കള്ളനോ​ട്ട​ടി​ക്കൽ ഒരു ലോക​വ്യാ​പക പ്രശ്‌നം

പ്രസ്‌തുത കുറ്റത്തി​നു 18-ാം നൂറ്റാ​ണ്ടി​ന്റെ അവസാന നാളു​കൾവരെ ഫ്രാൻസിൽ ആളുകളെ ജീവ​നോ​ടെ പുഴു​ങ്ങി​യി​രു​ന്നു. 1697 മുതൽ 1832 വരെ ഇംഗ്ലണ്ടിൽ അതു വധശി​ക്ഷാർഹ​മായ ഒരു കുറ്റകൃ​ത്യ​മാ​യി​രു​ന്നു, ആ പ്രവൃത്തി രാജ്യ​ദ്രോ​ഹ​മാ​യി കണക്കാ​ക്ക​പ്പെ​ട്ടി​രു​ന്നു. അതി​നെ​പ്രതി, 300-ലധികം ഇംഗ്ലീ​ഷു​കാർ തൂക്കി​ലേ​റ്റ​പ്പെട്ടു. അതേസ​മയം എണ്ണമറ്റ ആളുകൾ ശിക്ഷ​യെ​ന്ന​നി​ല​യിൽ കഠിന വേലയ്‌ക്കാ​യി ഓസ്‌ടേ​ലി​യ​യി​ലെ ശിക്ഷാ​കോ​ള​നി​യി​ലേക്കു നാടു​ക​ട​ത്ത​പ്പെട്ടു.

നൂറ്റി​മു​പ്പ​തി​ല​ധി​കം വർഷക്കാ​ലം, യു.എസ്‌. ഗവൺമെൻറ്‌ പ്രസ്‌തുത സംഗതി​ക്കു കുറ്റക്കാ​രാ​യ​വരെ 15 വർഷം​വരെ ഫെഡറൽ ജയിലു​ക​ളി​ലാ​ക്കി​യി​രു​ന്നു. കൂടാതെ പിഴയാ​യി ആയിര​ക്ക​ണ​ക്കി​നു ഡോള​റു​കൾ ശിക്ഷ​യോ​ടു കൂട്ട​പ്പെട്ടു. റഷ്യയി​ലും ചൈന​യി​ലും അത്‌ ഇപ്പോൾപോ​ലും വധശി​ക്ഷാർഹ​മാണ്‌.

അനേക രാഷ്ട്രങ്ങൾ അതിനു കഠിന​മായ ശിക്ഷകൾ ഏർപ്പെ​ടു​ത്തി​യി​ട്ടും ആ കുറ്റകൃ​ത്യം തുടരു​ന്നു. ആവശ്യ​മായ സാങ്കേ​തിക വൈദ​ഗ്‌ധ്യ​മു​ള്ള​വ​രു​ടെ പെട്ടെന്നു ധനിക​രാ​കാ​നുള്ള പദ്ധതി​കളെ തടുക്കു​ന്ന​തി​നു മരണഭീ​തി​ക്കു​പോ​ലും സാധി​ക്കു​ന്നില്ല. ഗവൺമെൻറ്‌ ഉദ്യോ​ഗ​സ്ഥൻമാർക്ക്‌ ഇതൊരു കുഴഞ്ഞ​പ്ര​ശ്‌ന​മാണ്‌. അവർ ഇപ്രകാ​രം പറയുന്നു: “നൂറ്റാ​ണ്ടു​ക​ളോ​ളം സംഭവി​ച്ച​തു​പോ​ലെ​തന്നെ, ഒരു നല്ല നിരോ​ധ​ന​മാർഗം കണ്ടെത്തുക പ്രയാ​സ​മാ​യി​രി​ക്കും.”

