യുവജ​നങ്ങൾ ചോദി​ക്കു​ന്നു...

ഞാൻ സ്‌നാ​പ​ന​മേൽക്ക​ണ​മോ?

പതിമൂ​ന്നു വയസ്സു​കാ​രി​യായ സൂസന്ന യഹോ​വ​യു​ടെ സാക്ഷി​ക​ളു​ടെ കൺ​വെൻ​ഷ​നിൽ അവസാ​ന​മാ​യി ഹാജരാ​യ​പ്പോൾ ക്യാൻസ​റി​ന്റെ മൂർദ്ധ​ന്യാ​വ​സ്ഥ​യി​ലാ​യി​രു​ന്നു. കേവലം പത്തു ദിവസ​ങ്ങൾക്കു​ള്ളിൽ താൻ മരിക്കു​മെന്ന്‌ അവൾ അറിഞ്ഞി​രു​ന്നില്ല. എന്നിരു​ന്നാ​ലും യഹോ​വ​യു​ടെ ഒരു സമർപ്പിത സാക്ഷി​യെന്ന നിലയി​ലും യേശു​ക്രി​സ്‌തു​വി​ന്റെ ഒരു ശിഷ്യ​യെന്ന നിലയി​ലും സ്‌നാ​പ​ന​മേൽക്കു​ക​യെ​ന്നുള്ള, താൻ അത്യന്തം ലാളി​ച്ചി​രുന്ന തന്റെ അഭിലാ​ഷം നിവർത്തി​ക്കു​ന്ന​തിൽനിന്ന്‌ ക്യാൻസ​റി​നു​പോ​ലും അവളെ തടയാൻ കഴിഞ്ഞില്ല.

സ്‌നാ​പ​ന​മേൽക്കു​ക​യെന്ന പദവിയെ വിലമ​തി​ച്ചി​ട്ടുള്ള സമീപ വർഷങ്ങ​ളി​ലെ യഹോ​വ​യു​ടെ സാക്ഷി​കൾക്കി​ട​യി​ലെ ആയിര​ക്ക​ണ​ക്കി​നു യുവജ​ന​ങ്ങ​ളിൽ ഒരാൾ മാത്ര​മാ​യി​രു​ന്നു സൂസന്ന. എന്നാൽ അത്തരം ധീരമായ ഒരു നിലപാട്‌ സ്വീക​രി​ക്കു​ക​യെ​ന്നത്‌ ഭയപ്പെ​ടു​ത്തുന്ന ഒന്നായി ഒരുപക്ഷേ നിങ്ങൾ കണ്ടെത്തി​യേ​ക്കാം. നിങ്ങളെ പഠിപ്പിച്ച ബൈബി​ള​ധി​ഷ്‌ഠിത സത്യങ്ങൾ നിങ്ങൾ വിശ്വ​സി​ക്കു​ന്നി​ല്ലെന്നല്ല. നിങ്ങൾ ക്രിസ്‌തീ​യ​യോ​ഗ​ങ്ങൾക്ക്‌ ക്രമമാ​യി ഹാജരാ​കു​ക​യും മററു​ള്ള​വ​രു​മാ​യി ബൈബിൾസ​ത്യ​ങ്ങൾ പങ്കിടു​ന്ന​തിൽ ക്രമമാ​യി പങ്കെടു​ക്കു​ക​യും ചെയ്യു​ന്നു​ണ്ടാ​യി​രി​ക്കാം. എന്നിട്ടും നിങ്ങളു​ടെ ജീവി​തത്തെ ദൈവ​ത്തി​നു സമർപ്പി​ക്കുന്ന സംഗതി വരു​മ്പോൾ നിങ്ങൾ മടിച്ചു​നി​ന്നേ​ക്കാം. അങ്ങനെ​യെ​ങ്കിൽ സ്‌നാ​പനം എത്ര പ്രാധാ​ന്യ​മു​ള്ള​താണ്‌? അനേകം യുവജ​നങ്ങൾ അതിൽനിന്ന്‌ വിട്ടു​നിൽക്കു​ന്ന​തെ​ന്തു​കൊണ്ട്‌?

സമർപ്പണം കൂടാ​തെ​യുള്ള മതം!

