ഞങ്ങളുടെ വായന​ക്കാ​രിൽനിന്ന്‌

ലോകത്തെ വീക്ഷിക്കൽ ഞാനൊ​രു പത്ര​പ്ര​വർത്ത​ക​നാണ്‌. എന്റെ സഹപ്ര​വർത്ത​ക​രിൽ പലരും തങ്ങളുടെ തൊഴി​ലി​നു വേണ്ട ആശയങ്ങൾക്കാ​യി “ലോകത്തെ വീക്ഷിക്കൽ” എന്ന കോളം വായി​ക്കാൻ അതിയാ​യി ഇഷ്ടപ്പെ​ടു​ന്നു. ചില ലേഖനങ്ങൾ എനിക്കും പ്രചോ​ദ​ന​മേകി എന്നു സമ്മതി​ക്കേ​ണ്ടി​യി​രി​ക്കു​ന്നു. നിങ്ങളു​ടെ പരിഭാ​ഷ​ക​രെ​യും പ്രൂഫ്‌ വായന​ക്കാ​രെ​യും ഞാൻ പ്രത്യേ​കം പ്രശം​സി​ക്കു​ന്നു. ഉന്നത നിലവാ​രങ്ങൾ പുലർത്തുന്ന അത്തരം ഭാഷ ബഹുജന മാധ്യമ രംഗത്തു സാധാ​ര​ണമല്ല.

ജെ. ബി., ചെക്കിയ

വർഷങ്ങൾക്കു മുമ്പ്‌ ഉണരുക! വായി​ക്കാൻ ആരംഭി​ച്ച​പ്പോൾ “ലോകത്തെ വീക്ഷിക്കൽ” എന്ന ഭാഗം വായി​ക്കാൻ എനിക്കു തീരെ താത്‌പ​ര്യം തോന്നി​യി​രു​ന്നില്ല. എന്നാൽ, അത്‌ അത്യന്തം വിജ്ഞാ​ന​പ്ര​ദ​മാ​ണെന്നു ഞാൻ ഇപ്പോൾ മനസ്സി​ലാ​ക്കു​ന്നു. വാസ്‌ത​വ​ത്തിൽ, ടിവി വാർത്താ പ്രക്ഷേ​പ​ണ​ങ്ങ​ളിൽ കാണാത്ത നിരവധി ലോക സംഭവങ്ങൾ ‘ലോകത്തെ വീക്ഷി​ക്കലി’ൽ വരുന്നുണ്ട്‌. വിശി​ഷ്ട​മായ ഈ വേലയിൽ തുടരുക!

ഐ. കെ. എം. സി., ബ്രസീൽ

പകർച്ച​വ്യാ​ധി “പകർച്ച​വ്യാ​ധി—അത്‌ എന്നെങ്കി​ലും അവസാ​നി​ക്കു​മോ?” (നവംബർ 22, 1997) എന്ന ലേഖന പരമ്പര ഇങ്ങനെ പ്രസ്‌താ​വി​ച്ചു: “മരണകാ​ര​ണ​ങ്ങ​ളിൽ ലോക​ത്തിൽ മുൻപ​ന്തി​യിൽ നിൽക്കു​ന്നത്‌ സാം​ക്ര​മിക രോഗ​ങ്ങ​ളാണ്‌, 1996-ൽ മാത്ര​മാ​യി അത്‌ അഞ്ചു കോടി​യി​ലേറെ ആളുകളെ കൊ​ന്നൊ​ടു​ക്കി​യി​രി​ക്കു​ന്നു.” എന്നാൽ, 1996-ലുണ്ടായ 5.2 കോടി​യി​ല​ധി​കം മരണങ്ങ​ളിൽ 1.7 കോടി​യി​ല​ധി​കം സാം​ക്ര​മിക രോഗ​ങ്ങ​ളോ പരാദ​രോ​ഗ​ബാ​ധ​യോ നിമി​ത്ത​മാ​യി​രു​ന്നു​വെന്ന്‌ ലോകാ​രോ​ഗ്യ സംഘട​ന​യു​ടെ ഒരു റിപ്പോർട്ടു പറയുന്നു.

