കൊടും ക്രൂര​തകൾ—ദൈവ​ത്തി​ന്റെ പരിഹാ​രം എന്താണ്‌?

കൊടും ക്രൂര​തകൾ എങ്ങനെ തടയാം? പരിഹാ​രം എന്താണ്‌? ചരിത്രം പഠിക്കു​മ്പോൾ, മാനു​ഷിക പരിഹാ​രങ്ങൾ പരാജ​യ​പ്പെ​ട്ടി​രി​ക്കു​ന്ന​താ​യി വെളി​പ്പെ​ടു​ന്നു. വാസ്‌ത​വ​ത്തിൽ, മാനവ നേതാക്കൾ ഈ വിഷയത്തെ സമീപി​ച്ചി​രി​ക്കുന്ന വിധത്തിൽ വലിയ വൈരു​ദ്ധ്യം അല്ലെങ്കിൽ കാപട്യം ദൃശ്യ​മാണ്‌.

ഉദാഹ​ര​ണ​ത്തിന്‌ 1995 എന്ന വർഷത്തി​ന്റെ കാര്യ​മെ​ടു​ക്കാം. രണ്ടാം ലോക മഹായു​ദ്ധം അവസാ​നി​ച്ച​തി​ന്റെ​യും അണു​ബോംബ്‌ വർഷി​ച്ച​തി​ന്റെ​യും 50-ാം വാർഷി​കം ആ വർഷം കൊണ്ടാ​ടു​ക​യു​ണ്ടാ​യി. ലോക​ത്തി​ന്റെ ഒട്ടേറെ ഭാഗങ്ങ​ളിൽ നടന്ന അനുസ്‌മരണ ചടങ്ങു​ക​ളിൽ ലോക നേതാക്കൾ സംബന്ധി​ച്ചു. എന്തിന്‌? ഈ കൊടും ക്രൂര​തകൾ ഒരിക്ക​ലും ആവർത്തി​ക്ക​പ്പെ​ടാ​തി​രി​ക്കാൻ തക്കവണ്ണം അവയോ​ടുള്ള വെറുപ്പ്‌ ഉളവാ​ക്കാൻ. എങ്കിലും അത്തരം ചടങ്ങു​ക​ളിൽ കടുത്ത വൈരു​ദ്ധ്യം നിരീ​ക്ഷകർ ശ്രദ്ധി​ക്കാ​നി​ട​യാ​യി.

കാപട്യം

പരക്കെ കൊട്ടി​ഘോ​ഷി​ക്ക​പ്പെട്ട ഈ ചടങ്ങു​ക​ളിൽവെച്ച്‌, സഹായ​ക​രാ​യി വീക്ഷി​ക്ക​പ്പെ​ടാൻ—ചുരു​ങ്ങി​യ​പക്ഷം ഉപദ്ര​വ​കാ​രി​ക​ളാ​യി വീക്ഷി​ക്ക​പ്പെ​ടാ​തി​രി​ക്കാൻ—മത, ഗവൺമെന്റ്‌ പ്രതി​നി​ധി​ക​ളെ​ല്ലാം ആഗ്രഹി​ച്ചു. എങ്കിലും കഴിഞ്ഞ കാലങ്ങ​ളിൽ നടന്ന കൊടും ക്രൂര​ത​കളെ കുറ്റം വിധി​ക്കുന്ന രാഷ്‌ട്ര​ങ്ങൾതന്നെ വൻ തുകകൾ മുടക്കി ആയുധ ശാലകൾ പടുത്തു​യർത്തി​യി​രി​ക്കു​ന്നു. അതേസ​മയം ദാരി​ദ്ര്യം, ധാർമി​ക​ച്യു​തി, മലിനീ​ക​രണം എന്നിവ പോലുള്ള മർമ​പ്ര​ധാ​ന​മായ പ്രശ്‌നങ്ങൾ അവ പരിഹ​രി​ച്ചി​ട്ടു​മില്ല. അതിനു പറയുന്ന കാരണ​മാ​കട്ടെ, ആവശ്യ​ത്തി​നു പണമില്ല എന്നതും.

