റഷ്യൻ നീതി​പീ​ഠം യഹോ​വ​യു​ടെ സാക്ഷി​കളെ കുറ്റവി​മു​ക്ത​രാ​ക്കു​ന്നു

വാർത്താ മാധ്യ​മ​ങ്ങ​ളിൽ തങ്ങളെ​പ്പറ്റി വരുന്ന സത്യസ​ന്ധ​മായ റിപ്പോർട്ടു​കളെ യഹോ​വ​യു​ടെ സാക്ഷികൾ സ്വാഗതം ചെയ്യുന്നു. മാത്രമല്ല, തങ്ങളെ​യും തങ്ങളുടെ മതപര​മായ വിശ്വാ​സ​ങ്ങ​ളെ​യും പ്രവർത്ത​ന​ങ്ങ​ളെ​യും കുറിച്ചു ശരിയായ വിവരങ്ങൾ നൽകാ​നും യഹോ​വ​യു​ടെ സാക്ഷികൾ തയ്യാറാണ്‌. എന്നാൽ കൃത്യ​ത​യി​ല്ലാ​ത്ത​തോ അപകീർത്തി​പ്പെ​ടു​ത്തു​ന്ന​തോ ആയ ലേഖനങ്ങൾ അച്ചടിച്ചു വരു​മ്പോൾ തങ്ങളുടെ മതപര​മായ അവകാ​ശ​ങ്ങ​ളും പൗരാ​വ​കാ​ശ​ങ്ങ​ളും സംരക്ഷി​ക്കു​ന്ന​തിന്‌ യഹോ​വ​യു​ടെ സാക്ഷികൾ ചില​പ്പോൾ ഗവൺമെന്റ്‌ അധികൃ​തർക്ക്‌ അപ്പീൽ സമർപ്പി​ക്കാ​റുണ്ട്‌. അടുത്ത കാലത്ത്‌ നടന്ന ഒരു സംഭവം പരിചി​ന്തി​ക്കാം.

കോം​സോ​മോൽസ്‌കയ പ്രാവ്‌ദ എന്ന പ്രശസ്‌ത​മായ റഷ്യൻ പത്രത്തി​ന്റെ സെന്റ്‌ പീറ്റേ​ഴ്‌സ്‌ബർഗ്‌ പതിപ്പ്‌ 1997 ആഗസ്റ്റ്‌ 1-ന്‌ യഹോ​വ​യു​ടെ സാക്ഷി​കളെ തികച്ചും മോശ​മാ​യി വരച്ചു​കാ​ട്ടുന്ന ഒരു ലേഖനം പ്രസി​ദ്ധീ​ക​രി​ക്കു​ക​യു​ണ്ടാ​യി. “പീറ്റേ​ഴ്‌സ്‌ബർഗി​ലെ അവാന്തര വിഭാഗം. ഇവിടെ ഒരു നഗര-ദേവാ​ലയം ഉയരും” എന്ന ശീർഷ​ക​ത്തിൻ കീഴിൽ പ്രത്യ​ക്ഷ​പ്പെട്ട ഈ ലേഖനം എഴുതിയ ഒലെഗ്‌ സാസൊ​റിൻ, യഹോ​വ​യു​ടെ സാക്ഷി​ക​ളു​ടെ പഠിപ്പി​ക്ക​ലു​കൾ ആളുകൾക്കു ദോഷം ചെയ്യു​ന്ന​താ​യും അവരുടെ പ്രവർത്ത​നങ്ങൾ റഷ്യൻ ഭരണഘ​ട​നയെ ലംഘി​ക്കു​ന്ന​താ​യും അവകാ​ശ​പ്പെട്ടു. രക്തപ്പകർച്ച, കുടും​ബ​ബ​ന്ധങ്ങൾ തുടങ്ങിയ വിഷയ​ങ്ങളെ കുറി​ച്ചുള്ള സാക്ഷി​ക​ളു​ടെ ബൈബിൾ അധിഷ്‌ഠിത വിശ്വാ​സങ്ങൾ വളച്ചൊ​ടി​ച്ചു​കൊ​ണ്ടുള്ള പ്രസ്‌താ​വ​നകൾ ആയിരു​ന്നു ലേഖന​ത്തിൽ അധിക​പ​ങ്കും. അതു കൂടാതെ, ലേഖന​ത്തിൽ യഹോ​വ​യു​ടെ സാക്ഷി​കളെ ഒരു “അവാന്തര വിഭാഗം” എന്ന്‌ മുദ്ര കുത്തു​ക​യും ചെയ്‌തി​രു​ന്നു. ചിലരു​ടെ വീക്ഷണ​ത്തിൽ അവർ “എല്ലാ അവാന്തര വിഭാ​ഗ​ങ്ങ​ളി​ലും വെച്ച്‌ ഏറ്റവും അപകട​കാ​രി​കൾ” ആണത്രേ.