ബി. ബി., ഐക്യ​നാ​ടു​കൾ

“നാസൗ​യി​ഷെ നോയീ പ്രെസെ” എന്ന ജർമൻ വാർത്താ പത്രമാ​യി​രു​ന്നു ഞങ്ങളുടെ വിവര​ങ്ങൾക്ക്‌ ഉറവിടം. ലോകാ​രോ​ഗ്യ സംഘട​ന​യു​ടെ റിപ്പോർട്ട്‌ പ്രസ്‌തുത പത്ര​ലേ​ഖനം തെറ്റായി ഉദ്ധരി​ച്ച​താ​ണെന്നു വ്യക്തം. വിശദീ​ക​ര​ണ​ത്തി​നു നന്ദി.—പ്രസാ​ധകർ.

വിക്കൽ “വിക്കി​നെ​ക്കു​റി​ച്ചുള്ള ഭയം മനസ്സി​ലാ​ക്കൽ” (നവംബർ 22, 1997) എന്ന ലേഖന​ത്തി​നു നന്ദി. ഞങ്ങളുടെ സഭയിൽ ഈ പ്രശ്‌ന​മുള്ള ഏതാനും ചെറു​പ്പ​ക്കാ​രുണ്ട്‌. അവരു​മാ​യി സഹവസി​ക്കാൻ എപ്പോ​ഴും എനി​ക്കൊ​രു വല്ലായ്‌മ​യാ​യി​രു​ന്നു. വിക്കന്മാ​രു​മാ​യി ഇടപെ​ടാൻ സഹായി​ക്കുന്ന പ്രാ​യോ​ഗിക നിർദേ​ശങ്ങൾ വായി​ക്കാൻ സാധി​ച്ച​തിൽ സന്തോഷം. അത്തരക്കാർക്കു പിന്തുണ നൽകാൻ ഞങ്ങൾക്കു പ്രചോ​ദ​ന​മേ​കുക മാത്രമല്ല, അതെങ്ങനെ ചെയ്യണ​മെന്നു നിങ്ങൾ മനസ്സി​ലാ​ക്കി തരിക​യും ചെയ്‌തു.

വൈ. എൻ., ജപ്പാൻ

സ്‌കൂ​ളിൽ, എന്റെ ക്ലാസ്സിൽ രണ്ടു​പേർക്കു വിക്കുണ്ട്‌. അവർ ഒരിക്ക​ലും​തന്നെ ക്ലാസ്സിൽ ഉത്തരം പറയാ​റില്ല. മാത്രമല്ല, നിങ്ങളു​ടെ ലേഖന​ത്തിൽ പറഞ്ഞി​രി​ക്കു​ന്നതു പോലെ, ഉറക്കെ വായി​ക്കാൻ ആവശ്യ​പ്പെ​ടു​മ്പോൾ അവർ പരി​ഭ്രാ​ന്ത​രാ​കു​ന്ന​താ​യി കണ്ടിട്ടുണ്ട്‌. ക്ലാസ്സിൽ സംസാ​രി​ക്കാൻ അവർ മറിക​ട​ക്കേണ്ട ഭയത്തെ കുറിച്ചു മെച്ചമാ​യി മനസ്സി​ലാ​ക്കാൻ നിങ്ങളു​ടെ ലേഖനം എന്നെ സഹായി​ച്ചു.

