പരസ്യ​ങ്ങ​ളു​ടെ സ്വാധീ​ന​ശ​ക്തി

ദീർഘ​നാൾ മുമ്പ്‌ ടെലി​വി​ഷ​നിൽ പരിപാ​ടി​യു​ടെ ഇടയ്‌ക്ക്‌ ഒരു പരസ്യം അവതരി​പ്പി​ക്കു​ന്ന​തി​നു മുമ്പ്‌ ഇങ്ങനെ പറയു​മാ​യി​രു​ന്നു, “ഇനി, ഞങ്ങളുടെ പ്രാ​യോ​ജ​ക​രിൽനിന്ന്‌ ഏതാനും വാക്കുകൾ.” പണം കൊടുത്ത്‌ തങ്ങളുടെ ഉത്‌പ​ന്നങ്ങൾ പരസ്യ​പ്പെ​ടു​ത്തുന്ന കമ്പനി​ക​ളാണ്‌ പ്രാ​യോ​ജകർ. ‘പ്രാ​യോ​ജ​ക​രിൽ നിന്നുള്ള ഏതാനും വാക്കുകൾ’ വാക്കു​ക​ളു​ടെ ഒരു പ്രളയ​മാ​യി തീർന്നി​രി​ക്കേ, പ്രാ​യോ​ജകർ വാർത്താ-വിനോദ മാധ്യ​മ​ങ്ങളെ—ടെലി​വി​ഷൻ, മാസി​കകൾ, പത്രങ്ങൾ, റേഡി​യോ എന്നിവയെ—സാമ്പത്തി​ക​മാ​യി ഇപ്പോ​ഴും പിന്തു​ണ​യ്‌ക്കു​ന്നു. തത്‌ഫ​ല​മാ​യി, മാധ്യ​മ​ത്തിൽ എന്തു പ്രത്യ​ക്ഷ​പ്പെ​ട​ണ​മെ​ന്നും എന്തു പ്രത്യ​ക്ഷ​പ്പെ​ടേ​ണ്ടെ​ന്നും തീരു​മാ​നി​ക്കു​ന്നത്‌ ഒരു പരിധി വരെ അവരാ​യി​ത്തീർന്നി​രി​ക്കു​ന്നു.

ഉദാഹ​ര​ണ​ത്തിന്‌, 1993-ൽ ജർമൻ ആഡംബര കാർ നിർമി​ക്കുന്ന ഒരു കമ്പനി തങ്ങളുടെ കാറി​നെ​ക്കു​റി​ച്ചുള്ള പരസ്യങ്ങൾ “അനു​യോ​ജ്യ പ്രസാധക ചുറ്റു​പാ​ടിൽ മാത്രമേ” അവതരി​പ്പി​ക്കാ​വൂ എന്ന്‌ ആവശ്യ​പ്പെ​ട്ടു​കൊണ്ട്‌ 30 മാസി​ക​കൾക്ക്‌ എഴുതു​ക​യു​ണ്ടാ​യി. അവരുടെ കാറിന്റെ പരസ്യങ്ങൾ വരുന്ന ലക്കങ്ങളിൽ അവരുടെ കാറി​നെ​ക്കു​റി​ച്ചോ ജർമൻ ഉത്‌പ​ന്ന​ങ്ങ​ളെ​ക്കു​റി​ച്ചോ ജർമനി​യെ​ക്കു​റി​ച്ചു തന്നെയോ ഉള്ള വിമർശ​നാ​ത്മ​ക​മായ യാതൊ​രു വിവര​ങ്ങ​ളും പ്രസി​ദ്ധീ​ക​രി​ക്കാൻ പാടി​ല്ലെന്ന്‌ ആ കത്തിൽ ആവശ്യ​പ്പെ​ട്ടി​രു​ന്നു. മാസി​ക​ക​ളിൽ തങ്ങളുടെ ഉത്‌പന്നം പരസ്യ​പ്പെ​ടു​ത്തു​ന്ന​തി​നാ​യി 15 ദശലക്ഷം ഡോളർ ചെലവ​ഴി​ക്കുന്ന ആ കമ്പനി “അനു​യോ​ജ്യ പ്രസാധക ചുറ്റു​പാട്‌” ഉണ്ടായി​രി​ക്കാൻ പ്രതീ​ക്ഷി​ച്ച​തിൽ അതിശ​യി​ക്കാ​നില്ല.

