ആർത്തവ​വി​രാ​മത്തെ തരണം ചെയ്യൽ

ആർത്തവ​വി​രാ​മം “ഒരു അനന്യ​സാ​ധാ​ര​ണ​മായ വ്യക്തി​പ​ര​മായ അനുഭവ”മാണെ​ന്നും “ജീവി​ത​ത്തി​ലെ പുതി​യ​തും സ്വത​ന്ത്ര​മാ​ക്കു​ന്ന​തു​മായ ഒരു അധ്യാ​യ​ത്തി​ന്റെ തുടക്ക”മാണെ​ന്നും സ്വാഭാ​വിക ആർത്തവ​വി​രാ​മം—ഒരു സ്‌ത്രീ​യു​ടെ ഏററവും കൂടുതൽ തെററി​ദ്ധ​രി​ക്ക​പ്പെ​ടുന്ന പരിവർത്ത​ന​ത്തി​നുള്ള പൂർണ സഹായി (ഇംഗ്ലീഷ്‌) എന്ന പുസ്‌ത​ക​ത്തി​ന്റെ രചയി​താ​ക്കൾ പറയുന്നു. നിങ്ങ​ളെ​ക്കു​റി​ച്ചു​ത​ന്നെ​യും നിങ്ങളു​ടെ ജീവി​ത​ത്തെ​ക്കു​റി​ച്ചും നിങ്ങൾക്ക്‌ എത്ര മെച്ചമാ​യി തോന്നു​ന്നു​വോ—നിങ്ങളു​ടെ​തന്നെ സ്വാഭി​മാ​ന​ത്തെ​യും തൻമയ​ത്വ​ത്തെ​യും പററി—പരിവർത്ത​ന​വും അത്രകണ്ട്‌ എളുപ്പ​മാ​യി​രി​ക്കു​മെന്ന്‌ ഗവേഷണം പ്രകട​മാ​ക്കു​ന്നു.

ജീവി​ത​ത്തി​ലെ ഈ സമയത്ത്‌ ചില സ്‌ത്രീ​കൾക്കു മററു​ള്ള​വ​രെ​ക്കാൾ കൂടുതൽ പ്രയാസം നേരി​ടു​ന്നു എന്നുള്ളതു സത്യമാണ്‌. നിങ്ങൾക്കു പ്രയാ​സ​ങ്ങ​ളു​ണ്ടെ​ങ്കിൽ അതിന്‌ നിങ്ങൾക്കു സ്വാഭി​മാന പ്രശ്‌നങ്ങൾ ഉണ്ടെന്നോ ഭ്രാന്തു പിടി​ക്കു​ക​യാ​ണെ​ന്നോ നിങ്ങളു​ടെ സ്‌ത്രീ​ത്വ​വും ബുദ്ധി​യും ലൈം​ഗി​ക​താ​ത്‌പ​ര്യ​വും ഒക്കെ നഷ്ടമാ​കു​ന്നു​വെ​ന്നോ അർഥമില്ല. പകരം, പ്രശ്‌നം പൊതു​വേ ജീവശാ​സ്‌ത്ര​പ​ര​മാണ്‌.

“ആർത്തവ​വി​രാ​മ​ത്തി​ന്റെ സമയത്തു ഭയങ്കര​മായ രോഗ​ല​ക്ഷ​ണങ്ങൾ അനുഭ​വി​ച്ചി​ട്ടുള്ള സ്‌ത്രീ​കൾപോ​ലും പറയു​ന്നത്‌ അതു കഴിഞ്ഞ​പ്പോൾ അവർക്ക്‌ ഉദ്ദേശ്യ​ത്തി​ന്റെ​യും ഓജസ്സി​ന്റെ​യും ഒരു നവബോ​ധം അനുഭ​വ​വേ​ദ്യ​മാ​യി എന്നാണ്‌,” ന്യൂസ്‌വീക്ക്‌ റിപ്പോർട്ടു ചെയ്യുന്നു. ഒരു 42 വയസ്സു​കാ​രി പറയു​ന്നത്‌ ഇങ്ങനെ​യാണ്‌: “ഞാൻ ആ പ്രശാ​ന്ത​ത​യി​ലേക്കു നോക്കി​പ്പാർത്തി​രി​ക്കു​ക​യാണ്‌, എന്റെ ശരീരം എന്നെ കുരങ്ങു കളിപ്പി​ക്കു​ന്നതു നിർത്തുന്ന ആ സമയ​ത്തേക്ക്‌.”

സ്‌ത്രീ​കൾ മെച്ചമാ​യി തരണം ചെയ്യു​മ്പോൾ

പ്രായ​മേ​റിയ സ്‌ത്രീ​കൾ എങ്ങനെ കണക്കാ​ക്ക​പ്പെ​ടു​ന്നു എന്നത്‌ അവർ ആർത്തവ​വി​രാ​മത്തെ എത്ര നന്നായി തരണം ചെയ്യും എന്നതിലെ ഒരു സുപ്ര​ധാന ഘടകമാണ്‌. അവരുടെ പക്വത​യ്‌ക്കും ജ്ഞാനത്തി​നും അനുഭ​വ​പ​രി​ച​യ​ത്തി​നും വിലകൽപ്പി​ക്കുന്ന സ്ഥലങ്ങളിൽ ആർത്തവ​വി​രാമ സമയത്തു ശാരീ​രി​ക​വും വൈകാ​രി​ക​വു​മായ രോഗങ്ങൾ വളരെ കുറവാ​യി​രി​ക്കും.

ഉദാഹ​ര​ണ​ത്തിന്‌, “ആർത്തവ​വി​രാ​മത്തെ ജീവി​ത​ത്തി​ലെ ഒരു സ്വാഗ​താർഹ​മായ പരിവർത്ത​ന​മാ​യി ആശ്ലേഷി​ക്കു​ക​യും ആർത്തവ​വി​രാ​മം സംഭവിച്ച സ്‌ത്രീ​കളെ അവരുടെ അനുഭ​വ​പ​രി​ച​യ​ത്തി​ന്റെ​യും ജ്ഞാനത്തി​ന്റെ​യും പേരിൽ ആദരി​ക്കു​ക​യും ചെയ്യുന്ന” ആഫ്രിക്കൻ വംശങ്ങ​ളിൽ “സ്‌ത്രീ​കൾ ആർത്തവ​വി​രാമ ലക്ഷണങ്ങ​ളെ​പ്പ​ററി അപൂർവ​മാ​യേ പരാതി​പ്പെ​ടു​ന്നു​ള്ളൂ” എന്ന്‌ ആരോ​ഗ്യ​വും ശാരീ​രിക സുഖ​പ്പെ​ട​ലും സംബന്ധിച്ച സ്‌ത്രീ​യു​ടെ എൻ​സൈ​ക്ലോ​പീ​ഡിയ (ഇംഗ്ലീഷ്‌) റിപ്പോർട്ടു ചെയ്യുന്നു. സമാന​മാ​യി, നിശബ്ദ​മായ പരിവർത്തനം—ആർത്തവ​വി​രാ​മം (ഇംഗ്ലീഷ്‌) ഇപ്രകാ​രം പറയുന്നു: “രാജ്‌പുട്ട്‌ ജാതി​യി​ലുള്ള ഇന്ത്യൻ സ്‌ത്രീ​കൾ” ആർത്തവ​വി​രാമ സമയത്തു​ണ്ടാ​കുന്ന “വിഷാ​ദ​ത്തെ​ക്കു​റി​ച്ചും മാനസിക ലക്ഷണങ്ങ​ളെ​ക്കു​റി​ച്ചും പരാതി​പ​റ​യു​ന്നില്ല.”

