യുദ്ധത്തി​ന്റെ അറുതിക്ക്‌ എന്തു പ്രത്യാശ?

ആയിര​ത്തി​ത്തൊ​ള്ളാ​യി​ര​ത്തി​പ്പ​തി​ന്നാ​ലു​മു​തൽ 1918വരെ നടന്ന ഒന്നാം ലോക​മ​ഹാ​യു​ദ്ധം സകല യുദ്ധങ്ങ​ളെ​യും അവസാ​നി​പ്പി​ക്കാ​നുള്ള യുദ്ധം എന്നു വിളി​ക്ക​പ്പെട്ടു. എന്നാൽ അന്നുമു​തൽ, ഇന്നോളം ഉണ്ടായി​ട്ടുള്ള ഏററവും വലിയ യുദ്ധമായ രണ്ടാം ലോക​മ​ഹാ​യു​ദ്ധം ഉൾപ്പെടെ 200-ലധികം യുദ്ധങ്ങൾ നടന്നി​രി​ക്കു​ന്നു.

വ്യക്തമാ​യും യുദ്ധത്തിന്‌ അറുതി വരുത്താ​നുള്ള മാനു​ഷിക ശ്രമങ്ങൾ ഒരു സമ്പൂർണ പരാജ​യ​മാ​യി​ത്തീർന്നി​രി​ക്കു​ന്നു. അതു​കൊണ്ട്‌, “എല്ലായ്‌പോ​ഴും യുദ്ധങ്ങൾ ഉണ്ടായി​രി​ക്കും” എന്ന്‌ ആളുകൾ പറയു​ന്ന​തിൽ എന്തെങ്കി​ലും അത്ഭുത​മു​ണ്ടോ? അതാണോ നിങ്ങൾ വിശ്വ​സി​ക്കു​ന്നത്‌?

രണ്ടാം ലോക​മ​ഹാ​യു​ദ്ധ​ത്തി​നു​ശേഷം 1945-ലെ ഐക്യ​രാ​ഷ്‌ട്ര​ങ്ങ​ളു​ടെ രൂപവ​ത്‌ക്ക​രണം യുദ്ധം​കൊ​ണ്ടു വലഞ്ഞ മനുഷ്യർക്കു യുദ്ധമി​ല്ലാത്ത ഒരു ലോക​ത്തി​ന്റെ പ്രത്യാശ നൽകാൻ ഉദ്ദേശി​ച്ചു​കൊ​ണ്ടു​ള്ള​താ​യി​രു​ന്നു. ന്യൂ​യോർക്ക്‌ നഗരാ​ങ്ക​ണ​ത്തി​ലെ യുഎൻ ചുവരിൻമേ​ലുള്ള ഒരു ആലേഖ​ന​ത്തിൽ ആ പ്രത്യാശ പ്രകടി​ത​മാണ്‌, അത്‌ ഇപ്രകാ​രം വായി​ക്കു​ന്നു: അവർ തങ്ങളുടെ വാളു​കളെ കൊഴു​ക്ക​ളാ​യി അടിച്ചു​തീർക്കും. അവരുടെ കുന്തങ്ങളെ കോതു​ക​ത്രി​ക​ക​ളാ​യും: രാഷ്‌ട്രം രാഷ്‌ട്ര​ത്തി​നെ​തി​രെ വാളു​യർത്തു​ക​യില്ല. അവർ മേലാൽ യുദ്ധം അഭ്യസി​ക്കു​ക​യു​മില്ല.

ദുഃഖ​ക​ര​മെ​ന്നു പറയട്ടെ, മനോ​ഹ​ര​മാ​യി വർണി​ച്ചി​രി​ക്കുന്ന ഈ സമാധാന പ്രതീ​ക്ഷയെ രാഷ്‌ട്രങ്ങൾ തങ്ങളുടെ യുദ്ധ​ക്കൊ​തി നിമിത്തം പരിഹാ​സ്യ​മാ​ക്കി​യി​രി​ക്കു​ന്നു. എന്നിരു​ന്നാ​ലും ഈ വാക്കുകൾ നിവൃ​ത്തി​യേ​റും! എന്തെന്നാൽ അവ 2,500 വർഷങ്ങൾക്കു​മുമ്പ്‌ അപൂർണ മനുഷ്യ​രെ​ക്കാൾ ഉയർന്ന ഒരു ഉറവിൽനിന്ന്‌ ഉത്ഭവി​ച്ച​താണ്‌. സർവശ​ക്ത​നായ ദൈവം നടത്തിയ ഒരു വാഗ്‌ദ​ത്തത്തെ അവ പ്രതി​നി​ധാ​നം ചെയ്യുന്നു.—യെശയ്യാ​വു 2:4.

ഒരു വ്യാജ​മായ പ്രത്യാശ

ഒരു യുദ്ധര​ഹി​ത​ലോ​കം സൃഷ്ടി​ക്കാൻ സഹായ​ത്തി​നാ​യി അനവധി​പേർ സഭകളി​ലേക്കു നോക്കി​യി​ട്ടുണ്ട്‌. എന്നാൽ വാസ്‌ത​വ​ത്തിൽ സഭകൾ, ചരി​ത്ര​ത്തി​ലെ അനൈ​ക്യം വരുത്തുന്ന, രണോ​ത്സു​ക​മായ ഏററവും വലിയ ശക്തിക​ളിൽ ഒന്നായി ഭവിച്ചി​രി​ക്കു​ന്നു. ദൃഷ്ടാ​ന്ത​ത്തിന്‌ ഒന്നാം ലോക​മ​ഹാ​യു​ദ്ധ​കാ​ലത്തു ബ്രിട്ടീഷ്‌ ബ്രി​ഗേ​ഡി​യർ ജനറലാ​യി​രുന്ന ഫ്രാങ്ക്‌ പി. ക്രോഷർ ഇപ്രകാ​രം പറഞ്ഞു: “നമുക്കു​ള്ള​തും നാം സ്വത​ന്ത്ര​മാ​യി ഉപയോ​ഗി​ച്ചി​രി​ക്കു​ന്ന​തു​മായ ക്രിസ്‌തീയ സഭകളാ​ണു രക്തദാ​ഹ​ത്തി​ന്റെ ഏററവും മികച്ച ജനയി​താ​ക്കൾ.”

