ലോകത്തെ വീക്ഷിക്കൽ

ഇററലി​യിൽ രക്തപ്പകർച്ച​സം​ബ​ന്ധിച്ച ഉത്തരവ്‌

ഇററലി​യി​ലെ ഭരണഘ​ട​ന​യ​നു​സ​രിച്ച്‌ ഒരുവന്റെ ഇഷ്ടത്തിന്‌ വിരു​ദ്ധ​മാ​യി ഒരു പ്രത്യേക വൈദ്യ​ചി​കി​ത്സക്ക്‌ ആരും വിധേ​യ​മാ​ക്ക​പ്പെ​ടാൻ പാടില്ല. ഈ ഭരണഘ​ടനാ നിയ​ന്ത്രണം രക്തപ്പകർച്ച​ക്കും ബാധക​മാ​ണെന്ന്‌ ഇററലി​യി​ലെ ആരോഗ്യ മന്ത്രാ​ല​യ​ത്തി​ന്റെ അടുത്ത കാലത്തെ ഒരു ഉത്തരവ്‌ ഉറപ്പു വരുത്തു​ന്നു. വാസ്‌ത​വ​ത്തിൽ, 1991, ജനുവരി 15-ാം തീയതി​യി​ലെ ഈ ഉത്തരവ്‌, “രക്തത്തി​ന്റെ​യും രക്തത്തിന്റെ ഘടകങ്ങ​ളു​ടെ​യും രക്തത്തിൽ നിന്നും ഉത്‌പാ​ദി​ത​മാ​യ​വ​യു​ടെ​യും പകരലിൽ ഉൾപ്പെ​ട്ടി​രി​ക്കുന്ന രോഗ​ചി​കി​ത്സാ​പ​ദ്ധതി അപകട​ര​ഹി​ത​മ​ല്ലാ​ത്ത​തു​കൊണ്ട്‌, അതു സ്വീക​രി​ക്കു​ന്ന​യാ​ളി​ന്റെ മുന്ന​മേ​യുള്ള അനുമതി ആവശ്യ​മാ​ക്കി​ത്തീർക്കു​ന്നു.” എന്നു പ്രസ്‌താ​വി​ക്കു​ന്നു. മററു വാക്കു​ക​ളിൽ പറഞ്ഞാൽ രോഗി​കൾ അപകട സാധ്യത അറിയു​ക​യും രക്തം തിരസ്‌ക്ക​രി​ക്കു​ന്ന​തി​നുള്ള അവകാശം അവർക്കു​ണ്ടാ​യി​രി​ക്കു​ക​യും വേണം. രക്തപ്പകർച്ചക്ക്‌ “കരൾവീ​ക്കം, എയിഡ്‌സ്‌ എന്നിവ​പോ​ലുള്ള പകരുന്ന രോഗ​ങ്ങളെ കടത്തി​വി​ടാൻ കഴിയും” എന്നും “അടുത്ത കാലത്ത്‌ രോഗം പകരപ്പെട്ട വ്യക്തി​കളെ ലബോ​റ​ട്ടറി പരി​ശോ​ധ​ന​യി​ലൂ​ടെ എല്ലായ്‌പോ​ഴും തിരി​ച്ച​റി​യാൻ കഴിയില്ല” എന്നും ഈ ഉത്തരവി​ന്റെ ഒരു അനുബന്ധം സമ്മതിച്ചു പറയുന്നു. (g91 8/22)

