“നിങ്ങൾക്ക്‌ പുകവലി ഉപേക്ഷി​ക്കാൻ കഴിയും—ഞങ്ങൾക്ക്‌ അതിനു കഴിഞ്ഞു!”

ജപ്പാനിലെ ഉണരുക! ലേഖകൻ

ആയിരത്തഞ്ഞൂറുകളുടെ ഒടുവിൽ ജപ്പാൻ തുറമു​ഖത്തു വന്നണഞ്ഞ യൂറോ​പ്യൻ കപ്പലു​ക​ളിൽ പുകവ​ലി​ക്കാ​രായ സന്ദർശകർ ഉണ്ടായി​രു​ന്ന​ത്രേ. “അവരുടെ വയറ്റിൽ തീ ഉള്ളതു​പോ​ലെ” കാണ​പ്പെട്ടു. ആശ്ചര്യം കൗതു​ക​ത്തി​നു വഴിമാ​റി. അങ്ങനെ 1880-കളിൽ പുകവലി ജപ്പാനിൽ വ്യാപ​ക​മാ​യി. ആശ്ചര്യം കൂറി​നിന്ന ആ ജപ്പാൻകാ​രു​ടെ പിൻഗാ​മി​കൾ ലോക​ത്തി​ലെ ഏറ്റവും കടുത്ത പുകവ​ലി​ക്കാ​രു​ടെ ഗണത്തിൽ ഉൾപ്പെ​ടു​മെന്ന്‌ ആരും ചിന്തിച്ചു കാണില്ല.

“മുതിർന്നു​വെന്ന തോന്നൽ ഉണ്ടാകാൻ, മുതിർന്ന​വ​രു​ടെ വികാ​ര​ങ്ങ​ളു​മാ​യി പരിചി​ത​രാ​കാൻ ഞങ്ങൾ ആഗ്രഹി​ച്ചു.”—ആക്കിയോ, ഓസാമു, യോക്കോ.

“തൂക്കം കുറയ്‌ക്കണം എന്ന്‌ എനിക്ക്‌ ആഗ്രഹ​മു​ണ്ടാ​യി​രു​ന്നു.”—ട്‌സുയാ.

“കൗതു​ക​മാണ്‌ എന്നെ അതിനു പ്രേരി​പ്പി​ച്ചത്‌.”—ടോഷി​ഹി​റോ.

“പുകവലി ദോഷം ചെയ്യു​മെന്നു ഞങ്ങൾ വിചാ​രി​ച്ചില്ല.”—റ്യോഹേ, ജുന്നിച്ചി, യാസു​ഹി​ക്കോ.

“രണ്ടാമതു ഗർഭി​ണി​യാ​യി​രുന്ന സമയത്ത്‌, രാവിലെ ഉണ്ടാകുന്ന മനംപി​ര​ട്ട​ലും മറ്റ്‌ അസ്വസ്ഥ​ത​ക​ളും മാറി​ക്കി​ട്ടാൻ ഞാൻ ആഗ്രഹി​ച്ചു.”—ചിയെ​ക്കോ.

“ബിസി​നസ്‌ യോഗ​ങ്ങ​ളിൽ അസ്വസ്ഥ​ജ​ന​ക​മായ സാഹച​ര്യ​ങ്ങളെ മറിക​ട​ക്കാൻ ആണ്‌ ഞാൻ പുകവലി ആരംഭി​ച്ചത്‌.”—ടാട്‌സു​ഹി​ക്കോ.