അതു​കൊണ്ട്‌, സത്യ​ക്രി​സ്‌ത്യാ​നി​ത്വ​വും വ്യാജ​ക്രി​സ്‌ത്യാ​നി​ത്വ​വും തമ്മിൽ നാം വേർതി​രി​ച്ച​റി​യേ​ണ്ടതു മർമ​പ്ര​ധാ​ന​മാണ്‌. ഇതു ചെയ്യാൻ നമ്മെ സഹായി​ക്കു​ന്ന​തി​നു യേശു ലളിത​മായ ഒരു പ്രമാണം നൽകി: “അവരുടെ ഫലങ്ങളാൽ നിങ്ങൾക്കു അവരെ തിരി​ച്ച​റി​യാം.” (മത്തായി 7:16) വാക്കു​ക​ളോ വിശ്വാ​സ​ങ്ങ​ളെ​പ്പ​റ​റി​യുള്ള അവകാ​ശ​വാ​ദ​ങ്ങ​ളോ മാത്രം മതിയാ​കു​ന്നില്ല. ഇതു ദൃഷ്ടാ​ന്തീ​ക​രി​ക്കു​ന്ന​തി​നു വാൻകൂ​വർ സൺ പത്രത്തി​ന്റെ സ്‌ററാഫ്‌ ലേഖക​നായ സ്‌ററീവ്‌ വിസ്സൽ ഇപ്രകാ​രം എഴുതി: “എണ്ണ പുരണ്ട നീലക്കു​പ്പാ​യം ധരിക്കുന്ന എല്ലാവ​രും മെക്കാ​നി​ക്കു​കളല്ല, അവർ മെക്കാ​നി​ക്കു​ക​ളാ​ണെന്നു തോന്നി​യാൽപ്പോ​ലും, . . . ‘ഞങ്ങൾ മെക്കാ​നി​ക്കു​ക​ളാണ്‌’ എന്ന്‌ അവർ പറഞ്ഞാൽപ്പോ​ലും.”

തന്റെ ദൃഷ്ടാന്തം ക്രിസ്‌ത്യാ​നി​ത്വ​ത്തി​നു ബാധക​മാ​ക്കി​ക്കൊ​ണ്ടു വിസ്സൽ ഇങ്ങനെ പറഞ്ഞു: “ക്രിസ്‌ത്യാ​നി​ത്വ​ത്തി​ന്റെ പേരിൽ ഇത്‌ അല്ലെങ്കിൽ അത്‌ എങ്ങനെ നടന്നു എന്നും അത്‌ എത്ര ഭയങ്കര​മാ​യി​പ്പോ​യി എന്നും ആളുകൾ മിക്ക​പ്പോ​ഴും സംസാ​രി​ക്കു​ന്നതു നിങ്ങൾ കേൾക്കും. അതേ, അതു ഭയങ്കരം തന്നെ. . . . പക്ഷേ ആ ഭയങ്കര കാര്യങ്ങൾ ചെയ്‌തതു ക്രിസ്‌ത്യാ​നി​ക​ളാ​യി​രു​ന്നു എന്ന്‌ ആരു പറഞ്ഞു?

“ഓ, വ്യവസ്ഥാ​പിത സഭകൾ അങ്ങനെ പറയു​ന്നു​ണ്ട​ല്ലൊ, എന്നു നിങ്ങൾ പറഞ്ഞേ​ക്കാം. ആകട്ടെ, വ്യവസ്ഥാ​പിത സഭകൾ ക്രിസ്‌തീ​യ​മാ​ണെന്ന്‌ ആരു പറഞ്ഞു?

“അതു​കൊണ്ട്‌ പാപ്പാ മുസ്സോ​ളി​നി​യെ അനു​ഗ്ര​ഹി​ച്ചു, മററു പാപ്പാ​മാർ കഴിഞ്ഞ​കാ​ലത്തു ചെയ്‌ത ദ്രോ​ഹ​ക​ര​മായ പ്രവൃ​ത്തി​കൾ സംബന്ധിച്ച തെളി​വു​മുണ്ട്‌. അതു​കൊണ്ട്‌ അവർ ക്രിസ്‌ത്യാ​നി​കൾ ആയിരു​ന്നു എന്ന്‌ ആരു പറഞ്ഞു?

