“പാഷണ്ഡി”യുടെ വിചാ​ര​ണ​യും വധനിർവ​ഹ​ണ​വും

ഇറ്റലി​യി​ലെ ഉണരുക! ലേഖകൻ

ഭീതി​ദ​മായ കോട​തി​മു​റി. ഒരു വശത്ത്‌ ഗംഭീ​ര​മായ ഉന്നത ന്യായ​പീ​ഠം. മധ്യത്തി​ലുള്ള അധ്യക്ഷന്റെ ഇരിപ്പി​ടം തുണി​കൊ​ണ്ടുള്ള ഇരുണ്ട മേലാ​പ്പു​കൊണ്ട്‌ ആവരണം ചെയ്‌തി​രി​ക്കു​ന്നു. മീതെ മുഴു കോട​തി​മു​റി​യി​ലും അധീശ​ത്വം പുലർത്തുന്ന വലി​യൊ​രു മരക്കു​രിശ്‌. അധ്യക്ഷന്റെ ഇരിപ്പി​ട​ത്തി​നു മുമ്പാകെ പ്രതി​ക്കൂട്‌.

രൗദ്ര​മാ​യ കത്തോ​ലി​ക്കാ മതവി​ചാ​രണ കോട​തി​കൾ മിക്ക​പ്പോ​ഴും ഇപ്രകാ​ര​മാ​ണു വർണി​ക്ക​പ്പെ​ട്ടി​ട്ടു​ള്ളത്‌. ഹതഭാ​ഗ്യ​രായ പ്രതി​കൾക്കെ​തി​രാ​യുള്ള ഭീതിദ കുറ്റാ​രോ​പ​ണ​മോ, “പാഷണ്ഡത.” സ്‌തം​ഭ​ത്തിൽ ചുട്ടെ​രി​ച്ചുള്ള പീഡന​ത്തി​ന്റെ​യും വധനിർവ​ഹ​ണ​ത്തി​ന്റെ​യും ചിത്ര​ങ്ങളെ മനസ്സി​ലേക്ക്‌ ആനയി​ക്കുന്ന ഒരു പദമാ​ണത്‌. പാഷണ്ഡ​തയെ, അതായത്‌ യാഥാ​സ്ഥി​തിക റോമൻ കത്തോ​ലി​ക്കാ ഉപദേ​ശ​ത്തി​നു നിരക്കാത്ത ആശയങ്ങളെ അല്ലെങ്കിൽ ഉപദേ​ശ​ങ്ങളെ, ഇല്ലായ്‌മ ചെയ്യാൻ സ്ഥാപിച്ച ഒരു സവിശേഷ സഭാ​കോ​ട​തി​യാ​യി​രു​ന്നു മതവി​ചാ​രണ (“ചുഴി​ഞ്ഞ​ന്വേ​ഷി​ക്കുക” എന്നർഥ​മുള്ള ഇൻക്വ​യ​റോ എന്ന ലത്തീൻ പദത്തിൽനി​ന്നു വന്നത്‌).

ഘട്ടംഘ​ട്ട​മാ​യാണ്‌ അത്‌ ഏർപ്പെ​ടു​ത്തി​യ​തെന്നു കത്തോ​ലി​ക്കാ ഉറവി​ടങ്ങൾ പ്രസ്‌താ​വി​ക്കു​ന്നു. 1184-ൽ വെറോ​നാ കൗൺസി​ലിൽവെച്ച്‌ ലൂഷി​യസ്‌ മൂന്നാമൻ പാപ്പാ​യാ​ണു മതവി​ചാ​രണ ഏർപ്പെ​ടു​ത്തി​യത്‌. അതിന്റെ ഘടനയു​ടെ​യും നടപടി​ക്ര​മ​ങ്ങ​ളു​ടെ​യും ശുദ്ധീ​ക​രണം—ഭീതി​ജ​ന​ക​മായ ആ പ്രസ്ഥാ​നത്തെ വർണി​ക്കാൻ അത്തര​മൊ​രു വാക്ക്‌ ഉപയോ​ഗി​ക്കാൻ കഴിയു​മെ​ങ്കിൽ—മറ്റു പാപ്പാ​മാർ നിർവ​ഹി​ച്ചു. 13-ാം നൂറ്റാ​ണ്ടിൽ ഗ്രിഗറി ഒൻപതാ​മൻ പാപ്പാ യൂറോ​പ്പി​ന്റെ വ്യത്യസ്‌ത ഭാഗങ്ങ​ളിൽ മതവി​ചാ​രണ കോട​തി​കൾ സ്ഥാപിച്ചു.

ഭരണ പരമാ​ധി​കാ​രി​ക​ളായ ഫെർഡി​നാൻഡി​ന്റെ​യും ഇസ്സബെ​ല്ല​യു​ടെ​യും അഭ്യർഥ​ന​യ​നു​സ​രിച്ച്‌ സിക്‌സ്റ്റസ്‌ നാലാമൻ പാപ്പാ പുറ​പ്പെ​ടു​വിച്ച കൽപ്പന​പ്ര​കാ​രം 1478-ൽ കുപ്ര​സിദ്ധ സ്‌പാ​നിഷ്‌ മതവി​ചാ​രണ ഏർപ്പെ​ടു​ത്തി. മറാ​നോ​കൾ അഥവാ പീഡന​ത്തിൽനി​ന്നു രക്ഷപ്പെ​ടാൻവേണ്ടി കത്തോ​ലി​ക്കാ മതത്തി​ലേക്കു പരിവർത്തനം ചെയ്‌ത​വ​രാ​യി നടിച്ച യഹൂദൻമാർ, അതേ കാരണ​ത്താൽ കത്തോ​ലി​ക്കാ മതത്തി​ലേക്കു പരിവർത്തനം ചെയ്‌ത മാറി​സ്‌കോ​കൾ എന്നറി​പ്പെ​ടുന്ന മുസ്ലീങ്ങൾ, സ്‌പെ​യി​നി​ലെ പാഷണ്ഡി​കൾ എന്നിവരെ നേരി​ടാ​നാണ്‌ അത്‌ ഏർപ്പെ​ടു​ത്തി​യത്‌. സ്‌പെ​യി​നി​ലെ ആദ്യത്തെ മുഖ്യ മതവി​ചാ​ര​ണ​ക്കാ​ര​നായ റ്റോമാസ്‌ ഡെ റ്റോർക്ക​മാ​ഡ​യു​ടെ ഭ്രാന്ത​മായ തീക്ഷ്‌ണത നിമിത്തം അദ്ദേഹം മതവി​ചാ​ര​ണ​യു​ടെ ഏറ്റവും നിന്ദ്യ​മായ പ്രത്യേ​ക​ത​ക​ളു​ടെ പ്രതീ​ക​മാ​യി​ത്തീർന്നു.

