ലോകത്തെ വീക്ഷിക്കൽ

ടെലി​വി​ഷന്റെ ആഗോ​ള​സ്വാ​ധീ​നം

ലോക​വ്യാ​പ​ക​മാ​യി ടെലി​വി​ഷന്റെ പ്രചാരം എത്ര​ത്തോ​ള​മുണ്ട്‌? ഇൻറർനാ​ഷണൽ ഹെറാൾഡ്‌ ട്രിബ്യൂൺ പറയു​ന്ന​ത​നു​സ​രിച്ച്‌, ഗോള​മെ​ങ്ങും 100 കോടി​യി​ല​ധി​കം ടിവി സെററു​കൾ ഉണ്ട്‌, അഞ്ചുവർഷം മുമ്പു​ണ്ടാ​യി​രു​ന്ന​തി​നെ​ക്കാൾ 50 ശതമാനം കൂടുതൽ. ജാപ്പനീസ്‌ ഭവനങ്ങ​ളിൽ ഫഷ്‌ള്‌ടോ​യ്‌ല​റ​റു​ക​ളെ​ക്കാൾ കൂടുതൽ ടിവി സെററു​കൾ ഉണ്ട്‌. മെക്‌സി​ക്കോ​യി​ലെ ഏതാണ്ടു പകുതി വീടു​ക​ളി​ലേ ടെല​ഫോ​ണു​കൾ ഉള്ളു, എന്നാൽ മിക്കവാ​റും ഓരോ വീട്ടി​ലും ടിവി ഉണ്ട്‌. മിക്ക അമേരി​ക്ക​ക്കാർക്കും തിര​ഞ്ഞെ​ടു​ക്കാൻ 25-ഓ 30-ഓ ടിവി ചാനലു​കൾ ഉണ്ട്‌. ട്രിബ്യൂൺ ഇപ്രകാ​രം പ്രസ്‌താ​വി​ക്കു​ന്നു: “ഈ ആഗോള ടെലി​വി​ഷൻ വിപ്ലവ​ത്തി​ന്റെ സാംസ്‌കാ​രി​ക​വും രാഷ്‌ട്രീ​യ​വും സാമ്പത്തി​ക​വു​മായ ഫലങ്ങൾ വമ്പിച്ച​താണ്‌. . . . അമേരി​ക്ക​ക്കാ​രു​ടെ രണ്ടു തലമു​റ​കൾക്ക്‌ ഇപ്പോൾത്തന്നെ സംഭവി​ച്ചി​രി​ക്കു​ന്ന​തു​പോ​ലെ, ടിവി കാണു​ന്നതു ലോക​ത്തി​ന്റെ ശേഷി​ക്കുന്ന ഭാഗത്തി​ന്റെ​യും വായന​യോ​ടുള്ള താത്‌പ​ര്യം കുറയ്‌ക്കു​മെന്നു ചിലർ ഉത്‌ക്ക​ണ്‌ഠ​പ്പെ​ടു​ന്നു.” (g93 5⁄8)

കുട്ടി​കളെ ആർക്കു​വേണം?

