വാർധ​ക്യ​ത്തി​ന്റെ വെല്ലു​വി​ളി​ക​ളു​മാ​യി ജീവി​ക്കാ​നാ​കുന്ന വിധം

“ഞങ്ങളുടെ ആയുഷ്‌കാ​ലം എഴുപതു സംവത്സരം; ഏറെ ആയാൽ എൺപതു സംവത്സരം; അതിന്റെ പ്രതാപം പ്രയാ​സ​വും ദുഃഖ​വു​മ​ത്രേ; അതു വേഗം തീരു​ക​യും ഞങ്ങൾ പറന്നു പോക​യും ചെയ്യുന്നു.” (സങ്കീർത്തനം 90:10) 3,000 വർഷം പഴക്കമുള്ള ഈ കാവ്യ​ഗീ​തം വാർധ​ക്യം കാലപ്പ​ഴ​ക്ക​മുള്ള ഒരു വെല്ലു​വി​ളി​യാ​ണെന്നു സ്ഥിരീ​ക​രി​ക്കു​ന്നു. വൈദ്യ​ശാ​സ്‌ത്ര രംഗത്ത്‌ സ്‌തു​ത്യർഹ​മായ പുരോ​ഗ​തി​ക​ളു​ണ്ടാ​യി​ട്ടും വാർധ​ക്യ​ത്തി​ന്റെ ചില വശങ്ങൾ പ്രത്യേ​കാൽ ‘പ്രയാ​സ​വും ദുഃഖ​വും’ ഉളവാ​ക്കു​ന്നു. അവ എന്തൊ​ക്കെ​യാണ്‌, അവ ഉയർത്തുന്ന വെല്ലു​വി​ളി​ക​ളു​മാ​യി ചിലർ പൊരു​ത്ത​പ്പെ​ടു​ന്നത്‌ എങ്ങനെ​യാണ്‌?

പ്രായം​ചെ​ന്ന​വ​രെ​ങ്കി​ലും ബുദ്ധിക്കു തകരാറു സംഭവി​ക്കാ​ത്ത​വർ

“വാർധ​ക്യ​കാ​ലത്ത്‌ ഓർമ​ശക്തി പോലുള്ള ബൗദ്ധി​ക​പ്രാ​പ്‌തി​കൾ ക്ഷയിക്കു​ന്ന​താണ്‌ എന്നെ ഏറ്റവും അധികം ഭയപ്പെ​ടു​ത്തു​ന്നത്‌” എന്ന്‌ 79 വയസ്സുള്ള ഹാൻസ്‌ പരിത​പി​ക്കു​ന്നു. പ്രായം​ചെന്ന അനേക​രു​ടെ​യും കാര്യ​ത്തി​ലെ​ന്ന​പോ​ലെ, ഹാൻസി​നെ​യും മറവി​യെന്ന പ്രശ്‌നം വല്ലാതെ ആകുല​പ്പെ​ടു​ത്തി. പുരാ​ത​ന​കാ​ലത്തെ ഒരു കവി “പൊൻകി​ണ്ണം” എന്നു വിളി​ച്ച​തി​ന്മേ​ലുള്ള, അതായത്‌ വിലപ്പെട്ട ഓർമ​ക​ളു​ടെ ഭണ്ഡാര​മായ അമൂല്യ​മായ തലച്ചോ​റി​ന്മേ​ലുള്ള, തന്റെ നിയ​ന്ത്രണം നഷ്ടപ്പെ​ടു​ക​യാ​ണെന്ന്‌ അദ്ദേഹം ഉത്‌ക​ണ്‌ഠ​പ്പെട്ടു. (സഭാ​പ്ര​സം​ഗി 12:6) ഹാൻസ്‌ ചോദി​ച്ചു, “മാനസിക പ്രാപ്‌തി​കൾ ക്ഷയിക്കു​ന്നത്‌ വാർധ​ക്യ​സ​ഹ​ജ​മാ​ണോ?”

