മാനു​ഷ​ഭ​രണം തുലാ​സിൽ തൂക്ക​പ്പെ​ട്ടി​രി​ക്കു​ന്നു

ഭാഗം 5 അനിയ​ന്ത്രിത അധികാ​രം—ഒരു അനു​ഗ്ര​ഹ​മോ ശാപമോ?

ഏകാധിപത്യം: അനിയ​ന്ത്രി​ത​മായ അധികാ​ര​മുള്ള ഒരു വ്യക്തി​യാ​ലുള്ള ഗവൺമെൻറ്‌; അധികൃ​താ​ധി​പ​ത്യം: ഭരിക്ക​പ്പെ​ടു​ന്ന​വ​രു​ടെ അനുമ​തി​യി​ല്ലാ​തെ​യുള്ള ഭരണാ​ധി​കാ​ര​ത്തി​ന്റെ പ്രയോ​ഗം, സമഗ്രാ​ധി​പ​ത്യ​ത്തെ​ക്കാൾ കുറഞ്ഞ അളവിൽ കർക്കശ​മാ​യി​ട്ടു​ള്ളത്‌; സ്വേച്ഛാ​ധി​പ​ത്യം: പൂർണ്ണാ​ധി​കാ​രം നിയമ​ത്താൽ പരിമി​ത​മാ​ക്ക​പ്പെ​ട്ടി​ട്ടി​ല്ലാ​ത്ത​തോ ഏതെങ്കി​ലും ഔദ്യോ​ഗിക സംഘത്താൽ നിയ​ന്ത്രി​ക്ക​പ്പെ​ട്ടി​ട്ടി​ല്ലാ​ത്ത​തോ ആയ ഭരണാ​ധി​കാ​രി​യുള്ള ഗവൺമെൻറ്‌; സമഗ്രാ​ധി​പ​ത്യം: പ്രജകളെ മിക്കവാ​റും പൂർണ്ണ​മാ​യി സംസ്ഥാന അധികാ​ര​ത്തിന്‌ വിധേ​യ​രാ​ക്കുന്ന, ഏകാധി​പത്യ സംഘത്താ​ലുള്ള കേന്ദ്രീ​കൃത നിയ​ന്ത്രണം.

അധികൃ​താ​ധി​പത്യ ഗവൺമെൻറു​കൾ നിയ​ന്ത്ര​ണ​ത്തിന്‌ അതിയായ ആശ പ്രകട​മാ​ക്കു​ക​യും വ്യക്തി​സ്വാ​ത​ന്ത്ര്യം ഇല്ലായ്‌മ ചെയ്യു​ക​യും ചെയ്യു​ന്ന​തി​നാൽ “മർദ്ദകം,” “നിഷ്‌ഠു​രം,” “ജനമർദ്ദകം” എന്നിവ​പോ​ലുള്ള നാമവി​ശേ​ഷ​ണങ്ങൾ പെട്ടെ​ന്നു​തന്നെ മനസ്സി​ലേക്ക്‌ കൊണ്ടു​വ​രു​ന്നു. വളരെ​യ​ധി​കം ദേശീ​യ​ത്വ​പ​ര​മാ​യി​രി​ക്കു​ന്ന​തി​നാൽ അവ സകല ഗവൺമെൻറു​വി​ഭാ​ഗ​ങ്ങ​ളെ​യും നിയ​ന്ത്രി​ക്കു​ക​യും അവയുടെ സകല പ്രജക​ളെ​യും കർശന​മാ​യി നിരീ​ക്ഷി​ക്കു​ക​യും ദേശീ​യ​താ​ല്‌പ​ര്യ​ങ്ങൾ പുരോ​ഗ​മി​പ്പി​ക്കാത്ത പ്രവർത്ത​ന​ങ്ങളെ അവ നിരു​പ​ദ്ര​വ​ക​ര​മാ​യി​രു​ന്നാൽത​ന്നെ​യും, നിരോ​ധി​ക്കു​ക​യും ചെയ്യുന്ന ഭരണമാണ്‌. സങ്കടക​ര​മെന്നു പറയട്ടെ, റിപ്പോർട്ടു​ചെ​യ്യാ​വുന്ന അധികൃ​താ​ധി​പത്യ ഗവൺമെൻറു​കൾക്ക്‌ മാനുഷ ചരി​ത്ര​ത്തിൽ യാതൊ​രു അഭാവ​വു​മില്ല.

വ്യാപ്‌തി​യു​ടെ ഒരു വസ്‌തുത

ദി വേൾഡ്‌ ബുക്ക്‌ എൻ​സൈ​ക്ലോ​പ്പീ​ഡിയ പറയുന്നു: “സാർ ചക്രവർത്തി​മാ​രു​ടെ കീഴിൽ റഷ്യൻ ഗവൺമെൻറ്‌ ഒരു സമ്പൂർണ്ണ ഏകാധി​പ​ത്യ​മാ​യി​രി​ക്കു​ന്ന​തി​നോട്‌ അടുത്തു​വന്നു.” എന്നാൽ എല്ലാ അധികൃ​താ​ധി​പത്യ ഭരണവും സമ്പൂർണ്ണമല്ല; അത്‌ അധിക​മാ​യും വ്യാപ്‌തി​യു​ടെ ഒരു വസ്‌തു​ത​യാണ്‌. സകല സമഗ്രാ​ധി​പത്യ ഗവൺമെൻറു​ക​ളും ഏകാധി​പ​ത്യ​ങ്ങൾ, അതായത്‌ ഒരു ഏകഭര​ണാ​ധി​കാ​രി​യാ​ലോ സ്വേച്ഛാ​ധി​പ​തി​യാ​ലോ ഒരു സാർച​ക്ര​വർത്തി​യാ​ലോ നയിക്ക​പ്പെ​ടുന്ന ഗവൺമെൻറു​കൾ അല്ല. ചിലവ ഒരു കൂട്ടത്താ​ലോ ഒരുപക്ഷേ ഒരു സൈനിക സമിതി​യാ​ലോ അല്ലെങ്കിൽ ഒരു പ്രഭു​ത്വാ​ധി​പ​തി​യോ ധനികാ​ധി​പ​തി​യോ ആയ ഒരു വിശിഷ്ട വ്യക്തി​യാ​ലോ നിയ​ന്ത്രി​ക്ക​പ്പെ​ട്ടേ​ക്കാം.

