ആഫ്രി​ക്ക​യി​ലെ എയ്‌ഡ്‌സ്‌—ക്രൈ​സ്‌ത​വ​ലോ​കം എത്ര​ത്തോ​ളം ഉത്തരവാ​ദി​യാണ്‌?

ആഫ്രിക്കയിലെ ഉണരുക! ലേഖകൻ

ഈ ലേഖന​ത്തിൽ ഉപയോ​ഗി​ച്ചി​രി​ക്കു​ന്ന​തു​പോ​ലെ, “ക്രൈ​സ്‌ത​വ​ലോ​കം” എന്ന പദപ്ര​യോ​ഗം ബൈബി​ളി​ലെ ക്രിസ്‌ത്യാ​നി​ത്വ​ത്തി​നു വിരു​ദ്ധ​മായ നാമമാ​ത്ര ക്രിസ്‌ത്യാ​നി​ത്വ​ത്തെ​യാ​ണു പരാമർശി​ക്കു​ന്നത്‌.

ക്രൈസ്‌തവലോകം

“നിവാ​സി​ക​ളിൽ മിക്കവ​രും ക്രിസ്‌തീയ വിശ്വാ​സം പുലർത്തു​ന്നു​വെന്ന്‌ അവകാ​ശ​പ്പെ​ടുന്ന ലോക​ഭാ​ഗങ്ങൾ.”—വെബ്‌സ്റ്റേ​ഴ്‌സ്‌ ന്യൂ വേൾഡ്‌ ഡിക്‌ഷ​ണറി.

എയ്‌ഡ്‌സ്‌

“രോഗ​പ്ര​തി​രോ​ധ​വ്യ​വ​സ്ഥ​യി​ലെ കോശ​ങ്ങൾക്ക്‌ ഒരു റി​ട്രോ​വൈ​റ​സി​നാൽ ഉണ്ടാകുന്ന രോഗ​ബാ​ധ​യോ​ടു ബന്ധപ്പെട്ട്‌ ആർജിത രോഗ​പ്ര​തി​രോ​ധ​ശേഷി ക്ഷയിച്ചു​വ​രുന്ന ഒരവസ്ഥ.”—വെബ്‌സ്റ്റേ​ഴ്‌സ്‌ നയൻത്‌ ന്യൂ കൊളീ​ജി​യേറ്റ്‌ ഡിക്‌ഷ​ണറി.

എയ്‌ഡ്‌സ്‌ ഒരു ആഗോള പകർച്ച​വ്യാ​ധി​യാണ്‌. കണക്കാ​ക്ക​പ്പെ​ടു​ന്ന​ത​നു​സ​രിച്ച്‌, എയ്‌ഡ്‌സി​നു കാരണ​മായ വൈറസ്‌, എച്ച്‌ഐവി, ഇപ്പോൾതന്നെ 1 കോടി 70 ലക്ഷം ആളുകളെ ബാധി​ച്ചി​ട്ടുണ്ട്‌. അതു സത്വരം വ്യാപി​ച്ചു​കൊ​ണ്ടി​രി​ക്കു​ക​യു​മാണ്‌.

ഈ പകർച്ച​വ്യാ​ധി​യോ​ടു ബന്ധപ്പെട്ട ചികി​ത്സാ​പ​ര​വും രാഷ്ട്രീ​യ​വും വൈകാ​രി​ക​വു​മായ പ്രശ്‌ന​ങ്ങൾക്ക്‌ വളരെ​യ​ധി​കം ശ്രദ്ധ കൊടു​ക്ക​പ്പെ​ടു​ന്നു​ണ്ടെ​ങ്കി​ലും, അതിൽ ഉൾപ്പെ​ട്ടി​രി​ക്കുന്ന മതപര​മായ പ്രശ്‌ന​ങ്ങ​ളെ​ക്കു​റിച്ച്‌ അധിക​മൊ​ന്നും പറയാ​റില്ല. മതം എയ്‌ഡ്‌സി​ന്റെ വ്യാപ​ന​വു​മാ​യി ബന്ധപ്പെ​ട്ടി​രി​ക്കു​ന്നു എന്ന ആശയം ചില വായന​ക്കാർക്കി​പ്പോൾ വിചി​ത്ര​മാ​യി തോന്നി​യേ​ക്കാം. എന്നാൽ ആഫ്രിക്കൻ ഭൂഖണ്ഡ​ത്തിൽ രൂപം​കൊ​ണ്ടി​രി​ക്കുന്ന സ്ഥിതി​വി​ശേഷം പരി​ശോ​ധി​ക്കു​മ്പോൾ അതു വിഡ്‌ഢി​ത്തമല്ല.

