കാനഡ​യി​ലെ “മലിനരക്ത” അന്വേ​ഷ​ണം

കാനഡയിലെ ഉണരുക! ലേഖകൻ

കാനഡ​യിൽ മലിന​ര​ക്ത​ത്തിന്‌ ഇരയായി എയ്‌ഡ്‌സു​മൂ​ലം മരണമ​ട​ഞ്ഞു​കൊ​ണ്ടി​രി​ക്കു​ന്ന​വ​രു​ടെ എണ്ണം വർധി​ച്ചു​കൊ​ണ്ടി​രി​ക്ക​യാണ്‌. എന്തു​കൊ​ണ്ടാ​ണീ വർധനവ്‌? 1980-കളിൽ “മലിനരക്ത”ത്തിൽനി​ന്നും രക്തോ​ത്‌പ​ന്ന​ങ്ങ​ളിൽനി​ന്നും ആയിര​ത്തി​ല​ധി​കം കാനഡ​ക്കാർക്ക്‌ എയ്‌ഡ്‌സ്‌ വൈറസ്‌ ബാധിച്ചു. അസ്വസ്ഥ​മാ​ക്കുന്ന ഈ വസ്‌തു​തകൾ കാനഡ​യി​ലെ രക്തവി​തരണ സംവി​ധാ​ന​ത്തെ​ക്കു​റിച്ച്‌ അന്വേ​ഷി​ക്കാ​നാ​യി ഒരു കമ്മീഷൻ സ്ഥാപി​ക്കാൻ ഫെഡറൽ ഗവൺമെൻറി​നെ പ്രേരി​പ്പി​ച്ചു. കാനഡ​യി​ലെ രക്തവി​തരണ സംവി​ധാ​ന​ത്തി​ന്റെ സുരക്ഷി​ത​ത്വം ഒരു പൊതു അന്വേ​ഷണം നിർണ​യി​ക്കു​ന്നു.

രാജ്യത്തെ അത്യാ​ദ​ര​ണീ​യ​രായ മുതിർന്ന ജഡ്‌ജി​മാ​രിൽ ഒരാ​ളെ​യാണ്‌ അന്വേഷണ കമ്മീഷ​ണ​റാ​യി നിയമി​ച്ചത്‌. ഈ കമ്മീഷൻ കാനഡ​യി​ലു​ട​നീ​ളം വിചാ​ര​ണകൾ നടത്തുന്നു. 1994 ഫെബ്രു​വരി 14-ന്‌ ടൊ​റൊ​ന്റോ​യി​ലാണ്‌ വിചാ​ര​ണകൾ ആരംഭി​ച്ചത്‌. ഒൺടേ​റി​യോ അപ്പീൽ കോട​തി​യി​ലെ ബഹുമാ​ന്യ​നായ ശ്രീമാൻ ജഡ്‌ജി ഹൊറസ്‌ ക്രീവർ നിശ്ചി​ത​സ​മ​യത്ത്‌ തന്റെ കണ്ടുപി​ടി​ത്തങ്ങൾ റിപ്പോർട്ടു ചെയ്യാ​നും മെച്ച​പ്പെ​ടു​ത്താ​നുള്ള മാർഗങ്ങൾ ശുപാർശ ചെയ്യാ​നു​മാ​യി നിയോ​ഗി​ക്ക​പ്പെട്ടു.