പ്രായം​ചെന്ന സ്‌ത്രീ​ക​ളോട്‌ ഉയർന്ന ആദരവു കാട്ടുന്ന ജപ്പാനി​ലും ആർത്തവ​വി​രാ​മ​ത്തി​നുള്ള ഹോർമോൺ ചികിത്സ വാസ്‌ത​വ​ത്തിൽ അജ്ഞാത​മാണ്‌. കൂടാതെ, ഏഷ്യൻ സ്‌ത്രീ​ക​ളു​ടെ ആർത്തവ​വി​രാമ ലക്ഷണങ്ങൾ പാശ്ചാത്യ സംസ്‌കാ​ര​ത്തി​ലുള്ള സ്‌ത്രീ​ക​ളു​ടേ​തി​നെ​ക്കാൾ കുറവും കാഠി​ന്യം കുറഞ്ഞ​തു​മാ​യി കാണ​പ്പെ​ടു​ന്നു. അവരുടെ ഭക്ഷണ​ക്രമം ഇതിനു സംഭാ​വ​ന​ചെ​യ്യുന്ന ഒരു ഘടകമാ​യി കാണ​പ്പെ​ടു​ന്നു.

ഒരു നരവം​ശ​ശാ​സ്‌ത്രജ്ഞൻ നടത്തിയ പഠനങ്ങ​ള​നു​സ​രിച്ച്‌ മേയ സ്‌ത്രീ​കൾ ആർത്തവ​വി​രാ​മ​ത്തി​നാ​യി വാസ്‌ത​വ​ത്തിൽ നോക്കി​പ്പാർത്തി​രു​ന്നു. ആ സ്‌ത്രീ​കളെ സംബന്ധി​ച്ചി​ട​ത്തോ​ളം ആർത്തവ​വി​രാ​മം തുടർച്ച​യായ പ്രസവ​ത്തിൽനി​ന്നുള്ള മോച​നത്തെ അർഥമാ​ക്കി. സംശയ​മെ​ന്യേ, അത്‌ ജീവി​ത​ത്തി​ലെ മററു താത്‌പ​ര്യ​ങ്ങൾ അനുധാ​വനം ചെയ്യാ​നുള്ള സ്വാത​ന്ത്ര്യ​വും കൈവ​രു​ത്തി.

അതേസ​മ​യം, ആർത്തവ​വി​രാ​മ​ത്തോ​ടു ബന്ധപ്പെട്ട ഭയങ്ങൾ നിസ്സാ​ര​മാ​യി തള്ളിക്ക​ള​യാ​നും പാടില്ല. യൗവന​ത്തി​നും യൗവന കാന്തി​ക്കും ഊന്നൽകൊ​ടു​ക്കുന്ന സംസ്‌കാ​ര​ങ്ങ​ളിൽ, ആർത്തവ​വി​രാ​മം സംഭവി​ച്ചി​ട്ടി​ല്ലാത്ത സ്‌ത്രീ​കൾ പലപ്പോ​ഴും അതിനെ ഭയപ്പെ​ടു​ന്നു. അത്തരം വ്യക്തി​കൾക്കു പരിവർത്ത​ന​ത്തി​ന്റെ വൈഷ​മ്യ​ങ്ങൾ ലഘൂക​രി​ക്കാൻ എന്തു ചെയ്യാ​നാ​വും?

സ്‌ത്രീ​കൾക്ക്‌ ആവശ്യ​മാ​യി​രി​ക്കു​ന്നത്‌

ആർത്തവ​വി​രാമ വിദ്യാ​ഭ്യാ​സ​ത്തി​ന്റെ ഹേതു​ഭൂ​ത​നും മുന്നണി പ്രവർത്ത​ക​നു​മായ ജനിൻ ഒലിയറി കോബ്‌ ഇപ്രകാ​രം വിശദീ​ക​രി​ക്കു​ന്നു: “അനേക സ്‌ത്രീ​കൾക്കും ആവശ്യ​മാ​യി​രി​ക്കു​ന്നത്‌ അവർക്ക്‌ അനുഭ​വ​പ്പെ​ടുന്ന രീതി​യു​ടെ ഏതെങ്കി​ലും തരത്തി​ലുള്ള അംഗീ​കാ​ര​മാണ്‌—തങ്ങൾ ഒററയ്‌ക്ക​ല്ലെ​ന്നുള്ള ഒരു വിചാരം.”

ഗ്രാഹ്യ​വും അതു​പോ​ലെ​തന്നെ ആഹ്ലാദ​ക​ര​മായ ഒരു വീക്ഷണ​വും മർമ​പ്ര​ധാ​ന​മാണ്‌. ആർത്തവ​വി​രാ​മ​ത്തി​ലൂ​ടെ കടന്നു​പൊ​യ്‌ക്കൊ​ണ്ടി​രി​ക്കുന്ന 51 വയസ്സുള്ള ഒരു മാതാവ്‌ ഇപ്രകാ​രം പറഞ്ഞു: “ആർത്തവ​വി​രാ​മ​ത്തി​ലൂ​ടെ നിങ്ങൾ എങ്ങനെ കടന്നു​പോ​കു​ന്നു എന്നത്‌ ജീവിതം സംബന്ധിച്ച നിങ്ങളു​ടെ പൊതു​വേ​യുള്ള വീക്ഷണത്തെ ആശ്രയി​ച്ചി​രി​ക്കു​ന്നു എന്നു ഞാൻ സത്യസ​ന്ധ​മാ​യി വിശ്വ​സി​ക്കു​ന്നു. . . . പ്രായം ചെല്ലു​മെന്ന്‌ എനിക്ക​റി​യാം. നാം അത്‌ ഇഷ്ടപ്പെ​ട്ടാ​ലും ഇല്ലെങ്കി​ലും അതു സംഭവി​ക്കാൻ പോകു​ക​യാണ്‌. . . . ഇത്‌ [ആർത്തവ​വി​രാ​മം] ഒരു രോഗ​മ​ല്ലെന്ന്‌ എനിക്കു​റ​പ്പാ​യി. ഇത്‌ എന്റെ ജീവി​ത​മാണ്‌.”