റഷ്യയി​ലെ യഹോ​വ​യു​ടെ സാക്ഷി​ക​ളു​ടെ പ്രാ​ദേ​ശിക മതസം​ഘ​ടനാ ഭരണ നിർവഹണ കേന്ദ്രം, യഹോ​വ​യു​ടെ സാക്ഷികൾ വ്യാജ​മെന്നു കരുതുന്ന ഈ ലേഖന​ത്തി​ലെ പ്രസ്‌താ​വ​നകൾ പുനര​വ​ലോ​കനം ചെയ്യാൻ അഭ്യർഥി​ച്ചു കൊണ്ടുള്ള ഒരു അപ്പീൽ മാധ്യമ വിവാ​ദ​ങ്ങൾക്കാ​യുള്ള റഷ്യൻ ഫെഡ​റേഷൻ പ്രസി​ഡൻഷ്യൽ നീതി​ന്യാ​യ സമിതി​ക്കു മുമ്പാകെ സമർപ്പി​ച്ചു. 1998 ഫെബ്രു​വരി 12-ന്‌ കോടതി കൂടി​യ​പ്പോൾ യഹോ​വ​യു​ടെ സാക്ഷി​ക​ളു​ടെ പ്രതി​നി​ധി​കൾ അവിടെ ഹാജരാ​യി. നീതി​ന്യാ​യ സമിതി അംഗങ്ങ​ളു​ടെ​യും പത്ര​പ്ര​വർത്ത​ക​രു​ടെ​യും അഭിഭാ​ഷ​ക​രു​ടെ​യും നിരവധി ചോദ്യ​ങ്ങൾക്ക്‌ അവർ ഉത്തരം നൽകി. യഹോ​വ​യു​ടെ സാക്ഷികൾ വിശ്വ​സി​ക്കു​ക​യും പഠിപ്പി​ക്കു​ക​യും ചെയ്യുന്ന കാര്യങ്ങൾ എന്താണ്‌ എന്ന്‌ ഉറപ്പു വരുത്താൻ അവർ പ്രസി​ദ്ധീ​ക​രി​ക്കുന്ന സാഹി​ത്യ​ങ്ങൾ, വിശേ​ഷിച്ച്‌ കുടും​ബ​സ​ന്തു​ഷ്ടി​യു​ടെ രഹസ്യം എന്ന പുസ്‌തകം, നീതി​ന്യാ​യ സമിതി അംഗങ്ങൾ ശ്രദ്ധാ​പൂർവം പരി​ശോ​ധി​ക്കു​ക​യു​ണ്ടാ​യി.