ഇനിയും, പുതിയ വിവാഹ വസ്‌ത്ര​ങ്ങ​ളു​ടെ പരസ്യങ്ങൾ ഉൾക്കൊ​ള്ളുന്ന മാസി​കകൾ, ഉപയോ​ഗിച്ച വിവാഹ വസ്‌ത്ര​ങ്ങൾക്കു വേണ്ടി​യുള്ള പരസ്യങ്ങൾ സ്വീക​രി​ക്കാ​ത്ത​തും സ്ഥാവര​വ​സ്‌തു ദല്ലാൾമാ​രു​ടെ പേരുകൾ ഉൾക്കൊ​ള്ളുന്ന പത്രങ്ങൾ ഒരു ദല്ലാളി​ന്റെ സഹായം കൂടാതെ വീടു വാങ്ങാൻ കഴിയു​ന്ന​തെ​ങ്ങ​നെ​യെന്നു വിവരി​ക്കാ​ത്ത​തും അതിശ​യ​ക​രമല്ല. അതു​പോ​ലെ​തന്നെ, സിഗര​റ്റു​ക​ളോ ഭാഗ്യ​ക്കു​റി​ക​ളോ പരസ്യ​പ്പെ​ടു​ത്തുന്ന മാധ്യ​മങ്ങൾ പുകവ​ലി​യെ​യോ ചൂതാ​ട്ട​ത്തെ​യോ വിമർശി​ക്കാ​ത്ത​തും നമ്മെ അതിശ​യി​പ്പി​ക്കേ​ണ്ട​തില്ല.

ഉപഭോഗ സംസ്‌കാ​രം

അതു​കൊണ്ട്‌, പരസ്യങ്ങൾ സാധന​ങ്ങ​ളു​ടെ വിൽപ്പ​നയെ മാത്രമല്ല സ്വാധീ​നി​ക്കു​ന്നത്‌. അത്‌ ഓരോ ഉപഭോ​ക്താ​വി​ന്റെ​യും ജീവി​ത​രീ​തി​യെ നിർണ​യി​ക്കു​ന്നു. അതായത്‌, അത്‌ ഭൗതിക സംഗതി​കളെ കേന്ദ്രീ​ക​രി​ച്ചുള്ള ഒരു ആഗോള സംസ്‌കാ​ര​ത്തി​നു രൂപം​കൊ​ടു​ക്കു​ന്നു.

അതിൽ എന്തെങ്കി​ലും തെറ്റു​ണ്ടോ? അത്‌ നാം ആരോടു ചോദി​ക്കു​ന്നു എന്നതിനെ ആശ്രയി​ച്ചി​രി​ക്കു​ന്നു. ആളുകൾ സാധനങ്ങൾ വാങ്ങാ​നും സ്വന്തമാ​ക്കാ​നും ഇഷ്ടപ്പെ​ടു​ന്നു​വെന്ന്‌ പരസ്യ​ക്കാർ ന്യായ​വാ​ദം ചെയ്യുന്നു; പരസ്യങ്ങൾ അവരുടെ താത്‌പ​ര്യ​ങ്ങൾക്ക്‌ ഉതകുന്നു. കൂടാതെ, പരസ്യങ്ങൾ തൊഴിൽ പ്രദാനം ചെയ്യു​ക​യും സ്‌പോർട്‌സി​നെ​യും കലക​ളെ​യും പ്രോ​ത്സാ​ഹി​പ്പി​ക്കു​ക​യും ചെലവു​കു​റഞ്ഞ മാധ്യമം സാധ്യ​മാ​ക്കു​ക​യും മത്സരത്തെ പ്രോ​ത്സാ​ഹി​പ്പി​ക്കു​ക​യും ഉത്‌പ​ന്ന​ങ്ങ​ളു​ടെ ഗുണനി​ല​വാ​രം മെച്ച​പ്പെ​ടു​ത്തു​ക​യും കുറഞ്ഞ വിലയ്‌ക്കു സാധനങ്ങൾ വിൽക്കു​ന്ന​തി​നു സഹായി​ക്കു​ക​യും സാധനങ്ങൾ വാങ്ങു​മ്പോൾ വസ്‌തു​നി​ഷ്‌ഠ​മായ തിര​ഞ്ഞെ​ടു​പ്പു നടത്താൻ ആളുകളെ പ്രാപ്‌ത​രാ​ക്കു​ക​യും ചെയ്യു​ന്നു​വെന്ന്‌ അവർ പറയുന്നു.