പുകവലി തുടങ്ങാ​നു​ണ്ടായ കാരണം ചോദി​ച്ച​പ്പോൾ ഇവി​ടെ​യുള്ള ഒരു കൂട്ടം ആളുകൾ നൽകിയ വിശദീ​ക​ര​ണങ്ങൾ ഇവയൊ​ക്കെ​യാണ്‌. ചിലർ ജപ്പാനെ പുകവ​ലി​ക്കാ​രന്റെ പറുദീസ എന്നു വിളി​ക്കു​ന്ന​തി​ന്റെ വീക്ഷണ​ത്തിൽ ഈ വിശദീ​ക​ര​ണ​ങ്ങ​ളെ​ല്ലാം മനസ്സി​ലാ​ക്കാ​വു​ന്ന​തേ​യു​ള്ളൂ. എങ്കിലും മേൽ പരാമർശിച്ച വ്യക്തികൾ എല്ലാവ​രും പുകവ​ലി​ശീ​ലം ഉപേക്ഷി​ച്ച​വ​രാണ്‌ എന്നതു ശ്രദ്ധേ​യ​മാണ്‌. അവരുടെ സാഹച​ര്യ​ങ്ങൾ ഉയർത്തുന്ന വെല്ലു​വി​ളി​കൾ കണക്കി​ലെ​ടു​ക്കു​മ്പോൾ അതൊരു വലിയ കാര്യം തന്നെയാണ്‌. അവർക്ക്‌ അതിനു കഴിഞ്ഞത്‌ എങ്ങനെ​യാണ്‌ എന്നു നിങ്ങൾ അത്ഭുത​പ്പെ​ടു​ന്നു​വോ? നമുക്ക്‌ ആദ്യം​തന്നെ ഇന്ന്‌ ജപ്പാനിൽ പുകവലി എത്ര​ത്തോ​ളം വ്യാപ​ക​മാ​ണെന്നു നോക്കാം.

പുകവലി രംഗം

അമേരി​ക്ക​യിൽ 15-ഓ അധില​ധി​ക​മോ പ്രായ​മുള്ള ആണുങ്ങ​ളിൽ 28 ശതമാനം മാത്രമേ പുകവ​ലി​ക്കു​ന്നു​ള്ളൂ. എന്നാൽ ഇതുമാ​യുള്ള താരത​മ്യ​ത്തിൽ ജപ്പാനി​ലെ പുരു​ഷ​ന്മാ​രിൽ ഏതാണ്ട്‌ 56 ശതമാ​ന​വും പുകവ​ലി​ക്കാ​രാണ്‌. ജപ്പാനി​ലെ 3 കോടി 40 ലക്ഷം പുകവ​ലി​ക്കാ​രിൽ ഏതാണ്ട്‌ 22 ശതമാനം സ്‌ത്രീ​ക​ളാണ്‌. ഇവരിൽ പലരും യുവ പ്രായ​ത്തി​ലു​ള്ളവർ ആണുതാ​നും. മുതിർന്ന​വ​രു​ടെ മാതൃ​ക​യും വശീക​രി​ക്കുന്ന തരം പരസ്യ​ങ്ങ​ളും യുവജ​ന​ങ്ങൾക്കി​ട​യിൽ പുകവ​ലി​ക്കാ​രു​ടെ എണ്ണം സത്വരം വർധി​ക്കാൻ വളരെ​യ​ധി​കം ഇടയാ​ക്കി​യി​ട്ടുണ്ട്‌. ഇരുപ​തി​ല​ധി​കം വർഷം മുമ്പ്‌ ഐക്യ​നാ​ടു​ക​ളിൽ നിരോ​ധിച്ച സിഗരറ്റ്‌ പരസ്യങ്ങൾ ജപ്പാനി​ലെ ടിവി-കളിലും റേഡി​യോ​ക​ളി​ലും നിരോ​ധി​ക്കു​ന്നത്‌ ഇപ്പോ​ഴാണ്‌.

