കഴിഞ്ഞ​കാ​ല​ത്തെ​ക്കു​റി​ച്ചു നാം ഓർക്കേ​ണ്ട​തു​ണ്ടോ?

“യഹൂദ​ന്മാർക്ക്‌ ആ കൂട്ട​ക്കൊല മറക്കാൻ സാധി​ക്കു​മോ?” ടെക്‌സാ​സി​ലെ സാൻ അന്റോ​ണി​യോ​യി​ലുള്ള മെക്‌സി​ക്കൻ-അമേരി​ക്കൻ സാംസ്‌കാ​രിക കേന്ദ്ര​ത്തി​ന്റെ പ്രസി​ഡ​ന്റായ വെർജിൽ എലി​സൊ​ണ്ടോ​യാണ്‌ അപ്രകാ​രം ചോദി​ച്ചത്‌. ഈ നൂറ്റാ​ണ്ടി​ലെ കൊടും ക്രൂര​തകൾ പൊതു​വേ ആളുക​ളു​ടെ ഓർമ​യിൽ മായാതെ കിടക്കു​മെന്ന്‌ അതു നമ്മെ ഓർമി​പ്പി​ക്കു​ന്നു. അർമേ​നി​യ​ക്കാ​രു​ടെ വംശഹ​ത്യ​യും (1915-23) കംബോ​ഡി​യ​ക്കാ​രു​ടെ കൂട്ടക്കു​രു​തി​യും (1975-79) 20-ാം നൂറ്റാ​ണ്ടിൽ നടന്നി​ട്ടുള്ള മഹാ പാതക​ങ്ങ​ളിൽ ഉൾപ്പെ​ടു​ന്നു. ഘോര കൃത്യ​ങ്ങ​ളു​ടെ പട്ടിക ഇനിയും നീണ്ടു​പോ​കു​ന്നു.

പീഡക​രെ​യും പീഡി​ത​രെ​യും അനുര​ഞ്‌ജ​ന​പ്പെ​ടു​ത്താ​നുള്ള ശ്രമത്തി​ന്റെ ഭാഗമാ​യി, സഹി​ക്കേ​ണ്ടി​വന്ന കൊടും ക്രൂര​തകൾ മറന്നു കളയാൻ നിരവധി പ്രാവ​ശ്യം മത, രാഷ്‌ട്രീയ നേതാക്കൾ ആളുക​ളോട്‌ അഭ്യർഥി​ച്ചി​ട്ടുണ്ട്‌. ഉദാഹ​ര​ണ​മാ​യി പൊ.യു.മു. 403-ൽ ഗ്രീസി​ലെ ഏഥൻസിൽ നടന്നത്‌ അതാണ്‌. ആ നഗരം മുപ്പത്‌ സ്വേച്ഛാ​ധി​പ​തി​ക​ളു​ടെ മർദക ഭരണത്തി​ന്റെ അന്ത്യത്തി​നു സാക്ഷ്യം വഹിച്ചതേ ഉണ്ടായി​രു​ന്നു​ള്ളൂ. ഏതാണ്ട്‌ എല്ലാ പ്രതി​യോ​ഗി​ക​ളെ​യും ശാരീ​രി​ക​മാ​യി​പോ​ലും തുടച്ചു നീക്കിയ ഒരു പ്രഭു​ഭ​ര​ണ​മാ​യി​രു​ന്നു അത്‌. മുൻ സ്വേച്ഛാ​ധി​പത്യ ഭരണത്തെ പിന്താ​ങ്ങി​യ​വർക്ക്‌ പൊതു മാപ്പ്‌ (“മറന്നു കളയൽ” അഥവാ “വിസ്‌മ​രി​ക്കൽ” എന്ന ഗ്രീക്ക്‌ പദത്തിൽനി​ന്നു വന്നത്‌) പ്രഖ്യാ​പി​ച്ചു​കൊണ്ട്‌ പുതിയ ഗവർണർമാർ ആഭ്യന്തര സമാധാ​നം പുനഃ​സ്ഥാ​പി​ക്കാൻ ശ്രമിച്ചു.