സ്വേച്ഛാ​ധി​പ​തി​കൾ കാട്ടി​ക്കൂ​ട്ടി​യി​ട്ടുള്ള കൊടും ക്രൂര​ത​കൾക്കു നേരെ കണ്ണടച്ച​തും അവരു​മാ​യി കൂട്ടു​കൂ​ടി​യ​തും പൊതു​ജ​ന​ങ്ങ​ളിൽനി​ന്നു മറച്ചു പിടി​ക്കാ​നാ​യി ലോക​മ​തങ്ങൾ ചരിത്രം മാറ്റി​യെ​ഴു​താൻ ശ്രമി​ക്കു​ന്നു. പരസ്‌പരം കൊ​ന്നൊ​ടു​ക്കു​ന്ന​തിൽനിന്ന്‌ ആളുകളെ തടയാൻ ഈ മതങ്ങൾ യാതൊ​ന്നും ചെയ്‌തി​ട്ടില്ല. ഉദാഹ​ര​ണ​ത്തിന്‌ രണ്ടാം ലോക മഹായു​ദ്ധ​ത്തിൽ കത്തോ​ലി​ക്കർ കത്തോ​ലി​ക്ക​രെ​യും പ്രൊ​ട്ട​സ്റ്റ​ന്റു​കാർ പ്രൊ​ട്ട​സ്റ്റ​ന്റു​കാ​രെ​യും കൊന്നു. അവർ വ്യത്യസ്‌ത ദേശക്കാ​രാ​യ​തു​കൊ​ണ്ടും എതിർ ചേരി​യിൽ ആയിരു​ന്ന​തു​കൊ​ണ്ടും ആണത്‌. ഇരു കൂട്ടരും ക്രിസ്‌ത്യാ​നി​ക​ളാ​ണെന്ന്‌ അവകാ​ശ​പ്പെ​ട്ടെ​ങ്കി​ലും യേശു​വി​ന്റെ പഠിപ്പി​ക്ക​ലു​കൾക്ക്‌ കടകവി​രു​ദ്ധ​മായ പ്രവൃ​ത്തി​ക​ളാണ്‌ അവർ ചെയ്‌തത്‌. (മത്തായി 26:52; യോഹ​ന്നാൻ 13:34, 35; 1 യോഹ​ന്നാൻ 3:10-12; 4:20, 21) മറ്റു മതങ്ങളും അതു തന്നെ ചെയ്‌തി​രി​ക്കു​ന്നു. ലോക​ത്തി​ന്റെ വിവിധ ഭാഗങ്ങ​ളി​ലാ​യി ഇന്നും ഈ മതങ്ങളി​ലെ അംഗങ്ങൾ കൊടും ക്രൂര​തകൾ പ്രവർത്തി​ക്കു​ന്നു.

യേശു​വി​ന്റെ നാളു​ക​ളിൽ മതനേ​താ​ക്കൾ കാപട്യം കാണി​ച്ചി​രു​ന്നു. ഇപ്രകാ​രം പറഞ്ഞു​കൊണ്ട്‌ യേശു അവരെ കുറ്റം വിധിച്ചു: “കപടഭ​ക്തി​ക്കാ​രായ ശാസ്‌ത്രി​മാ​രും പരീശൻമാ​രു​മാ​യു​ള്ളോ​രേ, നിങ്ങൾക്കു ഹാ കഷ്ടം; നിങ്ങൾ പ്രവാ​ച​കൻമാ​രു​ടെ കല്ലറകളെ പണിതും നീതി​മാൻമാ​രു​ടെ കല്ലറകളെ അലങ്കരി​ച്ചും​കൊ​ണ്ടു: ഞങ്ങൾ പിതാ​ക്ക​ന്മാ​രു​ടെ കാലത്തു ഉണ്ടായി​രു​ന്നു എങ്കിൽ പിതാ​ക്കൻമാ​രെ കൊല്ലു​ന്ന​തിൽ കൂട്ടാ​ളി​കൾ ആകയി​ല്ലാ​യി​രു​ന്നു എന്നു പറയുന്നു. അങ്ങനെ നിങ്ങൾ പ്രവാ​ച​കൻമാ​രെ കൊന്ന​വ​രു​ടെ മക്കൾ എന്നു നിങ്ങൾ തന്നേ സാക്ഷ്യം പറയു​ന്നു​വ​ല്ലോ.” (മത്തായി 23:29-31) ദൈവ​ഭ​ക്തി​യു​ള്ള​വ​രെന്ന്‌ അവകാ​ശ​പ്പെ​ട്ടെ​ങ്കി​ലും യേശു​വി​നെ​യും അവന്റെ ശിഷ്യ​ന്മാ​രെ​യും പീഡി​പ്പിച്ച ആ മതനേ​താ​ക്കൾ കപടഭ​ക്ത​രാ​യി​രു​ന്നു.