മലിന​ര​ക്ത​ത്തിൽനി​ന്നുള്ള എയ്‌ഡ്‌സു ബാധയാൽ പുത്രൻ മരണമടഞ്ഞ ഒരു ദുഃഖാർത്ത​യായ മാതാവ്‌ ജഡ്‌ജി​യോട്‌ ഇപ്രകാ​രം അപേക്ഷി​ച്ചു: “അവർ എന്റെ മകനെ കൊന്നു. എനിക്കാ​കെ കിട്ടിയ നഷ്ടപരി​ഹാ​രം ഈ അന്വേ​ഷ​ണ​മാണ്‌. ദയവായി ഇതു കാര്യ​മാ​യെ​ടു​ക്കുക.” രക്തപ്പകർച്ച​യോ​ടു ബന്ധപ്പെട്ട അപകടങ്ങൾ ഒഴിവാ​ക്കു​ന്ന​തിന്‌ അവശ്യ നടപടി​കൾ എടുക്കാൻ തക്കവണ്ണം ഒരു സമ്പൂർണ പരി​ശോ​ധന നടന്നു കാണാൻ അവൾ ആകാം​ക്ഷ​യു​ള്ള​വ​ളാ​യി​രു​ന്നു. മലിന​രക്തം നിമിത്തം മകൻ മരിച്ചു​പോയ ഒരേ ഒരു മാതാവ്‌ അവർ മാത്ര​മ​ല്ലാ​യി​രു​ന്നു. അനേകം കാനഡ​ക്കാ​രു​ടെ ജീവി​ത​ങ്ങളെ പിച്ചി​ച്ചീ​ന്തിയ ഈ ദുരന്തത്തെ സംബന്ധി​ച്ചുള്ള ഹൃദയ​ഭേ​ദ്യ​മായ സാക്ഷ്യം കമ്മീഷൻ കേൾക്കു​ക​യു​ണ്ടാ​യി.

ടൊ​റൊ​ന്റോ​യി​ലെ ഗ്ലോബ്‌ ആൻഡ്‌ മെയി​ലി​ന്റെ തലക്കെ​ട്ടു​കൾ ഇപ്രകാ​രം റിപ്പോർട്ടു ചെയ്യു​ക​യു​ണ്ടാ​യി: “രക്ത ഭീതി​യെ​പ്പറ്റി അതിന്റെ ഇരകൾ സംസാ​രി​ക്കവേ കോപ​വും കണ്ണീരും”; “രക്ത അന്വേഷണ വിഭാഗം ഭീതി​ദ​മായ സാക്ഷ്യം കേൾക്കു​ന്നു”; “മെഡിക്കൽ ഡോക്ടർമാ​രു​ടെ അവഗണന സസൂക്ഷ്‌മം വിവരി​ക്ക​പ്പെ​ടു​ന്നു”; “എയ്‌ഡ്‌സി​നുള്ള സാധ്യത നിസ്സാ​ര​മാ​ണെന്ന്‌ അധികാ​രി​കൾ വിധി​ച്ചെന്ന്‌ രക്ഷ പരി​ശോ​ധനാ വിഭാഗം പറഞ്ഞു.”

അപകട​സാ​ധ്യ​ത​ക​ളെ​ക്കു​റി​ച്ചു തങ്ങൾക്കു മുന്നറി​യി​പ്പു നൽകി​യി​ല്ലെന്ന്‌ രക്തം വഴി എച്ച്‌ഐവി പിടി​പെ​ട്ടവർ പറഞ്ഞു. പല കേസു​ക​ളി​ലും തങ്ങളെ എയ്‌ഡ്‌സ്‌ വൈറസ്‌ ബാധി​ച്ചി​ട്ടു​ണ്ടെന്നു മനസ്സി​ലാ​ക്കു​ന്ന​തു​വരെ രക്തപ്പകർച്ചകൾ നടത്തി​യ​കാ​ര്യം അവർ അറിഞ്ഞി​രു​ന്നില്ല.

മൂന്നു വയസ്സു​ള്ള​പ്പോൾ നടത്തിയ ഹൃദയം തുറന്നുള്ള ശസ്‌ത്ര​ക്രി​യ​യു​ടെ സമയത്തെ ഒരു രക്തപ്പകർച്ച​യിൽനി​ന്നാണ്‌ എയ്‌ഡ്‌സു രോഗി​യായ ഒരു കൗമാ​ര​പ്രാ​യ​ക്കാ​രനെ എച്ച്‌ഐവി ബാധി​ച്ചത്‌. ചെറിയ തോതിൽ ഹീമോ​ഫീ​ലിയ ഉണ്ടായി​രുന്ന ഒരു എച്ച്‌ഐവി ബാധി​ത​നായ മനുഷ്യൻ 1984-നു മുമ്പാണ്‌ രക്തോ​ത്‌പ​ന്നങ്ങൾ ഉപയോ​ഗി​ച്ചത്‌. അന്ന്‌ അദ്ദേഹം ഹോക്കി കളിക്കാ​ര​നാ​യി​രു​ന്നു. അപകട​സാ​ധ്യ​തകൾ അറിയാ​മാ​യി​രു​ന്നെ​ങ്കിൽ അദ്ദേഹം തന്റെ ജീവി​ത​രീ​തി​ക്കു മാറ്റം​വ​രു​ത്തു​മാ​യി​രു​ന്നു. 1985-ൽ ഒരു മാതാ​വിന്‌ എച്ച്‌ഐവി ബാധിത രക്തം നൽക​പ്പെട്ടു. ഇപ്പോൾ അവളും ഭർത്താ​വും അവരുടെ നാലു വയസ്സുള്ള മകളും രോഗ​ബാ​ധി​ത​രാണ്‌.

