മാനുഷ ഭരണം​തു​ലാ​സിൽ തൂക്ക​പ്പെ​ട്ടി​രി​ക്കു​ന്നു

ഭാഗം 6 കറുത്ത ഷെർട്ടു​ക​ളും സ്വസ്‌തി​ക​ക​ളും

ഫാസിസം: സ്വേച്ഛാ​ധി​പ​ത്യ​ത്താ​ലുള്ള ഒരു ഗവൺമെൻറ്‌, സമ്പദ്‌ഘ​ട​ന​യിൻമേ​ലുള്ള സംസ്ഥാ​ന​നി​യ​ന്ത്ര​ണ​ത്താ​ലും സാമൂഹ്യ സൈനി​ക​വൽക്ക​ര​ണ​ത്താ​ലും അടയാ​ള​പ്പെ​ടു​ത്ത​പ്പെ​ടുന്ന ഒരു സമരോ​ത്സുക ദേശീ​യ​ത്വ​ത്തി​ന്റെ തത്വശാ​സ്‌ത്രം; നാസിസം: ഹിററ്‌ല​റു​ടെ കീഴിലെ നാഷനൽ സോഷ്യ​ലി​സ്‌ററ്‌ ജർമ്മൻ വർക്കേ​ഴ്‌സ്‌ പാർട്ടി നടപ്പി​ലാ​ക്കിയ രീതി​യി​ലുള്ള ഫാസിസം.

ഫാസിസം എന്ന പദം പൊതു​വെ കറുത്ത ഷെർട്ടു​ക​ളിട്ട ഇററാ​ലി​യൻ സൈനി​ക​വ്യൂ​ഹ​ങ്ങ​ളും സ്വസ്‌തി​കാ​ങ്കി​ത​മായ തവിട്ടു യൂണി​ഫോ​മു​കൾ ധരിച്ച ജർമ്മൻ മിന്നലാ​ക്രമണ സൈനി​ക​ദ​ള​ങ്ങ​ളും ചേർന്ന പ്രതി​ബിം​ബ​ങ്ങളെ മനസ്സി​ലേ​ക്കാ​ന​യി​ക്കു​ന്നു. പക്ഷേ, മററു രാജ്യ​ങ്ങൾക്കും ഫാസി​സ​ത്തെ​ക്കു​റി​ച്ചുള്ള തങ്ങളുടെ അനുഭ​വങ്ങൾ ഉണ്ടായി​രു​ന്നി​ട്ടുണ്ട്‌.

ആയിര​ത്തി​ത്തൊ​ള്ളാ​യി​രത്തി മുപ്പതു​ക​ളിൽ ഹംഗറി, റൊ​മേ​നിയ, ജപ്പാൻ എന്നിവി​ട​ങ്ങ​ളിൽ ഫാസി​സ​ത്തിന്‌ പ്രാമു​ഖ്യത കൈവന്നു. സ്‌പെ​യി​നി​ലെ ആഭ്യന്തര യുദ്ധത്തി​നി​ട​യിൽ ഫാസി​സ്‌ററ്‌ പിന്തുണ, സ്‌പെ​യി​നി​ന്റെ മേൽ ആധിപ​ത്യം​നേ​ടാൻ ഫ്രാൻസി​സ്‌കോ ഫ്രാ​ങ്കോ​യെ സഹായി​ച്ചു​വെ​ങ്കി​ലും അനേകം ചരി​ത്ര​കാ​രൻമാ​രും ഫ്രാ​ങ്കോ​യു​ടെ സ്വേച്ഛാ​ധി​പ​ത്യ​ത്തെ (1939-75) പ്രകൃ​ത​ത്തിൽ കറ തീർന്ന ഫാസി​സ്‌ററ്‌ രീതി​യി​ലു​ള്ള​താ​യി വീക്ഷി​ക്കു​ന്നില്ല. നേരേ​മ​റിച്ച്‌ യുവാൻ ഡിപെ​റോൺ സ്ഥാപിച്ച അർജൻറീ​ന​യി​ലെ സ്വേച്ഛാ​ധി​പ​ത്യം (1943-55) ആ വിധത്തി​ലു​ള്ളത്‌ ആയിരു​ന്നു.

സംസ്ഥാ​നത്തെ ആരാധി​ക്കൽ

“ഫാസിസം” എന്നത്‌ ഇററാ​ലി​യൻ പദമായ ഫാഷി​യോ എന്നതിൽനി​ന്നും വരുന്നു, അത്‌ അധികാ​ര​ത്തി​ന്റെ പൗരാ​ണിക റോമൻ ചിഹ്നത്തെ പരാമർശി​ക്കു​ന്നു. ഫാസ്‌ എന്ന്‌ ലത്തീനിൽ വിളി​ക്ക​പ്പെ​ടുന്ന ഇത്‌ ഒരു മഴുവി​ന്റെ മുന പുറ​ത്തേക്കു തുറി​ച്ചു​നിൽക്കുന്ന ഒരു കെട്ടു ദണ്ഡുക​ളാ​യി​രു​ന്നു, സംസ്ഥാ​ന​ത്തി​ന്റെ അന്തിമാ​ധി​കാ​ര​ത്തി​നു കീഴെ​യുള്ള ജനങ്ങളു​ടെ ഐക്യ​ത്തി​ന്റെ ഒരു അനു​യോ​ജ്യ​മായ പ്രതീ​കം​തന്നെ.

ഫാസി​സ​ത്തി​ന്റെ ചില വേരുകൾ നിക്കോ​ളോ മാക്യ​വെ​ല്ലി​യു​ടെ കാലം​വരെ പിന്നോ​ട്ടു ചെല്ലു​ന്നു​വെ​ങ്കി​ലും അയാളു​ടെ ജനനത്തിന്‌ 450 വർഷത്തി​നു​ശേഷം 1919-തിലാണ്‌ ബെനി​റേറാ മുസ്സോ​ളി​നി ആ പദം ആദ്യമാ​യി ഉപയോ​ഗി​ച്ചത്‌. അധികാ​രം നിഷ്‌ക​രു​ണ​മാ​യും എന്നാൽ കാര്യ​ത​ന്ത്ര​ജ്ഞ​ത​യോ​ടും കൂടെ പ്രയോ​ഗി​ക്കുന്ന അപരി​മി​ത​മായ അധികാ​രം കയ്യാളുന്ന ഒരു ഭരണാ​ധി​കാ​രി​യാൽ മാത്രമേ തന്റെ നാളിലെ രാഷ്‌ട്രീയ അഴിമ​തി​യെ മറിക​ട​ക്കാൻ കഴിയൂ എന്ന്‌ മാക്യ​വെല്ലി അവകാ​ശ​പ്പെട്ടു.

