ബൈബി​ളി​ന്റെ വീക്ഷണം

വ്രണ​പ്പെ​ടു​ത്തുന്ന സംസാരം ഒഴിവാ​ക്കു​ക

“ഒരു വായിൽനി​ന്നു തന്നേ സ്‌തോ​ത്ര​വും ശാപവും പുറ​പ്പെ​ടു​ന്നു. സഹോ​ദ​ര​ന്മാ​രേ, ഇങ്ങനെ ആയിരി​ക്കു​ന്നതു യോഗ്യ​മല്ല.”—യാക്കോബ്‌. 3:10.

നമ്മെ മൃഗങ്ങ​ളിൽനി​ന്നു വ്യത്യ​സ്‌ത​രാ​ക്കുന്ന ഒരു അനുപമ സവി​ശേ​ഷ​ത​യാണ്‌ സംസാ​ര​പ്രാ​പ്‌തി. ഖേദക​ര​മെന്നു പറയട്ടെ, ചിലയാ​ളു​കൾ ഈ വരം ദുരു​പ​യോ​ഗം ചെയ്യുന്നു. അധി​ക്ഷേപം, ശാപവാ​ക്കു​കൾ, നിന്ദ, ദൈവ​ദൂ​ഷണം, അശ്ലീലം, അസഭ്യം എന്നിവ​യ്‌ക്ക്‌ മറ്റുള്ള​വരെ വ്രണ​പ്പെ​ടു​ത്താൻ കഴിയും. ചില​പ്പോൾ ശാരീ​രിക മുറി​വി​നെ​ക്കാൾ വേദനാ​ജ​ന​ക​മാ​യി​രി​ക്കും അവ. “വാളു​കൊ​ണ്ടു കുത്തും​പോ​ലെ മൂർച്ച​യാ​യി സംസാ​രി​ക്കു​ന്നവർ ഉണ്ട്‌” എന്നു ബൈബിൾ പറയുന്നു.—സദൃശ​വാ​ക്യ​ങ്ങൾ 12:18.

നിന്ദാ​വാ​ക്കു​കൾ ഉപയോ​ഗി​ക്കു​ന്നതു ശീലമാ​ക്കി​യി​രി​ക്കു​ന്ന​വ​രു​ടെ എണ്ണം കൂടി​വ​രു​ന്നു. കുട്ടി​കൾക്കി​ട​യി​ലെ അസഭ്യ സംസാരം വർധി​ച്ചി​രി​ക്കു​ക​യാണ്‌ എന്ന്‌ സ്‌കൂ​ളു​കൾ റിപ്പോർട്ടു ചെയ്യുന്നു. വികാ​ര​ങ്ങ​ളു​ടെ കെട്ടഴി​ച്ചു​വി​ടാൻ വ്രണ​പ്പെ​ടു​ത്തുന്ന വാക്കുകൾ ഉപയോ​ഗി​ക്കു​ന്ന​തിൽ തെറ്റില്ല എന്നാണ്‌ ചിലരു​ടെ അഭി​പ്രാ​യം. ഒരു പൊളി​റ്റി​ക്കൽ സയൻസ്‌ വിദ്യാർഥി ഇപ്രകാ​രം പറഞ്ഞു: “നമ്മുടെ വികാ​ര​ത്തി​ന്റെ തീവ്രത പ്രകടി​പ്പി​ക്കാൻ സാധാരണ പദങ്ങൾക്കു കഴിയാ​ത്ത​പ്പോൾ ഉപയോ​ഗി​ക്കാൻ കഴിയുന്ന ഏറ്റവും ശക്തമായ ആയുധ​മാണ്‌ അസഭ്യ ഭാഷ.” വ്രണ​പ്പെ​ടു​ത്തുന്ന സംസാ​ര​ത്തോട്‌ അത്തര​മൊ​രു തണുപ്പൻ വീക്ഷണ​മാ​ണോ ക്രിസ്‌ത്യാ​നി​കൾക്ക്‌ ഉണ്ടായി​രി​ക്കേ​ണ്ടത്‌? ദൈവം ഇതിനെ എങ്ങനെ​യാ​ണു വീക്ഷി​ക്കു​ന്നത്‌?

