ലോകത്തെ വീക്ഷിക്കൽ

പുതിയ ബൈബിൾഭാ​ഷാ​ന്ത​രങ്ങൾ

ബൈബിൾ മുഴു​വ​നാ​യോ ഭാഗി​ക​മാ​യോ ഇപ്പോൾ ലോക​ജ​ന​സം​ഖ്യ​യു​ടെ ഏതാണ്ട്‌ 98 ശതമാ​ന​ത്തിന്‌ ലഭ്യമാണ്‌, ഭാഗി​ക​മാ​യോ മുഴു​വ​നാ​യോ ഏതാണ്ട്‌ 1,928 വ്യത്യസ്‌ത ഭാഷക​ളിൽ വിവർത്ത​നം​ചെ​യ്യ​പ്പെ​ട്ടി​രി​ക്കു​ന്ന​തി​നാൽത്തന്നെ. 1989-ൽ ബൈബി​ളി​ന്റെ 21 പുതിയ ഭാഷാ​ന്ത​രങ്ങൾ പ്രസി​ദ്ധീ​ക​രി​ക്ക​പ്പെ​ട്ടു​വെന്ന്‌ ഫ്രഞ്ച്‌ പത്രമായ ലാ ക്രോ​യി​ക്‌സ്‌ റിപ്പോർട്ടു​ചെ​യ്യു​ന്നു. അങ്ങനെ​യുള്ള പുതിയ ഭാഷാ​ന്ത​ര​ങ്ങ​ളിൽ പാപ്പുവാ ന്യൂഗി​നി​യ​യു​ടെ ഭാഗങ്ങ​ളിൽ സംസാ​രി​ക്ക​പ്പെ​ടുന്ന പിജിൻ ഇംഗ്ലീ​ഷി​ന്റെ ഒരു രൂപമായ റേറാക്ക്‌ പിസിൻ, സൗത്ത്‌ പസഫി​ക്കി​ലെ ട്രക്ക്‌ ദ്വീപി​ലും മററു ദ്വീപു​ക​ളി​ലും സംസാ​രി​ക്ക​പ്പെ​ടുന്ന ട്രക്കീസ്‌, ദക്ഷിണ​പൂർവേ​ഷ്യ​യി​ലെ ചൈനീ​സ​ല്ലാത്ത ഒരു സീനോ-ടിബററൻ ഭാഷയായ ലാഹു, ബംഗ്ലാ​ദേ​ശിൽ സംസാ​രി​ക്ക​പ്പെ​ടുന്ന ബോം എന്നിവ ഉൾപ്പെ​ടു​ന്നു. സോവ്യ​ററ്‌ യൂണി​യ​ന്റെ​യും സ്‌കാൻഡി​നേ​വ്യ​യു​ടെ​യും ഭാഗങ്ങ​ളിൽ സംസാ​രി​ക്ക​പ്പെ​ടുന്ന ഒരു ഭാഷയായ ലാപ്പി​ഷി​ലേ​ക്കും ജിപ്‌സി​ക​ളു​ടെ ഭാഷയായ റോമ​നി​യി​ലേ​ക്കു​മുള്ള ഭാഷാ​ന്ത​ര​വും ഇപ്പോൾ നടക്കു​ന്നുണ്ട്‌. (g90 7⁄8)