ക്രൈ​സ്‌ത​വ​ലോ​ക​ത്തിൽ സ്‌നാ​പനം സംബന്ധിച്ച ചോദ്യ​ത്തിന്‌ കൂടെ​ക്കൂ​ടെ യുവാ​ക്കൾക്കു​വേണ്ടി മാതാ​പി​താ​ക്കൾ ഉത്തരം നൽകുന്നു. തങ്ങളുടെ മക്കൾ ശിശു​ക്ക​ളാ​യി​രി​ക്കു​മ്പോൾ തന്നെ അവരെ സ്‌നാ​പ​ന​പ്പെ​ടു​ത്താൻ ചില വിഭാ​ഗങ്ങൾ മാതാ​പി​താ​ക്കളെ പ്രോ​ത്സാ​ഹി​പ്പി​ക്കു​ന്നു. സ്‌നാപന ചടങ്ങ്‌ പ്രായ​പൂർത്തി​യാ​യ​വർക്കു മാത്ര​മാ​യി സംവരണം ചെയ്യ​പ്പെ​ട്ടി​രി​ക്കു​മ്പോൾപോ​ലും യുവജ​നങ്ങൾ തിര​ഞ്ഞെ​ടു​പ്പി​ന്റെയല്ല പിന്തു​ടർച്ച​യു​ടെ ഒരു ഗതിയെന്ന നിലയിൽ തങ്ങളുടെ മാതാ​പി​താ​ക്ക​ളു​ടെ മതം പിൻപ​റ​റാൻ പ്രതീ​ക്ഷി​ക്ക​പ്പെ​ടു​ന്നു.

രസാവ​ഹ​മാ​യി, ഐക്യ​നാ​ടു​ക​ളി​ലെ ഒരു അഭി​പ്രായ സർവേ, “കൗമാ​ര​പ്രാ​യ​ക്കാ​രിൽ മിക്കവാ​റും എല്ലാവ​രും [96 ശതമാനം] ഒരു ദൈവ​മു​ണ്ടെന്ന്‌ വിശ്വ​സി​ക്കു​ന്നു”വെന്ന്‌ വെളി​പ്പെ​ടു​ത്തി​യെ​ങ്കി​ലും 39 ശതമാനം മാത്രമെ കൂടെ​ക്കൂ​ടെ പ്രാർത്ഥി​ക്കു​ന്ന​വ​രാ​യു​ള്ളു. 52 ശതമാ​ന​ത്തി​നു മാത്രമെ സംഘടിത മതത്തിൽ വിശാ​സ​മു​ണ്ടാ​യി​രു​ന്നു​ള്ളു. പിൻവ​രു​ന്ന​പ്ര​കാ​രം പറഞ്ഞ​പ്പോൾ ഡിയേനെ യുവജ​ന​ങ്ങ​ളു​ടെ അഭി​പ്രാ​യ​ത്തി​ന്റെ ഒരു മാതൃക നൽകി: “ഞാൻ ദൈവ​ത്തി​ലും മററും വിശ്വ​സി​ക്കു​ന്നു, എന്നാൽ ബൈബി​ളി​ന്റെ ഓരോ വരിയും വായി​ക്കു​ന്ന​തി​നേ​ക്കാൾ ഒരു നല്ല വ്യക്തി​യാ​യി​രി​ക്കാൻ ശ്രമി​ക്കു​ന്ന​തിൽ ഞാൻ കൂടുതൽ വിശ്വ​സി​ക്കു​ന്നു.”

ഉവ്വ്‌, ഒരു യുവാ​വിൻമേൽ അയാളു​ടെ മാതാ​പി​താ​ക്ക​ളാൽ അടി​ച്ചേൽപ്പി​ക്ക​പ്പെ​ടു​മ്പോൾ നിശ്ചയ​മാ​യും മതത്തിന്‌ ഒരു ദുർബ്ബല ശക്തിയാ​യി​രി​ക്കാൻ കഴിയും. കത്തോ​ലി​ക്കാ യുവജന കുററ​വാ​ളി​കൾക്കി​ട​യിൽ നടത്തിയ ഒരു പഠനം ഇത്‌ കൂടു​ത​ലാ​യി വിശദീ​ക​രി​ക്കു​ന്നു. അവരിൽ പകുതി​പ്പേർ പള്ളിയിൽ സംബന്ധി​ച്ചി​രു​ന്നു. അധികം​പേർക്കും തങ്ങളുടെ വിശ്വാ​സ​ത്തി​ന്റെ അടിസ്ഥാന ഉപദേ​ശങ്ങൾ അറിയാ​മാ​യി​രു​ന്നു. അവരിൽ ഏതാണ്ട്‌ 90 ശതമാനം പേർ മോഷ​ണത്തെ അംഗീ​ക​രി​ച്ചി​രു​ന്നു​മില്ല. എന്നിട്ടും അവരിൽ മൂന്നിൽ രണ്ടു ഭാഗത്തി​ലേറെ മോഷ്ടാ​ക്ക​ളാ​യി​രു​ന്നു. ദി അഡോ​ള​സൻറ്‌ എന്ന പുസ്‌തകം ഇപ്രകാ​രം നിരീ​ക്ഷി​ച്ചു. “ഈ ബാലൻമാ​രു​ടെ മതപര​മായ അർപ്പണം വളരെ പരിമി​ത​മാ​യി​രു​ന്നു​വെ​ന്ന​താ​കാം ഒരു കാരണം. അവരെ​ല്ലാം ജൻമനാ കത്തോ​ലി​ക്ക​രാ​യി​രു​ന്നു; അവരുടെ പ്രാഥ​മിക അർപ്പണം അവർക്കു​വേണ്ടി അവരുടെ മാതാ​പി​താ​ക്ക​ളാൽ നടത്ത​പ്പെ​ടു​ക​യാ​യി​രു​ന്നു. അവരുടെ മതം അവരുടെ സ്വന്തം ആയിരു​ന്നില്ല.”