ദുർവി​നി​യോ​ഗം ചെയ്യപ്പെട്ട കുട്ടികൾ

ദക്ഷിണാ​ഫ്രി​ക്ക​യു​ടെ ചില ഭാഗങ്ങ​ളിൽ കുട്ടി​ക​ളു​ടെ ശാരീ​രിക ദുരു​പ​യോ​ഗം വർദ്ധി​ച്ചു​കൊ​ണ്ടി​രി​ക്കു​ക​യാണ്‌. ദുർവി​നി​യോ​ഗം ചെയ്യപ്പെട്ട കുട്ടി​ക​ളിൽ അമ്പരപ്പി​ക്കുന്ന ഒരു വലിയ സംഖ്യ വളരെ ചെറു​പ്പ​വും സഹായം തേടാൻ അശക്തരു​മാണ്‌. ഒരു കേപ്പ്‌ ടൗൺ വർത്തമാ​ന​പ്പ​ത്ര​മായ കേപ്പ്‌ ടൈംസ്‌ പറഞ്ഞ​പ്ര​കാ​രം ദുർവി​നി​യോ​ഗം മൂലം ഈ സമീപ​കാ​ലത്ത്‌ ആശുപ​ത്രി​യി​ലാ​ക്ക​പ്പെട്ട 350 കുട്ടി​ക​ളു​ടെ ഒരു പഠനം നടത്തി​യ​തിൽ “60 ശതമാനം ലൈം​ഗി​ക​മാ​യും 40 ശതമാനം ശാരീ​രി​ക​മാ​യും ദുർവി​നി​യോ​ഗം ചെയ്യ​പ്പെ​ട്ടി​രു​ന്നു എന്ന്‌” വെളി​പ്പെ​ടു​ത്തി. “ലൈം​ഗി​ക​ദുർവി​നി​യോ​ഗ​ത്തി​നി​ര​യാ​യ​വ​രിൽ 90% പേർ ശരാശരി ആറു വയസ്സുള്ള പെൺകു​ട്ടി​ക​ളാ​യി​രി​ക്കെ, ശാരീ​രി​ക​മാ​യി ദുർവി​നി​യോ​ഗം ചെയ്യപ്പെട്ട രോഗി​ക​ളിൽ 60% പേർ ശരാശരി അഞ്ചര വയസ്സ്‌ പ്രായ​മുള്ള ആൺകു​ട്ടി​ക​ളാ​യി​രു​ന്നു” എന്ന്‌ കേപ്പ്‌ ടൈംസ്‌ കുറി​ക്കൊ​ണ്ടു. കുട്ടി​ക​ളു​ടെ റെഡ്‌​ക്രോസ്സ്‌-ആശുപ​ത്രി​യിൽ, “കഴിഞ്ഞ രണ്ടു വർഷം ചികി​ത്സിച്ച (എല്ലാ വർഗ്ഗങ്ങ​ളി​ലും​പെട്ട) ശാരീ​രി​ക​മാ​യി (ലൈം​ഗി​കമല്ല) ദുർവി​നി​യോ​ഗം ചെയ്യപ്പെട്ട സകല കുട്ടി​ക​ളി​ലെ​യും നാലി​ലൊ​രു ഭാഗം ഒരു വയസ്സിന്‌ താഴെ​യു​ള്ള​വ​രാ​യി​രു​ന്നു.” (g91 9/8)

ഒരു ബോയിംഗ്‌ 737 ജെററി​ന്റെ അത്ര നീളമു​ള്ളത്‌

“അതെന്തു തന്നെയാ​യി​രു​ന്നാ​ലും അതിന്റെ അവശി​ഷ്ടങ്ങൾ അസാമാ​ന്യ വലിപ്പ​മു​ള്ള​വ​യാണ്‌. അതിന്റെ കഴുത്തി​ലെ ഓരോ കശേരു​വും കുറുകെ 1.5 മീററ​റും അതിന്റെ വാരി​യെ​ല്ലു​കൾ മൂന്ന്‌ മീററ​റും നീളമു​ള്ള​താണ്‌. മൃഗത്തി​ന്റെ മൊത്തം നീളം 27 മുതൽ 30 വരെ മീററർ ആണെന്ന്‌ നിർണ്ണ​യി​ക്കാൻ ശാസ്‌ത്ര​ജ്ഞരെ ഇത്‌ നയിച്ചു” എന്ന്‌ കാനഡാ​യി​ലെ വാൻകൂ​വർ സൺ റിപ്പോർട്ട്‌ ചെയ്യുന്നു. അത്‌ ഒരു ബോയിംഗ്‌ 737 ജെററി​ന്റെ അത്രയും നീളമു​ള്ള​താണ്‌! 1986-ൽ ഈ ബീഭത്സ​മായ മൃഗത്തി​ന്റെ കല്ലു​പോ​ലെ കട്ടിയായ കഴുത്ത്‌ കാനഡാ​ക്കാ​രും ചൈനാ​ക്കാ​രും അടങ്ങിയ ഒരു സംഘം ശാസ്‌ത്രജ്ഞർ മംഗോ​ളി​യാ​യി​ലെ ഉൾപ്ര​ദേ​ശത്തു നിന്ന്‌ കുഴി​ച്ചെ​ടു​ത്തു. നാലു വർഷത്തി​നു ശേഷം അതിന്റെ ഭീമമായ തലയോ​ട്ടി​യും കുഴി​ച്ചെ​ടു​ത്തു. “ഈ തലയോ​ട്ടി കണ്ടുപി​ടി​ച്ച​തി​ന്റെ യഥാർത്ഥ പ്രാധാ​ന്യം വടക്കേ അമേരി​ക്ക​യി​ലെ പ്രസി​ദ്ധ​മായ ഡൈ​നോ​സ​റു​ക​ളു​മാ​യി ഈ ഡൈ​നോ​സ​റിന്‌ ബന്ധമു​ണ്ടോ​യെന്ന്‌ ഇതാദ്യ​മാ​യി നമുക്ക്‌ തീരു​മാ​നി​ക്കാൻ കഴിയും എന്നതാണ്‌” എന്ന്‌ കാനഡാ​യിൽ ആൽബേർട്ടാ​യി​ലെ ഡ്രം​ഹെ​ല്ല​റി​ലുള്ള ദ റോയൽ ടൈറൽ മ്യൂസി​യം ഓഫ്‌ പലയ​ന്തോ​ള​ജി​യി​ലെ ഫിലിപ്പ്‌ ക്യൂറീ പറഞ്ഞു. (g91 8/22)

