ബലാൽസം​ഗത്തെ തരണം​ചെ​യ്യേണ്ട വിധം

മുപ്പത്തിമൂന്നു വർഷങ്ങൾക്കു മുമ്പു മേരിയെ കത്തികാ​ട്ടി ഭീഷണി​പ്പെ​ടു​ത്തി ബലാൽസം​ഗം ചെയ്‌തു. ഇന്നും ആ സംഭവ​ത്തെ​പ്പ​ററി വിവരി​ക്കു​മ്പോൾ മേരി​യു​ടെ ഹൃദയ​മി​ടി​പ്പു വർദ്ധി​ക്കു​ക​യും ഉള്ളംകൈ വിയർക്കു​ക​യും ചെയ്യുന്നു. “അത്‌ ഒരു സ്‌ത്രീക്ക്‌ അനുഭ​വി​ക്കാൻ കഴിയു​ന്ന​തി​ലേ​ക്കും ഏററവും ഹീനമായ കാര്യ​മാണ്‌,” എന്നു അവൾ വിതു​മ്പി​ക്കൊ​ണ്ടു പറയുന്നു. “അതു മ്ലേച്ഛവും ഭയാന​ക​വു​മായ ഒരു സംഗതി​യാണ്‌.”

ബലാൽസം​ഗം ഒരു വ്യക്തി​യു​ടെ ജീവി​ത​ത്തിൽ ഏററവു​മ​ധി​കം തകർത്തു​ക​ള​യുന്ന വൈകാ​രിക സംഭവ​ങ്ങ​ളിൽ ഒന്നായി​രി​ക്കാൻ കഴിയും, കൂടാതെ അതിന്റെ ഫലങ്ങൾ ജീവി​ത​കാ​ലം മുഴുവൻ നിലനിൽക്കാൻ ഇടയുണ്ട്‌. ഒരു പഠനത്തിൽ, ഇൻറർവ്യൂ ചെയ്‌ത ബലാൽസംഗ അതിജീ​വ​ക​രിൽ മൂന്നിൽ ഒന്ന്‌ ആത്മഹത്യ​യെ​ക്കു​റി​ച്ചു പരിചി​ന്തി​ക്കു​ക​യു​ണ്ടാ​യി, ബഹുഭൂ​രി​പക്ഷം അവരുടെ ജീവി​തത്തെ ഈ അനുഭവം എന്നന്നേ​ക്കു​മാ​യി മാററി​മ​റി​ച്ച​താ​യും പറഞ്ഞു.

അക്രമി സ്‌ത്രീ അറിയു​ന്ന​വ​നാ​ണ​ങ്കിൽ ഫലങ്ങൾ പ്രത്യേ​കി​ച്ചും ആഘാത​മേൽപ്പി​ക്കു​ന്ന​താണ്‌. പരിചി​ത​നായ ഒരുവ​നാൽ ബലാൽസം​ഗ​ത്തിന്‌ ഇരയാ​യ​വൾക്കു മററു​ള്ള​വ​രിൽ നിന്നു പിന്തുണ ലഭിക്കാൻ സാധ്യത കുറവാണ്‌ കാരണം ഒന്നുകിൽ സംഭവി​ച്ച​തെ​ന്താ​ണന്ന്‌ അവൾ ആരോ​ടും പറയു​ന്നില്ല അഥവാ പറഞ്ഞാൽ അതു ബലാൽസം​ഗ​മാ​യി​രു​ന്നു​വെന്ന്‌ ആരും വിശ്വ​സി​ക്കു​ക​യു​മില്ല. അവൾ വിശ്വ​സി​ച്ചി​രുന്ന ഒരുവ​നാൽ ദ്രോ​ഹി​ക്ക​പ്പെ​ട്ട​തി​നാൽ സ്വയം പഴിചാ​രു​ന്ന​തി​നും മററു​ള്ള​വരെ വിലയി​രു​ത്തു​ന്ന​തി​നുള്ള തന്റെ കഴിവി​നെ സംശയി​ക്കു​ന്ന​തി​നും കൂടുതൽ സാദ്ധ്യ​ത​യുണ്ട്‌.

സഹായം സ്വീക​രി​ക്കു​ക

ബലാൽസം​ഗത്തെ അതിജീ​വി​ക്കുന്ന അനേക​രും തുടക്ക​ത്തിൽ നടുക്ക​ത്താ​ലൊ നിഷേ​ധ​ത്താ​ലൊ പ്രതി​ക​രി​ക്കു​ന്നു. ഒരു സ്‌ത്രീ ബലാൽസം​ഗം ചെയ്യ​പ്പെ​ട്ടതു പ്രധാ​ന​മായ ഒരു കോ​ളെജ്‌ പരീക്ഷക്കു തൊട്ടു മുമ്പാ​യി​രു​ന്നു. പരീക്ഷ കഴിയു​ന്ന​തു​വരെ അവൾ ആ സംഭവത്തെ മനസ്സിൽ നിന്നും മാററി നിർത്തി. ബലാൽസം​ഗത്തെ അതിജീ​വിച്ച മറെറാ​രു സ്‌ത്രീ പറഞ്ഞു: “അതി​നെ​പ്പ​ററി എന്തെങ്കി​ലും ഓർമ്മി​ക്കു​ന്ന​തി​നു​പോ​ലും എന്നെ അനുവ​ദി​ക്കു​വാൻ എനിക്കു കഴിഞ്ഞില്ല കാരണം ഞാൻ വിശ്വ​സി​ച്ചി​രു​ന്നവൻ എന്റെ കൺമു​മ്പിൽ അക്രമി​യാ​യി മാറി. നിങ്ങൾ അറിയുന്ന ആരാ​ലെ​ങ്കി​ലും നിങ്ങൾ ബലാൽസം​ഗം ചെയ്യ​പ്പെ​ടാ​മെ​ന്നത്‌ എനിക്ക​റി​ഞ്ഞു​കൂ​ടാ​യി​രു​ന്നു. അതു നിസ്സാ​ര​മാ​ണെന്നു തോന്നി​യേ​ക്കാം പക്ഷേ ആ വിശ്വാ​സം എന്റെ പ്രത്യാ​ശയെ എല്ലാം തകർത്തു. എനിക്കു വളരെ ഏകാന്തത അനുഭ​വ​പ്പെട്ടു.”