1542-ൽ പോൾ മൂന്നാമൻ പാപ്പാ റോമൻ മതവി​ചാ​രണ ഏർപ്പെ​ടു​ത്തി. അതിനു മുഴു കത്തോ​ലി​ക്കാ ലോക​ത്തിൻമേ​ലും അധികാ​ര​മു​ണ്ടാ​യി​രു​ന്നു. വിശുദ്ധ റോമൻ-സാർവ​ദേ​ശീയ മതവി​ചാ​ര​ണ​യു​ടെ സഭ എന്ന്‌ വിളി​ക്ക​പ്പെ​ടുന്ന, ആറ്‌ കർദി​നാൾമാ​രു​ടെ ഒരു കേന്ദ്ര കോടതി അദ്ദേഹം സ്ഥാപിച്ചു. “മുഴു റോമി​നെ​യും ഭയം​കൊ​ണ്ടു​നി​റച്ച ഒരു ഭീതിദ ഭരണകൂട”മായി​ത്തീർന്നു ആ സഭാ സംഘം. (ഡിറ്റ്‌സി​യോ​നാ​രി​യോ എൻചി​ക്ലോ​പീ​ഡി​കോ ഇറ്റാലി​യാ​നോ) കത്തോ​ലി​ക്കാ വൈദി​ക​ഭ​ര​ണ​ത്തി​നു പരമാ​ധി​കാ​ര​മു​ണ്ടാ​യി​രുന്ന രാജ്യ​ങ്ങ​ളിൽ പാഷണ്ഡി​ക​ളു​ടെ വധനിർവ​ഹണം ഭീതി വിതച്ചു.

വിചാ​ര​ണ​യും ഓട്ടോ​ഡ​ഫെ​യും

പാഷണ്ഡത ആരോ​പി​ക്ക​പ്പെ​ട്ട​വരെ കുറ്റസ​മ്മതം നടത്തി​ക്കാ​നാ​യി മതവി​ചാ​ര​ണ​ക്കാർ പീഡി​പ്പി​ച്ചു​വെന്നു ചരിത്രം സ്ഥിരീ​ക​രി​ക്കു​ന്നു. മതവി​ചാ​ര​ണ​ക്കാ​രു​ടെ അപരാധം ലഘൂക​രി​ക്കാ​നുള്ള ശ്രമത്തി​ന്റെ ഭാഗമാ​യി, മതേതര കോട​തി​ക​ളി​ലും ആ കാലത്ത്‌ പീഡനം സർവസാ​ധാ​ര​ണ​മാ​യി​രു​ന്ന​താ​യി കത്തോ​ലി​ക്കാ വ്യാഖ്യാ​താ​ക്കൾ എഴുതി​പ്പി​ടി​പ്പി​ച്ചി​രി​ക്കു​ന്നു. എന്നാൽ ക്രിസ്‌തു​വി​ന്റെ പ്രതി​നി​ധി​ക​ളെന്ന്‌ അവകാ​ശ​പ്പെട്ട ശുശ്രൂ​ഷ​ക​ന്മാ​രു​ടെ അത്തരം പ്രവർത്ത​ന​ങ്ങളെ അതു ന്യായീ​ക​രി​ക്കു​ന്നു​വോ? ക്രിസ്‌തു തന്റെ ശത്രു​ക്ക​ളോ​ടു കാണിച്ച അനുകമ്പ അവർ പ്രകട​മാ​ക്കേ​ണ്ട​ത​ല്ലാ​യി​രു​ന്നോ? ഇതിനെ വസ്‌തു​നി​ഷ്‌ഠ​മാ​യി വീക്ഷി​ക്കു​ന്ന​തിന്‌ ലളിത​മാ​യൊ​രു ചോദ്യം നമുക്കു പരിചി​ന്തി​ക്കാ​വു​ന്ന​താണ്‌: തന്റെ പഠിപ്പി​ക്ക​ലു​ക​ളോ​ടു വിയോ​ജി​ച്ച​വരെ ക്രിസ്‌തു​യേശു പീഡി​പ്പി​ക്കു​മാ​യി​രു​ന്നോ? യേശു പറഞ്ഞു: “നിങ്ങളു​ടെ ശത്രു​ക്കളെ സ്‌നേ​ഹി​പ്പിൻ; നിങ്ങളെ പകെക്കു​ന്ന​വർക്കു ഗുണം ചെയ്‌വിൻ.”—ലൂക്കൊസ്‌ 6:27.