“കുട്ടി​കളെ അങ്ങ്‌ എടുത്തു​കൊ​ള്ളൂ, പണം മതി എനിക്ക്‌.” മെയ്‌നി​ച്ചി ഡെയ്‌ലി ന്യൂസിൽ വന്ന ഈ തലക്കെട്ട്‌ എന്നെങ്കി​ലും വിവാ​ഹ​മോ​ചനം നടത്തു​ന്നെ​ങ്കിൽ തങ്ങൾ എന്തു സൂക്ഷി​ക്കാൻ ആഗ്രഹി​ക്കും എന്നതു സംബന്ധിച്ച്‌ ഒട്ടനവധി ജാപ്പനീസ്‌ സ്‌ത്രീ​ക​ളു​ടെ ഉത്തരങ്ങ​ളു​ടെ ചുരു​ക്ക​മാ​യി​രു​ന്നു. ഒരു പരസ്യ​ക്ക​മ്പ​നി​യായ ഹാക്കു​ഹോ​ഡോ നടത്തിയ ഈയടു​ത്ത​കാ​ലത്തെ ഒരു സർവേ അനുസ​രിച്ച്‌, ഏററവും ഉയർന്ന മുൻഗണന നൽകപെട്ട മൂന്നു കാര്യങ്ങൾ യഥാ​ക്രമം ബാങ്ക്‌ സമ്പാദ്യ​വും പണവും അവധി​ക്കാല ഭവനങ്ങ​ളു​മാണ്‌. നാലാ​മ​താ​യി ആൺമക്കൾ വരുന്നു, തുടർന്നു പെൺകു​ട്ടി​കൾ, അടുത്ത​താ​യി ഭവനങ്ങ​ളും ടെലി​വി​ഷൻ സെററു​ക​ളും കലാസൃ​ഷ്ടി​ക​ളും ഹാൻഡ്‌ ബാഗു​ക​ളും ആണുള്ളത്‌. തങ്ങളുടെ കുട്ടി​കൾക്കു​വേണ്ടി പിതാ​ക്കൻമാർക്കും സമയമില്ല. ടോ​ക്കെയ്‌ ബാങ്ക്‌ നടത്തിയ ഒരു വ്യത്യസ്‌ത സർവേ, തങ്ങളുടെ കുട്ടി​ക​ളോ​ടു സംസാ​രി​ച്ചു​കൊ​ണ്ടു സമയം ചെലവ​ഴി​ക്കാൻ കഴിയാ​ത്ത​വി​ധം തങ്ങൾ ജോലി​യിൽ വളരെ തിരക്കു​ള്ള​വ​രാ​ണെന്നു 69 ശതമാനം ജാപ്പനീസ്‌ പിതാ​ക്കൻമാ​രും പറയു​ന്ന​താ​യി കണ്ടെത്തി. സത്യം പറഞ്ഞാൽ തങ്ങളുടെ കുട്ടി​ക​ളോ​ടൊ​ത്തു ചർച്ച ചെയ്യാൻ പൊതു​വിൽ ഒന്നും തന്നെ തങ്ങൾക്കി​ല്ലെന്ന്‌ 22 ശതമാ​നം​പേ​രും പറയുന്നു. (g93 4⁄22)

ഗ്രഹത്തെ വക്കി​ലേക്കു തള്ളിവി​ടു​ന്നു

ലോകത്തെ ഇപ്പോ​ഴത്തെ വാർഷിക ജനസം​ഖ്യാ​വർധ​നവ്‌ ഏകദേശം 10 കോടി​യാണ്‌, 2050 എന്ന വർഷ​ത്തോ​ടെ ലോക​ജ​ന​സം​ഖ്യ 1,000 കോടി​യാ​യി​രി​ക്കും എന്നു കണക്കാ​ക്ക​പ്പെ​ടു​ന്ന​താ​യി ബ്രിട്ടീഷ്‌ മെഡിക്കൽ ജേർണ​ല​ലെ ഒരു റിപ്പോർട്ട്‌ പറയുന്നു. അത്തരം വളർച്ച പരിസ്ഥി​തി​യു​ടെ​മേൽ പരിഹ​രി​ക്കാ​നാ​കാത്ത ക്ഷതം വരുത്തു​മെന്നു ഭീഷണി ഉയർത്തു​ന്നു എന്നു ലണ്ടൻ റോയൽ സൊ​സൈ​റ​റി​യും യു.എസ്‌. നാഷനൽ അക്കാദ​മി​യും ചേർന്നു പുറത്തി​റ​ക്കിയ ഒരു സംയുക്ത പ്രസ്‌താ​വന പറഞ്ഞു. ജനസം​ഖ്യാ​വർധ​ന​വി​ന്റെ ഏറിയ പങ്കും നടക്കുന്ന വികസ്വര രാജ്യങ്ങൾ വികസിത ലോക​ത്തി​ന്റെ അതേ നിരക്കിൽ വിഭവങ്ങൾ ഉപയോ​ഗി​ച്ചി​രു​ന്നെ​ങ്കിൽ ഇതു വിശേ​ഷി​ച്ചും സത്യമാ​യി​രി​ക്കു​മാ​യി​രു​ന്നു. ശാസ്‌ത്ര​ത്തി​നും സാങ്കേ​തി​ക​വി​ദ്യ​യ്‌ക്കും ഒരു കേന്ദ്ര പങ്ക്‌ ഉണ്ടെന്ന്‌ അക്കാദ​മി​കൾ അഭി​പ്രാ​യ​പ്പെട്ടു. എന്നാൽ “ത്വരി​ത​ഗ​തി​യി​ലുള്ള ജനസം​ഖ്യാ​വർധ​ന​വും വിഭവ​ങ്ങ​ളു​ടെ പാഴു​പ​യോ​ഗ​വും ദോഷ​ക​ര​മായ മാനു​ഷ​ശീ​ല​ങ്ങ​ളും സൃഷ്ടി​ക്കുന്ന പ്രശ്‌ന​ങ്ങളെ പരിഹ​രി​ക്കാൻ” അവയിൽ മാത്രം ആശ്രയി​ക്കു​ന്നതു ബുദ്ധി​പൂർവ​കമല്ല എന്നും പറഞ്ഞു. ആ പ്രസ്‌താ​വന ഇപ്രകാ​രം പറഞ്ഞു: ഒന്നിനും മാററം വരുന്നി​ല്ലെ​ങ്കിൽ, “പരിസ്ഥി​തി​യു​ടെ അപരി​ഹാ​ര്യ​മായ അധഃപ​ത​ന​മോ ലോക​ത്തി​ലെ അനേക​രു​ടെ​യും സ്ഥായി​യായ ദാരി​ദ്ര്യ​മോ തടയാൻ ശാസ്‌ത്ര​ത്തി​നും സാങ്കേ​തി​ക​വി​ദ്യ​യ്‌ക്കും കഴിയാ​തെ വന്നേക്കാം.” “ജനസം​ഖ്യ​യെ നിയ​ന്ത്രി​ക്കാൻ നാം ഗൗരവ​ത​ര​മായ ശ്രമങ്ങൾ നടത്തു​ന്നി​ല്ലെ​ങ്കിൽ മറെറ​ല്ലാം രണ്ടാമ​താ​യി​ത്തീ​രു​ന്നു” എന്ന്‌ ലണ്ടൻ റോയൽ സൊ​സൈ​റ​റി​യു​ടെ പ്രസി​ഡ​ണ്ടായ സർ മൈക്കിൾ ആററിയ പ്രസ്‌താ​വി​ച്ചു. (g93 5⁄8)