തന്നെയു​മല്ല, ജപ്പാനിൽ തെരു​ക്കോ​ണു​ക​ളിൽ വെച്ചി​രി​ക്കുന്ന നിരവധി വിൽപ്പന യന്ത്രങ്ങ​ളിൽ നിന്നു സിഗര​റ്റു​കൾ യാതൊ​രു പ്രയാ​സ​വും കൂടാതെ ലഭിക്കും. സിഗരറ്റ്‌ പായ്‌ക്കറ്റ്‌ കൈയിൽ കിട്ടി​ക്ക​ഴി​ഞ്ഞാൽ പിന്നെ അതിന്മേൽ പേരി​നെ​ന്നോ​ണം എഴുതി​യി​രി​ക്കുന്ന ആ സന്ദേശം ആരും​തന്നെ ശ്രദ്ധി​ക്കാൻ പോകു​ന്നില്ല. “അധികം പുകവ​ലി​ക്ക​രുത്‌; അതു ഹാനി​ക​ര​മാ​യേ​ക്കാം” എന്ന്‌ ഒഴുക്കൻ മട്ടിൽ പായ്‌ക്ക​റ്റി​ന്മേൽ എഴുതി​യി​രി​ക്കും. മിക്ക​പ്പോ​ഴും പുകവലി ഉയർത്തുന്ന വലിയ അപകട​ങ്ങളെ കുറി​ച്ചുള്ള അജ്ഞതയ്‌ക്കു പുറമേ പ്രമു​ഖ​രായ നിരവധി ആളുക​ളു​ടെ മോശ​മായ മാതൃ​ക​യും ജപ്പാൻകാ​രെ പുകവ​ലി​ക്കാൻ പ്രോ​ത്സാ​ഹി​പ്പി​ക്കു​ന്നു. അത്തരം മാതൃ​കകൾ അവർക്ക്‌ ഒരുതരം വ്യാജ​മായ സുരക്ഷി​തത്വ ബോധം നൽകുന്നു.

രാജ്യത്തെ പുകവ​ലി​ക്കാ​രു​ടെ എണ്ണം കുറയ്‌ക്കു​ന്ന​തിൽ ജപ്പാൻ കാട്ടുന്ന അനാസ്ഥയെ ചൊല്ലി പുകവ​ലി​വി​രു​ദ്ധർ വിലപി​ക്കു​ന്ന​തിൽ അതിശ​യി​ക്കാ​നില്ല. എന്നാൽ പുകവലി ആരോ​ഗ്യ​ത്തി​നും ആയുസ്സി​നും ഉയർത്തുന്ന ഭീഷണി​യെ​ക്കു​റിച്ച്‌ ആളുകൾക്ക്‌ മുന്നറി​യി​പ്പു നൽകേ​ണ്ട​തി​ന്റെ പ്രാധാ​ന്യം ബോധ​വ​ത്‌കരണ പ്രവർത്തകർ മനസ്സി​ലാ​ക്കി തുടങ്ങി​യി​രി​ക്കു​ന്നു. ജപ്പാനി​ലെ പുകവ​ലി​ക്കാർ മറ്റിട​ങ്ങ​ളി​ലെ പുകവ​ലി​ക്കാ​രു​ടെ അതേ പ്രശ്‌നങ്ങൾ—മനംപി​രട്ടൽ, കിതപ്പ്‌, വിട്ടു​മാ​റാത്ത ചുമ, വയറു​വേദന, വിശപ്പി​ല്ലായ്‌മ, കൂടെ​ക്കൂ​ടെ​യുള്ള ജലദോ​ഷം, ഒരുപക്ഷേ ശ്വാസ​കോശ അർബു​ദ​മോ ഹൃ​ദ്രോ​ഗ​മോ മറ്റു കാരണ​ങ്ങ​ളോ നിമിത്തം സംഭവി​ക്കുന്ന അകാല​മൃ​ത്യു​പോ​ലും—നേരി​ടു​ന്നു.

1985 ഏപ്രിൽ 1-ന്‌, ദശകങ്ങ​ളാ​യുള്ള ഗവൺമെന്റ്‌ കുത്തക​യ്‌ക്ക്‌ വിരാ​മ​മ​മി​ട്ടു​കൊണ്ട്‌ ജപ്പാനി​ലെ പുകയില വ്യവസാ​യം സ്വകാ​ര്യ​വ​ത്‌ക​രി​ക്ക​പ്പെട്ടു. എങ്കിലും ഇപ്പോ​ഴും ഗവൺമെ​ന്റു​മാ​യി അടുത്ത ബന്ധം പുലർത്തു​ന്ന​തി​നാൽ അതിന്‌ പുകവ​ലി​യെ നിരു​ത്സാ​ഹ​പ്പെ​ടു​ത്തുന്ന ഏതൊരു മുന്നേ​റ്റ​ത്തെ​യും തടയാൻ കഴിയു​ന്നു. പുകവ​ലി​വി​രു​ദ്ധർ ഇന്നു ജപ്പാനെ പുകവ​ലി​ക്കാ​രു​ടെ സങ്കേത​മാ​യി കണക്കാ​ക്കു​ന്ന​തി​നുള്ള കാരണം ഇതാണ്‌. “പുകവ​ലി​യെ പ്രോ​ത്സാ​ഹി​പ്പി​ക്കുന്ന ഒരു സമൂഹ”മാണ്‌ ജപ്പാൻ എന്ന യാഥാർഥ്യ​ത്തെ ചൊല്ലി അവിടു​ത്തെ ഡോക്ടർമാർ വിലപി​ക്കു​ക​യാ​ണെന്ന്‌ ദ ഡെയ്‌ലി യോമി​യൂ​രി റിപ്പോർട്ടു ചെയ്‌ത​തും ഇക്കാര​ണ​ത്താൽ തന്നെ.