പരസ്യങ്ങൾ ആളുക​ളിൽ പുതിയ പുതിയ ആഗ്രഹങ്ങൾ ജനിപ്പി​ക്കു​ക​യും അവയെ ഊട്ടി​വ​ളർത്തു​ക​യും ചെയ്യു​ന്ന​തു​കൊണ്ട്‌ അവ ആളുകളെ അസ്വസ്ഥ​രും അതൃപ്‌ത​രും ആക്കുന്നു​വെന്ന്‌ മറ്റു ചിലർ അവകാ​ശ​പ്പെ​ടു​ന്നു. ഗവേഷ​ക​നായ ആലൻ ഡ്യുറിങ്‌ ഇങ്ങനെ എഴുതു​ന്നു: “നമ്മുടെ കാലഘട്ടം പോ​ലെ​തന്നെ പരസ്യങ്ങൾ ദ്രുത​ഗ​തി​യിൽ മാറി​ക്കൊ​ണ്ടി​രി​ക്കു​ന്നു. കൂടാതെ അവ സുഖ​ഭോ​ഗ​ത്തിന്‌ ഊന്നൽ നൽകു​ന്ന​വ​യും മാതൃകാ വ്യക്തി​കളെ കൊണ്ടു നിറഞ്ഞ​വ​യും ഫാഷന്‌ ഒത്തു പോകു​ന്ന​വ​യും ആണ്‌; അവ വ്യക്തിയെ മഹത്ത്വ​പ്പെ​ടു​ത്തു​ന്നു, ഉപഭോ​ഗത്തെ ആത്മ സംതൃ​പ്‌തി​ക്കുള്ള മാർഗ​മാ​യി ചിത്രീ​ക​രി​ക്കു​ന്നു, നമ്മുടെ ഭാഗ​ധേയം കരുപ്പി​ടി​പ്പി​ക്കുന്ന പ്രചോ​ദക ശക്തിയാണ്‌ സാങ്കേ​തിക പുരോ​ഗതി എന്ന്‌ ഊന്നി​പ്പ​റ​യു​ന്നു.”

അവ നിങ്ങളിൽ ചെലു​ത്തുന്ന സ്വാധീ​നം

വാണിജ്യ പരസ്യങ്ങൾ നമ്മുടെ വ്യക്തി​ത്വ​ത്തെ​യും ആഗ്രഹ​ങ്ങ​ളെ​യും രൂപ​പ്പെ​ടു​ത്താൻ സഹായി​ക്കു​ന്നു​ണ്ടോ? ഒരുപക്ഷേ ഉണ്ടായി​രി​ക്കാം. എന്നാൽ, ആ സ്വാധീ​നം വലുതാ​ണോ ചെറു​താ​ണോ എന്നത്‌ മറ്റു സ്വാധീന ഘടകങ്ങളെ ആശ്രയി​ച്ചി​രി​ക്കു​ന്നു.

നമ്മെ നയിക്കു​ന്നത്‌ ബൈബിൾ തത്ത്വങ്ങ​ളും മൂല്യ​ങ്ങ​ളും ആണെങ്കിൽ, ഭൗതിക വസ്‌തു​ക്കൾ സ്വന്തമാ​ക്കു​ന്ന​തിൽ യാതൊ​രു തെറ്റു​മി​ല്ലെന്നു നാം തിരി​ച്ച​റി​യും. ദൈവം അബ്രാ​ഹാ​മി​നെ​യും ഇയ്യോ​ബി​നെ​യും ശലോ​മോ​നെ​യും മറ്റും വളരെ​യ​ധി​കം സമ്പത്തു നൽകി അനു​ഗ്ര​ഹി​ച്ച​ല്ലോ.

അതേസ​മ​യം, നാം തിരു​വെ​ഴു​ത്തു തത്ത്വങ്ങൾ ബാധക​മാ​ക്കു​ന്നെ​ങ്കിൽ, ഭൗതിക വസ്‌തു​ക്കൾക്കു പിന്നാലെ പരക്കം പാഞ്ഞു​കൊണ്ട്‌ സംതൃ​പ്‌തി​യും സന്തുഷ്ടി​യും കണ്ടെത്താൻ ശ്രമി​ക്കു​ന്ന​വ​രെ​പ്പോ​ലെ നാം അസംതൃ​പ്‌ത​രാ​യി​രി​ക്കില്ല. “മടുക്കും വരെ വാങ്ങുക” എന്നതല്ല ബൈബി​ളി​ന്റെ സന്ദേശം. പകരം അത്‌ നമ്മോട്‌ പിൻവ​രുന്ന പ്രകാരം പറയുന്നു:

ദൈവ​ത്തിൽ ആശ്രയം വെക്കുക. “ഈ ലോക​ത്തി​ലെ ധനവാ​ന്മാ​രോ​ടു ഉന്നതഭാ​വം കൂടാ​തെ​യി​രി​പ്പാ​നും നിശ്ചയ​മി​ല്ലാത്ത ധനത്തിലല്ല, നമുക്കു സകലവും ധാരാ​ള​മാ​യി അനുഭ​വി​പ്പാൻ തരുന്ന ദൈവ​ത്തിൽ ആശ വെപ്പാ​നും . . . ആജ്ഞാപിക്ക.”—1 തിമൊ​ഥെ​യൊസ്‌ 6:17-19.

തൃപ്‌ത​രാ​യി​രി​ക്കുക. “നാം ഈ ലോക​ത്തി​ലേക്ക്‌ ഒന്നും കൊണ്ടു​വ​ന്നില്ല. ഇവി​ടെ​നിന്ന്‌ ഒന്നും കൊണ്ടു​പോ​കാ​നും നമുക്കു സാധി​ക്കു​ക​യില്ല. ഭക്ഷണവും വസ്‌ത്ര​വു​മു​ണ്ടെ​ങ്കിൽ അതു​കൊ​ണ്ടു നമുക്കു തൃപ്‌തി​പ്പെ​ടാം.”—1 തിമൊ​ഥെ​യൊസ്‌ 6:7, 8, പി.ഒ.സി. ബൈബിൾ.

വിനയം ഉള്ളവരാ​യി​രി​ക്കുക. “സ്‌ത്രീ​ക​ളും യോഗ്യ​മായ വസ്‌ത്രം ധരിച്ചു ലജ്ജാശീ​ല​ത്തോ​ടും [“വിനയ​ത്തോ​ടും,” NW] സുബോ​ധ​ത്തോ​ടും​കൂ​ടെ തങ്ങളെ അലങ്കരി​ക്കേണം. പിന്നിയ തലമുടി, പൊന്നു, മുത്തു, വില​യേ​റിയ വസ്‌ത്രം എന്നിവ​കൊ​ണ്ടല്ല, ദൈവ​ഭ​ക്തി​യെ സ്വീക​രി​ക്കുന്ന സ്‌ത്രീ​കൾക്കു ഉചിത​മാ​കും​വണ്ണം സൽപ്ര​വൃ​ത്തി​ക​ളെ​ക്കൊ​ണ്ട​ത്രേ അലങ്കരി​ക്കേ​ണ്ടതു.”—1 തിമൊ​ഥെ​യൊസ്‌ 2:9, 10.

ദൈവിക ജ്ഞാനം സമ്പത്തി​നെ​ക്കാൾ ശ്രേഷ്‌ഠ​മാ​ണെന്ന്‌ അറിയുക. “ജ്ഞാനം പ്രാപി​ക്കുന്ന മനുഷ്യ​നും വിവേകം ലഭിക്കുന്ന നരനും ഭാഗ്യ​വാൻ. അതിന്റെ സമ്പാദനം വെള്ളി​യു​ടെ സമ്പാദ​ന​ത്തി​ലും അതിന്റെ ലാഭം തങ്കത്തി​ലും നല്ലതു. അതു മുത്തു​ക​ളി​ലും വില​യേ​റി​യതു; നിന്റെ മനോ​ഹ​ര​വ​സ്‌തു​ക്കൾ ഒന്നും അതിന്നു തുല്യ​മാ​ക​യില്ല. അതിന്റെ വലങ്കയ്യിൽ ദീർഘാ​യു​സ്സും ഇടങ്കയ്യിൽ ധനവും മാനവും ഇരിക്കു​ന്നു. അതിന്റെ വഴികൾ ഇമ്പമുള്ള വഴിക​ളും അതിന്റെ പാതക​ളെ​ല്ലാം സമാധാ​ന​വും ആകുന്നു. അതിനെ പിടി​ച്ചു​കൊ​ള്ളു​ന്ന​വർക്കു അതു ജീവ വൃക്ഷം; അതിനെ കരസ്ഥമാ​ക്കു​ന്നവർ ഭാഗ്യ​വാ​ന്മാർ.”—സദൃശ​വാ​ക്യ​ങ്ങൾ 3:13-18.