സഭ്യമ​ല്ലാത്ത തമാശകൾ ഒഴിവാ​ക്കു​ക

ആളുകൾ സഭ്യമ​ല്ലാത്ത ഭാഷ ഉപയോ​ഗി​ക്കു​ന്നത്‌ ഒരു പുതു​മയല്ല. ഏതാണ്ട്‌, 2,000 വർഷം മുമ്പ്‌ അപ്പൊ​സ്‌ത​ല​ന്മാ​രു​ടെ നാളു​ക​ളി​ലും ആളുകൾ അസഭ്യ ഭാഷ ഉപയോ​ഗി​ക്കു​മാ​യി​രു​ന്നു എന്നറി​യു​ന്നത്‌ ഒരുപക്ഷേ നിങ്ങളെ അതിശ​യി​പ്പി​ച്ചേ​ക്കാം. ഉദാഹ​ര​ണ​ത്തിന്‌, കൊ​ലൊ​സ്സ്യ സഭയിലെ ചിലർ കോപം വരു​മ്പോൾ അസഭ്യം പറഞ്ഞി​രു​ന്ന​താ​യി കാണ​പ്പെ​ടു​ന്നു. അവർ അതു ചെയ്‌തത്‌ മറ്റുള്ള​വരെ മനപ്പൂർവം വ്രണ​പ്പെ​ടു​ത്താ​നോ പകരത്തി​നു പകരം എന്ന നിലയി​ലോ ആയിരു​ന്നി​രി​ക്കാം. സമാന​മാ​യി ഇന്നും, കോപ​ത്താൽ പൊട്ടി​ത്തെ​റി​ക്കു​മ്പോൾ പലരും അസഭ്യം പറയാ​റുണ്ട്‌. അതു​കൊണ്ട്‌ പൗലൊസ്‌ കൊ​ലൊ​സ്സ്യർക്ക്‌ എഴുതിയ ലേഖന​ത്തി​നു നമ്മുടെ നാളി​ലും പ്രസക്തി ഉണ്ട്‌. അവൻ ഇപ്രകാ​രം എഴുതി: “ഇപ്പോ​ഴോ നിങ്ങളും കോപം, ക്രോധം, ഈർഷ്യ, വായിൽനി​ന്നു വരുന്ന ദൂഷണം, ദുർഭാ​ഷണം ഇവ ഒക്കെയും വിട്ടു​ക​ള​വിൻ.” (കൊ​ലൊ​സ്സ്യർ 3:8) അതു​കൊണ്ട്‌ കോപാ​വേ​ശ​വും അസഭ്യ സംസാ​ര​വും ഒഴിവാ​ക്കാൻ ക്രിസ്‌ത്യാ​നി​ക​ളോട്‌ ആവശ്യ​പ്പെ​ട്ടി​രി​ക്കു​ന്നു. മിക്ക​പ്പോ​ഴും ഇവ രണ്ടും ഒന്നിച്ചു സംഭവി​ക്കാ​റു​ള്ള​താണ്‌.

എന്നാൽ, പലരും അസഭ്യ ഭാഷ ഉപയോ​ഗി​ക്കു​ന്നത്‌ മറ്റുള്ള​വരെ ദ്രോ​ഹി​ക്കാ​നോ വ്രണ​പ്പെ​ടു​ത്താ​നോ ആയിരി​ക്കില്ല, മിക്ക​പ്പോ​ഴും വെറുതെ ഒരു രസത്തി​നാ​യി​രി​ക്കും. എന്നാൽ ക്രമേണ അത്തരം അധമമായ സംസാരം ദൈനം​ദിന സംഭാ​ഷ​ണ​ത്തി​ന്റെ ഭാഗമാ​യി മാറുന്നു. അസഭ്യ വാക്കു​ക​ളു​ടെ മേമ്പൊ​ടി ഇല്ലാതെ സംസാ​രി​ക്കാൻതന്നെ ചിലർക്കു ബുദ്ധി​മു​ട്ടാണ്‌. പലപ്പോ​ഴും മറ്റുള്ള​വരെ ചിരി​പ്പി​ക്കാൻപോ​ലും അസഭ്യ ഭാഷ ഉപയോ​ഗി​ക്കു​ന്നു. എന്നാൽ ഇത്തരം വൃത്തി​കെട്ട തമാശകൾ പറയു​ന്ന​തി​നെ ലാഘവ​ത്തോ​ടെ​യോ ഒരു സാധാരണ സംഗതി​പോ​ലെ​യോ ആണോ നാം വീക്ഷി​ക്കേ​ണ്ടത്‌? പിൻവ​രു​ന്നവ പരിചി​ന്തി​ക്കുക.