ഒരു പ്രഖ്യാ​പ​നം​വഴി മറക്കാ​നോ?

നിരപ​രാ​ധി​ക​ളു​ടെ നേർക്ക്‌ അഴിച്ചു​വിട്ട കൊടും ക്രൂര​ത​കളെ കുറി​ച്ചുള്ള ഓർമകൾ ഒരു പ്രഖ്യാ​പനം വഴി മായ്‌ച്ചു കളയാൻ ശ്രമി​ക്കു​ന്നത്‌ താരത​മ്യേന എളുപ്പ​മാണ്‌. പുരാതന ഗ്രീസി​ലും രണ്ടാം ലോക മഹായു​ദ്ധ​ത്തി​ന്റെ അവസാ​ന​ത്തിൽ വിവിധ യൂറോ​പ്യൻ രാജ്യ​ങ്ങ​ളി​ലും നടന്നതു​പോ​ലെ ഭരണാ​ധി​കാ​രി​കൾ രാഷ്‌ട്രീയ മുത​ലെ​ടു​പ്പു​കൾക്കു​വേണ്ടി ആയിരി​ക്കാം അപ്രകാ​രം ചെയ്യാൻ തീരു​മാ​നി​ക്കു​ന്നത്‌. ഉദാഹ​ര​ണ​ത്തിന്‌ 1946-ൽ ഇറ്റലി​യിൽ “ഫാസിസ്റ്റ്‌ ഭരണകൂ​ട​ത്തി​ന്റെ ദുഷ്‌പ്ര​വൃ​ത്തി​കളെ പിന്താ​ങ്ങി​യ​താ​യി കുറ്റം ചുമത്ത​പ്പെട്ട” 2,00,000-ത്തിലധി​കം പൗരന്മാർക്ക്‌ പൊതു മാപ്പ്‌ പ്രഖ്യാ​പി​ച്ച​താ​യി ലാ റേപ്പൂ​ബ്ലി​ക്കാ വർത്തമാ​ന​പ​ത്രം പറഞ്ഞു.

എന്നാൽ ഗവൺമെ​ന്റു​ക​ളു​ടെ​യോ പൊതു സ്ഥാപന​ങ്ങ​ളു​ടെ​യോ തീരു​മാ​നങ്ങൾ ഒന്നും സമുദാ​യ​ത്തി​ലെ അംഗങ്ങ​ളു​ടെ വികാ​രങ്ങൾ മറ്റൊ​ന്നു​മാണ്‌. മൃഗീ​യ​മായ ഏറ്റുമു​ട്ട​ലു​കൾക്കും മറ്റു നിഷ്‌ഠുര ചെയ്‌തി​കൾക്കും അതു​പോ​ലെ​തന്നെ കൂട്ട​ക്കൊ​ല​യു​ടെ ഭവിഷ്യ​ത്തു​കൾക്കും ഇരകളാ​യ​വ​രോട്‌ മുൻകാല ദുരി​തങ്ങൾ മറക്കാൻ ഒരു പ്രഖ്യാ​പ​നം​വഴി നിർബ​ന്ധി​ക്കാ​നാ​വില്ല.

ഈ നൂറ്റാ​ണ്ടിൽ മാത്രം പത്തു കോടി​യി​ല​ധി​കം ആളുകൾ യുദ്ധങ്ങ​ളിൽ കൊല്ല​പ്പെ​ട്ടി​ട്ടുണ്ട്‌, പലരും കൊടും യാതനകൾ സഹിച്ച​ശേഷം തന്നെ. സമാധാ​ന​കാ​ലത്ത്‌ കൂട്ട​ക്കൊല ചെയ്യ​പ്പെ​ട്ട​വ​രു​ടെ മൊത്തം എണ്ണം ഇതി​നോ​ടു കൂട്ടി​യാൽ കൊടും ക്രൂര​തകൾ ഗണനാ​തീ​ത​മാ​യി​രി​ക്കും. ഇവയൊ​ന്നും മറക്കാ​തി​രി​ക്കാൻ പലരും മനഃപൂർവ ശ്രമങ്ങൾ നടത്തുന്നു.

