കുടും​ബാ​സൂ​ത്രണം ഒരു ആഗോള പ്രശ്‌നം ആയിത്തീ​രു​ന്നു

“കുടും​ബാ​സൂ​ത്ര​ണ​ത്തിന്‌ ഇന്നു മനുഷ്യ​വർഗ്ഗ​ത്തി​നു ലഭ്യമാ​യി​രി​ക്കുന്ന ഏതു ‘സാങ്കേ​തി​ക​വി​ദ്യ’യേക്കാ​ളും കൂടുതൽ പ്രയോ​ജ​നങ്ങൾ കുറഞ്ഞ ചിലവിൽ കൂടുതൽ ആളുകൾക്കു ലഭ്യമാ​ക്കി​ത്തീർക്കാൻ കഴിയും. . . . ജനസം​ഖ്യാ​പ്ര​ശ്‌നം എന്ന ഒരു സംഗതി ഇല്ലായി​രു​ന്നെ​ങ്കിൽത്ത​ന്നെ​യും ഇക്കാര്യം മേലാ​ലും വാസ്‌ത​വ​മാ​യി​രി​ക്കും.”—ലോക​ത്തി​ലെ കുട്ടി​ക​ളു​ടെ അവസ്ഥ 1992 (The State of the World’s Children 1992).

പണ്ടുകാ​ല​ങ്ങ​ളിൽ കൂടുതൽ കൂട്ടികൾ ഉണ്ടായി​രി​ക്കു​ന്നത്‌ ശ്രേഷ്‌ഠ​മാ​യി കണക്കാ​ക്കി​യി​രു​ന്നു. ഏതാണ്ടു നാലാ​യി​രം വർഷങ്ങൾക്കു മുമ്പു റിബെക്ക യിസഹാ​ക്കി​നെ വിവാഹം ചെയ്യു​ന്ന​തി​നു​വേണ്ടി മെസൊ​പ്പൊ​ത്താ​മ്യ​ക്കു പുറ​പ്പെ​ടു​മ്പോൾ അവളുടെ അമ്മയും സഹോ​ദ​ര​നും പിൻവ​രുന്ന വാക്കു​ക​ളിൽ അവളെ അനു​ഗ്ര​ഹി​ച്ചു: “സഹോ​ദരീ, നീ അനേകാ​യി​ര​മാ​യി തീരുക.” (ഉല്‌പത്തി 24:60) കാലം മാറി​യി​രി​ക്കു​ന്നു. ഇന്നു കൂടുതൽ സ്‌ത്രീ​ക​ളും പറയു​ന്നത്‌ അവർക്കു വളരെ കുറച്ചു കുട്ടികൾ മതി​യെ​ന്നാണ്‌.

“ഞാൻ ഏഴു മക്കളിൽ മൂന്നാ​മ​ത്ത​വ​ളാ​യി​രു​ന്നു,” എന്നു 22 വയസ്സു​കാ​രി​യും ഒരു പെൺകു​ഞ്ഞി​ന്റെ അമ്മയു​മായ ഇൻഡോ​നേ​ഷ്യ​ക്കാ​രി ബൂ പറയുന്നു. “എന്റെ പിതാവ്‌ മദ്ധ്യ ജാവയി​ലെ ക്ലാററ​നിൽ, കരിമ്പിൻനീര്‌ വിൽപ്പ​ന​ക്കാ​ര​നാ​യി​രു​ന്നു, എന്റെ മാതാ​പി​താ​ക്കൾ ഇപ്രകാ​രം അതിമാ​ത്ര സന്താന​ങ്ങളെ വളർത്തി​യെ​ടു​ക്കാൻ വളരെ കഷ്ടപ്പാടു സഹിച്ചു. . . . കുറച്ചു കൂട്ടി​കളെ ഉള്ളു എങ്കിൽ കുടും​ബം പുലർത്താൻ എളുപ്പ​മാണ്‌.”