ജനാധി​പ​ത്യ​ങ്ങൾപോ​ലും അധികൃ​താ​ധി​പ​ത്യ​പരം ആയിരി​ക്കാ​വു​ന്ന​താണ്‌. അവക്ക്‌ രാഷ്‌ട്രീയ പാർട്ടി​കൾ ഉണ്ട്‌ എന്നതും തിര​ഞ്ഞെ​ടു​പ്പു​കൾ നടത്ത​പ്പെ​ടു​ന്നു എന്നതും നിയമ​കോ​ട​തി​കൾ സംരക്ഷി​ക്ക​പ്പെ​ടു​ന്നു എന്നതും ഒരു പാർല​മെ​ന്റോ നിയമ​നിർമ്മാണ സഭയോ സംബന്ധിച്ച വമ്പുപ​റ​ച്ചിൽ ഉണ്ട്‌ എന്നതും സത്യമാണ്‌. എന്നിരു​ന്നാ​ലും ഈ വിവി​ധ​സ്ഥാ​പ​ന​ങ്ങളെ ഗവൺമെൻറ്‌ നിയ​ന്ത്രി​ക്കു​ന്ന​തി​ന്റെ, അതിന്റെ ആജ്ഞ അനുസ​രി​ക്കാൻ അവയെ നിർബ​ന്ധി​ക്കു​ന്ന​തി​ന്റെ വ്യാപ്‌തി എത്രമാ​ത്ര​മാ​ണോ അത്രമാ​ത്രം അവ അധികൃ​താ​ധി​പ​ത്യ​പ​ര​മാ​യി​രി​ക്കും, അവയുടെ ഘടന പരിഗ​ണി​ക്കാ​തെ​തന്നെ. അവ മന:പൂർവം അങ്ങനെ രൂപകൽപ​ന​ചെ​യ്യ​പ്പെ​ടു​ക​യാ​യി​രു​ന്നു എന്നല്ല. യുദ്ധകാ​ല​ത്തോ ദേശീ​യ​പ്ര​ക്ഷു​ബ്ധ​ത​യു​ടെ കാലഘ​ട്ട​ത്തി​ലോ ഗവൺമെൻറിന്‌ അടിയ​ന്തി​രാ​ധി​കാ​രങ്ങൾ അനുവ​ദി​ക്കാൻ സാഹച​ര്യം നിർബ​ന്ധി​ച്ചേ​ക്കാം. ഒരു പക്ഷേ അടിയ​ന്തി​രാ​വസ്ഥ പ്രശമി​ച്ചേ​ക്കാം; എന്നിരു​ന്നാ​ലും അടിയ​ന്തിര അധികാ​ര​ങ്ങൾക്ക്‌ അങ്ങനെ സംഭവി​ച്ചി​ട്ടില്ല.

രാജാ​ധി​പ​ത്യ​ങ്ങൾ വിവിധ അളവു​ക​ളിൽ അധികൃ​താ​ധി​പ​ത്യ​പ​ര​മാണ്‌. എന്നാൽ സമ്പൂർണ്ണ രാജാ​ധി​പ​ത്യ​ങ്ങൾ മിക്കഭാ​ഗ​ത്തും പരിമിത രാജാ​ധി​പ​ത്യ​മാ​യി മാററ​പ്പെ​ട്ടി​ട്ടുണ്ട്‌. നിയമ​നിർമ്മാണ സഭകളും സാദ്ധ്യ​ത​യ​നു​സ​രിച്ച്‌ എഴുത​പ്പെട്ട ഭരണഘ​ട​ന​ക​ളും അങ്ങനെ​യുള്ള രാജാ​ധി​പ​ത്യ​ങ്ങൾക്ക്‌ പ്രയോ​ഗി​ക്കാൻ കഴിയുന്ന അധികാ​രത്തെ പരിമി​ത​പ്പെ​ടു​ത്തു​ന്ന​തി​നാൽ അവ അധികൃ​താ​ധി​പ​ത്യ​ങ്ങൾ ആകാനുള്ള സാദ്ധ്യത കുറക്കു​ന്നു. അങ്ങനെ, ഇന്നത്തെ പരിമിത രാജാ​ധി​പ​ത്യ​ങ്ങ​ളി​ലെ വ്യക്തി​സ്വാ​ത​ന്ത്ര്യ​ത്തി​ന്റെ ആസ്വാ​ദനം കഴിഞ്ഞ​കാ​ലത്തെ സമ്പൂർണ്ണ രാജാ​ധി​പ​ത്യ​ങ്ങ​ളിൽ കണ്ടെത്തി​യി​ട്ടു​ള്ള​തിന്‌ അതീത​മായ ഒരു നിലയിൽ എത്തുന്നു.

സമ്പൂർണ്ണ രാജാ​ധി​പ​ത്യ​ങ്ങൾ സാധാ​ര​ണ​മാ​യി​രു​ന്ന​പ്പോൾപോ​ലും അവയുടെ അധികാ​രം പരിമി​ത​മാ​യി​രു​ന്നു. “മിക്ക രാജാ​ക്കൻമാർക്കും, ഒരു ഹിററ്‌ല​റെ​യോ മുസ്സോ​ളി​നി​യെ​യോ സ്‌ററാ​ലി​നെ​യോ പോലെ, തങ്ങളുടെ പ്രജക​ളു​ടെ​മേൽ പൂർണ്ണ​മാ​യി അധീശ​ത്വം പുലർത്തു​ന്ന​തി​നോ വർഗ്ഗീ​യ​മോ സാംസ്‌കാ​രി​ക​മോ ആയ ന്യൂന​പ​ക്ഷത്തെ നശിപ്പി​ക്കു​ന്ന​തി​നോ ഉള്ള മനോ​ഭാ​വ​മോ യഥാർത്ഥ അധികാ​ര​മോ ഇല്ലായി​രു​ന്നു” എന്ന്‌ ചരിത്ര പ്രൊ​ഫ​സ​റായ ഓറസ്‌ററ്‌ റാനം വിശദീ​ക​രി​ക്കു​ന്നു. സ്‌പഷ്ട​മാ​യും ഒരു രാജാ​വി​ന്റെ ഉന്നത ധാർമ്മി​ക​ത​യും ഏററവും നല്ല ഗുണങ്ങ​ളും—അല്ലെങ്കിൽ അവയുടെ അഭാവം—നിർണ്ണാ​യ​ക​മാ​യി​രു​ന്നു. എന്നിരു​ന്നാ​ലും റാനം പറയുന്നു: “യാതൊ​രു സമ്പൂർണ്ണ​രാ​ജാ​ധി​പ​തി​യും, അതിന്റെ സാംസ്‌കാ​രിക സാമ്പത്തിക കേന്ദ്രീ​ക​ര​ണ​ത്തി​ന്റെ വ്യാപ്‌തി​യിൽ ആധുനിക സമഗ്രാ​ധി​പത്യ സംസ്ഥാ​ന​ങ്ങളെ സമീപി​ച്ചി​ട്ടില്ല.”