“അവാന്തര വിഭാഗം” എന്ന ആശയത്തിന്‌ തികച്ചും മോശ​മായ ധ്വനി​യാണ്‌ ഉള്ളതെന്ന്‌ റഷ്യൻ ഫെഡ​റേ​ഷന്റെ സ്റ്റേറ്റ്‌ ഡ്യൂമാ ഡപ്യൂ​ട്ടി​യായ വി. വി. ബൊർഷി​യോഫ്‌ അഭി​പ്രാ​യ​പ്പെട്ടു. ശ്രീ. ബൊർഷി​യോഫ്‌ ഇപ്രകാ​രം പറഞ്ഞു: “[ഇത്തരം] സ്വാത​ന്ത്ര്യ​ങ്ങൾ [എടുക്കു​ക​യും] താഴ്‌ത്തി​ക്കെ​ട്ടുന്ന തരം പേരുകൾ ഉപയോ​ഗി​ക്കു​ക​യും ചെയ്യു​ന്നത്‌ അങ്ങേയറ്റം അപകട​ക​ര​മാണ്‌. നീതി​ന്യാ​യ സമിതി യഹോ​വ​യു​ടെ സാക്ഷി​ക​ളു​ടെ ഹർജി പരിഗ​ണ​ന​യ്‌ക്ക്‌ എടുത്തു എന്നതു വളരെ പ്രധാ​ന​മാണ്‌. രജിസ്റ്റർ ചെയ്യപ്പെട്ട മത സംഘട​ന​കൾക്കു നേരെ ഇത്തരം വികാ​രങ്ങൾ ഇളക്കി​വി​ടു​ന്ന​തും അധി​ക്ഷേ​പങ്ങൾ വർഷി​ക്കു​ന്ന​തും അവസാ​നി​പ്പി​ച്ചേ പറ്റൂ.”

എല്ലാ തെളി​വു​ക​ളും കേട്ട ശേഷം നീതി​ന്യാ​യ സമിതി, കോം​സോ​മോൽസ്‌കയ പ്രാവ്‌ദ​യിൽ ഇത്തര​മൊ​രു ലേഖനം പ്രസി​ദ്ധീ​ക​രി​ച്ചത്‌ നിയമ​വി​രു​ദ്ധ​വും നീതി​ര​ഹി​ത​വും ആണെന്ന നിഗമ​ന​ത്തി​ലെത്തി. മാത്രമല്ല, ഈ ലേഖന​ത്തി​ലെ പ്രസ്‌താ​വ​നകൾ പൂർണ​മാ​യും വ്യാജ​വും അടിസ്ഥാ​ന​ര​ഹി​ത​വും ആണെന്നും അവർ കണ്ടെത്തി. “ലേഖകൻ വസ്‌തു​നി​ഷ്‌ഠ​മായ യാതൊ​ന്നും​തന്നെ ചൂണ്ടി​ക്കാ​ട്ടു​ന്നില്ല. . . . ആശ്രയ​യോ​ഗ്യ​മായ റിപ്പോർട്ടു​കൾ എന്ന വ്യാജേന ലേഖകൻ പ്രചരി​പ്പി​ച്ചത്‌ കിംവ​ദ​ന്തി​ക​ളാണ്‌. പത്രസ്വാ​ത​ന്ത്ര്യ​ത്തെ ദുരു​പ​യോ​ഗ​പ്പെ​ടുന്ന ഒരു പ്രവൃ​ത്തി​യാണ്‌ ഇത്‌” എന്ന്‌ നീതി​ന്യാ​യ സമിതി പ്രഖ്യാ​പി​ച്ചു. പത്രത്തി​ലെ ലേഖനം റിപ്പോർട്ട്‌ ചെയ്‌ത​തിൽനി​ന്നു വിപരീ​ത​മാ​യി, യഹോ​വ​യു​ടെ സാക്ഷികൾ നിയമം അനുസ​രി​ക്കു​ന്ന​വ​രും തങ്ങളുടെ മതവി​ശ്വാ​സങ്ങൾ പങ്കിടാത്ത കുടും​ബാം​ഗ​ങ്ങ​ളും മറ്റുള്ള​വ​രു​മാ​യി സമാധാ​ന​ത്തിൽ ജീവി​ക്കാൻ സഭയി​ലു​ള്ള​വരെ പഠിപ്പി​ക്കു​ന്ന​വ​രു​മാണ്‌ എന്ന്‌ നീതി​ന്യാ​യ സമിതി കണ്ടെത്തി.