ബൂവിന്റെ മനോ​ഭാ​വം മുഴു​ലോ​ക​ത്തി​ലു​മുള്ള മാതാ​പി​താ​ക്ക​ളു​ടേ​തി​നു സമാന​മാണ്‌. എപ്പോൾ കുട്ടികൾ ഉണ്ടാകാൻ തുടങ്ങണം, എത്രപേർ വേണം, എത്ര ഇടവേ​ളക്കു ശേഷം അവരു​ണ്ടാ​കണം, എപ്പോൾ നിർത്തണം എന്നതി​നേ​ക്കു​റി​ച്ചെ​ല്ലാം അധിക​മ​ധി​ക​മാ​യി ദമ്പതികൾ ആസൂ​ത്രണം ചെയ്യാൻ ആഗ്രഹി​ക്കു​ന്നു. വികസ്വ​ര​രാ​ജ്യ​ങ്ങ​ളിൽ ഗർഭനി​രോ​ധന വസ്‌തു​ക്ക​ളു​ടെ സ്വമേ​ധയാ ഉള്ള ഉപയോ​ഗം 1960-കളിലെ പത്തുശ​ത​മാ​നം ദമ്പതി​ക​ളിൽനി​ന്നും ഇന്ന്‌ 51 ശതമാ​ന​മാ​യി നാടകീ​യ​മായ തോതിൽ ഉയർന്നി​രി​ക്കു​ന്ന​താ​യി സൂചി​പ്പി​ക്കുന്ന യുഎൻ-ന്റെ സ്ഥിതി​വി​വ​ര​ണ​ക്ക​ണ​ക്കു​ക​ളിൽ ഇതു പ്രതി​ഫ​ലി​ക്കു​ന്നു.

കുടും​ബാ​സൂ​ത്രണം വർദ്ധി​പ്പി​ക്കു​ന്ന​തിൽ ഗവൺമെൻറു​ക​ളും അതീവ തല്‌പ​ര​രാണ്‌. വികസ്വ​ര​രാ​ജ്യ​ങ്ങ​ളിൽ പകുതി​യിൽ അധിക​വും ജനസം​ഖ്യാ വർദ്ധനവു കുറക്കു​ന്ന​തി​നാ​യി പദ്ധതികൾ ആവിഷ്‌ക്ക​രി​ക്കു​ക​യാണ്‌. ജനസം​ഖ്യാ-നിയന്ത്രണ പദ്ധതി​കൾക്കാ​യി ഒരു വർഷം ചിലവാ​ക്കുന്ന മൊത്തം തുക ഇപ്പോൾ ഏതാണ്ട്‌ 450,00,00,000 അമേരി​ക്കൻ ഡോള​റാണ്‌ എന്നു ജനസം​ഖ്യാ​നി​ധി കണക്കാ​ക്കു​ന്നു. ഭാവി ആവശ്യ​ങ്ങളെ നേരി​ടു​ന്ന​തിന്‌, 2000-ാം ആണ്ടോടെ ഈ തുക ഇരട്ടി​ക്കും എന്നാണ്‌ അധികാ​രി​കൾ പ്രതീ​ക്ഷി​ക്കു​ന്നത്‌.

ജനനനി​ര​ക്കു നിയ​ന്ത്രി​ക്കു​ന്ന​തിൽ ജനതക​ളും വ്യക്തി​ക​ളും ഇത്രമാ​ത്രം തല്‌പ​ര​രാ​യി​രി​ക്കു​ന്നത്‌ എന്തു​കൊണ്ട്‌? ഈ പ്രധാന വിഷയത്തെ സംബന്ധിച്ച ക്രിസ്‌തീയ വീക്ഷണം എന്താണ്‌? പിൻവ​രുന്ന രണ്ടു ലേഖനങ്ങൾ ഈ ചോദ്യ​ങ്ങൾ പരിചി​ന്തി​ക്കും.