ഒരിക്ക​ലു​മെ​ത്തി​ച്ചേ​രാത്ത സഹായം

ആഫ്രി​ക്ക​യി​ലെ വിശപ്പും ദാരി​ദ്ര്യ​വും കുറയ്‌ക്കാൻ സംഭാവന ചെയ്യ​പ്പെ​ടുന്ന അന്തർദേ​ശീയ സഹായ​ത്തി​ന്റെ 7 ശതമാനം മാത്രമേ നിർദിഷ്ട ഗുണ​ഭോ​ക്താ​ക്കൾക്ക​രി​കെ എത്തി​ച്ചേ​രു​ന്നു​ള്ളു​വെന്ന്‌ ആഫ്രിക്കൻ വികസ​ന​ബാ​ങ്കി​ന്റെ വൈസ്‌ പ്രസി​ഡ​ണ്ടായ ഫറററ്‌ യൂനസ്‌ സമ്മതി​ക്കു​ന്നു. ലക്ഷക്കണ​ക്കിന്‌ ആഫ്രിക്കൻ കുട്ടികൾ പട്ടിണി​കൊ​ണ്ടു പരവേശം കൊള്ളു​മ്പോൾ ഈ ദുരന്ത​ത്തി​ന്റെ ഘോര​ഭാ​വം ഇരട്ടി​ക്കു​ക​യാണ്‌. ആഫ്രിക്കൻ ഭൂഖണ്ഡ​ത്തി​ലു​ട​നീ​ളം മൂന്നു കോടി വികല​പോ​ഷി​ത​രായ കുട്ടി​ക​ളും മോശ​മായ ഭക്ഷ്യ​ക്ര​മ​ത്താൽ വളർച്ച മുരടി​ച്ചു​പോയ വേറെ നാലു കോടി കുട്ടി​ക​ളും ഉണ്ടെന്ന്‌ എൽ പേയ്‌സ്‌ എന്ന സ്‌പാ​നീഷ്‌ പത്രം റിപ്പോർട്ടു ചെയ്യുന്നു. നാൽപ​ത്തി​നാല്‌ ആഫ്രിക്കൻ രാജ്യ​ങ്ങ​ളിൽനി​ന്നുള്ള പ്രതി​നി​ധി​കൾ സെനഗ​ലി​ലെ ദാക്കറിൽ സമ്മേളിച്ച്‌ സഹായ​വി​ത​ര​ണ​ത്തി​ന്റെ വികേ​ന്ദ്രീ​ക​ര​ണ​വും ആയുധ​ച്ചെ​ല​വി​ലെ വെട്ടി​ച്ചു​രു​ക്ക​ലും ഈ കുട്ടി​ക​ളു​ടെ ഭാഗ​ധേയം മെച്ച​പ്പെ​ടു​ത്താ​നുള്ള രണ്ടു സുപ്ര​ധാന പടിക​ളെ​ന്ന​നി​ല​യിൽ ശുപാർശ ചെയ്‌തു. (g93 5⁄8)