പുകവലി ഉപേക്ഷി​ക്കു​ന്ന​തിൽ ചിലർ എങ്ങനെ​യാണ്‌ വിജയി​ച്ചത്‌ എന്നു കാണാൻ “ഞങ്ങൾ പുകവലി ഉപേക്ഷിച്ച വിധം” എന്ന ചതുരം കാണുക.

നിങ്ങൾക്ക്‌ എങ്ങനെ പുകവലി ഉപേക്ഷി​ക്കാം?

ചതുര​ത്തിൽ പരാമർശി​ച്ചി​രി​ക്കുന്ന വ്യക്തി​കളെ പോലെ മുമ്പ്‌ പുകവ​ലി​ക്കാ​രാ​യി​രു​ന്ന​വർക്കു പറയാ​നു​ള്ളത്‌ ഒന്നുതന്നെ: പുകവലി ഉപേക്ഷി​ക്കു​ന്ന​തി​നു ശക്തമായ ഒരു പ്രേര​ക​ഘ​ടകം ഉണ്ടായി​രി​ക്കണം. ദൈവ​ത്തോ​ടുള്ള സ്‌നേ​ഹ​വും അവനെ പ്രസാ​ദി​പ്പി​ക്കാ​നുള്ള ആഗ്രഹ​വും ഏറ്റവും ശക്തമായ ഒരു പ്രേര​ക​ഘ​ട​ക​മാണ്‌. നിങ്ങളു​ടെ അയൽക്കാ​ര​നോ​ടുള്ള സ്‌നേ​ഹ​മാണ്‌ മറ്റൊന്ന്‌. ഒരു ലക്ഷ്യം വെക്കുക, അതി​നോ​ടു പറ്റിനിൽക്കുക. നിങ്ങൾ പുകവലി ഉപേക്ഷി​ക്കാൻ തീരു​മാ​നി​ച്ചി​രി​ക്കു​ന്നു എന്ന്‌ മറ്റുള്ള​വരെ—സുഹൃ​ത്തു​ക്ക​ളെ​യും മറ്റും—അറിയി​ക്കുക, നിങ്ങളു​ടെ കുടും​ബാം​ഗ​ങ്ങ​ളു​ടെ സഹായം തേടുക. സാധി​ക്കു​മെ​ങ്കിൽ പുകവ​ലി​ശീ​ലം ക്രമേണ നിർത്തു​ന്ന​തി​നു പകരം പെട്ടെന്ന്‌ നിർത്തുക. മറ്റുള്ളവർ പുകവ​ലി​ക്കു​ന്നി​ടത്തു നിന്ന്‌ ഒഴിഞ്ഞു​നിൽക്കാൻ പരമാ​വധി ശ്രമി​ക്കുക.

നിങ്ങൾ ബൈബിൾ പഠിക്കുന്ന ആളാ​ണെ​ങ്കിൽ യഹോ​വ​യു​ടെ സാക്ഷി​ക​ളു​മൊ​ത്തുള്ള സഹവാസം വർധി​പ്പി​ക്കുക. അവരോ​ടൊ​പ്പം ആയിരി​ക്കു​മ്പോൾ പുകവ​ലി​ക്കാ​നുള്ള ആഗ്രഹം പെട്ടെ​ന്നു​തന്നെ ഇല്ലാതാ​കും. ഇനി, പുകവ​ലി​ക്കാ​ര​നായ ഒരു വ്യക്തിക്ക്‌ ബൈബി​ള​ധ്യ​യനം എടുക്കുന്ന ഒരു യഹോ​വ​യു​ടെ സാക്ഷി​യാ​ണു നിങ്ങൾ എങ്കിൽ അയാൾ ആ ശീലം ഉപേക്ഷി​ക്കു​മെന്ന പ്രത്യാ​ശ​യോ​ടെ അധ്യയനം തുടരുക. തന്റെ ദുശ്ശീ​ല​ത്തെ​ക്കാൾ ഉപരി യഹോ​വയെ സ്‌നേ​ഹി​ക്കാൻ അയാളെ സഹായി​ക്കുക.