അതു​കൊണ്ട്‌ ആ പുതിയ അധ്യാ​യ​ത്തി​ലേക്കു നിങ്ങളു​ടെ ജീവി​ത​ത്താൾ മറിയാൻ തുടങ്ങവേ പുതി​യ​തും വെല്ലു​വി​ളി​പ​ര​വു​മായ കാര്യ​ങ്ങ​ളിൽ ചിന്തകൾ കേന്ദ്രീ​ക​രി​ക്കാൻ സമയം കണ്ടെത്തുക. ആർത്തവ​വി​രാ​മം ഉണ്ടാക്കുന്ന ശാരീ​രിക ഫലങ്ങളെ അവഗണി​ച്ചു​കൂ​ടാ. പരിവർത്ത​ന​ത്തി​നു​വേണ്ടി തയ്യാറാ​കവേ നല്ല ആരോ​ഗ്യ​ത്തി​നുള്ള പൊതു തത്ത്വങ്ങൾ—സമ്പൂർണ ആഹാരം, മതിയായ വിശ്രമം, മിതമായ വ്യായാ​മം എന്നിവ—പിൻപ​റ​റാൻ ഡോക്ടർമാ​രും മററ്‌ അധികാ​രി​ക​ളും ശുപാർശ​ചെ​യ്യു​ന്നു.

ആഹാര​ക്ര​മ​വും വ്യായാ​മ​വും

ഒരു സ്‌ത്രീ​ക്കു പ്രായം ചെല്ലു​മ്പോൾ പോഷ​ക​ങ്ങൾക്കുള്ള (മാംസ്യ​ങ്ങൾ, അന്നജങ്ങൾ, കൊഴു​പ്പു​കൾ, വിററാ​മി​നു​കൾ, ധാതുക്കൾ) ആവശ്യം കുറയു​ന്നില്ല. എന്നാൽ കലോ​റി​യു​ടെ ആവശ്യം കുറയു​ന്നു. അതു​കൊണ്ട്‌ പോഷ​കങ്ങൾ ഉയർന്ന തോതിൽ അടങ്ങി​യി​ട്ടുള്ള ആഹാരങ്ങൾ കഴി​ക്കേ​ണ്ട​തും “പോഷ​ക​മൂ​ല്യ​മി​ല്ലാത്ത കലോ​റി​കൾ” ആയ പഞ്ചസാ​ര​യും കൊഴു​പ്പും ഉള്ള ആഹാര​പ​ദാർഥങ്ങൾ ഒഴിവാ​ക്കേ​ണ്ട​തും പ്രധാ​ന​മാണ്‌.

ക്രമമായ വ്യായാ​മം സമ്മർദ​ത്തെ​യും വിഷാ​ദ​ത്തെ​യും തരണം ചെയ്യാ​നുള്ള പ്രാപ്‌തി വർധി​പ്പി​ക്കു​ന്നു. അത്‌ ഊർജം വർധി​പ്പി​ക്കു​ക​യും തൂക്കം കൂടാ​തി​രി​ക്കാൻ സഹായി​ക്കു​ക​യും ചെയ്യുന്നു. ഉപാപചയ പ്രവർത്ത​ന​ത്തി​ന്റെ അടിസ്ഥാന നിരക്ക്‌ പ്രായ​മാ​കു​ന്ന​തോ​ടെ ക്രമേണ കുറഞ്ഞു​വ​രു​ന്നു. വ്യായാ​മം നടത്തി നിരക്കു വർധി​പ്പി​ച്ചി​ല്ലെ​ങ്കിൽ ക്രമേണ തൂക്കം വർധി​ക്കാ​നാ​ണു പ്രവണത.

വ്യായാ​മ​വും അതോ​ടൊ​പ്പം കാൽസ്യം അകത്താ​ക്കു​ന്ന​തും അസ്ഥി​ദ്ര​വീ​ക​ര​ണത്തെ (osteoporosis) മന്ദീഭ​വി​പ്പി​ക്കു​ന്നു. അസ്ഥിക​ളിൽ ദ്വാര​ങ്ങ​ളു​ണ്ടാ​കു​ക​യും അവ ദുർബ​ല​മാ​കു​ക​യും ചെയ്യുന്ന അവസ്ഥയാണ്‌ അസ്ഥി​ദ്ര​വീ​ക​രണം. “മുറി​ക്കു​ള്ളിൽവെച്ച്‌ ശരിയാ​യി നടത്തുന്ന വ്യായാ​മ​ങ്ങ​ളും നടപ്പ്‌, ഓട്ടം, സൈക്കിൾ ചവിട്ടൽ എന്നിവ​യും മററു കായിക വ്യായാ​മ​ങ്ങ​ളും അതു​പോ​ലെ​തന്നെ ഭാരം ഉപയോ​ഗി​ച്ചുള്ള വ്യായാ​മ​ങ്ങ​ളും” വിശേ​ഷാൽ നല്ലതെന്നു കരുത​പ്പെ​ടു​ന്നു എന്ന്‌ പ്രായ​മാ​കുന്ന സ്‌ത്രീ​കൾ (ഇംഗ്ലീഷ്‌) എന്ന പുസ്‌തകം പ്രസ്‌താ​വി​ക്കു​ന്നു. രസകര​മെന്നു പറയട്ടെ, വാർധ​ക്യം​വരെ ആളുകൾ ശാരീ​രി​ക​മാ​യി ക്രിയാ​ത്മ​ക​രാ​യി​രി​ക്കുന്ന ഒററ​പ്പെ​ട്ടു​കി​ട​ക്കുന്ന ചില സമൂഹ​ങ്ങ​ളിൽ അസ്ഥി​ദ്ര​വീ​ക​രണം കണ്ടുവ​രു​ന്നില്ല. അത്തരം സ്ഥലങ്ങളിൽ സ്‌ത്രീ​കൾ 80-ഉം 90-ഉം വയസ്സു​വരെ നല്ല ചിട്ട​യോ​ടെ ജീവി​ച്ചു​പോ​രു​ന്നു. ഏതൊരു വ്യായാമ പദ്ധതി​യും തുടങ്ങു​ന്ന​തി​നു​മുമ്പ്‌ നിങ്ങളു​ടെ ഡോക്ട​റു​മാ​യി ആലോ​ചി​ക്കു​ന്നതു ബുദ്ധി​യാ​യി​രി​ക്കും.

പുകച്ചി​ലി​നെ തരണം ചെയ്യൽ

മിക്ക സ്‌ത്രീ​കൾക്കും പുകച്ചിൽ അനുഭ​വ​പ്പെ​ടു​ന്നത്‌ ഒരു ശല്യമാണ്‌. ചിലർക്ക്‌ ഇത്‌ ഒരു വലിയ പ്രശ്‌നം​ത​ന്നെ​യാണ്‌. എന്തു​കൊ​ണ്ടെ​ന്നാൽ ഒന്നുകിൽ അവ വളരെ കൂടെ​ക്കൂ​ടെ ഉണ്ടാകു​ന്നു, അല്ലെങ്കിൽ അവ ഉറക്കത്തെ സ്ഥിരം തടസ്സ​പ്പെ​ടു​ത്തു​ന്നു. എന്തു ചെയ്യാൻ കഴിയും?