എയ്‌ഡ്‌സ്‌ ആഫ്രി​ക്കയെ വിശേ​ഷി​ച്ചും രൂക്ഷമാ​യി ബാധി​ച്ചി​രി​ക്കു​ന്നു.a ലോക​ത്തി​ലെ എയ്‌ഡ്‌സ്‌ ബാധി​ത​രിൽ 67 ശതമാ​ന​വും ഉള്ളത്‌ ആ ഭൂഖണ്ഡ​ത്തി​ലാ​ണെന്നു ചിലർ പറയുന്നു. ഛാഡിൽ റിപ്പോർട്ടു ചെയ്യ​പ്പെ​ടുന്ന എയ്‌ഡ്‌സ്‌ രോഗി​ക​ളു​ടെ എണ്ണം കഴിഞ്ഞ അഞ്ചു വർഷം​കൊണ്ട്‌ 100 ഇരട്ടി​യാ​യി വർധി​ച്ചി​രി​ക്കു​ന്നു. എന്നാൽ, അത്തരത്തി​ലുള്ള മൊത്തം രോഗ​ബാ​ധ​യിൽ മൂന്നി​ലൊ​ന്നു മാത്രമേ റിപ്പോർട്ടു ചെയ്യ​പ്പെ​ടു​ന്നു​ള്ളൂ​വെന്നു കണക്കാ​ക്ക​പ്പെ​ടു​ന്നു. ആഫ്രി​ക്ക​യി​ലെ പല നഗര​പ്ര​ദേ​ശ​ങ്ങ​ളി​ലും മുതിർന്ന​വ​രു​ടെ ഇടയിലെ മരണത്തി​ന്റെ ഏറ്റവും സാധാ​ര​ണ​മായ കാരണം എയ്‌ഡ്‌സ്‌ ആയിത്തീർന്നി​രി​ക്കു​ന്നു​വെന്നു ലോക​ബാ​ങ്കി​ന്റെ ഒരു റിപ്പോർട്ടു പറയുന്നു.

മതം—അതൊരു പങ്കു വഹിച്ചോ?

തീർച്ച​യാ​യും, ആ വിപത്തിന്‌ ഉത്തരവാ​ദി​ത്വം വഹിക്കു​ന്നത്‌, യേശു​ക്രി​സ്‌തു പഠിപ്പിച്ച മതമായ ക്രിസ്‌ത്യാ​നി​ത്വ​മല്ല. എന്നിരു​ന്നാ​ലും, താഴെ കാണി​ച്ചി​രി​ക്കു​ന്ന​തു​പോ​ലെ ക്രിസ്‌ത്യാ​നി​ക​ളെന്ന്‌ അവകാ​ശ​പ്പെ​ടുന്ന ആളുക​ളുള്ള നാടുകൾ “ക്രൈ​സ്‌ത​വ​ലോക”ത്തിൽ ഉൾപ്പെ​ടു​ന്നു. ക്രൈ​സ്‌ത​വ​ലോ​കം അതിൽ വ്യക്തമാ​യും ഉൾപ്പെ​ട്ടി​രി​ക്കു​ന്നു. സഭകൾ എയ്‌ഡ്‌സ്‌ വൈറസ്‌ ഉണ്ടാക്കി​യെ​ന്നോ അതു നേരിട്ടു പരത്തി​യെ​ന്നോ അല്ല. എന്നാൽ ആഫ്രി​ക്ക​യിൽ എയ്‌ഡ്‌സ്‌ പടർന്നത്‌ പ്രമു​ഖ​മാ​യും കുത്തഴിഞ്ഞ ഉഭയ​ഭോ​ഗ​ത്തി​ലൂ​ടെ​യാ​യി​രു​ന്നു.b അതു​കൊണ്ട്‌, എയ്‌ഡ്‌സി​നെ ഒരു ധാർമിക പ്രശ്‌നം എന്നു വിളി​ക്കാൻ സാധി​ക്കും. മാത്രമല്ല, അതു കുഴപ്പി​ക്കുന്ന മതപര​മായ ചില ചോദ്യ​ങ്ങൾ ഉന്നയി​ക്കു​ക​യും ചെയ്യുന്നു. എന്തൊ​ക്കെ​യാ​ണെ​ങ്കി​ലും, ആഫ്രിക്കൻ “ക്രിസ്‌ത്യാ​നി​ത്വം” പാശ്ചാത്യ നാടു​ക​ളിൽനി​ന്നു നേരി​ട്ടുള്ള ഒരു പറിച്ചു​ന​ടീ​ലാ​യി​രു​ന്നു. തങ്ങളുടെ മതവി​ഭാ​ഗം, പരമ്പരാ​ഗ​ത​മായ ആഫ്രിക്കൻ രീതി​ക​ളെ​ക്കാൾ ശ്രേഷ്‌ഠ​മായ ഒരു ജീവി​ത​രീ​തി പ്രദാനം ചെയ്യുന്നു എന്ന്‌ അവകാ​ശ​പ്പെ​ട്ടു​കൊണ്ട്‌ ആഫ്രി​ക്ക​ക്കാ​രെ മതപരി​വർത്തനം നടത്താ​നുള്ള ശ്രമം സഭാ​നേ​താ​ക്ക​ന്മാർ ഏറ്റെടു​ത്തു. അതിന്റെ പുതിയ അനുവർത്തി​ക​ളു​ടെ ധാർമി​കത യഥാർഥ​ത്തിൽ മെച്ച​പ്പെ​ടു​ത്താൻ ക്രൈ​സ്‌ത​വ​ലോ​ക​ത്തി​ന്റെ സ്വാധീ​ന​ത്തി​നു കഴിഞ്ഞോ? കൃത്യ​മാ​യും, കടകവി​രു​ദ്ധ​മാ​ണു സംഭവി​ച്ച​തെന്ന്‌ എയ്‌ഡ്‌സ്‌ പ്രതി​സന്ധി വ്യക്തമാ​യി എടുത്തു​കാ​ണി​ക്കു​ന്നു.