ബൈബിൾ പഠിപ്പി​ക്കുന്ന പാഠങ്ങൾ

ലൗകിക ചരി​ത്ര​ത്തിൽനിന്ന്‌ പാഠങ്ങൾ പഠിക്കാൻ കഴിയും. എന്നാൽ ഏറ്റവും പ്രയോ​ജ​ന​പ്ര​ദ​ങ്ങ​ളായ പാഠങ്ങ​ളു​ടെ ഉറവിടം ബൈബി​ളാണ്‌. ചരി​ത്രത്തെ വ്യാഖ്യാ​നി​ക്കാ​നുള്ള ചുമതല അതു മാനു​ഷിക വിലയി​രു​ത്ത​ലി​നോ മുൻവി​ധി​ക്കോ ഏൽപ്പിച്ചു കൊടു​ത്തി​ട്ടില്ല. ചരി​ത്ര​വും ഭാവി​യും ദൈവ​ത്തി​ന്റെ ചിന്താ​ഗ​തി​യു​ടെ അടിസ്ഥാ​ന​ത്തി​ലാണ്‌ ബൈബിൾ വിവരി​ക്കു​ന്നത്‌.—യെശയ്യാവ്‌ 55:8, 9.

നല്ലതും മോശ​വു​മായ സംഭവ​ങ്ങ​ളെ​ക്കു​റി​ച്ചും നല്ലവരും കൊള്ള​രു​താ​ത്ത​വ​രു​മായ ആളുക​ളെ​ക്കു​റി​ച്ചും തിരു​വെ​ഴു​ത്തു​കൾ പരാമർശി​ക്കു​ന്നു. മിക്ക​പ്പോ​ഴും ഈ വിവര​ണ​ങ്ങ​ളിൽനിന്ന്‌ ശരിയായ പാഠം, ദൈ​വേ​ഷ്ട​ത്തി​നു യോജി​പ്പി​ലുള്ള ഒന്ന്‌, പഠിക്കാൻ സാധി​ക്കും. പുരാതന ഇസ്രാ​യേ​ല്യ​രു​ടെ ചരി​ത്ര​ത്തിൽ നടന്ന ഒട്ടേറെ സംഭവ​ങ്ങ​ളെ​ക്കു​റി​ച്ചു പരാമർശിച്ച ശേഷം അപ്പൊ​സ്‌ത​ല​നായ പൗലൊസ്‌ ഇങ്ങനെ ഉപസം​ഹ​രി​ച്ചു: ‘ഇതു ദൃഷ്ടാ​ന്ത​മാ​യി​ട്ടു അവർക്കു സംഭവി​ച്ചു, നമുക്കു ബുദ്ധ്യു​പ​ദേ​ശ​ത്തി​ന്നാ​യി എഴുതി​യി​രി​ക്കു​ന്നു.’ (1 കൊരി​ന്ത്യർ 10:11) “ലോത്തി​ന്റെ ഭാര്യയെ ഓർത്തു​കൊൾവിൻ” എന്നു പറഞ്ഞ​പ്പോൾ യേശു​തന്നെ ചരി​ത്ര​ത്തിൽനിന്ന്‌ ഒരു പാഠം സ്വീക​രി​ച്ചു.—ലൂക്കൊസ്‌ 17:32.