ഓർമകൾ തുടച്ചു നീക്കാൻ ആഗ്രഹി​ക്കു​ന്ന​വർ

കൊടും ക്രൂര​ത​കൾക്ക്‌ ഇരയാ​യ​വ​രെ​യോ അവരുടെ സന്തതി​ക​ളെ​യോ മറക്കാ​നും പൊറു​ക്കാ​നും പ്രോ​ത്സാ​ഹി​പ്പി​ക്കു​ന്നവർ മിക്ക​പ്പോ​ഴും വാദി​ക്കു​ന്നത്‌, കഴിഞ്ഞ കാല​ത്തെ​ക്കു​റി​ച്ചു ചിന്തി​ക്കു​ന്നത്‌—അതും അവ നടന്ന്‌ പതിറ്റാ​ണ്ടു​കൾ പിന്നി​ട്ട​താ​ണെ​ങ്കിൽ—ഭിന്നത​കൾക്ക്‌ വഴി​തെ​ളി​ക്കു​കയേ ഉള്ളൂ എന്നാണ്‌. മറക്കു​ന്നത്‌ ആളുകളെ ഒന്നിപ്പി​ക്കു​ന്ന​താ​യി അവർ പറയുന്നു. യാതനകൾ എത്രതന്നെ വലുതാ​യി​രു​ന്നാ​ലും അവ ഓർമി​ക്കു​ന്നതു മൂലം ചരി​ത്ര​ത്തി​ന്റെ താളു​കളെ പിന്നോ​ട്ടു മറിക്കാൻ ആകില്ല​ത്രേ.

മറക്കാൻ ആളുകളെ പ്രേരി​പ്പി​ക്കു​ന്ന​തി​നി​ട​യിൽ മനുഷ്യ​രാ​ശി​യോട്‌ ചെയ്‌തി​ട്ടുള്ള ഏറ്റവും ഭീകര​മായ കൊടും ക്രൂര​ത​ക​ളു​ടെ യാഥാർഥ്യ​ത്തെ നിരാ​ക​രി​ക്കുന്ന ഘട്ടത്തോ​ളം പോലും ചിലർ പോയി​രി​ക്കു​ന്നു. ഉദാഹ​ര​ണ​ത്തിന്‌, തിരു​ത്തൽവാ​ദി​ക​ളാ​യി ചമയുന്ന ചരി​ത്ര​കാ​ര​ന്മാ​രു​ടെ പിൻബ​ല​ത്തോ​ടെ, ജർമനി​യി​ലെ കൂട്ട​ക്കൊല ഒരിക്ക​ലും നടന്നി​ട്ടി​ല്ലെന്നു ചിലർ വാദി​ക്കു​ന്നു.a ഓഷ്‌വി​റ്റ്‌സ്‌ അല്ലെങ്കിൽ ട്രെമ്പ്‌ളിങ്ക പോലുള്ള മുൻ ഉന്മൂലന പാളയ​ങ്ങ​ളി​ലേക്ക്‌ അവർ സന്ദർശ​നങ്ങൾ ഏർപ്പെ​ടു​ത്തു​ക​യും ആ സ്ഥലങ്ങളിൽ വാതക അറകൾ സ്ഥിതി ചെയ്‌തി​രു​ന്നി​ല്ലെന്ന്‌ സന്ദർശി​ക്കു​ന്ന​വ​രോ​ടു പറയു​ക​യും ചെയ്യുന്നു—നിരവധി ദൃക്‌സാ​ക്ഷി​ക​ളും തെളി​വു​ക​ളും രേഖക​ളും എല്ലാം അതി​നെ​തി​രെ ഉണ്ടായി​ട്ടും.