സ്‌നാ​പനം—എന്തു​കൊണ്ട്‌ ഒരു ക്രിസ്‌തീയ യോഗ്യത

അതു​കൊണ്ട്‌ നല്ല കാരണ​ങ്ങ​ളാൽ നിങ്ങൾ—നിങ്ങളു​ടെ മാതാ​പി​താ​ക്കളല്ല—ദൈവ​ത്തിന്‌ വ്യക്തി​പ​ര​മായ സമർപ്പണം നടത്താൻ ബൈബിൾ ആവശ്യ​പ്പെ​ടു​ന്നു.a ‘കൊള്ളാം, നല്ലതു​തന്നെ, എന്നാൽ സമർപ്പണം വ്യക്തി​പ​ര​മാ​യത്‌, ദൈവ​വും ഞാനും തമ്മിലുള്ള ഒന്ന്‌ ആയിരി​ക്കു​ന്നു​വെ​ങ്കിൽ ഞാൻ സ്‌നാ​പനം ഏൽക്കേ​ണ്ടി​യി​രി​ക്കു​ന്ന​തെ​ന്തു​കൊണ്ട്‌?’ എന്ന്‌ നിങ്ങൾ ചോദി​ച്ചേ​ക്കാം.

സ്‌നാ​പ​ന​ത്തിൽ ‘നിങ്ങളു​ടെ ദേഹി​യു​ടെ രക്ഷ’ ഉൾപ്പെ​ടു​ന്ന​തി​നാൽ (1 പത്രോസ്‌ 1:9) “ദൈവത്തെ അറിയാ​ത്ത​വ​രും നമ്മുടെ കർത്താ​വായ യേശു​വി​നെ​ക്കു​റി​ച്ചുള്ള സുവാർത്ത അനുസ​രി​ക്കാ​ത്ത​വ​രു​മാ​യ​വ​രു​ടെ​മേൽ പ്രതി​കാ​രം” വരുത്തു​ക​യെ​ന്നത്‌ ദൈവ​ത്തി​ന്റെ മനസ്സി​ലുണ്ട്‌. “ഇവർ നിത്യ​നാ​ശം എന്ന ശിക്ഷാ​വി​ധി പ്രാപി​ക്കും.” (2 തെസ്സ​ലോ​നി​ക്യർ 1:8, 9). ഈ നാശം നമ്മുടെ നാളിൽ വരു​മെ​ന്നാണ്‌ സകല സൂചന​യും.b