ജാതി മൃഗീയത

ഇന്ത്യയി​ലെ ജാതി സമ്പ്രദാ​യ​മാ​യി​രു​ന്നു ഈ സമീപ​കാ​ലത്തെ മൂന്നു യുവാ​ക്ക​ളു​ടെ പരസ്യ​ക്കൊ​ല​പാ​ത​ക​ത്തി​ന്റെ പിന്നി​ലു​ണ്ടാ​യി​രു​ന്ന​തെന്ന്‌ ഇന്ത്യാ ടുഡേ റിപ്പോർട്ട്‌ ചെയ്യുന്നു. മെഹ്‌റാ​നാ എന്ന ചെറു​പ​ട്ട​ണ​ത്തിൽ യാദവ്‌ ജാതി​യിൽപെട്ട 18 വയസ്സുള്ള ഒരാൺകു​ട്ടി കൂടുതൽ സമ്പന്നവും ശക്തവു​മായ ജാട്ട്‌ ജാതി​യിൽ നിന്നുള്ള ഒരു പെൺകു​ട്ടി​യു​മാ​യി പ്രണയ​ത്തി​ലാ​യി. പെൺകു​ട്ടി​യു​ടെ മാതാ​പി​താ​ക്ക​ളും ജാട്ട്‌ ജാതി​യി​ലെ മററ​നേ​ക​രും രോഷാ​കു​ല​രാ​യി. കൂടുതൽ സമ്പന്നരായ ജാട്ട്‌ ജാതി​യിൽ പെട്ടവർക്ക്‌ ആധിപ​ത്യ​മു​ണ്ടാ​യി​രുന്ന ഒരു യോഗ​ത്തിൽ വെച്ച്‌ ഈ രണ്ട്‌ ചെറു​പ്പ​ക്കാ​രും അവർക്ക്‌ ഇടനി​ല​ക്കാ​ര​നാ​യി പ്രവർത്തിച്ച യാദവ്‌ ജാതി​യിൽപെട്ട ഒരു ആൺകു​ട്ടി​യും മരണത്തിന്‌ വിധി​ക്ക​പ്പെട്ടു. ആൺകു​ട്ടി​കൾ മണിക്കൂ​റു​ക​ളോ​ളം മൃഗീ​യ​മാ​യി മർദ്ദി​ക്ക​പ്പെ​ടു​ക​യും തുടർന്ന്‌ ആരോ​പി​ക്ക​പ്പെ​ടു​ന്ന​ത​നു​സ​രിച്ച്‌ തങ്ങളുടെ മക്കളുടെ കഴുത്തിൽ കുരു​ക്കി​ടു​വാൻ അവരുടെ പിതാ​ക്കൻമാ​രെ നിർബ​ന്ധി​ക്കു​ക​യും ചെയ്‌തു. മൂന്നു ചെറു​പ്പ​ക്കാ​രും നഗരമ​ദ്ധ്യ​ത്തിൽ വെച്ച്‌ തൂക്കി​ക്കൊ​ല്ല​പ്പെട്ടു. കൊല​പാ​ത​ക​ത്തി​ലെ മുഖ്യ കുററ​പ്പു​ള്ളി​കൾ ഇപ്പോൾ ജയിലി​ലാ​ണെന്ന്‌ ഇന്ത്യാ ടുഡേ റിപ്പോർട്ട്‌ ചെയ്യു​ക​യും ഇങ്ങനെ വിലപി​ക്കു​ക​യും ചെയ്യുന്നു: “ഈ ദേശത്തെ ഗ്രാമങ്ങൾ യാതൊ​രു ‘നവീന​ത്വ​ത്തി​നും’ നിർമ്മൂ​ല​മാ​ക്കാൻ കഴിയാത്ത മദ്ധ്യകാല ജാതി​പീ​ഡ​ന​ത്തിൽ അഗാധ​മാ​യി വീണു​കി​ട​ക്കു​ന്ന​തിൽ തുടരു​ന്നു​വെ​ന്ന​തി​ന്റെ ശോകാ​ത്മ​ക​മായ ഓർമ്മ​പ്പെ​ടു​ത്ത​ലാ​യി​രു​ന്നു ഇത്‌.” (g91 8/22)