ആഫ്രി​ക്ക​യി​ലെ പൊടി

വരണ്ട ഉഷ്‌ണ​ക്കാ​റ​റു​കൾ സാവന്ന​പ്ര​ദേ​ശ​ത്തു​നി​ന്നും കുററി​ച്ചെ​ടി​കൾ വളരുന്ന പ്രദേ​ശ​ത്തു​നി​ന്നും കോരി​യെ​ടു​ത്തു​കൊ​ണ്ടു​പോ​വുന്ന ആഫ്രിക്കൻ പൊടി ഗോള​ത്തി​ന്റെ മററു ഭാഗങ്ങൾക്ക്‌ ഗുണം ചെയ്യു​ന്നു​വെന്നു ശാസ്‌ത്രജ്ഞർ പറയുന്നു. തെക്കൻ ആഫ്രി​ക്ക​യിൽ നീണ്ടു​നിന്ന ഒരു വരൾച്ച​നി​മി​ത്തം ഭാഗി​ക​മാ​യി, 1992-ൽ മാത്രം ലക്ഷക്കണ​ക്കി​നു ടൺ ആഫ്രിക്കൻ മേൽമണ്ണ്‌ കട്ടിയുള്ള ധൂളീ​പ​ട​ല​മാ​യി മാറി​യെന്ന്‌ ഇൻറർനാ​ഷണൽ ഹെറാൾഡ്‌ ട്രിബ്യൂൺ റിപ്പോർട്ടു ചെയ്യുന്നു. പൊടി​യി​ല​ധി​ക​വും അററ്‌ലാൻറിക്‌ സമു​ദ്ര​ത്തിൽ ചെന്നു​വീ​ഴു​ന്നു. അവിടെ ഭക്ഷ്യശൃം​ഖ​ല​യു​ടെ പ്രഥമ കണ്ണിക​ളായ ഏകകോശ സസ്യങ്ങൾക്കും ജീവി​കൾക്കും ധാതു​ല​വ​ണങ്ങൾ—വിശേ​ഷി​ച്ചും വളരെ ആവശ്യ​മുള്ള ഇരുമ്പ്‌—അവ പകർന്നു നൽകുന്നു. ശേഷിച്ചവ അമേരി​ക്ക​ക​ളി​ലേക്കു പറന്നു പോകു​ന്നു. ആമസോൺ മഴക്കാ​ടു​ക​ളിൽ നടത്തിയ പഠനങ്ങൾ അവി​ടെ​യുള്ള വളക്കൂറു കുറഞ്ഞ മണ്ണിനെ വീണ്ടും സമ്പുഷ്ട​മാ​ക്കാൻ ആഫ്രിക്കൻ പൊടി സഹായി​ക്കു​ന്നു എന്നു സൂചി​പ്പി​ക്കു​ന്നു. “വളരെ വലുതും വിദൂ​ര​വു​മായ ആവാസ​വ്യ​വ​സ്ഥകൾ പരസ്‌പരം എപ്രകാ​രം ആശ്രയി​ക്കു​ന്നു എന്ന്‌ അററ്‌ലാൻറിക്‌ പ്രദേ​ശ​ത്തെ​യും അമേരി​ക്ക​ക​ളെ​യും പോറ​റുന്ന ആഫ്രിക്കൻ പൊടി പ്രകട​മാ​ക്കു​ന്നു” എന്ന്‌ വിർജീ​നിയ സർവക​ലാ​ശാ​ല​യി​ലെ ഡോ. മൈക്കിൾ ഗാർസ്‌റ​റാംഗ്‌ പറയുന്നു. “നാം തീരെ മനസ്സി​ലാ​ക്കി​യി​ട്ടി​ല്ലാത്ത പരസ്‌പ​ര​ബ​ന്ധ​മു​ള്ള​തും പരസ്‌പരം ആശ്രയി​ച്ചി​രി​ക്കു​ന്ന​തു​മായ അനേകം വ്യവസ്ഥകൾ നമ്മുടെ ഗ്രഹത്തിൽ ഉണ്ട്‌ എന്നാണ്‌ ഇതു വിളി​ച്ച​റി​യി​ക്കു​ന്നത്‌. നാം ഈ കാര്യങ്ങൾ മനസ്സി​ലാ​ക്കാൻ തുടങ്ങി​യി​ട്ടേ​യു​ള്ളു.” (g93 5⁄8)