എന്നിരു​ന്നാ​ലും “എല്ലാത്തരം ആളുക​ളും രക്ഷിക്ക​പ്പെ​ട​ണ​മെ​ന്ന​താണ്‌ ദൈ​വേഷ്ടം (1 തിമൊ​ഥെ​യോസ്‌ 2:4) നിങ്ങൾ ഈ വ്യവസ്ഥി​തി​യു​ടെ അന്ത്യത്തെ അതിജീ​വി​ക്ക​ണ​മെ​ന്നും ഭൂമി​യി​ലെ പറുദീ​സ​യിൽ എന്നേക്കും ജീവി​ക്ക​ണ​മെ​ന്നും അവൻ ആഗ്രഹി​ക്കു​ന്നു!—വെളി​പ്പാട്‌ 21:3, 4. എന്നാൽ സുവാർത്ത അനുസ​രി​ക്കുന്ന ഒരുവ​നാ​യി നിങ്ങൾക്ക്‌ നിങ്ങ​ളെ​ത്തന്നെ എങ്ങനെ തിരി​ച്ച​റി​യി​ക്കാൻ കഴിയും? നിങ്ങളെ പഠിപ്പി​ച്ചി​രി​ക്കുന്ന ബൈബിൾ സത്യങ്ങൾ കേവലം വിശ്വ​സി​ക്കു​ന്ന​തോ വെറുതെ നിങ്ങളു​ടെ മാതാ​പി​താ​ക്ക​ളോ​ടൊ​പ്പം ക്രിസ്‌തീയ യോഗ​ങ്ങൾക്കു പോകു​ന്ന​തോ മതിയാ​കു​ക​യില്ല. (യാക്കോബ്‌ 2:19 താരത​മ്യ​പ്പെ​ടു​ത്തുക) രക്ഷ ആഗ്രഹി​ക്കു​ന്നവർ തങ്ങളെ​ത്തന്നെ ദൈവ​ത്തി​നു സമർപ്പി​ക്കു​ക​യും അവന്റെ ഇഷ്ടം ചെയ്യു​ക​യും വേണം. റോമർ 12:1-ൽ അപ്പോ​സ്‌ത​ല​നായ പൗലോസ്‌ ഇങ്ങനെ പറയുന്നു: “തൽഫല​മാ​യി സഹോ​ദ​രൻമാ​രേ നിങ്ങളു​ടെ വിവേ​ച​നാ​പ്രാ​പ്‌തി സഹിതം ഒരു വിശു​ദ്ധ​സേ​വ​ന​മാ​യി, നിങ്ങളു​ടെ ശരീര​ങ്ങളെ ജീവനും വിശു​ദ്ധി​യും ഉള്ളതും [“സമർപ്പി​ത​മായ,” ദി ന്യൂ ഇംഗ്ലീഷ്‌ ബൈബിൾ] ദൈവ​ത്തി​നു സ്വീകാ​ര്യ​വു​മായ ഒരു യാഗമാ​യി അർപ്പി​ക്കാൻ ഞാൻ ദൈവ​ത്തി​ന്റെ മനസ്സലി​വു മുഖാ​ന്തരം നിങ്ങ​ളോ​ട​പേ​ക്ഷി​ക്കു​ന്നു.”

എന്നാൽ സമർപ്പ​ണ​ത്തിന്‌ തികച്ചും സ്വകാ​ര്യ​മായ ഒരു സംഗതി​യാ​യി നിലനിൽക്കാ​വു​ന്നതല്ല. എന്തൊ​ക്കെ​യാ​യാ​ലും ഒരു രഹസ്യ ശിഷ്യന്‌ യഥാർത്ഥ​ത്തിൽ എങ്ങനെ ഭക്തിയു​ള്ള​വ​നും അർപ്പി​ത​നു​മാ​യി​രി​ക്കാൻ കഴിയും? (യോഹ​ന്നാൻ 19:38 താരത​മ്യ​പ്പെ​ടു​ത്തുക.) നിങ്ങളു​ടെ സൗഹൃദം രഹസ്യ​മാ​യി സൂക്ഷി​ക്കാ​നാ​ഗ്ര​ഹി​ക്കുന്ന ഒരു സുഹൃ​ത്തി​നെ നിങ്ങൾ വിശ്വ​സി​ക്കു​മോ? അതു​കൊണ്ട്‌ ജ്ഞാനപൂർവം സകലരും “രക്ഷക്കു​വേണ്ടി പരസ്യ പ്രഖ്യാ​പനം നടത്താൻ” ദൈവം ആവശ്യ​പ്പെ​ടു​ന്നു. (റോമർ 10:10) ഇത്‌ സ്‌നാ​പ​ന​ത്തി​ങ്കൽ തുടങ്ങു​ന്നു. ആ സമയത്ത്‌ ഒരുവൻ തന്റെ വിശ്വാ​സ​ത്തി​ന്റെ വാച്യ​മായ പ്രഖ്യാ​പനം നടത്തുന്നു. അനന്തരം ജലത്തി​ലുള്ള സ്‌നാ​പനം തുടർന്നു വരുന്നു. (മത്തായി 28:19, 20) എന്നിരു​ന്നാ​ലും വെള്ളത്തി​ലേക്ക്‌ ആഴ്‌ത്ത​പ്പെ​ടു​ന്ന​തിന്‌ എന്തു മൂല്യ​മു​ണ്ടാ​യി​രി​ക്കാൻ കഴിയും?