“ജീവി​ത​മാ​കുന്ന സർവ്വക​ലാ​ശാല”

ജോൺ മേജർ 1990 നവംബ​റിൽ പ്രധാ​ന​മ​ന്ത്രി​യാ​വു​ന്ന​തിന്‌ മുമ്പ്‌ അദ്ദേഹം ബ്രിട്ട​നി​ലെ ധനകാര്യ വകുപ്പി​ലെ ചാൻസ​ല​റാ​യി സേവിച്ചു. 16 വയസ്സു​ള്ള​പ്പോൾ അദ്ദേഹം സ്‌ക്കൂൾ വിട്ടു, തുടർന്ന്‌, അദ്ദേഹം സ്വയം സമ്മതി​ക്കുന്ന പ്രകാരം, അദ്ദേഹ​ത്തി​നു വിദ്യാ​ഭ്യാ​സം ലഭിച്ചത്‌ “ജീവി​ത​മാ​കുന്ന സർവക​ലാ​ശാ​ല​യിൽ” നിന്നാണ്‌. “ഒരു പിടി വിദ്യാ​ഭ്യാ​സ​യോ​ഗ്യ​ത​ക​ളുള്ള അനവധി ആളുകളെ എനിക്ക​റി​യാം” എന്ന്‌ പറഞ്ഞിട്ട്‌ അദ്ദേഹം ഇങ്ങനെ കൂട്ടി​ച്ചേർത്തു, “അവരിൽ മിക്കവ​രും പൂർണ്ണ​മാ​യും ഉപയോ​ഗ​ശൂ​ന്യ​രാണ്‌. അവർക്ക്‌ സാമാ​ന്യ​ബോ​ധ​മില്ല. കാര്യങ്ങൾ നേടണ​മെ​ങ്കിൽ ആളുകൾക്ക്‌ ബുദ്ധി​യു​ടെ​യും സാമാ​ന്യ​ബോ​ധ​ത്തി​ന്റെ​യും ഒരു സംയോ​ഗം ആവശ്യ​മാണ്‌. മിക്ക​പ്പോ​ഴും സാമാ​ന്യ​ബോ​ധ​മാണ്‌ കൂടുതൽ പ്രധാ​ന​പ്പെ​ട്ടത്‌.” അദ്ദേഹ​ത്തി​ന്റെ നിരീ​ക്ഷ​ണ​ങ്ങ​ളോട്‌ അനേക​രും പ്രതി​ഷേ​ധി​ച്ചെ​ങ്കി​ലും മുൻ ഹെഡ്‌മാ​സ്‌റ​റ​റാ​യി​രുന്ന ജോൺ റേ ഇങ്ങനെ സമ്മതി​ച്ച​താ​യി ദി ടൈംസ്‌ ഓഫ്‌ ലണ്ടൻ റിപ്പോർട്ട്‌ ചെയ്‌തു: “ഒരു വ്യക്തിയെ ഒരു പ്രത്യേക വിഷയ​ത്തിൽ യോഗ്യ​നാ​ക്കി​ത്തീർക്കു​ന്നു എന്നേ വിദ്യാ​ഭ്യാ​സ​യോ​ഗ്യ​തകൾ അർത്ഥമാ​ക്കു​ന്നു​ള്ളൂ, കൂടു​ത​ലൊ​ന്നു​മില്ല. ചില പണ്ഡിതർ, പ്രത്യേ​കി​ച്ചും സർവക​ലാ​ശാ​ല​ക​ളി​ലു​ള്ളവർ യഥാർത്ഥ​ലോ​ക​വു​മാ​യി ബന്ധമി​ല്ലാ​ത്ത​വ​രാണ്‌ . . . വിദ്യാ​ഭ്യാ​സ​യോ​ഗ്യ​ത​ക​ളി​ല്ലാ​ത്ത​വർക്കാണ്‌ മിക്ക​പ്പോ​ഴും കൂടുതൽ കഴിവു​ള്ള​തെന്ന്‌ ഞാൻ കാണുന്നു.” (g91 9/8)