“ഒരു മനുഷ്യൻ പാപ്പാ ആണെന്നു വച്ച്‌ അദ്ദേഹം ഒരു ക്രിസ്‌ത്യാ​നി​യാ​യി​രി​ക്ക​ണ​മെന്നു നിങ്ങൾ കരുതു​ന്നു​ണ്ടോ? ‘ഞാൻ ഒരു ക്രിസ്‌ത്യാ​നി​യാണ്‌’ എന്ന്‌ ഒരുവൻ കേവലം പറയു​ന്ന​തു​കൊണ്ട്‌ അയാൾ ഒരു ക്രിസ്‌ത്യാ​നി​യാ​ണെന്ന്‌ അർഥമില്ല—ഒരു മെക്കാ​നി​ക്കാ​ണെന്ന്‌ അവകാ​ശ​പ്പെ​ടുന്ന ഒരു മനുഷ്യൻ ഒരു മെക്കാ​നിക്ക്‌ അല്ലാതി​രു​ന്നേ​ക്കാ​വു​ന്ന​തു​പോ​ലെ​തന്നെ.

“ക്രിസ്‌ത്യാ​നി​ക​ളെന്നു ഭാവി​ക്കുന്ന ആളുകൾക്കെ​തി​രെ ബൈബിൾ ക്രിസ്‌ത്യാ​നി​കൾക്കു മുന്നറി​യി​പ്പു കൊടു​ക്കു​ക​പോ​ലും ചെയ്യുന്നു . . . ഒരു ക്രിസ്‌ത്യാ​നി​ക്കും മറെറാ​രു ക്രിസ്‌ത്യാ​നി​ക്കെ​തി​രെ യുദ്ധം ചെയ്യാൻ കഴിയില്ല—അത്‌ ഒരു മനുഷ്യൻ തന്നോ​ടു​തന്നെ പോരാ​ടു​ന്ന​തു​പോ​ലി​രി​ക്കും.

“യഥാർഥ ക്രിസ്‌ത്യാ​നി​കൾ യേശു​ക്രി​സ്‌തു​വിൽ സഹോ​ദ​രീ​സ​ഹോ​ദ​രൻമാ​രാണ്‌. . . . അവർ ഒരിക്ക​ലും, ഒരിക്ക​ലും ബോധ​പൂർവം അന്യോ​ന്യം ഉപദ്ര​വി​ക്കു​ക​യില്ല.”

അതു​കൊണ്ട്‌ നാം യേശു​വി​ന്റെ പ്രമാണം ബാധക​മാ​ക്കു​ക​യും സഭകൾ പുറ​പ്പെ​ടു​വി​ക്കുന്ന ഫലങ്ങളെ നോക്കു​ക​യും ചെയ്യേ​ണ്ട​യാ​വ​ശ്യ​മുണ്ട്‌. എന്നാൽ ഏതു ഫലങ്ങൾ? “ദൈവ​ത്തി​ന്റെ മക്കൾ ആരെന്നും പിശാ​ചി​ന്റെ മക്കൾ ആരെന്നും ഇതിനാൽ തെളി​യു​ന്നു; നീതി പ്രവർത്തി​ക്കാ​ത്തവൻ ആരും സഹോ​ദ​രനെ സ്‌നേ​ഹി​ക്കാ​ത്ത​വ​നും ദൈവ​ത്തിൽനി​ന്നു​ള്ള​വനല്ല. നിങ്ങൾ ആദിമു​തൽ കേട്ട ദൂതു; നാം അന്യോ​ന്യം സ്‌നേ​ഹി​ക്കേണം എന്നല്ലോ ആകുന്നു. കയീൻ ദുഷ്ടനിൽനി​ന്നു​ള്ള​വ​നാ​യി സഹോ​ദ​രനെ കൊന്ന​തു​പോ​ലെ അല്ല” (ചെരി​ച്ചെ​ഴുത്ത്‌ ഞങ്ങളു​ടേത്‌) എന്നു പറഞ്ഞു​കൊ​ണ്ടു ബൈബിൾ വിശേ​ഷിച്ച്‌ ഒരു ഫലത്തി​ലേക്കു വിരൽ ചൂണ്ടുന്നു.—1 യോഹ​ന്നാൻ 3:10-12.

ഒരുവന്റെ സഹോ​ദ​രനെ സ്‌നേ​ഹി​ക്കാൻ പ്രോ​ത്സാ​ഹി​പ്പി​ക്കു​ന്ന​തി​നു​പ​കരം സഭകൾ യുദ്ധത്തിൽ ഒരുവന്റെ സഹോ​ദ​രനെ കൊല്ലു​ന്ന​തി​നെ പിന്താ​ങ്ങു​ക​യും പ്രോ​ത്സാ​ഹി​പ്പി​ക്കു​ക​പോ​ലും ചെയ്‌തി​രി​ക്കു​ന്നു. അതു​കൊണ്ട്‌, പുരാതന ഈജി​പ്‌റ​റു​കാ​രു​ടെ​യും അസീറി​യാ​ക്കാ​രു​ടെ​യും ബാബി​ലോ​ന്യ​രു​ടെ​യും റോമാ​ക്കാ​രു​ടെ​യും മതങ്ങൾപോ​ലെ​തന്നെ അവയും പിശാ​ചായ സാത്താന്റെ കളിപ്പാ​വകൾ ആയിത്തീർന്നി​രി​ക്കു​ന്നു. യേശു സാത്താനെ “ഈ ലോക​ത്തി​ന്റെ ഭരണാ​ധി​പൻ” എന്നു വിളി​ക്കു​ക​യും തന്റെ യഥാർഥ അനുഗാ​മി​ക​ളെ​ക്കു​റിച്ച്‌, “ഞാൻ ലോക​ത്തി​ന്റെ ഭാഗം അല്ലാതി​രി​ക്കു​ന്ന​തു​പോ​ലെ​തന്നെ, അവർ ലോക​ത്തി​ന്റെ ഭാഗമല്ല” എന്നു പറയു​ക​യും ചെയ്‌തു. (യോഹ​ന്നാൻ 12:31; 17:16, NW; 2 കൊരി​ന്ത്യർ 4:4) എന്നിട്ടും സഭകൾ സ്വയം ഈ ലോക​ത്തി​ന്റെ ഒരു അവിഭാ​ജ്യ ഘടകമാ​യി​ത്തീർന്നി​രി​ക്കു​ന്നു.