സ്‌നാ​പ​നം എന്നത്‌ ഒരു വെറും കുളിയല്ല; അത്‌ ഒരു പ്രതീ​കാ​ത്മക കുഴി​ച്ചു​മൂ​ട​ലാണ്‌. നിങ്ങൾ സ്‌നാപന ജലത്തി​ന​ടി​യി​ലേക്ക്‌ പോകു​മ്പോൾ അതു നിങ്ങളു​ടെ മുൻകാ​ല​ജീ​വിത ഗതി സംബന്ധിച്ച്‌ നിങ്ങൾ മരിച്ചി​രി​ക്കു​ന്നു​വെന്ന പ്രതീതി നിങ്ങളിൽ ഉളവാ​ക്കു​ന്നു. പണ്ട്‌ നിങ്ങളു​ടെ വ്യക്തി​പ​ര​മായ സ്ഥാനകാം​ക്ഷ​യും ലക്ഷ്യങ്ങ​ളും ആഗ്രഹ​ങ്ങ​ളും നിങ്ങളു​ടെ ജീവി​ത്തിൽ പ്രഥമ സ്ഥാനത്താ​യി​രു​ന്നു. എന്നാൽ തന്റെ ശിഷ്യൻമാർ “സ്വയം ത്യജിക്കു”മെന്ന്‌ യേശു പറഞ്ഞു. (മർക്കോസ്‌ 8:34) അതു​കൊണ്ട്‌ നിങ്ങൾ ഉയർത്ത​പ്പെ​ടു​മ്പോൾ നിങ്ങൾ ദൈവ​ത്തി​ന്റെ ഇഷ്ടം ചെയ്യു​ന്ന​തി​നാ​യി ഇപ്പോൾ ജീവി​ക്കു​ന്നു​വെന്ന്‌ നിങ്ങൾ ഓർമ്മി​പ്പി​ക്ക​പ്പെ​ടു​ക​യാണ്‌. ധീരവും പരസ്യ​വു​മായ ഈ നടപടി നിങ്ങളെ രക്ഷക്ക്‌ യോഗ്യ​രാ​യി തിരി​ച്ച​റി​യി​ക്കുന്ന അടയാ​ള​ത്തി​ന്റെ ഒരു നിർണ്ണാ​യക ഭാഗമാണ്‌.—യഹസ്‌കേൽ 9:4-6; 1 പത്രോസ്‌ 3:21 താരത​മ്യ​പ്പെ​ട​ത്തുക.

‘ഞാൻ പുറത്താ​ക്ക​പ്പെ​ടു​മെന്ന്‌ ഞാൻ ഭയപ്പെ​ടു​ന്നു’

സ്‌നാ​പനം അത്ര പ്രധാ​ന​മാ​ണെ​ങ്കിൽ പിന്നെ എന്തു​കൊ​ണ്ടാണ്‌ ചില യുവജ​നങ്ങൾ അതിൽനിന്ന്‌ പിൻമാ​റി നിൽക്കു​ന്നത്‌? അനേകം ക്രിസ്‌തീയ ചെറു​പ്പ​ക്കാ​രോട്‌ ഉണരുക! ഇതേ ചോദ്യം ചോദി​ച്ചു. ഒരു പെൺകു​ട്ടി ഇങ്ങനെ പറഞ്ഞു: “തങ്ങൾ സ്‌നാ​പ​ന​മേ​റ​റ​വ​ര​ല്ലെ​ങ്കിൽ തങ്ങൾക്ക്‌ കൂടുതൽ സ്വാത​ന്ത്ര്യം ഉണ്ടായി​രി​ക്കു​മെന്ന്‌ അനേകർ വിചാ​രി​ക്കു​ന്നു. കുഴപ്പ​ത്തിൽ ചെന്നു പെട്ടാ​ലും തങ്ങൾ അത്ര ഉത്തരവാ​ദി​ക​ളാ​യി​രി​ക്ക​യി​ല്ലെന്ന്‌ അവർ കരുതു​ന്നു.” പിൻവ​രുന്ന പ്രകാരം പറഞ്ഞു​കൊണ്ട്‌ റോബർട്ട്‌ എന്നു പേരുള്ള ഒരു യുവാവ്‌ ഈ അഭി​പ്രാ​യം ആവർത്തി​ക്കു​ന്നു. “സ്‌നാ​പനം എന്നത്‌ ഒരിക്കൽ എടുത്ത​ശേഷം പിന്നോ​ക്കം പോകാൻ കഴിയാ​ത്ത​തായ ഒരു അന്തിമ നടപടി​യാ​ണെന്ന്‌ ഭയപ്പെ​ടു​ന്ന​തു​കൊ​ണ്ടാണ്‌ അനേകം യുവജ​നങ്ങൾ സ്‌നാ​പ​ന​മേൽക്കാൻ മടിക്കു​ന്ന​തെന്ന്‌ ഞാൻ വിചാ​രി​ക്കു​ന്നു. തങ്ങൾ തെററായ എന്തെങ്കി​ലും ചെയ്‌താൽ സഭയിൽ നിന്നു പുറത്താ​ക്ക​പ്പെ​ടു​മെന്ന്‌ അവർ വിചാ​രി​ക്കു​ന്നു.”