ഏഷ്യയി​ലെ വന്യജീ​വി​കളെ സംരക്ഷി​ക്കൽ

തായ്‌ലാൻറ്‌ പോലുള്ള ഏഷ്യൻ രാജ്യ​ങ്ങളെ അഭിമു​ഖീ​ക​രി​ക്കുന്ന വെല്ലു​വി​ളി​യാ​ണത്‌. ഏഷ്യാ​വീക്ക്‌ മാസിക പറയു​ന്ന​ത​നു​സ​രിച്ച്‌ അപകട​ത്തി​ലാ​യി​രി​ക്കുന്ന വന്യജീ​വി​ക​ളു​ടെ നിയമ​വി​രുദ്ധ വ്യാപാ​രം മൂലം പ്രകൃ​തിക്ക്‌ വേണ്ടി​യുള്ള ലോക​വ്യാ​പക നിധി തായ്‌ലാൻറി​നെ ഒററ​പ്പെ​ടു​ത്തു​ക​യും അതിനെ ലോകത്തെ “വന്യജീ​വി​ക​ളു​ടെ സൂപ്പർമാർക്ക​ററ്‌” എന്നു വിളി​ക്കു​ക​യും ചെയ്യുന്നു. പ്രത്യ​ക്ഷ​ത്തിൽ സ്വദേ​ശ​ത്തു​ണ്ടാ​കാത്ത വന്യജീ​വി​കളെ തായ്‌ നിയമം സംരക്ഷി​ക്കു​ന്നില്ല; അങ്ങനെ, തായ്‌ലാൻറ്‌ ചുററു​മുള്ള രാജ്യ​ങ്ങ​ളി​ലെ അപകട​ത്തി​ലാ​യി​രി​ക്കുന്ന മൃഗങ്ങ​ളു​ടെ കള്ളക്കട​ത്തു​വ്യാ​പാ​ര​ത്തി​നു പററിയ ഒരു ചാലാ​യി​ത്തീർന്നി​രി​ക്കു​ന്നു. അന്യ​ദേ​ശത്തു നിന്നുള്ള മൃഗങ്ങ​ളെ​യും പക്ഷിക​ളെ​യും വില്‌ക്കുന്ന കമ്പോ​ളങ്ങൾ അവി​ടെ​യുണ്ട്‌; മുതല, ചെറു​തരം മാൻ, കാട്ടു​പന്നി എന്നിങ്ങനെ ആപത്ഭീ​ഷ​ണി​യുള്ള ജീവി​ക​ളു​ടെ ഇറച്ചി​യുൾപ്പെ​ടെ​യുള്ള ‘കാട്ടു​ഭ​ക്ഷണം’ ചില ഭോജ​ന​ശാ​ല​ക്കാർ തങ്ങളുടെ വിഭവ​പ്പ​ട്ടി​ക​യിൽ പ്രമു​ഖ​മാ​യി പ്രദർശി​പ്പി​ക്കു​ക​യും ചെയ്യുന്നു. (g91 8/22)

യുദ്ധവും കളിപ്പാ​ട്ട​വ്യ​വ​സാ​യ​വും

പേർഷ്യൻ ഗൾഫ്‌ യുദ്ധത്തി​ന്റെ ടെലി​വി​ഷൻ വാർത്താ​വ്യാ​പ്‌തി​യാൽ പ്രേരി​ത​മാ​യി ജപ്പാനിൽ യുദ്ധ-കളിപ്പാ​ട്ട​ങ്ങ​ളു​ടെ വില്‌പന മൂന്നി​ര​ട്ടി​യും നാലി​രട്ടി പോലു​മാ​യി വർദ്ധി​ച്ചി​ട്ടുണ്ട്‌. “ഗൾഫ്‌ യുദ്ധ​ത്തെ​ക്കു​റിച്ച്‌ മാദ്ധ്യ​മ​ങ്ങ​ളി​ലൂ​ടെ വന്ന വാർത്തകൾ ഇറാക്കി​നെ​തി​രെ സംയു​ക്ത​സേ​നകൾ ഉപയോ​ഗിച്ച വിമാ​ന​ങ്ങ​ളു​ടെ​യും ടാങ്കു​ക​ളു​ടെ​യും പ്ലാസ്‌റ​റിക്ക്‌ മോഡ​ലു​കൾക്കു​വേണ്ടി കുട്ടി​ക​ളെ​യും അപക്വ​രായ മുതിർന്ന​വ​രെ​യും കളിപ്പാ​ട്ട​ക്ക​ട​ക​ളി​ലേക്ക്‌ ആനയിച്ചു”വെന്ന്‌ ദി ഡയിലി യോമി​യൂ​റി പ്രസ്‌താ​വി​ക്കു​ന്നു. ഏററവും പ്രശസ്‌തി​യുള്ള യുദ്ധക്ക​ളി​പ്പാ​ട്ടങ്ങൾ റഡാറി​നെ ഒഴിഞ്ഞു​മാ​റുന്ന ബോംബർ വിമാ​ന​ങ്ങ​ളാ​യും എഫ്‌-15 ഈഗിൾ ഫൈറ​റ​റി​ന്റെ​യും എം-1 അബ്രാംസ്‌ ടാങ്കി​ന്റെ​യും എപ്പേക്ക്‌ ഹെലി​ക്കോ​പ്‌റ​റ​റി​ന്റെ​യും മോഡ​ലു​ക​ളാ​യി​രു​ന്നു. വർദ്ധിച്ച വില്‌പന വ്യവസാ​യ​ത്തിന്‌ “യുദ്ധ​പ്രേ​മി​കൾ എന്ന നിഷേ​ധാ​ത്മ​ക​മായ ഒരു പ്രതി​ച്ഛായ” നൽകും എന്ന്‌ കളിപ്പാ​ട്ട​ക്ക​ച്ച​വ​ട​ത്തിൽ ഏർപ്പെ​ട്ടി​ട്ടുള്ള ചിലർ ഭയപ്പെ​ടു​ന്നു. (g91 9/8)