ഒന്നാമ​താ​യി, പരി​ഭ്ര​മി​ക്കാ​തി​രി​ക്കുക. സാഹച​ര്യ​ത്തോ​ടൊ​പ്പം ഉത്‌കണ്‌ഠ കൂടെ​യാ​കു​മ്പോൾ അത്‌ മോശ​മാ​യി തീരു​കയേ ഉള്ളൂ. ഊർജ​സ്വ​ല​മാ​യി നിരന്തരം വ്യായാ​മം ചെയ്യു​ന്നതു പ്രയോ​ജ​ന​പ്ര​ദ​മാണ്‌. എന്തു​കൊ​ണ്ടെ​ന്നാൽ അത്യധി​ക​മായ ചൂടിനെ തരണം ചെയ്യാ​നും കൂടുതൽ വേഗം തണുക്കാ​നും പഠിക്കാൻ അതു ശരീരത്തെ സഹായി​ക്കു​ന്നു. കൂടാതെ ഒരു ഗ്ലാസ്സ്‌ തണുത്ത വെള്ളം കുടി​ക്കു​ന്ന​തോ തണുത്ത വെള്ളത്തിൽ കൈകൾ മുക്കി​വെ​ക്കു​ന്ന​തോ പോ​ലെ​യുള്ള ചെറിയ കാര്യ​ങ്ങ​ളും പരീക്ഷി​ച്ചു​നോ​ക്കുക.

കൂടാതെ, അയവുള്ള വസ്‌ത്രങ്ങൾ അടുക്കാ​യി ധരിക്കു​ന്നത്‌ ഒരു ശീലമാ​ക്കുക. അവ എളുപ്പ​ത്തിൽ ഊരാ​നോ ഇടാനോ കഴിയു​മ​ല്ലോ. കൃത്രിമ വസ്‌ത്ര​ങ്ങ​ളെ​ക്കാ​ള​ധി​കം പരുത്തി​യും ലിനനും വിയർപ്പ്‌ ആവിയാ​യി​പ്പോ​കാൻ കൂടുതൽ സഹായി​ക്കു​ന്നു. രാത്രി​യിൽ അടുക്കു സമീപനം പരീക്ഷി​ക്കുക, അതായത്‌, ആവശ്യാ​നു​സ​രണം വെവ്വേറെ ഇടുക​യോ നീക്കം​ചെ​യ്യു​ക​യോ ചെയ്യാൻ പററു​ന്ന​വി​ധ​ത്തിൽ പല പുതപ്പു​കൾ ഉപയോ​ഗി​ക്കുക. ഉറങ്ങു​മ്പോൾ ധരിക്കുന്ന മറെറാ​രു വസ്‌ത്ര​വും സമീപത്തു വയ്‌ക്കുക.

നിങ്ങൾക്കു പെട്ടെന്നു പുകച്ചി​ലു​ണ്ടാ​ക്കു​ന്നത്‌ എന്താ​ണെന്നു കണ്ടുപി​ടി​ക്കാൻ ശ്രമി​ക്കുക. മദ്യം, കഫീൻ, പഞ്ചസാ​രകൾ, എരിവു​ള്ള​തും മസാല​ചേർത്ത​തു​മായ ആഹാരങ്ങൾ എന്നിവ​യു​ടെ ഉപഭോ​ഗം പുകയി​ല​പോ​ലെ​തന്നെ ദോഷം​ചെ​യ്യും. പുകച്ചിൽ അനുഭ​വ​പ്പെ​ടു​ന്നത്‌ എപ്പോൾ എവി​ടെ​വെ​ച്ചാ​ണെ​ന്നുള്ള വിവര​ത്തി​ന്റെ ഒരു ഡയറി സൂക്ഷി​ക്കു​ന്നത്‌ അവയ്‌ക്കി​ട​യാ​ക്കുന്ന ആഹാര​പ​ദാർഥ​ങ്ങ​ളും പ്രവർത്ത​ന​ങ്ങ​ളും തിരി​ച്ച​റി​യാൻ നിങ്ങളെ സഹായി​ച്ചേ​ക്കാം. എന്നിട്ട്‌ ഈ കാര്യങ്ങൾ ഒഴിവാ​ക്കുക.

പോഷ​ക​പ്ര​ദ​മാ​യ ഔഷധ​ങ്ങ​ളിൽ വിദഗ്‌ധ​രായ ഡോക്ടർമാർ ശുപാർശ ചെയ്യു​ന്നതു പുകച്ചിൽ ലഘൂക​രി​ക്കാ​നുള്ള വിവിധ പ്രതി​വി​ധി​ക​ളാ​യി വിററാ​മിൻ ഇ, ഈവനിങ്‌ പ്രിം​റോസ്‌ എണ്ണ എന്നിവ​യും ജിൻസെങ്‌, ഡോങ്‌ ക്വെയ്‌, ബ്ലാക്ക്‌ കൊ​ഹൊഷ്‌ തുടങ്ങിയ ഓഷധി​ക​ളും ഉപയോ​ഗി​ക്കാ​നാണ്‌. ചില ഡോക്ടർമാർ പറയു​ന്ന​ത​നു​സ​രിച്ച്‌, നിർദേ​ശി​ക്ക​പ്പെ​ടുന്ന മരുന്നു​ക​ളായ ബില്ലെർഗ​ലും ക്ലോണി​ഡി​നും ആശ്വാസം നൽകുന്നു. എന്നാൽ ഈസ്‌ട്രജൻ ഗുളി​കകൾ അല്ലെങ്കിൽ ഈസ്‌ട്രജൻ പാച്ചുകൾ ഏററവും ഫലപ്ര​ദ​മാ​യി​രി​ക്കു​ന്ന​താ​യി പറയ​പ്പെ​ട്ടി​രി​ക്കു​ന്നു.a

പച്ചക്കറി​ക​ളു​ടെ​യോ പഴങ്ങളു​ടെ​യോ എണ്ണ, വിററാ​മിൻ-ഇ എണ്ണ, മയപ്പെ​ടു​ത്തുന്ന ജെല്ലികൾ ഇവ പുരട്ടി​യാൽ യോനി​യി​ലു​ണ്ടാ​കുന്ന വരൾച്ച മാററാൻ കഴിയും. ഇവ മതിയാ​കു​ന്നി​ല്ലെ​ങ്കിൽ യോനീ ഭിത്തി കട്ടിയും മയവു​മു​ള്ള​താ​ക്കി​ത്തീർക്കാൻ ഈസ്‌ട്രജൻ ക്രീം സഹായി​ക്കും. ഏതൊരു പദ്ധതി​യും തുടങ്ങു​ന്ന​തി​നു​മുമ്പ്‌ ആദ്യം ഒരു ഡോക്ട​റു​മാ​യി ആലോ​ചി​ക്കു​ന്നതു ബുദ്ധി​യാണ്‌.

സമ്മർദം സംബന്ധി​ച്ചെന്ത്‌?