വെറും ഒന്നോ രണ്ടോ യൂണിറ്റ്‌ രക്തത്തിൽനി​ന്നും രോഗ​ബാ​ധ​യു​ണ്ടായ ആളുക​ളു​ടെ ഹൃദയ​ഭേ​ദ്യ​മായ വിവര​ണ​ങ്ങ​ളുണ്ട്‌. “കവിളി​ലെ നിറം അൽപ്പം കൂട്ടാൻ വേണ്ടി മാത്രം” എന്ന്‌ തന്റെ ഭർത്താ​വിന്‌ എച്ച്‌ഐവി രോഗ​ബാ​ധ​യു​ണ്ടാ​ക്കിയ രക്തപ്പകർച്ച​യെ​ക്കു​റിച്ച്‌ ഒരു സ്‌ത്രീ അമർഷ​ത്തോ​ടെ പറഞ്ഞു. ഇപ്പോൾ അവൾക്കു​മുണ്ട്‌ വൈറസ്‌.

കൂടുതൽ സാക്ഷികൾ സാക്ഷ്യ​പ്പെ​ടു​ത്തി​യ​ത​നു​സ​രിച്ച്‌, ശ്രദ്ധ വലിയ അളവി​ലുള്ള മറ്റൊരു ദുരന്ത​ത്തി​ലേക്കു തിരി​ഞ്ഞി​രി​ക്കു​ക​യാണ്‌—രക്തത്തിൽനി​ന്നുള്ള ഹെപ്പ​റ്റൈ​റ്റിസ്‌. ഗ്ലോബ്‌ ആൻഡ്‌ മെയിൽ പറയു​ന്ന​ത​നു​സ​രിച്ച്‌ “ഹെപ്പ​റ്റൈ​റ്റിസ്‌ സി മൂലം ഒരു വർഷം 1,000 കാനഡ​ക്കാർ മരിക്കു​ന്ന​താ​യി” കണക്കാ​ക്ക​പ്പെ​ടു​ന്നു. “അവരിൽ പകുതി​യോ​ളം പേർക്ക്‌ രോഗം പകർന്നതു രക്തപ്പകർച്ചകൾ വഴിയാ​യി​രി​ക്കാം” എന്ന്‌ ആ പത്രം കൂട്ടി​ച്ചേർക്കു​ന്നു.

1961-ൽ മുതു​കു​ശ​സ്‌ത്ര​ക്രിയ നടത്തി​യ​പ്പോൾ ഒരു രക്തപ്പകർച്ച​യിൽനി​ന്നു തനിക്ക്‌ ഹെപ്പ​റ്റൈ​റ്റിസ്‌ സി പിടി​പെട്ട വിധം ഒരു മനുഷ്യൻ പറഞ്ഞു. ശസ്‌ത്ര​ക്രി​യ​യ്‌ക്കു​ശേഷം അദ്ദേഹം ഒരു സ്ഥിര രക്തദാ​താ​വാ​യി. കരൾവീ​ക്കം (cirrhosis) തന്നെ ബാധി​ച്ചി​രി​ക്കു​ന്ന​താ​യി 1993-ൽ അദ്ദേഹം കണ്ടുപി​ടി​ച്ചു. “എനിക്ക്‌ ഈ രോഗ​മു​ണ്ടെന്ന്‌ അറിയാൻപാ​ടി​ല്ലാ​തി​രുന്ന വർഷങ്ങ​ളി​ലെ​ല്ലാം ഞാൻ ദാനം​ചെയ്‌ത രക്തം സ്വീക​രി​ച്ച​വരെ സംബന്ധി​ച്ചെന്ത്‌?” അയാൾ അന്വേഷണ വിഭാ​ഗ​ത്തോ​ടു ചോദി​ച്ചു.

