ബൈബി​ളി​ന്റെ വീക്ഷണം

ഭൂലോ​കം ഒരു പ്രാപ​ഞ്ചിക വിപത്തി​നാൽ നശിപ്പി​ക്ക​പ്പെ​ടു​മോ?

ലോക​മെ​മ്പാ​ടു​മുള്ള പത്രങ്ങ​ളി​ലും ടിവി-കളിലും ഇന്റർനെറ്റ്‌ സൈറ്റു​ക​ളി​ലും 1998 മാർച്ച്‌ 12-ന്‌ ഒരു വാർത്ത നിറഞ്ഞു നിന്നു: “1.5 കിലോ​മീ​റ്റർ വ്യാസ​മുള്ള ഒരു ഛിന്ന​ഗ്രഹം ഭൂമി​യു​മാ​യി കൂട്ടി​യി​ടി​ക്കാൻ അങ്ങേയറ്റം സാധ്യ​ത​യുള്ള ഒരു പഥത്തി​ലൂ​ടെ സഞ്ചരി​ക്കു​ക​യാണ്‌.” അപകട​ത്തി​ന്റെ നിജസ്ഥി​തി മനസ്സി​ലാ​ക്കാൻ ശാസ്‌ത്ര​ജ്ഞ​ന്മാ​രും സാധാ​ര​ണ​ജ​ന​ങ്ങ​ളും നെട്ടോ​ട്ട​മോ​ടി. എന്നാൽ താമസി​യാ​തെ ബഹിരാ​കാശ ശാസ്‌ത്ര​ജ്ഞ​ന്മാർ അതു ഭൂമി​യു​മാ​യി കൂട്ടി​യി​ടി​ക്കാൻ ഒട്ടും സാധ്യ​ത​യി​ല്ലെന്ന നിഗമ​ന​ത്തി​ലെത്തി.

ഈ കോലാ​ഹ​ല​ത്തി​ന്മ​ധ്യേ പണ്ടില്ലാ​തി​രുന്ന ഒരു മനോ​ഭാ​വം പ്രകട​മാ​യി​രു​ന്നു. “തെറ്റായ ഈ അപകട സന്ദേശത്തെ കുറി​ച്ചുള്ള ഏറ്റവും ശ്രദ്ധേ​യ​മായ സംഗതി, ആ വാർത്ത എത്രതന്നെ ഭീതിദം ആയിരു​ന്നി​ട്ടും പല ആളുക​ളി​ലും അത്‌ വലിയ അത്ഭുത​മൊ​ന്നും ജനിപ്പി​ച്ചില്ല എന്നതാ​യി​രി​ക്കാം,” യു.എസ്‌.ന്യൂസ്‌ & വേൾഡ്‌ റിപ്പോർട്ട്‌ പറഞ്ഞു. “ഭൂമി​യിൽ ജീവി​ക്കുന്ന നാം ഒന്നിനു പുറകെ ഒന്നായി ഇത്തരം വസ്‌തു​ക്കൾ കാണു​മെ​ന്നും അതു സംബന്ധിച്ച്‌ എന്തെങ്കി​ലു​മൊ​ക്കെ ചെയ്യാൻ ശ്രമി​ക്കു​മെ​ന്നും ഉള്ള ആശയം ഒന്നോ അതില​ധി​ക​മോ ദശകത്തി​നു മുമ്പു വിചി​ത്ര​മാ​യി തോന്നു​മാ​യി​രു​ന്നു. എന്നാൽ ഇന്ന്‌ ശാസ്‌ത്ര​ജ്ഞ​ന്മാ​രും ചില രാഷ്‌ട്രീയ പ്രവർത്ത​ക​രും ഈ ഭീഷണി നേരി​യ​താ​ണെ​ങ്കിൽപ്പോ​ലും തള്ളിക്ക​ളാ​യാ​നാ​കാത്ത ഒന്നാ​ണെന്നു കരുതു​ന്നു.”