ഒരു ഫാസി​സ്‌ററ്‌ ഗവൺമെൻറ്‌ ഫലപ്ര​ദ​മാ​വ​ണ​മെ​ങ്കിൽ അതിന്‌ കേവലം ശക്തനും അവസര​ത്തി​നൊ​ത്തു​യ​രു​ന്ന​വ​നും ഊർജ്ജ​സ്വ​ല​നു​മായ ഒരു നേതാ​വാണ്‌ ആവശ്യ​മാ​യി​രി​ക്കു​ന്നത്‌. മുസ്സോ​ളി​നി​യും ഹിററ്‌ല​റും വെറും “നേതാവ്‌”—ഇൽ സുച്ചേ​യും ദെർഫ്യൂ​റ​റും—എന്നാണ്‌ അറിയ​പ്പെ​ട്ടി​രു​ന്നത്‌.

ഫാസിസം മതപര​വും ലൗകി​ക​വു​മായ ഏതു അധികാ​ര​ത്തി​നും ഉപരി​യാ​യി സംസ്ഥാ​നത്തെ ഉയർത്തു​ന്നു. 16-ാം നൂററാ​ണ്ടി​ലെ ഫ്രഞ്ച്‌ നിയമ​ജ്ഞ​നാ​യി​രുന്ന ജീൻ ബോഡിൻ, 17-ാം നൂററാ​ണ്ടി​ലെ ഇംഗ്ലീഷ്‌ തത്വചി​ന്ത​ക​നായ തോമസ്‌ ഹോബ്‌സ്‌ അതു​പോ​ലെ 18ഉം 19ഉം നൂററാ​ണ്ടു​ക​ളി​ലെ ജർമ്മൻ തത്വചി​ന്ത​ക​നായ ജോമാൻ ഗോറ​റ്‌ലീബ്‌ ഫീഴ്‌ച്ചേ, ജോർജ്‌ വിൽഹെം ഫ്രെഡ​റിക്ക്‌ ഹെഗൽ, ഹെൻറീച്ച്‌ വോൺ​ട്രെ​യ്‌റ​റ്‌സ്‌കീ, ഇവരെ​ല്ലാം സംസ്ഥാ​നത്തെ മഹത്വീ​ക​രി​ച്ചു. സംസ്ഥാനം മേൽക്കോ​യ്‌മ​യു​ടെ അഗ്രി​മ​സ്ഥാ​ന​ത്താ​ണെ​ന്നും വ്യക്തി​യു​ടെ ആത്യന്തിക ധർമ്മം അതിനു വിശ്വ​സ്‌ത​പി​ന്തുണ നൽകുക എന്നതാ​ണെ​ന്നും ഹെഗൽ പഠിപ്പി​ച്ചു.

അവയുടെ സ്വഭാ​വ​ത്താൽതന്നെ എല്ലാ ഗവൺമെൻറു​ക​ളും അധികാ​രം പ്രയോ​ഗി​ച്ചേ തീരൂ. എന്നാൽ ഫാസി​സ്‌ററ്‌ സംസ്ഥാ​നങ്ങൾ അന്ധമായ അനുസ​രണം ആവശ്യ​പ്പെ​ട്ടു​കൊണ്ട്‌ അധികാ​രം അങ്ങേയ​ററം പ്രയോ​ഗി​ക്കാൻ സംവി​ധാ​നം ചെയ്യ​പ്പെ​ട്ടി​രി​ക്കു​ന്നു. മനുഷ്യ​രെ സംസ്ഥാ​ന​ത്തി​ന്റെ അടിമ​ക​ളെ​ക്കാൾ അൽപ്പം മാത്രം ഉയർന്ന​വ​രാ​യി വീക്ഷി​ച്ചു​കൊണ്ട്‌ ട്രെയ്‌റ​റ്‌സ്‌കി പറഞ്ഞു: “നിങ്ങൾ അനുസ​രി​ക്കു​ന്നി​ട​ത്തോ​ളം​കാ​ലം നിങ്ങൾ എന്തു ചിന്തി​ക്കു​ന്നു​വെ​ന്നത്‌ പ്രശ്‌നമല്ല.” വിശേ​ഷാൽ, ഫാസിസം ഫ്രഞ്ചു​വി​പ്ല​വ​ത്തിൽ മുഴങ്ങി​ക്കേട്ട “സ്വാത​ന്ത്ര്യം, സമത്വം, സാഹോ​ദ​ര്യം” എന്ന പ്രഖ്യാ​പ​നത്തെ “വിശ്വ​സി​ക്കാൻ, അനുസ​രി​ക്കാൻ, പൊരു​താൻ” എന്ന ഇററാ​ലി​യൻ മുദ്രാ​വാ​ക്യ​ത്താൽ പുനഃ​സ്ഥാ​പി​ച്ചു.