മലിന​ര​ക്ത​ത്തിൽനി​ന്നു​ണ്ടാ​കുന്ന എച്ച്‌ഐ​വി​യാ​ലും മറ്റു ദുരന്ത​ങ്ങ​ളാ​ലും ജീവി​തങ്ങൾ തകർക്ക​പ്പെട്ട നൂറി​ല​ധി​കം കാനഡ​ക്കാർക്ക്‌ ജഡ്‌ജി ക്രീവർ ശ്രദ്ധാ​പൂർവം ചെവി​കൊ​ടു​ത്തു. രോഗ​സം​ക്ര​മ​ണ​ത്തിൽനി​ന്നും മറ്റ്‌ അപകട​ങ്ങ​ളിൽനി​ന്നും പൂർണ​മാ​യും സുരക്ഷി​ത​മാ​യി രക്തവി​ത​രണം നടത്തുക അസാധ്യ​മാ​ണെന്ന്‌ വൈദ്യ​ശാ​സ്‌ത്ര വിദഗ്‌ധർ സാക്ഷ്യ​പ്പെ​ടു​ത്തി​യി​രി​ക്കു​ന്നു. രക്തവു​മാ​യി ബന്ധപ്പെട്ട ഗുരു​ത​ര​മായ അപകട​സാ​ധ്യ​ത​ക​ളും അതിന്റെ ദുരു​പ​യോ​ഗ​വും അവർ സമ്മതി​ച്ചു​പ​റ​ഞ്ഞി​രി​ക്കു​ന്നു. “രക്തപ്പകർച്ച നടത്തേ​ണ്ടി​വ​രു​ന്നെ​ങ്കിൽ അതിന്റെ അർഥം നിങ്ങൾ ഒന്നുകിൽ രോഗ​നിർണ​യ​ത്തിൽ അല്ലെങ്കിൽ ചികി​ത്സ​യിൽ പരാജ​യ​പ്പെ​ട്ടി​രി​ക്കു​ന്നു​വെ​ന്നാണ്‌” എന്ന്‌ പ്രസം​ഗ​ങ്ങ​ളിൽ പറഞ്ഞു​കൊണ്ട്‌ താൻ പ്രശ്‌ന​ത്തി​ലേക്കു ശ്രദ്ധതി​രി​ക്കു​ന്നു​വെന്ന്‌ ഒരു പ്രവി​ശ്യാ രക്തപ്പകർച്ചാ സേവന വിഭാ​ഗ​ത്തി​ലെ മെഡിക്കൽ ഡയറക്ട​റായ ഡോ. ജെ. ബ്രയൻ മക്‌ഷെ​ഫ്രി സാക്ഷ്യ​പ്പെ​ടു​ത്തി.

വർഷം​തോ​റും 25 കോടി ഡോളർ ചെലവു​വ​രുന്ന, കാനഡ​യി​ലെ രക്തവി​തരണ വ്യവസ്ഥ​യി​ലെ “മുഖ്യ ഓഹരി​ക്കാർ” എന്ന്‌ ഗവൺമെൻറ്‌ കമ്മിറ്റി വിളി​ച്ച​വ​രു​ടെ ഇടയിലെ രാഷ്ട്രീ​യ​ത്തി​നും മത്സരത്തി​നും നേരെ കുറ്റാ​രോ​പ​ണ​ങ്ങ​ളു​ണ്ടാ​യി​രു​ന്നി​ട്ടുണ്ട്‌. റെഡ്‌​ക്രോ​സ്സും ഗവൺമെൻറ്‌ ഏജൻസി​ക​ളും ശക്തമായ വിമർശ​ന​ത്തി​നു വിധേ​യ​രാ​യി​രി​ക്കു​ന്നു. സങ്കീർണ​മായ ദേശീയ രക്തവി​തരണ വ്യവസ്ഥ​യു​ടെ ഉത്തരവാ​ദി​ത്വം വഹിക്കാൻ ആരുമി​ല്ലാ​ത്ത​താ​യി തോന്നു​ന്നു.