അപ്പോൾ വ്യക്തമാ​യും, ഒരു യുദ്ധര​ഹിത ലോകം സൃഷ്ടി​ക്കാ​നുള്ള തന്റെ ഉദ്ദേശ്യ​ത്തെ നിവർത്തി​ക്കാൻ ദൈവം സഭകളെ ഉപയോ​ഗി​ക്കു​ന്നില്ല. ആചാര്യൻമാ​രും മററു സഭാ​പ്ര​തി​നി​ധി​ക​ളും എന്തുതന്നെ പറഞ്ഞാ​ലും, രാഷ്‌ട്ര​ങ്ങ​ളു​ടെ യുദ്ധങ്ങ​ളിൽ ദൈവം പക്ഷം പിടി​ക്കു​ന്നില്ല.

യുദ്ധത്തെ നിർമൂ​ലനം ചെയ്യാ​നുള്ള ദൈവ​ത്തി​ന്റെ വാഗ്‌ദത്തം എങ്ങനെ നിവൃ​ത്തി​യേ​റും? ഏതെങ്കി​ലും ജനത തങ്ങളുടെ വാളു​കളെ കൊഴു​ക്ക​ളാ​യി അടിച്ചു​തീർത്തി​ട്ടു​ണ്ടോ? തീർച്ച​യാ​യും ചിലർ അങ്ങനെ ചെയ്‌തി​ട്ടുണ്ട്‌.

ദൈവ​ത്തി​ന്റെ വാഗ്‌ദത്തം നിവർത്തി​ക്കു​ന്ന​വർ

പ്രമുഖ സഭാച​രി​ത്ര​കാ​ര​നായ എസ്‌. ജെ. കാഡു ഇപ്രകാ​രം കുറി​ക്കൊ​ണ്ടു: “ആദിമ ക്രിസ്‌ത്യാ​നി​കൾ യേശു​വി​നെ വിശ്വ​സി​ച്ചു . . . അവർ തങ്ങളുടെ മതത്തെ സമാധാ​ന​ത്തോ​ടു താദാ​ത്മ്യ​പ്പെ​ടു​ത്തി യുദ്ധത്തിൽ ഉൾപ്പെ​ട്ടി​രുന്ന രക്തച്ചൊ​രി​ച്ചിൽനി​മി​ത്തം അവർ അതിനെ ശക്തമായി അപലപി​ച്ചു; കൃഷി​യാ​യു​ധ​ങ്ങ​ളി​ലേ​ക്കുള്ള യുദ്ധാ​യു​ധ​ങ്ങ​ളു​ടെ മാററത്തെ മുൻകൂ​ട്ടി​പ്പറഞ്ഞ പഴയനി​യ​മ​പ്ര​വ​ചനം അവർ സ്വയം ബാധക​മാ​ക്കി.”—യെശയ്യാ​വു 2:4.

എന്നാൽ ഇന്നെന്ത്‌? യേശു​വി​നെ വിശ്വ​സി​ക്കു​ക​യും യഥാർഥ​ത്തിൽ പരസ്‌പരം സ്‌നേ​ഹി​ക്കു​ക​യും ചെയ്യുന്ന ഒരു ജനതയു​ണ്ടോ? ഫലത്തിൽ, ഇവർ തങ്ങളുടെ വാളു​കളെ കൊഴു​ക്ക​ളാ​യി അടിച്ചു​തീർത്തി​ട്ടു​ണ്ടോ? കൊള്ളാം, എൻ​സൈ​ക്ലോ​പീ​ഡിയ കനേഡി​യാന ഇപ്രകാ​രം എഴുതു​ന്നു: “യഹോ​വ​യു​ടെ സാക്ഷി​ക​ളു​ടെ വേല, നമ്മുടെ പൊതു​യു​ഗ​ത്തി​ന്റെ ഒന്നും രണ്ടും ശതകങ്ങ​ളിൽ യേശു​വും തന്റെ ശിഷ്യൻമാ​രും ആചരിച്ച ആദിമ ക്രിസ്‌ത്യാ​നി​ത്വ​ത്തി​ന്റെ നാനവും പുനഃ​സ്ഥാ​പ​ന​വു​മാണ്‌. . . . എല്ലാവ​രും സഹോ​ദ​ര​ങ്ങ​ളാണ്‌.”