ഒരു സ്‌ത്രീക്ക്‌ ആർത്തവ​വി​രാ​മ​ത്തോ​ടൊ​പ്പം വരുന്ന ഹോർമോൺപ​ര​വും ശാരീ​രി​ക​വു​മായ മാററങ്ങൾ കൈകാ​ര്യം ചെയ്യേ​ണ്ട​പ്പോൾത്തന്നെ പലപ്പോ​ഴും മററു സമ്മർദ​പൂർണ​മായ സംഭവ​ങ്ങ​ളെ​യും നേരി​ടേ​ണ്ടി​വ​രു​ന്നു. അവയിൽ കുറെ​യെണ്ണം മുൻ ലേഖന​ത്തിൽ പരാമർശി​ച്ചി​രു​ന്ന​ല്ലോ. അതേസ​മയം തന്നെ ഒരു പേരക്കി​ടാ​വി​ന്റെ ജനനമോ കുട്ടികൾ വീടു​വി​ട്ടു പോയ​തി​നു​ശേഷം പുതിയ പ്രവർത്ത​ന​ങ്ങ​ളിൽ ഏർപ്പെ​ടു​ന്ന​തോ പോലുള്ള ക്രിയാ​ത്മ​ക​മായ കാര്യങ്ങൾ പ്രതി​കൂ​ല​മായ സമ്മർദത്തെ നേരി​ടാൻ സഹായി​ക്കു​ന്നു.

സ്വാഭാ​വി​ക ആർത്തവ​വി​രാ​മം എന്ന തങ്ങളുടെ പുസ്‌ത​ക​ത്തിൽ സൂസൻ പെറി​യും ഡോ. കാത്‌റൻ എ. ഒ’ഹൻലനും സമ്മർദത്തെ മെച്ചമാ​യി കൈകാ​ര്യം ചെയ്യു​ന്ന​തി​നുള്ള ചില പ്രാ​യോ​ഗിക നിർദേ​ശങ്ങൾ നൽകുന്നു. സമ്മർദ​ത്തി​ന്റെ സ്രോ​ത​സ്സു​കൾ തിരി​ച്ച​റി​യേ​ണ്ട​തി​ന്റെ​യും ഇടയ്‌ക്കി​ട​യ്‌ക്ക്‌ കാര്യ​ങ്ങൾക്കു മാററം​വ​രു​ത്തേ​ണ്ട​തി​ന്റെ​യും ആവശ്യം അവർ ചൂണ്ടി​ക്കാ​ട്ടു​ന്നു. നിത്യ​രോ​ഗി​യായ ഒരു കുടും​ബാം​ഗ​ത്തി​നു​വേണ്ടി കരുതു​ന്ന​തിൽ സഹായം തേടു​ന്ന​തി​നെ ഇത്‌ അർഥമാ​ക്കി​യേ​ക്കാം. “നിങ്ങൾതന്നെ കാര്യങ്ങൾ മിതമാ​യി ക്രമീ​ക​രി​ക്കുക. ഒത്തിരി കാര്യങ്ങൾ പട്ടിക​യി​ലുൾപ്പെ​ടു​ത്തു​ന്നത്‌ ഒഴിവാ​ക്കാൻ ശ്രമം ചെയ്യുക . . . നിങ്ങളു​ടെ ശരീര​ത്തി​നു ശ്രദ്ധ​കൊ​ടു​ക്കുക,” അവർ ഉദ്‌ബോ​ധി​പ്പി​ക്കു​ന്നു. അവർ ഇപ്രകാ​രം കൂട്ടി​ച്ചേർക്കു​ന്നു: “മററു​ള്ള​വർക്ക്‌ ഒരു സേവനം ചെയ്യു​ന്നത്‌ . . . സമ്മർദത്തെ ലഘൂക​രി​ക്കുന്ന ഒരു വലിയ ഘടകമാ​യി​രി​ക്കാൻ കഴിയും. . . . നിത്യം വ്യായാ​മം ചെയ്യുക. . . . നിങ്ങളു​ടെ ജീവി​ത​ത്തിൽ സമ്മർദം അനിയ​ന്ത്രി​ത​മാ​കു​ന്നെ​ങ്കിൽ വിദഗ്‌ധ സഹായം തേടുക.”

കുടും​ബാം​ഗ​ങ്ങൾക്കു സഹായി​ക്കാൻ കഴിയും

ആർത്തവ​വി​രാ​മ​ത്തി​ലൂ​ടെ കടന്നു​പോ​കുന്ന ഒരു സ്‌ത്രീ​ക്കു വൈകാ​രിക ഗ്രാഹ്യ​വും പ്രാ​യോ​ഗിക പിന്തു​ണ​യും ആവശ്യ​മാണ്‌. ഉത്‌ക​ണ്‌ഠ​യു​ടെ ഘട്ടങ്ങൾ അസഹ്യ​പ്പെ​ടു​ത്തു​മ്പോൾ എന്തു ചെയ്യു​മെന്നു വിശദീ​ക​രി​ക്കവേ ഒരു ഭാര്യ ഇപ്രകാ​രം പറഞ്ഞു: “ഞാൻ എന്റെ ഭർത്താ​വു​മാ​യി കാര്യങ്ങൾ ചർച്ച​ചെ​യ്യും. അദ്ദേഹം അനുക​മ്പ​യോ​ടെ കാര്യങ്ങൾ മനസ്സി​ലാ​ക്കി കഴിയു​മ്പോൾ എന്റെ ഉത്‌ക​ണ്‌ഠാ​കു​ല​മായ മാനസി​കാ​വസ്ഥ ആക്കിത്തീർത്ത​തു​പോ​ലെ പ്രശ്‌നങ്ങൾ അത്ര വലുതാ​യി​രു​ന്നില്ല എന്നു ഞാൻ മനസ്സി​ലാ​ക്കും.”

ആർത്തവ​വി​രാ​മ​ത്തി​ലൂ​ടെ കടന്നു​പോ​കു​മ്പോൾ ഭാര്യ​യ്‌ക്ക്‌ എല്ലായ്‌പോ​ഴും സാധാ​ര​ണ​പോ​ലെ​തന്നെ കാര്യങ്ങൾ ചെയ്യാൻ കഴിയി​ല്ലെ​ന്നും സംവേ​ദ​ക​ത്വ​മുള്ള ഒരു ഭർത്താവ്‌ തിരി​ച്ച​റി​യു​ന്നു. അതു​കൊണ്ട്‌ അദ്ദേഹം ഒരുപക്ഷേ വസ്‌ത്രങ്ങൾ കഴുകൽ, ആഹാര​സാ​ധ​നങ്ങൾ വാങ്ങാൻ കടയിൽപോ​കൽ തുടങ്ങിയ കാര്യങ്ങൾ ചെയ്‌തു​കൊണ്ട്‌ കുടുംബ ഉത്തരവാ​ദി​ത്വ​ങ്ങ​ളിൽ സഹായി​ക്കു​ന്ന​തി​നു മുൻകൈ എടുക്കാൻ ജാഗരൂ​ക​നാ​യി​രി​ക്കും. ആർദ്രാ​നു​ക​മ്പ​യോ​ടെ, അദ്ദേഹം ഭാര്യ​യു​ടെ ആവശ്യങ്ങൾ തന്റെ സ്വന്തം ആവശ്യ​ങ്ങൾക്കു മുമ്പിൽവെ​ക്കും. (ഫിലി​പ്പി​യർ 2:4) ചില​പ്പോൾ ഒരു ഊണി​നു​വേണ്ടി പുറത്തു​പോ​കാ​നോ അല്ലെങ്കിൽ മറേറ​തെ​ങ്കി​ലും രീതി​യിൽ ദിനച​ര്യ​യിൽ രസകര​മായ ഒരു മാററം​വ​രു​ത്താ​നോ അദ്ദേഹം നിർദേ​ശി​ച്ചേ​ക്കാം. അദ്ദേഹം കഴിയു​ന്നി​ട​ത്തോ​ളം വിയോ​ജിപ്പ്‌ ഒഴിവാ​ക്കു​ക​യും ആരോ​ഗ്യ​ക​ര​മായ ഭക്ഷണശീ​ലങ്ങൾ നിലനിർത്തി​ക്കൊ​ണ്ടു​പോ​കാ​നുള്ള അവളുടെ ശ്രമങ്ങളെ പിന്തു​ണ​യ്‌ക്കു​ക​യും ചെയ്യും.