ദൈവം ഓർമി​ക്കു​ന്ന​തും മറക്കു​ന്ന​തു​മായ കാര്യങ്ങൾ

ദൈവം വ്യക്തി​കളെ ഓർമി​ക്കു​ക​യോ മറക്കു​ക​യോ ചെയ്യു​ന്നത്‌ അവരുടെ പ്രവൃ​ത്തി​ക​ളു​ടെ അടിസ്ഥാ​ന​ത്തി​ലാ​ണെന്ന്‌ നാം ബൈബി​ളിൽനി​ന്നു മനസ്സി​ലാ​ക്കു​ന്നു. പാപം ചെയ്‌ത​വ​രെ​ങ്കി​ലും അനുതാ​പം പ്രകടി​പ്പി​ക്കു​ന്ന​വ​രോട്‌ ദൈവം “ധാരാളം” ക്ഷമിക്കും. (യെശയ്യാ​വു 55:7) ദുഷ്ടനായ ഒരുവൻ ‘തന്റെ പാപം വിട്ടു​തി​രി​ഞ്ഞു നീതി​യും ന്യായ​വും പ്രവർത്തി​ച്ചാൽ അവൻ ചെയ്‌ത പാപം ഒന്നും അവന്നു കണക്കി​ടു​ക​യില്ല.’—യെഹെ​സ്‌കേൽ 33:14-16.

‘ദൈവം നിങ്ങളു​ടെ പ്രവൃ​ത്തി​യും തന്റെ നാമ​ത്തോ​ടു കാണിച്ച സ്‌നേ​ഹ​വും മറന്നു​ക​ള​വാൻ തക്കവണ്ണം അനീതി​യു​ള്ള​വനല്ല’ എന്ന്‌ പൗലൊസ്‌ എഴുതി. (എബ്രായർ 6:10) അതു​കൊണ്ട്‌ താൻ പ്രീതി​യോ​ടെ ഓർക്കു​ന്ന​വർക്ക്‌ ദൈവം പ്രതി​ഫലം നൽകും. വിശ്വ​സ്‌ത​നായ ഇയ്യോബ്‌ പ്രാർഥി​ച്ചു: “നീ എന്നെ പാതാ​ള​ത്തിൽ മറെച്ചു​വെ​ക്ക​യും . . . എനിക്കു ഒരവധി നിശ്ചയി​ച്ചു എന്നെ ഓർക്കു​ക​യും ചെയ്‌തൂ​വെ​ങ്കിൽ കൊള്ളാ​യി​രു​ന്നു.”—ഇയ്യോബ്‌ 14:13.

ഇതിനു വിപരീ​ത​മാ​യി ദൈവം അനുതാ​പ​മി​ല്ലാത്ത ദുഷ്‌പ്ര​വൃ​ത്തി​ക്കാ​രോട്‌ താൻ മോശ​യോ​ടു പറഞ്ഞ വാക്കു​കൾക്കു ചേർച്ച​യിൽ പെരു​മാ​റും: ‘അവന്റെ പേർ ഞാൻ എന്റെ പുസ്‌ത​ക​ത്തിൽനി​ന്നും മായിച്ചു കളയും.’ (പുറപ്പാ​ടു 32:33) അതേ, ദുഷ്ടന്മാ​രെ ദൈവം എന്നേക്കു​മാ​യി മറന്നു​ക​ള​യും.