ഹാൻസി​നെ​പ്പോ​ലെ നിങ്ങളും ചില പേരുകൾ മറക്കു​ക​യോ അത്തരം ഓർമ​പ്പി​ശ​കു​കൾ ഗുരു​ത​ര​മായ മാനസിക അപചയ​ത്തി​ന്റെ ആരംഭ​മാ​ണെന്നു കരുതു​ക​യോ ചെയ്യു​ന്നെ​ങ്കിൽ ഇതു മനസ്സിൽപ്പി​ടി​ക്കുക: എല്ലാ പ്രായ​ത്തി​ലുള്ള ആളുകൾക്കും ഓർമ​പ്പി​ശക്‌ ഉണ്ടാകാ​റുണ്ട്‌. തന്നെയു​മല്ല പ്രായം​ചെന്ന ഒരു വ്യക്തി​യു​ടെ മാനസിക പ്രവർത്ത​ന​ങ്ങ​ളിൽ ഉണ്ടാ​യേ​ക്കാ​വുന്ന മാറ്റങ്ങൾക്കു കാരണം സാധാ​ര​ണ​ഗ​തി​യിൽ ബുദ്ധി​ഭ്രം​ശം (സാധാ​ര​ണ​ഗ​തി​യിൽ ബൗദ്ധി​ക​പ്ര​വർത്ത​നങ്ങൾ ക്രമേണ ക്ഷയിച്ചു പോകുന്ന അവസ്ഥ) അല്ല.a വാർധ​ക്യ​കാ​ലത്ത്‌ കുറ​ച്ചൊ​ക്കെ ഓർമ​ക്കു​റവ്‌ അനുഭ​വ​പ്പെ​ടു​ന്നതു സാധാ​ര​ണ​മാ​ണെ​ങ്കി​ലും, “പ്രായം​ചെന്ന മിക്കവർക്കും മരണം​വരെ തങ്ങളുടെ മാനസിക പ്രാപ്‌തി​ക​ളു​ടെ​മേൽ പൂർണ നിയ​ന്ത്ര​ണ​മുണ്ട്‌” എന്നു ന്യൂ​യോർക്കി​ലെ സ്റ്റേറ്റൻ ഐലൻഡ്‌ യൂണി​വേ​ഴ്‌സി​റ്റി ആശുപ​ത്രി​യി​ലെ പെരു​മാ​റ്റ​ശാ​സ്‌ത്ര വിഭാ​ഗ​ത്തി​ലെ അധ്യക്ഷ​നായ മൈക്കൽ റ്റി. ലിവി എഴുതു​ന്നു.

വസ്‌തു​ത​കൾ ഓർമ​യി​ലേക്കു കൊണ്ടു​വ​രുന്ന വേഗത്തി​ന്റെ കാര്യ​ത്തിൽ ചെറു​പ്പ​ക്കാർ സാധാ​ര​ണ​ഗ​തി​യിൽ പ്രായ​മാ​യ​വരെ കടത്തി​വെ​ട്ടും എന്നുള്ളതു ശരിയാണ്‌. എന്നാൽ “വേഗം എന്ന ഘടകം മാറ്റി​നി​റു​ത്തു​ക​യാ​ണെ​ങ്കിൽ . . . കുറഞ്ഞ​പക്ഷം ചെറു​പ്പ​ക്കാ​രു​ടേ​തി​നോ​ടു കിടപി​ടി​ക്കു​ന്ന​താ​യി​രി​ക്കും പൊതു​വേ പ്രായം​ചെ​ന്ന​വ​രു​ടെ പ്രകട​ന​വും” എന്നു നാഡീ​രോ​ഗ​വി​ദ​ഗ്‌ധ​നായ റിച്ചാർഡ്‌ റെസ്റ്റാക്ക്‌ പറയുന്നു. വാസ്‌ത​വ​ത്തിൽ അനു​യോ​ജ്യ​മായ അഭ്യസ​ന​വും പരിശീ​ല​ന​വും ലഭിക്കു​ക​യാ​ണെ​ങ്കിൽ ആരോ​ഗ്യ​മുള്ള തലച്ചോ​റി​ന്റെ ഉടമക​ളായ പ്രായ​മാ​യ​വർക്ക്‌ തുടർന്നും പഠിക്കാ​നും ഓർമി​ക്കാ​നും പ്രത്യേക കഴിവു​കൾ മെച്ച​പ്പെ​ടു​ത്താ​നും കഴിയും.