ആരോപണ വിധേ​യ​നാ​യ​വനു മതവി​ചാ​രണ യാതൊ​രു നീതി​യും ഉറപ്പു​നൽകി​യില്ല. മതവി​ചാ​ര​ണ​ക്കാ​രനു ഫലത്തിൽ അപരി​മി​ത​മായ അധികാ​രങ്ങൾ ഉണ്ടായി​രു​ന്നു. “മതവി​ചാ​ര​ണ​ക്കാ​രന്‌ ഒരു വ്യക്തിയെ തന്റെ മുമ്പാകെ വിളി​ച്ചു​വ​രു​ത്തു​ന്ന​തിന്‌ സംശയ​മോ, ആരോ​പ​ണ​ങ്ങ​ളോ, കേട്ടു​കേ​ഴ്‌വി​പോ​ലു​മോ മതിയാ​യി​രു​ന്നു.” (എൻ​ചൈ​ക്ലോ​പീ​ഡി​യാ കാറ്റോ​ലി​ക്കാ) റോമാ​ക്കാർ ഏർപ്പെ​ടു​ത്തിയ പുരാതന ആരോപണ നീതി​സ​മ്പ്ര​ദാ​യം ഉപേക്ഷിച്ച്‌ അന്വേഷണ നീതി​സ​മ്പ്ര​ദാ​യം ആരംഭി​ക്കു​ക​യും സ്വീക​രി​ക്കു​ക​യും ചെയ്‌തതു കത്തോ​ലി​ക്കാ വൈദി​ക​ഭ​ര​ണം​തന്നെ ആയിരു​ന്നു​വെന്നു നിയമ ചരി​ത്ര​കാ​ര​നായ ഇറ്റാലോ മിറോ​യി സ്ഥിരീ​ക​രി​ക്കു​ന്നു. ആരോ​പകൻ തന്റെ ആരോ​പ​ണങ്ങൾ തെളി​യി​ക്ക​ണ​മെന്നു റോമൻ നിയമം ആവശ്യ​പ്പെട്ടു. കുറ്റം സംബന്ധിച്ച്‌ എന്തെങ്കി​ലും സംശയ​മു​ണ്ടാ​യി​രു​ന്നെ​ങ്കിൽ, നിരപ​രാ​ധി​യാ​യി​രുന്ന ഒരുവനെ കുറ്റം​വി​ധി​ക്കു​ന്ന​തി​ന്റെ അപകടം ക്ഷണിച്ചു​വ​രു​ത്തു​ന്ന​തി​നെ​ക്കാൾ മെച്ചം അയാളെ വെറു​തെ​വി​ടു​ന്ന​താ​യി​രു​ന്നു. കത്തോ​ലി​ക്കാ വൈദി​ക​ഭ​രണം ഈ മൗലിക തത്ത്വത്തി​ന്റെ സ്ഥാനത്ത്‌ സംശയ​ത്താൽ മുൻനിർണ​യി​ക്ക​പ്പെട്ട കുറ്റം എന്ന ആശയം സ്ഥാപിച്ചു. തന്റെ നിരപ​രാ​ധി​ത്വം തെളി​യി​ക്കേ​ണ്ടതു പ്രതി​യാ​യി​രു​ന്നു. പ്രോ​സി​ക്യൂ​ഷൻ സാക്ഷി​ക​ളു​ടെ (ഒറ്റി​ക്കൊ​ടു​ക്കു​ന്ന​വ​രു​ടെ) പേരുകൾ രഹസ്യ​മാ​യി സൂക്ഷി​ച്ചി​രു​ന്നു. പ്രതി​ഭാ​ഗത്ത്‌ ഒരു വക്കീൽ ഉള്ളപ്പോൾ, പാഷണ്ഡി​യെന്നു കരുത​പ്പെ​ടു​ന്നവൻ കുറ്റക്കാ​ര​ന​ല്ലെന്നു വക്കീൽ വിജയ​പ്ര​ദ​മാ​യി സ്ഥാപി​ച്ചാൽ അയാൾക്കു ദുഷ്‌കീർത്തി​യും സ്ഥാനന​ഷ്ട​വും ഉണ്ടാകാ​മാ​യി​രു​ന്നു. തത്‌ഫ​ല​മാ​യി, “ആരോ​പ​ണ​വി​ധേയർ വാസ്‌ത​വ​ത്തിൽ പ്രതി​രോ​ധ​ര​ഹി​ത​രാ​യി​രു​ന്നു. കുറ്റമാ​രോ​പി​ക്ക​പ്പെ​ട്ട​വനെ കുറ്റസ​മ്മതം നടത്താൻ ഉപദേ​ശി​ക്കാൻ മാത്രമേ വക്കീലി​നു കഴിഞ്ഞി​രു​ന്നു​ള്ളൂ” എന്ന്‌ എൻ​ചൈ​ക്ലോ​പീ​ഡി​യാ കാറ്റോ​ലി​ക്കാ സമ്മതി​ക്കു​ന്നു!

“വിശ്വാസ പ്രവൃത്തി” എന്നർഥ​മുള്ള ഒരു പോർച്ചു​ഗീസ്‌ പദപ്ര​യോ​ഗ​ത്തിൽനി​ന്നു​വന്ന ഓട്ടോ​ഡ​ഫെ​യിൽ വിചാരണ പര്യവ​സാ​നി​ച്ചി​രു​ന്നു. അതെന്താ​യി​രു​ന്നു? ആ കാലത്തെ ചിത്ര​ര​ച​നകൾ, പാഷണ്ഡത ആരോ​പി​ക്ക​പ്പെട്ട പ്രതികൾ ഭീതി​ദ​മായ ഒരു പരിഹാസ പ്രദർശ​ന​ത്തി​നു വിധേ​യ​രാ​യതു കാണി​ക്കു​ന്നു. തങ്ങളുടെ കുറ്റവി​ധി വായിച്ച ശേഷം, “കുറ്റം വിധി​ക്ക​പ്പെ​ടു​ക​യും പശ്ചാത്ത​പി​ക്കു​ക​യും ചെയ്‌ത പാഷണ്ഡി​കൾ നടത്തുന്ന പരസ്യ​മായ അനുര​ഞ്‌ജന പ്രവർത്തനം” എന്ന്‌ ഓട്ടോ​ഡ​ഫെയെ ഡിറ്റ്‌സി​യോ​നാ​രി​യോ എക്ലെസി​യാ​സ്റ്റി​കോ നിർവ​ചി​ക്കു​ന്നു.