ഉദാഹ​ര​ണ​മാ​യി, ഛാഡ്‌ എന്ന രാജ്യ​ത്തി​ന്റെ കാര്യ​മെ​ടു​ക്കുക. ഇതിലെ പ്രമു​ഖ​മായ നാലു നഗരങ്ങ​ളിൽ, മൂന്നെ​ണ്ണ​ത്തി​ലും “ക്രിസ്‌തീയ” ജനതതി​യാണ്‌ അധിക​വും. പിന്നെ പ്രമു​ഖ​മാ​യി​ട്ടു​ള്ളത്‌ മുസ്ലീ​ങ്ങ​ളും. എന്നാൽ, ഈ മൂന്നു “ക്രിസ്‌തീയ” നഗരങ്ങ​ളി​ലാ​ണു വൈറസ്‌ ഇപ്പോൾ കടുത്ത ആക്രമണം നടത്തി​ക്കൊ​ണ്ടി​രി​ക്കു​ന്നത്‌! ആ ഭൂഖണ്ഡ​ത്തി​ലു​ട​നീ​ളം അതേ മാതൃക ആവർത്തി​ക്ക​പ്പെ​ടു​ന്നു. പേരു​കൊണ്ട്‌ ക്രിസ്‌തീ​യ​മാ​യി​രി​ക്കുന്ന മധ്യ ആഫ്രി​ക്ക​യി​ലും തെക്കൻ ആഫ്രി​ക്ക​യി​ലും, മുസ്ലീങ്ങൾ കൂടു​ത​ലുള്ള വടക്കൻ ആഫ്രി​ക്ക​യെ​ക്കാൾ വളരെ​യ​ധി​കം കൂടു​ത​ലാ​ണു രോഗ​ബാ​ധ​യു​ടെ നിരക്ക്‌.

ആഫ്രിക്ക “ക്രിസ്‌തീയ”മായി​ത്തീർന്ന വിധം

ക്രിസ്‌തു​വി​ന്റെ അനുഗാ​മി​ക​ളെന്ന്‌ അവകാ​ശ​പ്പെ​ടുന്ന ആളുക​ളു​ടെ ഇടയിൽ ഈ വൈറസ്‌ ഇത്ര​വേഗം പടർന്നത്‌ എന്തു​കൊ​ണ്ടാണ്‌? വാസ്‌ത​വ​ത്തിൽ, പല ആഫ്രി​ക്ക​ക്കാ​രും സ്വയം ക്രിസ്‌ത്യാ​നി​ക​ളെന്നു വിളി​ക്കു​ന്നു​ണ്ടെ​ങ്കി​ലും, ബൈബി​ളിൽ നൽകി​യി​രി​ക്കുന്ന ക്രിസ്‌ത്യാ​നി​ത്വ​ത്തി​ന്റെ ധാർമിക നിലവാ​ര​ങ്ങ​ള​നു​സ​രി​ച്ചു ജീവി​ക്കു​ന്നവർ സത്യത്തിൽ താരത​മ്യേന ചുരു​ക്ക​മാണ്‌. ഇത്‌, ക്രൈ​സ്‌ത​വ​ലോ​ക​ത്തി​ലെ മിഷന​റി​മാർ ആഫ്രി​ക്ക​ക്കാ​രെ “മതപരി​വർത്തനം” ചെയ്‌ത രീതി​യു​ടെ നേരി​ട്ടുള്ള ഒരു ഫലമാ​ണെന്നു തോന്നു​ന്നു.