ഭൂകമ്പ​ത്താൽ കാഴ്‌ച

ഏതാനും മാസം മുമ്പ്‌ വിപത്‌ക്ക​ര​മായ ഒരു ഭൂകമ്പ​ത്തി​ന്റെ ഫലമായി ആസ്‌ത്ര​ലി​യാ, ന്യൂകാ​സി​ലി​ലെ 84 വയസ്സുള്ള ഒരു നിവാ​സിക്ക്‌ പെട്ടെന്ന്‌ അവരുടെ കാഴ്‌ച തിരി​ച്ചു​കി​ട്ടി. മൂന്നു വർഷമാ​യി അവർക്ക്‌ ഇരുണ്ട രൂപങ്ങൾ മാത്രമേ കാണാൻ കഴിഞ്ഞി​രു​ന്നു​ള്ളു. എന്നാൽ ഭൂകമ്പ​ത്തി​നു​ശേഷം അവർക്ക്‌ പത്രം വായി​ക്കാൻ പോലും കഴിയും. ഭൂകമ്പ​ത്തി​ന്റെ ഷോക്ക്‌ അവരുടെ കാഴ്‌ച പുനഃ​സ്ഥി​തീ​ക​രി​ക്കാൻ സഹായി​ച്ചു​കൊണ്ട്‌ അവരുടെ കണ്ണുക​ളി​ലേക്ക്‌ അഡ്രീ​ന​ലിൻ പ്രവഹി​ക്കാൻ ഇടയാ​ക്കി​യി​രി​ക്കാ​മെന്ന്‌ അവരുടെ ഡോക്ടർ സൂചി​പ്പി​ക്കു​ന്നു. അവർ ഇങ്ങനെ പറയു​ന്ന​താ​യി ദി വെസ്‌ററ്‌ ആസ്‌​ത്രേ​ലി​യൻ പത്രം ഉദ്ധരി​ക്കു​ന്നു: “ഞാൻ വ്യക്തമാ​യി കണ്ടു. ഏതാനും ചില സെക്കണ്ടു​കൾകൊണ്ട്‌ അതു സംഭവി​ച്ചു. എന്റെ കണ്ണുകൾ അതു​പോ​ലെ വിസ്‌തൃ​ത​മാ​യി തുറന്ന​തു​പോ​ലെ എനിക്കു തോന്നി. തീർച്ച​യാ​യും അവ തുറന്നി​ല്ലാ​യി​രു​ന്നു, എന്നാൽ ഞാൻ കണ്ടു, അതിനു​ശേഷം അവ അങ്ങനെ സ്ഥിതി​ചെ​യ്‌തു. (g90 6⁄22)

മൂലയൂ​ട്ടൽ സംരക്ഷി​ക്കു​ന്നു

തങ്ങളുടെ കുഞ്ഞു​ങ്ങളെ മുലയൂ​ട്ടുന്ന തള്ളമാർ അവർക്ക്‌ ഗണ്യമായ ഒരു പ്രയോ​ജ​നം​ചെ​യ്യു​ന്നു​വെന്ന്‌ ഡൺഡീ, സ്‌കോ​ട്ട്‌ല​ണ്ടി​ലെ നൈൻവെൽസ്‌ ഹോസ്‌പി​റ​റ​ലി​ലെ​യും മെഡിക്കൽ സ്‌കൂ​ളി​ലെ​യും പ്രൊ​ഫ​സ്സ​റായ പീററർ ഹോവി നയിക്കുന്ന ഒരു കൂട്ടം ഡോക്ടർമാർ നിഗമ​നം​ചെ​യ്യു​ന്നു—രോഗാ​ണു​ബാ​ധ​ക്കുള്ള സാദ്ധ്യ​ത​യിൽ ഒരു കുറവു​തന്നെ. ഒന്നാമത്തെ വർഷത്തി​ലാ​യി​രി​ക്കുന്ന കുട്ടി​ക​ളിൽ നടത്തിയ ഒരു പഠനം ആദ്യത്തെ 13 വാരങ്ങ​ളിൽ മുലയൂ​ട്ടിയ കുഞ്ഞുങ്ങൾ കുപ്പി​പ്പാൽ കൊടു​ത്ത​വരെ ബാധി​ക്കുന്ന ആമാശ​യ​ത്തി​ലെ​യും കുടലി​ലെ​യും രോഗ​ങ്ങ​ളു​ടെ മൂന്നി​ലൊ​ന്നിൽ കുറവേ അനുഭ​വി​ച്ചു​ള്ളു​വെന്ന്‌ റിപ്പോർട്ടു​ചെ​യ്‌തു, ബ്രിട്ടീഷ്‌ മെഡിക്കൽ ജേണലിൽ ഈ റിപ്പോർട്ടു പ്രസി​ദ്ധീ​ക​രി​ച്ചി​രു​ന്നു. മുലയൂ​ട്ടൽ ശ്വസന​സം​ബ​ന്ധ​മായ പ്രശ്‌നങ്ങൾ കുറയ്‌ക്കു​ന്ന​തിൽ സമാന​വും എന്നാൽ ചെറു​തു​മായ ഒരു ഫലവും ഉളവാ​ക്കു​ന്നു. കുട്ടി​കൾക്ക്‌ ഈ പ്രയോ​ജ​നങ്ങൾ കിട്ടണ​മെ​ങ്കിൽ തള്ളമാർ “കുറഞ്ഞ​പക്ഷം മൂന്നു മാസം മുലയൂ​ട്ടൽ തുടരണ”മെന്ന്‌ ഡോക്ടർമാർ നിഗമ​നം​ചെ​യ്യു​ന്നു. (g90 7⁄8)