അതു​കൊണ്ട്‌, അന്യോ​ന്യം സ്‌നേ​ഹി​ക്കാ​നുള്ള ക്രിസ്‌തു​വി​ന്റെ കല്‌പന അനുസ​രി​ച്ചു​കൊ​ണ്ടു യഹോ​വ​യു​ടെ സാക്ഷികൾ തങ്ങളുടെ സഹോ​ദ​ര​ങ്ങളെ ദ്വേഷി​ക്കാ​നോ കൊല്ലാ​നോ വിസമ്മ​തി​ക്കു​ന്നു, ഇവർ മററു വർഗത്തി​ലോ ദേശത്തി​ലോ​പെട്ട അംഗങ്ങൾ ആയിരു​ന്നേ​ക്കാ​മെ​ങ്കിൽപ്പോ​ലും. (യോഹ​ന്നാൻ 13:34, 35) “നൂററാ​ണ്ടു​ക​ളി​ലു​ട​നീ​ളം [സഭകൾ] യുദ്ധ​ത്തെ​യും സേനക​ളെ​യും ആയുധ​ങ്ങ​ളെ​യും ആശിർവ​ദി​ക്കാൻ സദാ സന്നദ്ധമാ​യി​രു​ന്നു, തങ്ങളുടെ ശത്രു​ക്ക​ളു​ടെ സംഹാ​ര​ത്തി​നാ​യി തനി ക്രിസ്‌തീ​യ​വി​രു​ദ്ധ​മായ ഒരു രീതി​യിൽ അവർ പ്രാർഥി​ച്ചു” എന്നു ജർമനി​യി​ലെ ഒരു പ്രൊ​ട്ട​സ്‌റ​റൻറു നേതാ​വായ മാർട്ടിൻ നീമൊ​ളർ പ്രസ്‌താ​വി​ച്ചു. എന്നാൽ അതിനു വിപരീ​ത​മാ​യി, “നൂറു​ക​ണ​ക്കി​നും ആയിര​ക്ക​ണ​ക്കി​നും” സാക്ഷികൾ “സൈനി​ക​സേ​വനം ചെയ്യാൻ വിസമ്മ​തി​ച്ച​തു​കൊ​ണ്ടും മനുഷ്യ​ജീ​വി​കൾക്കു​നേരെ നിറ​യൊ​ഴി​ക്കാൻ മടിച്ച​തു​കൊ​ണ്ടും തടങ്കൽപാ​ള​യ​ങ്ങ​ളി​ലേക്കു പോകു​ക​യും മരിക്കു​ക​യും ചെയ്‌തു”വെന്ന്‌ അദ്ദേഹം പറഞ്ഞു.

അതേ, മററു മതങ്ങളി​ലെ ആളുക​ളിൽനി​ന്നു വ്യത്യ​സ്‌ത​മാ​യി യഹോ​വ​യു​ടെ സാക്ഷികൾ യഥാർഥ​ത്തിൽ തങ്ങളുടെ വാളു​കളെ കൊഴു​ക്ക​ളാ​യി അടിച്ചു​തീർത്തി​രി​ക്കു​ന്നു. ക്രിസ്‌തു ഉപദേ​ശി​ച്ച​തു​പോ​ലെ, “ലോക​ത്തി​ന്റെ ഭാഗമാ​കാ​തെ” നില​കൊ​ള്ളു​ന്ന​തി​നാൽ, അവർ നിശ്ചയ​മാ​യും മററു മതങ്ങളിൽനി​ന്നു വ്യത്യ​സ്‌ത​രാണ്‌. (യോഹ​ന്നാൻ 15:19) റോമൻ കത്തോ​ലി​ക്കാ സെൻറ്‌ ആൻറണീസ്‌ മെസഞ്ചർ ഇപ്രകാ​രം നിരീ​ക്ഷി​ച്ചു: “യഹോ​വ​യു​ടെ സാക്ഷികൾ ‘വ്യവസ്ഥാ​പിത ലൗകിക സമൂഹ’ത്തിനു വെളി​യിൽ നിൽക്കു​ന്നു, ലൗകിക ഭരണകൂ​ടം ചെയ്യാൻ തീരു​മാ​നി​ക്കുന്ന എന്തി​നെ​യും അനു​ഗ്ര​ഹി​ക്കാ​നുള്ള ഉത്തരവാ​ദി​ത്വം അവർ കൈ​യേൽക്കു​ന്നു​മില്ല.”

സകല ജനതക​ളിൽനി​ന്നു​മുള്ള ചുരുക്കം ചില ലക്ഷങ്ങൾ മാത്രം വരുന്ന വ്യക്തികൾ തങ്ങളുടെ വാളുകൾ കൊഴു​ക്ക​ളാ​യി അടിച്ചു​തീർക്കു​ന്ന​തി​ന്റെ ഫലമായി മാത്ര​മാ​ണോ നിരാ​യു​ധീ​ക​രണം സംബന്ധിച്ച ദൈവ​ത്തി​ന്റെ വാഗ്‌ദത്തം നിവൃ​ത്തി​യേ​റു​ന്നത്‌? തീർച്ച​യാ​യും അല്ല! ദൈവ​ത്തി​ന്റെ വാഗ്‌ദത്തം വലിയ ഒരളവി​ലും നാടകീ​യ​മായ ഒരു വിധത്തി​ലും നിവൃ​ത്തി​യേ​റും.

യുദ്ധത്തിന്‌ ഒരറുതി വരുന്ന വിധം

സ്രഷ്ടാ​വായ യഹോ​വ​യാം ദൈവം എല്ലാ യുദ്ധസ​ന്നാ​ഹ​ങ്ങ​ളെ​യും അതിന്‌ ഉത്തരവാ​ദി​യാ​യി​രി​ക്കു​ന്ന​വ​രെ​യും നീക്കം ചെയ്‌തു​കൊ​ണ്ടു യുദ്ധത്തെ അവസാ​നി​പ്പി​ക്കും. ഉത്തേജ​ക​മായ ഈ പ്രതീ​ക്ഷ​യെ​ക്കു​റി​ച്ചു ചിന്തി​ക്കാൻ ഒരു സങ്കീർത്ത​ന​ക്കാ​രൻ വായന​ക്കാ​രെ ക്ഷണിച്ചു. അദ്ദേഹം ഇപ്രകാ​രം എഴുതി: “വരുവിൻ യഹോ​വ​യു​ടെ പ്രവൃ​ത്തി​കളെ നോക്കു​വിൻ; അവൻ ഭൂമി​യിൽ എത്ര ശൂന്യത വരുത്തി​യി​രി​ക്കു​ന്നു! അവൻ ഭൂമി​യു​ടെ അററം​വ​രെ​യും യുദ്ധങ്ങളെ നിർത്തൽ ചെയ്യുന്നു.” (സങ്കീർത്തനം 46:8, 9) എന്തൊരു ശ്രദ്ധേ​യ​മായ, ഉദ്വേ​ഗ​ജ​ന​ക​മായ പ്രഖ്യാ​പനം!