18-ഉം 19-ഉം നൂറ്റാ​ണ്ടു​ക​ളിൽ ക്രൈ​സ്‌ത​വ​ലോ​ക​ത്തി​ന്റെ പരമ്പരാ​ഗത വിശ്വാ​സങ്ങൾ ആക്രമി​ക്ക​പ്പെട്ടു. വളരെ സാധാ​ര​ണ​മാ​യി​ത്തീർന്ന അമിത​കൃ​ത്തിപ്പ്‌, പലരു​ടെ​യും ദൃഷ്ടി​യിൽ ബൈബി​ളി​നെ പുരാതന സാഹി​ത്യ​ത്തി​ലെ കേവല​മൊ​രു കൃതി​യാ​ക്കി ചുരു​ക്കി​ക്ക​ളഞ്ഞു. പരിണാ​മ​സി​ദ്ധാ​ന്ത​വും സ്വീകാ​ര്യത നേടി​ത്തു​ടങ്ങി, പുരോ​ഹി​ത​ന്മാ​രു​ടെ ഇടയിൽ പോലും. സംശയ​ത്തി​ന്റെ വിത്തുകൾ വിതയ്‌ക്ക​പ്പെട്ടു. വിശുദ്ധ തിരു​വെ​ഴു​ത്തു​ക​ളി​ലുള്ള വിശ്വാ​സം ചോദ്യം ചെയ്യ​പ്പെട്ടു. ഈ അന്തരീ​ക്ഷ​ത്തിൽ ആഫ്രി​ക്ക​ക്കാ​രെ “മതപരി​വർത്തനം” ചെയ്യാ​നുള്ള ക്രൈ​സ്‌ത​വ​ലോ​ക​ത്തി​ന്റെ ശ്രമങ്ങൾ നിർണാ​യ​ക​മാ​യി ഒരു മതേതര സ്വഭാവം കൈവ​രി​ച്ച​തിൽ അതിശ​യി​ക്കാ​നില്ല. ധാർമി​കത സംബന്ധിച്ച ബൈബിൾ നിലവാ​ര​ങ്ങ​ളു​മാ​യി പൊരു​ത്ത​പ്പെ​ടാൻ മതപരി​വർത്ത​കരെ സഹായി​ക്കു​ന്ന​തി​നെ​ക്കാൾ മനുഷ്യ​ത്വ​പ​ര​മായ പ്രവൃ​ത്തി​കൾ ചെയ്യു​ന്ന​തി​നു വളരെ​യ​ധി​കം ഊന്നൽ കൊടു​ത്തു​കൊ​ണ്ടു സഭാമി​ഷ​ന​റി​മാർ സാമൂ​ഹിക സുവി​ശേഷം ഘോഷി​ക്കു​ക​യാ​ണു​ണ്ടാ​യത്‌. ഒരുപക്ഷേ അറിയാ​തെ​തന്നെ, നിലവി​ലി​രുന്ന ധാർമിക ചട്ടക്കൂ​ടി​നു തുരങ്കം വെക്കാ​നാ​ണു വാസ്‌ത​വ​ത്തിൽ മിഷന​റി​മാർ സഹായി​ച്ചത്‌.

ഉദാഹ​ര​ണ​ത്തിന്‌, പല ആഫ്രിക്കൻ സംസ്‌കാ​ര​ങ്ങ​ളി​ലും ബഹുഭാ​ര്യ​ത്വം ദീർഘ​കാ​ലം ഒരാചാ​ര​മാ​യി​രു​ന്നു. എങ്കിലും, വ്യഭി​ചാ​രം സംബന്ധി​ച്ചു മിക്ക വർഗക്കാർക്കും കർശന​മായ നിയമങ്ങൾ ഉണ്ടായി​രു​ന്ന​തി​നാൽ കുത്തഴിഞ്ഞ ലൈം​ഗി​കത വിരള​മാ​യി​രു​ന്നു. ഛാഡിൽ നന്നായി അറിയ​പ്പെ​ടുന്ന, ജോലി​യിൽനി​ന്നു വിരമിച്ച, ഒരു സ്‌കൂ​ള​ധ്യാ​പ​ക​നായ ജോസഫ്‌ ഡാർനാസ്‌ ഉണരുക!യോടു പറഞ്ഞത്‌, സഭാമി​ഷ​ന​റി​മാർ വരുന്ന​തി​നു​മുമ്പ്‌ “വ്യഭി​ചാ​രം ദൗർഭാ​ഗ്യം കൈവ​രു​ത്തു​മെ​ന്നാ​ണു വിചാ​രി​ച്ചി​രു​ന്നത്‌” എന്നാണ്‌. “ജനസമൂ​ഹത്തെ അപകട​ത്തി​ലാ​ക്കു​മെ​ന്ന​തി​നാൽ തെറ്റു ചെയ്‌ത വ്യക്തി കഠിന​മാ​യി ശിക്ഷി​ക്ക​പ്പെ​ട്ടി​രു​ന്നു—പലപ്പോ​ഴും മരണമാ​യി​രു​ന്നു ശിക്ഷ.” അന്ധവി​ശ്വാ​സ​മോ? അതേ, എന്നാൽ അത്തരം വിശ്വാ​സങ്ങൾ അനുവാ​ദാ​ത്മകത കുറയ്‌ക്കു​ക​തന്നെ ചെയ്‌തു.