ഫാസിസം യുദ്ധത്തെ മഹത്വീ​ക​രി​ക്കു​ന്നു

പൊരു​താ​നോ? അതേ! “യുദ്ധത്തി​നു​മാ​ത്രമെ സകല മനുഷ്യ​പ്രാ​പ്‌തി​ക​ളു​ടെ​യും​മേൽ അങ്ങേയ​റ​റത്തെ പിരി​മു​റു​ക്ക​മു​ള​വാ​ക്കാ​നും അതിനെ നേരി​ടാൻ ധൈര്യ​മുള്ള ജനതക​ളു​ടെ​മേൽ കുലീ​ന​ത​യു​ടെ മുദ്ര പതിപ്പി​ക്കാ​നും കഴിയൂ” എന്ന്‌ പിൻവ​രുന്ന പ്രകാരം കൂട്ടി​ച്ചേർത്തു​കൊണ്ട്‌ മുസ്സോ​ളി​നി പറഞ്ഞു: “മാതൃ​ത്വം സ്‌ത്രീക്ക്‌ എന്താണോ അതാണ്‌ പുരു​ഷന്‌ യുദ്ധം,” ശാശ്വത സമാധാ​നത്തെ “വിഷാ​ദാ​ത്മ​ക​വും സകല മൗലിക പൗരു​ഷ​മൂ​ല്യ​ങ്ങ​ളു​ടെ​യും നിഷേ​ധ​വും” എന്ന്‌ അയാൾ വിളിച്ചു. ഇങ്ങനെ പറയു​ക​യിൽ മുസ്സോ​ളി​നി കേവലം ട്രെയ്‌റ​റ്‌സ്‌കി​യു​ടെ വീക്ഷണം പ്രതി​ഫ​ലി​പ്പി​ക്കു​ക​യാ​യി​രു​ന്നു. യുദ്ധം ഒരു അനിവാ​ര്യ​ത​യാ​ണെ​ന്നും അതിനെ ലോക​മു​ഖ​ത്തു​നിന്ന്‌ ഉച്ചാടനം ചെയ്യു​ന്നത്‌ അങ്ങേയ​ററം അധാർമ്മി​ക​മാ​ണെ​ന്നും മാത്രമല്ല, അത്‌ “മനുഷ്യ​ദേ​ഹി​യു​ടെ അനു​പേ​ക്ഷ​ണീ​യ​വും ഉദാത്ത​വു​മായ നിരവധി പ്രാപ്‌തി​കളെ ക്ഷയിപ്പി​ക്കു​ന്ന​തു​മാണ്‌” എന്ന്‌ അയാൾ വാദിച്ചു.

യുദ്ധത്തി​ന്റെ​യും സ്വേച്ഛാ​ധി​പ​ത്യ​ത്തി​ന്റെ​യും ഈ പശ്ചാത്ത​ല​ത്തിൽ, ആധുനിക ഫാസി​സ​ത്തി​ന്റെ ആരംഭം ഫ്രാൻസി​ലെ നെപ്പോ​ളി​യൻ ഒന്നാമ​നി​ലാ​ണെന്ന നിഗമ​ന​ത്തി​ലേക്ക്‌ അനേകം ചരി​ത്ര​കാ​രൻമാ​രും ചെന്നെ​ത്തു​ന്ന​താ​യി മനസ്സി​ലാ​ക്കു​മ്പോൾ നാം ആശ്ചര്യ​പ്പെ​ട​രുത്‌. 1,800കളുടെ പ്രാരം​ഭ​ത്തി​ലെ ഒരു സ്വേച്ഛാ​ധി​പ​തി​യാ​യി​രുന്ന അദ്ദേഹം നിസ്സം​ശ​യ​മാ​യും ഒരു ഫാസി​സ്‌റ​റ​ല്ലാ​യി​രു​ന്നു. എന്നുവ​രി​കി​ലും ഒരു രഹസ്യ​പ്പോ​ലീ​സ്‌സം​വി​ധാ​നം സ്ഥാപി​ച്ച​തും പത്ര​ലോ​കത്തെ നിയ​ന്ത്രി​ക്കു​ന്ന​തി​നുള്ള പ്രചാ​ര​ണ​ത്തി​ന്റെ​യും സെൻസർഷി​പ്പി​ന്റെ​യും വിദഗ്‌ദ്ധ​മായ ഉപയോ​ഗ​വും​പോ​ലുള്ള അദ്ദേഹ​ത്തി​ന്റെ നയങ്ങൾ പിൽക്കാ​ലത്ത്‌ ഫാസി​സ്‌റ​റു​കൾ പകർത്തു​ക​യു​ണ്ടാ​യി. നിശ്ചയ​മാ​യും ഫ്രാൻസി​ന്റെ മഹത്വം പുനഃ​സ്ഥാ​പി​ക്കാ​നുള്ള അയാളു​ടെ ദൃഢനി​ശ്ച​യ​വും അറിയ​പ്പെട്ട ഫാസി​സ്‌ററ്‌ നേതാ​ക്ക​ളു​ടെ ദേശീ​യ​പ്പെ​രു​മ​യെ​പ്പ​റ​റി​യുള്ള വ്യാ​മോ​ഹ​ത്തി​ന്റെ മാതൃ​ക​യാണ്‌.

ആയിര​ത്തി​ത്തൊ​ള്ളാ​യി​രത്തി ഇരുപ​ത്തി​ര​ണ്ടോ​ടെ ഇററലി​യി​ലെ ഫാസി​സ്‌റ​റു​കൾ മുസ്സോ​ളി​നി​യെ പ്രധാ​ന​മ​ന്ത്രി​യാ​യി അവരോ​ധി​ക്കാൻത​ക്ക​വി​ധം പ്രബല​രാ​യി​രു​ന്നു, ഒരു സ്വേച്ഛാ​ധി​കാ​രി​യാ​യി​രി​ക്കാ​നുള്ള ഒരു ചവിട്ടു​പ​ടി​യാ​യി അയാൾ വേഗം​തന്നെ ആ പദവിയെ ഉപയോ​ഗി​ച്ചു. വേതനം, സമയം, ഉൽപ്പാ​ദ​ന​ല​ക്ഷ്യ​ങ്ങൾ എന്നിവയെ സംബന്ധി​ച്ച​ട​ത്തോ​ളം സ്വകാര്യ ഉടമസ്ഥ​ത​യി​ലുള്ള വ്യവസാ​യങ്ങൾ കർശന​മായ ഗവൺമെൻറ്‌ നിയ​ന്ത്ര​ണ​ത്തിന്‌ വിധേ​യ​മാ​ക്ക​പ്പെട്ടു. യഥാർത്ഥ​ത്തിൽ ഗവൺമെൻറ്‌-താൽപ്പ​ര്യ​ങ്ങൾക്കു സേവ​ചെ​യ്യുന്ന അളവോ​ളം മാത്രമെ സ്വകാര്യ ഉദ്യമങ്ങൾ പ്രോ​ത്സാ​ഹി​പ്പി​ക്ക​പ്പെ​ട്ടു​ള്ളു. ഫാസി​സ്‌ററ്‌ അല്ലാത്ത മററു രാഷ്‌ട്രീ​യ​ക​ക്ഷി​ക​ളെ​ല്ലാം നിയമ​വി​രു​ദ്ധ​മാ​ക്ക​പ്പെട്ടു; തൊഴി​ലാ​ളി​യൂ​ണി​യ​നു​കൾ നിരോ​ധി​ക്ക​പ്പെട്ടു. സെൻസർഷി​പ്പ്‌മു​ഖേന എതിരാ​ളി​കളെ നിശ്ശബ്ദ​രാ​ക്കി​ക്കൊണ്ട്‌ ഗവൺമെൻറ്‌ തന്ത്രപൂർവം മാധ്യ​മ​ങ്ങളെ നിയ​ന്ത്രി​ച്ചു. യുവജ​ന​ങ്ങ​ളിൽ ഫാസി​സ്‌ററ്‌ തത്വശാ​സ്‌ത്രം സന്നി​വേ​ശി​പ്പി​ക്കു​ന്ന​തിന്‌ സവി​ശേ​ഷ​ശ്രദ്ധ നൽക​പ്പെ​ടു​ക​യും വ്യക്തി​സ്വാ​ത​ന്ത്ര്യ​ത്തെ ഗുരു​ത​ര​മാ​യി വെട്ടി​ച്ചു​രു​ക്കു​ക​യും ചെയ്‌തു.