മറ്റുള്ള​വ​രെ രസിപ്പി​ക്കാൻ പറയുന്ന ഞെട്ടി​ക്കുന്ന സംസാ​ര​മാണ്‌ അസഭ്യ തമാശകൾ. ഇന്ന്‌ ഇത്തരം സംഭാ​ഷ​ണങ്ങൾ ലൈം​ഗിക ചുവയു​ള്ള​വ​യാണ്‌. മാന്യ​ന്മാ​രാണ്‌ എന്നു സ്വയം അഭിമാ​നി​ക്കുന്ന പലരും ഇത്തരം ഭാഷ ഉപയോ​ഗി​ക്കു​ന്ന​തിൽ രസം കണ്ടെത്തു​ന്നു. (റോമർ 1:28-32) ജനപ്രീ​തി നേടി​യി​ട്ടുള്ള പല ഹാസ്യ കലാകാ​ര​ന്മാ​രു​ടെ​യും അവതര​ണ​വി​ഷയം സ്വാഭാ​വി​ക​വും അസ്വാ​ഭാ​വി​ക​വും ആയ ലൈം​ഗി​ക​തയെ ചുറ്റി​പ്പ​റ്റി​യു​ള്ള​താണ്‌ എന്നതിൽ അതിശ​യി​ക്കാ​നില്ല. മിക്ക സിനി​മ​ക​ളി​ലും ടെലി​വി​ഷ​നി​ലും റേഡി​യോ പരിപാ​ടി​ക​ളി​ലും സഭ്യമ​ല്ലാത്ത തമാശകൾ അവതരി​പ്പി​ക്കു​ന്നു.

ഇത്തരം തമാശകൾ സംബന്ധിച്ച്‌ ബൈബി​ളി​നു ചിലതു പറയാ​നുണ്ട്‌. എഫെ​സൊ​സി​ലെ ക്രിസ്‌ത്യാ​നി​കൾക്ക്‌ അപ്പൊ​സ്‌ത​ല​നായ പൗലൊസ്‌ എഴുതി: “ദുർവൃ​ത്തി​യും യാതൊ​രു അശുദ്ധി​യും അത്യാ​ഗ്ര​ഹ​വും നിങ്ങളു​ടെ ഇടയിൽ പേരു പറയു​ക​പോ​ലും അരുത്‌; അതാകു​ന്നു വിശു​ദ്ധ​ന്മാർക്ക്‌ ഉചിതം. അസഭ്യം, വ്യർത്ഥ​ഭാ​ഷണം, അശ്ലീല​ഫ​ലി​തം എന്നിവ​യും അരുത്‌; ഇവയൊ​ന്നും യോഗ്യ​മല്ല; സ്‌തോ​ത്ര​മ​ത്രേ വേണ്ടത്‌. (ചെരി​ച്ചെ​ഴു​തി​യി​രി​ക്കു​ന്നത്‌ ഞങ്ങൾ.) (എഫെസ്യർ 5:3, 4, വിശുദ്ധ സത്യ​വേ​ദ​പു​സ്‌തകം, മോഡേൺ മലയാളം വേർഷൻ [MMV]) അതു​കൊണ്ട്‌, അസഭ്യ ഭാഷ ഉപയോ​ഗി​ക്കു​ന്നത്‌ ഏത്‌ ഉദ്ദേശ്യ​ത്തോ​ടെ ആയിരു​ന്നാ​ലും, ദൈവം അതിനെ വെറു​ക്കു​ന്നു. അത്‌ അധമമാണ്‌. അത്‌ വ്രണ​പ്പെ​ടു​ത്തു​ന്ന​താണ്‌.