എസ്‌. എൽ., ജർമനി

എനിക്കു 16 വയസ്സുണ്ട്‌. ഞാനൊ​രു വിക്കനാണ്‌. പ്രസ്‌തുത ലേഖനം വായി​ച്ച​പ്പോൾ എനിക്കു ലഭിച്ച പ്രോ​ത്സാ​ഹ​ന​ത്തി​നു ഹൃദയം​ഗ​മ​മാ​യി നന്ദി പറയാൻ ഞാൻ ആഗ്രഹി​ക്കു​ന്നു. ആഗ്രഹി​ക്കു​ന്ന​തെ​ല്ലാം ചെയ്യാൻ സാധി​ക്കാ​ത്ത​തിൽ ചില​പ്പോ​ഴൊ​ക്കെ ഞങ്ങൾക്കു നിരാശ തോന്നാ​റുണ്ട്‌. യഹോവ ഞങ്ങളെ കുറിച്ചു ചിന്തി​ക്കു​ക​യും ഞങ്ങളെ പ്രോ​ത്സാ​ഹി​പ്പി​ക്കു​ക​യും ചെയ്യു​ന്നത്‌ എങ്ങനെ എന്ന്‌ അറിയു​ന്നത്‌ അത്ഭുത​ക​ര​മാണ്‌. ഈ ലേഖനം വായി​ച്ച​വർക്കെ​ല്ലാം വിക്കന്മാർ നടത്തുന്ന ശ്രമങ്ങളെ കുറിച്ചു മനസ്സി​ലാ​ക്കാൻ സഹായം ലഭിച്ചു എന്നു പ്രത്യാ​ശി​ക്കു​ന്നു.

എസ്‌. ഡി. എ., ഇറ്റലി

ഈ ലേഖനം വേദനാ​ക​ര​മായ ഓർമ​ക​ളു​ടെ ചെപ്പു തുറന്നു. യഹോവ എന്നെക്കു​റിച്ച്‌ എത്രമാ​ത്രം കരുതു​ന്നു എന്നും വർഷങ്ങ​ളോ​ളം എന്നെ എത്രമാ​ത്രം അനു​ഗ്ര​ഹി​ച്ചി​രി​ക്കു​ന്നു എന്നും തിരി​ച്ച​റി​യാൻ അതെന്നെ സഹായി​ച്ചു. 11-ാം വയസ്സിൽ സ്‌നാ​പനം ഏറ്റപ്പോൾ, ഒരു പരസ്യ പ്രസം​ഗ​ക​നാ​യി യഹോ​വയെ സ്‌തു​തി​ക്കാ​നാ​യി​രു​ന്നു എന്റെ ഉത്‌ക​ട​മായ അഭിലാ​ഷം. ആ ലക്ഷ്യ​പ്രാ​പ്‌തിക്ക്‌ ദൈവ​ത്തി​ന്റെ പുതിയ ലോകം വരെ കാത്തി​രി​ക്കണം എന്നായി​രു​ന്നു എന്റെ ധാരണ. എന്നാൽ കഴിഞ്ഞ 37 വർഷം സർക്കിട്ട്‌ സമ്മേള​ന​ങ്ങ​ളി​ലും ഡിസ്‌ട്രി​ക്‌റ്റ്‌ കൺ​വെൻ​ഷ​നു​ക​ളി​ലും ഒക്കെയാ​യി അസംഖ്യം പരസ്യ പ്രസം​ഗങ്ങൾ നടത്താൻ എനിക്കു പദവി ലഭിച്ചു.

ആർ. എഫ്‌. ഡി., ഇംഗ്ലണ്ട്‌.

വിക്കിനെ ഭയന്ന്‌ സഭാ യോഗ​ങ്ങ​ളിൽ അഭി​പ്രാ​യങ്ങൾ പറയാൻ എനിക്കു വൈക്ല​ബ്യ​മാണ്‌. വീടു​തോ​റു​മുള്ള പ്രസം​ഗ​വേ​ല​യിൽ—പ്രത്യേ​കി​ച്ചും, നന്നായി സംസാ​രി​ക്കു​ന്ന​വ​രോ​ടൊ​പ്പം—ഏർപ്പെ​ടു​മ്പോ​ഴും വിക്കു​ണ്ടാ​കു​മോ എന്നു ഞാൻ ഭയപ്പെ​ടു​ന്നു. യഹോവ എന്റെ പ്രശ്‌നങ്ങൾ മനസ്സി​ലാ​ക്കു​ന്നു​ണ്ടെന്നു തിരി​ച്ച​റി​യാൻ ഈ ലേഖനം എന്നെ സഹായി​ച്ചു.

സി. സി. എൽ., ബ്രസീൽ.