അന്തിമ വിധി​കർത്താവ്‌

ചരി​ത്ര​ത്തി​ന്റെ അന്തിമ വിധി​കർത്താവ്‌ ദൈവ​മാണ്‌. (ഉല്‌പത്തി 18:25; യെശയ്യാ​വു 14:24, 27; 46:9-11; 55:11) അവന്റെ വിധി നിർവ​ഹണം അധിഷ്‌ഠി​ത​മാ​യി​രി​ക്കുന്ന ഉന്നത നിലവാ​ര​ങ്ങ​ളോ​ടുള്ള ചേർച്ച​യിൽ മനുഷ്യ​വർഗ​ത്തി​നെ​തി​രെ ചെയ്യ​പ്പെ​ട്ടി​ട്ടുള്ള അസംഖ്യം കൊടും ക്രൂര​തകൾ അവൻ മറന്നു കളയു​ക​യില്ല. കൊടും ക്രൂര​ത​കൾക്ക്‌ ഉത്തരവാ​ദി​ക​ളായ എല്ലാ വ്യക്തി​ക​ളെ​യും സ്ഥാപന​ങ്ങ​ളെ​യും അവന്റെ നീതി​നി​ഷ്‌ഠ​മായ ക്രോ​ധ​ദി​വ​സ​ത്തിൽ അവൻ വിധി​ക്കും.—വെളി​പ്പാ​ടു 18-ഉം 19-ഉം അധ്യാ​യങ്ങൾ.

തിരു​വെ​ഴു​ത്തു​ക​ളിൽ “മഹതി​യാം ബാബി​ലോൻ” എന്ന പ്രതീ​കാ​ത്മക പേരു നൽകി​യി​രി​ക്കുന്ന മുഴു വ്യാജ മത സംഘട​ന​യും ഇതിൽ ഉൾപ്പെ​ടും. അവളെ​ക്കു​റിച്ച്‌ ഇങ്ങനെ എഴുത​പ്പെ​ട്ടി​രി​ക്കു​ന്നു: “അവളുടെ പാപം ആകാശ​ത്തോ​ളം കുന്നി​ച്ചി​രി​ക്കു​ന്നു; അവളുടെ അകൃത്യം ദൈവം ഓർത്തി​ട്ടു​മുണ്ട്‌.”—വെളി​പ്പാ​ടു 18:2, 5.

ഈ മതങ്ങൾ തങ്ങളുടെ അംഗങ്ങളെ ശരിയായ സംഗതി ചെയ്യാൻ പഠിപ്പി​ക്കേ​ണ്ട​താ​യി​രു​ന്നു, എന്നാൽ അവ അതിൽ പരാജ​യ​പ്പെ​ട്ടി​രി​ക്കു​ന്നു. അതു​കൊണ്ട്‌ ദൈവ​വ​ചനം എല്ലാ ലോക മതങ്ങ​ളെ​യും കുറിച്ച്‌ ഇപ്രകാ​രം പറയുന്നു: “പ്രവാ​ച​ക​ന്മാ​രു​ടെ​യും വിശു​ദ്ധ​ന്മാ​രു​ടെ​യും ഭൂമി​യിൽവെച്ചു കൊന്നു​കളഞ്ഞ എല്ലാവ​രു​ടെ​യും രക്തം അവളിൽ അല്ലോ കണ്ടതു.” (ചെരി​ച്ചെ​ഴു​ത്തു ഞങ്ങളു​ടേത്‌.) (വെളി​പ്പാ​ടു 18:24) സഹമനു​ഷ്യ​രെ​യും സഹമത​ക്കാ​രെ​യും സ്‌നേ​ഹി​ക്കാൻ തങ്ങളുടെ അംഗങ്ങളെ പഠിപ്പി​ക്കാൻ പരാജ​യ​പ്പെ​ട്ടതു കാരണം ഈ മതങ്ങളു​ടെ​മേൽ രക്തപാ​ത​ക​ക്കു​റ്റം ചുമത്തി​യി​രി​ക്കു​ന്നു.

പുതിയ ലോകം സമീപസ്ഥം!