അത്തരം തിരു​ത്തൽവാ​ദ​പ​ര​മായ വ്യാജ ആശയങ്ങൾ ചില മണ്ഡലങ്ങ​ളിൽ വിജയി​ച്ചത്‌ എങ്ങനെ? തങ്ങളു​ടെ​യും തങ്ങളുടെ സ്വന്തം ആളുക​ളു​ടെ​യും ഉത്തരവാ​ദി​ത്വ​ങ്ങൾ മറക്കാൻ ചിലർ ആഗ്രഹി​ക്കു​ന്ന​താണ്‌ കാരണം. എന്തു​കൊ​ണ്ടാ​ണത്‌? ദേശീ​യ​ത​യോ സ്വന്തമായ പ്രത്യ​യ​ശാ​സ്‌ത്ര​മോ ശേമ്യ​വി​രോ​ധ​മോ മറ്റ്‌ വികാ​ര​ങ്ങ​ളോ ആണ്‌ അതിനു കാരണം. കൊടും ക്രൂര​തകൾ ഒരിക്കൽ മറന്നു കഴിഞ്ഞാൽ ഉത്തരവാ​ദി​ത്വം അപ്രത്യ​ക്ഷ​മാ​കു​മെന്ന്‌ തിരു​ത്തൽവാ​ദി​കൾ ന്യായ​വാ​ദം ചെയ്യുന്നു. എന്നാൽ പലരും ഉത്തരവാ​ദി​ത്വ​ബോ​ധ​മി​ല്ലാത്ത ഈ തിരു​ത്തൽവാ​ദി​കളെ നഖശി​ഖാ​ന്തം എതിർക്കു​ന്നു. ഫ്രഞ്ചു​കാ​ര​നായ ഒരു ചരി​ത്ര​കാ​രൻ ഇവരെ “ഓർമ​ശ​ക്തി​യു​ടെ ഘാതകർ” എന്നാണ്‌ വിളി​ക്കു​ന്നത്‌.

അവർ മറക്കു​ന്നി​ല്ല

യുദ്ധത്തി​ന്റെ​യോ കൊടും ക്രൂര​ത​ക​ളു​ടെ​യോ ഫലമായി മരണമടഞ്ഞ പ്രിയ​പ്പെ​ട്ട​വരെ മറക്കു​ന്നത്‌ ജീവി​ച്ചി​രി​ക്കു​ന്ന​വരെ സംബന്ധി​ച്ചി​ട​ത്തോ​ളം വളരെ ബുദ്ധി​മു​ട്ടാ​ണെ​ന്നതു സ്‌പഷ്ടം. എന്നാൽ കൂട്ട​ക്കൊ​ല​യും വംശഹ​ത്യ​യു​മെ​ല്ലാം ഓർമി​ക്കാൻ ആഗ്രഹി​ക്കു​ന്നവർ അപ്രകാ​രം ചെയ്യു​ന്നത്‌ തങ്ങളു​ടെ​യും പ്രിയ​പ്പെ​ട്ട​വ​രു​ടെ​യും ദുരി​ത​ങ്ങ​ളിൽനിന്ന്‌ പഠിക്കാ​നാ​കുന്ന പാഠങ്ങൾ, അത്തരം മൃഗീ​യ​ത​ക​ളു​ടെ ആവർത്തനം ഒഴിവാ​ക്കാൻ ഉപകരി​ക്കു​മെന്ന പ്രതീ​ക്ഷ​യി​ലാണ്‌.

അതു​കൊണ്ട്‌ ഓഷ്‌വി​റ്റ്‌സ്‌ തടങ്കൽ പാളയ​ത്തിൽ നാസികൾ കാട്ടി​ക്കൂ​ട്ടിയ ഭീകര​തകൾ കണ്ടെത്തി​യ​തി​ന്റെ സ്‌മാ​രകം കൊണ്ടാ​ടാൻ ജർമൻ ഗവൺമെന്റ്‌ നിശ്ചയി​ച്ചി​ട്ടുണ്ട്‌. ജർമൻ പ്രസി​ഡന്റ്‌ പറയു​ന്നത്‌ അനുസ​രിച്ച്‌ “ഓർമി​ക്കു​ന്ന​തി​ന്റെ ഉദ്ദേശ്യം, വരും തലമു​റ​കൾക്ക്‌ ഒരു മുന്നറി​യി​പ്പാ​യി അത്‌ ഉതകും” എന്നതാണ്‌.