ചില സ്‌ത്രീ​കൾ ബലാൽസം​ഗം ചെയ്യ​പ്പെ​ട്ട​തി​നേ​പ്പ​ററി ആരോ​ടും പറയാതെ സംഭവി​ച്ച​തെ​ന്താ​ണെ​ന്നു​ള്ളതു നിഷേ​ധി​ച്ചു​കൊ​ണ്ടി​രി​ക്കു​ന്നു. അവർ ഈ ആക്രമ​ണത്തെ വർഷങ്ങ​ളോ​ളം അടക്കി​വെ​ക്കു​ന്ന​തി​നാൽ ശമന നടപടി​കൾക്കു താമസം വരുത്തു​ക​യും ബലാൽസം​ഗ​ത്തി​ന്റെ ഫലമായി ഉരുത്തി​രി​യു​ന്ന​താ​ണെന്ന്‌ അവൾ തിരി​ച്ച​റി​യാത്ത മററു വൈകാ​രിക പ്രശ്‌ന​ങ്ങൾക്ക്‌ ഇടവരു​ത്തു​ക​യും ചെയ്യുന്നു.

മററു​ള്ള​വ​രോ​ടു പറയു​ന്ന​തു​വരെ സാധാ​ര​ണ​ഗ​തി​യിൽ പൂർവ്വ​സ്ഥി​തി​യി​ലേ​ക്കുള്ള ഗമനം തുടങ്ങു​ന്നില്ല. നിങ്ങൾക്കു സംഭവി​ച്ചതു ബലാൽസം​ഗ​മാ​യി​രു​ന്നെ​ന്നും അതു നിങ്ങളു​ടെ കുററ​മ​ല്ലാ​യി​രു​ന്നെ​ന്നും കാണാൻ നിങ്ങളെ സഹായി​ക്കു​ന്ന​തിന്‌ ഒരു വിശ്വസ്‌ത സുഹൃ​ത്തി​നു കഴിയും. ഒരു പഴയ സദൃശ​വാ​ക്യം പ്രസ്‌താ​വി​ക്കു​ന്നു: “സ്‌നേ​ഹി​തൻ എല്ലാകാ​ല​ത്തും സ്‌നേ​ഹി​ക്കു​ന്നു; അനർത്ഥ​കാ​ലത്തു അവൻ സഹോ​ദ​ര​നാ​യ്‌തീ​രു​ന്നു.” (സദൃശ​വാ​ക്യ​ങ്ങൾ 17:17) കൂടാതെ, ആത്മീയ ഇടയൻമാർക്ക്‌ “കാററി​ന്നു ഒരു മറവും പിശറി​ന്നു ഒരു സങ്കേത​വും ആയി”രിക്കാൻ കഴിയും. (യെശയ്യാ​വു 32:2; 1 തെസ്സ​ലൊ​നീ​ക്യർ 5:14) ചില ഇരകൾക്കു തങ്ങളുടെ വികാ​ര​ങ്ങളെ നേരി​ടു​ന്ന​തി​നും മനസ്സി​ലാ​ക്കു​ന്ന​തി​നും വേണ്ടി ബലാൽസം​ഗ​ത്തിന്‌ ഇരയാ​യ​വരെ സഹായി​ക്കുന്ന ഒരു കേന്ദ്ര​ത്തെ​യൊ അങ്ങനെ​യു​ള്ള​വർക്കു മാർഗ്ഗ​നിർദ്ദേശം നൽകുന്ന ഒരു ആലോ​ച​ന​ക്കാ​ര​നെ​യൊ സമീപി​ക്കേ​ണ്ടത്‌ ആവശ്യ​മാ​യി​വ​ന്നേ​ക്കാം.

അതിജീ​വ​കർ കുററ​ബോ​ധം​നി​മി​ത്തം മിക്ക​പ്പോ​ഴും അതി​നെ​പ്പ​ററി പറയാൻ ഭയപ്പെ​ടു​ന്നു, ആക്രമണ സമയത്ത്‌ അവർ ലൈം​ഗി​ക​മാ​യി ഉത്തേജി​ത​രാ​യെ​ങ്കിൽ വിശേ​ഷി​ച്ചും. തങ്ങൾ കളങ്കി​ത​രാ​ണ​ന്നും പ്രയോ​ജ​ന​മി​ല്ലാ​ത്ത​വ​രാ​ണെ​ന്നും അവർക്കു തോന്നു​ക​യും ബലാൽസം​ഗ​ത്തി​നു തങ്ങളെ​ത്തന്നെ പഴിചാ​രു​ക​യും ചെയ്‌തേ​ക്കാം—അപരാധി ബലാൽസം​ഗ​ക്കാ​ര​ന​ല്ലാ​തെ മററാ​രു​മ​ല്ലെ​ങ്കിൽ പോലും.

“സംസാ​രി​ക്കാൻ ഒരു നല്ല സുഹൃ​ത്തു​ണ്ടാ​യതു വ്യത്യാ​സം വരുത്തി,” ഒരു സഹ ക്രിസ്‌ത്യാ​നി​യിൽ വിശ്വാ​സം​വെച്ച മേരി പറഞ്ഞു. “എനിക്ക്‌ അവളോ​ടു സംസാ​രി​ക്കാ​നും അറപ്പു​തോ​ന്നാ​തി​രി​ക്കാ​നും ബലാൽസം​ഗം ചെയ്‌ത​പ്പെ​ട്ട​തു​സം​ബ​ന്ധിച്ച്‌ അപമാനം തോന്നാ​തി​രി​ക്കാ​നും കഴിഞ്ഞു.”

അവൾക്കു പിൻതുണ നല്‌കുക

നേരെ​മ​റിച്ച്‌ ഇരയുടെ സുഹൃ​ത്തു​ക്കൾ അവളെ സംശയി​ക്കു​ക​യും അവൾ “വാസ്‌ത​വ​മാ​യും ബലാൽസം​ഗം ചെയ്യ​പ്പെ​ടു​ക​തന്നെ ആയിരു​ന്നോ” എന്നു തങ്ങൾ തന്നെ തീരു​മാ​നി​ക്കു​ക​യു​മാ​ണെ​ങ്കിൽ അതു അനുചി​ത​വും സ്‌നേ​ഹ​ര​ഹി​ത​വും ആയിരി​ക്കും. അവൾ അത്‌ ആസ്വദി​ച്ച​താ​യോ ദുർമ്മാർഗ്ഗി ആയിരു​ന്ന​താ​യോ ഒരിക്ക​ലും സൂചി​പ്പി​ക്ക​രുത്‌. സഹായം ആവശ്യ​പ്പെ​ടു​മ്പോൾ ഒരു സുഹൃ​ത്തി​നു ചെയ്യാൻ കഴിയുന്ന ഏററവും പ്രധാ​ന​കാ​ര്യം അവളെ വിശ്വ​സി​ക്കുക എന്നതാണ്‌. അവളെ ധൈര്യ​പ്പെ​ടു​ത്തുക. അവൾ സംസാ​രി​ക്കാൻ ആഗ്രഹി​ക്കു​മ്പോൾ ചെവി​കൊ​ടു​ക്കുക എന്നാൽ കൂടുതൽ വിശദാം​ശ​ങ്ങൾക്കാ​യി അവളു​ടെ​മേൽ സമ്മർദ്ദം ചെലു​ത്ത​രുത്‌.