സമഗ്രാ​ധി​കാ​ര​ത്തി​നാ​യി ലക്ഷ്യമി​ടൽ

ആയിര​ത്തി​തൊ​ള്ളാ​യി​രത്തി ഇരുപ​തു​ക​ളി​ലും 1930കളിലും ഇററലി​യി​ലും സോവ്യ​ററ്‌ യൂണി​യ​നി​ലും ജർമ്മനി​യി​ലും ഒരു പുതിയ തരത്തി​ലുള്ള അധികൃ​താ​ധി​പത്യ ഗവൺമെൻറ്‌ ലോക​രം​ഗത്ത്‌ പ്രത്യ​ക്ഷ​പ്പെട്ടു, അതിനെ ഉചിത​മാ​യി വിവരി​ക്കു​ന്ന​തിന്‌ ഒരു പുതിയ പദം ആവശ്യ​മാ​ക്കി​ത്തീർത്ത ഒന്നുതന്നെ. ഈ സ്ഥലങ്ങളിൽ മാദ്ധ്യ​മങ്ങൾ സംസ്ഥാ​ന​ത്തി​ന്റെ നിയ​ന്ത്ര​ണ​ത്തിൽ വരുത്ത​പ്പെട്ടു. പൊലീസ്‌ ഭരിക്കുന്ന രാഷ്‌ട്രീയ പാർട്ടി​യു​ടെ സേവക​രാ​യി​ത്തീ​രു​ക​യും മേലിൽ ജനങ്ങളു​ടെ സേവക​ര​ല്ലാ​താ​യി​ത്തീ​രു​ക​യും ചെയ്‌തു. എതിർപ്പു​കളെ നേരി​ടു​ന്ന​തിന്‌ പ്രചാ​ര​ണ​വും സെൻസർഷി​പ്പും സേനാ​ദ​ള​മാ​യി സംഘടി​പ്പി​ക്ക​ലും രഹസ്യ​പ്പൊ​ലീസ്‌ ജാഗ്ര​ത​യും ബലപ്ര​യോ​ഗം​പോ​ലും ഉപയോ​ഗി​ക്ക​പ്പെട്ടു. ഗവൺമെൻറി​ന്റെ ഔദ്യോ​ഗി​ക​മായ രാഷ്‌ട്രീയ സാമൂ​ഹിക ആദർശങ്ങൾ തങ്ങളുടെ സ്വന്തമാ​യി സ്വീക​രി​ക്കാൻ പ്രജകൾ ഭീഷണി​പ്പെ​ടു​ത്ത​പ്പെട്ടു. നിരസി​ച്ചവർ രാജ്യ​ദ്രോ​ഹി​കൾ എന്ന നിലയിൽ കൈകാ​ര്യം ചെയ്യ​പ്പെട്ടു. “സമഗ്രാ​ധി​പ​ത്യം” എന്ന പദം ഉചിത​മെന്ന്‌ കാണ​പ്പെട്ടു—സകല പ്രജക​ളെ​യും നിയ​ന്ത്ര​ണ​ത്തിൽ പൂർണ്ണ​മാ​യി കൊണ്ടു​വ​ന്നു​കൊണ്ട്‌ അതിന്റെ സ്വന്തം ലക്ഷ്യങ്ങൾ ആർജ്ജി​ക്കാൻവേണ്ടി പ്രവർത്തി​ക്കുന്ന ഒരു സംസ്ഥാനം.

ജർമ്മൻ മാസി​ക​യായ ഇൻഫേ​അർമേഷൻ സൂർ പൊളി​റ​റീ​ഷൻ ബിൽഡംഗ്‌ (രാഷ്‌ട്രീയ വിദ്യാ​ഭ്യാ​സ​ത്തി​നാ​യുള്ള വിവരങ്ങൾ) വിശദാം​ശങ്ങൾ നൽകുന്നു: “അധികൃ​താ​ധി​പ​ത്യ​വു​മാ​യി താരത​മ്യം ചെയ്യു​മ്പോൾ അതിനു വിരു​ദ്ധ​മാ​യി, സമഗ്രാ​ധി​പ​ത്യം ലക്ഷ്യമി​ടുന്ന സംസ്ഥാ​നങ്ങൾ അധികാ​ര​ത്തി​ന്റെ ഔദ്യോ​ഗിക സ്ഥാനങ്ങൾ കൈവ​ശ​പ്പെ​ടു​ത്തു​ന്ന​തിൽ മാത്രം സംതൃ​പ്‌ത​രാ​യി​രി​ക്കു​ന്നില്ല. അവ പ്രജകൾക്ക്‌ ആപേക്ഷിക സ്വാത​ന്ത്ര്യം പരിമി​ത​മായ അളവിൽപ്പോ​ലും അനുഭ​വി​ക്കു​ന്ന​തിന്‌ ഇഷ്ടമി​ല്ലാ​ത്ത​വ​യാണ്‌, എന്നാൽ അവരിൽനിന്ന്‌ കൂറും സിദ്ധാ​ന്ത​പ​ര​മായ സജീവ​പി​ന്തു​ണ​യും എല്ലായ്‌പോ​ഴും അവകാ​ശ​പ്പെ​ടു​ക​യും ചെയ്യുന്നു. ഈ അപരി​മി​ത​മായ അവകാ​ശ​പ്പെടൽ സാധാ​ര​ണ​യാ​യി സംസ്ഥാന ഇടപെടൽ ഒഴിവാ​ക്ക​പ്പെ​ടുന്ന മണ്ഡലങ്ങ​ളായ കുടും​ബം, മതം, ഒഴിവു​സ​മയം മുതലാ​യ​വ​യിൽപോ​ലും ഇടപെ​ടു​ന്നത്‌ ഒരു സമഗ്രാ​ധി​പത്യ സംസ്ഥാ​ന​ത്തിന്‌ ആവശ്യ​മാ​ക്കി​ത്തീർക്കു​ന്നു. ഈ അവകാ​ശ​പ്പെടൽ നേടു​ന്ന​തിന്‌ ഓരോ വ്യക്തി​യേ​യും സദാസ​മ​യ​വും മേൽനോ​ട്ടം വഹിക്കു​ന്ന​തിന്‌ പ്രാപ്‌ത​മാ​ക്കുന്ന ഒരു സംഘട​നാ​പ​ര​മായ വല സമഗ്രാ​ധി​പത്യ സംസ്ഥാനം വിരി​ക്കേ​ണ്ട​തുണ്ട്‌.”