എല്ലാറ​റി​ലു​മു​പ​രി​യാ​യി, ഭർത്താ​വി​ന്റെ തുടർച്ച​യായ സ്‌നേഹം നിരന്തരം ഉറപ്പു​വ​രു​ത്തി​ക്കി​ട്ടാ​നുള്ള ഭാര്യ​യു​ടെ ആവശ്യം അദ്ദേഹം നിവർത്തി​ച്ചു​കൊ​ടു​ക്കും. വ്യക്തി​പ​ര​മായ കാര്യങ്ങൾ സംബന്ധി​ച്ചു തന്റെ ഭാര്യയെ കളിയാ​ക്കാ​നുള്ള സമയമല്ല ഇതെന്ന്‌ അദ്ദേഹം വിവേ​ചി​ക്കു​ക​യും തിരി​ച്ച​റി​യു​ക​യും വേണം. സ്‌നേ​ഹ​പു​ര​സ്സ​ര​മായ ഒരു രീതി​യിൽ തന്റെ ഭാര്യയെ പരിച​രി​ക്കുന്ന ഒരു ഭർത്താവ്‌ ‘സ്‌ത്രീ എന്നോർത്ത്‌ അവൾക്ക്‌ ബഹുമാ​നം കൊടു​ത്തു​കൊണ്ട്‌ വിവേ​ക​ത്തോ​ടെ അവളോ​ടു​കൂ​ടെ വസിക്കുക’ എന്ന തിരു​വെ​ഴു​ത്തു​പ​ര​മായ താക്കീത്‌ പിൻപ​റ​റു​ന്നു.—1 പത്രൊസ്‌ 3:7, NW.

അതു​പോ​ലെ​ത​ന്നെ, കുട്ടി​ക​ളും തങ്ങളുടെ മാതാ​വി​ന്റെ പെട്ടെ​ന്നുള്ള വൈകാ​രിക മാററ​ങ്ങ​ളു​ടെ കാരണം മനസ്സി​ലാ​ക്കാൻ ഒരു ആത്മാർഥ ശ്രമം നടത്തണം. സ്വകാര്യ സമയത്തി​നു​വേ​ണ്ടി​യുള്ള അവളുടെ ആവശ്യം അവർ തിരി​ച്ച​റി​യേ​ണ്ട​തുണ്ട്‌. തങ്ങളുടെ മാതാ​വി​ന്റെ ഭാവങ്ങ​ളോ​ടു സംവേ​ദ​ക​ത്വം പ്രകടി​പ്പി​ക്കു​ന്നത്‌ അവൾക്കു​വേണ്ടി അവർ യഥാർഥ​ത്തിൽ കരുതു​ന്നു​വെന്ന്‌ വീണ്ടും വീണ്ടും ഉറപ്പു​നൽകുന്ന ഒരു സന്ദേശം നൽകും. അതേസ​മയം, അവളുടെ പ്രവച​നാ​തീ​ത​മായ സ്വഭാ​വത്തെ തമാശ​യാ​ക്കു​ന്നത്‌ സാഹച​ര്യ​ത്തെ കൂടുതൽ വഷളാ​ക്കു​കയേ ഉള്ളൂ. എന്താണു സംഭവി​ക്കു​ന്നത്‌ എന്നു മെച്ചമാ​യി മനസ്സി​ലാ​ക്കാൻ തക്കവണ്ണം ഉചിത​മായ ചോദ്യ​ങ്ങൾ ചോദി​ക്കുക. ആവശ്യ​പ്പെ​ടാ​തെ​തന്നെ വീട്ടു​ജോ​ലി​ക​ളിൽ സഹായി​ക്കുക. ജീവി​ത​ത്തി​ലെ ഈ ഘട്ടത്തിൽ മാതാ​വി​നെ സഹായി​ക്കു​ന്ന​തി​നുള്ള ചില മാർഗങ്ങൾ മാത്ര​മാണ്‌ ഇവ.

ആർത്തവ​വി​രാ​മം കഴിഞ്ഞുള്ള ജീവിതം

ഒരു സ്‌ത്രീ​യു​ടെ ജീവി​ത​ത്തി​ലെ ഈ അധ്യായം അവസാ​നി​ക്കു​മ്പോൾ പലപ്പോ​ഴും അനേക വർഷങ്ങൾ പിന്നെ​യും മുന്നിൽ കിടപ്പു​ണ്ടാ​വും. അവൾ നേടി​യി​രി​ക്കുന്ന ജ്ഞാനവും അനുഭ​വ​പ​രി​ച​യ​വും വിലതീ​രാ​ത്ത​താണ്‌. “അമ്പതു​ക​ളി​ലുള്ള സ്‌ത്രീ​കൾ, തങ്ങൾ ജീവി​ത​ത്തിൽ മുമ്പ്‌ ഏതു ഘട്ടത്തിൽ അനുഭ​വി​ച്ച​തി​നെ​ക്കാ​ളും വലിയ​തോ​തിൽ ക്ഷേമം അനുഭ​വി​ക്കു​ന്നെന്നു സ്വയം റിപ്പോർട്ടു ചെയ്യു​ന്ന​താ​യി പ്രായ​പൂർത്തി​യായ അറുപ​തി​നാ​യി​രം അമേരി​ക്ക​ക്കാ​രെ”ക്കുറിച്ച്‌ എഴുത്തു​കാ​ര​നായ ഗെയ്‌ൽ ഷീഹി നടത്തിയ പഠനങ്ങൾ “സ്ഥാപിച്ചു”.