ഒരുവന്‌ ദൈവ​ത്തോ​ടുള്ള സമർപ്പ​ണ​ത്തിൽ നിന്നു പിന്നോ​ക്കം പോകാൻ കഴിയി​ല്ലെ​ന്നു​ള്ളതു സത്യമാണ്‌. (സഭാ​പ്ര​സം​ഗി 5:4 താരത​മ്യ​പ്പെ​ടു​ത്തുക.) തന്നേത്തന്നെ ദൈവ​ത്തി​നു സമർപ്പി​ക്കുന്ന ഒരു വ്യക്തി ഒരു ഗൗരവാ​വ​ഹ​മായ ഉത്തരവാ​ദി​ത്വം ഏറെറ​ടു​ക്കു​ക​യാണ്‌. അവൻ അല്ലെങ്കിൽ അവൾ “അവനെ പൂർണ്ണ​മാ​യി പ്രസാ​ദി​പ്പി​ക്കു​ക​യെന്ന ലക്ഷ്യത്തിൽ യഹോ​വക്കു യോഗ്യ​മാ​കും​വണ്ണം നടക്കു”വാൻ കടപ്പെ​ട്ടി​രി​ക്കു​ന്നു. (കൊ​ലോ​സ്യർ 1:10) ഗരുത​ര​മായ തെററിൽ ഏർപ്പെ​ടുന്ന ഒരുവൻ ക്രിസ്‌തീയ സഭയിൽ നിന്ന്‌ പുറത്താ​ക്ക​പ്പെ​ടു​ക​യെന്ന അപകട​സാ​ധ്യ​തയെ അഭിമു​ഖീ​ക​രി​ക്കു​ന്നു.—1 കൊരി​ന്ത്യർ 5:11-13.

എന്നിരു​ന്നാ​ലും സ്‌നാ​പ​ന​മേൽക്കാ​ത്ത​ട​ത്തോ​ളം കാലം എന്തും ആവാ​മെന്ന്‌ ഒരുവന്‌ ന്യായ​വാ​ദം ചെയ്യാ​വു​ന്നതല്ല. എന്തെന്നാൽ “ശരിയാ​യതു ചെയ്യേ​ണ്ട​തെ​ങ്ങ​നെ​യെന്ന്‌ ഒരുവൻ അറിഞ്ഞി​ട്ടും അതു ചെയ്യു​ന്നി​ല്ലെ​ങ്കിൽ അത്‌ അവന്‌ ഒരു പാപമ​ത്രെ”—സ്‌നാ​പ​ന​മേ​റ​റ​യാ​ളാ​യാ​ലും ഏൽക്കാ​ത്ത​യാ​ളാ​യാ​ലും! (യാക്കോബ്‌ 4:17) ഒരുവന്‌ സഭയിൽ നിന്നുള്ള ഔപചാ​രി​ക​മായ പുറത്താ​ക്കൽ ഒഴിവാ​ക്കാൻ കഴി​ഞ്ഞേ​ക്കും, എന്നാൽ ഒരുവന്‌ യഹോ​വ​യു​ടെ ന്യായ​വി​ധി​യെ മറിക​ട​ക്കാൻ കഴിയു​ക​യില്ല. പൗലോസ്‌ ഇങ്ങനെ മുന്നറി​യി​പ്പു നൽകുന്നു: “തെററു പററരുത്‌, ദൈവത്തെ പുച്ഛി​ക്ക​ലില്ല; എന്തെന്നാൽ ഒരു മനുഷ്യൻ വിതക്കു​ന്നതു തന്നെ​കൊ​യ്യും.”—ഗലാത്യർ 6:7, ബയിം​ഗ്‌ടൺ.

