ​രി​ക​മാ​യി പ്രതി​ക​രി​ക്കു​ക​യും നിങ്ങൾ ഖേദി​ക്കേ​ണ്ടി​വ​രുന്ന എന്തെങ്കി​ലും പറയു​ക​യും​ചെ​യ്യു​ന്ന​തി​നു​മുമ്പ്‌ നിങ്ങളു​ടെ വികാ​ര​ങ്ങളെ കീഴട​ക്കാൻ ശ്രമി​ക്കുക. (ഉല്‌പത്തി 4:7 താരത​മ്യ​പ്പെ​ടു​ത്തുക.) നിങ്ങൾ പറയാ​നാ​ഗ്ര​ഹി​ക്കു​ന്ന​തി​നെ​ക്കു​റി​ച്ചു ചിന്തി​ക്കുക. അത്‌ കൂടു​ത​ലായ ദ്രോ​ഹ​വും വേദന​യും വരുത്തി​ക്കൂ​ട്ടു​മോ? അത്‌ നിങ്ങ​ളെ​ക്കു​റിച്ച്‌ മററു​ള്ള​വ​രിൽ തെററായ ധാരണ​യു​ള​വാ​ക്കു​മോ? അത്‌ ദൈവ​ത്തോ​ടുള്ള നിങ്ങളു​ടെ സ്‌നേ​ഹ​ത്തെ​യും മററു​ള്ള​വ​രോ​ടുള്ള നിങ്ങളു​ടെ താത്‌പ​ര്യ​ത്തെ​യും പ്രകട​മാ​ക്കു​ന്നു​വോ? (മത്തായി 22:37-39) ചീത്ത വാക്കുകൾ ഉപയോ​ഗി​ക്കാ​നുള്ള പ്രലോ​ഭനം അപ്പോ​ഴും ശക്തമാ​ണെ​ങ്കിൽ, “യഹോവേ, എന്റെ വായിക്ക്‌ ഒരു കാവൽനിർത്തേ​ണമേ; എന്റെ അധരങ്ങ​ളു​ടെ വാതി​ലിന്‌ കാവൽ ഏർപ്പെ​ടു​ത്തേ​ണമേ” എന്നു പ്രാർത്ഥിച്ച സങ്കീർത്ത​ന​ക്കാ​ര​നെ​പ്പോ​ലെ സഹായ​ത്തി​നാ​യി ദൈവ​ത്തോ​ടു പ്രാർത്ഥി​ക്കുക.—സങ്കീർത്തനം 141:3.

ചില​പ്പോൾ നിങ്ങൾക്കു പിന്നെ​യും പ്രമാ​ദം​പ​റ​റു​ക​യും തെററായ കാര്യം പറയു​ക​യും​ചെ​യ്‌തേ​ക്കാം. (യാക്കോബ്‌ 3:2) എന്നാൽ ചീത്തഭാഷ ഉപയോ​ഗി​ക്കു​ന്ന​തി​നെ ചെറു​ക്കാൻ ശ്രമി​ച്ചു​കൊ​ണ്ടി​രി​ക്കുക. അങ്ങനെ ചെയ്യു​ന്നത്‌ നിങ്ങളെ സ്‌ക്കൂ​ളി​ലെ ഏററം പ്രസി​ദ്ധ​നാ​ക്കു​ക​യില്ല. കിന്നി എന്നു പേരുള്ള ഒരു യുവാവ്‌ ഇങ്ങനെ സമ്മതി​ച്ചു​പ​റ​യു​ന്നു: “പലപ്പോ​ഴും ഞാൻ സ്‌ക്കൂ​ളിൽ ഒററക്കാണ്‌ നടക്കു​ന്നത്‌—അക്ഷരീ​യ​മാ​യി​ത്തന്നെ.” എന്നാൽ തന്റെ സഹവാ​സ​ങ്ങളെ സൂക്ഷി​ക്കാ​നുള്ള അവന്റെ ദൃഢനി​ശ്ചയം ഒരു സംരക്ഷ​ണ​മാ​ണെന്ന്‌ തെളി​ഞ്ഞി​രി​ക്കു​ന്നു. കൂടാതെ, കിന്നി പറയു​ന്ന​തു​പോ​ലെ, “ആളുകൾ നിങ്ങളെ ആദരി​ക്കു​ന്നു. അത്‌ ധൈര്യ​മാ​ണെന്ന്‌ അവർ വിചാ​രി​ക്കു​ന്നു.” യഹോ​വ​യാം ദൈവ​വും അങ്ങനെ ചെയ്യുന്നു. (സദൃശ​വാ​ക്യ​ങ്ങൾ 27:11) ശപിക്കു​ന്ന​തി​നുള്ള പ്രേര​ണയെ ചെറു​ത്തു​നിൽക്കാ​നുള്ള നിങ്ങളു​ടെ ശ്രമങ്ങളെ അവൻ ശ്രദ്ധി​ക്കും. (g89 9⁄8)

[അടിക്കു​റി​പ്പു​കൾ]

[16-ാം പേജിലെ ചിത്രം]

ചീത്ത പറയുന്ന ആളുക​ളോ​ടുള്ള സഹാവാ​സം ഒഴിവാ​ക്കു​ക