ദാനം ശീലി​ക്കുക. “സ്വീക​രി​ക്കു​ന്ന​തിൽ ഉള്ളതി​നെ​ക്കാൾ സന്തോഷം കൊടു​ക്കു​ന്ന​തി​ലുണ്ട്‌.”—പ്രവൃ​ത്തി​കൾ 20:35, NW.

ഈ ലേഖന പരമ്പര തന്നെ ഒരു തരം പരസ്യം—ആത്മീയ മൂല്യ​ങ്ങൾക്കു ഭൗതിക മൂല്യ​ങ്ങ​ളെ​ക്കാൾ പ്രാധാ​ന്യം കൊടു​ക്ക​ണ​മെന്ന ആശയം സ്വീക​രി​ക്കാൻ നമ്മെ പ്രേരി​പ്പി​ക്കുന്ന ഒന്ന്‌—ആണെന്ന്‌ ഒരുവൻ വാദി​ച്ചേ​ക്കാം. നിങ്ങളും അതി​നോ​ടു യോജി​ക്കു​മെ​ന്ന​തി​നു സംശയ​മില്ല.

[9-ാം പേജിലെ ചതുരം]

ദൈവരാജ്യത്തെ പരസ്യ​പ്പെ​ടു​ത്തു​ന്നു

പ്രേര​ണാ​ത്മ​ക​മായ ഒരു സന്ദേശം ആളുക​ളു​ടെ പക്കൽ എത്തിക്കു​ന്ന​തി​നുള്ള ഏറ്റവും നല്ല മാർഗ​ങ്ങ​ളി​ലൊന്ന്‌ ഏതാണ്‌? പരസ്യ​പ്പെ​ടു​ത്തൽ: തത്ത്വത്തി​ലും പ്രയോ​ഗ​ത്തി​ലും (ഇംഗ്ലീഷ്‌) എന്ന പുസ്‌തകം ഇങ്ങനെ പറയുന്നു: “ഒരു ആദർശ ലോക​ത്തിൽ ഓരോ ഉത്‌പാ​ദ​ക​നും വിൽപ്പ​ന​യ്‌ക്കുള്ള ഉത്‌പ​ന്ന​ത്തെ​ക്കു​റി​ച്ചോ സേവന​ത്തെ​ക്കു​റി​ച്ചോ ഓരോ ഉപഭോ​ക്താ​വി​നെ​യും നേരിട്ടു കണ്ടു സംസാ​രി​ക്കാൻ കഴിയും.” സത്യ ക്രിസ്‌ത്യാ​നി​കൾ 2,000-ത്തോളം വർഷമാ​യി ഈ രീതി​യിൽ ദൈവ​രാ​ജ്യ​ത്തെ​ക്കു​റിച്ച്‌ സ്വമേ​ധയാ പ്രസി​ദ്ധ​പ്പെ​ടു​ത്തി​ക്കൊ​ണ്ടി​രി​ക്കുക​യാണ്‌. (മത്തായി 24:14; പ്രവൃ​ത്തി​കൾ 20:20) തങ്ങളുടെ ഉത്‌പ​ന്ന​ങ്ങളെ കുറി​ച്ചുള്ള വിവരം ആളുക​ളു​ടെ പക്കൽ എത്തിക്കു​ന്ന​തിന്‌ കൂടുതൽ ബിസി​ന​സ്സു​കാർ ഈ രീതി അവലം​ബി​ക്കാ​ത്തത്‌ എന്തു​കൊ​ണ്ടാണ്‌? ആ പുസ്‌തകം ഇങ്ങനെ വിശദീ​ക​രി​ക്കു​ന്നു: “അതു വളരെ ചെല​വേ​റി​യ​താണ്‌. വിൽപ്പ​ന​ക്കാർ നടത്തുന്ന ഓരോ സന്ദർശ​ന​ത്തി​നും 150 ഡോള​റിൽ [6,000 രൂപയിൽ] അധികം ചെലവുണ്ട്‌.” എന്നാൽ ക്രിസ്‌ത്യാ​നി​കൾ സ്വമേ​ധയാ ആണ്‌ ദൈവ​രാ​ജ്യം “പരസ്യ​പ്പെ​ടു​ത്തു​ന്നത്‌.” അത്‌ അവരുടെ ആരാധ​ന​യു​ടെ ഭാഗമാണ്‌.

[8-ാം പേജിലെ ചിത്രങ്ങൾ]

“മടുക്കും വരെ വാങ്ങുക” എന്നതല്ല ബൈബി​ളി​ന്റെ സന്ദേശം