അതിന്റെ രഹസ്യ​ങ്ങ​ളു​ടെ മറനീ​ക്കു​ന്നു

സ്‌ത്രീ​കൾക്കു പ്രായ​മാ​കു​മ്പോൾ അവരുടെ ജീവി​ത​ത്തി​ലെ ഒരു സംഭവ​മാണ്‌ ആർത്തവ​വി​രാ​മം. എന്നാൽ അത്‌ വളരെ​യ​ധി​കം തെററി​ദ്ധ​രി​ക്ക​പ്പെ​ട്ടി​രി​ക്കു​ന്നു. ആർത്തവ​വി​രാ​മം “സ്‌ത്രീ നാഡീ വ്യവസ്ഥ​യു​ടെ ബന്ധങ്ങൾ അഴിക്കു​ക​യും സ്‌ത്രീ​കൾക്കു സ്വതേ​യുള്ള കാന്തി ഇല്ലാതാ​ക്കു​ക​യും ചെയ്യുന്നു”വെന്ന്‌ 19-ാം നൂററാ​ണ്ടി​ലെ സൂതി​കർമി​ണി​കൾ വിശ്വ​സി​ച്ചി​രു​ന്ന​താ​യി നിശബ്ദ​മായ പരിവർത്തനം—ആർത്തവ​വി​രാ​മം (ഇംഗ്ലീഷ്‌) എന്ന പുസ്‌തകം പറയുന്നു.

അത്തരം തെററി​ദ്ധാ​ര​ണകൾ ഇപ്പോ​ഴും നില​കൊ​ള്ളു​ന്നു. തത്‌ഫ​ല​മാ​യി, ആർത്തവ​വി​രാ​മ​ത്തി​ന്റെ സംഭവ സാധ്യ​ത​യെ​ക്കു​റിച്ച്‌ പല സ്‌ത്രീ​ക​ളും ഭയാകു​ല​രും ആശങ്കയു​ള്ള​വ​രു​മാണ്‌. അതുമാ​യി ബന്ധപ്പെട്ട മാനസിക പ്രശ്‌നങ്ങൾ തരണം ചെയ്യു​ന്നത്‌ “ഒരു സ്‌ത്രീ​യു​ടെ ജീവി​ത​ത്തി​ലെ ഏററവും ദുഷ്‌ക​ര​മായ ജോലി​ക​ളി​ലൊ​ന്നാ​യി” സ്വാഭാ​വിക ആർത്തവ​വി​രാ​മം—ഒരു സ്‌ത്രീ​യു​ടെ ഏററവും കൂടുതൽ തെററി​ദ്ധ​രി​ക്ക​പ്പെ​ടുന്ന പരിവർത്ത​ന​ത്തി​നുള്ള പൂർണ സഹായി (ഇംഗ്ലീഷ്‌) എന്ന പുസ്‌ത​ക​ത്തിൽ പരാമർശി​ക്ക​പ്പെ​ട്ടി​രി​ക്കു​ന്നു.

യുവത്വ​ത്തി​നും യുവ ആകാര​ത്തി​നും ഊന്നൽ കൊടു​ക്കുന്ന സമൂഹ​ങ്ങ​ളിൽ ആർത്തവ​വി​രാമ ലക്ഷണങ്ങ​ളു​ടെ സമാരം​ഭം ഒരു തെററി​ദ്ധാ​ര​ണയെ വിളി​ച്ച​റി​യി​ച്ചേ​ക്കാം: യുവത്വ​ത്തി​ന്റെ പൊടു​ന്ന​നെ​യുള്ള സമാപ്‌തി​യും വാർധ​ക്യ​ത്തി​ന്റെ സമാരം​ഭ​വും. അങ്ങനെ ആർത്തവ​വി​രാ​മം ജീവി​ത​ത്തി​ലെ പുതി​യ​തും അത്ര അഭികാ​മ്യ​മ​ല്ലാ​ത്ത​തു​മായ ഒരു കാലഘ​ട്ട​ത്തി​ന്റെ തുടക്കത്തെ പ്രതി​നി​ധാ​നം ചെയ്യു​ന്നു​വെന്നു തോന്നു​ന്ന​തു​കൊണ്ട്‌ ചില സ്‌ത്രീ​കൾ അതി​നെ​ക്കു​റിച്ച്‌ ഭയമു​ള്ള​വ​രാ​യി​ത്തീർന്നി​ട്ടുണ്ട്‌. “ഭാഗി​ക​മായ മരണ”മായി​പ്പോ​ലും ചിലർ അതിനെ വീക്ഷി​ച്ചി​രി​ക്കു​ന്നു.