ഓർമ​ത്ത​ക​രാ​റും ചികി​ത്സി​ച്ചു ഭേദമാ​ക്കാ​വുന്ന പ്രശ്‌ന​ങ്ങ​ളും

ചിലർക്ക്‌ കൂടുതൽ ഗൗരവ​മായ ഓർമ​ത്ത​ക​രാ​റു​കൾ ഉണ്ടെങ്കി​ലോ? അങ്ങനെ​യാ​ണെ​ങ്കിൽപ്പോ​ലും പ്രശ്‌നം ബുദ്ധി​ഭ്രം​ശം ആണെന്ന്‌ വെറുതെ കണ്ണുമ​ടച്ചു നിഗമ​നം​ചെ​യ്യ​രുത്‌. വാർധ​ക്യ​കാ​ലത്ത്‌ ഉണ്ടാകാ​റുള്ള ചികി​ത്സി​ച്ചു ഭേദമാ​ക്കാ​വുന്ന മറ്റു പല പ്രശ്‌ന​ങ്ങ​ളും ഓർമ​ത്ത​ക​രാ​റി​നും പെട്ടെ​ന്നുള്ള ആശയക്കു​ഴ​പ്പ​ത്തി​നും കാരണ​മാ​കാ​റുണ്ട്‌. മിക്ക​പ്പോ​ഴും ഇത്തരം പ്രശ്‌നങ്ങൾ “പ്രായാ​ധി​ക്യം” അല്ലെങ്കിൽ “വാർധ​ക്യ​സ​ഹ​ജ​മായ അവശത” എന്നു തെറ്റായി വ്യാഖ്യാ​നി​ക്ക​പ്പെ​ടാ​റുണ്ട്‌. അബദ്ധധാ​ര​ണകൾ വെച്ചു​പു​ലർത്തുന്ന ഡോക്ടർമാർപോ​ലും ചില​പ്പോൾ അവയെ ഇത്തരത്തിൽ വ്യാഖ്യാ​നി​ക്കാ​റുണ്ട്‌. ഇതു പ്രായ​മായ രോഗി​ക​ളു​ടെ അന്തസ്സിനു കളങ്കം​വ​രു​ത്തു​ന്നെന്നു മാത്രമല്ല ഉചിത​മായ വൈദ്യ​ചി​കിത്സ തേടു​ന്ന​തിൽനിന്ന്‌ അവരെ തടയു​ക​യും ചെയ്‌തേ​ക്കാം. ഇത്തരം പ്രശ്‌ന​ങ്ങ​ളിൽ ചിലത്‌ ഏവയാണ്‌?