അവസാ​ന​ത്തെ സാക്ഷ്യ​വും കേട്ട്‌, ഒരു മണിക്കൂ​റി​നു ശേഷം നീതി​ന്യാ​യ സമിതി വിധി പ്രഖ്യാ​പി​ച്ചു:

“1. ‘പീറ്റേ​ഴ്‌സ്‌ബർഗി​ലെ അവാന്തര വിഭാഗം. ഇവിടെ ഒരു നഗര-ദേവാ​ലയം ഉയരും’ എന്ന ലേഖനം ‘ബഹുജന മാധ്യ​മങ്ങൾ സംബന്ധിച്ച’ റഷ്യൻ ഫെഡ​റേഷൻ നിയമ​ത്തി​ന്റെ 4, 49, 51 വകുപ്പു​കൾ ലംഘി​ച്ചി​രി​ക്കു​ന്ന​താ​യി കോടതി കണ്ടെത്തി​യി​രി​ക്കു​ന്നു.

“2. കോം​സോ​മോൽസ്‌കയ പ്രാവ്‌ദ പത്രത്തി​ന്റെ പത്രാ​ധിപ സമിതി​ക്കു മുന്നറി​യി​പ്പു നൽകു​ന്ന​തി​നെ കുറിച്ച്‌ വിചി​ന്തനം ചെയ്യാൻ അച്ചടിച്ച വിവര​ങ്ങ​ളു​ടെ ഉത്തരവാ​ദി​ത്വം വഹിക്കുന്ന റഷ്യൻ ഫെഡ​റേഷൻ സ്റ്റേറ്റ്‌ കമ്മിറ്റി​യോട്‌ കോടതി ശുപാർശ ചെയ്യുന്നു.

“3. ഒ. സാസൊ​റിൻ എന്ന പത്ര​പ്ര​വർത്ത​കന്റെ നടപടി​യെ ശാസി​ച്ചു​കൊണ്ട്‌ ഒരു നോട്ടീസ്‌ അയയ്‌ക്കാൻ കോടതി തീരു​മാ​നി​ച്ചി​രി​ക്കു​ന്നു.

“4. യഹോ​വ​യു​ടെ സാക്ഷി​ക​ളു​ടെ മതസം​ഘ​ട​നയെ അടിസ്ഥാ​ന​ര​ഹി​ത​മാ​യി താഴ്‌ത്തി​ക്കെ​ട്ടുന്ന ആശ്രയ​യോ​ഗ്യ​മ​ല്ലാത്ത വിവരങ്ങൾ പ്രസി​ദ്ധീ​ക​രി​ച്ച​തിന്‌ കോം​സോ​മോൽസ്‌കയ പ്രാവ്‌ദ പത്രത്തി​ന്റെ പത്രാ​ധിപ സമിതി മാപ്പു ചോദി​ക്ക​ണ​മെന്ന്‌ കോടതി നിർദേ​ശി​ക്കു​ന്നു.”