മൃഗങ്ങൾ അപകട​ത്തിൽ

“പരിഗ​ണ​ന​യി​ല്ലാത്ത മൃഗവേട്ട മൂലം ചൈന​യിൽ വന്യമൃ​ഗ​ങ്ങ​ളു​ടെ എണ്ണം ചുരു​ങ്ങു​ക​യും അപൂർവ്വ​മൃ​ഗങ്ങൾ വംശനാ​ശത്തെ അഭിമു​ഖീ​ക​രി​ക്കു​ക​യും ചെയ്യുന്നു” എന്ന്‌ ചൈന​യി​ലെ ദേശീയ സമിതി​യി​ലെ പരിസ്ഥി​തി​ക്ക​മ്മി​ററി വെളി​പ്പെ​ടു​ത്തി. ക്വാൻതുങ്ങ്‌ പ്രവി​ശ്യ​യി​ലെ അനേകം ഭോജ​ന​ശാ​ല​ക​ളും കമ്പോ​ള​ങ്ങ​ളും സ്വകാര്യ വ്യാപാ​ര​ങ്ങ​ളും പരി​ശോ​ധി​ച്ച​തി​നു ശേഷം അവിടെ അപൂർവ മൃഗങ്ങ​ളു​ടെ വധവും വിൽപ്പ​ന​യും തുടർന്നു​കൊ​ണ്ടി​രി​ക്കു​ന്നു​വെന്ന്‌ പരി​ശോ​ധ​ക​രു​ടെ ഒരു സംഘം അടുത്ത​കാ​ലത്തു കണ്ടുപി​ടി​ച്ചു. ചൈനാ ടുഡേ പറയു​ന്ന​ത​നു​സ​രിച്ച്‌ “മുതല, ഉടുമ്പ്‌, കുരങ്ങ്‌, വെരുക്‌ എന്നിവ​യുൾപ്പെടെ 1,286 അപൂർവ്വ മൃഗങ്ങൾ പ്രവി​ശ്യ​യി​ലെ 11 നഗരങ്ങ​ളിൽ കൊല്ല​പ്പെ​ടു​ക​യോ, വില്‌ക്ക​പ്പെ​ടു​ക​യോ ഒളിച്ചു​ക​ട​ത്ത​പ്പെ​ടു​ക​യോ ചെയ്‌തി​ട്ടു​ണ്ടെന്ന്‌ പ്രവി​ശ്യാ വനസം​രക്ഷണ കാര്യാ​ലയം റിപ്പോർട്ട്‌ ചെയ്‌തു.” ‘ചില ഓഫീ​സർമാ​രുൾപ്പെടെ ചില ആളുകൾ വന്യമൃ​ഗ​ങ്ങളെ സംരക്ഷി​ക്കു​ന്ന​തി​ന്റെ പ്രാധാ​ന്യം പൂർണ്ണ​മാ​യും മനസ്സി​ലാ​ക്കു​ന്നില്ല. അവരുടെ വീക്ഷണ​ത്തിൽ വന്യമൃ​ഗങ്ങൾ ആർക്കും അവകാ​ശ​പ്പെ​ട്ട​ത​ല്ലാ​ത്ത​തി​നാൽ എല്ലാവർക്കും അവയെ വേട്ടയാ​ടാം,’ എന്ന്‌ ചൈനാ എൻവയൺമെൻറൽ ന്യൂസ്‌ സൂചി​പ്പി​ച്ചു. (g91 9/8)