ബലാൽസം​ഗം നടന്നത്‌ അടുത്ത​കാ​ല​ത്താ​ണ​ങ്കിൽ ഇരയെ വൈദ്യ​സ​ഹാ​യം തേടു​ന്ന​തി​നു സഹായി​ക്കു​ന്ന​തി​നും സുരക്ഷി​ത​മായ താമസ​സ്ഥലം പ്രദാനം ചെയ്യു​ന്ന​തി​നും സുഹൃ​ത്തു​ക്കൾക്കു കഴിയും. ബലാൽസം​ഗ​ത്തെ​പ്പ​ററി റിപ്പോർട്ടു ചെയ്യു​ന്ന​തിന്‌ അവളെ പ്രോ​ത്സാ​ഹി​പ്പി​ക്കുക എങ്കിലും, അവൾ തന്നെ തീരു​മാ​നം എടുക്കട്ടെ. സകല നിയ​ന്ത്ര​ണ​ങ്ങ​ളും തകർന്ന​ടിഞ്ഞ ഒരു സാഹച​ര്യ​ത്തിൽനി​ന്നും അവൾ പുറത്തു​വ​ന്ന​തേ​യു​ള്ളു. അടുത്ത​താ​യി ചെയ്യേ​ണ്ട​തെ​ന്താ​ണന്നു തീരു​മാ​നി​ക്കാൻ അവൾക്കു സ്വാത​ന്ത്ര്യം നൽകി​ക്കൊ​ണ്ടു കുറെ നിയ​ന്ത്രണം വീണ്ടെ​ടു​ക്കാൻ അവളെ അനുവ​ദി​ക്കുക.

ബലാൽസം​ഗ​ത്തി​നി​ര​യാ​യ​വ​രു​ടെ കുടും​ബങ്ങൾ സന്ദർഭത്തെ വൈകാ​രി​ക​മാ​യി നേരി​ടു​ന്ന​തി​നുള്ള പ്രേര​ണയെ തടുക്കണം. അവർ ബലാൽസം​ഗ​ത്തിന്‌ ആരെ​യെ​ങ്കി​ലും പഴിചാ​രാ​നൊ ബലാൽസം​ഗ​ക്കാ​ര​നോ​ടു പ്രതി​കാ​രം ചെയ്യു​ന്ന​തി​നാ​യി ഇറങ്ങി​ത്തി​രി​ക്കാ​നൊ ആഗ്രഹി​ച്ചേ​ക്കാം. ഈ രണ്ടു മാർഗ്ഗ​വും ഇരക്കു പ്രയോ​ജനം ചെയ്യു​ന്നില്ല. (റോമർ 12:19) സംഭവി​ച്ച​തിൽ ബലാൽസം​ഗ​ക്കാ​രനെ അല്ലാതെ മററാ​രെ​യെ​ങ്കി​ലും പഴിചാ​രു​ന്നതു വ്യർത്ഥ​മാണ്‌, പ്രതി​കാ​രം ചെയ്യാൻ ഇറങ്ങി​ത്തി​രി​ക്കു​ന്നത്‌ അപകട​ക​ര​വു​മാണ്‌. അത്‌ അതിജീ​വി​ക്കു​ന്നവൾ പൂർവ്വ​സ്ഥി​തി പ്രാപി​ക്കു​ന്ന​തിൽ ശ്രദ്ധ കേന്ദ്രീ​ക​രി​ക്കു​ന്ന​തി​നു പകരം അവൾ തന്റെ പ്രിയ​പ്പെ​ട്ട​വ​രു​ടെ സുരക്ഷി​ത​ത്വം​സം​ബ​ന്ധി​ച്ചു വ്യാകു​ല​പ്പെ​ടാൻ ഇടയാ​ക്കും.

പല അതിജീ​വ​ക​രും അതിനു​ശേഷം ലൈം​ഗിക ബന്ധങ്ങളെ വ്യത്യ​സ്‌ത​മാ​യി കാണു​ന്നു​വെ​ന്ന​തും കുടും​ബാം​ഗങ്ങൾ അറിഞ്ഞി​രി​ക്കണം. അവരുടെ മനസ്സിൽ ലൈം​ഗി​കത ഒരു ആയുധ​മാ​യി​ത്തീർന്നി​രി​ക്കു​ന്നു, അവർ സ്‌നേ​ഹി​ക്കു​ക​യും വിശ്വ​സി​ക്കു​ക​യും ചെയ്യു​ന്ന​വ​രു​മാ​യി പോലും ലൈം​ഗി​ക​ബന്ധം പുലർത്തു​ന്നത്‌ ഒരു സമയം​വരെ അവർക്കു പ്രയാ​സ​മാ​യി​ത്തീ​രു​ക​യും ചെയ്‌തേ​ക്കാം. അക്കാര​ണ​ത്താൽ ഭാര്യ അതിനു തയ്യാറാ​കു​ന്ന​തു​വരെ ലൈം​ഗിക പ്രവർത്തനം പുനഃ​സ്ഥാ​പി​ക്കു​വാൻ ഭർത്താവു അവളെ പ്രേരി​പ്പി​ക്ക​രുത്‌. (1 പത്രൊസ്‌ 3:7) ചെറു​പ്പ​ക്കാ​രി​യായ സ്‌ത്രീ​യു​ടെ ആത്മാഭി​മാ​നം വളർത്തി​യെ​ടു​ത്തു​കൊ​ണ്ടും സംഭവി​ച്ച​തൊ​ന്നും കൂട്ടാ​ക്കാ​തെ ഇപ്പോ​ഴും അവൾ സ്‌നേ​ഹ​ത്തി​നും ബഹുമാ​ന​ത്തി​നും പാത്ര​മാ​ണെന്നു കാണി​ച്ചു​കൊ​ണ്ടും കുടും​ബാം​ഗ​ങ്ങൾക്ക്‌ അവളെ സഹായി​ക്കു​വാൻ കഴിയും. ബലാൽസം​ഗത്തെ അതിജീ​വി​ച്ചവർ വൈകാ​രി​ക​മാ​യി സുഖം പ്രാപി​ക്കു​ന്ന​തി​നു ചിലസ​മ​യ​ങ്ങ​ളിൽ സുദീർഘ​മായ പടിക​ളി​ലൂ​ടെ കടന്നു​പോ​കു​മ്പോൾ നിരന്ത​ര​മായ പിന്തുണ ആവശ്യ​മാ​യി വരും.