കള്ളനോ​ട്ട​ടി! ചരി​ത്ര​ത്തി​ലെ ഏറ്റവും പുരാ​ത​ന​മായ കുറ്റകൃ​ത്യ​ങ്ങ​ളിൽ ഒന്ന്‌. ഈ 20-ാം നൂറ്റാ​ണ്ടി​ന്റെ അന്തിമ​ഭാ​ഗത്ത്‌ അതൊരു ലോക​വ്യാ​പക പ്രശ്‌ന​മാ​യി തീർന്നി​രി​ക്കു​ന്നു, അതു സർവവ്യാ​പ​ക​മാ​യി​ത്തീ​രു​ന്ന​തിൽ തുടരു​ക​യും ചെയ്യുന്നു. യു.എസ്‌. സുപ്രീം​കോ​ട​തി​യി​ലെ സഹജഡ്‌ജി​യായ റോബർട്ട്‌ എച്ച്‌. ജാക്‌സൺ അതി​നെ​ക്കു​റിച്ച്‌ ഇങ്ങനെ പറഞ്ഞു: “അവിചാ​രി​ത​മാ​യോ അജ്ഞതയാ​ലോ വികാ​ര​ത്ത​ള്ള​ലി​നാ​ലോ കഠിന​മായ ദാരി​ദ്ര്യ​ത്താ​ലോ ഒരിക്ക​ലും ചെയ്യ​പ്പെ​ടുന്ന ഒരു കുറ്റകൃ​ത്യ​മല്ല കള്ളനോ​ട്ടടി. സാങ്കേ​തിക വൈദ​ഗ്‌ധ്യ​വും ഉപകര​ണ​ങ്ങൾക്കാ​യി കാര്യ​മാ​യി പണമി​റ​ക്കാൻ കഴിവു​മുള്ള ഒരുവൻ സമർഥ​മാ​യി രൂപകൽപ്പന ചെയ്യുന്ന കുറ്റകൃ​ത്യ​മാ​ണിത്‌.”

ദൃഷ്ടാ​ന്ത​ത്തിന്‌, മുമ്പെ​ന്ന​ത്തെ​ക്കാ​ളും വർധിച്ച അളവിൽ അമേരി​ക്കൻ കറൻസി ലോക​വ്യാ​പ​ക​മാ​യി നിയമ​വി​രു​ദ്ധ​മാ​യി പുനർനിർമി​ക്ക​പ്പെ​ടു​ന്നു. “യു.എസ്‌. കറൻസി ലോകത്ത്‌ ഏറ്റവും പ്രിയ​മുള്ള കറൻസി മാത്രമല്ല, ഏറ്റവും എളുപ്പ​ത്തിൽ വ്യാജ​മാ​യി നിർമി​ക്ക​പ്പെ​ടു​ന്ന​തു​മാണ്‌” എന്നു ഖജനാവു വിഭാ​ഗ​ത്തി​ന്റെ ഒരു വക്താവു പറഞ്ഞു. കടലാസു നോട്ടു​ക​ളിൽ ഭൂരി​ഭാ​ഗ​വും ഐക്യ​നാ​ടു​കൾക്കു വെളി​യിൽ നിർമി​ക്ക​പ്പെ​ടു​ന്നു എന്നതാണ്‌ അമേരി​ക്കൻ ഗവൺമെൻറി​നെ അന്ധാളി​പ്പി​ക്കു​ന്നത്‌.