വർഷത്തിൽ രണ്ടോ അതില​ധി​ക​മോ തവണ നടത്തി​യി​രുന്ന ഭയവി​ഹ്വ​ല​മായ പരസ്യ​പ്ര​ദർശ​ന​ങ്ങൾക്ക്‌ പാഷണ്ഡി​ക​ളാ​യി കുറ്റം​വി​ധി​ക്ക​പ്പെട്ട ഒട്ടേ​റെ​പ്പേരെ ഒന്നിച്ചു പങ്കെടു​പ്പി​ക്കാ​നാ​യി അവരുടെ കുറ്റം​വി​ധി​ക്ക​ലും വധനിർവ​ഹ​ണ​വും മാറ്റി​വെ​ച്ചി​രു​ന്നു. ഭീതി​യു​ടേ​തും ക്രൂര​മായ ആനന്ദത്തി​ന്റേ​തു​മായ സമ്മി​ശ്ര​വി​കാ​ര​ങ്ങ​ളോ​ടെ നിരീ​ക്ഷ​ക​രാ​യി പങ്കെടു​ത്തി​രു​ന്ന​വ​രു​ടെ മുമ്പാകെ പാഷണ്ഡി​ക​ളു​ടെ ദീർഘ​മായ ഘോഷ​യാ​ത്ര നടത്തി​യി​രു​ന്നു. കുറ്റം​വി​ധി​ക്ക​പ്പെ​ട്ട​വരെ നഗരമു​ക്കി​ലെ മൈതാ​ന​ത്തുള്ള പ്ലാറ്റ്‌ഫാ​റ​ത്തിൽ കയറ്റി​യിട്ട്‌ അവരുടെ ന്യായ​വി​ധി ഉറക്കെ വായി​ച്ചി​രു​ന്നു. പ്രത്യാ​ഖ്യാ​നം ചെയ്‌ത​വരെ, അതായത്‌ പാഷണ്ഡ ഉപദേ​ശങ്ങൾ ഉപേക്ഷി​ച്ച​വരെ മതഭ്ര​ഷ്ടി​ന്റെ ഭവിഷ്യ​ത്തിൽനി​ന്നു സ്വത​ന്ത്ര​രാ​ക്കി​യിട്ട്‌ അവർക്കു ജീവപ​ര്യ​ന്ത​മുള്ള തടവ്‌ ഉൾപ്പെടെ വ്യത്യസ്‌ത ശിക്ഷകൾ വിധി​ച്ചി​രു​ന്നു. പ്രത്യാ​ഖ്യാ​നം ചെയ്യാ​ത്ത​വരെ, എന്നാൽ അവസാന നിമിഷം ഒരു പുരോ​ഹി​ത​നോ​ടു കുറ്റം ഏറ്റുപ​റ​ഞ്ഞ​വരെ കഴുത്തു​ഞെ​രി​ച്ചു കൊല്ലു​ക​യോ തൂക്കി​ക്കൊ​ല്ലു​ക​യോ ശിര​ച്ഛേദം നടത്തു​ക​യോ ചെയ്‌ത്‌ ചുട്ടെ​രി​ക്കാൻവേണ്ടി സിവി​ല​ധി​കാ​രി​കളെ ഏൽപ്പി​ച്ചി​രു​ന്നു. പശ്ചാത്ത​പി​ക്കാ​ത്ത​വരെ ജീവ​നോ​ടെ ചുട്ടെ​രി​ക്കു​മാ​യി​രു​ന്നു. കുറെ​ക്ക​ഴിഞ്ഞ്‌, മറ്റൊരു പൊതു​പ്ര​ദർശ​ന​ത്തി​നു ശേഷമേ വധനിർവ​ഹണം നടത്തി​യി​രു​ന്നു​ള്ളൂ.

റോമൻ മതവി​ചാ​രണ പ്രവർത്ത​നങ്ങൾ അങ്ങേയറ്റം രഹസ്യ​മാ​യി​രു​ന്നു. അതിന്റെ റിക്കാർഡു​കൾ പരി​ശോ​ധി​ക്കാൻ പണ്ഡിത​ന്മാർക്ക്‌ ഇന്നു​പോ​ലും അനുവാ​ദ​മില്ല. എന്നാൽ ക്ഷമാപൂർവ​ക​മായ ഗവേഷണം റോമൻ കോടതി വിചാ​ര​ണ​യു​ടെ നിരവധി രേഖകൾ വെളി​ച്ച​ത്തു​കൊ​ണ്ടു​വ​ന്നി​രി​ക്കു​ന്നു. അവയെ​ന്താ​ണു വെളി​പ്പെ​ടു​ത്തു​ന്നത്‌?

ഒരു ബിഷപ്പി​ന്റെ വിചാരണ

16-ാം നൂറ്റാ​ണ്ടി​ന്റെ ആരംഭ​ത്തിൽ ഫ്‌ളോ​റെൻസിൽ ജനിച്ച പിയെ​ട്രോ കാർനെ​സെക്കി, ക്ലമെൻറ്‌ ഏഴാമൻ പാപ്പാ​യു​ടെ അരമന​യി​ലെ വൈദി​ക​വൃ​ത്തി​യിൽ സത്വര പുരോ​ഗ​തി​നേടി. പാപ്പാ അദ്ദേഹത്തെ തന്റെ സെക്ര​ട്ട​റി​യാ​യി നിയമി​ച്ചു. എന്നാൽ പാപ്പാ മരിച്ച​പ്പോൾ കാർനെ​സെ​ക്കി​യു​ടെ പ്രവർത്ത​ന​ഗതി പെട്ടെന്നു നിലച്ചു. പിന്നീട്‌, തന്നെ​പ്പോ​ലെ പ്രൊ​ട്ട​സ്റ്റൻറ്‌ മതനവീ​ക​ര​ണ​ത്തി​ന്റെ ചില ഉപദേ​ശങ്ങൾ സ്വീക​രിച്ച പ്രഭു​ക്കൻമാ​രും വൈദി​ക​രു​മാ​യി അദ്ദേഹം പരിച​യ​ത്തി​ലാ​യി. തത്‌ഫ​ല​മാ​യി, അദ്ദേഹത്തെ മൂന്നു​തവണ വിചാ​ര​ണ​ചെ​യ്‌തു. മരണശി​ക്ഷ​യ്‌ക്കു വിധി​ക്ക​പ്പെട്ട അദ്ദേഹത്തെ ശിര​ച്ഛേദം ചെയ്‌ത്‌ ശരീരം ചുട്ടെ​രി​ച്ചു.