യുദ്ധമി​ല്ലാ​ത്ത ഒരു ലോക​ത്തെ​ക്കു​റി​ച്ചുള്ള പ്രതീക്ഷ അവിശ്വ​നീ​യ​മാ​ണോ? സംശയാ​ലു​ക്കൾ അങ്ങനെ ചിന്തി​ച്ചേ​ക്കാം. ഈ മാസി​ക​യു​ടെ 9മുതൽ 13വരെയുള്ള പേജു​ക​ളിൽ ജീവകഥ പ്രത്യ​ക്ഷ​പ്പെ​ടുന്ന സൈനിക ചരി​ത്ര​കാ​രൻപോ​ലും അങ്ങനെ ചിന്തി​ച്ചി​രു​ന്നു. എന്നാൽ ശ്രദ്ധാ​പൂർവം തെളിവു പരി​ശോ​ധി​ക്കാൻ അദ്ദേഹം സമയ​മെ​ടു​ത്തു. തൽഫല​മാ​യി, ബൈബിൾ വാസ്‌ത​വ​ത്തിൽ വിശ്വാ​സ​യോ​ഗ്യ​മാ​ണെന്ന്‌ അദ്ദേഹം അനുഭ​വ​ത്തിൽനി​ന്നു പഠിച്ചു. ചരി​ത്ര​ത്തി​ലെ മുൻകാല സംഭവങ്ങൾ സംബന്ധിച്ച ബൈബിൾ പ്രവച​നങ്ങൾ പിഴവു കൂടാതെ കൃത്യ​സ​മ​യ​ത്തു​തന്നെ നിവർത്തി​യേ​റി​യി​രി​ക്കു​ന്നു എന്ന്‌ അദ്ദേഹം കണ്ടെത്തി. ഇനിയും സംഭവി​ക്കു​മെന്നു പ്രവചി​ക്ക​പ്പെ​ട്ടി​രി​ക്കുന്ന സംഭവങ്ങൾ സമയപ്പ​ട്ടി​ക​യ​നു​സ​രി​ച്ചു​തന്നെ സംഭവി​ക്കു​മെന്നു വിശ്വ​സി​ക്കാൻ അത്‌ അദ്ദേഹ​ത്തിന്‌ അടിസ്ഥാ​നം നൽകി.

ദൃഷ്ടാ​ന്ത​ത്തിന്‌, ഈ വ്യവസ്ഥി​തി​യു​ടെ അന്ത്യനാ​ളു​കളെ അടയാ​ള​പ്പെ​ടു​ത്തു​മെന്നു ബൈബിൾ മുൻകൂ​ട്ടി​പ്പറഞ്ഞ സംഭവ​ങ്ങ​ളോട്‌, ഇപ്പോൾ ഭൂമിയെ ഉലച്ചു​കൊണ്ട്‌ അരങ്ങേ​റുന്ന സംഭവങ്ങൾ എത്ര പൂർണ​മാ​യി യോജി​ക്കു​ന്നു​വെന്നു പര്യാ​ലോ​ചി​ക്കുക. (മത്തായി 24:3-14; 2 തിമൊ​ഥെ​യൊസ്‌ 3:1-5) തന്റെ അനുഗാ​മി​കളെ യേശു പഠിപ്പിച്ച, “സ്വർഗ്ഗ​സ്ഥ​നായ ഞങ്ങളുടെ പിതാവേ, നിന്റെ നാമം വിശു​ദ്ധീ​ക​രി​ക്ക​പ്പെ​ടേ​ണമേ; നിന്റെ രാജ്യം വരേണമേ; നിന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും ആകേണമേ” എന്ന പ്രാർഥ​നയെ നിവർത്തി​ച്ചു​കൊ​ണ്ടു ദൈവ​രാ​ജ്യം വരാനുള്ള സമയത്തു നാം ഇപ്പോൾ ജീവി​ക്കു​ന്നു എന്ന്‌ ഇത്‌ അർഥമാ​ക്കു​ന്നു.—മത്തായി 6:9, 10.

ദൈവ​രാ​ജ്യം ഏതുവി​ധ​ത്തിൽ വരാനാ​ണു നാം പ്രതീ​ക്ഷി​ക്കേ​ണ്ടത്‌? ഇതു സംബന്ധിച്ച ഒരു ബൈബിൾപ്ര​വ​ചനം ഇപ്രകാ​രം പറയുന്നു: “ഈ രാജാ​ക്കൻമാ​രു​ടെ കാലത്തു [അർഥം, ഇപ്പോൾ അധികാ​ര​ത്തി​ലുള്ള ആ ഗവൺമെൻറു​കൾ] സ്വർഗ്ഗ​സ്ഥ​നായ ദൈവം ഒരുനാ​ളും നശിച്ചു​പോ​കാത്ത ഒരു രാജത്വം സ്ഥാപി​ക്കും; ആ രാജത്വം വേറെ ഒരു ജാതിക്കു ഏല്‌പി​ക്ക​പ്പെ​ടു​ക​യില്ല; അതു [ദൈവ​രാ​ജ്യ ഗവൺമെൻറ്‌] ഈ രാജത്വ​ങ്ങളെ [അല്ലെങ്കിൽ, ഗവൺമെൻറു​കളെ] ഒക്കെയും തകർത്തു നശിപ്പി​ക്ക​യും എന്നേക്കും നിലനി​ല്‌ക്ക​യും ചെയ്യും.”—ദാനീ​യേൽ 2:44.