[16, 17 പേജു​ക​ളി​ലെ ചതുരം/ചിത്രങ്ങൾ]

“ഞങ്ങൾ പുകവലി ഉപേക്ഷിച്ച വിധം”

മീക്കോ: “യഹോ​വ​യു​ടെ സാക്ഷി​ക​ളു​മൊത്ത്‌ ബൈബിൾ പഠിക്കാൻ തുടങ്ങി​യ​പ്പോൾ പുകവലി ഉപേക്ഷി​ക്കാൻ കഴിയി​ല്ലെന്ന്‌ എനിക്ക്‌ ഉറപ്പാ​യി​രു​ന്നു. മക്കളെ​ങ്കി​ലും ജീവന്റെ വഴി മനസ്സി​ലാ​ക്കട്ടെ എന്നു കരുതി​യാണ്‌ ഞാൻ ബൈബിൾ പഠനം ആരംഭി​ച്ചത്‌. പക്ഷേ മാതാ​പി​താ​ക്കൾ മാതൃക വെക്കേ​ണ്ട​താണ്‌ എന്നു ഞാൻ താമസി​യാ​തെ തിരി​ച്ച​റി​ഞ്ഞു. അതു​കൊണ്ട്‌ സഹായ​ത്തി​നാ​യി ഞാൻ യഹോ​വ​യാം ദൈവ​ത്തോ​ടു മുട്ടി​പ്പാ​യി പ്രാർഥി​ച്ചു. പ്രാർഥ​ന​യ്‌ക്ക്‌ അനുസൃ​തം പ്രവർത്തി​ക്കാൻ ശ്രമം ആവശ്യ​മാ​യി​രു​ന്നു. കുറച്ചു നാള​ത്തേക്ക്‌ എനിക്കു ബുദ്ധി​മു​ട്ടു തോന്നി. എന്നാൽ ഒടുവിൽ ഈ ദുശ്ശീലം ഉപേക്ഷി​ച്ച​പ്പോൾ കൈവന്ന ശുദ്ധ മനസ്സാക്ഷി എത്രമാ​ത്രം സന്തോഷം ഉളവാക്കി എന്ന്‌ എനിക്ക്‌ ഒരിക്ക​ലും മറക്കാ​നാ​കില്ല.”

മാസാ​യൂ​ക്കി: “ദിവസം മൂന്നു പായ്‌ക്കറ്റ്‌ സിഗരറ്റ്‌ വീതം വലിച്ചി​രുന്ന വ്യക്തി​യാ​യി​രു​ന്നു ഞാൻ. പുകവലി നിർത്താൻ പലപ്രാ​വ​ശ്യം ശ്രമം നടത്തി പരാജ​യ​പ്പെ​ട്ട​താണ്‌. ഒടുവിൽ ഒരു ദിവസം ഞാൻ പുകവ​ലി​യോ​ടു വിടപ​റഞ്ഞു. എന്റെ കുടും​ബ​വും സഹസാ​ക്ഷി​ക​ളും യഹോ​വ​യാം ദൈവ​വു​മാണ്‌ എന്നെ അതിനു സഹായി​ച്ചത്‌. എന്റെ ബാങ്കിൽ ഉള്ളവരാ​രും ഞാൻ പുകവലി ഉപേക്ഷിച്ച കാര്യം വിശ്വ​സി​ച്ചില്ല. ബാങ്ക്‌ ഇടപാ​ടു​കാ​രോ​ടുള്ള ബഹുമാ​നാർഥം ബാങ്കിൽ അവർ വരിക​യും പോകു​ക​യും ചെയ്യു​ന്നി​ടത്ത്‌ ജോലി​സ​മ​യത്ത്‌ പുകവ​ലി​ക്കാ​തി​രി​ക്കുക എന്നൊരു നിർദേശം ഞാൻ മുമ്പോ​ട്ടു വെച്ചു. ജോലി​ക്കാ​രിൽ 80 ശതമാ​ന​വും പുകവ​ലി​ക്കാർ ആണെങ്കി​ലും എന്റെ നിർദേശം അംഗീ​ക​രി​ക്ക​പ്പെട്ടു. ഞങ്ങളുടെ ബാങ്കിന്റെ 260 ശാഖക​ളിൽ ഇപ്പോൾ ഈ നിർദേശം പിൻപ​റ്റു​ന്നുണ്ട്‌.”