കാർനെ​സെ​ക്കി​യു​ടെ ജയിൽവാ​സത്തെ വ്യാഖ്യാ​താ​ക്കൾ വിരക്ത​ജീ​വി​തം എന്നു വർണിച്ചു. അദ്ദേഹ​ത്തി​ന്റെ ചെറു​ത്തു​നിൽപ്പ്‌ അവസാ​നി​പ്പി​ക്കേ​ണ്ട​തിന്‌ അദ്ദേഹത്തെ പീഡി​പ്പി​ക്കു​ക​യും പട്ടിണി​ക്കി​ടു​ക​യും ചെയ്‌തു. 1567 സെപ്‌റ്റം​ബർ 21-ന്‌ റോമി​ലെ മിക്കവാ​റു​മെല്ലാ കർദി​നാൾമാ​രു​ടെ​യും സാന്നി​ധ്യ​ത്തിൽ അദ്ദേഹ​ത്തി​ന്റെ ഓട്ടോ​ഡഫെ അനുഷ്‌ഠാ​നം നടത്തി. ജനക്കൂ​ട്ട​ത്തി​ന്റെ മുമ്പാകെ പ്ലാറ്റ്‌ഫാ​റ​ത്തിൽവെച്ച്‌ കാർനെ​സെ​ക്കി​യു​ടെ ശിക്ഷാ​വി​ധി അദ്ദേഹത്തെ വായിച്ചു കേൾപ്പി​ച്ചു. ആചാര വചനങ്ങ​ളോ​ടെ​യും, ആ പാഷണ്ഡി​യെ ഏൽപ്പി​ച്ചു​കൊ​ടു​ക്കാ​നി​രുന്ന സിവിൽ കോട​തി​യം​ഗ​ങ്ങ​ളോട്‌, ‘അദ്ദേഹ​ത്തിൻമേൽ മയത്തോ​ടെ ശിക്ഷാ​വി​ധി നടപ്പാ​ക്ക​ണ​മെ​ന്നും അദ്ദേഹത്തെ വധിക്കു​ക​യോ അമിത​മാ​യി രക്തം ചിന്തു​ക​യോ ചെയ്യരു​തെ​ന്നും’ ഉള്ള അപേക്ഷ​യോ​ടെ​യും അത്‌ അവസാ​നി​ച്ചു. അതു തികഞ്ഞ കാപട്യ​മ​ല്ലാ​യി​രു​ന്നോ? പാഷണ്ഡി​കളെ ഉന്മൂല​നം​ചെ​യ്യാൻ മതപരി​വർത്തകർ ആഗ്രഹി​ച്ചു. അതേസ​മ​യം​തന്നെ കരുണ കാണി​ക്കാൻ ലൗകിക അധികാ​രി​ക​ളോട്‌ ആവശ്യ​പ്പെ​ടു​ന്ന​താ​യി അവർ ഭാവിച്ചു. അങ്ങനെ അവർ മുഖം രക്ഷിക്കു​ക​യും രക്തപാ​ത​ക​ക്കു​റ്റം ലൗകിക അധികാ​രി​ക​ളു​ടെ​മേൽ കെട്ടി​വെ​ക്കു​ക​യും ചെയ്‌തു. കാർനെ​സെ​ക്കി​യു​ടെ ശിക്ഷാ​വി​ധി വായിച്ച ശേഷം അദ്ദേഹത്തെ ഒരു സൻബെ​നി​റ്റോ—പശ്ചാത്ത​പി​ച്ച​വർക്കാ​യി, ചുവന്ന കുരി​ശ​ട​യാ​ള​മുള്ള മഞ്ഞ ചണവസ്‌ത്രം, അല്ലെങ്കിൽ പശ്ചാത്ത​പി​ക്കാ​ത്ത​വർക്കാ​യി, തീജ്വാ​ല​ക​ളെ​യും പിശാ​ചു​ക്ക​ളെ​യും വരച്ച കറുത്ത ചണവസ്‌ത്രം—ധരിപ്പി​ച്ചു. പത്തു ദിവസം കഴിഞ്ഞാ​ണു ശിക്ഷാ​വി​ധി നടപ്പാ​ക്കി​യത്‌.

ഈ മുൻ പാപ്പാ-സെക്ര​ട്ട​റി​യെ പാഷണ്ഡി​യെന്ന്‌ ആരോ​പി​ച്ചത്‌ എന്തു​കൊ​ണ്ടാ​യി​രു​ന്നു? അദ്ദേഹം വെല്ലു​വി​ളിച്ച ഉപദേ​ശ​ങ്ങ​ളോ​ടുള്ള ബന്ധത്തിൽ 34 ആരോ​പ​ണ​ങ്ങ​ളിൽ അദ്ദേഹം കുറ്റക്കാ​ര​നാ​യി​രു​ന്നെന്ന്‌, കഴിഞ്ഞ നൂറ്റാ​ണ്ടി​ന്റെ ഒടുവിൽ കണ്ടുപി​ടിച്ച അദ്ദേഹ​ത്തി​ന്റെ വിചാരണ സംബന്ധിച്ച രേഖകൾ വെളി​പ്പെ​ടു​ത്തു​ന്നു. ശുദ്ധീ​ക​ര​ണ​സ്ഥലം, പുരോ​ഹി​ത​ന്മാ​രു​ടെ​യും കന്യാ​സ്‌ത്രീ​ക​ളു​ടെ​യും ബ്രഹ്മച​ര്യം, അപ്പവും വീഞ്ഞും യേശു​വി​ന്റെ ശരീര​വും രക്തവു​മാ​യി​ത്തീ​രൽ, സ്ഥൈര്യ​ലേ​പനം, കുമ്പസാ​രം, ആഹാര​ത്തി​നു വിലക്കു കൽപ്പിക്കൽ, ദണ്ഡവി​മോ​ചനം, ‘പുണ്യ​വാ​ള​ന്മാ​രോ​ടുള്ള’ പ്രാർഥന എന്നിവ സംബന്ധിച്ച പഠിപ്പി​ക്ക​ലു​കൾ അതിൽ ഉൾപ്പെ​ട്ടി​രു​ന്നു. എട്ടാമത്തെ കുറ്റാ​രോ​പണം വിശേ​ഷാൽ രസാവ​ഹ​മാ​യി​രു​ന്നു. (21-ാം പേജിലെ ചതുരം കാണുക.) “വിശുദ്ധ തിരു​വെ​ഴു​ത്തു​ക​ളിൽ കാണുന്ന ദൈവ​ത്തി​ന്റെ വചന”ത്തെ വിശ്വാ​സ​ത്തി​ന്റെ ഏക അടിസ്ഥാ​ന​മാ​യി സ്വീക​രി​ച്ച​വരെ മരണശി​ക്ഷ​യ്‌ക്കു വിധി​ച്ചു​കൊണ്ട്‌ വിശുദ്ധ ബൈബി​ളി​നെ ഏക നിശ്വസ്‌ത ഉറവായി കത്തോ​ലി​ക്കാ സഭ പരിഗ​ണി​ക്കു​ന്നി​ല്ലെന്നു മതവി​ചാ​രണ വ്യക്തമാ​യി പ്രകട​മാ​ക്കി. അതു​കൊണ്ട്‌ സഭയുടെ ഒട്ടുമിക്ക ഉപദേ​ശ​ങ്ങ​ളും തിരു​വെ​ഴു​ത്തു​ക​ളി​ലല്ല മറിച്ച്‌ സഭാ പാരമ്പ​ര്യ​ത്തിൽ അധിഷ്‌ഠി​ത​മാ​യി​രി​ക്കു​ന്ന​തിൽ തെല്ലും അതിശ​യി​ക്കാ​നില്ല.