പിന്നീട്‌ ക്രൈ​സ്‌ത​വ​ലോ​ക​ത്തി​ലെ മിഷന​റി​മാ​രെത്തി. അവർ ബഹുഭാ​ര്യ​ത്വ​ത്തി​നെ​തി​രെ പ്രസം​ഗി​ച്ചെ​ങ്കി​ലും ധാർമി​കത സംബന്ധിച്ച ബൈബിൾ നിലവാ​രങ്ങൾ ശക്തി​പ്പെ​ടു​ത്താൻ ഒന്നും​തന്നെ ചെയ്‌തില്ല. അനുതാ​പ​മി​ല്ലാത്ത പരസം​ഗ​ക്കാ​രെ​യും വ്യഭി​ചാ​രി​ക​ളെ​യും ക്രിസ്‌തീയ സഭയിൽനി​ന്നു പുറത്താ​ക്ക​ണ​മെന്നു ബൈബിൾ പറയു​ന്നു​ണ്ടെ​ങ്കി​ലും, അത്തരം തെറ്റു​കാർക്കെ​തി​രെ ക്രൈ​സ്‌ത​വ​ലോ​ക​ത്തി​ലെ സഭകൾ ശിക്ഷണ​ന​ട​പടി കൈ​ക്കൊ​ള്ളാ​റില്ല. (1 കൊരി​ന്ത്യർ 5:11-13) ഇന്നുവരെ, ആഫ്രി​ക്ക​യി​ലെ പ്രമു​ഖ​രായ പല രാഷ്ട്രീ​യ​ക്കാ​രും അധാർമിക കാര്യ​ങ്ങൾക്കു കുപ്ര​സി​ദ്ധി​യു​ള്ള​വ​രാണ്‌, എന്നിട്ടും അവർ നല്ല നിലയി​ലുള്ള സഭാം​ഗ​ങ്ങ​ളാ​യി തുടരു​ന്നു. ആഫ്രി​ക്ക​യി​ലെ നാമമാ​ത്ര ക്രിസ്‌ത്യാ​നി​ക​ളു​ടെ ഇടയിൽ ദാമ്പത്യ വിശ്വ​സ്‌തത വിരള​മാണ്‌.

കൂടാതെ, വൈദി​ക​രു​ടെ മോശ​മായ മാതൃ​ക​യു​മുണ്ട്‌. കുടും​ബോ​ന്മു​ഖ​മായ ഈ സംസ്‌കാ​ര​ത്തിൽ വിവാഹം കഴിച്ചു ധാരാളം കുട്ടി​ക​ളു​ണ്ടാ​യി​രി​ക്കു​ന്നതു സാധാ​ര​ണ​മാണ്‌. ഒരുപക്ഷേ, അതു​കൊ​ണ്ടാ​യി​രി​ക്കാം നിർമ​ല​ത​യും ബ്രഹ്മച​ര്യ​വും സംബന്ധിച്ച തങ്ങളുടെ പ്രതി​ജ്ഞകൾ ചവിട്ടി​മെ​തി​ക്കു​ന്ന​തിൽ ഞെട്ടി​ക്കുന്ന എണ്ണം കത്തോ​ലി​ക്കാ പുരോ​ഹി​ത​ന്മാർക്കു ന്യായീ​ക​രണം തോന്നു​ന്നത്‌. 1980 മേയ്‌ 3-ലെ ദ ന്യൂ​യോർക്ക്‌ ടൈംസ്‌ ഇങ്ങനെ റിപ്പോർട്ടു ചെയ്‌തു: “ഗ്രാമ​പ്ര​ദേ​ശ​ത്തി​ന്റെ പല ഭാഗങ്ങ​ളി​ലും, . . . പുരോ​ഹി​ത​ന്മാ​രും ബിഷപ്പു​മാ​രും ബഹുഭാ​ര്യ​രാണ്‌.”

സ്വാഭാ​വി​ക​മാ​യി, അത്തരം വിവാ​ഹങ്ങൾ നിയമ​പ​ര​മാ​ക്ക​പ്പെ​ടു​ന്നില്ല, ആ “ഭാര്യ​മാർ” വാസ്‌ത​വ​ത്തിൽ കേവലം വെപ്പാ​ട്ടി​കൾ മാത്ര​മാണ്‌. അത്തരം ദുഷ്‌പെ​രു​മാ​റ്റം അപ്രധാ​ന​മാ​ണെന്നു പറഞ്ഞു തള്ളിക്ക​ള​യാ​നാ​വില്ല. ടൈംസ്‌ പറയു​ന്ന​ത​നു​സ​രിച്ച്‌, “ആഫ്രിക്കൻ പുരോ​ഹി​തൻ ക്രിസ്‌തു​വി​ന്റെ ഒരു ദാസനാ​യി​രി​ക്കു​ന്ന​തി​നു പകരം, അധികാ​ര​ത്തി​ന്റെ പ്രതീ​ക​വും ശക്തിയു​ടെ സ്വരൂ​പ​വു​മാ​ണെന്ന്‌ ഒരു പ്രമുഖ കത്തോ​ലി​ക്കാ വൈദി​കൻ” സമ്മതി​ക്കു​ന്നു. ഈ “അധികാര സ്വരൂപങ്ങ”ളിൽനി​ന്നുള്ള സന്ദേശം “ഞാൻ ചെയ്യു​ന്ന​തു​പോ​ലെയല്ല, പിന്നെ​യോ പറയു​ന്ന​തു​പോ​ലെ​യാ​ണു ചെയ്യേ​ണ്ടത്‌” എന്നതാ​ണെന്നു തോന്നു​ന്നു.