ദൈവം വെറു​ക്കു​ന്ന​തരം പരുഷ സംസാരം

വ്രണ​പ്പെ​ടു​ത്തുന്ന സംസാ​ര​ത്തിൽ അസഭ്യ സംസാരം മാത്രമല്ല ഉൾപ്പെ​ട്ടി​രി​ക്കു​ന്നത്‌. അധി​ക്ഷേപം, കുത്തു​വാക്ക്‌, പരിഹാ​സം, നിശിത വിമർശനം എന്നിങ്ങനെ ആഴത്തിൽ മുറി​പ്പെ​ടു​ത്തു​ന്ന​വ​യും ഉണ്ട്‌. നാം എല്ലാവ​രും നാവു​കൊ​ണ്ടു പാപം ചെയ്യുന്നു എന്നതു സത്യം​തന്നെ, പ്രത്യേ​കിച്ച്‌ കുത്തു​വാ​ക്കു​ക​ളും പരദൂ​ഷ​ണ​വും പ്രബല​മാ​യി​രി​ക്കുന്ന ഒരു ലോക​ത്തി​ലാണ്‌ നാം ജീവി​ക്കു​ന്നത്‌ എന്നതി​നാൽ. (യാക്കോബ്‌ 3:2) എങ്കിൽപ്പോ​ലും, സത്യ​ക്രി​സ്‌ത്യാ​നി​കൾ മോശ​മായ സംസാ​രത്തെ ഒരു സാധാരണ സംഗതി എന്ന മട്ടിൽ ഒരിക്ക​ലും വീക്ഷി​ക്ക​രുത്‌. വ്രണ​പ്പെ​ടു​ത്തുന്ന എല്ലാത്തരം സംസാ​ര​വും യഹോവ വെറു​ക്കു​ന്നു എന്നു ബൈബിൾ വ്യക്തമാ​ക്കു​ന്നു.

ഉദാഹ​ര​ണ​ത്തിന്‌, പ്രവാ​ച​ക​നായ എലീശയെ പരിഹ​സിച്ച ഒരു കൂട്ടം ബാലന്മാ​രെ കുറിച്ച്‌ രണ്ടു രാജാ​ക്ക​ന്മാ​രു​ടെ പുസ്‌ത​ക​ത്തിൽ നാം വായി​ക്കു​ന്നു. “അവനെ പരിഹ​സി​ച്ചു”കൊണ്ട്‌ അവർ “അവനോ​ടു: മൊട്ട​ത്ത​ലയാ, കയറി വാ; മൊട്ട​ത്ത​ലയാ, കയറി വാ എന്നു പറഞ്ഞു” എന്ന്‌ വിവര​ണ​ത്തിൽ നാം വായി​ക്കു​ന്നു. ഹൃദയം വായി​ക്കാൻ കഴിവുള്ള യഹോ​വ​യാം ദൈവം ഈ ബാലന്മാ​രു​ടെ ദ്രോ​ഹ​ക​ര​മായ ഉള്ളിലി​രുപ്പ്‌ മനസ്സി​ലാ​ക്കി​ക്കൊണ്ട്‌ അവരുടെ അധിക്ഷേപ വാക്കു​കളെ വളരെ ഗൗരവ​മാ​യെ​ടു​ത്തു. വിവരണം പറയു​ന്ന​പ്ര​കാ​രം 42 ബാലന്മാർ കൊല്ല​പ്പെ​ടാൻ ദൈവം ഇടയാക്കി.—2 രാജാ​ക്ക​ന്മാർ 2:23, 24.