ഒരു യുവവി​ദ്യാർഥി​യു​ടെ വധനിർവ​ഹ​ണം

1531-ൽ നേപ്പിൾസി​ന​ടു​ത്തു ജനിച്ച പൊമ്പാ​നി​യോ ആൾജെ​രി​യു​ടെ ഹ്രസ്വ​വും ഹൃദയ​ഭേ​ദ​ക​വു​മായ ജീവി​തകഥ വ്യാപ​ക​മാ​യി അറിയ​പ്പെ​ടു​ന്നില്ല. എന്നാൽ കുറെ പണ്ഡിത​ന്മാ​രു​ടെ ഉത്സാഹ​പൂർവ​ക​മായ ചരി​ത്രാ​ന്വേ​ഷ​ണ​ങ്ങ​ളു​ടെ ഫലമായി അത്‌ അജ്ഞാത ഗതകാ​ല​ത്തിൽനി​ന്നു വെളി​ച്ച​ത്തു​വ​ന്നി​രി​ക്കു​ന്നു. പഡുവാ സർവക​ലാ​ശാ​ല​യിൽ പഠിക്കു​മ്പോൾ, യൂറോ​പ്പി​ന്റെ വ്യത്യസ്‌ത ഭാഗങ്ങ​ളിൽനി​ന്നുള്ള അധ്യാ​പ​ക​രും വിദ്യാർഥി​ക​ളു​മാ​യി ആൾജെരി സമ്പർക്കം പുലർത്തി​യി​രു​ന്നതു നിമിത്തം പാഷണ്ഡി​കൾ എന്നു വിളി​ക്ക​പ്പെ​ടു​ന്ന​വ​രു​മാ​യും പ്രൊ​ട്ട​സ്‌റ​റൻറ്‌ മതനവീ​കരണ ഉപദേ​ശ​ങ്ങ​ളു​മാ​യും അദ്ദേഹം പരിച​യ​ത്തി​ലാ​യി. തിരു​വെ​ഴു​ത്തു​ക​ളിൽ അദ്ദേഹ​ത്തി​നു താത്‌പ​ര്യം വർധിച്ചു.

ബൈബിൾ മാത്ര​മാ​ണു നിശ്വ​സ്‌ത​മാ​യി​രി​ക്കു​ന്ന​തെന്ന്‌ അദ്ദേഹം വിശ്വ​സി​ക്കാൻ തുടങ്ങി. തത്‌ഫ​ല​മാ​യി കുമ്പസാ​രം, സ്ഥൈര്യ​ലേ​പനം, ശുദ്ധീ​ക​ര​ണ​സ്ഥലം, അപ്പവും വീഞ്ഞും യേശു​വി​ന്റെ ശരീര​വും രക്തവു​മാ​യി​ത്തീ​രൽ, “പുണ്യ​വാ​ളന്മാ”രുടെ മധ്യസ്ഥത, പാപ്പാ ക്രിസ്‌തു​വി​ന്റെ പ്രതി​പു​രു​ഷ​നാ​ണെ​ന്നുള്ള പഠിപ്പി​ക്കൽ തുടങ്ങി നിരവധി കത്തോ​ലി​ക്കാ ഉപദേ​ശങ്ങൾ അദ്ദേഹം തള്ളിക്ക​ളഞ്ഞു.

പഡുവാ​യി​ലെ മതവി​ചാ​രണ ആൾജെ​രി​യെ അറസ്റ്റു​ചെ​യ്‌തു വിസ്‌ത​രി​ച്ചു. മതവി​ചാ​ര​ണ​ക്കാ​രോട്‌ അദ്ദേഹം പറഞ്ഞു: “ഞാൻ മനസ്സോ​ടെ ജയിലി​ലേക്കു തിരി​ച്ചു​പോ​കു​ന്നു, ദൈവ​നി​ശ്ച​യ​മെ​ങ്കിൽ ഒരുപക്ഷേ മരിക്കും​വ​രെ​പോ​ലും. തന്റെ മാഹാ​ത്മ്യ​ത്താൽ ദൈവം ഓരോ​രു​ത്ത​രെ​യും ആത്മീയ​മാ​യി അധിക​മ​ധി​കം പ്രബു​ദ്ധ​രാ​ക്കും. ഏതു പീഡന​വും ഞാൻ സന്തോ​ഷ​ത്തോ​ടെ സഹിക്കും. കാരണം എന്റെ പ്രകാ​ശ​ന​വും യഥാർഥ വെളി​ച്ച​വു​മായ, പീഡിത ദേഹി​ക​ളു​ടെ പൂർണ ആശ്വാ​സ​ക​നായ ക്രിസ്‌തു എല്ലാ ആത്മീയ അന്ധകാ​ര​വും നീക്കം​ചെ​യ്യാൻ പ്രാപ്‌ത​നാണ്‌.” കാല​ക്ര​മ​ത്തിൽ റോമൻ മതവി​ചാ​ര​ണ​യ്‌ക്ക്‌ അദ്ദേഹത്തെ വിട്ടു​കൊ​ടു​ക്കു​ക​യും അവർ അദ്ദേഹ​ത്തി​നു മരണശിക്ഷ വിധി​ക്കു​ക​യും ചെയ്‌തു.