ഫാസിസം, ജർമ്മൻമാ​തൃ​ക

“അധികാ​ര​ത്തി​ലേ​ക്കെ​ത്തിയ പാതക​ളിൽ സമാന​തകൾ ഉണ്ടെന്നു​വ​രി​കി​ലും, ഇററലി​യി​ലെ ഫാസി​സ​വും ജർമ്മനി​യി​ലെ നാസി​സ​വും അവയുടെ പ്രകൃ​ത​ത്തി​ലും ഭാവി​യെ​ക്കു​റി​ച്ചുള്ള ദർശന​ത്തി​ലും ശ്രദ്ധേ​യ​മാം​വി​ധം വിഭി​ന്ന​മാ​യി​രു​ന്നു” എന്ന്‌ എ. കസ്സെൽസി​നാ​ലുള്ള ഫാസിസം എന്ന പുസ്‌തകം പറയുന്നു.

ഫാസി​സ്‌ററ്‌ ആശയഗ​തി​യു​ടെ മുന്നോ​ടി​ക​ളാ​യി സേവിച്ച മുൻസൂ​ചി​പ്പിച്ച തത്വചി​ന്ത​ക​രെ​ക്കൂ​ടാ​തെ, 19-ാം നൂററാ​ണ്ടി​ലെ ജർമ്മൻ തത്വചി​ന്ത​ക​നായ ഫ്രെഡ​റിക്‌ നിഷേ​യെ​പ്പോ​ലുള്ള മററു​ള്ള​വ​രും ജർമ്മനി​യു​ടെ തനതായ ഒരു ഫാസിസം സൃഷ്ടി​ക്കു​ന്ന​തിൽ സഹായി​ച്ചു. നിഷേ ഒരു ഫാസി​സ്‌ററ്‌ ആയിരു​ന്നു​വെന്നല്ല, പ്രത്യുത അദ്ദേഹം ഒരു കുലീ​ന​ഭ​ര​ണ​വർഗ്ഗം അഥവാ അതിമാ​നു​ഷ​രു​ടെ ഒരു വംശത്തി​നാ​യി ആഹ്വാനം ചെയ്‌തു. എന്നുവ​രി​കി​ലും, ഇങ്ങനെ ചെയ്യവേ യാതൊ​രു പ്രത്യേക വംശ​ത്തെ​യോ ജനത​യെ​യോ ജർമ്മൻജ​ന​തയെ വിശേ​ഷി​ച്ചോ ഇഷ്ടപ്പെ​ടുന്ന വിധത്തിൽ യാതൊ​ന്നും​തന്നെ അയാളു​ടെ മനസ്സിൽ ഉണ്ടായി​രു​ന്നില്ല. എന്നാൽ അയാളു​ടെ ചില ആശയങ്ങൾ നാഷനൽ സോഷ്യ​ലി​സ്‌ററ്‌ ആശയഗ​തി​ക്കാർ ജർമ്മനിക്ക്‌ തികച്ചും അനു​യോ​ജ്യ​മെന്ന്‌ പരിഗ​ണി​ച്ചി​രു​ന്ന​തി​നോട്‌ അടുത്ത​താ​യി​രു​ന്നു. അതു​കൊണ്ട്‌ ഈ ആശയങ്ങൾ അനു​യോ​ജ്യ​മാ​ക്കി​യെ​ടു​ക്കു​ക​യും നാസി ആദർശ​ത്തോ​ടു യോജി​ക്കാത്ത മററുള്ളവ തിരസ്‌ക​രി​ക്കു​ക​യും ചെയ്‌തു.

ജർമ്മൻ ഗാന രചയി​താ​വായ റിച്ചാർഡ്‌ വാഗ്നറും ഹിററ്‌ലറെ ശക്തമായി സ്വാധീ​നി​ച്ചി​രു​ന്നു. കടുത്ത ദേശീ​യ​വാ​ദി​യും ദേശഭ​ക്ത​നും എന്ന നിലയിൽ, വാഗ്നർ ജർമ്മനി​യെ ലോക​ത്തിൽ ഒരു മഹാദൗ​ത്യം നിറ​വേ​റ​റാൻ നിയോ​ഗി​ക്ക​പ്പെ​ട്ടി​രു​ന്ന​താ​യി വീക്ഷിച്ചു. “ഹിററ്‌ലർക്കും നാസി-പ്രത്യ​യ​ശാ​സ്‌ത്ര​ജ്ഞർക്കും വാഗ്നർ ഒരു സമ്പൂർണ്ണ​നായ ആദർശ​പു​രു​ഷൻ ആയിരു​ന്നു” എന്ന്‌ എൻ​സൈ​ക്ലോ​പ്പീ​ഡിയ ഓഫ്‌ ദി തേർഡ്‌ റെയ്‌ക്ക്‌ പറയുന്നു. “ഈ എഴുത്തു​കാ​രൻ ജർമ്മനി​യു​ടെ മാഹാ​ത്മ്യ​ത്തെ സാരസം​ഗ്രഹം ചെയ്‌തു. ഹിററ്‌ല​റു​ടെ വീക്ഷണ​ത്തിൽ വാഗ്നറു​ടെ സംഗീതം ജർമ്മൻ ദേശീ​യ​തയെ ന്യായീ​ക​രി​ച്ചു” എന്ന്‌ അതു വിശദീ​ക​രി​ച്ചു.