ഇതു പരിഗ​ണി​ക്കുക: 1992-ൽ 3 കോടി ഡോള​റി​ന്റെ മൂല്യ​മുള്ള വ്യാജ ഡോള​റു​കൾ വിദേ​ശ​ത്തു​വെച്ചു പിടി​ക്ക​പ്പെ​ട്ടെന്നു ടൈം മാഗസിൻ റിപ്പോർട്ടു ചെയ്‌തു. “കഴിഞ്ഞ വർഷം ആകെത്തുക 12 കോടി ഡോള​റാ​യി​രു​ന്നു. 1994-ൽ ആ റെക്കോർഡു തകരു​മെന്നു പ്രതീ​ക്ഷി​ക്ക​പ്പെ​ടു​ന്നു. ആ തുകയു​ടെ അനേകം മടങ്ങു കണ്ടുപി​ടി​ക്ക​പ്പെ​ടാ​തെ വിതരണം ചെയ്യുന്നു” എന്നു ആ മാഗസിൻ റിപ്പോർട്ടു ചെയ്‌തു. ഈ സംഖ്യകൾ കഥയുടെ ഒരു ഭാഗം മാത്രമേ പറയു​ന്നു​ള്ളു. ഐക്യ​നാ​ടു​കൾക്കു വെളി​യിൽ വിതരണം ചെയ്യ​പ്പെ​ടുന്ന വ്യാജ കടലാ​സു​പ​ണ​ത്തി​ന്റെ യഥാർഥ തുക 1,000 കോടി ഡോളർ വരെ ആയിരി​ക്കാ​മെന്നു കള്ളനോ​ട്ടടി പ്രശ്‌ന​ത്തിൽ വിദഗ്‌ധ​രാ​യവർ വിശ്വ​സി​ക്കു​ന്നു.

അനേകം രാജ്യ​ങ്ങൾക്ക്‌ അമേരി​ക്കൻ കറൻസി ആവശ്യ​മാ​യി​രി​ക്കു​ന്ന​തി​നാ​ലും, സ്വന്തം കറൻസി​യെ​ക്കാൾ അത്‌ ഇഷ്ടപ്പെ​ടു​ന്ന​തി​നാ​ലും വ്യാജ​മാ​യി നിർമി​ക്കാൻ പാകത്തിൽ സങ്കീർണ​മ​ല്ലാ​ത്ത​തി​നാ​ലും ഏറെ രാജ്യ​ങ്ങ​ളും അധോ​ലോക ഘടകങ്ങ​ളും അമേരി​ക്കൻ കറൻസി വ്യാജ​മാ​യി നിർമി​ക്കു​ന്നു. തങ്ങളുടെ നിയമ​വി​രുദ്ധ വരുമാ​നം വർധി​പ്പി​ക്കു​ന്ന​തി​നു തെക്കേ അമേരി​ക്ക​യി​ലെ കൊള​മ്പി​യൻ മയക്കു​മ​രു​ന്നു വ്യാപാര സ്ഥാപനങ്ങൾ വർഷങ്ങ​ളാ​യി അമേരി​ക്കൻ കറൻസി വ്യാജ​മാ​യി നിർമി​ച്ചു​കൊ​ണ്ടി​രി​ക്കു​ക​യാണ്‌. ആഗോള കള്ളനോ​ട്ടടി ബിസി​ന​സിൽ ചില മധ്യപൂർവ രാജ്യങ്ങൾ ഇപ്പോൾ പ്രമുഖ പങ്കാളി​ക​ളാ​യി​ത്തീ​രു​ന്ന​താ​യി യു.എസ്‌. ന്യൂസ്‌ & വേൾഡ്‌ റിപ്പോർട്ട്‌ പറയുന്നു. “ആ രാജ്യ​ങ്ങ​ളിൽ ഒന്ന്‌, യു.എസ്‌. ഖജനാവു വിഭാഗം ഉപയോ​ഗി​ക്കുന്ന അതേ രൂപത്തി​ലുള്ള സങ്കീർണ അച്ചടി സംവി​ധാ​നങ്ങൾ ഉപയോ​ഗി​ക്കു​ന്ന​താ​യി പറയ​പ്പെ​ടു​ന്നു”വെന്ന്‌ ആ മാസിക റിപ്പോർട്ടു ചെയ്‌തു. “തത്‌ഫ​ല​മാ​യി, മിക്കവാ​റും കണ്ടുപി​ടി​ക്കാൻ കഴിയാത്ത, ‘സൂപ്പർ ബിൽസ്‌’ എന്നറി​യ​പ്പെ​ടുന്ന 100 ഡോള​റി​ന്റെ കള്ളനോ​ട്ടു​കൾ നിർമി​ക്കു​വാൻ ആ രാജ്യ​ത്തി​നു കഴിയും.”