മരിച്ച​പ്പോൾ ആൾജെ​രിക്ക്‌ 25 വയസ്സു​ണ്ടാ​യി​രു​ന്നു. റോമിൽ അദ്ദേഹത്തെ വധിച്ച ദിവസം, കുമ്പസാ​രി​ക്കാ​നോ കുർബാന കൈ​ക്കൊ​ള്ളാ​നോ അദ്ദേഹം വിസമ്മ​തി​ച്ചു. അദ്ദേഹ​ത്തി​ന്റെ വധനിർവ​ഹ​ണ​ത്തിന്‌ ഉപയോ​ഗിച്ച മാർഗം സാധാ​ര​ണ​യി​ല​ധി​കം ക്രൂര​മാ​യി​രു​ന്നു. വിറകു​കെ​ട്ടു​കൾ വെച്ചല്ല അദ്ദേഹത്തെ ചുട്ടെ​രി​ച്ചത്‌. പകരം, പെട്ടെന്നു തീപി​ടി​ക്കുന്ന വസ്‌തു​ക്കൾ—എണ്ണയും ടാറും റെസി​നും—നിറഞ്ഞ ഒരു വലിയ കുട്ടകം ജനക്കൂ​ട്ട​ത്തി​നു വ്യക്തമാ​യി കാണാ​വുന്ന വിധം പ്ലാറ്റ്‌ഫാ​റ​ത്തിൽ വെച്ചി​രു​ന്നു. ആ യുവാ​വി​നെ ബന്ധിച്ച്‌ കുട്ടക​ത്തി​ലേക്കു താഴ്‌ത്തി​യിട്ട്‌ അതിലെ പദാർഥ​ങ്ങൾക്കു തീകൊ​ടു​ത്തു. അദ്ദേഹം ഇഞ്ചിഞ്ചാ​യി വെന്തു​മ​രി​ച്ചു.

കടുത്ത കുറ്റത്തി​ന്റെ മറ്റൊരു കാരണം

കാർനെ​സെ​ക്കി​ക്കും ആൾജെ​രി​ക്കും മതവി​ചാ​ര​ണ​യാൽ വധിക്ക​പ്പെട്ട മറ്റുള്ള​വർക്കും തിരു​വെ​ഴു​ത്തു​ക​ളെ​ക്കു​റി​ച്ചു പൂർണ​മായ ഗ്രാഹ്യ​മു​ണ്ടാ​യി​രു​ന്നില്ല. ‘വർധിച്ച’ പരിജ്ഞാ​നം ഈ വ്യവസ്ഥി​തി​യു​ടെ ‘അന്ത്യകാ​ലത്തു’ വരാനി​രി​ക്കു​ന്നതേ ഉണ്ടായി​രു​ന്നു​ള്ളൂ. എന്നിരു​ന്നാ​ലും, തങ്ങൾക്കു ദൈവ​വ​ച​ന​ത്തിൽനി​ന്നു നേടാൻ കഴിഞ്ഞ പരിമി​ത​മായ അളവി​ലുള്ള “യഥാർഥ പരിജ്ഞാന”ത്തെപ്രതി മരിക്കാൻ അവർ മനസ്സൊ​രു​ക്ക​മു​ള്ള​വ​രാ​യി​രു​ന്നു.—ദാനീ​യേൽ 12:4, NW.

ചില മതനവീ​ക​ര​ണ​ക്കാർ ഉൾപ്പെ​ടെ​യുള്ള പ്രൊ​ട്ട​സ്റ്റൻറു​കാ​രും വിമതരെ സ്‌തം​ഭ​ത്തിൽ ചുട്ടെ​രി​ക്കു​ക​യോ കത്തോ​ലി​ക്കരെ ലൗകിക അധികാ​രി​ക​ളു​ടെ സഹായ​ത്താൽ കൊല്ലു​ക​യോ ചെയ്‌തു. ദൃഷ്ടാ​ന്ത​ത്തിന്‌, ശിര​ച്ഛേ​ദ​മാണ്‌ കാൽവിൻ ശുപാർശ​ചെ​യ്‌തി​രു​ന്ന​തെ​ങ്കി​ലും അദ്ദേഹം മൈക്കിൾ സെർവെ​റ്റെ​സി​നെ ത്രിത്വ​വി​രുദ്ധ പാഷണ്ഡി​യെ​ന്ന​നി​ല​യിൽ ജീവ​നോ​ടെ ചുട്ടെ​രി​ച്ചു.

പാഷണ്ഡി​ക​ളു​ടെ പീഡന​വും വധനിർവ​ഹ​ണ​വും കത്തോ​ലി​ക്കർക്കും പ്രൊ​ട്ട​സ്റ്റൻറു​കാർക്കു​മി​ട​യിൽ സാധാ​ര​ണ​മാ​യി​രു​ന്നു​വെന്ന വസ്‌തുത യാതൊ​രു പ്രകാ​ര​ത്തി​ലും അത്തരം നടപടി​കളെ ന്യായീ​ക​രി​ക്കു​ന്നില്ല. മാത്രമല്ല, മത​വൈ​ദി​ക​ഭ​രണം കടുത്ത ഉത്തരവാ​ദി​ത്വം പേറേ​ണ്ട​തുണ്ട്‌—കാരണം, കൊല​പാ​ത​ക​ങ്ങൾക്കു തിരു​വെ​ഴു​ത്തു​പ​ര​മായ നീതീ​ക​രണം അവകാ​ശ​പ്പെ​ട്ടു​കൊണ്ട്‌, ദൈവം​തന്നെ അത്തരം നടപടി​കൾക്കു കൽപ്പന നൽകി​യി​ട്ടു​ണ്ടെന്ന്‌ അവർ നടിക്കു​ന്നു. ഇത്‌ ദൈവ​നാ​മ​ത്തി​ന്മേൽ നിന്ദ കുന്നു​കൂ​ട്ടു​ന്നി​ല്ലേ? “മതപര​മായ” ബലപ്ര​യോ​ഗം എന്ന തത്ത്വത്തെ, അതായത്‌, പാഷണ്ഡ​തയെ നേരി​ടു​ന്ന​തി​നു ബലം പ്രയോ​ഗി​ക്കു​ന്ന​തി​നെ ആദ്യമാ​യി പിന്താ​ങ്ങി​യതു വിഖ്യാത കത്തോ​ലി​ക്കാ “സഭാ പിതാവാ”യ അഗസ്‌ത്യാ​നോ​സാ​ണെന്ന്‌ അനേകം പണ്ഡിതൻമാർ സ്ഥിരീ​ക​രി​ക്കു​ന്നു. പ്രസ്‌തുത നടപടി​യെ ന്യായീ​ക​രി​ക്കു​ന്ന​തി​നുള്ള ഒരു ശ്രമത്തിൽ, ലൂക്കൊസ്‌ 14:16-24-ൽ കൊടു​ത്തി​രി​ക്കുന്ന യേശു​വി​ന്റെ ഉപമയി​ലെ വാക്കുകൾ അദ്ദേഹം ഉദ്ധരിച്ചു: “[അവരെ] അകത്തു വരുവാൻ നിർബ്ബ​ന്ധിക്ക.” അഗസ്‌ത്യാ​നോസ്‌ വളച്ചൊ​ടിച്ച ഈ വാക്കുകൾ വ്യക്തമാ​യും ഉദാര​മായ ആതിഥ്യ​ത്തെ സൂചി​പ്പി​ച്ചു, ക്രൂര​മായ ബലപ്ര​യോ​ഗ​ത്തെയല്ല.