ഓസാമു: “ദൈവ​വ​ച​ന​മായ ബൈബി​ളി​ന്റെ പഠനത്തിൽ നിന്ന്‌ പുകവലി നിർത്ത​ണ​മെന്ന്‌ എനിക്കു മനസ്സി​ലാ​യി. അതു നിർത്താൻ ഏതാണ്ട്‌ ഒരു വർഷം വേണ്ടി​വന്നു. നിർത്തി​ക്ക​ഴി​ഞ്ഞും ആദ്യത്തെ ആറു മാസ​ത്തേക്ക്‌ എനിക്ക്‌ പുകവ​ലി​ക്കാ​നുള്ള ആഗ്രഹ​വു​മാ​യി മല്ലി​ടേ​ണ്ടി​വന്നു. പുകവലി നിർത്ത​ണ​മെ​ന്നു​ണ്ടെ​ങ്കിൽ അവനവ​നു​തന്നെ അങ്ങനെ ഒരു ആഗ്രഹം വേണ​മെന്ന്‌ എനിക്ക്‌ അറിയാ​മാ​യി​രു​ന്നു.”

ടോഷി​ഹി​റോ: “യേശു​വി​ന്റെ മറുവില യാഗം എന്നെ വളരെ ആഴത്തിൽ സ്‌പർശി​ച്ചു. പുകവലി ഉപേക്ഷി​ക്കുക എന്ന ത്യാഗം എങ്കിലും ഞാൻ ചെയ്യേ​ണ്ട​താ​ണെന്ന്‌ എനിക്കു തോന്നി.”

യാസു​ഹി​ക്കോ: “യഹോ​വ​യാം ദൈവത്തെ അനുസ​രി​ക്കാ​നും പുകവലി ഉപേക്ഷി​ക്കാ​നും ഉള്ള തീരു​മാ​നം എന്റെ ജീവൻ രക്ഷിച്ചു. ഒരു ദിവസം, ഞാൻ ജോലി ചെയ്‌തു​കൊ​ണ്ടി​രുന്ന മുറി​യിൽ പ്രോ​പ്പെയ്‌ൻ വാതക ചോർച്ച ഉണ്ടായി. മുമ്പാ​യി​രു​ന്നു​വെ​ങ്കിൽ ഞാൻ സിഗരറ്റ്‌ കത്തിക്കു​ക​യും അങ്ങനെ അതു പൊട്ടി​ത്തെ​റിക്ക്‌ ഇടയാ​ക്കു​ക​യും ചെയ്യു​മാ​യി​രു​ന്നു. എന്നാൽ ഏതാനും ദിവസം മുമ്പു ഞാൻ പുകവലി നിർത്തി​യി​രു​ന്ന​തു​കൊ​ണ്ടാണ്‌ ഇതേ കുറിച്ച്‌ പറയാൻ ഞാൻ ജീവ​നോ​ടെ​യി​രി​ക്കു​ന്നത്‌.”

