നക്ഷത്ര​ങ്ങ​ളിൽ നിങ്ങൾക്കാ​യി എന്താണു​ള്ളത്‌?

ബ്രസ്സീലിലെ ഉണരുക! ലേഖകൻ

“അടുത്ത ജൂ​ലൈ​യിൽ നമ്മുടെ ഗ്രഹം ബുധനു​മാ​യി കൂട്ടി​യി​ടി​ക്കാൻ പോകു​ന്നു എന്ന ജ്യോ​തി​ഷ​പ്ര​വ​ചനം നിങ്ങൾ കേട്ടോ?” കോൾ പോർട്ടെ​റി​ന്റെ ഉല്ലാസ​ഗീ​ത​ത്തി​ലെ ഈ വാക്കുകൾ, മമനു​ഷ്യ​ന്റെ ഭാവി ഏതോ വിധത്തിൽ നക്ഷത്ര​ങ്ങ​ളു​മാ​യി ബന്ധപ്പെ​ട്ടി​രി​ക്കു​ന്നു എന്ന പ്രാചീ​ന​വും സർവസാ​ധാ​ര​ണ​വു​മാ​യി​രി​ക്കുന്ന വിശ്വാ​സത്തെ പ്രകട​മാ​ക്കു​ന്നു.a എന്നാൽ ജ്യോ​തിർഗോ​ള​ങ്ങ​ളും ഭൂമി​യി​ലെ മനുഷ്യ​ജീ​വി​ത​വു​മാ​യി എന്തെങ്കി​ലും യഥാർഥ ബന്ധമു​ണ്ടോ? ഉണ്ടെങ്കിൽ അതു മനുഷ്യ​വർഗത്തെ എങ്ങനെ​യാ​ണു ബാധി​ക്കു​ന്നത്‌? ഇല്ലെങ്കിൽ നക്ഷത്രങ്ങൾ എന്ത്‌ ഉദ്ദേശ്യ​ത്തി​നു വേണ്ടി​യു​ള്ള​താണ്‌?

ബെർലിൻ മതിലി​ന്റെ പതനം, മുൻ സോവി​യ​ററ്‌ യൂണി​യന്റെ ദ്രുത​ഗ​തി​യി​ലുള്ള വിഘടനം, രാഷ്‌ട്രീയ നേതാ​ക്കൻമാ​രി​ലുള്ള വിശ്വാ​സ​മി​ല്ലായ്‌മ, ആഫ്രി​ക്ക​യി​ലും യൂറോ​പ്പി​ലും തലപൊ​ക്കുന്ന വംശീയ വിദ്വേ​ഷം, ഇന്ത്യയി​ലെ​യും അയർലൻഡി​ലെ​യും മത​വൈരം, ഒട്ടനവധി രാജ്യ​ങ്ങളെ ഞെരു​ക്ക​ത്തി​ലാ​ഴ്‌ത്തി​ക്കൊ​ണ്ടു കുതി​ച്ചു​പാ​യുന്ന നാണയ​പ്പെ​രു​പ്പം, യുവാ​ക്ക​ളു​ടെ മത്സരമ​നോ​ഭാ​വം എന്നിങ്ങ​നെ​യുള്ള അടുത്ത കാലത്തെ ചില നാടകീയ സംഭവങ്ങൾ കണക്കി​ലെ​ടു​ക്കു​മ്പോൾ ഭാവി​യെ​ക്കു​റി​ച്ച​റി​യാൻ ഒട്ടനവ​ധി​യാ​ളു​കൾ താത്‌പ​ര്യം കാണി​ക്കു​ന്ന​തിൽ അതിശ​യി​ക്കാ​നില്ല. ഹാംബർഗ്‌ സർവക​ലാ​ശാ​ല​യിൽനി​ന്നുള്ള ഒരു റിപ്പോർട്ട​നു​സ​രിച്ച്‌, രണ്ടാം ലോക​മ​ഹാ​യു​ദ്ധ​ത്തി​നു​ശേഷം ഏററവു​മ​ധി​കം പോരാ​ട്ടങ്ങൾ നടന്ന വർഷം 1992 ആയിരു​ന്നു. ആ വർഷം വ്യത്യസ്‌ത രാജ്യ​ങ്ങ​ളി​ലാ​യി 52 സായുധ പോരാ​ട്ടങ്ങൾ അരങ്ങേറി. സമാധാ​ന​പ്രി​യ​രായ ആളുകൾ സ്വാഭാ​വി​ക​മാ​യി ഇങ്ങനെ ചോദി​ച്ചു​പോ​കു​ന്നു: ‘സ്ഥിരത​യ്‌ക്കും സമാധാ​ന​ത്തി​നും സുരക്ഷി​ത​ത്വ​ത്തി​നും വേണ്ടി നമുക്ക്‌ എവി​ടേ​ക്കാ​ണു നോക്കാൻ കഴിയുക?’