ആഗോള വിപത്തിന്‌ ഇടയാ​ക്കാൻ പോന്ന വലുപ്പ​ത്തി​ലുള്ള ഏതാണ്ട്‌ 2,000 ആകാശിക വസ്‌തു​ക്കൾ ഭൂമി​യു​ടെ ഭ്രമണ​പ​ഥത്തെ ഛേദി​ക്കു​ന്ന​തോ അതി​നോട്‌ അടുത്തു വരുന്ന​തോ ആയ പഥങ്ങളി​ലൂ​ടെ മുമ്പോ​ട്ടു കുതി​ക്കു​ന്നു​ണ്ടെന്നു ചില ബഹിരാ​കാശ ശാസ്‌ത്ര​ജ്ഞ​ന്മാർ വിശ്വ​സി​ക്കു​ന്നു. ഇവയിൽ താരത​മ്യേന ചെറിയ ഒരെണ്ണം പോലും ഭൂമി​യു​മാ​യി കൂട്ടി​യി​ടി​ച്ചാൽ ഉണ്ടാ​യേ​ക്കാ​വുന്ന സ്‌ഫോ​ട​ന​ത്തി​ന്റെ ശക്തി നിരവധി അണ്വാ​യു​ധങ്ങൾ ഒന്നിച്ചു പൊട്ടി​ത്തെ​റി​ക്കു​മ്പോ​ഴ​ത്തേ​തി​നു തുല്യ​മാ​യി​രി​ക്കും എന്നാണ്‌ ഗവേഷകർ പറയു​ന്നത്‌. അതിന്റെ ആഘാതം നമ്മുടെ ഗ്രഹത്തി​നും അതിലെ നിവാ​സി​കൾക്കും, അതായത്‌ മനുഷ്യർക്കും മൃഗങ്ങൾക്കും ഒരു​പോ​ലെ, വിപത്‌കരം ആയിരി​ക്കും.

ഇത്തരം പേടി​പ്പെ​ടു​ത്തുന്ന പ്രവച​ന​ങ്ങ​ളും കണക്കു​കൂ​ട്ട​ലു​ക​ളും നടത്തു​ന്ന​തി​നി​ട​യിൽ ആളുകൾ മിക്ക​പ്പോ​ഴും ഒരാളു​ടെ അഭി​പ്രാ​യം മാത്രം അവഗണി​ക്കു​ന്നു, പ്രപഞ്ച സ്രഷ്‌ടാ​വായ യഹോ​വ​യാം ദൈവ​ത്തി​ന്റെ. (സങ്കീർത്തനം 8:3; സദൃശ​വാ​ക്യ​ങ്ങൾ 8:27) മനുഷ്യ​വർഗ​ത്തെ​യും ഭൂമി​യെ​യും സംബന്ധി​ച്ചുള്ള തന്റെ ഉദ്ദേശ്യ​വും അഭിലാ​ഷ​വും അവൻ ബൈബി​ളിൽ വ്യക്തമാ​യി നൽകി​യി​ട്ടുണ്ട്‌. നമ്മുടെ ഭൂലോ​കം ഒരു പ്രാപ​ഞ്ചിക വിപത്തി​നാൽ നശിപ്പി​ക്ക​പ്പെ​ടാൻ അവൻ അനുവ​ദി​ക്കു​മോ?