സന്തോ​ഷ​ക​ര​മായ വൈപ​രീ​ത്യം

നിരാ​ശ​പ്പെ​ടു​ത്തുന്ന തെളി​വി​നു വിപരീ​ത​മാ​യി ഏറെ സന്തോ​ഷ​ക​ര​മായ ഒരു വിവരണം 1994 മേയ്‌ 25-ന്‌ സസ്‌കാ​ച്ചെ​വ​നി​ലെ റെജി​ന​യി​ലുള്ള ജഡ്‌ജി ക്രീവ​റിന്‌ സമർപ്പി​ക്ക​പ്പെട്ടു. ഗുരു​ത​ര​മാ​യി ഹീമോ​ഫീ​ലിയ ബാധിച്ച 75 വയസ്സുള്ള വില്ല്യം ജെ. ഹോൾ രക്തോ​ത്‌പ​ന്ന​ങ്ങൾക്കു പകരമുള്ള ഇതര മാർഗ​ങ്ങ​ളു​പ​യോ​ഗിച്ച്‌ അവസ്ഥ വിജയ​ക​ര​മാ​യി കൈകാ​ര്യം ചെയ്യു​ന്ന​തെ​ങ്ങ​നെ​യെന്നു പറഞ്ഞു. അദ്ദേഹ​ത്തിന്‌ എയ്‌ഡ്‌സു​മില്ല. യഹോ​വ​യു​ടെ സാക്ഷി​ക​ളിൽ ഒരാളായ ശ്രീ. ഹോൾ തന്റെ മതപര​മായ മനഃസാ​ക്ഷി നിമിത്തം രക്തവും രക്ഷ ഘടകങ്ങ​ളും ഒഴിവാ​ക്കി​യി​രു​ന്നു.—22-ാം പേജിലെ ബോക്‌സ്‌ കാണുക.

കൂടുതൽ വിവരങ്ങൾ ഇനിയും ലഭിക്കാ​നുണ്ട്‌. ഗവൺമെൻറ്‌ അന്വേ​ഷ​ണ​ത്തി​നുള്ള സമയം 1995 അവസാ​നം​വരെ നീട്ടി​യി​രി​ക്കു​ക​യാണ്‌. മുതിർന്ന​വ​രും കുട്ടി​ക​ളു​മായ യഹോ​വ​യു​ടെ സാക്ഷി​ക​ളു​ടെ ആയിര​ക്ക​ണ​ക്കി​നു കേസു​ക​ളിൽ ഉപയോ​ഗി​ച്ചു​വ​രുന്ന ഫലപ്ര​ദ​മായ രക്തരഹിത ചികി​ത്സ​യെ​ക്കു​റിച്ച്‌ പരി​ശോ​ധി​ക്കാൻ കമ്മീഷന്‌ സമയം ലഭിക്കും. ഈ ഇതരമാർഗങ്ങൾ മറ്റു രോഗി​കൾക്കും ബാധക​മാണ്‌.