ഇസ്രാ​യേൽ ജനത “ദൈവ​ത്തി​ന്റെ ദൂതന്മാ​രെ പരിഹ​സി​ച്ചു അവന്റെ വാക്കു​കളെ നിരസി​ച്ചു ഉപശാ​ന്തി​യി​ല്ലാ​താ​കും​വണ്ണം യഹോ​വ​യു​ടെ കോപം തന്റെ ജനത്തിന്നു നേരെ ഉജ്ജ്വലി​ക്കു​വോ​ളം അവന്റെ പ്രവാ​ച​ക​ന്മാ​രെ നിന്ദി​ച്ചു​ക​ളഞ്ഞു.” (2 ദിനവൃ​ത്താ​ന്തം 36:16) തന്റെ ജനത്തി​ന്റെ​മേൽ ദൈവ​ത്തി​ന്റെ കോപം ജ്വലി​ക്കാ​നുള്ള മുഖ്യ കാരണം അവരുടെ വിഗ്ര​ഹാ​രാ​ധ​ന​യും അനുസ​ര​ണ​ക്കേ​ടും ആയിരു​ന്നെ​ങ്കി​ലും, ദൈവ​ത്തി​ന്റെ പ്രവാ​ച​ക​ന്മാ​രെ അവർ അധി​ക്ഷേ​പി​ച്ചെ​ന്നും ബൈബിൾ എടുത്തു പറയുന്നു. ഇത്തരം പെരു​മാ​റ്റ​ത്തോട്‌ ദൈവ​ത്തി​നു കടുത്ത അപ്രീ​തി​യാണ്‌ ഉള്ളത്‌ എന്ന വസ്‌തു​ത​യ്‌ക്ക്‌ ഈ വിവര​ണങ്ങൾ അടിവ​ര​യി​ടു​ന്നു.

അതു​കൊണ്ട്‌, ക്രിസ്‌ത്യാ​നി​ക​ളോട്‌ ബൈബിൾ ഇപ്രകാ​രം അനുശാ​സി​ക്കു​ന്നു: “പ്രായ​മു​ള്ള​വനെ രൂക്ഷമാ​യി വിമർശി​ക്ക​രുത്‌” (1 തിമൊ​ഥെ​യൊസ്‌ 5:1, NW) എല്ലാവ​രോ​ടു​മുള്ള നമ്മുടെ ഇടപെ​ട​ലു​ക​ളിൽ ഈ തത്ത്വം പിൻപ​റ്റാൻ കഴിയും. ബൈബിൾ നമ്മെ ഇങ്ങനെ പ്രോ​ത്സാ​ഹി​പ്പി​ക്കു​ന്നു: “ആരെ​ക്കൊ​ണ്ടും ദൂഷണം പറയാ​തെ​യും കലഹി​ക്കാ​തെ​യും ശാന്തന്മാ​രാ​യി സകലമ​നു​ഷ്യ​രോ​ടും പൂർണ്ണ​സൌ​മ്യത കാണി”ക്കുക.—തീത്തൊസ്‌ 3:2.

അധരങ്ങളെ അടക്കുക

പരുഷ​മാ​യി സംസാ​രി​ക്കാ​നുള്ള പ്രേര​ണയെ നിയ​ന്ത്രി​ക്കാൻ ചില സന്ദർഭ​ങ്ങ​ളിൽ ബുദ്ധി​മു​ട്ടാണ്‌. ദ്രോഹം സഹി​ക്കേണ്ടി വരു​മ്പോൾ ദ്രോ​ഹിച്ച ആളിന്റെ മുഖത്തു​നോ​ക്കി​യോ അല്ലാ​തെ​യോ കടുത്ത വാക്കുകൾ പറയു​ന്ന​തിൽ തെറ്റില്ല എന്ന്‌ ഒരു വ്യക്തി ന്യായ​വാ​ദം ചെയ്‌തേ​ക്കാം. എന്നിരു​ന്നാ​ലും ക്രിസ്‌ത്യാ​നി​കൾ അത്തരം പ്രവണ​തയെ ചെറു​ക്കു​ന്നു. സദൃശ​വാ​ക്യ​ങ്ങൾ 10:19 ഇപ്രകാ​രം പറയുന്നു: “വാക്കു പെരു​കി​യാൽ ലംഘനം ഇല്ലാതി​രി​ക്ക​യില്ല; അധരങ്ങളെ അടക്കു​ന്ന​വ​നോ ബുദ്ധി​മാൻ.”