പാശ്ചാത്യ വിനോ​ദ​ത്തി​ന്റെ ആക്രമണം

സമീപ വർഷങ്ങ​ളിൽ ആഫ്രി​ക്ക​യി​ലേക്ക്‌ ഒഴുകി​യെ​ത്തി​യി​രി​ക്കുന്ന ലൈം​ഗി​ക​മാ​യി അധാർമി​ക​മായ വിനോ​ദ​ത്തി​ന്റെ പ്രളയ​വും അവഗണി​ക്കാ​വു​ന്നതല്ല. അത്തരം വിനോ​ദം പകരുന്ന, മേൽനോ​ട്ട​മി​ല്ലാത്ത, പൊതു വീഡി​യോ പാർല​റു​കൾ ഛാഡിൽ എവി​ടെ​യും—സ്വകാര്യ ഭവനങ്ങ​ളി​ലും ഗരാജു​ക​ളി​ലും, മിക്ക​പ്പോ​ഴും ഇരുട്ടി​യ​തി​നു​ശേഷം മുറ്റങ്ങ​ളി​ലും—പൊന്തി​വ​ന്നി​ട്ടുണ്ട്‌. ഇവ കാണു​ന്ന​തി​നു ചെലവു കുറവാണ്‌, 25 ഫ്രാ​ങ്കോ​ളമേ (5 യു.എസ്‌. സെൻറു​കൾ) ചെലവാ​കു​ന്നു​ള്ളൂ. കൊച്ചു​കു​ട്ടി​കൾ അതു കാണുന്നു. ഇതെല്ലാം എവി​ടെ​നി​ന്നാ​ണു വരുന്നത്‌? അതില​ധി​ക​വും വരുന്നത്‌ പ്രധാ​ന​മാ​യും ക്രിസ്‌തീ​യ​മെന്ന്‌ അവകാ​ശ​പ്പെ​ടുന്ന ഒരു രാഷ്ട്ര​മായ ഐക്യ​നാ​ടു​ക​ളിൽനി​ന്നാണ്‌!

എന്നാൽ പാശ്ചാത്യ സംസ്‌കാ​ര​ത്തി​ന്റെ ആക്രമ​ണ​ത്തി​നു കാഴ്‌ച​ക്കാ​രിൽ എന്തെങ്കി​ലും ഫലം ഉളവാ​ക്കാൻ കഴിഞ്ഞി​ട്ടു​ണ്ടോ? മധ്യ ആഫ്രി​ക്ക​യിൽ 14 വർഷത്തെ അനുഭ​വ​ജ്ഞാ​ന​മുള്ള യഹോ​വ​യു​ടെ സാക്ഷി​ക​ളു​ടെ ഒരു മിഷനറി ഇങ്ങനെ പറയുന്നു: “പ്രാ​ദേ​ശിക ആളുകൾക്ക്‌ അവർ വീഡി​യോ കാസറ്റു​ക​ളിൽ കാണു​ന്ന​തി​നെ​ക്കാൾ പാശ്ചാത്യ ലോക​വു​മാ​യി വളരെ കുറച്ചു ബന്ധമേ ഉള്ളൂ. ഈ സിനി​മ​ക​ളിൽ കാണുന്ന പാശ്ചാ​ത്യ​രെ​പ്പോ​ലെ​യാ​യി​രി​ക്കാൻ അവരാ​ഗ്ര​ഹി​ക്കു​ന്നു. ഇതു തെളി​യി​ക്കാൻ പിൻബ​ല​മേ​കുന്ന രേഖക​ളൊ​ന്നും ഞാൻ കണ്ടുപി​ടി​ച്ചി​ട്ടില്ല, എന്നാൽ അത്തരം വിനോ​ദം ലൈം​ഗിക അധാർമി​കത പ്രോ​ത്സാ​ഹി​പ്പി​ക്കു​ക​തന്നെ ചെയ്യു​ന്നു​വെന്ന്‌ ഇവി​ടെ​യുള്ള മിക്കവർക്കും സ്‌പഷ്ട​മാ​യി തോന്നു​ന്നു.”

ആരോ​ഗ്യ​രം​ഗ​ത്തെ ഉദ്യോ​ഗസ്ഥർ മാരക​മായ ഒരു രതിജ​രോ​ഗ​ത്തി​ന്റെ മുന്നേറ്റം തടയാൻ കിണഞ്ഞു ശ്രമി​ക്കു​മ്പോൾ ക്രിസ്‌തീയ രാഷ്ട്രങ്ങൾ എന്നു വിളി​ക്ക​പ്പെ​ടു​ന്നവ അധാർമി​ക​മായ, ഉയർന്ന അപകട​സാ​ധ്യ​ത​യുള്ള, പെരു​മാ​റ്റത്തെ പ്രോ​ത്സാ​ഹി​പ്പി​ക്കുന്ന പ്രചരണം അഴിച്ചു​വി​ടു​ന്നത്‌ എത്രയോ വിരോ​ധാ​ഭാ​സ​മാണ്‌! സ്വദേ​ശ​ത്തും വിദേ​ശ​ത്തും ഈ പ്രവണ​തയെ ഇല്ലാതാ​ക്കാൻ സഭകൾ യാതൊ​ന്നും ചെയ്യാ​തി​രി​ക്കെ, ഛാഡ്‌, കാമറൂൺ എന്നിവ പോലുള്ള ചില ആഫ്രിക്കൻ ഗവൺമെൻറു​കൾ അശ്ലീല വസ്‌തു​ക്കൾ തങ്ങളുടെ രാജ്യ​ത്തേക്കു കടത്തു​ന്നതു നിരോ​ധി​ക്കു​ക​യോ ചുരു​ങ്ങി​യ​പക്ഷം നിയ​ന്ത്രി​ക്കു​ക​യോ ചെയ്‌തി​രി​ക്കു​ന്നു. എന്നാൽ അവരുടെ ശ്രമങ്ങൾ ആവർത്തി​ച്ചാ​വർത്തി​ച്ചു പരാജ​യ​മാ​ണെന്നു തെളി​ഞ്ഞി​രി​ക്കു​ന്നു.