അത്തരം ഇതര മാർഗങ്ങൾ ഉപയോ​ഗി​ക്കുന്ന ഡോക്ടർമാർക്ക്‌ കമ്മീഷ​നു​മാ​യി പങ്കു​വെ​ക്കാൻ വിദഗ്‌ധ​മായ തെളി​വു​ക​ളുണ്ട്‌. മക്‌ജിൽ യൂണി​വേ​ഴ്‌സി​റ്റി​യി​ലെ ഡോ. മാർക്ക്‌ ബോയ്‌ഡ്‌ 1993-ൽ ദ മെഡിക്കൽ പോസ്റ്റി​നോട്‌ ഇപ്രകാ​രം പറഞ്ഞു: “യഥാർഥ​ത്തിൽ നാം യഹോ​വ​യു​ടെ സാക്ഷി​ക​ളോ​ടു നന്ദിയു​ള്ള​വ​രാ​യി​രി​ക്കേ​ണ്ട​താണ്‌, എന്തു​കൊ​ണ്ടെ​ന്നാൽ രക്തപ്പകർച്ചകൾ കൂടാതെ എത്ര നന്നായി വിജയി​ക്കാൻ കഴിയു​മെന്ന്‌ അവർ ഞങ്ങൾക്കു കാണി​ച്ചു​ത​ന്നി​രി​ക്കു​ന്നു.” ഐക്യ​നാ​ടു​ക​ളു​ടെ ഒരു അധ്യക്ഷ കമ്മീഷൻ 1988-ൽ ഇപ്രകാ​രം അഭി​പ്രാ​യ​പ്പെട്ടു: “രക്തവി​ത​ര​ണ​ത്തി​ന്റെ കാര്യ​ത്തിൽ ഏറ്റവും സുനി​ശ്ചി​ത​മായ പ്രതി​രോധ നടപടി രോഗി മറ്റുള്ള​വ​രു​ടെ രക്തവു​മാ​യി സമ്പർക്ക​ത്തിൽ വരുന്നത്‌ സാധ്യ​മാ​കു​മ്പോ​ഴൊ​ക്കെ ഒഴിവാ​ക്കുക എന്നതാണ്‌.” “രക്തം . . . വർജ്ജി​ച്ചി​രി​പ്പാ”നുള്ള ദൈവ​നി​യമം അനുസ​രി​ക്കു​ന്നതു വഴി യഹോ​വ​യു​ടെ സാക്ഷികൾ മലിന​ര​ക്ത​ത്തി​നും രക്തപ്പകർച്ച​ക​ളു​ടെ മറ്റ്‌ അപകട​ങ്ങൾക്കു​മെ​തി​രെ​യുള്ള “ഏറ്റവും സുനി​ശ്ചി​ത​മായ പ്രതി​രോധ നടപടി”യാൽ അനുഗൃ​ഹീ​ത​രാ​യി​രി​ക്കു​ന്നു.—പ്രവൃ​ത്തി​കൾ 15:20, 29.

അറിവു പകരേ​ണ്ട​തി​ന്റെ ആവശ്യം

ദുഃഖ​ക​ര​മെന്നു പറയട്ടെ, മലിന​ര​ക്ത​പ്പ​കർച്ച​യു​ടെ മിക്ക ഇരകൾക്കും തങ്ങളുടെ ദുരന്ത​ങ്ങളെ തടയു​മാ​യി​രുന്ന ഇതര മാർഗ​ങ്ങ​ളെ​ക്കു​റിച്ച്‌ ആരും അറിവു​കൊ​ടു​ത്തില്ല. വിവര​മ​റി​ഞ്ഞുള്ള സമ്മത​പ്ര​കാ​രം, രക്തത്തിന്റെ അപകട​സാ​ധ്യ​തകൾ ഏറ്റുവാ​ങ്ങാ​നോ കൂടുതൽ സുരക്ഷി​ത​മായ ഇതരമാർഗങ്ങൾ ഉപയോ​ഗി​ക്കാ​നോ ഉള്ള അവസരം രോഗി​കൾക്കു ലഭിച്ചില്ല.

കമ്മീഷന്റെ മുമ്പിൽ നിരത്ത​പ്പെട്ട തെളി​വു​കൾ രക്തപ്പകർച്ചകൾ കൂടാ​തെ​യുള്ള ഇതരമാർഗ​ങ്ങ​ളെ​ക്കു​റിച്ച്‌ ഡോക്ടർമാർക്കും പൊതു​ജ​ന​ത്തി​നും അറിവു പകരേ​ണ്ട​തി​ന്റെ ആവശ്യം വെളി​പ്പെ​ടു​ത്തു​ന്നു. ഉയർന്ന തലത്തി​ലുള്ള അത്തരം ഗവൺമെൻറ്‌ അന്വേ​ഷ​ണ​ത്തിന്‌ കാനഡ​യിൽ വലിയ ഫലം ഉണ്ടായി​രി​ക്കാൻ കഴിയും. രക്തപ്പകർച്ചാ നടപടി​കൾ സംബന്ധിച്ച്‌ കാനഡ​യി​ലെ വൈദ്യ​ശാ​സ്‌ത്ര​ത്തി​ലെ മനോ​ഭാ​വ​ങ്ങ​ളി​ലും വിദ്യാ​ഭ്യാ​സ​രീ​തി​യി​ലും വരുത്തേണ്ട മാറ്റങ്ങൾക്കു വഴി​യൊ​രു​ക്കാൻ ജഡ്‌ജി ക്രീവ​റി​ന്റെ ശുപാർശ​കൾക്കു കഴി​ഞ്ഞേ​ക്കാം. രക്തപ്പകർച്ച​ക​ളു​മാ​യി ബന്ധപ്പെട്ട അപകടങ്ങൾ ഒഴിവാ​ക്കാ​നാ​ഗ്ര​ഹി​ക്കുന്ന എല്ലാവർക്കും അന്വേഷണ കമ്മീഷന്റെ കണ്ടുപി​ടി​ത്തങ്ങൾ താത്‌പ​ര്യ​ജ​ന​ക​മാ​യി​രി​ക്കും.

