നെതർലൻഡ്‌സി​ലെ നാസി അധിനി​വേശ കാലത്ത്‌ ഉറച്ചു നിൽക്കു​ന്നു

രണ്ടാം ലോക മഹായുദ്ധ കാലത്ത്‌ നാസികൾ ചെയ്‌തു​കൂ​ട്ടിയ അക്രമങ്ങൾ ചിത്രീ​ക​രി​ക്കുന്ന ഫിലി​മു​ക​ളും മറ്റു തെളി​വു​ക​ളും അടങ്ങുന്ന, ലോക​ത്തി​ലേ​ക്കും ഏറ്റവും വലിയ​തെന്നു വിശേ​ഷി​പ്പി​ക്കാ​വുന്ന ഒരു ശേഖരം ദി യു​ണൈ​റ്റഡ്‌ സ്റ്റേറ്റ്‌സ്‌ ഹോ​ളോ​ക്കോസ്റ്റ്‌ മെമ്മോ​റി​യൽ മ്യൂസി​യ​ത്തിൽ ഉണ്ട്‌. 1993-ൽ മ്യൂസി​യം പൊതു​ജ​ന​ങ്ങൾക്കാ​യി തുറക്ക​പ്പെ​ട്ടതു മുതൽ ഏതാണ്ട്‌ 1.2 കോടി ആളുകൾ വാഷി​ങ്‌ടൺ ഡി.സി.-യിലെ വിഖ്യാ​ത​മായ ഈ പ്രദർശ​ന​കേ​ന്ദ്രം സന്ദർശി​ച്ചി​ട്ടുണ്ട്‌.

നാസി ഭരണകാ​ലത്ത്‌ യഹോ​വ​യു​ടെ സാക്ഷികൾ സഹിച്ച കൊടും പീഡന​ങ്ങ​ളു​ടെ ചില തെളി​വു​ക​ളും മ്യൂസി​യ​ത്തിൽ കാണാ​വു​ന്ന​താണ്‌. സ്ഥിരമാ​യി പ്രദർശ​ന​ത്തി​നു വെച്ചി​രി​ക്കുന്ന ചില വസ്‌തു​ക്കൾക്കു പുറമേ യഹോ​വ​യു​ടെ സാക്ഷി​കളെ കുറി​ച്ചുള്ള പരിപാ​ടി​ക​ളു​ടെ ഒരു പരമ്പര​യും മ്യൂസി​യം അവതരി​പ്പി​ച്ചി​രി​ക്കു​ന്നു. യഹോ​വ​യു​ടെ സാക്ഷികൾ പ്രകടി​പ്പിച്ച സഹിഷ്‌ണു​ത​യു​ടെ​യും അചഞ്ചല​മായ വിശ്വ​സ്‌ത​ത​യു​ടെ​യും ചില വിശിഷ്ട ദൃഷ്ടാ​ന്തങ്ങൾ ഈ പരിപാ​ടി​കൾ എടുത്തു​കാ​ട്ടി. 1999 ഏപ്രിൽ 8-ന്‌, “നാസി അധിനി​വേശ കാലത്ത്‌ നെതർലൻഡ്‌സി​ലെ യഹോ​വ​യു​ടെ സാക്ഷികൾ” എന്ന ഒരു പ്രത്യേക പരിപാ​ടി​യും മ്യൂസി​യ​ത്തി​ന്റെ രണ്ടു വലിയ ഓഡി​റ്റോ​റി​യ​ങ്ങ​ളി​ലാ​യി അവതരി​പ്പി​ക്ക​പ്പെട്ടു.