ദുഷ്‌പ്ര​വൃ​ത്തി​ക്കാർ നീക്കം ചെയ്യ​പ്പെ​ടാൻ പോകുന്ന ദിവസം ഒടുവിൽ അടുത്തി​രി​ക്കു​ന്നു. (സെഫന്യാ​വു 2:1-3; മത്തായി 24:3, 7-14) ആ ദിവസത്തെ തുടർന്ന്‌, ഭൂമി​യി​ലെ സന്തുഷ്ട നിവാ​സി​കൾക്ക്‌ “ദുഃഖ​വും മുറവി​ളി​യും കഷ്ടതയും ഇനി ഉണ്ടാകയി”ല്ലാത്ത കാലം വരും. (വെളി​പ്പാ​ടു 21:3-5) കൊടും ക്രൂര​ത​ക​ളും കൂട്ടക്കു​രു​തി​ക​ളും വീണ്ടും ഉണ്ടാകു​ക​യില്ല. കാരണം ഭൂമി​യു​ടെ ഭരണാ​ധി​കാ​രം മനുഷ്യ​രിൽ നിന്നെ​ടുത്ത്‌ “സമാധാന പ്രഭു” ആയ യേശു ക്രിസ്‌തു​വി​ന്റെ കരങ്ങളി​ലെ ദൈവ​ത്തി​ന്റെ സ്വർഗീയ രാജ്യ​ത്തിന്‌ ഏൽപ്പി​ക്ക​പ്പെ​ടും.—യെശയ്യാ​വു 9:6, 7; ദാനീ​യേൽ 2:44; മത്തായി 6:9, 10.

അപ്പോൾ സങ്കീർത്തനം 46:9-ലെ പ്രവചനം പൂർണ​മാ​യും നിവൃ​ത്തി​യേ​റും: “[ദൈവം] ഭൂമി​യു​ടെ അററം​വ​രെ​യും യുദ്ധങ്ങളെ നിർത്തൽ ചെയ്യുന്നു.” ആ സമാധാ​നം എന്നേക്കും നിലനിൽക്കും. കാരണം യെശയ്യാ​വു 2:4-ൽ മുൻകൂ​ട്ടി പറയ​പ്പെ​ട്ട​തു​പോ​ലെ മേലാൽ, “ജാതി ജാതിക്കു നേരെ വാളോ​ങ്ങു​ക​യില്ല; അവർ ഇനി യുദ്ധം അഭ്യസി​ക്ക​യും ഇല്ല.” അങ്ങനെ സങ്കീർത്തനം 37:11 ഇപ്രകാ​രം മുൻകൂ​ട്ടി പറയുന്നു: “സൌമ്യ​ത​യു​ള്ളവർ ഭൂമിയെ കൈവ​ശ​മാ​ക്കും; സമാധാ​ന​സ​മൃ​ദ്ധി​യിൽ അവർ ആനന്ദി​ക്കും.” അതേ, “സർവ്വഭൂ​മി​യും വിശ്ര​മി​ച്ചു സ്വസ്ഥമാ​യി​രി​ക്കു​ന്നു; അവർ ആർത്തു​പാ​ടു​ന്നു” എന്നു പറയ​പ്പെ​ടും.—യെശയ്യാ​വു 14:7.

ഇതെല്ലാം അർഥമാ​ക്കു​ന്നത്‌ നീതി വസിക്കുന്ന ഒരു പുതിയ ഭൂമി സമീപ​സ്ഥ​മാ​ണെ​ന്നാണ്‌. ആ പുതിയ ലോക​ത്തിൽ ദൈവ​ത്തി​ന്റെ സ്വർഗീയ രാജ്യ​ത്തിൻ കീഴിൽ അത്ഭുത​ക​ര​മായ മറ്റൊരു സംഭവ​വും നടക്കും—മരിച്ച​വ​രു​ടെ പുനരു​ത്ഥാ​നം! ദൈവ​വ​ചനം ഉറപ്പു തരുന്നു: “നീതി​മാ​ന്മാ​രു​ടെ​യും നീതി​കെ​ട്ട​വ​രു​ടെ​യും പുനരു​ത്ഥാ​നം ഉണ്ടാകും.”—പ്രവൃ​ത്തി​കൾ 24:15.