തീർച്ച​യാ​യും, സംസ്ഥാ​ന​ത്തി​ന്റെ​യും അതിന്റെ താല്‌പ​ര്യ​ങ്ങ​ളു​ടെ​യും വീക്ഷണ​ത്തിൽ നോക്കു​മ്പോൾ സമഗ്രാ​ധി​പത്യ ഗവൺമെൻറു​കൾ ഉയർന്ന തോതിൽ കാര്യ​ക്ഷ​മ​മാണ്‌. എന്നാൽ അതു തുടർന്നു​കൊ​ണ്ടു​പോ​കു​ന്നത്‌ അസാദ്ധ്യ​മാണ്‌ എന്ന്‌ പത്ര​പ്ര​വർത്ത​ക​നായ ചാൾസ്‌ ക്രൗത്താ​മർ പറയുന്നു. നിയ​ന്ത്രി​ക്കു​ന്ന​തി​നു​തന്നെ വളരെ​യ​ധി​കം ഉണ്ട്‌. “കാലത്തി​ന്റെ ഹ്രസ്വ​മായ പൊട്ടി​ത്തെ​റി​ക്ക​ലിൽ നിങ്ങൾക്ക്‌ ജനങ്ങളെ ജയിലി​ല​ട​ക്കാ​നോ വെടി​വെ​ച്ചു​കൊ​ല്ലാൻപോ​ലു​മോ കഴിയും, എന്നാൽ കുറച്ചു കഴിയു​മ്പോൾ നിങ്ങളു​ടെ വെടി​യു​ണ്ട​ക​ളും ജയിലു​ക​ളും ഊർജ്ജ​വും എന്തിന്‌ ഇരകളും തീർന്നു​പോ​കു​ന്നു. . . . സ്ഥിരമായ വിപ്ലവ​ങ്ങൾക്കു മാത്രമെ സമഗ്രാ​ധി​പ​ത്യ​ത്തി​ന്റെ ആദർശങ്ങൾ എത്തിപ്പി​ടി​ക്കാൻ കഴിയു​ക​യു​ള്ളു, സ്ഥിരമായ വിപ്ലവം അസാദ്ധ്യ​വു​മാണ്‌. നിഷ്‌ഠു​ര​ത​ക്കു​പോ​ലും അതിന്റെ ഉറക്കം ആവശ്യ​മാണ്‌.” എന്ന്‌ അദ്ദേഹം പറയുന്നു.

‘സാമാന്യ ജനസമു​ദായ’ത്താൽ സംഭവി​ച്ച​തോ?

അധികൃ​താ​ധി​പ​ത്യം, പ്രത്യേ​കി​ച്ചും അതിന്റെ ഏററവും അങ്ങേയ​റ​റ​വും വിജയ​പ്ര​ദ​വു​മായ രൂപമായ സമഗ്രാ​ധി​പ​ത്യം, 20-ാം നൂററാ​ണ്ടി​ന്റെ അത്ര വലിയ സവി​ശേ​ഷ​ത​യാ​യി​രി​ക്കു​ന്നത്‌ എന്തു​കൊ​ണ്ടാണ്‌ എന്ന്‌ വിശദീ​ക​രി​ക്കു​ന്ന​തിന്‌ ധാരാളം സിദ്ധാ​ന്തങ്ങൾ പുരോ​ഗ​മി​പ്പി​ക്ക​പ്പെ​ട്ടി​ട്ടുണ്ട്‌. ദി വേൾഡ്‌ ബുക്ക്‌ എൻ​സൈ​ക്ലോ​പീ​ഡിയ അനുസ​രിച്ച്‌ “1900ങ്ങളുടെ ആദ്യത്തെ മൂന്നിൽ രണ്ടുഭാ​ഗം ഒരു വലിയ മാററ​ത്തി​ന്റെ കാലഘ​ട്ട​മാ​യി​രു​ന്നു—ഒരു പക്ഷേ മുഴു ചരി​ത്ര​ത്തി​ലെ​യും ഏററവും ത്വരി​ത​ഗ​തി​യി​ലു​ള്ള​തും വിപു​ല​വ്യാ​പ​ക​വു​മായ മാററ​ത്തി​ന്റെ​തന്നെ.” നിസ്സം​ശ​യ​മാ​യും അധികൃ​താ​ധി​പ​ത്യ​ത്തി​ലേ​ക്കുള്ള പ്രവണ​ത​യു​ടെ സംഗതി​യിൽ അതിന്‌ വളരെ​യ​ധി​കം പങ്കുണ്ടാ​യി​രു​ന്നു.