ഒരു ഒഴിവ​നു​വ​ദി​ക്കു​ന്നു

കുറു​ബാ​ന​യു​ടെ സമയത്ത്‌ മദ്യം കലരാത്ത വീഞ്ഞ്‌ കുടി​ക്കാൻ വ്യക്തി​ക​ളായ പുരോ​ഹി​തൻമാ​രെ അനുവ​ദി​ക്കുന്ന ഒരു സ്ഥിരം നയം വത്തിക്കാ​നുണ്ട്‌, അവർ അതിന്‌ അപേക്ഷി​ക്കു​ന്നു​വെ​ങ്കിൽ. എന്നാൽ അടുത്ത കാലത്ത്‌ ഇററലി​യി​ലെ ഫ്ര്യൂളി പ്രദേ​ശത്തു മുഴു​വ​നുള്ള പുരോ​ഹി​തൻമാർക്ക്‌ കുറു​ബാ​ന​യു​ടെ സമയത്ത്‌ വീഞ്ഞിനു പകരം പുളി​ക്കാത്ത മുന്തി​രി​നീർ കുടി​ക്കാൻ അനുവാ​ദം കൊടു​ത്തി​രി​ക്കു​ന്നു. എന്തു​കൊണ്ട്‌? കാത്തലിക്ക്‌ ഹെറൾഡ്‌ പറയു​ന്ന​ത​നു​സ​രിച്ച്‌, അവരുടെ അണിക​ളി​ലെ മദ്യാ​സക്തർ കുറു​ബാ​ന​സ​മ​യത്തെ ഒരു കവിൾ വീഞ്ഞു കുടി​ച്ചു​കൊണ്ട്‌ “കനത്ത കുടി​യി​ലേക്ക്‌ മടങ്ങി​യേ​ക്കാം” എന്നുള്ള ഭയപ്പാ​ടി​നാൽ പുരോ​ഹി​തൻമാർ അതിന​പേ​ക്ഷി​ച്ചു. കത്തോ​ലി​ക്കാ വർത്തമാ​ന​പ്പ​ത്രം ഇങ്ങനെ​യും കുറി​ക്കൊ​ണ്ടു: “ജനതതി​യു​ടെ 15 ശതമാ​ന​ത്തിന്‌ കുടി​യു​ടെ പ്രശ്‌ന​മു​ണ്ടെ​ന്നും ആ പ്രദേ​ശത്തെ 400 പുരോ​ഹി​തൻമാ​രിൽ അനേക​രും ഉയർന്ന അപകട​ത്തിൽപ്പെ​ട്ടി​രി​ക്കുന്ന വർഗ്ഗത്തിൽപെ​ടു​ന്നു​വെ​ന്നും ഫ്ര്യൂളി പ്രദേ​ശത്തെ സർവേ പ്രകട​മാ​ക്കു​ന്നു.” (g90 4⁄22)