റഷ്യയി​ലെ​യും ചൈന​യി​ലെ​യും മറ്റ്‌ ഏഷ്യൻ രാജ്യ​ങ്ങ​ളി​ലെ​യും ആളുക​ളും കള്ളനോ​ട്ടി​ന്റെ, കൂടു​ത​ലാ​യും യു.എസ്‌. കറൻസി​യു​ടെ, നിർമാ​ണ​ത്തിൽ ഉൾപ്പെ​ട്ടു​കൊ​ണ്ടി​രി​ക്കു​ന്നു. മോസ്‌ക്കോ​യിൽ ഇപ്പോൾ വിതരണം ചെയ്യ​പ്പെ​ടുന്ന യു.എസ്‌. കറൻസി​യു​ടെ 50 ശതമാ​ന​വും കള്ളനോ​ട്ടാ​ണെന്നു സംശയി​ക്ക​പ്പെ​ടു​ന്നു.

ഗൾഫ്‌ യുദ്ധാ​ന​ന്തരം 1991-ൽ കോടി​ക്ക​ണ​ക്കി​നു യു.എസ്‌. ഡോളർ വിതരണം ചെയ്‌ത​പ്പോൾ, “100 ഡോളർ നോട്ടു​ക​ളിൽ ഏതാണ്ടു 40 ശതമാ​ന​വും കള്ളനോ​ട്ടു​ക​ളാ​യി​രു​ന്നു​വെന്നു കണ്ടെത്തി​യതു സാർവ​ദേ​ശീയ ബാങ്കു​ട​മ​കളെ ഞെട്ടി​പ്പി​ച്ചു” എന്നു റീഡേ​ഴ്‌സ്‌ ഡൈജസ്റ്റ്‌ പറഞ്ഞു.

മറ്റനേകം യൂറോ​പ്യൻ രാഷ്ട്ര​ങ്ങ​ളു​ടെ കാര്യ​ത്തി​ലെ​ന്ന​പോ​ലെ കള്ളനോ​ട്ടു പ്രശ്‌നം ഫ്രാൻസി​നു​മുണ്ട്‌. ഗോള​ത്തി​നു ചുറ്റു​മുള്ള രാഷ്ട്ര​ങ്ങൾക്കു സാക്ഷ്യ​പ്പെ​ടു​ത്താൻ കഴിയു​ന്ന​തു​പോ​ലെ, പണത്തിന്റെ വ്യാജ അനുക​ര​ണ​നിർമാ​ണം അമേരി​ക്ക​യു​ടെ മാത്രം പ്രശ്‌നമല്ല.

