സ്‌ത്രീ​കൾ—ഏറെക്കാ​ലം ജീവി​ക്കു​ന്നെ​ങ്കി​ലും അവരുടെ ജീവിതം അവശ്യം മെച്ചമല്ല

ലോക​മെ​മ്പാ​ടു​മുള്ള സ്‌ത്രീ​കൾ താമസി​ച്ചു വിവാ​ഹി​ത​രാ​കു​ന്നു, കുട്ടി​ക​ളു​ടെ എണ്ണം കുറയു​ന്നു, കൂടുതൽ കാലം ജീവി​ക്കു​ക​യും ചെയ്യുന്നു. “സ്‌ത്രീ​ക​ളു​ടെ ജീവി​ത​രീ​തി​ക​ളിൽ മാറ്റം വന്നു​കൊ​ണ്ടി​രി​ക്കു​ന്നു” എന്ന്‌ യുനെ​സ്‌കോ സോഴ്‌സസ്‌ എന്ന മാസിക റിപ്പോർട്ടു ചെയ്യുന്നു. 1970-നും 1990-നും ഇടയിൽ, സ്‌ത്രീ​കൾക്ക്‌ ജനനസ​മ​യത്ത്‌ പ്രതീ​ക്ഷി​ച്ചി​രുന്ന ആയുർ​ദൈർഘ്യം വികസിത ലോകത്ത്‌ നാലു വർഷവും വികസ്വര രാജ്യ​ങ്ങ​ളിൽ ഏതാണ്ട്‌ ഒമ്പതു വർഷവും​കണ്ടു വർധിച്ചു. “ഇതിന്റെ അർഥം വികസിത പ്രദേ​ശ​ങ്ങ​ളിൽ ഇന്ന്‌ സ്‌ത്രീ​കൾ പുരു​ഷ​ന്മാ​രെ​ക്കാൾ ശരാശരി 6.5 വർഷം കൂടുതൽ ജീവി​ക്കു​ന്നു​വെ​ന്നാണ്‌. വികസ്വര രാജ്യ​ങ്ങ​ളി​ലെ വ്യത്യാ​സം, ലാറ്റി​ന​മേ​രി​ക്ക​യി​ലും കരീബി​യ​നി​ലും അഞ്ചു വർഷവും ആഫ്രി​ക്ക​യിൽ 3.5 വർഷവും ഏഷ്യയി​ലും പസഫി​ക്കി​ലും മൂന്നു വർഷവു​മാണ്‌.”

എന്നുവ​രി​കി​ലും, അനേകം സ്‌ത്രീ​കളെ സംബന്ധി​ച്ചി​ട​ത്തോ​ളം, ആയുസ്സു മെച്ച​പ്പെ​ട്ടു​വെ​ന്ന​തി​നു ജീവിതം മെച്ച​പ്പെട്ടു എന്നർഥ​മില്ല. ഐക്യ​രാ​ഷ്‌ട്ര സംഘട​ന​യു​ടെ നമ്മുടെ ഗ്രഹം (ഇംഗ്ലീഷ്‌) എന്ന മാസിക, ലോക​ത്തി​ലെ ബഹുഭൂ​രി​പക്ഷം സ്‌ത്രീ​കൾക്കും അടിസ്ഥാന മനുഷ്യാ​വ​കാ​ശങ്ങൾ ഇപ്പോ​ഴും “തങ്ങളൊ​രി​ക്ക​ലും രുചിച്ചു നോക്കി​യി​ട്ടി​ല്ലാത്ത കേക്കിനു മുകളി​ലെ ഐസി​ങ്ങാണ്‌. ഇപ്പോ​ഴും അവർ അലങ്കാ​ര​മി​ല്ലാത്ത സാധാരണ അപ്പവും വെള്ളവും സമ്പാദി​ക്കാൻ ആഗ്രഹി​ക്കു​ന്നു.” എന്നിട്ടും, ലോക​ത്തി​ലെ നിരക്ഷ​ര​രും അഭയാർഥി​ക​ളും ദരി​ദ്ര​രു​മായ ആളുക​ളിൽ ബഹുഭൂ​രി​പ​ക്ഷ​വും സ്‌ത്രീ​ക​ളാ​യ​തി​നാൽ, കോടി​കൾക്കു തങ്ങളുടെ അടിസ്ഥാന അവകാ​ശ​ങ്ങൾപോ​ലും പിടി​യി​ലൊ​തു​ങ്ങു​ന്നതല്ല എന്നു യുഎൻ പറയുന്നു. യുനെ​സ്‌കോ സോഴ്‌സസ്‌ ഇങ്ങനെ ഉപസം​ഹ​രി​ച്ചു, ഏതാനും ചില പുരോ​ഗ​തി​ക​ളൊ​ഴി​ച്ചാൽ, “സ്‌ത്രീ​ക​ളു​ടെ ആകമാന ഭാവി​പ്ര​തീക്ഷ . . . ഇരുള​ട​ഞ്ഞ​താ​യി കാണ​പ്പെ​ടു​ന്നു.”