മതമാ​സി​കകൾ പ്രസി​ദ്ധീ​ക​രണം നിറു​ത്തു​ന്നു

“രാഷ്‌ട്ര​ത്തി​ലെ ഏററവും പഴയ രണ്ടു മതമാ​സി​ക​ക​ളായ അമേരി​ക്കൻ ബാപ്‌റ​റി​സ്‌റ​റും, ക്രിസ്‌റ​റ്യൻ ഹെറാൾഡും പ്രസി​ദ്ധീ​ക​രണം നിർത്തി​യി​രി​ക്കു​ന്ന​താ​യി ഒരു അസോ​ഷി​യേ​റ​റഡ്‌ പ്രസ്സ്‌ റിപ്പോർട്ടു ചെയ്യുന്നു. “1878-ൽ തുടങ്ങി ന്യൂ​യോർക്കി​ലെ ചപ്പാഗ്വാ ആസ്ഥാന​മാ​ക്കി പ്രസി​ദ്ധ​പ്പെ​ടു​ത്തുന്ന 115 വർഷം പഴക്കമുള്ള ക്രിസ്‌റ​റ്യൻ ഹെറാൾഡ​ന്റെ​യും 1803-ൽ തുടങ്ങി പ്രസി​ദ്ധ​പ്പെ​ടു​ത്തുന്ന 189 വർഷം പഴക്കമുള്ള അമേരി​ക്കൻ ബാപ്‌റ​റി​സ്‌റ​റ​ന്റെ​യും പ്രചാരം കുറഞ്ഞു​വ​രു​ന്ന​താ​യി ഉദ്ധരി​ക്ക​പ്പെ​ടു​ന്നു.” പെൻസിൽവേ​നി​യാ​യി​ലെ വാലി ഫോർജ്‌ ആസ്ഥാന​മാ​ക്കി പ്രസി​ദ്ധ​പ്പെ​ടു​ത്തുന്ന അമേരി​ക്കൻ ബാപ്‌റ​റി​സ്‌റ​റ​നു പകരം ഒരു ചെറിയ വാർത്താ പത്രി​ക​യാ​യി​രി​ക്കും പ്രസി​ദ്ധീ​ക​രി​ക്ക​പ്പെ​ടുക. എന്നിരു​ന്നാ​ലും ആ കാലഘ​ട്ട​ത്തി​ലെ മറെറാ​രു മതമാ​സി​ക​യായ വീക്ഷാ​ഗോ​പു​രം തുടർന്നു വർധി​ച്ചു​കൊ​ണ്ടേ​യി​രി​ക്കു​ന്നു. ഇംഗ്ലീ​ഷിൽ 6,000 കോപ്പി​ക​ളു​ടെ ഒരു മുദ്ര​ണ​ത്തോ​ടെ പെൻസിൽവേ​നി​യാ​യി​ലെ പിററ്‌സ്‌ബർഗിൽ വച്ച്‌ 1879-ൽ ഒരു പ്രതി​മാ​സ​പ​തി​പ്പാ​യി ആദ്യം പ്രസി​ദ്ധീ​ക​രിച്ച വീക്ഷാ​ഗോ​പു​രം ഇപ്പോൾ അർധമാ​സ​പ​തി​പ്പാ​യി 112 ഭാഷക​ളിൽ പ്രസി​ദ്ധീ​ക​രി​ക്ക​പ്പെ​ടു​ന്നു, അതിന്‌ ഓരോ ലക്കത്തി​നും 1,64,00,000 കോപ്പി​ക​ളു​ടെ മുദ്രണം ഉണ്ട്‌. (g93 5⁄8)