ശൂന്യാ​കാ​ശ​ത്തിൽ ചപ്പുച​വ​റു​കൾ

ഭൂമിയെ ചുററുന്ന മനുഷ്യ​നിർമ്മിത അവശി​ഷ്ട​ങ്ങ​ളു​ടെ അളവേ​റി​വ​രു​ന്ന​തിൽ ശാസ്‌ത്രജ്ഞർ ഉൽക്കണ്‌ഠാ​കു​ല​രാണ്‌. ഇത്തരത്തി​ലുള്ള അവശി​ഷ്ട​ങ്ങ​ളും ഒരു ശൂന്യാ​കാശ പേടക​വു​മാ​യുള്ള ഒരു കൂട്ടി​മു​ട്ട​ലിന്‌ ബഹിരാ​കാശ യാത്രി​ക​രു​ടെ മരണത്തി​ലോ അല്ലെങ്കിൽ ബഹിരാ​കാശ ദൗത്യത്തെ അപകട​പ്പെ​ടു​ത്തു​ന്ന​തി​ലോ പരിണ​മി​ക്കാൻ കഴിയും. ഒരു ടെന്നീസ്‌ പന്തി​നേ​ക്കാൾ വലിപ്പ​മുള്ള ഏതാണ്ട്‌ 7,000 വസ്‌തു​ക്ക​ളും അതി​നേ​ക്കാൾ ചെറിയ 35 ലക്ഷത്തോ​ളം ഘടകങ്ങ​ളും ബഹിരാ​കാ​ശത്ത്‌ ഒഴുകി നടപ്പു​ണ്ടെന്ന്‌ ഗവേഷകർ കണക്കാ​ക്കു​ന്നു. “പെയിൻറ്‌ കഷണങ്ങൾക്ക്‌ പോലും അപകടം വരുത്താൻ കഴിയും, കാരണം അവ ബഹിരാ​കാ​ശ​ത്തു​കൂ​ടി മണിക്കൂ​റിൽ 60,000 കി.മീ. വേഗത​യി​ലാണ്‌ പായു​ന്നത്‌” എന്ന്‌ സിഡ്‌ഢ​യി​ഷെ സെയി​ത്തുംഗ്‌ എന്ന വർത്തമാ​ന​പ്പ​ത്ര​ത്തിൽ മ്യൂണി​ച്ചിൽ പ്രത്യ​ക്ഷ​പ്പെട്ട ലേഖന​ത്തി​ന്റെ ദി ജർമ്മൻ ട്രിബ്യൂ​ണൽ വന്ന ഒരു പരിഭാഷ കുറി​ക്കൊ​ള്ളു​ന്നു. ഭൂമിയെ ചുററുന്ന വർദ്ധിച്ച തോതി​ലുള്ള മനുഷ്യ​നിർമ്മിത അവശി​ഷ്ട​ങ്ങ​ളു​ടെ പരസ്‌പ​ര​മുള്ള കൂട്ടി​മു​ട്ട​ലിന്‌ “ശനി ഗ്രഹത്തി​നു ചുററു​മുള്ള വളയങ്ങൾ പോലെ ഭൂമിക്കു ചുററും പൊടി കൊണ്ടുള്ള വിശാ​ല​മായ ഒരു വളയ”മായി​ത്തീ​രാൻ കഴിയും. (g91 9/8)

ഡേററിംഗ്‌ ഇന്ത്യയിൽ

ഇന്ത്യയിൽ ഡേററിംഗ്‌ വർദ്ധിച്ച തോതിൽ ജനപ്രീ​തി​നേ​ടി​ക്കൊ​ണ്ടി​രി​ക്കു​ന്നു, കൂടാതെ അത്‌ ഇപ്പോൾ ജീവി​ത​ത്തി​ലെ ഒരു വസ്‌തു​ത​യാ​യി ചിലർ അംഗീ​ക​രി​ക്കു​ന്ന​താ​യും തോന്നു​ന്നു. ഒരു ദശാബ്ദം മുമ്പ്‌ ദമ്പതികൾ കൈപി​ടിച്ച്‌ ചേർന്നു നടക്കു​ന്നത്‌ കാണു​ന്നത്‌ “ഒരപൂർവ്വ പക്ഷിയെ കണ്ടെത്തു​ന്നതു പോ​ലെ​യാ​യി​രു​ന്നു. ഈ നാളു​ക​ളിൽ അവർ കുരു​വി​ക​ളെ​പ്പോ​ലെ​തന്നെ സാധാ​ര​ണ​മാണ്‌” എന്ന്‌ ഇന്ത്യാ ടുഡേ എന്ന മാസിക കുറി​ക്കൊ​ള്ളു​ന്നു. ഡേററിംഗ്‌ നടത്തുന്ന ദമ്പതി​കളെ ഇപ്പോൾ പൊതു ബീച്ചു​ക​ളി​ലും പാർക്കു​ക​ളി​ലും സിനിമാ തീയേ​റ​റ​റു​ക​ളി​ലും ലഘുഭ​ക്ഷ​ണ​ശാ​ല​ക​ളി​ലും കണ്ടെത്തി​യേ​ക്കാം. ഗാഢസൗ​ഹൃ​ദ​ത്തി​ന്റെ പരസ്യ പ്രകട​നങ്ങൾ വളരെ സാധാ​ര​ണ​മാണ്‌. ഇന്ത്യൻ സമൂഹ​ത്തി​ലെ ഈ മാററ​ത്തി​നു കാരണം സ്‌ക്കൂ​ളു​ക​ളി​ലെ​യും കോ​ളേ​ജു​ക​ളി​ലെ​യും കൂട്ടു​കാ​രിൽ നിന്നുള്ള സമ്മർദ്ദ​വും വെട്ടി​ത്തു​റന്ന ലൈം​ഗിക സിനി​മ​ക​ളു​ടെ​യും ടെലി​വി​ഷൻ പരിപാ​ടി​ക​ളു​ടെ​യും വർദ്ധന​വു​മാ​ണെന്ന്‌ ചിലർ ആരോ​പി​ക്കു​ന്നു. (g91 9/8)

