എവിടെ പോയി ആ കോഡ്‌ മത്സ്യങ്ങ​ളെ​ല്ലാം?

“ഒരു ബോട്ടി​നു പോകാൻ വളരെ പ്രയാ​സ​മാ​യി​രി​ക്ക​ത്ത​ക്ക​വി​ധം” ജലത്തിൽ കോഡ്‌മ​ത്സ്യ​ങ്ങൾ അത്രയ​ധി​ക​മാ​യി​രു​ന്നു. പര്യ​വേ​ക്ഷ​ക​നായ ജോൺ കാബട്ട്‌, ലോക​ത്തിൽവെച്ച്‌ ഏറ്റവും സമ്പന്നമായ മത്സ്യബന്ധന മേഖല​ക​ളുള്ള ന്യൂഫൗൺഡ്‌ലൻഡി​ന്റെ ഗ്രാൻഡ്‌ ബാങ്കു​ക​ളെ​ക്കു​റി​ച്ചു വർണി​ക്കവേ 1497-ൽ പറഞ്ഞതാണ്‌ ഈ വാക്കുകൾ. 1600-കളുടെ അവസാ​ന​മാ​യ​പ്പോ​ഴേ​ക്കും ന്യൂഫൗൺഡ്‌ലൻഡിൽ പ്രതി​വർഷം പിടി​ക്കുന്ന മത്സ്യങ്ങ​ളു​ടെ മൊത്തം തൂക്കം ഏകദേശം 1,00,000 മെട്രിക്‌ ടണ്ണോളം വരുമാ​യി​രു​ന്നു. അടുത്ത നൂറ്റാ​ണ്ടിൽ അത്‌ ഇരട്ടി​യാ​യി.

എന്നാൽ, ഇന്ന്‌ അവസ്ഥകൾക്കു വളരെ​യേറെ മാറ്റം സംഭവി​ച്ചി​രി​ക്കു​ന്നു. കോഡ്‌മത്സ്യ ശേഖരം കുറഞ്ഞു​പോ​യ​തി​നാൽ 1992-ൽ കനേഡി​യൻ ഗവൺമെൻറ്‌ അറ്റ്‌ലാൻറി​ക്കി​ലെ കോഡ്‌മ​ത്സ്യ​ബ​ന്ധനം നിരോ​ധി​ച്ചു​കൊ​ണ്ടുള്ള അതിന്റെ നിയമം നടപ്പി​ലാ​ക്കി. ഇത്‌ ഏകദേശം 35,000 പേരെ മറ്റു മേഖല​ക​ളിൽ തൊഴി​ല​ന്വേ​ഷി​ക്കാൻ നിർബ​ന്ധി​ത​രാ​ക്കി​ത്തീർത്തു. 1997-ൽ, ഇപ്പോ​ഴും നിരോ​ധനം പ്രാബ​ല്യ​ത്തി​ലുണ്ട്‌. എങ്കിലും എവിടെ പോയി ആ കോഡ്‌മ​ത്സ്യ​ങ്ങ​ളെ​ല്ലാം?

1960-കളിൽ അന്താരാ​ഷ്‌ട്ര മത്സ്യബന്ധന ബോട്ടു​കൾ ന്യൂഫൗൺഡ്‌ലൻഡി​ന്റെ ആഴക്കടൽ പരിധി​കൾക്കു​ള്ളിൽ വൻതോ​തി​ലുള്ള കോഡ്‌മത്സ്യ വിള​വെ​ടു​പ്പി​നു​വേണ്ടി കൂട്ടമാ​യി വന്നു​ചേ​രാ​റു​ണ്ടാ​യി​രു​ന്നു. 1968 ആയപ്പോ​ഴേ​ക്കും ഒരു ഡസനി​ല​ധി​കം രാജ്യ​ങ്ങ​ളു​ടെ ട്രോ​ള​റു​കൾ ന്യൂഫൗൺഡ്‌ലൻഡ്‌ തീരങ്ങ​ളിൽനിന്ന്‌ പ്രതി​വർഷം 8,00,000 ടൺ മത്സ്യം സംഭരി​ക്കു​ന്നു​ണ്ടാ​യി​രു​ന്നു. ഇത്‌ മുൻ നൂറ്റാ​ണ്ടിൽ ലഭിച്ച മത്സ്യത്തി​ന്റെ ശരാശ​രി​യു​ടെ മൂന്നു മടങ്ങാ​യി​രു​ന്നു.