“എന്നിരു​ന്നാ​ലും, അയാളു​ടെ രാഷ്‌ട്രീയ രചനകളല്ല, മറിച്ച്‌ ജർമ്മൻ പൗരാ​ണി​ക​ത്വ​ത്തി​ന്റെ ലോകത്തെ, അതിന്റെ ഐതി​ഹാ​സി​ക​മായ പുരാ​ണങ്ങൾ, അതിന്റെ പോരാ​ടുന്ന വിജാ​തീ​യ​ദേ​വൻമാർ, വീരനാ​യ​കൻമാർ, ദുർഭൂ​തങ്ങൾ, വ്യാളി​കൾ, നിണമ​ണിഞ്ഞ കുടി​പ്പ​കകൾ, പ്രാകൃ​ത​ഗോ​ത്ര​നൈ​തീക സംഹി​തകൾ, നിയത​ബോ​ധം, പ്രേമ​ത്തി​ന്റെ​യും ജീവി​ത​ത്തി​ന്റെ​യും പകിട്ട്‌, മൃത്യു​വി​ന്റെ ഉദാത്ത​ഭാ​വം ഇവയെ​ല്ലാം​സ​ഹി​തം വർണ്ണോ​ജ്വ​ല​മാ​യി പുനര​വ​ത​രി​പ്പി​ക്കുന്ന വാഗ്നറു​ടെ ഉത്തും​ഗ​മായ സംഗീ​ത​നാ​ട​ക​നൃ​ത്ത​ശിൽപ്പ​ങ്ങ​ളാണ്‌ ആധുനിക ജർമ്മനി​യു​ടെ പുരാ​ണ​ങ്ങൾക്ക്‌ ജീവൻ പകർന്ന​തും അൽപ്പം ന്യായീ​ക​ര​ണ​ത്തോ​ടെ ഹിററ്‌ല​റും നാസി​ക​ളും തങ്ങളുടെ സ്വന്തമാ​യെ​ടുത്ത ജർമ്മനി​യു​ടേ​തായ ഒരു വെൽററ്‌-ആൻഷംഗ്‌ [ലോക​വീ​ക്ഷണം] നൽകി​യ​തും” എന്ന്‌ എഴുത്തു​കാ​ര​നായ വില്യം എൽ. ഷിറർ കൂട്ടി​ച്ചേർക്കു​ന്നു.

നിഷേ​യു​ടെ​യും വാഗ്നറു​ടെ​യും ചിന്താ​ഗ​തി​കൾ രൂപ​പ്പെ​ടു​ത്ത​പ്പെ​ട്ടത്‌, 1853നും 1855നുമിടക്ക്‌ എസ്സേ സുർ ലൈനി​ഗ​ലൈ​ററ്‌ ഡെസ്‌ റെയ്‌സസ്‌ ഹ്യു​മെ​നസ്‌ (നരവം​ശ​ങ്ങൾക്കി​ട​യി​ലെ അസമത്വ​ങ്ങ​ളെ​ക്കു​റി​ച്ചുള്ള ഉപന്യാ​സം) രചിച്ച ഫ്രഞ്ച്‌ നയത​ന്ത്ര​ജ്ഞ​നും നരവംശ ശാസ്‌ത്ര​ജ്ഞ​നു​മായ കോംതേ ജോസഫ്‌ ആർതർ ദ്‌ ഗോബി​ന്യൂ​വി​നാ​ലാണ്‌. വംശങ്ങ​ളു​ടെ ചേരു​വ​യാണ്‌ സംസ്‌കാ​ര​ങ്ങ​ളു​ടെ വിധി നിർണ്ണ​യി​ക്കു​ന്നത്‌ എന്ന്‌ അദ്ദേഹം വാദിച്ചു. ആര്യ സമൂഹ​ങ്ങ​ളു​ടെ വംശീയ സ്വഭാ​വ​ത്തിൽ വെള്ളം ചേർക്കു​ന്നത്‌ ആത്യന്തി​ക​മാ​യി അവരുടെ അധഃപ​ത​ന​ത്തി​ലേക്കു നയിക്കും എന്നും അയാൾ മുന്നറി​യി​പ്പു നൽകി.

ഈ ആശയങ്ങ​ളിൽനി​ന്നു വികാ​സം​പ്രാ​പിച്ച വംശീ​യ​ത​യും ശേമ്യ വംശങ്ങ​ളോ​ടുള്ള വിരോ​ധ​വും ജർമ്മൻ ശൈലി​യി​ലുള്ള ഫാസി​സ​ത്തി​ന്റെ സ്വഭാവ സവി​ശേ​ഷ​തകൾ ആയിരു​ന്നു. ഈ രണ്ടു നയങ്ങൾക്കും ഇററലി​യിൽ കുറഞ്ഞ പ്രസക്തി​യേ ഉണ്ടായി​രു​ന്നു​ള്ളു. യഥാർത്ഥ​ത്തിൽ ഇററലി​യി​ലെ ശേമ്യ-വംശജ​രോ​ടുള്ള വിദ്വേ​ഷ​ത്തി​ന്റെ തെളി​വു​കൾ, ഫാസി​സ​ത്തി​ന്റെ പിന്നി​ലുള്ള അധീശ​ശക്തി എന്ന നിലയ്‌ക്ക്‌ ഹിററ്‌ലർ മുസ്സോ​ളി​നി​യെ മാററി​സ്ഥാ​പി​ച്ചു​കൊ​ണ്ടി​രി​ക്കുന്ന​തി​ന്റെ ഒരു സൂചന​യാ​യി​ട്ടാണ്‌ അനേകം ഇററലി​ക്കാ​രും പരിഗ​ണി​ച്ചത്‌. യഥാർത്ഥ​ത്തിൽ കാലം കടന്നു​പോ​യ​തോ​ടെ ഇററലി​യി​ലെ ഫാസി​സ​ത്തിൻമേ​ലുള്ള ഹിററ്‌ല​റു​ടെ സ്വാധീ​നം വളർന്നു.