ഭൂമി​യി​ലാ​യി​രു​ന്ന​പ്പോൾ ആളുകളെ മരിച്ച​വ​രിൽനിന്ന്‌ ഉയിർപ്പി​ച്ചു​കൊണ്ട്‌ യേശു ഇതു പ്രകട​മാ​ക്കി. ഉദാഹ​ര​ണ​ത്തിന്‌ അവൻ ഒരു ബാലി​കയെ ഉയിർപ്പിച്ച വിവര​ണ​ത്തിൽ ഇങ്ങനെ പറയുന്നു: “ബാല ഉടനെ എഴു​ന്നേ​ററു നടന്നു . . . [കണ്ടുനി​ന്നവർ] അത്യന്തം വിസ്‌മ​യി​ച്ചു.” (മർക്കൊസ്‌ 5:42) കൊടും ക്രൂര​ത​ക​ളാൽ കൊല്ല​പ്പെ​ട്ട​വ​രും അതു​പോ​ലെ​തന്നെ ദീർഘ​നാ​ളു​കൾക്കു മുമ്പു മരിച്ച​വ​രും പുനരു​ത്ഥാ​ന​ത്തിൽ ഉയിർപ്പി​ക്ക​പ്പെ​ടും. ഒരു പറുദീ​സാ ഭൂമി​യിൽ എന്നേക്കും ജീവി​ക്കാ​നുള്ള അവസരം അവർക്കു നൽക​പ്പെ​ടും. (ലൂക്കൊസ്‌ 23:43) കാലാ​ന്ത​ര​ത്തിൽ “മുമ്പി​ലത്തവ ആരും ഓർക്കു​ക​യില്ല; ആരു​ടെ​യും മനസ്സിൽ വരിക​യു​മില്ല.”—യെശയ്യാ​വു 65:17.

ദൈവ​വ​ച​ന​മാ​യ ബൈബി​ളി​നെ​ക്കു​റിച്ച്‌ സൂക്ഷ്‌മ പരിജ്ഞാ​നം സമ്പാദി​ക്കു​ന്ന​തും ദൈ​വേഷ്ടം ചെയ്യു​ന്ന​തും ജ്ഞാനപൂർവ​ക​മായ സംഗതി​ക​ളാണ്‌. അങ്ങനെ​യെ​ങ്കിൽ കൊടും ക്രൂര​തകൾ സംബന്ധിച്ച പ്രശ്‌നങ്ങൾ പരിഹ​രി​ക്കു​ക​യും അതിന്‌ ഇരകളാ​യ​വരെ ജീവനി​ലേക്കു പുനഃ​സ്ഥി​തീ​ക​രി​ക്കു​ക​യും ചെയ്യു​മ്പോൾ ദൈവം നിങ്ങളെ ഓർമി​ക്കും. യേശു പറഞ്ഞു: “ഏകസത്യ​ദൈ​വ​മായ നിന്നെ​യും നീ അയച്ചി​രി​ക്കുന്ന യേശു​ക്രി​സ്‌തു​വി​നെ​യും അറിയു​ന്നതു തന്നേ നിത്യ​ജീ​വൻ ആകുന്നു.”—യോഹ​ന്നാൻ 17:3.

[8, 9 പേജു​ക​ളി​ലെ ചിത്രങ്ങൾ]

ദൈവം ഭൂമിയെ സമാധാ​നം കളിയാ​ടുന്ന ഒരു പറുദീ​സ​യാ​ക്കി മാറ്റും

[10-ാം പേജിലെ ചിത്രങ്ങൾ]

മരിച്ചവരെ ഉയിർപ്പി​ച്ചു​കൊണ്ട്‌ കഴിഞ്ഞ കാലത്തു നടന്ന കൊടും ക്രൂര​ത​ക​ളു​ടെ ഫലങ്ങളെ ദൈവം തുടച്ചു നീക്കും