ജനസം​ഖ്യാ​സ്‌പോ​ട​ന​വും നഗരവ​ത്‌ക്ക​ര​ണ​വും സാങ്കേ​തിക പുരോ​ഗ​തി​ക​ളും ആണ്‌ സാമാ​ന്യ​ജ​ന​സ​മു​ദാ​യം എന്നു വിളി​ക്ക​പ്പെ​ടു​ന്ന​തി​നെ ഉളവാ​ക്കാൻ സഹായിച്ച ആധുനിക പ്രതി​ഭാ​സങ്ങൾ. ഈ പദം വിപു​ല​മായ, കേന്ദ്രീ​കൃ​ത​മായ, ഉദ്യോ​ഗ​സ്ഥ​മേ​ധാ​വി​ത്വം ഉള്ള, വ്യക്തി​പ​ര​മായ വികാ​ര​ങ്ങ​ളാൽ സ്വാധീ​നി​ക്ക​പ്പെ​ടാത്ത സ്ഥാപനങ്ങൾ സവി​ശേ​ഷ​ത​യാ​യി​രി​ക്കുന്ന ഒരു വ്യാവ​സാ​യിക സമൂഹത്തെ കുറി​ക്കു​ന്നു. മാനു​ഷിക ബന്ധങ്ങൾ പൊള്ള​യോ ക്ഷണിക​മോ ആയിരി​ക്കാൻ ചായ്‌വ്‌ കാണി​ക്കുന്ന ഒരു സമുദാ​യ​മാ​ണത്‌. ജനക്കൂ​ട്ട​ത്തി​ന്റെ ഇടയിൽ ആയിരി​ക്കു​മ്പോൾതന്നെ ഏകാന്ത​രാ​യി​രി​ക്കു​ന്നവർ, നിരന്തരം തങ്ങളുടെ വേരു​ക​ളും സമൂഹ​ത്തി​ന്റെ മനോ​ഭാ​വ​വും അന്വേ​ഷി​ച്ചു​കൊ​ണ്ടി​രി​ക്കുന്ന ഒരു സമുദാ​യ​മാ​ണത്‌.

സമഗ്രാ​ധി​പ​ത്യ വികസ​നത്തെ സാമാ​ന്യ​ജന സമുദാ​യം ഏതളവു​വരെ പോഷി​ച്ചു എന്നത്‌ തർക്കവി​ഷ​യ​മാണ്‌. ജർമ്മനി​യിൽ ജനിച്ച രാഷ്‌ട്രീയ ശാസ്‌ത്ര​ജ്ഞ​യായ പരേത​യായ ഹന്നാ അറേൻഡ്‌ പറഞ്ഞത​നു​സ​രിച്ച്‌ അതിന്റെ സ്വാധീ​നം ഗണ്യമാ​യി​രു​ന്നു. അവരുടെ പുസ്‌ത​ക​മായ ദി ഒറിജിൻസ്‌ ഓഫ്‌ റേറാ​ട്ട​ലി​റേ​റ​റി​യ​നി​സം കുറി​ക്കൊ​ള്ളു​ന്ന​ത​നു​സ​രിച്ച്‌ സമഗ്രാ​ധി​പ​ത്യം പണിയ​പ്പെ​ട്ടി​രി​ക്കു​ന്നത്‌ വർഗ്ഗങ്ങ​ളിൻമേലല്ല, മറിച്ച്‌ “വെറും എണ്ണത്താ​ലോ ഉദാസീ​ന​ത​യാ​ലോ അല്ലെങ്കിൽ അവ രണ്ടിനാ​ലു​മോ ഒരു പൊതു താല്‌പ​ര്യ​ത്തിൽ അധിഷ്‌ഠി​ത​മായ ഏതെങ്കി​ലും ഒരു സ്ഥാപന​മാ​യോ രാഷ്‌ട്രീ​യ​പാർട്ടി​ക​ളാ​യോ മുനി​സി​പ്പൽ ഗവൺമെൻറു​ക​ളാ​യോ തൊഴിൽ സ്ഥാപന​ങ്ങ​ളാ​യോ തൊഴി​ലാ​ളി സംഘട​ന​ക​ളാ​യോ ഏകീക​രി​ക്കാൻ കഴിയാത്ത” സാമാന്യ ജന സമുദാ​യ​ത്തി​ലാണ്‌.

സമഗ്രാ​ധി​പ​ത്യ​ത്തി​ന്റെ ഉദയത്തിന്‌ സംഭാവന ചെയ്‌ത മററു ഘടകങ്ങൾ സംബന്ധി​ച്ചും അറേൻഡ്‌ സൂചി​പ്പി​ക്കു​ന്നു: സാമ്രാ​ജ്യ​ത്വ​വാ​ദം, യഹൂദ​വി​രോ​ധം, പരമ്പരാ​ഗത ദേശീയ-സംസ്ഥാ​ന​ത്തി​ന്റെ ശിഥി​ലീ​ക​രണം.

സാമ്രാ​ജ്യ​ത്വ​വാ​ദ​മോ?

നൂററാ​ണ്ടി​ന്റെ ആരംഭ​ത്തി​നു തൊട്ടു​മുമ്പ്‌ കോള​നി​വ​ത്‌ക്ക​ര​ണ​ത്തിന്‌ മേലോ​ട്ടുള്ള ഒരു ഇരച്ചു​ക​യ​ററം ഉണ്ടായി. നവീന സാമ്രാ​ജ്യ​ത്വ​വാ​ദം എന്ന്‌ ഇപ്പോൾ വിളി​ക്ക​പ്പെ​ടുന്ന ഒരു കാലഘ​ട്ട​മാ​യി 1884 മുതൽ 1914 വരെയുള്ള വർഷങ്ങളെ, ബ്രിട്ടീഷ്‌ സാമ്പത്തിക ശാസ്‌ത്ര​ജ്ഞ​നായ ജോൺ ആററ്‌കിൻസൻ ഹോബ്‌സൻ നിർണ്ണ​യി​ക്കു​ന്നു. ഇത്‌ തങ്ങളുടെ സാമ്രാ​ജ്യം വികസി​പ്പി​ക്കു​ന്ന​തി​നുള്ള ഉദ്ദേശ്യ​ത്തിൽ രാജാ​ക്കൻമാ​രാ​ലോ ജനാധി​പത്യ ഗവൺമെൻറു​ക​ളാ​ലോ ഉള്ള അധികാ​ര​ത്തി​ന്റെ അധികൃ​താ​ധി​പത്യ ഉപയോ​ഗ​മ​ല്ലാ​തെ മറെറാ​ന്നു​മാ​യി​രു​ന്നില്ല. മററു സ്ഥലങ്ങളിൻമേ​ലുള്ള സ്വാധീ​ന​ശക്തി നേടി​യെ​ടു​ത്തത്‌ നേരിട്ടു പിടി​ച്ച​ട​ക്കി​ക്കൊ​ണ്ടോ അവയുടെ രാഷ്‌ട്രീ​യ​വും സാമ്പത്തി​ക​വു​മായ കാര്യ​ങ്ങ​ളിൽ പരോ​ക്ഷ​മാ​യി ആധിപ​ത്യം പുലർത്തി​ക്കൊ​ണ്ടോ ആയിരു​ന്നു. സാമ്രാ​ജ്യ​ത്വ​വാ​ദം പ്രമു​ഖ​മാ​യും ഒരു സാമ്പത്തിക കാര്യം മാത്ര​മാ​ണെന്ന്‌ ഹോബ്‌സൻ വ്യാഖ്യാ​നി​ക്കു​ന്നു. സത്യത്തിൽ, കോള​നി​വ​ത്‌ക്ക​ര​ണ​ത്തി​ന്റെ ഈ പുതിയ ഇനത്തിന്‌, സാമ്പത്തിക വികസ​ന​ത്തി​ലും ഒരു രാഷ്‌ട്ര​ത്തി​ന്റെ ചരക്കു​കൾക്ക്‌ പുതിയ കമ്പോ​ളങ്ങൾ സൃഷ്ടി​ക്കു​ന്ന​തി​ലും ചെയ്യാൻ കഴിഞ്ഞി​ട്ടു​ള്ള​തു​മാ​യി ബന്ധപ്പെ​ടു​ത്തു​മ്പോൾ രാഷ്‌ട്രീയ അധികാ​ര​ത്തി​ന്റെ കാര്യ​ത്തിൽ സാധാ​ര​ണ​യാ​യി വളരെ കുറച്ചു​മാ​ത്രമെ ചെയ്യാൻ കഴിഞ്ഞി​ട്ടു​ള്ളു.