അതേ, ഈ പരിവർത്തന വർഷങ്ങ​ളി​ലൂ​ടെ കടന്നു​പോ​യി​ട്ടുള്ള പല സ്‌ത്രീ​ക​ളും പുതുക്കം പ്രാപിച്ച ഒരു വീക്ഷണ​ഗതി കണ്ടെത്തു​ന്നു. അവരുടെ നിർമാ​ണാ​ത്മ​ക​ത​യ്‌ക്കു പുതു​ജീ​വൻ ലഭിക്കു​ന്നു. ഉത്‌പാ​ദ​ന​ക്ഷ​മ​മായ പ്രവർത്ത​ന​ത്തിൽ സ്വയം ഏർപ്പെ​ട്ടു​കൊണ്ട്‌ അവർ ജീവിതം തുടരു​ന്നു. “ഞാൻ എന്റെ മനസ്സിനെ ക്രിയാ​ത്മ​ക​മാ​യി നിർത്തു​ന്നു. ഞാൻ പുതിയ കാര്യങ്ങൾ മനസ്സി​ലാ​ക്കു​ക​യും പഠിക്കു​ക​യും ചെയ്‌തു​കൊ​ണ്ടി​രി​ക്കു​ന്നു,” ആർത്തവ​വി​രാ​മം പിന്നിട്ട ഒരു സ്‌ത്രീ പറഞ്ഞു. അവൾ ഇപ്രകാ​രം കൂട്ടി​ച്ചേർത്തു: “എനിക്ക്‌ അൽപ്പം വേഗത കുറവാ​യി​രി​ക്കാം. എന്നാൽ ഇത്‌ എന്റെ ജീവി​ത​ത്തി​ന്റെ അവസാ​ന​മാ​ണെന്ന്‌ ഞാൻ വിചാ​രി​ക്കു​ന്നില്ല. ഞാൻ കൂടു​ത​ലായ അനേകം വർഷങ്ങ​ളി​ലേക്കു നോക്കി​പ്പാർത്തി​രി​ക്കു​ക​യാണ്‌.”

“ആർത്തവ​വി​രാ​മാ​നന്തര അവസ്ഥയിൽ ഊർജ​സ്വ​ല​ത​യും സ്വാഭി​മാ​ന​വും ആസ്വദി​ക്കു​ന്നവർ ബുദ്ധി, വിവേചന, നിർമാ​ണാ​ത്മകത, അല്ലെങ്കിൽ ഉറച്ച ആത്മീയത എന്നിവ​യ്‌ക്ക്‌ ഒന്നാം സ്ഥാനം​കൊ​ടു​ക്കുന്ന പ്രവർത്ത​ന​ങ്ങ​ളിൽ ഏർപ്പെ​ടു​ന്ന​വ​രാ​ണെന്ന്‌” സ്‌ത്രീ​കളെ അഭിമു​ഖം നടത്തവേ ഷീഹി കണ്ടെത്തി​യത്‌ അർഥവ​ത്താ​യി​രു​ന്നു. ബൈബി​ളി​നെ​പ്പ​റ​റി​യുള്ള അറിവും ഗ്രാഹ്യ​വും വർധി​പ്പി​ക്കാ​നും അതിന്റെ വില​യേ​റിയ മൂല്യങ്ങൾ മററു​ള്ള​വർക്കു പഠിപ്പി​ച്ചു കൊടു​ക്കാ​നും സന്തോ​ഷ​പൂർവം അർപ്പി​ത​രാ​യി​രി​ക്കുന്ന അത്തരം സ്‌ത്രീ​ക​ളു​ടെ ഒരു കൂട്ടമുണ്ട്‌.—സങ്കീർത്തനം 68:11.

ജീവി​ത​ത്തെ സംബന്ധി​ച്ചു ക്രിയാ​ത്മ​ക​മായ ഒരു വീക്ഷണം പുലർത്തു​ക​യും അർഥവ​ത്തായ ജോലി ചെയ്യു​ക​യും ചെയ്യു​ന്ന​തി​നു പുറമേ, സ്‌നേ​ഹ​വാ​നായ നമ്മുടെ സ്രഷ്ടാവ്‌ നമ്മുടെ വികാ​രങ്ങൾ അറിയു​ക​യും നമുക്കു​വേണ്ടി യഥാർഥ​ത്തിൽ കരുതു​ക​യും ചെയ്യു​ന്നു​വെന്ന്‌ സ്വയം ഓർക്കു​ന്നത്‌ എല്ലാ പ്രായ​ത്തി​ലു​മുള്ള സ്‌ത്രീ​കളെ സംബന്ധി​ച്ചും ജ്ഞാനമാണ്‌. (1 പത്രൊസ്‌ 5:7) തീർച്ച​യാ​യും, മേലാൽ രോഗ​മോ കഷ്ടതയോ മരണം പോലു​മോ ഇല്ലാത്ത നീതി​യുള്ള ഒരു പുതിയ ലോക​ത്തിൽ നിത്യ​ജീ​വി​തം ആസ്വദി​ക്കാ​നാ​യി തന്നെ സേവി​ക്കുന്ന എല്ലാവർക്കും വേണ്ടി യഹോ​വ​യാം ദൈവം കരുതൽ ചെയ്‌തി​രി​ക്കു​ന്നു.—2 പത്രൊസ്‌ 3:13; വെളി​പ്പാ​ടു 21:3, 4.

അതു​കൊണ്ട്‌ ആർത്തവ​വി​രാ​മ​ത്തി​ലൂ​ടെ കടന്നു​പോ​കുന്ന നിങ്ങൾ അത്‌ ജീവി​ത​ത്തി​ലെ ഒരു ഘട്ടമാ​ണെന്ന്‌ ഓർമി​ക്കുക. നമ്മുടെ സ്‌നേ​ഹ​വാ​നായ സ്രഷ്ടാ​വി​ന്റെ സേവന​ത്തിൽ പ്രയോ​ജ​ന​പ്ര​ദ​മാ​യി ഉപയോ​ഗി​ക്കു​ന്ന​പക്ഷം സമൃദ്ധ​മായ പ്രതി​ഫലം കൈവ​രു​ത്തുന്ന വർഷങ്ങ​ളി​ലെ ജീവിതം വിട്ടു​ത​ന്നു​കൊണ്ട്‌ അതു കടന്നു​പൊ​യ്‌ക്കൊ​ള്ളും.

[അടിക്കു​റി​പ്പു​കൾ]

[8-ാം പേജിലെ ചതുരം]

ഈസ്‌ട്രജൻ പകര ചികിത്സ സംബന്ധി​ച്ചെന്ത്‌?

ആർത്തവ​വി​രാ​മം സംഭവിച്ച സ്‌ത്രീ​ക​ളി​ലെ രണ്ടു മുഖ്യ രോഗ​കാ​ര​ണ​ങ്ങ​ളായ ഹൃ​ദ്രോ​ഗ​ത്തി​നും അസ്ഥി​ദ്ര​വീ​ക​ര​ണ​ത്തി​നു​മെ​തി​രെ ഈസ്‌ട്രജൻ സംരക്ഷണം നൽകി​യേ​ക്കാം. ഈസ്‌ട്ര​ജന്റെ അളവു കുറയു​മ്പോൾ ഈ രോഗങ്ങൾ വികാസം പ്രാപി​ച്ചു തുടങ്ങു​ക​യും അഞ്ചോ പത്തോ വർഷം​കൊണ്ട്‌ അവ പ്രകട​മാ​യി​ത്തീ​രു​ക​യും ചെയ്യുന്നു. ഈ രോഗ​ങ്ങളെ തടയു​ന്ന​തിന്‌ ഈസ്‌ട്രജൻ പകര ചികിത്സ അഥവാ ഹോർമോൺ (ഈസ്‌ട്രജൻ ആൻഡ്‌ പ്രോ​ജ​സ്‌റ​റ​റോൺ) പകര ചികിത്സ ശുപാർശ​ചെ​യ്യ​പ്പെ​ട്ടി​രി​ക്കു​ന്നു.