കുഷ്‌ഠ​രോ​ഗ​ത്തി​നു ചികിത്സ

കുഷ്‌ഠ​രോ​ഗി​കളെ തിരസ്‌ക്ക​രി​ക്കു​ക​യോ അവർക്കു തൊഴിൽ നിഷേ​ധി​ക്കു​ക​യോ ചെയ്യണ​മോ? തെക്കേ ആഫ്രിക്കൻ പത്രി​ക​യായ ഫാമേ​ഴ്‌സ്‌ വീക്കിലി പറയു​ന്ന​ത​നു​സ​രി​ച്ചു വേണ്ട. കുഷ്‌ഠ​രോഗ ദൗത്യ​സം​ഘ​ത്തി​ലെ ഓക്കി ക്രഗർ ഇപ്രകാ​രം പ്രസ്‌താ​വി​ച്ചു: “ചികിത്സ തുടങ്ങി ഏതാനും മണിക്കൂ​റു​കൾക്കു​ള്ളിൽ, മേലാൽ അവർ രോഗം പരത്തു​ക​യില്ല, അവർക്കു തങ്ങളുടെ കുടും​ബ​ങ്ങ​ളോ​ടൊ​ത്തു സാധാരണ ജീവിതം നയിക്കാൻ കഴിയു​ക​യും ചെയ്യും.” “കഴിഞ്ഞ ദശകത്തിൽ ഈ രോഗത്തെ ചികി​ത്സി​ക്കു​ന്ന​തിൽ ഗണ്യമായ പുരോ​ഗതി നേടി​യി​ട്ടു​ള്ള​തി​നാൽ” പലതരം മരുന്നു​കൾ ഉപയോ​ഗി​ച്ചുള്ള ചികിത്സ വേണ്ടത്ര നേര​ത്തെ​തന്നെ ലഭിക്കു​ക​യാ​ണെ​ങ്കിൽ രോഗ​ത്തിന്‌ ഇരയാ​യവർ മാറാ​വൈ​ക​ല്യം​പേറി ജീവി​ക്കേ​ണ്ടി​വ​രില്ല. ലോകാ​രോ​ഗ്യ​സം​ഘടന പറയു​ന്ന​ത​നു​സ​രിച്ച്‌ ലോകത്ത്‌ ഒരു കോടി​ക്കും ഒന്നര​കോ​ടി​ക്കും ഇടയിൽ ആളുകൾക്കു കുഷ്‌ഠ​രോ​ഗം ഉണ്ടെന്നു ഫാമേ​ഴ്‌സ്‌ വീക്കിലി റിപ്പോർട്ടു ചെയ്‌തു. (g93 4⁄22)

തടിച്ച കുട്ടികൾ—എന്തു​കൊണ്ട്‌?