ദിവ്യ നിയ​ന്ത്ര​ണ​ത്തിൻ കീഴി​ലുള്ള ഒരു പ്രപഞ്ചം

യഹോവ പ്രഞ്ചത്തി​ന്റെ സർവശ​ക്ത​നായ സ്രഷ്‌ടാ​വാ​യ​തു​കൊണ്ട്‌ ആകാശ ഗോള​ങ്ങളെ നിയ​ന്ത്രി​ക്കുന്ന ബലങ്ങളു​ടെ മേൽ പൂർണ​മായ നിയ​ന്ത്രണം ചെലു​ത്താ​നുള്ള കഴിവ്‌ അവനു​ണ്ടെന്ന്‌ നിഗമനം ചെയ്യു​ന്നത്‌ ന്യായ​യു​ക്ത​മാണ്‌. യഹോവ “വിവേ​ക​ത്താൽ . . . ആകാശത്തെ ഉറപ്പിച്ചു” എന്ന്‌ ജ്ഞാനി​യായ ശലോ​മോൻ രാജാവ്‌ പറയു​ക​യു​ണ്ടാ​യി. (സദൃശ​വാ​ക്യ​ങ്ങൾ 3:19) ദൈവം “തന്റെ വിവേ​ക​ത്താൽ ആകാശത്തെ വിരിച്ചു” എന്ന്‌ യിരെ​മ്യാ പ്രവാ​ചകൻ ഘോഷി​ച്ചു.—യിരെ​മ്യാ​വു 51:15.

നക്ഷത്രങ്ങൾ, ഗ്രഹങ്ങൾ, വാൽന​ക്ഷ​ത്രങ്ങൾ, ഛിന്ന​ഗ്ര​ഹങ്ങൾ തുടങ്ങിയ ആകാശിക ഗോള​ങ്ങ​ളു​ടെ ചലനങ്ങളെ നിയ​ന്ത്രി​ക്കുന്ന നിയമ​ങ്ങ​ളും ബലങ്ങളും യഹോവ സ്ഥാപി​ച്ചി​ട്ടുണ്ട്‌. (യെശയ്യാ​വു 40:26) എങ്കിലും, തന്റെ നിരന്തര ഇടപെ​ട​ലി​ല്ലാ​തെ തന്നെ നക്ഷത്ര​ങ്ങ​ളെ​യും ഗ്രഹങ്ങ​ളെ​യും അവയുടെ ആലങ്കാ​രിക ജനനത്തി​ന്റെ​യും ജീവി​ത​ത്തി​ന്റെ​യും മരണത്തി​ന്റെ​യും സ്വാഭാ​വിക പരിവൃ​ത്തി​യി​ലൂ​ടെ കടന്നു​പോ​കാൻ അവൻ അനുവ​ദി​ക്കു​ന്ന​താ​യി കാണ​പ്പെ​ടു​ന്നു. ആകാശ ഗോള​ങ്ങ​ളു​ടെ ശക്തമായ കൂട്ടി​യി​ടി​കൾ ഇതിൽ ഉൾപ്പെ​ടും. അടുത്ത കാലത്ത്‌, 1994 ജൂ​ലൈ​യിൽ ഷൂമേക്കർ ലെവി എന്ന വാൽന​ക്ഷ​ത്ര​ത്തി​ന്റെ ശകലങ്ങൾ വ്യാഴ​വു​മാ​യി കൂട്ടി​യി​ടി​ച്ചത്‌ ഇതിന്‌ ഒരു ഉദാഹ​ര​ണ​മാണ്‌.