കള്ളനോ​ട്ടടി എളുപ്പ​മാ​കു​ന്നു

കുറെ വർഷങ്ങൾക്കു മുമ്പു​വരെ, ഏതു രാജ്യ​ത്തി​ന്റെ​യും കറൻസി പകർത്തു​ന്ന​തി​നു കലാകാ​രൻമാ​രു​ടെ​യും വിദഗ്‌ധ കൊത്തു​പ​ണി​ക്കാ​രു​ടെ​യും ശിൽപ്പി​ക​ളു​ടെ​യും ചായം​പൂ​ശു​ന്ന​വ​രു​ടെ​യും മണിക്കൂ​റു​കൾ നീണ്ട ക്ലേശക​ര​മായ രഹസ്യ​മാ​യി നടത്തുന്ന കരകൗ​ശലം ആവശ്യ​മാ​യി​രു​ന്നു, ഏറ്റവും മെച്ചമാ​യ​തു​പോ​ലും യഥാർഥ പണത്തിന്റെ മോശ​മാ​യൊ​രു പ്രതി​രൂ​പ​ത്തി​ലെ കലാശി​ച്ചി​രു​ന്നു​ള്ളൂ! എന്നിരു​ന്നാ​ലും ഇന്ന്‌, സാങ്കേ​തി​ക​മാ​യി ഉയർന്ന ബഹുവർണ പകർപ്പെ​ടു​ക്കൽ യന്ത്രങ്ങ​ളും ഇരുവ​ശ​ത്തും അച്ചടി​ക്കാ​വുന്ന ലേസർ അച്ചടി​യ​ന്ത്ര​ങ്ങ​ളും സ്‌കാ​നിങ്‌ ഉപാധി​ക​ളും ഓഫീ​സു​ക​ളി​ലും ഭവനങ്ങ​ളി​ലും ലഭ്യമാ​യ​തോ​ടെ ഏതൊ​രു​വ​നും തനിക്ക്‌ ഇഷ്ടപ്പെട്ട കറൻസി​യു​ടെ പകർപ്പെ​ടു​ക്കു​ന്നതു സാങ്കേ​തി​ക​മാ​യി സാധ്യ​മാണ്‌.

ഇവി​ടെ​യി​താ മേശപ്പു​റത്തെ കള്ളനോ​ട്ട​ടി​ക്ക​ലി​ന്റെ യുഗം! ഒരിക്കൽ പ്രൊ​ഫ​ഷണൽ കൊത്തു​പ​ണി​ക്കാ​രു​ടെ​യും അച്ചടി​ക്കാ​രു​ടെ​യും വൈദ​ഗ്‌ധ്യം ആവശ്യ​മാ​യി​രു​ന്നതു, ഇപ്പോൾ ഓഫീസ്‌ ജോലി​ക്കാ​രു​ടെ​യും വീട്ടിൽ കമ്പ്യൂട്ടർ ഉള്ളവരു​ടെ​യും എത്തുപാ​ടി​ലാണ്‌. 5,000 ഡോള​റിൽ താഴെ മാത്രം വിലവ​രുന്ന വ്യക്തി​പ​ര​മായ കമ്പ്യൂ​ട്ട​റും അതിന്റെ അച്ചടി​യ​ന്ത്ര​വും ഉപയോ​ഗിച്ച്‌ പരിശീ​ലി​പ്പി​ക്ക​പ്പെട്ട വിദഗ്‌ധർക്കു പോലും കണ്ടുപി​ടി​ക്കാൻ പ്രയാ​സ​ക​ര​മാ​യി​രു​ന്നേ​ക്കാ​വുന്ന വ്യാജ കറൻസി ഉത്‌പാ​ദി​പ്പി​ക്കാൻ ഇപ്പോൾ കഴിയും. തന്റെ താത്‌പ​ര്യ​ങ്ങളെ തൃപ്‌തി​പ്പെ​ടു​ത്തുന്ന തരത്തി​ലുള്ള, സ്വന്തം കറൻസി അച്ചടി​ച്ചു​കൊ​ണ്ടു പണത്തിന്റെ ആവശ്യ​മുള്ള ഒരുവൻ ഏറ്റവും സമീപ​ത്തുള്ള ഓട്ടോ​മാ​റ്റിക്‌ റ്റെല്ലർ മെഷീന്റെ അടു​ത്തേ​ക്കുള്ള യാത്ര ഒഴിവാ​ക്കു​ന്ന​തി​നെ ഇത്‌ അർഥമാ​ക്കു​ന്നു. ഇപ്പോൾത്തന്നെ ഇന്നത്തെ കള്ളനോ​ട്ട​ടി​ക്കാ​രു​ടെ കരങ്ങളി​ലെ ശക്തമായ ഉപകര​ണ​ങ്ങ​ളാണ്‌ ഈ സമ്പ്രദാ​യങ്ങൾ. യു.എസ്‌.ന്യൂസ്‌ & വേൾഡ്‌ റിപ്പോർട്ട്‌ ഇപ്രകാ​രം എഴുതി: “പ്രസ്‌തുത പ്രക്രി​യ​യിൽ, ഈ നിപു​ണ​രായ കുറ്റവാ​ളി​കൾ നിയമ​പാ​ലന അധികാ​രി​ക​ളു​ടെ​മേൽ ആവർത്തി​ച്ചു വിജയം കൈവ​രി​ക്കു​ന്നു. ലോകത്തെ പ്രമുഖ കറൻസി​കൾക്കു ഭാവി​യിൽ ഒരു ഭീഷണി​യാ​യി​രി​ക്കാൻ ഇതിനു കഴിയും.”

