ദൈവ​ത്തി​ന്റെ പേരിൽ അരും​കൊ​ല

ഫ്രാൻസിലെ ഉണരുക! ലേഖകൻ

“ദൈവ​ത്തി​ന്റെ പേരിൽ ഞങ്ങൾ കൊല്ലും, കൊന്നു​കൊ​ണ്ടേ​യി​രി​ക്കും”

മേൽപ്പറഞ്ഞ തലക്കെ​ട്ടിൻ കീഴിൽ ഇന്റർനാ​ഷണൽ ഹെറാൾഡ്‌ ട്രിബ്യൂൺ ഇങ്ങനെ അഭി​പ്രാ​യ​പ്പെട്ടു: “ഇടയ്‌ക്കി​ട​യ്‌ക്ക്‌ കാണാ​റുള്ള ശുഭാ​പ്‌തി​വി​ശ്വാ​സി​കൾ, ഏതൊരു മുൻ നൂറ്റാ​ണ്ടി​നെ​യും പോ​ലെ​തന്നെ ഈ നൂറ്റാ​ണ്ടി​നെ​യും പ്രബു​ദ്ധ​മെന്നു കരുതാൻ ഇഷ്ടപ്പെ​ടു​ന്നു. എങ്കിലും, ദൈവ​ത്തി​ന്റെ പേരിൽ അന്യോ​ന്യം കൊ​ന്നൊ​ടു​ക്കാ​നുള്ള മമനു​ഷ്യ​ന്റെ മാരക​മായ പ്രവണത ഈ നൂറ്റാ​ണ്ടി​നു കളങ്കം ചാർത്തി​യി​രി​ക്കു​ന്നു.”

ആദിമ നൂറ്റാ​ണ്ടു​ക​ളി​ലെ മതകൂ​ട്ട​ക്കൊ​ല​ക​ളു​ടെ ഉദാഹ​ര​ണങ്ങൾ ആ എഴുത്തു​കാ​രൻ പരാമർശി​ക്കു​ക​യു​ണ്ടാ​യി. എന്നിട്ട്‌, 20-ാം നൂറ്റാ​ണ്ടി​ലെ കൂട്ട​ക്കൊ​ല​ക​ളി​ലേക്കു വിരൽ ചൂണ്ടി​ക്കൊണ്ട്‌ അദ്ദേഹം ഇങ്ങനെ ഉപസം​ഹ​രി​ച്ചു: “നാം കാണു​ന്നത്‌ കഴിഞ്ഞു​പോയ യുഗങ്ങ​ളി​ലെ കിരാ​ത​മായ അസഹി​ഷ്‌ണു​ത​യു​ടെ ഭീതി​ദ​മായ തുടർച്ച​യാണ്‌. രാഷ്‌ട്രീയ അക്രമ​ത്തി​നും പ്രദേ​ശങ്ങൾ വെട്ടി​പ്പി​ടി​ക്കു​ന്ന​തി​നു​മുള്ള ന്യായീ​ക​ര​ണ​മാ​യി നില​കൊ​ള്ളു​ന്നു ആരാധന.”

പുരാതന ഇസ്രാ​യേ​ല്യർ കനാന്യ​രെ കൊന്നതു ദൈവം അംഗീ​ക​രി​ച്ചു​വെന്നു പറഞ്ഞു​കൊണ്ട്‌ ഇന്നത്തെ മതയു​ദ്ധ​ങ്ങളെ ന്യായീ​ക​രി​ക്കാൻ ചിലർ ശ്രമി​ക്കു​ന്നു. എന്നാൽ, ക്രിസ്‌ത്യാ​നി​ക​ളെന്ന്‌ അവകാ​ശ​പ്പെ​ടു​ന്ന​വർക്ക്‌ ഇന്നു യുദ്ധം ചെയ്യാ​നുള്ള ന്യായീ​ക​ര​ണ​മ​ല്ലത്‌. എന്തു​കൊണ്ട്‌? കടുത്ത അധാർമി​ക​ത​യും ശിശു​ബ​ലി​യും ആരാധ​ന​യു​ടെ ഭാഗമാ​ക്കി​യി​രുന്ന, ഭൂതാ​രാ​ധന നടത്തി​യി​രുന്ന, ആളുകൾക്കെ​തി​രെ തന്റെ നീതി​യുള്ള ന്യായ​വി​ധി​കൾ നടപ്പാ​ക്കു​ന്ന​വ​രെന്ന നിലയിൽ പ്രവർത്തി​ക്കാൻ ദൈവം ഇസ്രാ​യേ​ല്യർക്കു നേരിട്ടു നിർദേശം നൽകി​യി​രു​ന്നു.—ആവർത്ത​ന​പു​സ്‌തകം 7:1-5; 2 ദിനവൃ​ത്താ​ന്തം 28:3.