ഇതി​ന്റെ​യെ​ല്ലാം അന്തിമ​ഫലം ആഫ്രിക്കൻ “ക്രിസ്‌ത്യാ​നിക”ളുടെ ഇടയി​ലുള്ള വ്യാപ​ക​മായ ധാർമിക അപക്ഷയ​മാണ്‌. മോശ​മായ സാമ്പത്തി​കാ​വ​സ്ഥ​ക​ളും കുടി​ല​മായ ഒരു ഫലം ചെലു​ത്തി​യി​ട്ടുണ്ട്‌. തൊഴിൽ ക്ഷാമമു​ള്ള​തു​കൊണ്ട്‌, തൊഴിൽ കണ്ടെത്താൻ പുരു​ഷ​ന്മാർ മാസങ്ങ​ളോ​ളം തങ്ങളുടെ കുടും​ബ​ങ്ങ​ളിൽനി​ന്നു വിട്ടു​നിൽക്കാൻ നിർബ​ന്ധി​ത​രാ​കു​ന്നു. അത്തരം പുരു​ഷ​ന്മാർ സാധാരണ പ്രാ​ദേ​ശിക വേശ്യ​മാ​രു​ടെ ലക്ഷ്യങ്ങ​ളാണ്‌. വേശ്യ​മാ​രാ​ണെ​ങ്കി​ലോ മിക്ക​പ്പോ​ഴും ദാരി​ദ്ര്യ​ത്തി​ന്റെ ഇരകളും. മാതാ​പി​താ​ക്കൾ കനത്ത വധുവില ആവശ്യ​പ്പെ​ടു​ന്ന​തും ഒരു ഘടകമാണ്‌. വധുവില കൊടു​ക്കാ​നുള്ള പണം സ്വരൂ​പി​ക്കാൻ കഴിയാ​ത്ത​തു​കൊ​ണ്ടു പല പുരു​ഷ​ന്മാ​രും വിവാഹം കഴിക്കു​ന്നില്ല. അതു​കൊണ്ട്‌, ചിലർ കുത്തഴിഞ്ഞ ജീവിതം നയിക്കു​ന്ന​തിൽ കലാശി​ക്കു​ന്നു. അത്തരം ധാർമി​ക​വും സാമ്പത്തി​ക​വു​മായ അവസ്ഥക​ളിൽ, എയ്‌ഡ്‌സ്‌ സത്വരം വ്യാപി​ച്ചി​രി​ക്കു​ന്നു.

പ്രതി​സ​ന്ധി​ക്കുള്ള പരിഹാ​രം

ആഫ്രി​ക്ക​യി​ലെ എയ്‌ഡ്‌സ്‌ പ്രതി​സ​ന്ധി​യു​ടെ മുഴു കുറ്റവും വഹിക്കു​ന്നത്‌ ക്രൈ​സ്‌ത​വ​ലോ​ക​മ​ല്ലെ​ന്നതു വ്യക്തം. എന്നാൽ, അതില​ധി​ക​വും അതു വഹിക്കു​ന്നു എന്നതു വേദനാ​ക​ര​മാ​യി വ്യക്തമാണ്‌. “സത്യാ​രാ​ധകർ” എന്നു യേശു വിളി​ച്ച​വ​രു​ടെ കൂട്ടത്തിൽ ആയിരി​ക്കാൻ ആഗ്രഹി​ക്കുന്ന വ്യക്തി​കളെ സംബന്ധി​ച്ചി​ട​ത്തോ​ളം ഇതിനു ഗുരു​ത​ര​മായ പ്രത്യാ​ഘാ​ത​ങ്ങ​ളുണ്ട്‌.—യോഹ​ന്നാൻ 4:23.