ജീവി​ത​ത്തി​ലെ ഈ കാലഘ​ട്ട​ത്തി​ലൂ​ടെ കടന്നു​പോ​കുന്ന ആധുനിക സ്‌ത്രീ​കൾക്ക്‌ അജ്ഞതയിൽ നട്ടംതി​രി​യേ​ണ്ട​തില്ല. ആർത്തവ​വി​രാ​മം സംബന്ധിച്ച രഹസ്യ​ങ്ങ​ളു​ടെ മറനീ​ക്ക​പ്പെ​ട്ടു​കൊ​ണ്ടി​രി​ക്ക​യാണ്‌. പരിവർത്തനം എളുപ്പ​മാ​ക്കാൻ കൂടുതൽ ഗവേഷ​ണങ്ങൾ നടക്കു​ക​യും ചികി​ത്സകൾ വികാസം പ്രാപി​ക്കു​ക​യും ചെയ്യു​ന്നുണ്ട്‌. ഒരിക്കൽ ചോദി​ക്കാൻ ചിലർക്കു ലജ്ജ തോന്നി​യി​രുന്ന ചോദ്യ​ങ്ങൾക്ക്‌ വിശദീ​ക​ര​ണങ്ങൾ പ്രദാനം ചെയ്‌തു​കൊണ്ട്‌ മാഗസി​നു​ക​ളും പത്രങ്ങ​ളും പുസ്‌ത​ക​ങ്ങ​ളും ആ വിഷയ​ത്തിൽ ശ്രദ്ധ​കേ​ന്ദ്രീ​ക​രി​ക്കു​ക​യാണ്‌. സ്‌ത്രീ​കൾ അഭിമു​ഖീ​ക​രി​ച്ചേ​ക്കാ​വുന്ന പ്രശ്‌നങ്ങൾ സംബന്ധിച്ച്‌ വൈദ്യ​രം​ഗ​ത്തി​നും കൂടുതൽ അറിവു ലഭിച്ചി​രി​ക്കു​ന്നു.

ഈ വിഷയ​ത്തിന്‌ ഇത്രയ​ധി​കം ശ്രദ്ധ​യെ​ന്തിന്‌? എന്തു​കൊ​ണ്ടെ​ന്നാൽ ആർത്തവ​വി​രാ​മം സംബന്ധിച്ച മെച്ചമായ ഒരു ഗ്രാഹ്യ​ത്തിന്‌ മിക്കസ്‌ത്രീ​കൾക്കു​മുള്ള ഭയങ്ങ​ളെ​യും അന്ധവി​ശ്വാ​സ​ങ്ങ​ളെ​യും നിരാ​ശ​ക​ളെ​യും നീക്കം​ചെ​യ്യാ​നാ​വും. പല രാജ്യ​ങ്ങ​ളി​ലെ​യും സ്‌ത്രീ​കൾ ഏറെനാൾ ജീവി​ച്ചി​രി​ക്കു​ന്നു. ഈ വിഷയം സംബന്ധിച്ച്‌ മനഃപൂർവം മറച്ചു​വെ​ച്ചി​രുന്ന വിവരങ്ങൾ പുറത്തു​ചാ​ടി​ക്കാ​നും അങ്ങനെ അറിവു​ള്ള​വ​രാ​യി​ത്തീ​രാ​നും അവർ ആഗ്രഹി​ക്കു​ന്നു. ലളിത​മായ നേരി​ട്ടുള്ള ഉത്തരങ്ങ​ളാണ്‌ അവർക്കാ​വ​ശ്യം. ആർത്തവ​വി​രാ​മ​ത്തി​നു​ശേഷം അവരിൽ പലർക്കും ജീവി​ത​ത്തി​ന്റെ മൂന്നി​ലൊ​ന്നി​ല​ധി​കം പിന്നെ​യും ജീവി​ക്കാൻ കിടക്കു​ന്ന​തു​കൊണ്ട്‌ ആ ആവശ്യം ഉചിത​മാണ്‌.

ആർത്തവ​വി​രാ​മ പ്രായ​ത്തി​ലുള്ള സ്‌ത്രീ​ക​ളു​ടെ എണ്ണം അടുത്ത ദശകത്തിൽ 50 ശതമാനം വർധി​ക്കു​മെന്ന്‌ ഐക്യ​നാ​ടു​ക​ളി​ലെ ജനസം​ഖ്യാ മാതൃ​കകൾ പ്രവചി​ക്കു​ന്നു. ഈ സ്‌ത്രീ​കൾ ആരോഗ്യ വിപത്തു​കൾ, പുകച്ചിൽ അനുഭ​വ​പ്പെടൽ (hot flashes) (ഹോട്ട്‌ ഫഷ്‌ളു​കൾ എന്നും അറിയ​പ്പെ​ടു​ന്നു), പെട്ടെ​ന്നുള്ള ഭാവമാ​റ​റങ്ങൾ, അസ്വാ​സ്ഥ്യ​ങ്ങൾ, ശാരീ​രി​ക​വും വൈകാ​രി​ക​വു​മായ മാററങ്ങൾ എന്നിവ​യെ​ക്കു​റി​ച്ച​റി​യാൻ ആഗ്രഹി​ക്കു​ന്നു. എന്തു​കൊ​ണ്ടാണ്‌ ഇതൊക്കെ സംഭവി​ക്കു​ന്നത്‌? ഒരു സ്‌ത്രീ​യു​ടെ ഫലകര​മായ ജീവിതം ആർത്തവ​വി​രാ​മ​ത്തി​ങ്കൽ അവസാ​നി​ക്കു​ന്നു​വോ? ആർത്തവ​വി​രാ​മം ഒരു സ്‌ത്രീ​യു​ടെ വ്യക്തി​ത്വ​ത്തിന്‌ മാററം വരുത്തു​ന്നു​വോ? പിൻവ​രുന്ന ലേഖനങ്ങൾ ഈ ചോദ്യ​ങ്ങൾ പരി​ശോ​ധി​ക്കു​ന്ന​താ​യി​രി​ക്കും.