മ്യൂസി​യം എക്‌സി​ക്യൂ​ട്ടീവ്‌ ഡയറക്‌ട​റായ ശ്രീമതി സെറ ജെയ്‌ൻ ബ്ലൂംഫീൽഡി​ന്റെ ആമുഖ​പ്ര​സം​ഗ​ത്തോ​ടെ​യാണ്‌ പരിപാ​ടി ആരംഭി​ച്ചത്‌. ശ്രീമതി ബ്ലൂംഫീൽഡ്‌ യഹോ​വ​യു​ടെ സാക്ഷി​ക​ളു​ടെ അനുഭ​വ​ത്തിൽ യഥാർഥ താത്‌പ​ര്യം കാട്ടി. പീഡന​ത്തിൻ കീഴിൽ യഹോ​വ​യു​ടെ സാക്ഷികൾ കാണിച്ച അചഞ്ചല​മായ വിശ്വ​സ്‌ത​തയെ കുറി​ച്ചുള്ള പൊതു​ജ​നാ​വ​ബോ​ധം വർധി​പ്പി​ക്കാൻ തങ്ങൾ വലിയ ശ്രമം നടത്തു​ന്നു​ണ്ടെന്ന്‌ ഉണരുക!-യുമാ​യുള്ള ഒരു അഭിമു​ഖ​ത്തിൽ അവർ പറഞ്ഞു. “മ്യൂസി​യ​ത്തിൽ അവതരി​പ്പി​ക്കാ​റുള്ള മറ്റു പ്രധാന പരിപാ​ടി​കൾ പരസ്യ​പ്പെ​ടു​ത്തു​ന്നതു പോ​ലെ​ത​ന്നെ​യാണ്‌ ഈ പരിപാ​ടി​ക​ളും പരസ്യ​പ്പെ​ടു​ത്തു​ന്നത്‌” എന്ന്‌ അവർ പ്രസ്‌താ​വി​ച്ചു.

ആ സായാ​ഹ്ന​ത്തിൽ നടന്ന പരിപാ​ടി​യിൽ ഒട്ടേറെ ചരി​ത്ര​കാ​ര​ന്മാർ സന്നിഹി​ത​രാ​യി​രു​ന്നു, കുറെ പേർ പരിപാ​ടി​യിൽ പങ്കു​കൊ​ള്ളു​ക​യും ചെയ്‌തു. അവരിൽ ഒരാളാ​യി​രു​ന്നു സാൻ ഡീയേ​ഗോ സ്റ്റേറ്റ്‌ യൂണി​വേ​ഴ്‌സി​റ്റി​യി​ലെ ആധുനിക ജർമൻ, യഹൂദ ചരിത്ര വിഭാ​ഗ​ത്തി​ലെ പ്രൊ​ഫ​സ​റായ ഡോ. ലോറൻസ്‌ ബാരൻ. “യഹോ​വ​യു​ടെ സാക്ഷികൾ നാസി സ്വേച്ഛാ​ധി​പത്യ ഭരണത്തി​ന്റെ ചെയ്‌തി​ക​ളിൽ പങ്കു​ചേ​രാൻ വിസമ്മ​തി​ച്ചത്‌ അഭിന​ന്ദ​നാർഹ​മാണ്‌” എന്ന്‌ ഡോ. ബാരൻ തന്റെ പ്രസം​ഗ​ത്തിൽ പറഞ്ഞു. സാക്ഷികൾ “നാസി ഭരണകൂ​ട​ത്തി​ന്റെ കൽപ്പന​ക​ളെ​ക്കാൾ ദൈവ​ത്തി​ലുള്ള തങ്ങളുടെ വിശ്വാ​സ​ത്തി​നു മുൻതൂ​ക്കം നൽകി. ഹിറ്റ്‌ലറെ നേതാ​വാ​യി പൂജി​ക്കുന്ന ഭരണ​പ്ര​സ്ഥാ​നത്തെ മതേത​ര​മാ​യ​തെ​ങ്കി​ലും ഒരു ആരാധ​നാ​ക്രമം തന്നെയാ​യി അവർ വീക്ഷിച്ചു. അതു​കൊണ്ട്‌ നാസി സല്യൂട്ട്‌ നൽകി​ക്കൊ​ണ്ടോ ‘ഹെയ്‌ൽ ഹിറ്റ്‌ലർ’ എന്നു പറഞ്ഞു​കൊ​ണ്ടോ ഹിറ്റ്‌ല​റി​നു ദിവ്യ​ത്വം കൽപ്പി​ക്കു​ന്ന​തി​നെ പിന്താ​ങ്ങാൻ അവർ കൂട്ടാ​ക്കി​യില്ല. . . . അയൽക്കാ​രെ സ്‌നേ​ഹി​ക്ക​ണ​മെ​ന്നും മറ്റുള്ള​വരെ കൊല്ല​രു​തെ​ന്നു​മുള്ള കൽപ്പന ദൈവം നൽകി​യി​രു​ന്ന​തു​കൊണ്ട്‌ അവർ സൈനിക സേവന​ത്തി​നു വിസമ്മ​തി​ച്ചു . . . സാക്ഷി​ക​ളോട്‌ അവരുടെ പ്രവർത്തനം നിറു​ത്താൻ നാസി സ്വേച്ഛാ​ധി​പത്യ ഭരണകൂ​ടം കൽപ്പി​ച്ച​പ്പോൾ ‘മനുഷ്യ​രെ​ക്കാൾ ദൈവത്തെ ഭരണാ​ധി​കാ​രി​യാ​യി അനുസ​രി​ക്കേ​ണ്ട​താ​കു​ന്നു’ എന്നായി​രു​ന്നു എപ്പോ​ഴ​ത്തെ​യും പോലെ അവരുടെ പ്രതി​ക​രണം,” അദ്ദേഹം അഭി​പ്രാ​യ​പ്പെട്ടു. ഇക്കാര​ണ​ത്താൽ, നിരവധി യൂറോ​പ്യൻ രാജ്യ​ങ്ങ​ളി​ലെ ഒട്ടേറെ സാക്ഷി​കൾക്ക്‌ തടങ്കൽപ്പാ​ള​യ​ങ്ങ​ളി​ലെ പീഡനം സഹി​ക്കേ​ണ്ടി​വന്നു, ചിലർ വധിക്ക​പ്പെ​ടുക പോലും ചെയ്‌തു.