[22-ാം പേജിലെ ചതുരം]

രക്തമില്ലാതെ ഹീമോ​ഫീ​ലിയ നിയ​ന്ത്ര​ണ​വി​ധേ​യ​മാ​ക്കു​ന്നു

നിപാവിൻ, സസ്‌കാ​ച്ചെ​വ​നി​ലെ വില്ല്യം ജെ. ഹോൾ രക്തോ​ത്‌പ​ന്നങ്ങൾ കൂടാതെ തന്റെ ഗുരു​ത​ര​മായ ഹീമോ​ഫീ​ലി​യയെ നിയ​ന്ത്ര​ണ​വി​ധേ​യ​മാ​ക്കു​ന്ന​തെ​ങ്ങ​നെ​യെ​ന്നും എന്തു​കൊ​ണ്ടെ​ന്നും കമ്മീഷ​നോ​ടു പറഞ്ഞു. അദ്ദേഹ​ത്തി​ന്റെ സാക്ഷ്യ​പ​ത്ര​ത്തി​ന്റെ കോട​തി​പ​കർപ്പിൽനി​ന്നുള്ള ഉദ്ധരണി​കൾ ഇതാ:

◻ “ഒരിക്കൽ എന്റെ കാൽവി​രൽമു​തൽ ഇടുപ്പു​വരെ നീരു വന്നപ്പോൾ എനിക്ക്‌ ഹീമോ​ഫീ​ലിയ ആണെന്ന്‌ എന്റെ മാതാ​പി​താ​ക്കൾക്കു മനസ്സി​ലാ​യി. അത്‌ ഹീമോ​ഫീ​ലിയ ആണെന്ന്‌ ഡോക്ടർമാ​രും രോഗ​നിർണയം നടത്തി. . . . അന്ന്‌ എനിക്ക്‌ ഏതാണ്ട്‌ ഒരു വയസ്സു പ്രായ​മാ​യി​രു​ന്നു എന്ന്‌ ഞാൻ ഊഹി​ക്കു​ന്നു.”

◻ “രക്തമോ ഏതെങ്കി​ലും തരത്തി​ലുള്ള രക്തോ​ത്‌പ​ന്ന​മോ ഞാൻ ഒരിക്ക​ലും സ്വീക​രി​ച്ചി​ട്ടില്ല. . . . രക്തം സ്വീക​രി​ക്കു​ന്നത്‌ എന്റെ മതപര​മായ വിശ്വാ​സ​ങ്ങൾക്ക്‌ എതിരാണ്‌, എന്തു​കൊ​ണ്ടെ​ന്നാൽ ഞാൻ അതിനെ പവി​ത്ര​മാ​യി കരുതു​ന്നു.”

◻ ഹീമോ​ഫീ​ലിയ ഉണ്ടായി​രുന്ന അദ്ദേഹ​ത്തി​ന്റെ സഹോ​ദ​ര​നെ​പ്പറ്റി: “എന്റെ അതേ വിശ്വാ​സം [മതം] അല്ല അദ്ദേഹ​ത്തി​നു​ണ്ടാ​യി​രു​ന്നത്‌. അതു​കൊണ്ട്‌ അദ്ദേഹം രക്തപ്പകർച്ച സ്വീക​രി​ക്കു​ക​യും ഹെപ്പ​റ്റൈ​റ്റിസ്‌ മൂലം മരണമ​ട​യു​ക​യും ചെയ്‌തു.”