ദൈവം ഇസ്രാ​യേൽ ജനതയ്‌ക്കു നൽകിയ അത്ഭുത​ക​ര​മായ വിജയങ്ങൾ, ആ പുരാതന ജനത നടത്തിയ യുദ്ധങ്ങൾ സാധാരണ പോരാ​ട്ട​ങ്ങ​ളാ​യി​രു​ന്നില്ല എന്നതിന്റെ ഒരു തെളി​വാണ്‌. ഉദാഹ​ര​ണ​ത്തിന്‌, ഒരു​പ്ര​കാ​ര​ത്തി​ലും സാധാ​ര​ണ​ഗ​തി​യി​ലുള്ള യുദ്ധോ​പ​ക​ര​ണ​ങ്ങ​ള​ല്ലാ​തി​രുന്ന കാഹളങ്ങൾ, കുടങ്ങൾ, പന്തങ്ങൾ എന്നിവ ഉപയോ​ഗി​ക്കാൻ പുരാതന ഇസ്രാ​യേ​ല്യ​രോ​ടു നിർദേ​ശി​ച്ചി​രു​ന്നു! മറ്റൊ​ര​വ​സ​ര​ത്തിൽ, അനേക രാഷ്‌ട്ര​ങ്ങ​ളിൽനി​ന്നുള്ള ആക്രമ​ണ​കാ​രി​ക​ളായ സൈനി​ക​ര​ട​ങ്ങുന്ന ഒരു വമ്പിച്ച സേനയെ അഭിമു​ഖീ​ക​രിച്ച ഇസ്രാ​യേല്യ സൈന്യ​ത്തി​ന്റെ മുമ്പിൽ നിലയു​റ​പ്പി​ച്ചി​രു​ന്നതു ഗായക​രാ​യി​രു​ന്നു.—ന്യായാ​ധി​പ​ന്മാർ 7:17-22; 2 ദിനവൃ​ത്താ​ന്തം 20:10-26.

തന്നെയു​മല്ല, ദൈവം ആവശ്യ​പ്പെ​ടാത്ത യുദ്ധങ്ങ​ളിൽ ഇസ്രാ​യേ​ല്യർ ചില​പ്പോ​ഴൊ​ക്കെ ഏർപ്പെ​ട്ട​പ്പോൾ അവരു​ടെ​മേൽ അവന്റെ അനു​ഗ്ര​ഹ​മു​ണ്ടാ​യി​രു​ന്നി​ല്ലെന്നു മാത്രമല്ല, അവർ പരാജ​യ​പ്പെ​ടു​ക​യും ചെയ്‌തു. (ആവർത്ത​ന​പു​സ്‌തകം 28:15, 25; ന്യായാ​ധി​പ​ന്മാർ 2:11-14; 1 ശമൂവേൽ 4:1-3, 10, 11) അതു​കൊണ്ട്‌, ക്രൈ​സ്‌ത​വ​ലോ​ക​ത്തിൽ നടക്കുന്ന യുദ്ധങ്ങളെ ന്യായീ​ക​രി​ക്കാ​നുള്ള അടിസ്ഥാ​ന​മാ​യി ഇസ്രാ​യേ​ല്യ​രു​ടെ യുദ്ധങ്ങളെ ഉപയോ​ഗി​ക്കാൻ പാടില്ല.

മതത്തിന്റെ പേരിൽ, ഹിന്ദുക്കൾ മുസ്ലീ​ങ്ങൾക്കും സിക്കു​കാർക്കു​മെ​തി​രെ പോരാ​ടി​യി​ട്ടുണ്ട്‌; ഷിയാ മുസ്ലീങ്ങൾ സുന്നി മുസ്ലീ​ങ്ങൾക്കെ​തി​രെ പോരാ​ടി​യി​ട്ടുണ്ട്‌; ശ്രീല​ങ്ക​യിൽ ബുദ്ധമ​ത​ക്കാ​രും ഹിന്ദു​ക്ക​ളും പരസ്‌പരം കശാപ്പു ചെയ്‌തി​ട്ടുണ്ട്‌.

ദൈവ​ത്തി​ന്റെ പേരിൽ അരും​കൊ​ല​യി​ലേർപ്പെ​ട്ട​തി​ന്റെ തനതായ ഉദാഹ​ര​ണ​ങ്ങ​ളാ​യി​രു​ന്നു 16-ാം നൂറ്റാ​ണ്ടിൽ ഫ്രാൻസിൽ അരങ്ങേ​റിയ യുദ്ധങ്ങൾ. യൂറോ​പ്പി​ലെ റോമൻ കത്തോ​ലി​ക്കാ മതത്തി​ന്റെ​യും പ്രൊ​ട്ട​സ്റ്റൻറ്‌ മതത്തി​ന്റെ​യും ചരി​ത്ര​ത്തി​ലെ ഏറ്റവു​മ​ധി​കം രക്തപങ്കി​ല​മായ പേജു​ക​ളി​ലാണ്‌ ഈ യുദ്ധങ്ങ​ളു​ടെ കഥ ഉറങ്ങു​ന്നത്‌. ഈ യുദ്ധങ്ങളെ നമു​ക്കൊ​ന്നു പരി​ശോ​ധിച്ച്‌ അവയിൽനിന്ന്‌ എന്തു പഠിക്കാൻ കഴിയു​മെന്നു കാണാം.

[3-ാം പേജിലെ ചിത്ര​ത്തിന്‌ കടപ്പാട്‌]

U.S. Army photo