ലൈം​ഗിക വൈകൃ​തം കാട്ടുന്ന പുരോ​ഹി​തർക്ക്‌ സംരക്ഷണം?

“കുട്ടി​കളെ കരുക്ക​ളാ​ക്കി​ക്കൊ​ണ്ടുള്ള ലൈം​ഗിക വൈകൃ​തം ആരോ​പി​ക്ക​പ്പെ​ട്ടി​ട്ടുള്ള പുരോ​ഹി​തർക്ക്‌ ചില രൂപതകൾ ഇപ്പോ​ഴും സംരക്ഷണം നൽകുന്നു,” എന്നതാ​യി​രു​ന്നു നാഷണൽ കാത്തലിക്ക്‌ റിപ്പോർട്ടർ എന്ന അമേരി​ക്കൻ വർത്തമാ​ന​പ്പ​ത്ര​ത്തി​ലെ അടുത്ത​കാ​ലത്തെ ഒരു തലക്കെട്ട്‌. ഈ പത്രം ലൈം​ഗിക ദുർവ്വി​നി​യോ​ഗ​ത്തി​ന്റെ കേസു​ക​ളിൽ പ്രാവീ​ണ്യ​മുള്ള ഒരു വക്കീലായ ജെഫ്രി ആൻഡേ​ഴ്‌സ​ണു​മാ​യി അഭിമു​ഖ​സം​ഭാ​ഷണം നടത്തി. പുരോ​ഹി​തൻമാ​രു​ടെ ലൈം​ഗിക വൈകൃ​തം വർദ്ധിച്ച തോതിൽ പൊതു​ജ​ന​ത്തി​ന്റെ സൂക്ഷ്‌മ​നി​രീ​ക്ഷ​ണ​ത്തിന്‌ വിധേ​യ​മായ 1985 മുതൽ പുരോ​ഹി​തൻമാർ ലൈം​ഗി​ക​മാ​യി കുട്ടി​കളെ ശല്യം ചെയ്‌ത ആയിര​ത്തി​ല​ധി​കം കേസു​ക​ളു​ണ്ടാ​യി​ട്ടു​ണ്ടെന്ന്‌ അദ്ദേഹം കണക്കാ​ക്കു​ന്നു. തുടർന്നു​കൊ​ണ്ടി​രി​ക്കുന്ന ഈ പ്രതി​സ​ന്ധി​യോ​ടുള്ള സഭയുടെ പ്രതി​ക​ര​ണ​ത്തെ​പ്പ​ററി ആൻഡേ​ഴ്‌സന്‌ ചില പരുഷ​മായ വാക്കു​ക​ളു​ണ്ടാ​യി​രു​ന്നു: “ഉത്തരവാ​ദി​ത്തം ഒഴിവാ​ക്കു​ന്ന​തി​ന്റെ തുടർന്നു​കൊ​ണ്ടി​രി​ക്കുന്ന ഒരു ഇതിഹാ​സ​ക​ഥ​യാണ്‌ ഇത്‌” എന്ന്‌ കുററം ആരോ​പി​ക്ക​പ്പെട്ട പുരോ​ഹി​തരെ സംരക്ഷി​ക്കു​ന്ന​തി​നുള്ള സഭയുടെ ഊന്നലി​നെ നിന്ദി​ച്ചു​കൊണ്ട്‌ അദ്ദേഹം കുററ​പ്പെ​ടു​ത്തി. “ഒരു പൊതു തത്വമെന്ന നിലയിൽ ഇരയാ​യ​വരെ പരിച​രി​ക്കു​ന്ന​തി​ലും അപകട​ങ്ങളെ കൈകാ​ര്യം ചെയ്യു​ന്ന​തി​ലും സഭയുടെ സ്ഥാപന​പ​ര​മായ പ്രതി​ക​രണം കരുതി​ക്കൂ​ട്ടി അപര്യാ​പ്‌ത​മാ​യി​ട്ടാ​ണി​രി​ക്കു​ന്നത്‌.” (g91 8/22)