പുറത്താ​ക്ക​പ്പെ​ടു​മെന്നു ഒരു ഭയം തെററു പ്രവർത്തി​ക്കു​ന്ന​തി​നുള്ള ഗൂഢ ആഗ്രഹത്തെ പലപ്പോ​ഴും യഥാർത്ഥ​ത്തിൽ മറയ്‌ക്കു​ന്നു. നതാലി എന്ന ഒരു യുവതി സത്യസ​ന്ധ​മാ​യി ഇങ്ങനെ നിരീ​ക്ഷി​ച്ചു: “ഞാൻ വളർത്ത​പ്പെ​ട്ടത്‌ സാത്താന്റെ ലോക​ത്തി​ലാണ്‌, അത്‌ എപ്രകാ​ര​മു​ള്ള​താ​ണെന്ന്‌ എനിക്ക്‌ അറിയു​ക​യും ചെയ്യാം. എന്നാൽ അനേകം യുവജ​നങ്ങൾ പുറത്തു കടക്കാ​നും അവിടെ പുറത്തു​ള്ളവ അനുഭ​വി​ക്കാ​നും ആഗ്രഹി​ക്കു​ന്നു. സ്‌നാ​പ​ന​ത്തിൽനിന്ന്‌ നിങ്ങളെ പിമ്പോ​ട്ടു പിടിച്ചു നിർത്താൻ തെററായ ആഗ്രഹ​ങ്ങളെ അനുവ​ദി​ക്കു​ന്ന​തിന്‌—അഥവാ അവ തെററായ പ്രവൃ​ത്തി​ക​ളാ​യി വികാസം പ്രാപി​ക്കു​ന്ന​തിന്‌ അനുവ​ദി​ക്കു​ന്ന​തി​നു—പകരം മാതാ​പി​താ​ക്ക​ളിൽ ഒരാളി​നോ​ടോ അല്ലെങ്കിൽ ഒരു പക്വത​യുള്ള ക്രിസ്‌ത്യാ​നി​യോ​ടോ ഈ കാര്യങ്ങൾ സംസാ​രി​ച്ചു​കൊണ്ട്‌ എന്തു​കൊണ്ട്‌ അൽപ്പം സഹായം സ്വീക​രി​ച്ചു​കൂ​ടാ?—യാക്കോബ്‌ 1:14, 15.

യഥാർത്ഥ​ത്തിൽ, സാത്താന്റെ ലോകം വാഗ്‌ദാ​നം ചെയ്യുന്ന സ്വാത​ന്ത്ര്യം ഒരു കേവല മിഥ്യ​യാണ്‌. തന്റെ നാളിലെ വഴി​തെ​റ​റി​ക്ക​പ്പെ​ട്ടി​രുന്ന ചില​രോട്‌ അപ്പോ​സ്‌ത​ല​നായ പത്രോസ്‌ പറഞ്ഞതു​പോ​ലെ: “അവർ മററു​ള്ള​വർക്ക്‌ സ്വാത​ന്ത്ര്യം വാഗ്‌ദാ​നം ചെയ്യവെ, അവർ തന്നെ ദ്രവത്വ​ത്തി​ന്റെ അടിമ​ത്വ​ത്തിൽ സ്ഥിതി​ചെ​യ്യു​ന്നു. എന്തെന്നാൽ എന്തിനാ​ലെ​ങ്കി​ലും കീഴ്‌പ്പെ​ടു​ത്ത​പ്പെ​ടു​ന്നവൻ അനിനാൽ അടിമ​ത്വ​ത്തി​ലാ​ക്ക​പ്പെ​ടു​ന്നു.” (2 പത്രോസ്‌ 2:19) നിങ്ങളു​ടെ ചിന്തയും നടത്തയും ധാർമ്മിക നിഷ്‌ഠ​ക​ളും മററു​ള്ള​വ​രാൽ നിയ​ന്ത്രി​ക്ക​പ്പെ​ടു​ന്നത്‌ യഥാർത്ഥ​ത്തിൽ സ്വാത​ന്ത്ര്യ​മാ​ണോ? രോഗ​ത്തി​ലേ​ക്കും അപമാ​ന​ത്തി​ലേ​ക്കും ആത്യന്തി​ക​മാ​യി മരണത്തി​ലേ​ക്കും നയിക്കുന്ന പ്രവൃ​ത്തി​ക​ളിൽ ഏർപ്പെ​ടു​ന്നത്‌ യഥാർത്ഥ​ത്തിൽ സ്വാത​ന്ത്ര്യ​മാ​ണോ?—സദൃശ​വാ​ക്യ​ങ്ങൾ 5:8-14.