ആഫ്രി​ക്ക​യെ റാഞ്ചൽ എന്ന്‌ അറിയ​പ്പെ​ടാ​നി​ട​യായ സംഭവ​ത്തിൽ പ്രകട​മാ​യ​ട​ത്തോ​ളം മറെറാ​രി​ട​ത്തും ഇതു പ്രകട​മാ​യി​ട്ടല്ല. 1880കളുടെ ആരംഭ​ത്തിൽതന്നെ ബ്രിട്ട​നും ഫ്രാൻസി​നും പോർട്ടു​ഗ​ലി​നും അസംഖ്യം ആഫ്രിക്കൻ കോള​നി​കൾ ഉണ്ടായി​രു​ന്നു. എന്നാൽ ബൽജി​യ​വും ജർമ്മനി​യും അസൂയ​യോ​ടെ ഒളി​നോ​ട്ടം നടത്തി​യ​പ്പോൾ തള്ളിക്ക​യ​ററം തുടങ്ങി. എത്യോ​പ്യ​യും ലൈബീ​രി​യ​യും ഒഴികെ മുഴു ആഫ്രി​ക്ക​യും പെട്ടെന്ന്‌ യൂറോ​പ്യൻ ഭരണത്തി​ലാ​യി​ത്തീർന്നു. വെള്ളക്കാ​രായ “ക്രിസ്‌തീയ” കുടി​യേ​റ​റ​ക്കാ​രെ തങ്ങളുടെ ദേശം കവർച്ച​ചെ​യ്‌ത​വ​രാ​യി കാണാൻ കറുത്ത ആഫ്രി​ക്ക​ക്കാർ നിർബ​ന്ധി​ത​രാ​യി.

അമേരി​ക്കൻ ഐക്യ​നാ​ടു​ക​ളും ഒരു സാമ്രാ​ജ​ത്വ​ശ​ക്തി​യാ​യി​ത്തീർന്നു. 19-ാം നൂററാ​ണ്ടി​ന്റെ അവസാ​ന​ഭാ​ഗത്ത്‌ അത്‌, അലാസ്‌കാ, ഹാവായ്‌, ഫിലി​പ്പീൻ ദ്വീപു​കൾ, ഗ്വാം, സമോവ, മററ്‌ പസഫിക്ക്‌ ദ്വീപു​കൾ മുതലാ​യ​വ​യും അതു​പോ​ലെ പ്യൂ​ട്ടോ​റി​ക്ക​യും മററു കരീബി​യൻ ദ്വീപു​ക​ളും പിടി​ച്ചെ​ടു​ത്തു. ക്ഷണിക താൽപ്പ​ര്യ​ത്തെ​ക്കാൾ അതീത​മാണ്‌ അത്‌ എന്നാണ്‌ കൊളം​ബി​യാ യൂണി​വേ​ഴ്‌സി​റ​റി​യി​ലെ ഒരു ചരിത്ര പ്രൊ​ഫസർ ആയ ഹെൻറി എഫ്‌. ഗ്രാഫ്‌ പുറ​പ്പെ​ടു​വിച്ച ഒരു അഭി​പ്രാ​യം. അദ്ദേഹം എഴുതു​ന്നു: “ആധുനിക സാമ്രാ​ജ്യ​വാ​ദം ഉളവാ​ക്കു​ന്ന​തിൽ, അധുനാ​തന രാഷ്‌ട്രീ​യ​കാ​ര്യ വിദഗ്‌ദ്ധ​രു​ടേ​തി​നൊ​പ്പം സ്വാധീ​നം ചെലു​ത്തു​ന്ന​താ​യി​രു​ന്നു ക്രിസ്‌തീയ മിഷന​റി​മാ​രു​ടെ പ്രവർത്ത​നങ്ങൾ.” എന്നാൽ ക്രൈ​സ്‌ത​വ​ലോ​ക​ത്തി​ലെ ഈ മിഷന​റി​മാർ യഥാർത്ഥ ക്രിസ്‌ത്യാ​നി​കൾ ആയിരു​ന്നു​വെ​ങ്കിൽ യേശു​വി​ന്റെ വാക്കു​കൾക്ക്‌ അനുസൃ​ത​മാ​യി ആഫ്രി​ക്ക​യെ​യും അതു​പോ​ലെ മററു​കോ​ളനി സാമ്രാ​ജ്യ​ങ്ങ​ളെ​യും റാഞ്ചു​ന്ന​തിൽ അവർ രാഷ്‌ട്രീ​യ​മാ​യി നിഷ്‌പ​ക്ഷ​രാ​യി നില​കൊ​ള്ളു​മാ​യി​രു​ന്നു: “ഞാൻ ഈ ലോക​ത്തി​ന്റെ ഭാഗമ​ല്ലാ​തി​രി​ക്കു​ന്ന​തു​പോ​ലെ​തന്നെ അവർ ഈ ലോക​ത്തി​ന്റെ ഭാഗമല്ല.”—യോഹ​ന്നാൻ 17:16; യാക്കോബ്‌ 4:4.