ദൃഷ്ടാ​ന്ത​ത്തി​നു ഫ്രാൻസിൽ, 1992-ൽ പിടി​ച്ചെ​ടുത്ത 3 കോടി വ്യാജ​ഫ്രാ​ങ്കിൽ (50 ലക്ഷം യു.എസ്‌. ഡോളർ) 18 ശതമാ​ന​വും ഓഫീസ്‌ യന്ത്രങ്ങ​ളിൽ നിർമി​ച്ച​വ​യാ​യി​രു​ന്നു. സാമ്പത്തിക വ്യവസ്ഥക്കു മാത്രമല്ല, പൊതു​ജന വിശ്വാ​സ​ത്തി​നും​കൂ​ടി​യുള്ള ഭീഷണി​യാ​യി ഇതിനെ ബാങ്ക്‌ ഡി ഫ്രാൻസി​ലെ ഒരു ഉദ്യോ​ഗസ്ഥൻ വീക്ഷി​ക്കു​ന്നു. “ജനങ്ങളിൽ അനേകർക്കും ലഭ്യമായ സാങ്കേ​തി​ക​വി​ദ്യ ഉപയോ​ഗിച്ച്‌ ഒരു നല്ല ബാങ്ക്‌ നോട്ടി​നെ അനുക​രി​ക്കാൻ കഴിയു​മെന്ന്‌ അവർ മനസ്സി​ലാ​ക്കു​മ്പോൾ വിശ്വാ​സം നഷ്ടപ്പെ​ടാൻ കഴിയും” എന്ന്‌ അദ്ദേഹം വിലപി​ച്ചു.

വ്യാജ കറൻസി​യു​ടെ പ്രളയം തടയു​വാ​നുള്ള ശ്രമത്തി​ന്റെ ഭാഗമാ​യി അമേരി​ക്ക​യി​ലും മറ്റു രാജ്യ​ങ്ങ​ളി​ലും ബാങ്ക്‌ നോട്ടു​ക​ളു​ടെ പുതിയ ഡി​സൈ​നു​കൾ വികസ​ന​ഘ​ട്ട​ത്തി​ലാണ്‌. ചില രാജ്യ​ങ്ങ​ളിൽ പുതിയ നോട്ടു​കൾ ഇപ്പോൾത്തന്നെ വിതര​ണ​ത്തി​ലാണ്‌. ഉദാഹ​ര​ണ​ത്തിന്‌ അമേരി​ക്കൻ കറൻസി​യിൽ, 100 ഡോളർ നോട്ടി​ലെ ബഞ്ചമിൻ ഫ്രാങ്കി​ളി​ന്റെ ചിത്രം പകുതി വലിപ്പം​കണ്ട്‌ വർധി​പ്പി​ക്കു​ക​യും മുക്കാ​ലിഞ്ച്‌ ഇടത്തേക്കു മാറ്റു​ക​യും ചെയ്യും. “ചിത്ര​വേ​ല​യി​ലും രഹസ്യ സുരക്ഷാ സവി​ശേ​ഷ​ത​ക​ളി​ലു​മാ​യി 14 ഭേദഗ​തി​കൾകൂ​ടി നടപ്പി​ലാ​ക്ക​പ്പെടു”മെന്നു റീഡേ​ഴ്‌സ്‌ ഡൈജ​സറ്റ്‌ റിപ്പോർട്ടു ചെയ്‌തു. വാർപ്പു​മു​ദ്ര​യും വ്യത്യസ്‌ത കോണു​ക​ളിൽനി​ന്നു നോക്കു​മ്പോൾ നിറം മാറുന്ന മഷിക​ളും പോലുള്ള അനവധി മാറ്റങ്ങൾ പരിഗ​ണ​ന​യി​ലുണ്ട്‌.