കുറ്റം ഉണ്ടായി​രി​ക്കെ​ത്തന്നെ എയ്‌ഡ്‌സ്‌ പകർച്ച​വ്യാ​ധി തടയാൻ എന്തു ചെയ്യാൻ കഴിയും? ഗർഭനി​രോ​ധന ഉറകളു​ടെ ഉപയോ​ഗത്തെ പ്രോ​ത്സാ​ഹി​പ്പി​ച്ചു​കൊണ്ട്‌ ആഫ്രിക്കൻ ഗവമെൻറു​കൾ എയ്‌ഡ്‌സ്‌ പ്രതി​രോധ പ്രചാരണ പരിപാ​ടി​കൾ നടത്തി​യി​ട്ടുണ്ട്‌. എന്നാൽ നൈജീ​രി​യ​യ്‌ക്കു വേണ്ടി​യുള്ള, ലോകാ​രോ​ഗ്യ​സം​ഘ​ട​ന​യു​ടെ പ്രതി​നി​ധി​യായ ഡോ. സാമു​വേൽ ബ്രൂ-ഗ്രേവ്‌സ്‌ ഇങ്ങനെ തുറന്നു പറഞ്ഞു: “കുടും​ബം . . . കുത്തഴിഞ്ഞ ലൈം​ഗി​കത ഒഴിവാ​ക്കേ​ണ്ട​തു​ള്ള​പ്പോൾതന്നെ . . . വ്യക്തി ആരോ​ഗ്യാ​വ​ഹ​മായ ഒരു ജീവി​ത​രീ​തി സ്വീക​രി​ക്കണം.”

എയ്‌ഡ്‌സ്‌ ഒരു സാധാരണ പദമാ​യി​ത്തീ​രു​ന്ന​തി​നു ദീർഘ​നാൾ മുമ്പേ ബൈബിൾ കുത്തഴിഞ്ഞ ലൈം​ഗി​ക​തയെ കുറ്റം​വി​ധി​ക്കു​ക​യും ലൈം​ഗി​ക​ശു​ദ്ധി​യും ആത്മനി​യ​ന്ത്ര​ണ​വും ദാമ്പത്യ​വി​ശ്വ​സ്‌ത​ത​യും പ്രോ​ത്സാ​ഹി​പ്പി​ക്കു​ക​യും ചെയ്‌തു. (സദൃശ​വാ​ക്യ​ങ്ങൾ 5:18-20; 1 കൊരി​ന്ത്യർ 6:18) ഈ തത്ത്വങ്ങൾ പിൻപ​റ്റി​യാൽ എയ്‌ഡ്‌സിൽനി​ന്നും മറ്റു രതിജ​രോ​ഗ​ങ്ങ​ളിൽനി​ന്നും ഗണ്യമായ അളവിൽ സംരക്ഷണം ലഭിക്കു​മെ​ന്നു​ള്ള​തിന്‌ ആഫ്രി​ക്ക​യി​ലെ ലക്ഷക്കണ​ക്കി​നു യഹോ​വ​യു​ടെ സാക്ഷി​കൾക്കു നേരി​ട്ടുള്ള തെളിവു നൽകാൻ സാധി​ക്കും. ബൈബിൾ നിലവാ​ര​ങ്ങ​ളോ​ടുള്ള അവരുടെ പറ്റിനിൽപ്പ്‌ ക്രൈ​സ്‌ത​വ​ലോ​കത്തെ യഥാർഥ​ത്തിൽ കുറ്റം​വി​ധി​ക്കു​ന്നു. ഈ യഥാർഥ ക്രിസ്‌ത്യാ​നി​കൾ “നീതി വസിക്കാ​നി​രി​ക്കുന്ന” വരാൻപോ​കുന്ന പുതിയ ലോക​ത്തിൽ തങ്ങളുടെ പ്രത്യാശ വെക്കു​ക​യും ചെയ്യുന്നു. (2 പത്രൊസ്‌ 3:13) വിശ്വാ​സ​മുള്ള മനുഷ്യർക്ക്‌ എയ്‌ഡ്‌സ്‌ പ്രതി​സ​ന്ധി​യിൽനി​ന്നുള്ള അന്തിമ​മായ പരിഹാ​ര​മാണ്‌ അത്‌.

[അടിക്കു​റി​പ്പു​കൾ]

[20-ാം പേജിലെ ആകർഷ​ക​വാ​ക്യം]

“ഗ്രാമ​പ്ര​ദേ​ശ​ത്തി​ന്റെ പല ഭാഗങ്ങ​ളി​ലും, . . . പുരോ​ഹി​ത​ന്മാ​രും ബിഷപ്പു​മാ​രും ബഹുഭാ​ര്യ​രാണ്‌.”—ദ ന്യൂ​യോർക്ക്‌ ടൈംസ്‌

[20-ാം പേജിലെ ചിത്രം]

ആഫ്രിക്കയിൽ ക്രൈ​സ്‌ത​വ​ലോ​ക​ത്തി​ലെ പുരോ​ഹി​ത​ന്മാ​രു​ടെ മോശ​മായ മാതൃക കുത്തഴിഞ്ഞ ലൈം​ഗി​ക​ത​യെന്ന പകർച്ച​വ്യാ​ധി​ക്കു പ്രോ​ത്സാ​ഹ​ന​മേ​കി​യി​രി​ക്കു​ന്നു

[21-ാം പേജിലെ ചിത്രം]

“ക്രിസ്‌തീയ” രാഷ്ട്രങ്ങൾ കയറ്റു​മതി ചെയ്യുന്ന അധാർമിക വിനോ​ദ​ങ്ങൾക്കു വിധേ​യ​രാണ്‌ കുട്ടികൾ