ഭയത്തേ​യും വിഷാ​ദ​ത്തേ​യും നേരിടൽ

ബലാൽസം​ഗം ചെയ്യപ്പെട്ട സ്‌ത്രീ​കൾ പറയു​ന്നത്‌ അവരെ ഏററവും ആകുല​ചി​ത്ത​രാ​ക്കുന്ന പ്രതി​ക​രണം ഭയം ആണെന്നാണ്‌. ബലാൽസം​ഗ​ത്തിന്‌ ഇരയാ​യ​വ​രിൽ മിക്കവ​രും ആ ആക്രമ​ണത്തെ അതിജീ​വി​ക്കു​മെന്നു പ്രതീ​ക്ഷി​ച്ചി​രു​ന്നില്ല. പിന്നീട്‌ അവർ വീണ്ടും ബലാൽസം​ഗം ചെയ്യ​പ്പെ​ടു​ന്ന​താ​യി ഭയപ്പെ​ട്ടേ​ക്കാം, അഥവാ ബലാൽസം​ഗ​ക്കാ​രനെ യാദൃ​ച്ഛയാ കാണു​ന്ന​തി​നെ​ക്കു​റി​ച്ചു​പോ​ലും ഭയപ്പെ​ട്ടേ​ക്കാം.

ബലാൽസം​ഗം നടന്ന​പ്പോ​ഴു​ണ്ടായ ഭയം സമാന​മായ ശബ്ദങ്ങളാ​ലൊ മണങ്ങളാ​ലൊ സ്ഥലങ്ങളാ​ലൊ വീണ്ടും ഉണർത്ത​പ്പെ​ട്ടേ​ക്കാം. ഒരു സ്‌ത്രീ​യെ ഇടവഴി​യി​ലി​ട്ടാ​ണു ബലാൽസം​ഗം ചെയ്‌തത്‌ എങ്കിൽ ഇടവഴി​യി​ലൂ​ടെ പോകു​വാൻ അവൾക്കു ഭയമാ​യി​രു​ന്നേ​ക്കാം. അവൾ വീട്ടിൽവെ​ച്ചാ​ണു ബലാൽസം​ഗം ചെയ്യ​പ്പെ​ട്ട​തെ​ങ്കിൽ അവിടെ അവൾക്ക്‌ ഒരിക്ക​ലും സുരക്ഷി​ത​ത്വം അനുഭ​വ​പ്പെ​ടു​ക​യില്ല എന്നുത​ന്നെയല്ല അവിടെ നിന്നും താമസം മാററാ​നും അവൾ നിർബ​ന്ധി​ത​യാ​യേ​ക്കാം. ബലാൽസം​ഗ​ക്കാ​രൻ ഉപയോ​ഗി​ച്ചി​രു​ന്ന​തി​നു സമാന​മായ ഒരു സുഗന്ധ​ദ്ര​വ്യ​ത്തി​ന്റെ മണത്തിനു പോലും അരോ​ച​ക​മായ സ്‌മര​ണ​ക​ളു​ടെ കാഞ്ചി വലിക്കാൻ കഴിയും.

ബലാൽസം​ഗ​ങ്ങൾ ഗർഭധാ​ര​ണ​ത്തിൽ കലാശി​ക്കു​ന്നതു വിരള​മാ​ണെ​ന്നി​രി​ക്കെ പല ഇരകളും സാദ്ധ്യ​ത​യെ​പ്പ​ററി ചകിത​രാണ്‌. ലൈം​ഗി​ക​മായ പകരുന്ന രോഗങ്ങൾ തങ്ങൾക്കു ബാധി​ച്ചി​ട്ടു​ണ്ടൊ എന്നകാ​ര്യ​ത്തിൽ അനേകർ ന്യായ​മാ​യും ഉത്‌ക​ണ്‌ഠാ​കു​ല​രാണ്‌. ബലാൽസം​ഗ​ത്തിന്‌ ഇരയാ​യ​വ​രിൽ പകുതി​യോ​ളം പേർ പല ആഴ്‌ച​കൾതു​ടങ്ങി പല മാസങ്ങ​ളോ​ളം നിലനിൽക്കാ​വുന്ന വിഷാദം, നിരാശ, വില​കെ​ട്ടവൾ എന്നതോ​ന്നൽ മുതലായ വികാ​ര​ങ്ങൾക്ക്‌ അധീന​രാ​കു​ന്നു. അവർ ഉൽകണ്‌ഠ, ഭയം, ആക്രമി​ക്കു​ന്നു എന്ന തോന്നൽ തുടങ്ങി​യ​വ​യു​മാ​യി മല്ലി​ടേ​ണ്ട​താ​യും വന്നേക്കാം.

സ്‌ത്രീ​കൾക്കു ബലാൽസം​ഗത്തെ തടുക്കു​വാൻ കഴിഞ്ഞി​ല്ലെ​ങ്കി​ലും കാല​ക്ര​മേണ ആക്രമ​ണ​ത്തി​നു​നേ​രെ​യുള്ള അവരുടെ വിചാ​ര​ങ്ങ​ളെ​യും വികാ​ര​ങ്ങ​ളെ​യും പ്രതി​ക​ര​ണ​ത്തെ​യും അവർക്കു നിയ​ന്ത്രി​ക്കാൻ കഴിയും. അവർക്കു തങ്ങളേ​പ്പ​റ​റി​യുള്ള നിഷേ​ധാ​ത്മക ചിന്തകൾ മാററി പകരം ക്രിയാ​ത്മക വീക്ഷണങ്ങൾ സ്ഥാപി​ക്കാൻ പഠിക്കാ​വു​ന്ന​താണ്‌.