സാമ്രാ​ജ്യ​ത്വ​വാ​ദ​ത്തി​ന്റെ യുഗം 1914ൽ സാങ്കൽപ്പി​ക​മാ​യി അവസാ​നി​ച്ചു. എന്നിരു​ന്നാ​ലും അതിന്റെ അധികൃ​താ​ധി​പത്യ ആത്മാവി​ന്റെ കാര്യ​ത്തിൽ അത്‌ സത്യമല്ല. ഇപ്പോൾ ദക്ഷിണാ​ഫ്രി​ക്ക​യു​ടെ ഭാഗമാ​യി​രി​ക്കു​ന്ന​തി​ന്റെ 1890കളിലെ പ്രധാ​ന​മ​ന്ത്രി​യാ​യി​രുന്ന സിസിൽ റോ​ഡെസ്‌ ഇങ്ങനെ പറഞ്ഞ​പ്പോൾ ഈ ആത്മാവ്‌ നന്നായി സംഗ്ര​ഹി​ക്ക​പ്പെട്ടു: “വികസ​ന​മാണ്‌ സകലതും.” ബ്രിട്ടീഷ്‌ സാമ്രാ​ജ്യ​വി​ക​സ​ന​ത്തിൽ ഒരു ചലനശക്തി എന്ന നിലയിൽ അദ്ദേഹം ഒരിക്കൽ ആത്മപ്ര​ശംസ നടത്തി: “എനിക്ക്‌ കഴിയു​മാ​യി​രു​ന്നെ​ങ്കിൽ ഞാൻ ഗ്രഹങ്ങ​ളെ​ക്കൂ​ടി പിടി​ച്ച​ട​ക്കു​മാ​യി​രു​ന്നു.” സ്വാർത്ഥ​താൽപ്പ​ര്യ​ത്തി​ന്റെ ഈ ആത്മാവ്‌ തങ്ങളുടെ പ്രയോ​ജ​ന​ത്തി​നാ​യി മററു രാജ്യ​ങ്ങ​ളു​ടെ രാഷ്‌ട്രീ​യ​വും സാമ്പത്തി​ക​വു​മായ നയങ്ങളെ സാദ്ധ്യ​മാ​കു​ന്ന​ട​ത്തോ​ളം നിയ​ന്ത്രി​ക്കാൻ ഇപ്പോ​ഴും രാഷ്‌ട്ര​ങ്ങളെ പ്രേരി​പ്പി​ക്കു​ന്നു. ദൃഷ്ടാ​ന്ത​മാ​യി, സൈനി​ക​മായ പിടി​ച്ച​ട​ക്ക​ലിൽ പരാജ​യ​പ്പെ​ട്ട​തി​നാൽ സാമ്പത്തി​ക​മാ​യി “പിടി​ച്ച​ട​ക്കാൻ” ജപ്പാൻ ഇപ്പോൾ പരി​ശ്ര​മി​ക്കു​ന്ന​താ​യി ചില​പ്പോൾ കുററ​പ്പെ​ടു​ത്ത​പ്പെ​ടു​ന്നു.

അധികൃ​താ​ധി​പ​ത്യ​ഭ​ര​ണത്തെ മറിച്ചി​ടു​ന്ന​താ​ണോ പരിഹാ​രം?

തത്വര​ഹി​ത​രോ അത്യാ​ഗ്ര​ഹി​ക​ളോ ആയ മനുഷ്യ​രാൽ അനിയ​ന്ത്രി​ത​മായ അധികാ​രം പ്രയോ​ഗി​ക്ക​പ്പെ​ടു​ന്നത്‌ ഒരു ശാപമാണ്‌, ഒരു അനു​ഗ്ര​ഹമല്ല. പുരാതന രാജാ​വായ ശലോ​മോ​ന്റെ വാക്കുകൾ അനു​യോ​ജ്യ​മാണ്‌: “നോക്കൂ! പീഡി​പ്പി​ക്ക​പ്പെ​ടു​ന്ന​വ​രു​ടെ കണ്ണീർ, എന്നാൽ അവർക്ക്‌ ആശ്വാ​സകൻ ഉണ്ടായി​ട്ടില്ല; അവരുടെ പീഡക​രു​ടെ പക്ഷത്ത്‌ അധികാ​രം ഉണ്ടായി​രു​ന്നു, അതു​കൊണ്ട്‌ അവർക്ക്‌ ആശ്വാ​സകൻ ഉണ്ടായി​രു​ന്നി​ട്ടില്ല.”—സഭാ​പ്ര​സം​ഗി 4:1, NW

അധികൃ​താ​ധി​പത്യ ഭരണത്തിൻ കീഴിൽ “പീഡി​പ്പി​ക്ക​പ്പെ​ടു​ന്ന​വ​രു​ടെ കണ്ണീർ” തീർച്ച​യാ​യും വളരെ​യ​ധി​ക​മാ​യി​രു​ന്നി​ട്ടുണ്ട്‌. എന്നിരു​ന്നാ​ലും, 1987ലെ തന്റെ പുസ്‌ത​ക​മായ പെരി​സ്‌​ട്രോ​യ്‌ക്ക​യിൽ മിഖാ​യേൽ ഗോർബ​ച്ചേവ്‌ മുന്നറി​യി​പ്പു നൽകി: “അടിച്ച​മർത്തു​ന്ന​തും നിർബ​ന്ധി​ക്കു​ന്ന​തും കോഴ​കൊ​ടു​ക്കു​ന്ന​തും പൊട്ടി​ക്കു​ന്ന​തും തകർക്കു​ന്ന​തും സാദ്ധ്യ​മാണ്‌, എന്നാൽ ഒരു പ്രത്യേക കാലഘ​ട്ട​ത്തേക്കു മാത്രം.” തദനു​സ​ര​ണ​മാ​യി, “തങ്ങളുടെ പീഡക​രു​ടെ പക്ഷത്ത്‌” അധികാ​രം ഉണ്ടെന്നി​രു​ന്നാൽത​ന്നെ​യും അധികൃ​താ​ധി​പത്യ ഗവൺമെൻറി​ന്റെ വിലങ്ങു​കൾ എറിഞ്ഞു​ക​ള​യാൻ തക്കവണ്ണം പ്രജകൾ ആവർത്തിച്ച്‌ ശബ്ദമു​യർത്തി​യി​ട്ടുണ്ട്‌. റുമേ​നി​യാ​യിൽ നിക്കോ​ളായ്‌ ചൗഷസ്‌ക്യൂ​വി​ന്റെ​യും അദ്ദേഹ​ത്തി​ന്റെ സംരക്ഷ​ണ​സേ​ന​യായ സെക്യൂ​രി​റേ​റ​റ​റി​ന്റെ​യും രക്തരൂ​ക്ഷിത മറിച്ചി​ടൽ അങ്ങനെ​യുള്ള ഒരു സംഗതി​യാണ്‌.