നെതർലൻഡ്‌സി​ലെ യഹോ​വ​യു​ടെ സാക്ഷി​കൾക്ക്‌ എതിരെ നാസികൾ അഴിച്ചു​വിട്ട പീഡനത്തെ കുറിച്ചു വിവരി​ക്കാൻ ഡച്ച്‌ ഗവേഷ​ക​രെ​യും കൂട്ടക്കു​രു​തി​യെ അതിജീ​വിച്ച ചില​രെ​യും മ്യൂസി​യം ക്ഷണിച്ചു. നാസികൾ നെതർലൻഡ്‌സ്‌ പിടി​ച്ച​ടക്കി അധികം താമസി​യാ​തെ, 1940 മേയ്‌ 29-ന്‌ ആ രാജ്യത്തെ 500-ഓളം വരുന്ന യഹോ​വ​യു​ടെ സാക്ഷി​ക​ളു​ടെ പ്രവർത്തനം നിരോ​ധി​ച്ചു. തുടർന്നു വന്ന മാസങ്ങ​ളിൽ നൂറു കണക്കിന്‌ യഹോ​വ​യു​ടെ സാക്ഷികൾ അറസ്റ്റു ചെയ്യ​പ്പെട്ടു. മറ്റു സാക്ഷി​ക​ളു​ടെ പേരുകൾ ലഭിക്കാ​നാ​യി അധികാ​രി​കൾ അറസ്റ്റ്‌ ചെയ്യ​പ്പെ​ട്ട​വരെ പീഡി​പ്പി​ച്ചു. യുദ്ധം അവസാ​നി​ക്കാ​റാ​യ​പ്പോ​ഴേ​ക്കും 450-ലധികം സാക്ഷികൾ അറസ്റ്റു ചെയ്യ​പ്പെ​ട്ടി​രു​ന്നു. ഇവരിൽ 120-ലധികം പേർ പീഡനം മൂലം മരണമ​ടഞ്ഞു.

“കൂട്ടക്കു​രു​തി​യെ അതിജീ​വിച്ച നെതർലൻഡ്‌സി​ലെ യഹോ​വ​യു​ടെ സാക്ഷി​ക​ളു​ടെ ലിഖി​ത​രൂ​പ​ത്തി​ലുള്ള 200 ജീവി​ത​ക​ഥ​ക​ളും അവരു​മാ​യുള്ള 170-ലധികം അഭിമു​ഖ​ങ്ങ​ളു​ടെ വീഡി​യോ കാസറ്റു​ക​ളും” വാച്ച്‌ടവർ സൊ​സൈ​റ്റി​യു​ടെ നെതർലൻഡ്‌സ്‌ ബ്രാഞ്ചിൽ ഉണ്ട്‌ എന്ന്‌ ഡച്ചുകാ​ര​നായ ഒരു ഗവേഷകൻ പറഞ്ഞു. “ദൈവ​ത്തോ​ടും സഹമനു​ഷ്യ​രോ​ടു​മുള്ള സ്‌നേ​ഹ​മാ​യി​രു​ന്നു യഹോ​വ​യു​ടെ സാക്ഷി​കളെ ഇതിനു പ്രേരി​പ്പി​ച്ചത്‌ എന്ന്‌ അവയോ​രോ​ന്നും കാട്ടി​ത്ത​രു​ന്നു.”