ശിശു​ക്ക​ളു​ടെ അതിജീ​വ​നം

ഡച്ച്‌ ഡമോ​ഗ്രാ​ഫിക്ക്‌ ഇൻസ്‌റ​റി​റ​റ്യൂട്ട്‌ പ്രസി​ദ്ധ​പ്പെ​ടു​ത്തുന്ന ഒരു ബുള്ളറ​റിൻ ആയ ഡമോസ്‌ പറയു​ന്ന​ത​നു​സ​രിച്ച്‌ ഒരോ ദിവസ​വും ശരാശരി 3,81,000 ശിശുക്കൾ ലോക​വ്യാ​പ​ക​മാ​യി ജനിക്കു​ന്നുണ്ട്‌. എന്നിരു​ന്നാ​ലും അവരുടെ ജീവി​ത​പ്ര​തീ​ക്ഷകൾ അവർ എവിടെ ജനിക്കു​ന്നു എന്നതി​നെ​യാണ്‌ ഏറെയും ആശ്രയി​ച്ചി​രി​ക്കു​ന്നത്‌. ആദ്യവർഷ​ത്തി​നു​ള്ളിൽ 1,000 ശിശു​ക്ക​ളിൽ 5 എണ്ണം മാത്രമേ ജപ്പാനിൽ മരിക്കു​ന്നു​ള്ളു​വെ​ന്ന​തു​കൊണ്ട്‌ ലോക​ത്തി​ലെ ഏററവും കുറഞ്ഞ ശിശു മരണം സംബന്ധിച്ച്‌ ജപ്പാൻ സ്വയം ശ്ലാഘി​ക്കു​ന്നു. ബ്രസീൽപോ​ലെ​യുള്ള മററു രാജ്യ​ങ്ങ​ളിൽ ശിശു​മരണ നിരക്ക്‌ ഗണ്യമാ​യി ഉയർന്ന​താണ്‌. ബ്രസീ​ലിൽ 1,000-ൽ 71 എണ്ണം അവയുടെ ആദ്യവർഷ​ത്തിൽ മരിക്കു​ന്നു. ഈസ്‌ററ്‌ ആഫ്രി​ക്ക​യി​ലും വെസ്‌റ​റാ​ഫ്രി​ക്ക​യി​ലും 1,000-ൽ 110 എണ്ണം മരിക്കു​ന്നുണ്ട്‌. അഫ്‌ഗാ​നി​സ്‌റ​റാ​നിൽ ശിശു​ക്ക​ളു​ടെ അതിജീ​വന സാദ്ധ്യത ഇതിലും മോശ​മാണ്‌, 1,000 ശിശു​ക്ക​ളിൽ 194 എണ്ണമാണ്‌ അവിടെ മരിക്കു​ന്നത്‌. ലോക​വ്യാ​പ​ക​മാ​യി ഏതാണ്ട്‌ 31,000 ശിശുക്കൾ ഓരോ ദിവസ​വും മരിക്കു​ന്നു. (g90 6⁄22)

ദയവായി പണം തരരുത്‌!

സൗത്താ​ഫ്രി​ക്ക​യി​ലെ ജോഹാ​ന്ന​സ്‌ബർഗ്ഗി​ലുള്ള ഒരു ഫർണിച്ചർ ഫാക്‌റ​റ​റി​യു​ടെ ഷോറൂ​മു​ക​ളിൽ പ്രവേ​ശി​ക്കുന്ന പതിവു​കാർ “ഞങ്ങൾ പണം സ്വീക​രി​ക്കു​ന്നില്ല. ചെക്കു​ക​ളോ ക്രെഡി​ററ്‌ കാർഡു​ക​ളോ മാത്രം” എന്ന ഒരു ബോർഡ്‌ കാണുന്നു. ജോഹാ​ന്ന​സ്‌ബർഗ്ഗി​ലെ ഒരു പത്രമായ ദി സ്‌ററാർ പറയു​ന്ന​ത​നു​സ​രിച്ച്‌ പണത്തിന്റെ കൈകാ​ര്യം​ചെയ്യൽ പിടി​ച്ചു​പ​റി​ക്കാ​രെ​യും കവർച്ച​ക്കാ​രെ​യും ആകർഷി​ക്കു​ന്നു​വെന്ന്‌ ഉടമ വിശ്വ​സി​ക്കു​ന്നു. സേഫിൽ പണം വെക്കാ​തി​രി​ക്കാ​നും ബാങ്കി​ലേക്ക്‌ പണം കൊണ്ടു​പോ​കാ​തി​രി​ക്കാ​നും അദ്ദേഹം തീരു​മാ​നി​ച്ചി​രി​ക്കു​ന്നു. അങ്ങനെ സകല ബിസി​ന​സും ചെക്കോ ക്രെഡി​റ​റ്‌കാർഡോ മുഖേന മാത്രം നടത്തുന്നു. ജീവന​ക്കാർക്കും അവരുടെ പ്രതി​വാര ശമ്പളം കിട്ടു​ന്നത്‌ ചെക്കാ​യി​ട്ടാണ്‌. തന്റെ ജോലി​ക്കാ​രെ സംബന്ധിച്ച്‌, “ഒരു അപരി​ചി​തൻ കയറി​വ​രു​മ്പോ​ഴൊ​ക്കെ അവർക്ക്‌ അസ്വസ്ഥ​ത​യാ​യി​രു​ന്നു”വെന്ന്‌ ഉടമ പറയുന്നു, “എന്നാൽ പണം സ്വീക​രി​ക്കാത്ത നയം ഏർപ്പെ​ടു​ത്തി​യതു മുതൽ അവർ കൂടുതൽ സ്വസ്ഥരാണ്‌.” (g90 6⁄22)