മനുഷ്യൻ അസ്‌തി​ത്വ​ത്തിൽ വരുന്ന​തി​നു മുമ്പ്‌ ബഹിരാ​കാ​ശത്തു നിന്നു വലിയ പാറക്ക​ഷ​ണങ്ങൾ ഭൂമി​മേൽ പതിച്ച​തി​നു ഭൂവി​ജ്ഞാ​ന​പ​ര​മായ തെളി​വു​കൾ ഉണ്ട്‌. എന്നാൽ മനുഷ്യ​വാ​സ​മുള്ള നമ്മുടെ ഗ്രഹത്തിൽ എപ്പോ​ഴെ​ങ്കി​ലും അങ്ങനെ ഒരു സംഭവം ഉണ്ടാകു​മോ? ഉദാഹ​ര​ണ​ത്തിന്‌ 1.5 കിലോ​മീ​റ്റർ വ്യാസ​മുള്ള ഒരു ഛിന്ന​ഗ്രഹം നമ്മുടെ ഭൂമി​യു​മാ​യി കൂട്ടി​യി​ടി​ച്ചാ​ലുള്ള അവസ്ഥ എന്തായി​രി​ക്കും? അങ്ങനെ സംഭവി​ച്ചാൽ ഹിരോ​ഷി​മയെ തകർത്തു തരിപ്പ​ണ​മാ​ക്കിയ ബോം​ബി​ന്റെ ഏതാണ്ട്‌ 2 ദശലക്ഷം മടങ്ങ്‌ ഊർജം സ്വത​ന്ത്ര​മാ​ക്ക​പ്പെ​ടു​മെന്ന്‌ ബഹിരാ​കാശ ശാസ്‌ത്ര​ജ്ഞ​നായ ജാക്ക്‌ ഹിൽസ്‌ പ്രവചി​ക്കു​ന്നു. അത്‌ സമു​ദ്ര​ത്തി​ന്മേൽ പതിച്ചാൽ കൂറ്റൻ തിരമാ​ലകൾ തീര​പ്ര​ദേ​ശ​ങ്ങളെ വിഴു​ങ്ങും. “നഗരങ്ങൾ വെറും ചെളി​പ്ര​ദേ​ശ​ങ്ങ​ളാ​യി മാറും” എന്ന്‌ ഹിൽസ്‌ പറയുന്നു. ഏറ്റവും ഭയപ്പെ​ടു​ത്തുന്ന പ്രവചനം മനുഷ്യ​വം​ശം ഉന്മൂലനം ചെയ്യ​പ്പെ​ടും എന്നതാണ്‌. ഈ വിനാ​ശ​ദിന പ്രവചനം ഭൂമിയെ കുറി​ച്ചുള്ള സ്രഷ്ടാ​വി​ന്റെ ഹിതവു​മാ​യി ചേർച്ച​യി​ലാ​ണോ? യഹോ​വ​യു​ടെ ഉദ്ദേശ്യ​ത്തിൽ നമ്മുടെ ഗ്രഹത്തിന്‌ ഒരു പ്രത്യേക സ്ഥാനമു​ണ്ടെന്ന്‌ ബൈബിൾ കാണി​ക്കു​ന്നു.

നമ്മുടെ ഭൂമി—ഉദ്ദേശ്യ​ത്തോ​ടെ സൃഷ്ടി​ക്ക​പ്പെ​ട്ടത്‌

നമ്മുടെ ഗ്രഹത്തെ കുറിച്ച്‌ സങ്കീർത്ത​ന​ക്കാ​രൻ ഇങ്ങനെ പറയുന്നു: “സ്വർഗ്ഗം യഹോ​വ​യു​ടെ സ്വർഗ്ഗ​മാ​കു​ന്നു; ഭൂമിയെ അവൻ മനുഷ്യർക്കു കൊടു​ത്തി​രി​ക്കു​ന്നു.” (സങ്കീർത്തനം 115:16) യെശയ്യാ​വു യഹോ​വയെ ‘ഭൂമിയെ നിർമ്മി​ച്ചു​ണ്ടാ​ക്കി​യവൻ . . . അതിനെ ഉറപ്പി​ച്ചവൻ; വ്യർഥ​മാ​യി​ട്ടല്ല . . . പാർപ്പി​നാ​യി അതിനെ നിർമ്മി​ച്ചവൻ’ എന്നു വർണി​ക്കു​ന്നു. (യെശയ്യാ​വു 45:18) യഹോവ മനുഷ്യർക്ക്‌ അവകാ​ശ​മാ​യി നൽകിയ ഒന്നാണ്‌ ഭൂമി. ദൈവ​ഭ​യ​മുള്ള മനുഷ്യർക്ക്‌ ഒരു നിത്യ​ഭാ​വി നൽകാൻ നമ്മുടെ സ്രഷ്ടാവ്‌ ഉദ്ദേശി​ച്ചി​ട്ടു​ള്ള​തു​കൊണ്ട്‌ ഭൂമി എന്നേക്കും അവരുടെ ഭവനമാ​യി നില​കൊ​ള്ളും. സങ്കീർത്തനം 104:5 നമുക്ക്‌ ഇങ്ങനെ ഉറപ്പു നൽകുന്നു: “[യഹോവ] ഭൂമിയെ അതൊ​രി​ക്ക​ലും ഇളകി​പ്പോ​കാ​ത​വണ്ണം അതിന്റെ അടിസ്ഥാ​ന​ത്തി​ന്മേൽ സ്ഥാപി​ച്ചി​രി​ക്കു​ന്നു.”