ഭാവി​യെ​ക്കു​റി​ച്ചുള്ള അനിശ്ചി​താ​വസ്ഥ പല രൂപങ്ങ​ളി​ലുള്ള ഭാവി​പ​റ​ച്ചി​ലി​നു വൻ പ്രചാരം കിട്ടാൻ കാരണ​മാ​യി​ട്ടുണ്ട്‌. ജ്യോ​തി​ഷ​മാ​ണു മിക്കവാ​റും അവയിൽ ഏററവു​മ​ധി​കം അറിയ​പ്പെ​ടു​ന്നത്‌. ജ്യോ​തി​ഷം ജ്യോ​തി​ശ്ശാ​സ്‌ത്ര​ത്തിൽനി​ന്നു വ്യത്യ​സ്‌ത​മാണ്‌. “നക്ഷത്ര​ങ്ങൾക്കും ഗ്രഹങ്ങൾക്കും മാനുഷ കാര്യാ​ദി​ക​ളു​ടെ​യും ഭൂമി​യി​ലെ സംഭവ​ങ്ങ​ളു​ടെ​യും മേൽ ഉണ്ടെന്നു കരുത​പ്പെ​ടുന്ന സ്വാധീ​ന​ഫ​ല​ങ്ങളെ അവയുടെ ഗ്രഹനില നോക്കി പ്രവചി​ക്കുന്ന വിദ്യ”യാണ്‌ ജ്യോ​തി​ഷം. ഇന്നു ലക്ഷോ​പ​ലക്ഷം ആളുകൾക്കു തങ്ങളുടെ ഭാവി​യെ​ക്കു​റി​ച്ച​റി​യു​ന്ന​തി​നു ജാതകം നോക്കാ​തി​രി​ക്കാൻ കഴിയു​ന്നില്ല.b

ഭാവി മുൻകൂ​ട്ടി​പ്പ​റ​യാ​മെന്നു ജ്യോ​ത്സ്യൻമാർ അവകാ​ശ​പ്പെ​ടുന്ന മററു മണ്ഡലങ്ങ​ളു​മുണ്ട്‌. അവയിൽ, വൈവാ​ഹിക പ്രശ്‌ന​ങ്ങ​ളു​ടെ​യും ആരോഗ്യ പ്രശ്‌ന​ങ്ങ​ളു​ടെ​യും പരിണ​ത​ഫലം, രാഷ്‌ട്രീയ നേതാ​ക്കൻമാ​രു​ടെ ഉയർച്ച​യും പതനവും, പുതിയ ഒരു ബിസി​നസ്സ്‌ തുടങ്ങാൻ പററിയ ഏററവും നല്ല തീയതി, ഭാഗ്യ​ക്കു​റി​യിൽ ജയിക്കാ​നുള്ള നമ്പരുകൾ തുടങ്ങി​യവ ഉൾപ്പെ​ടു​ന്നു.