“നിങ്ങൾ എത്ര ക്ഷീണി​ത​യും കൊള്ള​രു​താ​ത്ത​വ​ളും നിസഹാ​യ​യു​മാണ്‌ എന്നു നിങ്ങ​ളോ​ടു തന്നെ പറഞ്ഞു​കൊ​ണ്ടി​രി​ക്കു​ന്ന​തി​നു പകരം എത്ര മെച്ചമാ​യാ​ണു നിങ്ങൾ കാര്യങ്ങൾ ചെയ്യു​ന്നത്‌ എന്നും ആക്രമ​ണാ​ന​ന്തരം തുടർന്നു​ണ്ടായ പ്രക്ഷു​ബ്ധാ​വ​സ്ഥ​യിൽനി​ന്നും നിങ്ങൾ എത്ര മാത്രം പുരോ​ഗതി പ്രാപി​ച്ചു​വെ​ന്നും നിങ്ങ​ളോ​ടു​തന്നെ പറയു​വാൻ പഠിക്കുക,” എന്നു ലിൻഡാ ലെഡ്‌റെയ്‌ ബലാൽസം​ഗ​ത്തിൽ നിന്നും സുഖം പ്രാപി​ക്കൽ (Recovering From Rape) എന്ന പുസ്‌ത​ക​ത്തിൽ പറഞ്ഞു. “നിഷേ​ധാ​ത്മക ചിന്തക​ളാ​ലും വികാ​ര​ങ്ങ​ളാ​ലും ഉള്ള പരി​ഭ്ര​മ​ത്തി​നു കുറവു തോന്നുന്ന ഓരോ ദിവസ​വും ‘ഞാൻ നിയ​ന്ത്ര​ണത്തെ വീണ്ടെ​ടു​ക്കു​വാൻ പഠിക്കു​ക​യാണ്‌’ എന്നു സ്വയം പറയുക.”

ഭയത്തിന്‌ ഇടയാ​ക്കുന്ന യഥാർത്ഥ കാരണ​മെ​ന്താ​ണെന്നു തിരി​ച്ച​റി​യാൻ പഠിച്ചു​കൊണ്ട്‌ അതി​നെ​യും നേരി​ടാൻ കഴിയും. ഭയം ഇളക്കി​വി​ടു​ന്നത്‌ എന്താ​ണെന്ന്‌ ഇര തിരി​ച്ച​റി​യു​മ്പോൾ അവൾക്കു തന്നോ​ടു​തന്നെ ചോദി​ക്കാൻ കഴിയും, എത്ര യാഥാർത്ഥ്യ​മാണ്‌ ആ ഭയം? ഉദാഹ​ര​ണ​ത്തിന്‌, ബലാൽസം​ഗ​ക്കാ​ര​നെ​പ്പോ​ലി​രി​ക്കുന്ന ഒരു വ്യക്തിയെ കാണു​ന്നെ​ങ്കിൽ അയാൾ ബലാൽസം​ഗ​ക്കാ​രനല്ല എന്നും അയാൾ തനിക്ക്‌ ഒരു ദ്രോ​ഹ​വും ചെയ്യു​ക​യില്ല എന്നും അവൾക്കു തന്നെത്താൻ ഓർമ്മ​പ്പെ​ടു​ത്താൻ കഴിയും.

ഭയത്തെ നേരി​ടു​ന്ന​തി​നുള്ള മറെറാ​രു മാർഗ്ഗം ക്രമാ​നു​ഗ​ത​മാ​യി സംവേ​ദ​ന​ക്ഷമത കുറക്കു​ക​യാണ്‌. സ്‌ത്രീ താൻ ഭയപ്പെ​ടുന്ന ഏററവും ഭീതി​കു​റ​ഞ്ഞ​തു​മു​തൽ കൂടി​യ​തു​വ​രെ​യുള്ള പ്രവർത്ത​ന​ങ്ങ​ളു​ടെ​യൊ സന്ദർഭ​ങ്ങ​ളു​ടെ​യൊ, യഥാ​ക്രമം രേഖ​പ്പെ​ടു​ത്തിയ ഒരു പട്ടിക തയ്യാറാ​ക്കു​ന്നു. അതിൽ ഏററവും ആയാസം കുറഞ്ഞ സന്ദർഭ​ത്തിൽ ആയിരി​ക്കു​ന്ന​താ​യി അവൾ സങ്കല്‌പി​ക്കു​ന്നു, അതു തന്നെ ഒട്ടും ഭയപ്പെ​ടു​ത്താ​താ​കും​വ​രെ​തന്നെ. അവൾ പട്ടിക​യി​ലെ അടുത്ത സന്ദർഭ​ത്തി​ലേക്കു വരുന്നു, ഒടുവിൽ പട്ടിക​യിൽ രേഖ​പ്പെ​ടു​ത്തിയ എല്ലാ സന്ദർഭ​ങ്ങ​ളെ​ക്കു​റി​ച്ചു ചിന്തി​ക്കു​മ്പോ​ഴും സ്വസ്ഥത അനുഭ​വി​ക്കു​ന്ന​തു​വരെ അപ്രകാ​രം ചെയ്യുന്നു.

ഒരു സുഹൃ​ത്തി​ന്റെ സഹായ​ത്തോ​ടെ അവൾക്കു രാത്രി​യിൽ വീട്ടിനു വെളി​യിൽ പോകു​ന്ന​തൊ തനിയെ വീട്ടി​ലി​രി​ക്കു​ന്ന​തൊ പോലെ യഥാർത്ഥ ജീവി​ത​ത്തി​ലെ പ്രവർത്ത​നങ്ങൾ നിർവ്വ​ഹി​ക്കു​ന്ന​തിൽ പുരോ​ഗ​മി​ക്കാൻ കഴിയും. ഒടുവിൽ ഭയം ദിനച​ര്യ​കളെ ബാധി​ക്കാ​തി​രി​ക്കു​മാറ്‌ അതിനെ നിയ​ന്ത്രി​ക്കു​ന്ന​തിന്‌ അവൾക്കു കഴിയും. എന്നിരു​ന്നാ​ലും, രാത്രി​യിൽ തനിയെ ഒരു ഇടവഴി​യി​ലൂ​ടെ പോകു​ന്ന​തു​പോ​ലെ ചില പ്രവൃ​ത്തി​ക​ളി​ലുള്ള ഭയം സാധാ​ര​ണ​മാണ്‌, അപ്രകാ​ര​മുള്ള സാഹച​ര്യ​ങ്ങ​ളി​ലു​ണ്ടാ​കുന്ന അസ്വസ്ഥ​തയെ കീഴട​ക്കു​വാൻ പരി​ശ്ര​മി​ക്കു​ന്ന​തിൽ യാതൊ​രർത്ഥ​വു​മില്ല.