നീതി​ന്യാ​യ സമിതി​യു​ടെ ഈ വിധി​പ്ര​ഖ്യാ​പനം മത പണ്ഡിത​നും തത്ത്വശാ​സ്‌ത്ര വിദ്യാർഥി​യു​മായ സ്‌യിർഗ്യേ ഇവ്വാ​ന്യെൻകൊ എത്തി​ച്ചേർന്ന നിഗമ​ന​വു​മാ​യി യോജി​പ്പി​ലാണ്‌. യഹോ​വ​യു​ടെ സാക്ഷി​യ​ല്ലാത്ത ശ്രീ. ഇവ്വാ​ന്യെൻകൊ യഹോ​വ​യു​ടെ സാക്ഷി​ക​ളു​ടെ വിശ്വാ​സ​ങ്ങളെ ശ്രദ്ധാ​പൂർവം പഠിക്കു​ക​യും അവരു​മാ​യി സഹവസി​ക്കു​ക​യും ചെയ്‌ത​ശേഷം എഴുതിയ ലേഖനം മോസ്‌കോ ന്യൂസ​ന്റെ 1997 ഫെബ്രു​വരി 20-26 ലക്കത്തിൽ പ്രസി​ദ്ധീ​ക​രി​ച്ചി​രു​ന്നു.a ശ്രീ. ഇവ്വാ​ന്യെൻകൊ എത്തി​ച്ചേർന്നത്‌ ഇങ്ങനെ​യൊ​രു നിഗമ​ന​ത്തി​ലാണ്‌: “ബൈബി​ളി​ന​നു​സൃ​ത​മാ​യി ജീവി​ക്കു​ന്ന​തി​ലുള്ള അവരുടെ ദൃഢവി​ശ്വാ​സം യഹോ​വ​യു​ടെ സാക്ഷി​കളെ വ്യതി​രി​ക്ത​രാ​ക്കു​ന്നു. . . . യഹോ​വ​യു​ടെ സാക്ഷി​കളെ സംബന്ധി​ച്ചി​ട​ത്തോ​ളം ഭരണഘ​ട​ന​യും പൗരനി​യ​മ​സം​ഹി​ത​യും സത്യത്തി​ന്റെ ഏറ്റവും ഉയർന്ന വെളി​പാ​ടും ബൈബി​ളാണ്‌. . . . ബൈബിൾ സത്യ​ത്തോ​ടുള്ള അർപ്പണ മനോ​ഭാ​വം നിമി​ത്ത​വും തങ്ങളുടെ വിശ്വാ​സ​ങ്ങൾക്കു​വേണ്ടി വളരെ നിസ്വാർഥ​പൂർവം നില​കൊ​ള്ളാ​നുള്ള മനസ്സൊ​രു​ക്കം നിമി​ത്ത​വും യഹോ​വ​യു​ടെ സാക്ഷി​കളെ മറ്റു പൗരന്മാർക്കു മാതൃ​ക​യാ​യി കണക്കാ​ക്കാൻ കഴിയും.”

നീതി​ന്യാ​യ സമിതി​യു​ടെ വിധി​പ്ര​ഖ്യാ​പ​ന​വും ശ്രീ. ഇവ്വാ​ന്യെൻകൊ​യു​ടെ അഭി​പ്രാ​യ​ങ്ങ​ളും യഹോ​വ​യു​ടെ സാക്ഷി​ക​ളു​ടെ ക്രിസ്‌തീയ മതം സമൂഹ​ത്തിന്‌ യാതൊ​രു ഭീഷണി​യും ഉയർത്തു​ന്നില്ല എന്നും മറിച്ച്‌ അതു പരമാർഥ​ഹൃ​ദ​യ​രായ എല്ലാ ആളുക​ളു​ടെ​യും പ്രയോ​ജ​ന​ത്തിന്‌ ഉതകു​ന്നു​വെ​ന്നും ഒരിക്കൽക്കൂ​ടെ ഉറപ്പാ​ക്കു​ന്നു. ‘തങ്ങളി​ലുള്ള പ്രത്യാ​ശ​യെ​ക്കു​റി​ച്ചു ന്യായം ചോദി​ക്കുന്ന ഏവനോ​ടും സൗമ്യ​ത​യും ഭയഭക്തി​യും പൂണ്ടു പ്രതി​വാ​ദം പറവാൻ’ യഹോ​വ​യു​ടെ സാക്ഷികൾ ‘എപ്പോ​ഴും ഒരുങ്ങി​യി​രി’ക്കുന്നു.—1 പത്രൊസ്‌ 3:15.

[അടിക്കു​റിപ്പ്‌]