◻ 1962-ൽ ഉണ്ടായ പക്വാശയ അൾസറി​നെ സംബന്ധിച്ച്‌: “രക്തം സ്വീക​രി​ക്കാത്ത പക്ഷം ഞാൻ മരിക്കു​മെന്ന്‌ ഡോക്ടർ പറഞ്ഞു. . . . ആശുപ​ത്രി​യിൽ എന്നെ [രക്തം കൂടാതെ] നന്നായി ചികി​ത്സി​ച്ചു.” രക്തവാർച്ച നിയ​ന്ത്ര​ണ​വി​ധേ​യ​മാ​ക്ക​പ്പെട്ടു.

◻ പൊട്ടിയ ഇടുപ്പ്‌ തുന്നി​ച്ചേർക്കു​ന്ന​തി​നാ​യി 1971-ൽ നടത്തിയ ശസ്‌ത്ര​ക്രി​യയെ സംബന്ധിച്ച്‌: “അത്‌ രക്തം കൂടാതെ നടത്തിയ ഒരു ശ്രദ്ധാ​പൂർവ​ക​മായ ശസ്‌ത്ര​ക്രി​യ​യാ​യി​രു​ന്നു. . . . ശസ്‌ത്ര​ക്രിയ വിജയ​പ്ര​ദ​മാ​യി​രു​ന്നു.” അദ്ദേഹ​ത്തി​ന്റെ രക്തത്തിൽ ഘടകം VIII (കട്ടയാക്കുന്ന ഘടകം) ഇല്ലെന്ന്‌ ആ സമയത്തു നടത്തിയ തുടർച്ച​യായ രക്ഷ പരി​ശോ​ധ​നകൾ വെളി​പ്പെ​ടു​ത്തി​യി​രു​ന്നു.

◻ അദ്ദേഹം നിയ​ന്ത്ര​ണ​വി​ധേ​യ​മാ​ക്കുന്ന വിധം: “ജീവി​ത​രീ​തി . . . ശ്രദ്ധാ​പൂർവം ജീവി​ച്ചു​കൊണ്ട്‌.” ആഹാര​ക്രമം, വിശ്രമം, വ്യായാ​മം, പിന്നെ നീര്‌, ചതവ്‌, രക്തവാർച്ച എന്നിവ​യു​ടെ ശ്രദ്ധാ​പൂർവ​ക​മായ ചികി​ത്സ​യും അദ്ദേഹം ഉൾപ്പെ​ടു​ത്തു​ന്നു.

◻ “വിശ്ര​മി​ക്കു​ന്ന​തും ദൈവം നമുക്കു പ്രദാനം ചെയ്‌തി​രി​ക്കുന്ന നല്ല കാര്യ​ങ്ങ​ളെ​ക്കു​റി​ച്ചു ധ്യാനി​ക്കു​ന്ന​തും നമ്മുടെ ഉത്‌ക​ണ്‌ഠകൾ മറക്കു​ന്ന​തും പ്രയോ​ജനം ചെയ്യു​മെന്നു ഞാൻ വിശ്വ​സി​ക്കു​ന്നു. ഇത്‌ വളരെ സഹായ​ക​മാ​യി​രി​ക്കു​ന്ന​താ​യി തോന്നു​ന്നു.”

76 വയസ്സുള്ള വില്ല്യം ഹോൾ യഹോ​വ​യു​ടെ സാക്ഷി​ക​ളിൽ ഒരാളാണ്‌.

[20-ാം പേജിലെ ചിത്രം]

കമ്മീഷന്റെ തലവനായ ഹൊറസ്‌ ക്രീവർ ജഡ്‌ജി

[കടപ്പാട്‌]

CANPRESS PHOTO SERVICE (RYAN REMIROZ)

[21-ാം പേജിലെ ചിത്രം]

370 കിലോ​മീ​റ്റർ വണ്ടി​യോ​ടി​ച്ചാണ്‌ വില്ല്യം ഹോളും മാർഗ​രറ്റ്‌ ഹോളും അന്വേഷണ കമ്മീഷന്റെ മുന്നിൽ എത്തി​ച്ചേർന്നത്‌