“ഇന്നത്തെ കുട്ടികൾ മുമ്പെ​ന്ന​ത്തെ​ക്കാ​ളു​മ​ധി​കം തടിച്ച​വ​രും കൂടുതൽ സമയം ഇരിക്കു​ന്ന​വ​രും ആണ്‌” എന്ന്‌ ദ ടൊറാ​ന്റോ സ്‌ററാർ റിപ്പോർട്ടു ചെയ്യുന്നു. “കഴിഞ്ഞ ഇരുപതു വർഷം​കൊ​ണ്ടു കുട്ടി​ക​ളു​ടെ​യി​ട​യി​ലെ സ്‌തൂ​ല​ശ​രീ​ര​സ്ഥി​തി നാടകീ​യ​മാ​യി വർധി​ച്ചി​രി​ക്കു​ന്നു” എന്നു കാനഡാ​യി​ലുള്ള ഹാമിൽട്ട​നി​ലെ ഷെഡോക്‌ മക്‌മാ​സ്‌ററർ ആശുപ​ത്രി​ക​ളി​ലെ കുട്ടി​ക​ളു​ടെ പോഷ​കാ​ഹാര വിഭാ​ഗ​ത്തി​ന്റെ ഡയറക്ട​റായ ഡോ. ഓഡെഡ്‌ ബാറർ അവകാ​ശ​പ്പെ​ടു​ന്നു. വ്യായാ​മ​ത്തി​ന്റെ​യും സമീകൃ​താ​ഹാ​ര​ത്തി​ന്റെ​യും കുറവാ​ണു കാരണ​ങ്ങ​ളെന്നു പഠനങ്ങൾ അഭി​പ്രാ​യ​പ്പെ​ടു​ന്നു. ഈ പ്രവണത തുടർന്നു​പോ​വു​ക​യാ​ണെ​ങ്കിൽ, കുട്ടി​ക​ളു​ടെ കായദൃ​ഢ​ത​യു​ടെ [fitness level] പൊതു​വി​ലുള്ള നിലവാ​ര​ത്തിൽ വലിയ കുറവ്‌ ഉണ്ടാകു​മെന്നു ഡോക്ടർമാർ ഭയപ്പെ​ടു​ന്നു. സ്‌ററാർ പറയു​ന്ന​ത​നു​സ​രിച്ച്‌, “വ്യായാ​മ​ത്തി​ന്റെ അഭാവം . . . കൊ​റോ​ണറി ഹൃദ്‌രോ​ഗ​ത്തി​നും ഉയർന്ന രക്തസമ്മർദ​ത്തി​നും പ്രമേ​ഹ​ത്തി​നും അസ്ഥിക്ഷ​യ​ത്തി​നും കാരണ​മാ​ണെന്ന്‌” ഡോക്ടർമാർ ഇപ്പോൾത്തന്നെ തിരി​ച്ച​റി​ഞ്ഞി​രി​ക്കു​ന്നു. “ഒരു നിഷ്‌ക്രി​യ​ശി​ശു തടിയ​നാ​യി മുതിർന്നു വരാനാണ്‌ ഇടയു​ള്ളത്‌” എന്ന്‌ ഡോ. ബാറർ ഉപസം​ഹ​രി​ക്കു​ന്നു. ഊർജ​സ്വ​ല​മായ ജീവി​ത​രീ​തി അദ്ദേഹം ശുപാർശ ചെയ്യുന്നു. (g93 4⁄22)

പതിയി​രി​ക്കുന്ന അപകടം

“ഹൃദയാ​ഘാ​ത​ത്തി​ന്റെ ഏറിയ അപകട​സാ​ധ്യത മുന്നി​ലു​ള്ള​പ്പോൾ പുകവ​ലി​ക്കാ​രോട്‌ അവർ ആരോ​ഗ്യ​വാൻമാ​രാ​ണെന്ന്‌ അബദ്ധത്തിൽ പറഞ്ഞു​പോ​കാൻ ഇടയുണ്ട്‌” എന്ന്‌ ദ ന്യൂ​യോർക്ക്‌ ടൈം​സ​ലെ ഒരു ലേഖനം പറയുന്നു. എന്തു​കൊണ്ട്‌? എന്തെന്നാൽ പുകവ​ലി​നി​മി​ത്തം ഹൃദയ​ത്തി​ന്റെ ചെറിയ രക്തക്കു​ഴ​ലു​കൾക്കു (ധമനി​കകൾ [the arterioles]) വരുന്ന തകരാറ്‌ പരമ്പരാ​ഗത ഹൃദയ​പ​രി​ശോ​ധ​ന​ക​ളിൽ കാണാ​റില്ല. അതു​കൊ​ണ്ടു പുകവ​ലി​ക്കാർ ശാരീ​രി​ക​മോ വൈകാ​രി​ക​മോ ആയ സമ്മർദ​ത്തിൻകീ​ഴി​ലാ​യി​രി​ക്കു​മ്പോൾ അവരുടെ ഹൃദയ​ത്തിൽ രക്തക്ഷാമം അനുഭ​വ​പ്പെ​ടു​ന്നു, അങ്ങനെ ഹൃദയ​സ്‌തം​ഭ​ന​സാ​ദ്ധ്യത ഏറെ വർധി​പ്പി​ക്കു​ക​യും ചെയ്യുന്നു. പുകവ​ലി​ക്കാ​രൻ പുകവ​ലി​ക്കാ​ത്ത​പ്പോൾപ്പോ​ലും സ്ഥിതി ഇതാ​ണെ​ന്നും പുകവ​ലി​ക്കുന്ന സമയത്ത്‌ പ്രശ്‌നം ഏറെ രൂക്ഷമാ​വു​ക​യാ​ണു​ണ്ടാ​വു​ന്ന​തെ​ന്നും ഡീസ്‌ മൊയ്‌നി​ലെ ഐവാ ഹാർട്ട്‌ ഇൻസ്‌റ​റി​റ​റ്യൂ​ട്ടിൽ നടത്തിയ ഒരു പഠനം പ്രകട​മാ​ക്കി. സമ്മർദ​ത്തിൻകീ​ഴിൽ ആയിരി​ക്കു​മ്പോൾ, ഹൃദയ​ധ​മ​നി​ക​കൾക്കു തുറക്കാ​നും സാധാരണ വഹിക്കു​ന്ന​തി​നെ​ക്കാൾ നാലു​മ​ടങ്ങു രക്തം ഹൃദയ​ത്തി​ലേക്കു വഹിച്ചു​കൊ​ണ്ടു​പോ​കാ​നും കഴിയും. എന്നാൽ പുകവ​ലി​ക്കാ​രു​ടെ ഹൃദയ​ങ്ങ​ളിൽ ആ ഒഴുക്ക്‌ 30 ശതമാ​ന​ത്തോ​ളം കുറയു​ന്നു. (g93 5⁄8)

