“ഒരു സാമ്പത്തിക കൂട്ട​ക്കൊല”

നൈജീരിയയിലെ ഉണരുക! ലേഖകൻ

ഒരു യുനി​സെഫ്‌ (ഐക്യ​രാ​ഷ്‌ട്ര ശിശു​ക്ഷേ​മ​നി​ധി) റിപ്പോർട്ടു പറയു​ന്ന​ത​നു​സ​രി​ച്ചു സഹാറ​യു​ടെ തെക്കുള്ള ആഫ്രിക്കൻ പ്രദേ​ശത്തെ “ഒരു സാമ്പത്തിക കൂട്ട​ക്കൊല” ബാധി​ച്ചി​രി​ക്കു​ക​യാണ്‌. അവിടത്തെ ജനങ്ങളിൽ പകുതി​യും—ഏതാണ്ട്‌ 22 കോടി ആളുകൾ—ജീവി​ക്കു​ന്നതു മുഴു​പ്പ​ട്ടി​ണി​യി​ലാണ്‌, തങ്ങളുടെ ഏററവും അടിസ്ഥാന ആവശ്യങ്ങൾ പോലും നിറ​വേ​റ​റാൻ അവർക്കു കഴിവില്ല. ഒരു ശരാശരി പൗരൻ ഒരു ദശകം മുമ്പ​ത്തെ​ക്കാൾ 20 ശതമാനം കൂടുതൽ ദരി​ദ്ര​നാണ്‌.

“വിദ്യാ​ഭ്യാ​സ​ത്തി​ന്റെ കാര്യ​ത്തിൽ 1980-കളെ നഷ്ടപ്പെട്ട ദശകം എന്നു മാത്രമേ വർണി​ക്കാൻ കഴിയൂ” എന്ന്‌ ആ റിപ്പോർട്ടു പറയുന്നു. ഓരോ വിദ്യാർഥി​ക്കും വേണ്ടി ചെലവാ​ക്കു​ന്നതു മൂന്നി​ലൊ​ന്നാ​യി കുറഞ്ഞു, പ്രൈ​മറി സ്‌കൂ​ളി​ലെ പ്രവേ​ശനം 79 ശതമാ​ന​ത്തിൽനിന്ന്‌ 67 ശതമാ​ന​മാ​യി താണു. പല ആഫ്രിക്കൻ രാജ്യ​ങ്ങ​ളി​ലും ആരോഗ്യ ശുശ്രൂ​ഷാ​സേ​വ​നങ്ങൾ കുറഞ്ഞു​വ​രി​ക​യാണ്‌, സ്‌ററാ​ഫു​ക​ളു​ടെ​യും മരുന്നി​ന്റെ​യും അഭാവം നിമിത്തം പല ക്ലിനി​ക്കു​ക​ളും അടച്ചു​പൂ​ട്ടി​ക്കൊ​ണ്ടി​രി​ക്കു​ന്നു.

ആ ഭൂഖണ്ഡ​ത്തി​ലെ സാമ്പത്തിക പ്രതി​സ​ന്ധി​യു​ടെ കാരണ​ങ്ങ​ളാ​യി ആ റിപ്പോർട്ട്‌ അനേകം കാര്യ​ങ്ങ​ളാ​ണു പട്ടിക​പ്പെ​ടു​ത്തു​ന്നത്‌, സൈനിക ചെലവ്‌, കുറഞ്ഞു​വ​രുന്ന വ്യാപാ​രം, ഒരിക്ക​ലും കൊടു​ത്തു​തീർക്കാൻ കഴിയി​ല്ലെന്നു വിദഗ്‌ധർ പറയുന്ന ഭീമമായ ഋണബാധ്യത എന്നിവ​യെ​ല്ലാം അതിൽ പെടുന്നു. “വലിയ അളവി​ലുള്ള ഒരു അന്തർദേ​ശീയ ശ്രമം കൂടാതെ ആഫ്രി​ക്ക​യ്‌ക്കു സുഖം പ്രാപി​ക്കാ​നാ​വില്ല, എന്നാൽ അതി​നെ​ക്കു​റിച്ച്‌ ഇതുവ​രെ​യും ചിന്തി​ച്ചി​ട്ടു​പോ​ലു​മില്ല” എന്നു യുനി​സെഫ്‌ പറയുന്നു.

അതു സംഭവി​ക്കാൻ ഇടയു​ണ്ടോ? വാസ്‌ത​വി​ക​ത​യോ​ടെ ബൈബിൾ പറയുന്നു: “നിങ്ങൾ പ്രഭു​ക്കൻമാ​രിൽ ആശ്രയി​ക്ക​രു​തു, സഹായി​പ്പാൻ കഴിയാത്ത മനുഷ്യ​പു​ത്ര​നി​ലും അരുതു.” (സങ്കീർത്തനം 146:3) ആഫ്രി​ക്ക​യു​ടെ അഗാധ​സ്ഥി​ത​മായ പ്രശ്‌ന​ങ്ങ​ളു​ടെ പരിഹാ​രം മാനുഷ ഗവൺമെൻറു​ക​ളു​ടെ പക്കലല്ല. ശാശ്വ​ത​മായ ആശ്വാസം കൈവ​രു​ത്തു​ന്നതു ദൈവ​രാ​ജ്യ​മാണ്‌—ആഫ്രി​ക്ക​യ്‌ക്കു മാത്രമല്ല, മുഴു ലോക​ത്തി​നും​തന്നെ.—മത്തായി 6:10.

[31-ാം പേജിലെ ചിത്ര​ത്തിന്‌ കടപ്പാട്‌]

WHO/OXFAM