നാസികൾ ലക്ഷ്യമി​ട്ടി​രുന്ന മറ്റു കൂട്ടങ്ങ​ളിൽനി​ന്നു വ്യത്യ​സ്‌ത​മാ​യി, തങ്ങളുടെ വിശ്വാ​സത്തെ ത്യജിച്ചു പറയുന്ന ഒരു പ്രഖ്യാ​പ​ന​ത്തിൽ കേവലം ഒപ്പു​വെ​ച്ചാൽ യഹോ​വ​യു​ടെ സാക്ഷി​ക​ളിൽ മിക്കവർക്കും സ്വത​ന്ത്ര​രാ​കാ​മാ​യി​രു​ന്നു എന്ന വസ്‌തുത ഒട്ടേറെ പ്രസം​ഗകർ എടുത്തു പറഞ്ഞു. എന്നിട്ടും, സാക്ഷി​ക​ളിൽ ബഹുഭൂ​രി​ഭാ​ഗ​വും വിട്ടു​വീഴ്‌ച ചെയ്യു​ന്ന​തി​നു പകരം, ഉൾപ്പെ​ട്ടി​രി​ക്കുന്ന കാര്യ​ങ്ങ​ളെ​ല്ലാം നന്നായി മനസ്സി​ലാ​ക്കി​ക്കൊ​ണ്ടു​തന്നെ പീഡനം സഹിക്കുക എന്ന ഉചിത​മായ തിര​ഞ്ഞെ​ടു​പ്പു നടത്തി എന്ന്‌ പ്രസം​ഗ​ക​രും അഭിമു​ഖം നടത്ത​പ്പെ​ട്ട​വ​രും വിവരി​ച്ചു. എങ്കിലും ഏതാനും പേർ യഹോ​വ​യു​ടെ സാക്ഷി​ക​ളു​മൊ​ത്തുള്ള സഹവാസം അവസാ​നി​പ്പി​ക്കാൻ വേണ്ടി പ്രഖ്യാ​പ​ന​ത്തിൽ ഒപ്പു​വെ​ക്കു​ക​യു​ണ്ടാ​യി.

മറ്റു ചിലർ പ്രഖ്യാ​പ​ന​ത്തിൽ പറഞ്ഞ കാര്യങ്ങൾ ശരിക്കു മനസ്സി​ലാ​ക്കാ​തെ ആണ്‌ അതിൽ ഒപ്പു​വെ​ച്ചത്‌. അല്ലാതെ, തങ്ങളുടെ മതം ഉപേക്ഷി​ക്കുക എന്ന ലക്ഷ്യത്തിൽ ആയിരു​ന്നില്ല. ഇനിയും ചിലരാ​കട്ടെ, പീഡക​രു​ടെ കയ്യിൽനി​ന്നു രക്ഷപ്പെട്ട്‌ പ്രസം​ഗ​പ്ര​വർത്തനം പുനരാ​രം​ഭി​ക്കുക എന്ന ഉദ്ദേശ്യ​ത്തോ​ടെ പ്രഖ്യാ​പ​ന​ത്തിൽ ഒപ്പു​വെ​ക്കു​ന്നത്‌ ധാർമി​ക​മാ​യി തെറ്റ​ല്ലെന്നു കരുതി അങ്ങനെ ചെയ്‌തു. എങ്കിലും സ്വത​ന്ത്ര​രാ​ക്ക​പ്പെട്ട ശേഷം, ലക്ഷ്യം എന്തുതന്നെ ആയിരു​ന്നാ​ലും പ്രഖ്യാ​പ​ന​ത്തിൽ ഒപ്പു​വെ​ച്ചതു ശരിയാ​യി​ല്ലെന്ന്‌ അവർ തിരി​ച്ച​റി​ഞ്ഞു.