മനുഷ്യർ കൂട്ട​ത്തോ​ടെ മരിക്കാൻ ഇടയാ​ക്കി​യി​രി​ക്കുന്ന തരം കൊടും വിപത്തു​കൾ നമ്മുടെ ഗ്രഹത്തിൽ സംഭവി​ക്കാൻ ദൈവം അനുവ​ദി​ച്ചി​ട്ടുണ്ട്‌. ഇവയിൽ ചിലതായ യുദ്ധങ്ങൾ, ഭക്ഷ്യക്ഷാ​മങ്ങൾ, സാം​ക്ര​മിക രോഗങ്ങൾ തുടങ്ങി​യ​വ​യു​ടെ കാരണങ്ങൾ പൂർണ​മോ ഭാഗി​ക​മോ ആയി മനുഷ്യ​രു​ടെ അത്യാ​ഗ്ര​ഹ​വും ബുദ്ധി​ഹീ​ന​ത​യും ക്രൂര​ത​യും ഒക്കെയാണ്‌. (സഭാ​പ്ര​സം​ഗി 8:9) ഭൂകമ്പങ്ങൾ, അഗ്നിപർവത സ്‌ഫോ​ട​നങ്ങൾ, വെള്ള​പ്പൊ​ക്കം, കൊടു​ങ്കാറ്റ്‌ എന്നിങ്ങ​നെ​യുള്ള മറ്റു വിപത്തു​കൾ മനുഷ്യർക്ക്‌ പൂർണ​മാ​യും മനസ്സി​ലാ​ക്കാൻ കഴിഞ്ഞി​ട്ടി​ല്ലാത്ത പ്രാകൃ​തിക പ്രതി​ഭാ​സ​ങ്ങ​ളു​ടെ ഫലമാണ്‌. ദൈവ​ത്തി​ന്റെ ആദിമ ഉദ്ദേശ്യ​ത്തി​നു വിരു​ദ്ധ​മാ​യി മനുഷ്യ​വർഗം അപൂർണ​രാ​യി​ത്തീർന്നു, അവർ പാപപൂർണ​രാണ്‌. അതു​കൊണ്ട്‌ പ്രകൃ​തി​വി​പ​ത്തു​ക്ക​ളിൽ നിന്ന്‌ നമുക്ക്‌ ഇന്ന്‌ വ്യക്തി​പ​ര​മായ ദിവ്യ​സം​ര​ക്ഷണം പ്രതീ​ക്ഷി​ക്കാൻ കഴിയില്ല.

എങ്കിലും ഭൂമി​യി​ലെ മനുഷ്യ​ന്റെ അസ്‌തി​ത്വ​ത്തിന്‌ ഗുരു​ത​ര​മായ ഭീഷണി ഉയർത്തുന്ന വിപത്തു​കൾ സംഭവി​ക്കാൻ യാതൊ​രു കാരണ​വ​ശാ​ലും യഹോവ അനുവ​ദി​ച്ചി​ട്ടില്ല. മനുഷ്യൻ സൃഷ്ടി​ക്ക​പ്പെ​ട്ടതു മുതൽ മുഴു മനുഷ്യ​വർഗ​ത്തി​ന്റെ​യും അസ്‌തി​ത്വ​ത്തെ അപകട​പ്പെ​ടു​ത്തുന്ന ഒരു പ്രകൃതി വിപത്തു സംഭവി​ച്ചി​ട്ടു​ള്ള​തിന്‌ സ്ഥിരീ​ക​രി​ക്ക​പ്പെട്ട ചരി​ത്ര​ത്തിൽ യാതൊ​രു രേഖയു​മില്ല.a