ദൈവ​ദൂ​ത​ന്മാർ ഇതിനു നല്ല മാതൃക വെക്കുന്നു. മനുഷ്യ​വർഗം ചെയ്‌തു കൂട്ടുന്ന ദ്രോ​ഹ​ങ്ങളെ കുറി​ച്ചെ​ല്ലാം അവർക്കു നന്നായി അറിയാം. ദൂതന്മാർ മനുഷ്യ​രെ​ക്കാൾ ബലവും ശക്തിയും ഏറിയവർ ആണെങ്കി​ലും അവർ മനുഷ്യ​രെ അപഹസിച്ച്‌ ഒന്നും പറയു​ന്നില്ല. ‘യഹോ​വ​യോ​ടുള്ള ആദരവു​കൊ​ണ്ടാണ്‌ അവർ അതു ചെയ്യാ​ത്തത്‌.’ (2 പത്രൊസ്‌ 2:11, NW) സകലരു​ടെ​യും തെറ്റുകൾ സംബന്ധിച്ച്‌ യഹോവ തികച്ചും ബോധ​വാ​നാ​ണെ​ന്നും കാര്യങ്ങൾ നേരെ​യാ​ക്കാ​നുള്ള പ്രാപ്‌തി അവന്‌ ഉണ്ടെന്നും അവർക്ക്‌ അറിയാം. അതു​കൊണ്ട്‌ ദൂതന്മാർ തങ്ങളുടെ അധരങ്ങളെ അടക്കുന്നു. പ്രധാന ദൂതനായ മീഖാ​യേൽ, പിശാ​ചി​നോ​ടു​പോ​ലും ദൂഷണ​വി​ധി ഉച്ചരി​ക്കാൻ തുനി​ഞ്ഞില്ല.—യൂദാ 9.

ക്രിസ്‌ത്യാ​നി​കൾ ദൂതന്മാ​രു​ടെ മാതൃക അനുക​രി​ക്കാൻ ശ്രമി​ക്കു​ന്നു. അവർ ബൈബി​ളി​ന്റെ ഈ ഉദ്‌ബോ​ധനം പിൻപ​റ്റു​ന്നു: “ആർക്കും തിന്മെക്കു പകരം, തിന്മ ചെയ്യാതെ സകലമ​നു​ഷ്യ​രു​ടെ​യും മുമ്പിൽ യോഗ്യ​മാ​യതു മുൻക​രു​തി, കഴിയു​മെ​ങ്കിൽ നിങ്ങളാൽ ആവോളം സകലമ​നു​ഷ്യ​രോ​ടും സമാധാ​ന​മാ​യി​രി​പ്പിൻ. പ്രിയ​മു​ള്ള​വരേ, നിങ്ങൾ തന്നേ പ്രതി​കാ​രം ചെയ്യാതെ ദൈവ​കോ​പ​ത്തി​ന്നു ഇടം​കൊ​ടു​പ്പിൻ; ‘പ്രതി​കാ​രം എനിക്കു​ള്ളതു; ഞാൻ പകരം ചെയ്യും എന്നു കർത്താവു അരുളി​ച്ചെ​യ്യു​ന്നു.’”—റോമർ 12:17-19.