മതവി​ചാ​രണ സജീവ​മാ​യി​രു​ന്ന​പ്പോൾപോ​ലും മതസഹി​ഷ്‌ണു​തയെ പിന്താ​ങ്ങി​യവർ ഗോത​മ്പി​ന്റെ​യും കളയു​ടെ​യും ഉപമ ഉദ്ധരി​ച്ചു​കൊണ്ട്‌ പാഷണ്ഡി​കളെ പീഡി​പ്പി​ക്കു​ന്ന​തി​നെ​തി​രെ വാദി​ച്ചു​വെ​ന്നതു ശ്രദ്ധേ​യ​മാണ്‌. (മത്തായി 13:24-30, 36-43) റോ​ട്ടെർഡാ​മി​ലെ ഡെസി​ഡെ​റ്യൂസ്‌ ഇറാസ്‌മുസ്‌ ആണ്‌ അവരി​ലൊ​രാൾ. വയലിന്റെ ഉടമയായ ദൈവം, കളകളായ പാഷണ്ഡി​ക​ളോ​ടു സഹിഷ്‌ണുത കാട്ടാൻ ആഗ്രഹി​ച്ച​താ​യി അദ്ദേഹം പറഞ്ഞു. നേരേ​മ​റിച്ച്‌, മാർട്ടിൻ ലൂഥർ കർഷക​രായ വിമതർക്കെ​തി​രെ അക്രമ​ത്തി​നു പ്രേരി​പ്പി​ക്കു​ക​യും ഏകദേശം 1,00,000 പേർ കൊല്ല​പ്പെ​ടു​ക​യും ചെയ്‌തു.

പാഷണ്ഡി​കൾ എന്നു വിളി​ക്ക​പ്പെ​ടു​ന്ന​വരെ പീഡി​പ്പി​ക്കു​ന്ന​തി​നെ പ്രോ​ത്സാ​ഹി​പ്പിച്ച ക്രൈ​സ്‌ത​വ​മ​ണ്ഡ​ല​ത്തി​ലെ മതങ്ങളു​ടെ കടുത്ത ബാധ്യത തിരി​ച്ച​റി​യു​മ്പോൾ നാം എന്തു​ചെ​യ്യാൻ പ്രേരി​പ്പി​ക്ക​പ്പെ​ടണം? ദൈവ​വ​ച​ന​ത്തി​ലെ യഥാർഥ പരിജ്ഞാ​നം അന്വേ​ഷി​ക്കാൻ നാം ആഗ്രഹി​ക്കണം. യഥാർഥ ക്രിസ്‌ത്യാ​നി​യു​ടെ അടയാളം ദൈവ​ത്തോ​ടും അയൽക്കാ​ര​നോ​ടു​മുള്ള സ്‌നേ​ഹ​മാ​ണെന്ന്‌ യേശു പറഞ്ഞു—അക്രമ​ത്തി​നു വ്യക്തമാ​യും യാതൊ​രി​ട​വും നൽകാത്ത സ്‌നേ​ഹം​തന്നെ.—മത്തായി 22:37-40; യോഹ​ന്നാൻ 13:34, 35; 17:3.

[21-ാം പേജിലെ ചതുരം]

കാർനെസെക്കി കുറ്റക്കാ​ര​നാ​ണെന്നു കണ്ടെത്തിയ ചില ആരോ​പ​ണ​ങ്ങൾ

8. “വിശുദ്ധ തിരു​വെ​ഴു​ത്തു​ക​ളിൽ കാണുന്ന ദൈവ​വ​ച​ന​മ​ല്ലാ​തെ മറ്റൊ​ന്നും വിശ്വ​സി​ക്ക​രു​തെന്ന്‌ [താങ്കൾ തറപ്പിച്ചു പറയുന്നു].”

12. “കുമ്പസാര കൂദാശ ക്രിസ്‌തു​വി​നാൽ സ്ഥാപി​ത​മോ തിരു​വെ​ഴു​ത്തു​ക​ളാൽ തെളി​യി​ക്ക​പ്പെ​ട്ടി​ട്ടു​ള്ള​തോ അല്ലാത്ത​തി​നാ​ലും ദൈവ​ത്തോ​ട​ല്ലാ​തെ മറ്റാ​രോ​ടും ഒരുത​ര​ത്തി​ലു​മുള്ള ഏറ്റുപ​റ​ച്ചി​ലി​ന്റെ ആവശ്യ​മി​ല്ലാ​ത്ത​തി​നാ​ലും കുമ്പസാര കൂദാശ ദെ ജൂർ ഡിവി​നോ [ദിവ്യ നിയമ​ത്തി​നു ചേർച്ച​യിൽ] അല്ലെന്നു [താങ്കൾ വിശ്വ​സി​ച്ചി​രി​ക്കു​ന്നു].”

15. “ശുദ്ധീ​ക​ര​ണ​സ്ഥലം സംബന്ധി​ച്ചു താങ്കൾ സംശയം വിതച്ചി​രി​ക്കു​ന്നു.”

16. “മരിച്ച​വർക്കു​വേ​ണ്ടി​യുള്ള പ്രാർഥ​ന​ക​ളെ​പ്പറ്റി പ്രതി​പാ​ദി​ക്കുന്ന മക്കബാ​യ​റു​ടെ പുസ്‌ത​കത്തെ താങ്കൾ ഉത്തര കാനോ​നിക ഗ്രന്ഥമാ​യി പരിഗ​ണി​ച്ചി​രി​ക്കു​ന്നു.”

[18-ാം പേജിലെ ചിത്ര​ത്തിന്‌ കടപ്പാട്‌]

The Complete Encyclopedia of Illustration/J. G. Heck