ദേശീ​യ​മ​ഹ​ത്വം ആർജ്ജി​ക്കാ​നുള്ള തീവ്ര യത്‌ന​ത്തിൽ ഇററലി​യി​ലെ ഫാസി​സ​വും ജർമ്മനി​യി​ലെ ഫാസി​സ​വും വിപരീത ദിശക​ളി​ലേ​ക്കാണ്‌ നോക്കി​യത്‌. എഴുത്തു​കാ​ര​നായ എ. കസ്സൽസ്‌ വിശദീ​ക​രി​ക്കുന്ന പ്രകാരം, “പുരാതന റോമാ​ക്കാ​രു​ടെ ചെയ്‌തി​കളെ പകർത്തു​വാൻ മുസ്സോ​ളി​നി തന്റെ രാജ്യ​ത്തു​ള്ള​വരെ ഉദ്‌ബോ​ധി​പ്പി​ച്ചെ​ന്നി​രി​ക്കെ, നാസി​ക​ളു​ടെ ആത്മാവി​ന്റെ വിപ്ലവം ഗതകാല ജർമ്മൻ വംശജ രാക്ഷസൻമാ​രെ അനുക​രി​ക്കു​ന്ന​തി​നു മാത്രമല്ല, ഇരുപ​താം നൂററാ​ണ്ടിൽ പുനര​വ​ത​രിച്ച അതേ വംശീയ വീരൻമാ​രാ​യി​ത്തീ​രു​ന്ന​തിന്‌ ജർമൻകാ​രെ ഉത്തേജി​പ്പി​ക്കു​ന്ന​തി​നും ലക്ഷ്യം​വെച്ചു. മററു​വാ​ക്കു​ക​ളിൽ പറഞ്ഞാൽ ഇററലി​യി​ലെ ഫാസിസം, വ്യാവ​സാ​യി​ക​മാ​യി അൽപ്പവി​ക​സിത രാജ്യ​മാ​യി​രുന്ന ഇററലി​യെ 20-ാം നൂററാ​ണ്ടി​ലേക്കു വലിച്ചി​ഴ​ച്ചു​കൊണ്ട്‌ മൺമറഞ്ഞ പ്രതാപം വീണ്ടെ​ടു​ക്കാൻ പ്രയത്‌നി​ച്ചു. ജർമ്മനി നേരേ​മ​റിച്ച്‌, ഒരു പൗരാ​ണിക ഭൂതകാ​ല​ത്തി​ലേക്കു പിൻവ​ലി​ഞ്ഞു​കൊ​ണ്ടാണ്‌ മുൻകാല മഹത്വം വീണ്ടെ​ടു​ക്കാൻ പ്രയത്‌നി​ച്ചത്‌.

ഇത്‌ സാധ്യ​മാ​ക്കി​ത്തീർത്ത​തെന്ത്‌?

അനേകം രാജ്യ​ങ്ങ​ളി​ലും ഫാസി​സ്‌റ​റു​കൾ അധികാ​ര​ത്തി​ലേ​റി​യത്‌ ഒരു ദേശീയ ദുരന്തം, ഒരു സാമ്പത്തി​ക​ത്ത​കർച്ച, അതുമ​ല്ലെ​ങ്കിൽ ഒരു സൈനി​ക​പ​രാ​ജയം ഇവക്കു​ശേ​ഷ​മാണ്‌. ഇത്‌ ഇററലി​യി​ലും ജർമ്മനി​യി​ലും സത്യമാ​യി​രു​ന്നു. ഒന്നാം ലോക​മ​ഹാ​യു​ദ്ധ​കാ​ലത്ത്‌ എതിർചേ​രി​ക​ളി​ലാ​യി​രു​ന്നു​വെ​ങ്കി​ലും രണ്ടും അമ്പേ ക്ഷയിച്ചാണ്‌ പോരാ​ട്ട​ത്തിൽനിന്ന്‌ പുറത്തു​വ​ന്നത്‌. ദേശീയ അതൃപ്‌തി, സാമ്പത്തിക കുഴപ്പം, മൂർച്ഛി​ച്ചു​വ​ന്നി​രുന്ന വർഗ്ഗസ​മ​രങ്ങൾ എല്ലാം ഇരു രാജ്യ​ങ്ങ​ളേ​യും ബാധി​ച്ചി​രു​ന്നു. ജർമ്മനി രൂക്ഷമായ നാണ്യ​പ്പെ​രു​പ്പം അനുഭ​വി​ക്കു​ക​യും തൊഴി​ലി​ല്ലായ്‌മ കുതിച്ചു കയറു​ക​യും ചെയ്‌തു. ജനാധി​പത്യ തത്വം ദുർബ്ബ​ല​മാ​യി​രു​ന്നു, അത്‌ അപ്പോ​ഴും പ്രഷ്യ​യു​ടെ സൈനിക സർവ്വാ​ധി​പത്യ പാരമ്പ​ര്യ​ത്തി​ന്റെ ബന്ധനത്തി​ലാ​യി​രു​ന്നു. കൂടാതെ ഭയപ്പെ​ട്ടി​രുന്ന സോവി​യ​ററ്‌ ബോൾഷേ​വി​സ​ത്തി​ന്റെ നിഴൽരൂ​പം എവി​ടെ​യും സീമാ​തീ​ത​മാ​യി പ്രത്യ​ക്ഷ​പ്പെട്ടു.

പരിണാ​മ​ത്തെ​യും പ്രകൃ​തി​നിർദ്ധാ​ര​ണ​ത്തെ​യും കുറി​ച്ചുള്ള ചാൾസ്‌ ഡാർവി​ന്റെ ആശയം ഫാസി​സ​ത്തി​ന്റെ ഉദയത്തി​ന്റെ മറെറാ​രു പ്രമുഖ ഘടകമാ​യി​രു​ന്നു. ദി കൊളം​ബിയ ഹിസ്‌റ​ററി ഓഫ്‌ ദ വേൾഡ്‌ എന്ന പുസ്‌തകം “മുസ്സോ​ളി​നി​യും ഹിററ്‌ല​റും പ്രകട​മാ​ക്കിയ ഫാസി​സ്‌ററ്‌ ആശയഗ​തി​ക​ളി​ലുള്ള സാമൂഹ്യ ഡാർവി​നി​സ​ത്തി​ന്റെ പുത്തനു​ണർവി”നെക്കു​റി​ച്ചു പറയുന്നു.