വിലയി​രു​ത്ത​ലിൽ പിശകു​വ​ന്ന​തി​ന്റെ പേരിൽ അവർ സഭയിൽനി​ന്നു പുറത്താ​ക്ക​പ്പെ​ട്ടില്ല. വീട്ടി​ലേ​ക്കും സഭയി​ലേ​ക്കും തിരികെ ചെന്ന​പ്പോൾ അവർക്ക്‌ ആത്മീയ സഹായം ലഭിച്ചു. പ്രഖ്യാ​പ​ന​ത്തിൽ ഒപ്പു​വെ​ക്കു​ന്ന​തി​ലേക്കു ചിലരെ നയിച്ച സാഹച​ര്യ​ങ്ങൾ മനസ്സി​ലാ​ക്കാ​നും അവരോട്‌ കരുണ​യോ​ടെ ഇടപെ​ടാ​നും നെതർലൻഡ്‌സി​ലെ സാക്ഷി​കളെ പ്രോ​ത്സാ​ഹി​പ്പി​ച്ചു​കൊ​ണ്ടുള്ള ഒരു കത്ത്‌ 1942 ജൂണിൽ വാച്ച്‌ടവർ സൊ​സൈ​റ്റി​യു​ടെ അവിടത്തെ ബ്രാഞ്ച്‌ ഓഫീസ്‌ അയയ്‌ക്കു​ക​യു​ണ്ടാ​യി. നാസി അധിനി​വേശം അപ്പോ​ഴും അവസാ​നി​ച്ചി​ട്ടി​ല്ലാ​യി​രു​ന്നെ​ങ്കി​ലും താമസി​യാ​തെ ഈ മുൻത​ട​വു​കാർ തങ്ങളുടെ ജീവൻ പണയ​പ്പെ​ടു​ത്തി​ക്കൊണ്ട്‌ വീണ്ടും പ്രസം​ഗ​വേ​ല​യിൽ ഏർപ്പെ​ടാൻ തുടങ്ങി. ചിലരെ രണ്ടാം പ്രാവ​ശ്യ​വും അറസ്റ്റു ചെയ്‌തു. സൈനിക പ്രവർത്ത​ന​ങ്ങ​ളിൽ പങ്കു​ചേ​രാ​ഞ്ഞ​തിന്‌ അവരിൽ ഒരാളെ വധിക്കു​ക​പോ​ലും ചെയ്‌തു.

യഹോ​വ​യു​ടെ സാക്ഷി​കൾക്ക്‌ വളരെ​യ​ധി​കം യാതനകൾ സഹി​ക്കേ​ണ്ടി​വ​രി​ക​യും പിരി​മു​റു​ക്കം നിറഞ്ഞ അപകട​ക​ര​മായ സാഹച​ര്യ​ങ്ങ​ളിൽ വർഷങ്ങ​ളോ​ളം തങ്ങളുടെ വേല രഹസ്യ​മാ​യി നിർവ​ഹി​ക്കേ​ണ്ടി​വ​രി​ക​യും ചെയ്‌തി​ട്ടും നെതർലൻഡ്‌സിൽ സാക്ഷി​ക​ളു​ടെ എണ്ണം വർധിച്ചു വന്നു. 1940-ൽ അവിടെ ഏതാണ്ട്‌ 500 സാക്ഷി​ക​ളാ​യി​രു​ന്നു ഉണ്ടായി​രു​ന്ന​തെ​ങ്കിൽ 1945-ൽ നാസി ഭരണം അവസാ​നി​ച്ച​പ്പോ​ഴേ​ക്കും സാക്ഷി​ക​ളു​ടെ എണ്ണം 2,000-ത്തിലധി​കം ആയിത്തീർന്നു. ദൈവത്തെ അനുസ​രി​ക്കു​ന്ന​തിൽ അവർ കാട്ടിയ ധൈര്യ​വും നിശ്ചയ​ദാർഢ്യ​വും ഇന്നോളം ഒരു വലിയ സാക്ഷ്യ​മാ​യി നില​കൊ​ള്ളു​ന്നു.

[25-ാം പേജിലെ ചിത്രം]

ഗവേഷകർ കൂടി​വ​ന്ന​വ​രോ​ടു പ്രസം​ഗി​ക്കു​ന്നു

[25-ാം പേജിലെ ചിത്രം]

കൂട്ടക്കുരുതിയെ അതിജീ​വിച്ച ഡച്ചുകാ​രു​മാ​യി ഒരു അഭിമു​ഖം