അതേ, നോഹ​യു​ടെ കാലത്തു മുൻകൂ​ട്ടി​പ്പ​റ​ഞ്ഞി​രുന്ന ജലപ്ര​ളയം വന്നതു​പോ​ലെ​തന്നെ, ഇന്നത്തെ സകല ഗവൺമെൻറു​ക​ളെ​യും നീക്കം ചെയ്യാൻ ഒരു നാടകീ​യ​മായ വിധത്തിൽ ദൈവ​രാ​ജ്യം വരും. (മത്തായി 24:36-39; 1 യോഹ​ന്നാൻ 2:17) ഇപ്പോ​ഴത്തെ സകല ഗവൺമെൻറു​ക​ളു​ടെ​യും അതു​പോ​ലെ​തന്നെ അവയെ പിന്താ​ങ്ങുന്ന മതങ്ങളു​ടെ​യും ആസന്ന നാശത്തി​ന്റെ കാഴ്‌ച​പ്പാ​ടിൽ നാം നമ്മുടെ സ്വന്തം നില പരി​ശോ​ധി​ക്കു​ന്നതു ജീവൽപ്ര​ധാ​ന​മാണ്‌. നാം യഹോ​വ​യാം ദൈവ​ത്തെ​യും അവിടു​ത്തെ പുത്ര​നായ യേശു​ക്രി​സ്‌തു​വി​നെ​യും കുറിച്ചു പഠിക്കാൻ ശ്രമം ചെലു​ത്തു​ക​യും അനന്തരം അവർ നമ്മിൽനിന്ന്‌ ആവശ്യ​പ്പെ​ടു​ന്നതു ചെയ്യു​ക​യും ചെയ്യു​മോ? (യോഹ​ന്നാൻ 17:3) നമ്മുടെ സഹമനു​ഷ്യന്‌ ഉപദ്രവം ചെയ്യാൻ വിസമ്മ​തി​ച്ചു​കൊണ്ട്‌, നാം അന്യോ​ന്യം സ്‌നേ​ഹി​ക്കു​ക​യും അങ്ങനെ നാം നമ്മുടെ വാളു​കളെ കൊഴു​ക്ക​ളാ​യി അടിച്ചു​തീർക്കു​ക​യും ചെയ്യു​മോ?

യുദ്ധം ന്യായ​മ​ല്ലെന്നു സമ്മതി​ക്കു​ക​യും സമാധാ​നം സാർവ​ലൗ​കി​ക​മാ​യി​ത്തീ​രു​മ്പോൾ ഭൂമി​യിൽ ജീവി​ക്കാൻ നിങ്ങൾ ആഗ്രഹി​ക്കു​ക​യും ചെയ്യു​ന്നെ​ങ്കിൽ യഹോ​വ​യു​ടെ സാക്ഷി​ക​ളു​മാ​യി ബന്ധപ്പെ​ടുക. ദൈവ​രാ​ജ്യ​ഭ​ര​ണ​ത്തിൻകീ​ഴിൽ യുദ്ധം പെട്ടെ​ന്നു​തന്നെ എങ്ങനെ അവസാ​നി​ക്കും എന്നതു സംബന്ധി​ച്ചു പഠിക്കാൻ നിങ്ങളെ സഹായി​ക്കു​ന്ന​തിന്‌ അവർ സന്തോ​ഷ​മു​ള്ള​വ​രാ​യി​രി​ക്കും. (g93 4/22)

[7-ാം പേജിലെ ചതുരം]

യഹോവയുടെ സാക്ഷി​കൾക്കു വേണ്ടി​യുള്ള ഹിം​ലെ​റി​ന്റെ പദ്ധതികൾ

രണ്ടാം ലോക​മ​ഹാ​യു​ദ്ധ​കാ​ലത്തെ നാസി എസ്‌എ​സി​ന്റെ അഥവാ എലൈ​ററ്‌ ഗാർഡി​ന്റെ തലവനാ​യി​രുന്ന ഹൈൻഡ്രിക്‌ ഹിംലെർ, അഡോൾഫ്‌ ഹിററ്‌ലർ കഴിഞ്ഞാൽ ജർമനി​യി​ലെ ഏററവും അധികാ​ര​മുള്ള അടുത്ത മനുഷ്യ​നാ​യി​രു​ന്നു. ലോകത്തെ പിടി​ച്ച​ട​ക്കാ​നുള്ള നാസി ആസൂ​ത്ര​ണ​ങ്ങ​ളിൽ പങ്കു​ചേ​രാൻ യഹോ​വ​യു​ടെ സാക്ഷികൾ വിസമ്മ​തി​ച്ച​തു​കൊ​ണ്ടു ഹിംലെർ അവരെ വെറു​ത്തെ​ങ്കി​ലും അദ്ദേഹം അവരെ ആദരി​ക്കാ​നി​ട​യാ​യി. ഗെസ്‌റ​റ​പ്പോ​യു​ടെ ചീഫായ ഏൺസ്‌ററ്‌ കാൾട്ടൺബ്രൂ​ണർക്കുള്ള കത്തുക​ളി​ലൊ​ന്നിൽ ഹിംലെർ ഇപ്രകാ​രം എഴുതി:

“സമീപ​കാ​ലത്തെ ചില വിവര​ങ്ങ​ളും നിരീ​ക്ഷ​ണ​ങ്ങ​ളും താങ്കളു​ടെ ശ്രദ്ധയി​ലേക്കു കൊണ്ടു​വ​രാൻ ഞാൻ ആഗ്രഹി​ക്കുന്ന പദ്ധതികൾ ആവിഷ്‌ക്ക​രി​ക്കാൻ എന്നെ പ്രേരി​പ്പി​ച്ചി​രി​ക്കു​ന്നു. ഇതു യഹോ​വ​യു​ടെ സാക്ഷി​കളെ സംബന്ധി​ച്ചു​ള്ള​താണ്‌. . . . റഷ്യയു​ടെ ഭൂപ്ര​ദേ​ശ​ത്തി​ന്റെ വിശാല ഭാഗങ്ങൾ നാം കീഴട​ക്കി​ക്ക​ഴി​യു​മ്പോൾ . . . നാം എങ്ങനെ​യാണ്‌ അതിനെ ഭരിക്കാ​നും സാന്ത്വ​ന​പ്പെ​ടു​ത്താ​നും പോകു​ന്നത്‌? . . . എല്ലാ തരത്തി​ലുള്ള മതങ്ങ​ളെ​യും നിരു​പ​ദ്ര​വ​ങ്ങ​ളായ വിഭാ​ഗ​ങ്ങ​ളെ​യും പിന്താ​ങ്ങണം . . . അങ്ങേയ​ററം യഹോ​വ​യു​ടെ സാക്ഷി​ക​ളു​ടെ വിശ്വാ​സ​ങ്ങ​ളെ​യും. അവിശ്വ​സ​നീ​യ​മാം​വി​ധം നമുക്കു പ്രയോ​ജനം ചെയ്യുന്ന ഗുണങ്ങൾ ഒടുവിൽ പറഞ്ഞ വിഭാ​ഗ​ത്തി​നു​ണ്ടെ​ന്നു​ള്ളതു നല്ലവണ്ണം അറിയാ​വു​ന്ന​താണ്‌. അവർ സൈനി​ക​സേ​വ​ന​മോ യുദ്ധ​ത്തോ​ടു ബന്ധപ്പെട്ട എന്തെങ്കി​ലു​മോ ചെയ്യാൻ വിസമ്മ​തി​ക്കു​ന്നു എന്നതൊ​ഴിച്ച്‌ . . . അവർ അവിശ്വ​സ​നീ​യ​മാം​വി​ധം ആശ്രയ​യോ​ഗ്യ​രും മദ്യപി​ക്കാ​ത്ത​വ​രും പുകവ​ലി​ക്കാ​ത്ത​വ​രും ആണ്‌; അവർ അക്ഷീണം പ്രവർത്തി​ക്കു​ന്ന​വ​രും അപൂർവ​മായ സത്യസ​ന്ധ​ത​യു​ള്ള​വ​രും ആണ്‌. യഹോ​വ​യു​ടെ സാക്ഷികൾ പറയു​ന്നത്‌ ആശ്രയ​യോ​ഗ്യ​മാണ്‌. ഇവ മാതൃ​കാ​പ​ര​മായ സ്വഭാ​വ​വി​ശേ​ഷ​ത​ക​ളാണ്‌ . . . , അസൂയ ജനിപ്പി​ക്കുന്ന ഗുണങ്ങൾതന്നെ.”

ഇല്ല, നാസി​കൾക്കു​വേണ്ടി പ്രവർത്തി​ക്കാൻ ഹിം​ലെർക്ക്‌ ഒരിക്ക​ലും സാക്ഷി​കളെ പ്രേരി​പ്പി​ക്കാ​നാ​കു​മാ​യി​രു​ന്നില്ല. തനിക്കു​വേ​ണ്ടി​യോ തന്റെ ആളുകൾക്കു​വേ​ണ്ടി​യോ സാക്ഷി​ക​ളു​ടെ സമാധാ​ന​പ്രി​യ​മുള്ള ഗുണങ്ങൾ അയാൾ ആഗ്രഹി​ച്ചില്ല, എന്നാൽ മാതൃ​കാ​പ​ര​മായ ഈ ഗുണങ്ങൾ റഷ്യാ​ക്കാർ ആർജി​ക്കാൻ അയാൾ ആഗ്രഹി​ച്ചു. ഇത്‌ അവരെ തങ്ങളുടെ വാളുകൾ കൊഴു​ക്ക​ളാ​യി അടിച്ചു​തീർത്തു​കൊ​ണ്ടു ശാന്തരായ ഒരു ജനതയാ​ക്കി​ത്തീർക്കു​മാ​യി​രു​ന്നു.

[8-ാം പേജിലെ ചിത്രം]

ദൈവരാജ്യം സകല യുദ്ധ സന്നാഹ​ങ്ങ​ളെ​യും നിർമൂ​ലനം ചെയ്യു​ക​യും സമാധാ​ന​പൂർണ​മായ ഒരു പുതിയ ലോക​ത്തി​ലേക്ക്‌ ആളുകളെ വിടു​വി​ച്ചാ​ന​യി​ക്കു​ക​യും ചെയ്യും