സമാന​മാ​യി, ജോൺ പോൾ രണ്ടാമൻ പാപ്പാ ലോക മഹായു​ദ്ധം അവസാ​നി​ച്ച​തി​ന്റെ 50-ാം വാർഷി​ക​ത്തിൽ ഈ ഉറപ്പു നൽകി: “വർഷങ്ങൾ കടന്നു പോകവേ യുദ്ധ​ത്തെ​ക്കു​റി​ച്ചുള്ള സ്‌മര​ണകൾ മങ്ങി​പ്പോ​ക​രുത്‌; മറിച്ച്‌ അവ നമ്മുടെ തലമു​റ​യ്‌ക്കും വരും തലമു​റ​കൾക്കും ഒരു വലിയ പാഠമാ​യി ഉതകണം.” എങ്കിലും ആ വർഷങ്ങ​ളിൽ നടന്ന കൊടും ക്രൂര​ത​ക​ളെ​യും അതിന്‌ ഇരയാ​യ​വ​രെ​യും കത്തോ​ലി​ക്കാ സഭ എല്ലായ്‌പോ​ഴും സ്‌മരി​ച്ചി​ട്ടില്ല എന്ന്‌ പറയേ​ണ്ടി​യി​രി​ക്കു​ന്നു.

പുതിയ തലമു​റകൾ ഈ നൂറ്റാ​ണ്ടി​ലെ​യും മറ്റു നൂറ്റാ​ണ്ടു​ക​ളി​ലെ​യും വംശഹ​ത്യ​ക​ളിൽനിന്ന്‌ പാഠങ്ങൾ പഠിക്കാ​നും മുന്നറി​യി​പ്പു​കൾ മനസ്സി​ലാ​ക്കാ​നു​മാ​യി മ്യൂസി​യങ്ങൾ—വാഷി​ങ്‌ടൺ, ഡി.സി.-യിലെ ഹോ​ളോ​ക്കാസ്റ്റ്‌ മെമ്മോ​റി​യൽ മ്യൂസി​യ​വും ലോസാ​ഞ്ച​ല​സി​ലെ ബേറ്റ്‌ ഹഷോവ മ്യൂസി​യം ഓഫ്‌ ടോള​റൻസും പോലു​ള്ളവ—സ്ഥാപി​ച്ചി​ട്ടുണ്ട്‌. ഇതേ കാരണ​ത്താൽത്തന്നെ ഈ വിഷയ​ത്തെ​ക്കു​റി​ച്ചുള്ള, ആളുകളെ വികാ​രാ​ധീ​ന​രാ​ക്കുന്ന ഡോക്യു​മെ​ന്റ​റി​ക​ളും മറ്റു സിനി​മ​ക​ളും നിർമി​ച്ചി​ട്ടുണ്ട്‌. മനുഷ്യർ മറ്റു മനുഷ്യ​രാൽ ദ്രോ​ഹി​ക്ക​പ്പെ​ട്ട​തി​നെ കുറി​ച്ചുള്ള സ്‌മര​ണകൾ മനുഷ്യ​രാ​ശി മറന്നു കളയാ​തി​രി​ക്കാ​നുള്ള ശ്രമങ്ങ​ളാണ്‌ ഇവയെ​ല്ലാം.

എന്തിന്‌ ഓർമി​ക്കണം?

“കഴിഞ്ഞ കാല​ത്തെ​ക്കു​റിച്ച്‌ ഓർമി​ക്കാൻ കഴിയാ​ത്തവർ വീണ്ടും അതേ തെറ്റുകൾ ആവർത്തി​ച്ചേ​ക്കാം” എന്ന്‌ സ്‌പാ​നീഷ്‌-അമേരി​ക്കൻ തത്ത്വചി​ന്ത​ക​നായ ജോർജ്‌ സാന്തായന എഴുതി. സങ്കടക​ര​മെന്നു പറയട്ടെ, സഹസ്രാ​ബ്ദ​ങ്ങ​ളിൽ ഉടനീളം മനുഷ്യ​വർഗം അതിന്റെ കഴിഞ്ഞ​കാ​ലത്തെ തത്‌ക്ഷണം വിസ്‌മ​രി​ക്കു​ന്ന​താ​യി കാണ​പ്പെ​ടു​ന്നു, അങ്ങനെ ഒരേ കൊടിയ തെറ്റുകൾ വീണ്ടും വീണ്ടും ആവർത്തി​ക്ക​പ്പെ​ടു​ന്നു.