നമ്മുടെ സംസാ​ര​ത്തി​ന്റെ ധ്വനി​യും ശബ്ദവും​പോ​ലും വ്രണ​പ്പെ​ടു​ത്തുന്ന വിധത്തി​ലു​ള്ളത്‌ ആയിരി​ക്കാൻ കഴിയും. ഭാര്യാ​ഭർത്താ​ക്ക​ന്മാർ തമ്മിൽ ഉരുള​യ്‌ക്കു​പ്പേ​രി​പോ​ലെ വാക്കേറ്റം നടത്തി പരസ്‌പരം വ്രണ​പ്പെ​ടു​ത്തു​ന്നത്‌ സാധാ​ര​ണ​മാണ്‌. നിരവധി മാതാ​പി​താ​ക്കൾ പലപ്പോ​ഴും കുട്ടി​ക​ളു​ടെ നേരെ ആക്രോ​ശി​ക്കാ​റുണ്ട്‌. എന്നിരു​ന്നാ​ലും, നമ്മുടെ വികാ​രങ്ങൾ പ്രകടി​പ്പി​ക്കു​ന്ന​തിന്‌ ആക്രോ​ശി​ക്കേണ്ട കാര്യ​മില്ല. ബൈബിൾ ഇപ്രകാ​രം പ്രോ​ത്സാ​ഹി​പ്പി​ക്കു​ന്നു: “എല്ലാ കൈപ്പും കോപ​വും ക്രോ​ധ​വും കൂററാ​ര​വും [“ആക്രോ​ശ​വും,” NW] ദൂഷണ​വും സകലദുർഗ്ഗു​ണ​വു​മാ​യി നിങ്ങളെ വിട്ടു ഒഴിഞ്ഞു​പോ​കട്ടെ.” (എഫെസ്യർ 4:31) ‘കർത്താ​വി​ന്റെ ദാസൻ ശണ്‌ഠ ഇടാതെ എല്ലാവ​രോ​ടും ശാന്തനാ​യി അത്രേ ഇരി​ക്കേ​ണ്ടത്‌’ എന്നും ബൈബിൾ നമ്മോടു പറയുന്നു.—2 തിമൊ​ഥെ​യൊസ്‌ 2:24.

സുഖ​പ്പെ​ടു​ത്തുന്ന വാക്കുകൾ

മോശ​വും സഭ്യമ​ല്ലാ​ത്ത​തും ആയ സംസാരം പ്രബല​മാ​യി​രി​ക്കുന്ന ഇക്കാലത്ത്‌ ഈ ദ്രോ​ഹ​ക​ര​മായ സ്വാധീ​നത്തെ ചെറു​ക്കാൻ ക്രിസ്‌ത്യാ​നി​കൾ ബുദ്ധി​പൂർവം ശ്രമി​ക്കേ​ണ്ട​തുണ്ട്‌. ബൈബിൾ അതിന്‌ മികച്ച ഒരു വഴി പറഞ്ഞു​ത​രു​ന്നു, അയൽക്കാ​രനെ സ്‌നേ​ഹി​ക്കുക. (മത്തായി 7:12; ലൂക്കൊസ്‌ 10:27) അയൽക്കാ​ര​നോ​ടുള്ള യഥാർഥ സ്‌നേഹം, എല്ലായ്‌പോ​ഴും സുഖ​പ്പെ​ടു​ത്തുന്ന വാക്കുകൾ ഉപയോ​ഗി​ക്കാൻ നമ്മെ സഹായി​ക്കും. ബൈബിൾ പറയു​ന്നതു ശ്രദ്ധി​ക്കുക: “കേൾക്കു​ന്ന​വർക്കു കൃപ ലഭി​ക്കേ​ണ്ട​തി​ന്നു ആവശ്യം​പോ​ലെ ആത്മിക​വർദ്ധ​നെ​ക്കാ​യി നല്ല വാക്കല്ലാ​തെ ആകാത്തതു ഒന്നും നിങ്ങളു​ടെ വായിൽനി​ന്നു പുറ​പ്പെ​ട​രു​തു.”—എഫെസ്യർ 4:29.

കൂടാതെ, ദൈവ​വ​ചനം നമ്മുടെ ഹൃദയ​ത്തിൽ ഉൾനടു​ന്നത്‌ വ്രണ​പ്പെ​ടു​ത്തുന്ന സംസാരം ഒഴിവാ​ക്കാൻ നമ്മെ സഹായി​ക്കും. വിശുദ്ധ തിരു​വെ​ഴു​ത്തു​ക​ളു​ടെ വായന​യും ധ്യാന​വും “എല്ലാ അഴുക്കും” വിട്ടൊ​ഴി​യാൻ നമ്മെ പ്രാപ്‌ത​രാ​ക്കും. (യാക്കോബ്‌ 1:21) അതേ, ദൈവ​വ​ച​ന​ത്തിന്‌ നമ്മുടെ മനസ്സു​കളെ സുഖ​പ്പെ​ടു​ത്താൻ കഴിയും. (g03 6/8)