ഈസ്‌ട്രജൻ പകരം നൽകു​മ്പോൾ അത്‌ അസ്ഥിയു​ടെ ദ്രവീ​കരണ നിരക്കു കുറയ്‌ക്കു​ക​യും ഹൃ​ദ്രോ​ഗ​ത്തി​ന്റെ സമാരം​ഭത്തെ അകററി​നിർത്തു​ക​യും ചെയ്യുന്നു. ഹോർമോൺ പകര വ്യവസ്ഥ​യിൽ പ്രോ​ജ​സ്‌റ​റ​റോൺ ചേർക്കു​മ്പോൾ അത്‌ സ്‌തന​ത്തി​ന്റെ​യും ഗർഭാ​ശ​യ​ത്തി​ന്റെ​യും കാൻസർ സാധ്യത കുറയ്‌ക്കു​ന്നു. എന്നാൽ ഹൃ​ദ്രോ​ഗത്തെ തടയു​ന്ന​തി​നുള്ള ഈസ്‌ട്ര​ജന്റെ ഫലത്തെ നിർവീ​ര്യ​മാ​ക്കു​ന്നു.

ഹോർമോൺ പകര ചികിത്സ ഉപയോ​ഗി​ക്ക​ണോ വേണ്ടയോ എന്നുള്ള തീരു​മാ​നം ഓരോ സ്‌ത്രീ​യു​ടെ​യും സാഹച​ര്യം, ആരോ​ഗ്യം, കുടുംബ ചരിത്രം എന്നിവ​യു​ടെ വിലയി​രു​ത്ത​ലി​നെ അടിസ്ഥാ​ന​മാ​ക്കി​യു​ള്ള​താ​യി​രി​ക്കണം.b

[അടിക്കു​റി​പ്പു​കൾ]

[9-ാം പേജിലെ ചതുരം]

ഏത്‌ ആഹാര​ക്ര​മ​മാണ്‌ ഏററവും നല്ലത്‌?

പിൻവരുന്ന നിർദേ​ശങ്ങൾ സൂസൻ പെറി​യും ഡോ. കാത്‌റിൻ എ. ഒ’ഹൻലനും എഴുതിയ സ്വാഭാ​വിക ആർത്തവ​വി​രാ​മം—ഒരു സ്‌ത്രീ​യു​ടെ ഏററവും കൂടുതൽ തെററി​ദ്ധ​രി​ക്ക​പ്പെ​ടുന്ന പരിവർത്ത​ന​ത്തി​നുള്ള പൂർണ സഹായി എന്ന പുസ്‌ത​ക​ത്തിൽനിന്ന്‌ എടുത്തി​ട്ടു​ള്ള​താണ്‌.

മാംസ്യം

● നിങ്ങൾ കഴിക്കുന്ന മാംസ്യ​ത്തി​ന്റെ അളവ്‌ കഴിക്കുന്ന ആകെ കലോ​റി​യു​ടെ 15 ശതമാ​ന​മാ​ക്കി കുറയ്‌ക്കുക. അതി​ലൊ​ട്ടും കുറയ​രുത്‌.

● നിങ്ങൾ കഴിക്കുന്ന മാംസ്യ​ത്തി​ല​ധി​ക​വും പച്ചക്കറി​ക​ളിൽനി​ന്നാ​യി​രി​ക്കട്ടെ. മൃഗങ്ങ​ളിൽനിന്ന്‌ കുറച്ചു​മാ​ത്രം എടുക്കുക.

അന്നജങ്ങൾ

● ഉമി കളയാത്ത ധാന്യങ്ങൾ, റൊട്ടി, പസ്‌ത, ബീൻസ്‌, പരിപ്പു​കൾ, ചോറ്‌, പച്ചക്കറി​കൾ, പഴങ്ങൾ എന്നിങ്ങ​നെ​യുള്ള കൂടുതൽ കോം​പ്ല​ക്‌സായ അന്നജങ്ങൾ കഴിക്കുക.

● പഞ്ചസാ​ര​യും പഞ്ചസാര വളരെ​യ​ധി​കം അടങ്ങി​യി​ട്ടുള്ള ആഹാര​ങ്ങ​ളും കുറച്ചു​മാ​ത്രം കഴിക്കുക.

● നാരുകൾ സമൃദ്ധ​മാ​യി​ട്ടുള്ള ആഹാരം കൂടുതൽ കഴിക്കുക.

കൊഴുപ്പുകൾ

● നിങ്ങൾ അകത്താ​ക്കുന്ന കൊഴു​പ്പി​ന്റെ ആകെയുള്ള അളവ്‌ മൊത്തം കലോ​റി​യു​ടെ 25 മുതൽ 30 ശതമാ​ന​മാ​ക്കി കുറയ്‌ക്കുക.

● കൊഴു​പ്പി​ന്റെ മൊത്ത​ത്തി​ലുള്ള ഉപയോ​ഗം കുറയ്‌ക്കുക. ‘ചീത്ത​ക്കൊ​ഴു​പ്പി’നെക്കാൾ (സാച്ചു​റേ​റ​റഡ്‌) ‘നല്ലകൊ​ഴു​പ്പി’ന്റെ (പോളി​അൺസാ​ച്ചു​റേ​റ​റഡ്‌) അനുപാ​തം വർധി​പ്പി​ക്കുക.

ജലം

● എട്ട്‌ ഔൺസ്‌ ഗ്ലാസ്സിന്‌ ആറുമു​തൽ എട്ടുവരെ ഗ്ലാസ്സ്‌ വെള്ളം ദിവസ​വും കുടി​ക്കുക.

വിററാമിനുകളും ധാതു​ക്ക​ളും

● ദിവസ​വും വിവിധ ഇനങ്ങളി​ലുള്ള പച്ചക്കറി​ക​ളും പഴങ്ങളും കഴിക്കുക.

● പാലും പാലു​ത്‌പ​ന്ന​ങ്ങ​ളും മുട്ട​ഗോ​സും പച്ചില​ക​ളുള്ള പച്ചക്കറി​ക​ളും കാൽസ്യ​ത്തി​ന്റെ നല്ല ഉറവി​ട​ങ്ങ​ളാണ്‌.

[10-ാം പേജിലെ ചിത്രങ്ങൾ]

സഹായിക്കാനായി കുടും​ബാം​ഗ​ങ്ങൾക്കു ചെയ്യാൻ കഴിയു​ന്നത്‌: സ്‌നേഹം കാണി​ക്കുക, വീട്ടു​ജോ​ലി​ക​ളിൽ സഹായി​ക്കുക, ശ്രദ്ധാ​ലു​വായ ഒരു ശ്രോ​താ​വാ​യി​രി​ക്കുക, ഇടയ്‌ക്കി​ട​യ്‌ക്ക്‌ കാര്യ​ങ്ങൾക്കു മാററം​വ​രു​ത്തു​ക