മനുഷ്യൻ ദീർഘ​കാ​ല​മാ​യി ഒന്നിനു പിറകേ ഒന്നായി നടത്തി​യി​ട്ടുള്ള കൂട്ട​ക്കൊ​ലകൾ പ്രകട​മാ​ക്കു​ന്നത്‌ മനുഷ്യൻ മനുഷ്യ​നെ അടക്കി ഭരിക്കു​ന്നത്‌ തികഞ്ഞ പരാജ​യ​മാണ്‌ എന്നുള്ള​താണ്‌. എന്താണ്‌ അതിനു കാരണം? മനുഷ്യർ ഒരേ അടിസ്ഥാന തെറ്റ്‌ നിരന്തരം ആവർത്തി​ച്ചി​രി​ക്കു​ന്നു—അവർ ദൈവ​ത്തെ​യും അവന്റെ നിയമ​ങ്ങ​ളെ​യും തള്ളിക്ക​ള​ഞ്ഞി​രി​ക്കു​ന്നു. (ഉല്‌പത്തി 3:1-6; സഭാ​പ്ര​സം​ഗി 8:9) നമ്മുടെ നാളു​ക​ളി​ലും ബൈബി​ളിൽ പ്രവചി​ച്ചി​രി​ക്കു​ന്നതു പോലെ ‘കാപട്യം നിറഞ്ഞ’ ഈ തലമുറ അതുതന്നെ ആവർത്തി​ക്കു​ന്നു. എന്നിട്ട്‌ പ്രത്യാ​ഘാ​തങ്ങൾ ഏറ്റു വാങ്ങുന്നു.—ഫിലി​പ്പി​യർ 2:15, ഓശാന ബൈബിൾ; സങ്കീർത്തനം 92:7; 2 തിമൊ​ഥെ​യൊസ്‌ 3:1-5; 13, 14എ.

നമ്മുടെ ചർച്ചയിൽ സ്രഷ്ടാ​വായ യഹോ​വയെ നാം ഉൾപ്പെ​ടു​ത്തി​യി​രി​ക്കുന്ന സ്ഥിതിക്ക്‌ അവന്റെ കാഴ്‌ച​പ്പാട്‌ എന്താണ്‌? അവൻ മറക്കു​ന്നത്‌ എന്താണ്‌, ഓർമി​ക്കു​ന്നത്‌ എന്താണ്‌? മനുഷ്യൻ കാട്ടി​ക്കൂ​ട്ടി​യി​ട്ടുള്ള വേദനാ​ജ​ന​ക​മായ കൊടും ക്രൂര​തകൾ എന്നെങ്കി​ലും ഇല്ലാതാ​കു​മോ? ‘ദുഷ്ടന്റെ ദുഷ്ടത തീർന്നു​പോ​കു​മോ’?—സങ്കീർത്തനം 7:9.

[അടിക്കു​റിപ്പ്‌]

[7-ാം പേജിലെ ആകർഷ​ക​വാ​ക്യം/ചിത്രങ്ങൾ]

“കഴിഞ്ഞ കാല​ത്തെ​ക്കു​റിച്ച്‌ ഓർമി​ക്കാൻ കഴിയാ​ത്തവർ വീണ്ടും അതേ തെറ്റുകൾ ആവർത്തി​ച്ചേ​ക്കാം.”—ജോർജ്‌ സാന്തായന

ഓഷ്‌വിറ്റ്‌സ്‌ തടങ്കൽപ്പാ​ള​യ​ത്തി​ലെ ശവദാഹ ചൂള

[കടപ്പാട്‌]

Oświęcim Museum