കുറേ കാലമാ​യി ഫ്രാൻസ്‌ അതിന്റെ ബാങ്ക്‌ നോട്ടു​ക​ളു​ടെ ഡി​സൈ​നിൽ കള്ളനോ​ട്ട​ടി​ക്കാ​രെ ഒരു പരിധി​വരെ തടയു​മെന്നു പ്രത്യാ​ശി​ക്കുന്ന പുതിയ പ്രതി​രോധ മാർഗങ്ങൾ ഉൾപ്പെ​ടു​ത്തു​ക​യാ​യി​രു​ന്നു. എന്നിരു​ന്നാ​ലും, “കള്ളനോ​ട്ട​ടി​ക്കാൻ സാധ്യ​ത​യു​ള്ള​വരെ തടയു​ന്ന​തി​നു സാങ്കേ​തി​ക​മാ​യി കുറ്റമറ്റ സംവി​ധാ​നങ്ങൾ ഒന്നും ഇപ്പോ​ഴു​മില്ല” എന്നു ബാങ്ക്‌ ഡി ഫ്രാൻസി​ന്റെ ഒരു വക്താവു സമ്മതി​ക്കു​ന്നു. അദ്ദേഹം ഇപ്രകാ​രം കൂട്ടി​ച്ചേർത്തു: “എന്നാൽ അതൊരു [പ്രയാ​സ​മുള്ള] ജോലി​യാ​ക്കുന്ന, വളരെ​യ​ധി​കം ചെലവു​ള്ള​താ​ക്കുന്ന അനേകം തടസ്സങ്ങളെ ബാങ്ക്‌ നോട്ടിൽത്തന്നെ സംയോ​ജി​പ്പി​ക്കു​വാൻ ഞങ്ങൾ ഇപ്പോൾ പ്രാപ്‌ത​രാണ്‌.” ഈ തടസ്സങ്ങളെ “കള്ളനോ​ട്ട​ടിക്ക്‌ എതി​രെ​യുള്ള പ്രധാന പ്രതി​രോ​ധം” എന്നാണ്‌ അദ്ദേഹം വിശേ​ഷി​പ്പി​ക്കു​ന്നത്‌.