ജപ്പാനി​ലെ ഒരു യുവാ​വായ ഹിറേ​റാ​ഷി അതേ ചോദ്യ​ങ്ങൾ അഭിമു​ഖീ​ക​രി​ച്ചു. അവൻ ക്രിസ്‌തീയ മാതാ​പി​താ​ക്ക​ളാൽ വളർത്ത​പ്പെട്ടു. അവൻ ഇങ്ങനെ ഓർമ്മി​ക്കു​ന്നു. “മററു​ള്ളവർ കളിക്കുന്ന സമയത്ത്‌ എനിക്ക്‌ യോഗ​ങ്ങൾക്ക്‌ പോ​കേ​ണ്ട​തു​ണ്ടാ​യി​രു​ന്നു. ഞാൻ കൂടുതൽ സ്വാത​ന്ത്ര്യം ആഗ്രഹി​ച്ചു. എനിക്ക്‌ ചില​തെ​ല്ലാം നഷ്ടമാ​വു​ക​യാ​ണെന്ന്‌ ഞാൻ കരുതി.” അതെ, സങ്കീർത്ത​ന​ക്കാ​ര​നായ ആസാഫി​നെ​പ്പോ​ലെ ദുഷ്‌പ്ര​വർത്തി​ക്കാ​രോട്‌ അവൻ “അസൂയാ​ലു”വായി (സങ്കീർത്തനം 73:2, 3) എന്നാൽ സംഗതി സമനി​ല​യോ​ടെ വിലയി​രു​ത്തി​യ​ശേഷം ഹിറേ​റാ​ഷി​യു​ടെ ധാരണകൾ മാറി. അവൻ ഇങ്ങനെ പറയുന്നു: “സത്യം കൂടാ​തെ​യുള്ള എന്റെ ജീവിതം എന്താകു​മാ​യി​രു​ന്നു​വെന്ന്‌ ഞാൻ തിരി​ച്ച​റി​ഞ്ഞു. ഞാൻ 70ഓ 80ഓ വർഷം ജീവി​ച്ചി​രി​ക്കു​ന്ന​തും അനന്തരം മരിക്കു​ന്ന​തും എനിക്ക്‌ കാണാൻ കഴിയും. എന്നാൽ യഹോ​വ​യു​ടെ കൈയിൽ നിത്യ​ജീ​വ​നുണ്ട്‌.” അപ്രകാ​രം ഹിറേ​റാ​ഷി യഹോ​വക്ക്‌ ഒരു സമർപ്പണം നടത്തു​ക​യും സ്‌നാ​പ​ന​മേൽക്കു​ക​യും ചെയ്‌തു.—സങ്കീർത്തനം 73:19-28 താരത​മ്യ​പ്പെ​ടു​ത്തുക.

ഇതു​പോ​ലെ ചെയ്യാൻ നിങ്ങളും പ്രേരി​ത​രാ​യി​രി​ക്കു​ന്നു​വോ? ഡേവിഡ്‌ എന്ന പേരോ​ടു​കൂ​ടിയ ഒരു യുവാവ്‌ അങ്ങനെ​യാ​യി​ത്തീർന്നു. അവൻ ഇങ്ങനെ ഓർമ്മി​ക്കു​ന്നു: “ഒരു ചെറു​പ്പ​ക്കാ​ര​നെന്ന നിലയിൽ സ്‌നാ​പ​ന​മേൽക്കു​ന്നത്‌ എനിക്ക്‌ ഒരു സംരക്ഷ​ണ​മാ​യി​രു​ന്നു. സ്‌നാ​പ​ന​മേ​റ​റ​വ​ര​ല്ലാഞ്ഞ ചില കൗമാ​ര​പ്രാ​യ​ക്കാർ തങ്ങൾ മൂപ്പൻമാ​രു​ടെ അധികാ​ര​ത്തിൽ നിന്ന്‌ സ്വത​ന്ത്ര​രാ​ണെന്നു വിചാ​രി​ക്കു​ക​യും തത്‌ഫ​ല​മാ​യി മോശ​മായ നടത്തയി​ലേക്ക്‌ വീണു​പോ​കു​ക​യും ചെയ്‌തു. എന്നാൽ ഞാൻ എന്റെ ജീവിതം യഹോ​വക്ക്‌ സമർപ്പി​ച്ചി​രി​ക്കു​ന്നു​വെന്ന്‌ ഞാൻ എല്ലായ്‌പ്പോ​ഴും ഓർത്തു.” ഒരുപക്ഷേ ഇപ്പോ​ഴും ഈ പടി സ്വീക​രി​ക്കാൻ നിങ്ങൾ യഥാർത്ഥ​ത്തിൽ ഒരുങ്ങി​യോ​യെന്ന്‌ നിങ്ങൾക്ക്‌ ഉറപ്പി​ല്ലാ​യി​രി​ക്കാം. നിങ്ങളെ സഹായി​ക്കു​ന്ന​തി​നുള്ള വിവരം ഒരു ഭാവി ലക്കത്തിൽ അവതരി​പ്പി​ക്ക​പ്പെ​ടു​ന്ന​താ​യി​രി​ക്കും. (g90 3/22)

[അടിക്കു​റി​പ്പു​കൾ]

[13-ാം പേജിലെ ചിത്രങ്ങൾ]

ദൈവത്തെ സേവി​ക്കാ​നുള്ള തീരു​മാ​നം നിങ്ങൾക്കു​മാ​ത്രം ചെയ്യാൻ കഴിയുന്ന ഒന്നാണ്‌. സ്‌നാ​പനം ഒരുവനെ ക്രിസ്‌തു​യേ​ശു​വി​ന്റെ ഒരു സമർപ്പിത ശിഷ്യ​നാ​യി തിരി​ച്ച​റി​യി​ക്കു​ന്നു.