അധികൃ​താ​ധി​പത്യ ഗവൺമെൻറി​ന്റെ മറിച്ചി​ട​ലിന്‌ തീർച്ച​യാ​യും ആശ്വാസം ആനയി​ക്കാ​വു​ന്ന​താണ്‌. എന്നാൽ ഒരു ബർമ്മീസ്‌ പഴമൊ​ഴി നിരീ​ക്ഷി​ക്കു​ന്ന​തു​പോ​ലെ “ഒരു പുതിയ ഭരണാ​ധി​കാ​രി​യോ​ടൊത്ത്‌ ആയിരി​ക്കു​മ്പോൾ മാത്രമെ പഴയതി​ന്റെ മൂല്യം നിങ്ങൾ തിരി​ച്ച​റി​യു​ന്നു​ള്ളോ” എന്നതും സത്യമാണ്‌. മോശ​മായ ഒന്നിന്റെ സ്ഥാനത്ത്‌ അതിലും മോശ​മായ ചിലതു വരിക​യി​ല്ലെന്ന്‌ ആർക്ക്‌ ഉറപ്പു​നൽകാൻ കഴിയും?

ഒരു ദൃഷ്ടാന്തം മാത്രം സൂചി​പ്പി​ക്കു​ക​യാ​ണെ​ങ്കിൽ 1970കളിൽ, 43 വർഷം നീണ്ട ലാററിൻ അമേരി​ക്കൻ രാജവം​ശം നിക്കാ​രാ​ഗ്വേ​യിൽ മറിച്ചി​ട​പ്പെട്ടു. ബഹുജ​ന​ത്തിന്‌ കാര്യങ്ങൾ പുരോ​ഗ​മി​ക്കു​മെന്ന്‌ പൂർണ്ണ​പ്ര​തീക്ഷ ഉണ്ടായി​രു​ന്നു, എന്നാൽ അങ്ങനെ സംഭവി​ച്ചോ? വർഷങ്ങൾക്കു​ശേഷം സാഹച​ര്യ​ത്തെ​ക്കു​റിച്ച്‌ അഭി​പ്രാ​യം പറഞ്ഞു​കൊണ്ട്‌ ഒരു വാർത്താ​മാ​സിക, ജീവിതം ഏകാധി​പ​ത്യ​ത്തിൻകീ​ഴിൽ, “മറിച്ച്‌, കൂടുതൽ വഷളായി”ത്തീർന്നു എന്നു പറയു​ക​യു​ണ്ടാ​യി. കുതി​ച്ചു​യ​രുന്ന പണപ്പെ​രു​പ്പ​ത്തെ​ക്കു​റി​ച്ചു പറയു​ക​യിൽ മാസിക, ദേശീയ നാണയത്തെ “പരമാർത്ഥ​ത്തിൽ നിഷ്‌പ്ര​യോ​ജ​ന​മാ​യത്‌” എന്നു വിളിച്ചു, “പൊതു​ഗ​താ​ഗതം നിലവിൽ ഇല്ലെന്നു​തന്നെ പറയാം” എന്ന്‌ പ്രസ്‌താ​വി​ച്ചു, രാജ്യ​ത്തി​ന്റെ “അപര്യാ​പ്‌ത​മായ ആരോഗ്യ സൗകര്യ​ങ്ങളെ”ക്കുറിച്ചു വിലപി​ച്ചു. അതു​പോ​ലെ “വികല​പോ​ഷണം വളർന്നു​കൊ​ണ്ടി​രി​രി​ക്കുന്ന ഒരു കൊല​യാ​ളി​യാണ്‌” എന്ന്‌ സൂചി​പ്പി​ക്കു​ക​യും ചെയ്‌തു. കാല​ക്ര​മേണ ആ ഭരണ​ക്രമം അധികാ​ര​ത്തിൽനിന്ന്‌ നീക്ക​പ്പെട്ടു.

സകലരൂ​പ​ത്തി​ലു​മുള്ള മാനുഷ ഭരണം അപര്യാ​പ്‌ത​മെന്ന്‌ കണ്ടെത്ത​പ്പെ​ട്ടി​രി​ക്ക​യാ​ണെ​ന്നു​ള്ളത്‌ വളരെ സ്‌പഷ്ട​മല്ലേ? എന്നിരു​ന്നാ​ലും ജനങ്ങൾ അത്യുത്തമ ഗവൺമെൻറി​നാ​യുള്ള അന്വേ​ഷണം തുടരു​ന്നു. മുഴു ജനതക​ളെ​യും “ഒരു ആശ്വാ​സ​ക​നും” ഇല്ലാത്ത​വി​ധം നിരാ​ശ​യു​ടെ ആഴങ്ങളിൽ നിപതി​ക്കാൻ ഇടയാ​ക്കി​ക്കൊണ്ട്‌, അതിന്‌ നയിക്കാൻ കഴിയുന്ന നിരാ​ശ​യു​ടെ രണ്ടു പ്രമുഖ ദൃഷ്ടാ​ന്തങ്ങൾ ഞങ്ങളുടെ അടുത്ത ലക്കത്തിൽ ചർച്ച ചെയ്യു​ന്ന​താ​യി​രി​ക്കും. (g90 10/8)

[14-ാം പേജിലെ ചിത്രം]

മിക്കവാറും പൂർണ്ണ​മായ ഏകാധി​പ​ത്യ​ത്തി​ന്റെ ഒരു ദൃഷ്ടാന്തം സാറു​ക​ളു​ടെ ഭരണത്തിൻ കീഴിലെ റഷ്യ ആയിരു​ന്നു

[കടപ്പാട്‌]

Alexander II by Krüger, c. 1855