കോപത്തെ തിരി​ച്ചു​വി​ടൽ

ബലാൽസം​ഗത്തെ അതിജീ​വി​ക്കു​ന്ന​വർക്കു കോപം ഉണ്ടാകു​ന്നു, ആദ്യം അത്‌ എല്ലാ പുരു​ഷൻമാ​രു​ടെ​യും നേർക്കാ​യി​രി​ക്കും, പിന്നെ സമയം പിന്നി​ടു​ന്ന​ത​നു​സ​രി​ച്ചു സാധാ​ര​ണ​ഗ​തി​യിൽ ബലാൽസം​ഗി​യു​ടെ മേൽ കേന്ദ്രീ​ക​രി​ക്കു​ന്നു. കോപി​ഷ്‌ഠർ മിക്ക​പ്പോ​ഴും അന്ധമായി കോപി​ക്കു​ന്നു. മററു​ചി​ലർ വികാ​ര​ങ്ങളെ അടക്കി​ക്കൊ​ണ്ടു പ്രതി​ക​രി​ക്കു​ന്നു. എന്നിരു​ന്നാ​ലും കോപത്തെ പ്രയോ​ജ​ന​പ്ര​ദ​മായ വഴിയി​ലേക്കു തിരി​ച്ചു​വി​ടാൻ കഴിയും തന്നെയു​മല്ല, ഒരു വ്യക്തി കോപത്തെ കൈകാ​ര്യം ചെയ്യു​ന്ന​വി​ധം അവളെ പൂർവ്വ​സ്ഥി​തി​പ്രാ​പി​ക്കാൻ സഹായി​ച്ചേ​ക്കാം. “കോപി​ച്ചാൽ പാപം ചെയ്യാ​തി​രി​പ്പിൻ” എന്നു തിരു​വെ​ഴു​ത്തു പറയുന്നു.—എഫെസ്യർ 4:26.

ഒന്നാമ​താ​യി, ബലാൽസം​ഗത്തെ അതിജീ​വി​ക്കു​ന്നവർ കോപം പ്രകടി​പ്പി​ക്കു​ന്ന​തിൽ ഭയപ്പെ​ടേ​ണ്ട​തില്ല. അവർക്കു അതി​നെ​പ്പ​ററി മററു​ള്ള​വ​രോ​ടു സംസാ​രി​ക്കാൻ കഴിയും. നിയമ​പ്ര​കാ​ര​മുള്ള നടപടി​ക്ര​മ​ത്തിൽ ഏർപ്പെ​ടു​ന്ന​തോ രേഖകൾ സൂക്ഷി​ക്കു​ന്ന​തോ ഒഴിഞ്ഞു​പോ​കാ​നുള്ള വഴിയാ​യി​രു​ന്നേ​ക്കാം. ടെന്നീസ്‌, റാക്കെ​റ​റ്‌ബോൾ, ഹാൻഡ്‌ബോൾ, നടത്തം, ജോഗ്ഗിംഗ്‌, സൈക്കിൾസ​വാ​രി, നീന്തൽ മുതലായ ഏതെങ്കി​ലും കായി​കാ​ഭ്യാ​സ​ങ്ങ​ളാൽ കോപത്തെ വിട്ടു​മാ​റു​ന്ന​തി​നു അവർക്കു സാധി​ക്കും, വിഷാ​ദ​ത്തി​നെ​തി​രെ പൊരു​താൻ സഹായി​ക്കു​ന്നു​വെന്ന പ്രയോ​ജ​ന​വും ഇതിനുണ്ട്‌.

നിങ്ങൾക്കു നിങ്ങളു​ടെ ജീവി​ത​ത്തി​ന്റെ നിയ​ന്ത്രണം ഏറെറ​ടു​ക്കാൻ കഴിയും.

ബലാൽസം​ഗത്തെ നിർത്ത​ലാ​ക്കു​ന്നത്‌ എന്ത്‌?

ബലാൽസം​ഗം നിർത്ത​ലാ​ക്കു​ന്ന​തിൽ സ്‌ത്രീ​കൾ ബലാൽസം​ഗ​ക്കാ​രിൽ നിന്നും മറഞ്ഞി​രി​ക്കു​ന്ന​തി​ലും അവരോട്‌ എതിർക്കു​ന്ന​തി​ലും അധികം ഉൾപ്പെ​ട്ടി​രി​ക്കു​ന്നു. “ബലാൽസം​ഗം ചെയ്യു​ന്നതു പുരു​ഷൻമാ​രാണ്‌ അതു​കൊ​ണ്ടു ബലാൽസം​ഗം നിർത്തു​ന്ന​തി​നും മൊത്ത​ത്തിൽ പുരു​ഷൻമാർക്കു ശക്തിയുണ്ട്‌,” എന്നു ഗ്രന്ഥകാ​ര​നായ തിമൊ​ഥി ബെനെക്കി മെൻ ഓൺ റേപ്‌ എന്ന തന്റെ ഗ്രന്ഥത്തിൽ പറഞ്ഞു.