സാമൂഹ്യ ഡാർവി​നി​സം “ഹിററ്‌ല​റു​ടെ വർഗ്ഗോൻമൂ​ലന നയത്തിന്റെ പിന്നിലെ ആശയഗതി”യായി​രു​ന്നു​വെന്നു വിശദീ​ക​രി​ച്ചു​കൊണ്ട്‌ എൻ​സൈ​ക്ലോ​പ്പീ​ഡിയ ഓഫ്‌ ദ തേർഡ്‌ റെയ്‌ക്ക്‌ ഈ വിലയി​രു​ത്ത​ലി​നോ​ടു യോജി​ക്കു​ന്നു. ഡാർവി​ന്റെ പരിണാ​മ​വാദ പഠിപ്പി​ക്ക​ലു​ക​ളോ​ടു ചേർച്ച​യിൽ, “ആധുനിക സംസ്ഥാനം, ദുർബ്ബ​ലരെ സംരക്ഷി​ക്കു​ന്ന​തിന്‌ അതിന്റെ ഊർജ്ജം അർപ്പി​ക്കു​ന്ന​തി​നു പകരം അതിന്റെ ബലവും ആരോ​ഗ്യ​വു​മുള്ള ഘടകങ്ങൾക്ക​നു​കൂ​ല​മാ​യി അതിന്റെ ദുർബ്ബ​ല​ഭാ​ഗത്തെ തള്ളിക്ക​ള​യണം” എന്ന്‌ ജർമ്മൻ ആദർശ​വാ​ദി​കൾ വാദിച്ചു, യുദ്ധം അർഹത​യു​ള്ള​തി​ന്റെ അതിജീ​വ​ന​ത്തി​നാ​യുള്ള പോരാ​ട്ട​ത്തി​ലെ ഒരു സ്വാഭാ​വിക സംഗതി​യാ​ണെ​ന്നും “വിജയം കരുത്തു​ള്ള​വർക്കാ​ണെ​ന്നും ദുർബ്ബലർ ഉൻമൂ​ലനം ചെയ്യ​പ്പെ​ട​ണ​മെ​ന്നും” അവർ വാദിച്ചു.

പാഠം പഠിച്ചി​ട്ടു​ണ്ടോ?

കറുത്ത ഷെർട്ടിട്ട ഇററാ​ലി​യൻ സൈനീ​ക​വ്യൂ​ഹ​ങ്ങ​ളു​ടെ​യും സ്വസ്‌തി​ക​യുള്ള തവിട്ടു​യൂ​ണി​ഫോ​റം അണിഞ്ഞ ജർമ്മൻ പടയു​ടെ​യും കാലം കഴിഞ്ഞി​രി​ക്കു​ന്നു. എങ്കിലും 1990-ൽ പോലും ഫാസി​സ​ത്തി​ന്റെ അവശി​ഷ്ടങ്ങൾ ബാക്കി​നിൽക്കു​ന്നു. മിക്കവാ​റു​മെല്ലാ പശ്ചിമ​യൂ​റോ​പ്യൻ രാഷ്‌ട്ര​ങ്ങ​ളി​ലും “വലതുപക്ഷ തീവ്ര​വാ​ദ​ശ​ക്തി​കൾ, മറഞ്ഞി​രി​ക്കുന്ന വംശീ​യ​വാ​ദ​ത്തി​നും സ്വേച്ഛാ​ധി​കാ​ര​തൽപ്പ​ര​വും ദേശീ​യ​ത്വ​പ​ര​വു​മായ മൂല്യ​ങ്ങ​ളി​ലേക്കു തിരി​ച്ചു​പോ​കാ​നുള്ള ഒരു പുനർവി​ചി​ന്ത​ന​ത്തി​നും അതിശ​യി​പ്പി​ക്കുന്ന പിന്തുണ ഇപ്പോ​ഴും നേടാൻ കഴിയും” എന്ന്‌ ഒരിക്കൽകൂ​ടെ തെളി​യി​ച്ചു​കൊ​ണ്ടി​രി​ക്കു​ക​യാണ്‌ എന്ന്‌ രണ്ടുവർഷം മുമ്പ്‌ ന്യൂസ്‌വീക്ക്‌ മാസിക മുന്നറി​യി​പ്പു നൽകി. ഇത്തരം പ്രസ്ഥാ​ന​ങ്ങ​ളിൽ ഏററവും ഊർജ്ജ​സ്വ​ല​മാ​യത്‌ അടിസ്ഥാ​ന​പ​ര​മാ​യി “നാഷനൽ സോഷ്യ​ലി​സ​ത്തോ​ടു തുല്യ​മായ” ഒരു സന്ദേശ​ത്തോ​ടു​കൂ​ടിയ ഫ്രാൻസി​ലെ ജീൻ-മേരീ​ലേ​പെ​ന്നി​ന്റെ ദേശീയ മുന്നണി ആണ്‌.

പുതിയ-ഫാസി​സ്‌ററ്‌ പ്രസ്ഥാ​ന​ങ്ങ​ളിൽ ആശ്രയം വെക്കു​ന്നത്‌ ബുദ്ധി​യാ​ണോ? ഫാസി​സ​ത്തി​ന്റെ വേരുകൾ—ഡാർവി​ന്റെ പരിണാ​മം, വംശീ​യ​വാ​ദം, സൈനിക മേധാ​വി​ത്വം, ദേശീ​യ​ത്വം—എന്നിവ ഒരു നല്ല ഗവൺമെൻറ്‌ പടുത്തു​യർത്തു​ന്ന​തി​നുള്ള ഒരു ഭദ്രമായ അടിത്തറ രൂപീ​ക​രി​ക്കു​ന്നു​വോ? അഥവാ മറേറ​തൊ​രു​തരം മാനു​ഷ​ഭ​ര​ണ​ത്തെ​യും​പോ​ലെ ഫാസിസം തുലാ​സ്സിൽ തൂക്ക​പ്പെ​ട്ടി​രി​ക്കു​ന്നു​വെ​ന്നും കുറവു​ള്ള​തെന്നു കാണ​പ്പെ​ട്ടി​രി​ക്കു​ന്നു​വെ​ന്നും നിങ്ങൾ സമ്മതി​ക്കു​ക​യി​ല്ലേ? (g90 10/22)

[26-ാം പേജിലെ ചതുരം]

ഫാസിസം—അതിന്റെ അടിത്തറ ഭദ്രമോ?