മനുഷ്യ​വർഗ​ത്തി​ന്റെ അതിജീ​വനം ഉറപ്പാ​ക്ക​പ്പെ​ട്ടി​രി​ക്കു​ന്നു

മാനവ ചരി​ത്ര​ത്തി​ന്റെ ആരംഭം മുതൽ മനുഷ്യ​രെ കുറി​ച്ചുള്ള നമ്മുടെ സ്രഷ്ടാ​വി​ന്റെ ഉദ്ദേശ്യം അവർ ‘ഭൂമി​യിൽ നിറഞ്ഞ്‌ അതിനെ അടക്കി വാഴണം’ എന്നതാ​യി​രു​ന്നു. (ഉല്‌പത്തി 1:28; 9:1) “നീതി​മാ​ന്മാർ ഭൂമിയെ അവകാ​ശ​മാ​ക്കി എന്നേക്കും അതിൽ വസിക്കും” എന്ന്‌ അവൻ വാഗ്‌ദാ​നം ചെയ്‌തി​ട്ടുണ്ട്‌. (സങ്കീർത്തനം 37:9, 11, 22, 29) തന്റെ വാഗ്‌ദാ​ന​ങ്ങളെ കുറിച്ച്‌ യഹോവ ഇങ്ങനെ ഉറപ്പു നൽകുന്നു: “എന്റെ ആലോചന നിവൃ​ത്തി​യാ​കും; ഞാൻ എന്റെ താല്‌പ​ര്യ​മൊ​ക്കെ​യും അനുഷ്‌ഠി​ക്കും.”—യെശയ്യാ​വു 46:10; 55:11; സങ്കീർത്തനം 135:6.

ഭൂമി​യിൽ പ്രാപ​ഞ്ചിക പ്രതി​ഭാ​സ​ത്തി​ന്റെ ഫലമായി ചെറിയ തോതിൽ വിപത്തു​ണ്ടാ​കാ​നുള്ള സാധ്യ​തയെ ബൈബിൾ പൂർണ​മാ​യി തള്ളിക്ക​ള​യു​ന്നില്ല. എങ്കിലും ഭൂമി​യെ​യും മനുഷ്യ​വർഗ​ത്തെ​യും കുറിച്ച്‌ അവൻ അരുളി​ച്ചെ​യ്‌തി​രി​ക്കുന്ന ഉദ്ദേശ്യ​ത്തെ തകിടം​മ​റി​ക്കുന്ന പ്രാപ​ഞ്ചിക വിപത്തു​കൾ സംഭവി​ക്കാൻ യഹോവ അനുവ​ദി​ക്കു​ക​യി​ല്ലെന്ന്‌ ഉറപ്പാണ്‌. ബൈബിൾ വാഗ്‌ദാ​ന​ങ്ങ​ളു​ടെ അടിസ്ഥാ​ന​ത്തിൽ നമ്മുടെ ഗ്രഹം എന്നെന്നും വാസ​യോ​ഗ്യ​മാ​യി​രി​ക്കും എന്ന്‌ നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും. അതേ, ഭൂമി എന്നേക്കും മനുഷ്യ​വർഗ​ത്തി​ന്റെ ഭവനമാ​യി​രി​ക്കും!—സഭാ​പ്ര​സം​ഗി 1:4; 2 പത്രൊസ്‌ 3:13.

[അടിക്കു​റിപ്പ്‌]