പുരു​ഷൻമാർ സ്‌ത്രീ​കളെ വെറും ലൈം​ഗിക സാമ​ഗ്രി​യാ​യി കൈകാ​ര്യം ചെയ്യു​ന്നത്‌ അവസാ​നി​ക്കു​ക​യും വിജയ​പ്ര​ദ​മായ ബന്ധങ്ങൾ ക്രൂര​മായ ആധിപ​ത്യ​ത്തിൽ ആശ്രയി​ച്ചി​രി​ക്കു​ന്നി​ല്ലെന്നു മനസ്സി​ലാ​ക്കു​ക​യും ചെയ്യു​ന്ന​തു​വരെ ബലാൽസം​ഗ​ത്തി​നു അറുതി​വ​രു​ക​യില്ല. വ്യക്തി​പ​ര​മായ നിലയിൽ പക്വതവന്ന പുരു​ഷൻമാർക്കു മററുള്ള പുരു​ഷൻമാ​രോ​ടു സംസാ​രി​ക്കു​ന്ന​തി​നും അവരെ സ്വാധീ​നി​ക്കു​ന്ന​തി​നും കഴിയും. പുരു​ഷൻമാർക്കും സ്‌ത്രീ​കൾക്കും ലൈം​ഗി​ക​ചു​വ​ക​ലർന്ന തമാശകൾ അംഗീ​ക​രി​ക്കു​ന്ന​തൊ, ലൈം​ഗിക അതി​ക്രമം ചിത്രീ​ക​രി​ക്കുന്ന സിനി​മകൾ കാണു​ന്ന​തൊ, ഉത്‌പ​ന്നങ്ങൾ വില്‌ക്കു​ന്ന​തി​നു ലൈം​ഗി​ക​തയെ ചൂഷണ്ണം ചെയ്യുന്ന പരസ്യ​ക്കാർക്കു പിന്തുണ നൽകു​ന്ന​തൊ നിരസ്സി​ക്കാ​വു​ന്ന​താണ്‌. “ദുർന്ന​ട​പ്പും യാതൊ​രു അശുദ്ധി​യും അത്യാ​ഗ്ര​ഹ​വും നിങ്ങളു​ടെ ഇടയിൽ പേർ പറക​പോ​ലും അരുതു; അങ്ങനെ ആകുന്നു വിശു​ദ്ധൻമാർക്കു ഉചിതം. ചീത്തത്തരം, പൊട്ട​ച്ചൊൽ, കളിവാ​ക്കു ഇങ്ങനെ ചേർച്ച​യ​ല്ലാ​ത്തവ ഒന്നും അരുതു; സ്‌തോ​ത്ര​മ​ത്രേ വേണ്ടതു” എന്നു ബൈബിൾ ബുദ്ധ്യു​പ​ദേ​ശി​ക്കു​ന്നു.—എഫെസ്യർ 5:3, 4.

മാതാ​പി​താ​ക്കൾക്കു മാതൃ​ക​യാൽ സ്‌ത്രീ​ക​ളോ​ടുള്ള ബഹുമാ​നം പഠിപ്പി​ക്കാൻ കഴിയും. യഹോ​വ​യാം ദൈവം സ്‌ത്രീ​കളെ വീക്ഷി​ക്കു​ന്ന​തു​പോ​ലെ വീക്ഷി​ക്കാൻ അവർക്കു തങ്ങളുടെ പുത്രൻമാ​രെ പഠിപ്പി​ക്കാൻ കഴിയും. ദൈവം പക്ഷപാ​തി​യല്ല. (പ്രവൃ​ത്തി​കൾ 10:34) യേശു ചെയ്‌ത​പ്ര​കാ​രം സ്‌ത്രീ​ക​ളു​മാ​യി സൗഹൃദം പുലർത്തു​വാ​നും അവരുടെ സാമീ​പ്യ​ത്തിൽ ആയാസ​ര​ഹി​ത​മാ​യി അനുഭ​വ​പ്പെ​ടു​വാ​നും മാതാ​പി​താ​ക്കൾക്കു തങ്ങളുടെ പുത്രൻമാ​രെ പഠിപ്പി​ക്കാൻ കഴിയും. ലൈം​ഗിക സംഭോ​ഗം വിവാഹ ഇണകൾക്കാ​യി മാത്രം മാററി​വ​ച്ചി​രി​ക്കുന്ന, സ്‌നേ​ഹ​ത്തി​ന്റെ ഒരു മൃദുല ചേഷ്ടയാണ്‌ എന്നു മാതാ​പി​താ​ക്കൾക്കു പുത്രൻമാ​രെ പഠിപ്പി​ക്കാൻ കഴിയും. അക്രമം പൊറു​ക്കു​ക​യി​ല്ലെ​ന്നും മററു​ള്ള​വ​രു​ടെ ആധിപ​ത്യ​മ​നോ​ഭാ​വത്തെ വിലമ​തി​ക്കു​ക​യി​ല്ലെ​ന്നും മാതാ​പി​താ​ക്കൾക്കു സ്‌പഷ്ട​മാ​യും സൂചി​പ്പി​ക്കാ​വു​ന്ന​താണ്‌. (സങ്കീർത്തനം 11:5) മാതാ​പി​താ​ക്കൾക്കു മക്കൾ ലൈം​ഗിക കാര്യങ്ങൾ തങ്ങളോ​ടു തുറന്നു സംസാ​രി​ക്കു​ന്ന​തി​നും ലൈം​ഗിക സമ്മർദ്ദത്തെ ചെറുത്തു നിൽക്കു​ന്ന​തി​നും അവരെ പ്രോ​ത്സാ​ഹി​പ്പി​ക്കു​ന്ന​തി​നു കഴിയും.

പെട്ടെന്ന്‌ അവസാ​നി​ക്കാൻപോ​കുന്ന ഒരു പ്രശ്‌നം

എന്നിരു​ന്നാ​ലും ലോക സമുദാ​യ​ത്തിൽ വിപ്‌ള​വ​ക​ര​മായ വ്യതി​യാ​നങ്ങൾ സംഭവി​ക്കാ​തെ ബലാൽസം​ഗം അവസാ​നി​ക്കു​ക​യില്ല. “ബലാൽസം​ഗം ഒരു വൈയ​ക്തിക പ്രശ്‌നമല്ല (പിന്നെ​യൊ) ഒരു കുടുംബ പ്രശ്‌ന​വും ഒരു സാമു​ദാ​യിക പ്രശ്‌ന​വും ഒരു ദേശീയ പ്രശ്‌ന​വും ആണ്‌,” എന്നു ഗവേഷ​ക​യായ ലിൻഡാ ലെഡ്‌റെയ്‌ പറഞ്ഞു.

മനുഷ്യൻ ഒരിക്ക​ലും ‘മമനു​ഷ്യ​ന്റെ മേൽ അവന്റെ ദോഷ​ത്തി​നാ​യി അധികാ​രം’ പ്രയോ​ഗി​ക്കാത്ത അക്രമ​വി​മു​ക്ത​മായ ഒരു ഭൂവ്യാ​പക സമുദാ​യം ബൈബിൾ വാഗ്‌ദാ​നം ചെയ്യുന്നു. (സഭാ​പ്ര​സം​ഗി 8:9; യെശയ്യാ​വു 60:18) യഹോ​വ​യാം ദൈവം, ബലാൽസം​ഗം ഉൾപ്പെടെ ഏതെങ്കി​ലും വിധത്തി​ലുള്ള ശക്തിയു​ടെ ദുർവി​നി​യോ​ഗം അനുവ​ദി​ക്കു​ക​യി​ല്ലാത്ത കാലം പെട്ടെ​ന്നു​തന്നെ സമാഗ​ത​മാ​കും.—സങ്കീർത്തനം 37:9, 20.