തങ്ങളുടെ കറൻസി​യു​ടെ പകർപ്പു​ണ്ടാ​ക്കു​ന്നതു കൂടുതൽ ക്ലേശക​ര​മാ​ക്കി​ത്തീർക്കുന്ന സുരക്ഷാ ചരടുകൾ കൂട്ടി​ച്ചേർത്തു​കൊണ്ട്‌, ഇപ്പോൾ കുറെ​ക്കാ​ല​മാ​യി ജർമനി​യും ഗ്രേറ്റ്‌ ബ്രിട്ട​നും കറൻസി​യിൽ സുരക്ഷാ മാറ്റങ്ങൾ വരുത്തി​ക്കൊ​ണ്ടി​രി​ക്കു​ന്നു. കാനഡ​യു​ടെ 20 ഡോളർ നോട്ടി​നു ദൃശ്യ സുരക്ഷാ ഉപാധി എന്നു വിളി​ക്ക​പ്പെ​ടുന്ന, പകർപ്പെ​ടു​ക്കൽ യന്ത്രങ്ങ​ളിൽ പകർത്താൻ കഴിയാത്ത ഒരു ചെറിയ തിളങ്ങുന്ന സമചതു​രം ഉണ്ട്‌. കടലാ​സിൽ സാധ്യ​മ​ല്ലാത്ത സുരക്ഷാ സവി​ശേ​ഷ​തകൾ ഉൾക്കൊ​ള്ളി​ക്കാൻ വേണ്ടി ഓസ്‌​ട്രേ​ലി​യാ 1988-ൽ പ്ലാസ്റ്റിക്ക്‌ ബാങ്കു നോട്ടു​കൾ അച്ചടി​ക്കാൻ തുടങ്ങി. കടലാസു കറൻസി​യിൽ ഫിൻലൻഡും ഓസ്‌ട്രി​യ​യും ഡിഫ്രാ​ക്ഷൻ ഫോയിൽ ഉപയോ​ഗി​ക്കു​ന്നു. ഇവ ഒരു ഹോ​ളോ​ഗ്രാം പോലെ മിന്നു​ക​യും നിറ​ഭേദം വരുത്തു​ക​യും ചെയ്യുന്നു. എന്നിരു​ന്നാ​ലും, തങ്ങളുടെ കുറ്റകൃ​ത്യ പ്രവർത്ത​നങ്ങൾ തുടരു​ന്ന​തിന്‌ ആവശ്യ​മായ പൊരു​ത്ത​പ്പെ​ടു​ത്ത​ലു​കൾ വരുത്തു​ന്ന​തി​നു കള്ളനോ​ട്ട​ടി​ക്കാർ അധിക​കാ​ലം എടുക്കു​ക​യി​ല്ലെ​ന്നും തിരുത്തൽ നടപടി​കൾ എന്തുതന്നെ എടുത്താ​ലും കഴിഞ്ഞ കാല​ത്തെ​പ്പോ​ലെ​തന്നെ ഗവൺമെൻറി​ന്റെ നൂതന ശ്രമങ്ങൾ അന്തിമ​മാ​യി ഫലപ്ര​ദ​മ​ല്ലെന്നു തെളി​യു​മെ​ന്നും ഗവൺമെൻറ്‌ അധികാ​രി​കൾ ഭയപ്പെ​ടു​ന്നു. “‘നിങ്ങൾ ഒരു 8 അടി മതിൽ പണിയു​ന്നു, ചീത്തയാ​ളു​കൾ ഒരു 10 അടി കോവണി പണിയു​ന്നു’ എന്ന പഴമൊ​ഴി പോ​ലെ​യാണ്‌ ഇത്‌” എന്നു ഖജനാവു വിഭാ​ഗ​ത്തി​ലെ ഒരു ഉദ്യോ​ഗസ്ഥൻ പറഞ്ഞു.

അടുത്ത ലേഖനം പ്രകട​മാ​ക്കും പോലെ, വ്യാജ​പണം അച്ചടി​ക്കു​ന്നതു കള്ളനോ​ട്ട​ടി​ക്കാ​രു​ടെ സാമർഥ്യ​ത്തി​ന്റെ ഒരു വശം മാത്ര​മാണ്‌.

[4-ാം പേജിലെ ആകർഷ​ക​വാ​ക്യം]

5,000 ഡോള​റിൽ താഴെ മാത്രം വിലവ​രുന്ന വ്യക്തിഗത കമ്പ്യൂ​ട്ട​റും അതിന്റെ അച്ചടി​യ​ന്ത്ര​വും ഉപയോ​ഗി​ച്ചു പരിശീ​ലി​പ്പി​ക്ക​പ്പെട്ട വിദഗ്‌ധർക്കു​പോ​ലും കണ്ടുപി​ടി​ക്കാൻ ബുദ്ധി​മു​ട്ടുള്ള വ്യാജ കറൻസി നിർമി​ക്കാൻ കഴിയും