ഗർഭച്ഛി​ദ്രങ്ങൾ അമ്മമാ​രെ​യും കൊല്ലു​ന്നു

“ഗർഭധാ​ര​ണ​ത്തി​ന്റെ​യും ശിശു​ജ​ന​ന​ത്തി​ന്റെ​യും അനന്തര​ഫ​ല​മാ​യി ഓരോ മിനി​റ​റി​ലും ഒരു സ്‌ത്രീ വീതം മരിക്കു​ന്നു​വെന്ന്‌” കണക്കാ​ക്ക​പ്പെ​ടു​ന്ന​താ​യി ചോയ്‌സെസ്‌ മാസിക റിപ്പോർട്ടു ചെയ്യുന്നു. “ഗർഭവു​മാ​യി ബന്ധപ്പെട്ട കാരണ​ങ്ങ​ളിൽനിന്ന്‌ ഓരോ വർഷവും അഞ്ചുല​ക്ഷ​ത്തി​ല​ധി​കം അമ്മമാർ മരിക്കു​ന്നു. ഒരു സ്‌ത്രീ മരിക്കു​മ്പോൾ മററു 100 പേർ രോഗി​ക​ളാ​യോ വൈക​ല്യം ബാധി​ച്ച​വ​രാ​യോ അവശേ​ഷി​ക്കു​ന്നു” എന്ന്‌ ആ മാസിക കൂട്ടി​ച്ചേർക്കു​ന്നു. ലാററിൻ അമേരി​ക്ക​യിൽ ഏതാണ്ട്‌ 73 സ്‌ത്രീ​ക​ളിൽ ഒരാൾ വീതം ഗർഭസം​ബ​ന്ധ​മായ രോഗ​സ​ങ്കീർണ​ത​കൾനി​മി​ത്തം മരിക്കു​ന്നു. ഏഷ്യയിൽ, 54 സ്‌ത്രീ​ക​ളിൽ ഒരാൾ മരിക്കു​ന്നു​വെന്നു കണക്കാ​ക്ക​പ്പെ​ടു​ന്നു; ആഫ്രി​ക്ക​യിൽ 21-ൽ ഒന്നും. പശ്ചിമ​യൂ​റോ​പ്പി​ലെ 10,000-ത്തിൽ ഒന്ന്‌ എന്ന അനുപാ​ത​ത്തോ​ടു താരത​മ്യം ചെയ്യു​മ്പോൾ ഈ സംഖ്യകൾ വളരെ ഉയർന്ന​താണ്‌. “ഓരോ വർഷവും ലോക​വ്യാ​പ​ക​മാ​യി സംഭവി​ക്കുന്ന 5,00,000 മാതൃ​മ​ര​ണ​ങ്ങ​ളിൽ 2,00,000-ത്തിലധി​കം മരണങ്ങൾക്കും കാരണ​മാ​യി​രി​ക്കുന്ന ഗർഭച്ഛി​ദ്ര”വും ഗർഭ​ത്തോ​ടു ബന്ധപ്പെട്ട മരണങ്ങ​ളു​ടെ കാരണ​ങ്ങ​ളിൽ ഉൾപ്പെ​ടു​ന്നു എന്ന്‌ ചോയ്‌സെസ്‌ കുറി​ക്കൊ​ണ്ടു. (g93 4⁄22)