സമു​ദ്ര​ജ​ല​ത്തി​ന്റെ തണു​പ്പേ​റു​ന്ന​തും നീർനാ​യ്‌ക്കൾ പെറ്റു​പെ​രു​കു​ന്ന​തും കോഡ്‌മ​ത്സ്യ​ങ്ങ​ളു​ടെ ദേശാ​ന്ത​ര​ഗ​മ​ന​വു​മൊ​ക്കെ കോഡ്‌മ​ത്സ്യ​ങ്ങ​ളു​ടെ എണ്ണം കുറയു​ന്ന​തിൽ പങ്കുവ​ഹി​ച്ചി​രി​ക്കാ​മെ​ങ്കി​ലും കോഡ്‌മ​ത്സ്യ​ങ്ങൾ വൻതോ​തിൽ നശിക്കു​ന്ന​തി​ന്റെ പഴി മുഖ്യ​മാ​യും മനുഷ്യ​രു​ടെ അത്യാ​ഗ്ര​ഹ​ത്തി​ന്മേ​ലാ​ണു വന്നുവീ​ഴു​ന്നത്‌. “വളച്ചു​കെ​ട്ടി​ല്ലാ​തെ പറഞ്ഞാൽ, അമിത​മായ മത്സ്യബ​ന്ധനം മാത്ര​മാണ്‌ അതിനു കാരണം,” ഒരു സമുദ്ര ജീവശാ​സ്‌ത്രജ്ഞൻ പറഞ്ഞു.

അറ്റ്‌ലാൻറിക്‌ കോഡ്‌ മത്സ്യങ്ങ​ളു​ടെ ഭാവി​യെന്ത്‌? വളർന്ന്‌, പുനരു​ത്‌പാ​ദനം നടത്തി ഈ പ്രത്യേക ജീവി​വർഗ​ത്തി​ന്റെ സംഖ്യ പണ്ടത്തെ​പ്പോ​ലെ ആക്കിത്തീർക്കാൻമാ​ത്രം മത്സ്യക്കു​ഞ്ഞു​ങ്ങൾ അവശേ​ഷി​ക്കു​ന്നു​ണ്ടോ എന്നു ചിലർ സംശയി​ക്കു​ന്നു. സെൻറ്‌ ജോൺസി​ലെ ദി ഈവനിങ്‌ ടെല​ഗ്രാം ഇങ്ങനെ അഭി​പ്രാ​യ​പ്പെട്ടു: “കാനഡ​യി​ലെ ഏറ്റവും പഴക്കം​ചെന്ന വ്യവസാ​യ​മായ അറ്റ്‌ലാൻറിക്‌ കോഡ്‌മ​ത്സ്യ​ബ​ന്ധ​ന​ത്തി​ന്റെ വളർച്ച ചരിത്ര പുസ്‌ത​ക​ങ്ങ​ളിൽ മാത്രമേ ഉണ്ടാകൂ.” എന്നിരു​ന്നാ​ലും, പ്രതീ​ക്ഷ​യ്‌ക്കു വകയുണ്ട്‌!

വളരെ​പ്പെ​ട്ടെ​ന്നു​തന്നെ ദൈവ​ത്തി​ന്റെ നീതി​യുള്ള വാഗ്‌ദത്ത പുതിയ ലോക​ത്തിൽ അത്യാ​ഗ്ര​ഹ​ത്തി​നു സ്ഥാനമു​ണ്ടാ​യി​രി​ക്കി​ല്ലെന്ന്‌ ബൈബിൾ നമുക്കു​റപ്പു നൽകുന്നു. (2 പത്രൊസ്‌ 3:13) യഹോവ തന്നെ സേവി​ക്കാ​നും പ്രീതി​പ്പെ​ടു​ത്താ​നും ആഗ്രഹി​ക്കു​ന്ന​വ​രു​ടെ അനു​ഗ്ര​ഹ​ത്തി​നാ​യി “ഭൂമിയെ നശിപ്പി​ക്കു​ന്ന​വരെ നശിപ്പി”ക്കുകയും കരയി​ലും കടലി​ലും ജീവൻ വഴി​ഞ്ഞൊ​ഴു​കാ​നി​ട​വ​രു​ത്തു​ക​യും ചെയ്യും.—വെളി​പ്പാ​ടു 11:18.

[31-ാം പേജിലെ ചിത്ര​ത്തിന്‌ കടപ്പാട്‌]

© Tom McHugh, The National Audubon Society Collection/PR

Mountain High Maps® Copyright © 1995 Digital Wisdom, Inc.