ആക്കിയോ: “ഇടയ്‌ക്കി​ടെ മനംപി​രട്ടൽ ഉണ്ടാകാൻ തുടങ്ങി​യ​പ്പോൾ പുകവലി ദോഷം ചെയ്യു​ന്നു​ണ്ടോ എന്ന്‌ എനിക്കു സംശയ​മാ​യി. എങ്കിലും ഞാൻ അത്‌ ഉപേക്ഷി​ച്ചില്ല. പുകവ​ലി​ക്കു​ന്ന​തി​ന്റെ അപകട​ങ്ങളെ പറ്റിയുള്ള വാസ്‌ത​വി​ക​മായ വിവരങ്ങൾ ആദ്യമാ​യി എനിക്കു ലഭിച്ചത്‌ യഹോ​വ​യു​ടെ സാക്ഷി​യായ എന്റെ ഭാര്യ​യിൽ നിന്നാണ്‌. താമസി​യാ​തെ ഞാൻ ബൈബിൾ പഠിക്കാൻ തുടങ്ങി. ഒരു പുകവ​ലി​ക്കാ​രൻ തനിക്കു മാത്രമല്ല തന്റെ കുടും​ബാം​ഗ​ങ്ങൾക്കും ദോഷം ചെയ്യു​ന്ന​താ​യി ഞാൻ വാച്ച്‌ ടവർ പ്രസി​ദ്ധീ​ക​ര​ണ​ങ്ങ​ളിൽ നിന്നു മനസ്സി​ലാ​ക്കി. ഉടനടി ഞാൻ ആ ശീലം നിർത്തി!”

റ്യോഹേ: “എന്റെ ഭാര്യ​യാണ്‌ എനിക്കു വേണ്ടി സിഗരറ്റ്‌ വാങ്ങി​ക്കൊ​ണ്ടു വരാറു​ണ്ടാ​യി​രു​ന്നത്‌. ഒറ്റയടിക്ക്‌ 20 പായ്‌ക്കറ്റ്‌ സിഗരറ്റ്‌ വരെ ഞാൻ വാങ്ങി​പ്പി​ച്ചി​ട്ടുണ്ട്‌. എന്നാൽ സാക്ഷി​ക​ളു​മൊത്ത്‌ ബൈബിൾ പഠിച്ച ശേഷം എനിക്കു ദോഷം ചെയ്യുന്ന ഒരു വസ്‌തു വാങ്ങി​ക്കൊ​ണ്ടു വരാൻ അവൾ വിസമ്മ​തി​ച്ചു. അങ്ങനെ വന്നപ്പോൾ ഞാൻ സ്വന്തമാ​യി ഒരു സിഗരറ്റു കടതന്നെ തുടങ്ങി. ദിവസം ഞാൻ മൂന്നര പായ്‌ക്കറ്റ്‌ സിഗരറ്റ്‌ വീതം വലിക്കു​മാ​യി​രു​ന്നു. അങ്ങനെ​യി​രി​ക്കേ​യാ​ണു ഞാൻ സാക്ഷി​ക​ളു​മൊ​ത്തു ബൈബിൾ പഠിക്കാൻ ആരംഭി​ച്ചത്‌. താമസി​യാ​തെ ബൈബിൾ വിഷയങ്ങൾ സംബന്ധി​ച്ചു ഫലപ്ര​ദ​നായ ഒരു പ്രസം​ഗ​ക​നാ​യി മാറാൻ ഞാൻ ആഗ്രഹി​ച്ചു. അതു​കൊണ്ട്‌, ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽനിന്ന്‌ ഈ പരിശീ​ലനം ലഭിക്കു​ന്ന​തി​നുള്ള യോഗ്യത നേടാ​നാ​യി ഞാൻ പുകവലി ഉപേക്ഷി​ച്ചു.”

ജുന്നിച്ചി: “ഒരു സാക്ഷി​യായ എന്റെ ഇളയമ​കൾക്ക്‌ എന്റെ ജീവനെ കുറിച്ച്‌ ഉത്‌കണ്‌ഠ ഉണ്ടായി​രു​ന്നു. പുകവലി ഉപേക്ഷി​ക്കു​മെന്ന്‌ അവൾ എന്നെ​കൊണ്ട്‌ സത്യം ചെയ്യിച്ചു, ഞാൻ അതു പാലിച്ചു.”