ആ പുതി​യ​ലോക സമുദാ​യ​ത്തിൽ എല്ലാ ആളുക​ളും സമാധാ​ന​പ്രി​യ​രാ​യി​രി​ക്കു​ന്ന​തിന്‌ പഠിപ്പി​ക്ക​പ്പെ​ടു​ക​യും, ലിംഗ​മൊ വർഗമൊ ദേശീ​യ​ത​യൊ കൂട്ടാ​ക്കാ​തെ പരസ്‌പരം സ്‌നേ​ഹി​ക്കു​ക​യും ചെയ്യും. (യെശയ്യാ​വു 54:13) ആ കാലത്തു സൗമ്യ​ത​യു​ള്ളവർ സുഹൃ​ത്തു​ക്ക​ളെ​യൊ അപരി​ചി​ത​രെ​യൊ ഭയപ്പെ​ടാ​തെ വസിക്കു​ക​യും “സമാധാ​ന​സ​മൃ​ദ്ധി​യിൽ ആനന്ദിക്കു”കയും ചെയ്യും.—സങ്കീർത്തനം 37:11. (g93 3/8)

[20-ാം പേജിലെ ചതുരം/ചിത്രം]

നിങ്ങളെ ബലാൽസം​ഗം ചെയ്യു​ക​യാ​ണെ​ങ്കിൽ

◻ വൈദ്യ സഹായം തേടുക.

◻ നിങ്ങൾ ആഗ്രഹി​ക്കുന്ന പക്ഷം ബലാൽസംഗ ഇരകളു​ടെ ഉപദേ​ഷ്ടാ​വി​നോട്‌, അങ്ങനെ​യൊ​രാൾ ലഭ്യമാ​ണെ​ങ്കിൽ, വൈദ്യ​പ​ര​വും നിയമ​പ​ര​വു​മായ നടപടി​ക്ര​മ​ങ്ങ​ളി​ലു​ട​നീ​ളം നിങ്ങളു​ടെ​കൂ​ടെ പോരാൻ ആവശ്യ​പ്പെ​ടുക.

◻ കഴിയു​ന്നി​ട​ത്തോ​ളം പെട്ടെന്നു പൊലീ​സി​നെ വിളി​ക്കുക. ഉപദേ​ഷ്ടാ​ക്കൾ നിർദ്ദേ​ശി​ക്കു​ന്നത്‌ നിങ്ങളു​ടെ​യും മററുള്ള സ്‌ത്രീ​ക​ളു​ടേ​യും സുരക്ഷി​ത​ത്വ​ത്തി​നു​വേണ്ടി പൊലീ​സിൽ റിപ്പോർട്ടു ചെയ്യണ​മെ​ന്നാണ്‌. റിപ്പോർട്ടു ചെയ്യു​ന്ന​തും അന്യാ​യ​പ്പെ​ടു​ന്ന​തും ഒന്നല്ല മറിച്ച്‌, നിങ്ങൾ പിന്നീടു അന്യാ​യ​പ്പെ​ട്ടാൽ വൈകിയ റിപ്പോർട്ടു നിങ്ങളു​ടെ കേസിനെ ബലഹീ​ന​മാ​ക്കും.

◻ തെളി​വു​കൾ നിലനിർത്തുക. കുളി​ക്കു​ക​യൊ വസ്‌ത്രം മാറു​ക​യൊ തലമുടി കഴുകു​ക​യൊ ചീകു​ക​യൊ അല്ലെങ്കിൽ വിരല​ട​യാ​ള​മൊ പാദമു​ദ്ര​ക​ളൊ നശിപ്പി​ക്കു​ക​യൊ ചെയ്യരുത്‌.

◻ വൈദ്യ​രം​ഗ​ത്തുള്ള വ്യക്തികൾ തെളിവു ശേഖരി​ക്കു​ക​യും ലൈം​ഗി​ക​മാ​യി പകരുന്ന രോഗ​ങ്ങ​ളെ​ക്കു​റി​ച്ചും ഗർഭധാ​ര​ണ​ത്തെ​ക്കു​റി​ച്ചും പരി​ശോ​ധന നടത്തു​ക​യും ചെയ്യും. അവർ ഗർഭധാ​രണം തടയാൻ ഗർഭനി​രോ​ധന ഗുളിക എന്നറി​യ​പ്പെ​ടുന്ന മരുന്നു​കൾ തന്നാൽ അപ്രകാ​ര​മുള്ള മരുന്നു​കൾക്കു ഭ്രൂണത്തെ അലസി​പ്പി​ക്കാൻ കഴിയു​മെന്ന കാര്യം ക്രിസ്‌ത്യാ​നി​കൾ അറിഞ്ഞി​രി​ക്കേണം.

◻ നിങ്ങൾ അമിത​മാ​യി പ്രതി​ക​രി​ക്കു​ക​യാ​ണെന്നു തോന്നി​യാ​ലും ഇല്ലെങ്കി​ലും സുരക്ഷി​ത​ത്വം തോ​ന്നേ​ണ്ട​തി​നു വേണ്ട​തെ​ല്ലാം ചെയ്യുക—പൂട്ടുകൾ മാററുക, ഒരു സുഹൃ​ത്തി​ന്റെ കൂടെ താമസി​ക്കുക, വാതിൽ ബന്ധവസാ​ക്കുക.

◻ എല്ലാറ​റി​നും മേലായി, ആശ്വാ​സ​ത്തി​നു​വേണ്ടി തിരു​വെ​ഴു​ത്തു​ക​ളി​ലേക്കു നോക്കുക, ആക്രമണം നടക്കു​മ്പോ​ഴും അതിനു​ശേ​ഷ​വും യഹോ​വ​യോട്‌ അവിടു​ത്തെ നാമം ഉച്ചത്തിൽ വിളി​ച്ചു​കൊ​ണ്ടു​പോ​ലും പ്രാർത്ഥി​ക്കുക. പിന്തു​ണ​ക്കാ​യി സഭയിലെ മൂപ്പൻമാ​രെ​യും മററ്‌ അടുത്ത മിത്ര​ങ്ങ​ളെ​യും ആശ്രയി​ക്കുക. എന്തെങ്കി​ലും നിവൃ​ത്തി​യു​ണ്ടെ​ങ്കിൽ മീററിം​ഗു​കൾക്കു ഹാജരാ​കു​ക​യും ശുശ്രൂ​ഷ​യിൽ സഹക്രി​സ്‌താ​നി​ക​ളു​ടെ സഹവാസം തേടു​ക​യും ചെയ്യുക.