ഡാർവി​ന്റെ പരിണാ​മം: “ശാസ്‌ത്ര​ജ്ഞൻമാ​രു​ടെ ഒരു വർദ്ധി​ച്ചു​വ​രുന്ന സംഖ്യ, ഏററവും വിശേ​ഷാൽ പരിണാ​മ​വാ​ദി​ക​ളു​ടെ ഒരു വളരുന്ന സംഖ്യ . . . ഡാർവി​ന്റെ പരിണാ​മ​സി​ദ്ധാ​ന്തം സത്യമായ ശാസ്‌ത്രീയ സിദ്ധാ​ന്ത​മേ​യ​ല്ലെന്നു വാദി​ക്കു​ന്നു.”—ന്യൂ സയൻറി​സ്‌ററ്‌. ജൂൺ 25,1981, മൈക്കിൾ റൂസ്‌.

വംശീ​യ​വാ​ദം: “മനുഷ്യ​വം​ശ​ങ്ങ​ളു​ടെ​യും ആളുക​ളു​ടെ​യും ഇടയിലെ വിടവ്‌ നിലനിൽക്കു​ന്നി​ടത്ത്‌, അത്‌ മനഃശാ​സ്‌ത്ര​പ​ര​വും സാമൂ​ഹി​ക​വു​മാണ്‌; അത്‌ ജനിത​കമല്ല!”—ജീൻസ്‌ ആൻഡ്‌ ദ മാൻ, പ്രൊ​ഫസർ ബെൻറ​റ്‌ലി ഗ്ലാസ്‌.

“എല്ലാവം​ശ​ങ്ങ​ളി​ലേ​യും മനുഷ്യ​ജീ​വി​കൾ . . . ഒരേ ആദ്യമ​നു​ഷ്യ​നിൽനി​ന്നാണ്‌ ഉത്ഭവി​ച്ചി​രി​ക്കു​ന്നത്‌.”—ഹെറി​ഡി​ററി ആൻഡ്‌ ഹ്യൂമൻസ്‌, ശാസ്‌ത്ര എഴുത്തു​കാ​രൻ, അമ്രാം ഷെൻഫീൽഡ്‌.

സൈനിക മേധാ​വി​ത്വം: “ഈ ഭ്രാന്തിൽ കോരി​ച്ചൊ​രി​യ​പ്പെട്ട പാടവ​വും അദ്ധ്വാ​ന​വും ധനവും സത്യത്തിൽ മനസ്സിനെ സ്‌തബ്ധ​മാ​ക്കു​ന്നു. രാഷ്‌ട്രങ്ങൾ മേലാൽ യുദ്ധം അഭ്യസി​ക്കാ​തി​രു​ന്നു​വെ​ങ്കിൽ, മനുഷ്യ​വർഗ്ഗ​ത്തിന്‌ നേടാൻ കഴിയാ​ത്ത​താ​യി യാതൊ​ന്നു​മു​ണ്ടാ​കു​മാ​യി​രു​ന്നില്ല.”—അമേരി​ക്കൻ എഴുത്തു​കാ​ര​നും പുലി​റ​റ്‌സർ സമ്മാന​ജേ​താ​വു​മായ ഹെർമ്മൻ വുക്ക്‌.

ദേശീ​യ​ത്വം: “ദേശീ​യ​ത്വം മനുഷ്യ​വർഗ്ഗത്തെ പരസ്‌പരം അസഹി​ഷ്‌ണുത പുലർത്തുന്ന ഘടകങ്ങ​ളാ​യി വേർതി​രി​ക്കു​ന്നു. തൽഫല​മാ​യി ആളുകൾ ഒന്നാമത്‌ അമേരി​ക്ക​ക്കാർ, റഷ്യക്കാർ, ചൈനാ​ക്കാർ, ഈജി​പ്‌റ​റു​കാർ, പെറു​വി​യാ​ക്കാർ എന്നിങ്ങനെ ചിന്തി​ക്കു​ന്നു; മനുഷ്യ​ജീ​വി​ക​ളെന്ന നിലയിൽ ചിന്തി​ക്കു​ന്നു​വെ​ങ്കിൽതന്നെ അത്‌ രണ്ടാമ​താ​യാ​ണു​താ​നും.”—കോൺഫ്‌ളി​ക്‌ററ്‌ ആൻഡ്‌ കോഓ​പ്പ​റേഷൻ എമങ്ങ്‌ നേഷൻസ്‌, ഐവോ ഡ്യൂഷ​സെക്ക്‌.

“ഇന്നും നാം അഭിമു​ഖീ​ക​രി​ക്കുന്ന വളരെ​യ​ധി​കം പ്രശ്‌ന​ങ്ങ​ളും തെററായ മനോ​ഭാ​വങ്ങൾ നിമി​ത്ത​മോ അഥവാ അവയുടെ ഫലമാ​യോ ആണ്‌ ഉണ്ടാവു​ന്നത്‌—അവയിൽ ചില​തെ​ല്ലാം മിക്കവാ​റും നാം അറിയാ​തെ​തന്നെ അനുവർത്തി​ക്ക​പ്പെ​ടു​ന്നു. ‘ശരിയാ​യാ​ലും തെററാ​യാ​ലും എന്റെ രാജ്യം’ എന്ന ഇടുങ്ങിയ ദേശീ​യ​ത്വ​ത്തി​ന്റെ സങ്കൽപ്പനം ഇവയിൽപെ​ട്ട​താണ്‌.”—മുൻ യു.എൻ.സെക്ര​ട്ടറി ജനറൽ യൂ താണ്ട്‌.

[25-ാം പേജിലെ ചിത്രങ്ങൾ]

സ്വസ്‌തികപോലുള്ള പൗരാ​ണിക മതപ്ര​തീ​ക​ങ്ങ​ളോ “ദൈവം നമ്മോ​ടു​കൂ​ടെ” എന്ന ആദർശ​സൂ​ക്ഷ​മോ ഹിററ്‌ല​റു​ടെ ഭരണത്തെ രക്ഷിച്ചില്ല

ഫാസിസത്തിനുള്ള മുസ്സോ​ളി​നി​യു​ടെ ചിഹ്നമായ ഫാഷെസ്‌, ചില യു.എസ്സ്‌. വെള്ളി​നാ​ണ​യ​ങ്ങ​ളിൽ കാണ​പ്പെ​ടു​ന്നു