ട്‌സുയാ: “ആദ്യമാ​യി രാജ്യ​ഹാൾ സന്ദർശി​ച്ച​പ്പോൾ, അകത്തു പ്രവേ​ശിച്ച ഉടനെ ഞാൻ ചോദി​ച്ചത്‌ ആഷ്‌​ട്രേ​യും തീപ്പെ​ട്ടി​യും ഉണ്ടോ എന്നാണ്‌. എന്നാൽ എന്നെ അത്ഭുത​പ്പെ​ടു​ത്തി​ക്കൊണ്ട്‌ അവിടെ ആരും പുകവ​ലി​ക്കാ​റി​ല്ലെന്ന്‌ അവർ എന്നോടു പറഞ്ഞു. ഞാൻ പുകവലി ഉപേക്ഷി​ക്ക​ണ​മെന്ന്‌ എനിക്കു മനസ്സി​ലാ​യി. പുകവലി നിർത്തു​മ്പോൾ ഉണ്ടാകുന്ന പ്രശ്‌ന​ങ്ങ​ളു​മാ​യി മല്ലടിച്ച്‌, ആശുപ​ത്രി​യിൽ ചെലവ​ഴിച്ച ആ എട്ടു ദിവസം​കൊണ്ട്‌ ഞാൻ ഒരു കാര്യം ഉറപ്പിച്ചു, ഇനിയും ഈ യാതന അനുഭ​വി​ക്കാൻ ഞാൻ തയ്യാറല്ല.”

യോക്കോ: “യഹോ​വ​യു​ടെ സാക്ഷി​ക​ളു​ടെ മാസി​ക​ക​ളിൽനി​ന്നും മറ്റു പ്രസി​ദ്ധീ​ക​ര​ണ​ങ്ങ​ളിൽനി​ന്നും ഈ വിഷയത്തെ കുറിച്ചു ഞാൻ പഠിച്ചു. സ്‌തം​ഭ​ത്തിൽ തറയ്‌ക്ക​പ്പെ​ടു​ന്ന​തി​നു മുമ്പ്‌ യേശു​വി​നു മയക്കു മരുന്നു നൽകി​യ​പ്പോൾ അവൻ അതു നിരസി​ച്ച​തി​നെ കുറിച്ചു പരാമർശിച്ച ലേഖനങ്ങൾ ഞാൻ വായിച്ചു. ഞാൻ യഹോ​വ​യാം ദൈവ​ത്തോ​ടു പ്രാർഥി​ച്ചു, അവന്റെ നാമത്തി​ന്റെ ശുദ്ധി​യുള്ള ഒരു സ്‌തുതി പാഠകൻ ആയിരി​ക്കാൻ ആഗ്രഹി​ക്കു​ന്നു എന്ന്‌ അവനോ​ടു പറഞ്ഞു. അതിൽപ്പി​ന്നെ ഞാൻ ഒരിക്ക​ലും പുകവ​ലി​ച്ചി​ട്ടില്ല. ഒരു അവസര​ത്തിൽ, എനിക്കു ചുറ്റും ആളുകൾ പുകവ​ലി​ച്ചു​കൊ​ണ്ടി​രു​ന്ന​പ്പോൾ അവർ പുറത്തു വിടുന്ന പുക ശ്വസി​ച്ചാൽ കൊള്ളാ​മെന്ന്‌ എനിക്ക്‌ തോന്നി. എന്നാൽ പുകവ​ലി​ക്കാ​നുള്ള ആഗ്രഹം വീണ്ടും തലപൊ​ക്കാ​തി​രി​ക്കാൻ ഞാൻ ഉടനടി അവിടം വിട്ടു​പോ​യി.”

മുമ്പ്‌ പുകവ​ലി​ക്കാ​രാ​യി​രുന്ന ഇവർ എല്ലാവ​രും ഇനി​യൊ​രി​ക്ക​ലും അതു ചെയ്യാ​തി​രി​ക്കാൻ ദൃഢനി​ശ്ചയം ചെയ്‌തി​രി​ക്കു​ന്നു. പുകവ​ലി​ശീ​ലം ഉപേക്ഷി​ക്കാൻ ആഗ്രഹി​ക്കുന്ന ഒരു വ്യക്തി​യാ​ണോ നിങ്ങൾ?

മീക്കോ

ഓസാമു

യാസുഹിക്കോ

ആക്കിയോയും ഭാര്യ സാച്ചി​ക്കോ​യും

ജുന്നിച്ചിയും മകൾ മെറി​യും

യോക്കോ