തന്റെ ഭർത്താവ്‌ എപ്പോൾ പ്രസം​ഗങ്ങൾ നടത്തണം, അദ്ദേഹ​ത്തി​ന്റെ വിമാനം എപ്പോൾ പറന്നു​യ​രണം, അത്‌ എപ്പോൾ നിലത്തി​റ​ങ്ങണം എന്നീ കാര്യങ്ങൾ അറിയു​ന്ന​തിന്‌ ഐക്യ​നാ​ടു​ക​ളു​ടെ മുൻ പ്രസി​ഡൻറ്‌ റെയ്‌ഗന്റെ ഭാര്യ നാൻസി റെയ്‌ഗൻ, ജോൺ ക്വിഗ്‌ളി എന്ന ജ്യോ​തി​ഷ​ക്കാ​രി​യെ പതിവാ​യി ചെന്നു കണ്ടിരു​ന്നു​വെന്ന്‌ ഒരു റോയ്‌റേ​റ​ഴ്‌സ്‌ വാർത്ത റിപ്പോർട്ടു ചെയ്‌തു. “തന്റെ കിരീ​ട​ധാ​ര​ണ​ത്തി​ന്റെ ദിവസം നിശ്ചയി​ക്കാൻ ജൂലി​യസ്‌ രണ്ടാമൻ പാപ്പാ​യും [1503-13] കർദി​നാൾസഭ കൂടു​ന്ന​തി​നു പററിയ സമയം ഏതെന്നു തീരു​മാ​നി​ക്കാൻ പോൾ മൂന്നാമൻ പാപ്പാ​യും [1534-49] ജ്യോ​തി​ഷം ഉപയോ​ഗ​പ്പെ​ടു​ത്തി​യി​രു​ന്നു” എന്ന്‌ ന്യൂ കാത്തലിക്ക്‌ എൻ​സൈ​ക്ലോ​പീ​ഡിയ വെളി​പ്പെ​ടു​ത്തി. നിക്ഷേ​പ​കർക്കു സ്‌റേ​റാക്ക്‌ എക്‌സ്‌ചേ​ഞ്ചി​നെ​ക്കു​റി​ച്ചുള്ള വിവരങ്ങൾ നൽകാൻ ജ്യോ​തി​ഷത്തെ ഉപയോ​ഗി​ക്കുന്ന ഒരു സ്വിസ്സ്‌ വാണി​ജ്യ​സ്ഥാ​പ​ന​ത്തി​ന്റെ ഡയറക്ട​റായ ആൽ​ഫ്രെ​ററ്‌ ഹൂഗ്‌ ഉത്തമ ഫലങ്ങൾക്ക്‌ ഉറപ്പു നൽകുന്നു. “അതു നക്ഷത്ര​ങ്ങ​ളി​ലാണ്‌ എഴുതി​യി​രി​ക്കു​ന്നത്‌,” അദ്ദേഹം തറപ്പിച്ചു പറയുന്നു.

മനുഷ്യ​രു​ടെ ജീവി​തത്തെ നക്ഷത്രങ്ങൾ സ്വാധീ​നി​ക്കു​ക​തന്നെ ചെയ്യു​ന്നു​വെന്ന്‌ ഒട്ടേറെ പേർ കരുതു​ന്നു​ണ്ടെ​ന്നതു സ്‌പഷ്ട​മാണ്‌. എങ്ങനെ​യാണ്‌ ജ്യോ​തി​ഷം ആരംഭി​ച്ചത്‌? ജ്യോ​തി​ഷ​ത്തെ​യും ജ്യോ​ത്സ്യൻമാ​രെ​യും സംബന്ധിച്ച്‌ പുരാതന പുസ്‌ത​ക​മായ ബൈബി​ളിന്‌ എന്തെങ്കി​ലും പറയാ​നു​ണ്ടോ?

[അടിക്കു​റി​പ്പു​കൾ]