വികല​പോ​ഷ​ണം, നിർജ​ലീ​ക​രണം, വിളർച്ച, തലയുടെ പരുക്ക്‌, തൈ​റോ​യിഡ്‌ സംബന്ധ​മായ പ്രശ്‌നങ്ങൾ, ജീവക​ങ്ങ​ളു​ടെ അപര്യാ​പ്‌തത, മരുന്നു​ക​ളു​ടെ പാർശ്വ​ഫ​ലങ്ങൾ, ചുറ്റു​പാ​ടു​കൾക്കു വരുന്ന മാറ്റം എന്നിവ​യി​ലേ​തെ​ങ്കി​ലും പെട്ടെ​ന്നുള്ള അസാധാ​ര​ണ​മായ ആശയക്കു​ഴ​പ്പ​ത്തി​നു കാരണ​മാ​യേ​ക്കാം. നീണ്ടു​നിൽക്കുന്ന സമ്മർദം ഓർമ​ത്ത​ക​രാ​റു​കൾക്ക്‌ ഇടയാ​ക്കു​ന്നു. പ്രായ​മാ​യ​വ​രിൽ ആശയക്കു​ഴപ്പം സൃഷ്ടി​ക്കു​ന്ന​തിൽ രോഗ​ബാധ കുപ്ര​സി​ദ്ധി ആർജി​ച്ചി​രി​ക്കു​ന്നു. പ്രായ​മാ​യ​വ​രിൽ ഓർമ​ശേഷി നശിക്കു​ന്ന​തി​നും ആശയക്കു​ഴ​പ്പ​ത്തി​നും ഇടയാ​ക്കുന്ന മറ്റൊരു സംഗതി വിഷാ​ദ​മാണ്‌. അതു​കൊണ്ട്‌ “പെട്ടെ​ന്നു​ണ്ടാ​കുന്ന ആശയക്കു​ഴപ്പം ഒരിക്ക​ലും അവഗണി​ക്ക​രുത്‌, പ്രത്യാ​ശ​യ്‌ക്കു വകയി​ല്ലാത്ത വാർധ​ക്യ​സ​ഹ​ജ​മായ അവശത​യാണ്‌ അതെന്നു പറഞ്ഞു തള്ളിക്ക​ള​യു​ക​യു​മ​രുത്‌” എന്നു ഡോ. ലിവി ഉപദേ​ശി​ക്കു​ന്നു. സമഗ്ര​മായ ഒരു വൈദ്യ പരി​ശോ​ധന ലക്ഷണങ്ങ​ളു​ടെ അടിസ്ഥാന കാരണം കണ്ടുപി​ടി​ക്കാൻ സഹായി​ച്ചേ​ക്കും.

വിഷാദം കൈകാ​ര്യം ചെയ്യാ​വുന്ന വിധം

മനുഷ്യർക്ക്‌, ദൈവ​ത്തി​ന്റെ വിശ്വസ്‌ത ദാസർക്കു​പോ​ലും വിഷാദം ഒരു പുതിയ കാര്യമല്ല. ഏകദേശം രണ്ടായി​രം വർഷം​മുമ്പ്‌, അപ്പൊ​സ്‌ത​ല​നായ പൗലൊ​സിന്‌ സഹക്രി​സ്‌ത്യാ​നി​കളെ ഇങ്ങനെ ബുദ്ധി​യു​പ​ദേ​ശി​ക്കേണ്ടി വന്നു: “വിഷാ​ദ​മ​ഗ്ന​രോട്‌ ആശ്വാ​സ​ദാ​യ​ക​മാ​യി സംസാ​രി​ക്കു​വിൻ.” (1 തെസ്സ​ലൊ​നീ​ക്യർ 5:14, NW) സമ്മർദ​പൂ​രി​ത​മായ നമ്മുടെ നാളു​ക​ളിൽ, അതിന്റെ ആവശ്യം എന്നത്തെ​ക്കാ​ളും അധിക​മാണ്‌. എന്നാൽ സങ്കടക​ര​മെന്നു പറയട്ടെ, പ്രായം​ചെ​ന്ന​വ​രി​ലു​ണ്ടാ​കുന്ന വിഷാദം മിക്ക​പ്പോ​ഴും നിർണ​യി​ക്ക​പ്പെ​ടാ​തെ പോകു​ന്നു അല്ലെങ്കിൽ തെറ്റായി നിർണ​യി​ക്ക​പ്പെ​ടു​ന്നു.

പ്രായ​മാ​കു​മ്പോൾ ആളുകൾ കൂടുതൽ വിഷണ്ണ​രും പെട്ടെന്നു ഭാവം മാറു​ന്ന​വ​രും ആയിത്തീ​രു​മെന്ന തെറ്റി​ദ്ധാ​രണ വ്യാപ​ക​മാ​യി​രി​ക്കു​ന്ന​തി​നാൽ മറ്റുള്ള​വ​രും അതു​പോ​ലെ​തന്നെ പ്രായ​മാ​യ​വ​രും വിഷാ​ദാ​വ​സ്ഥ​യു​ടെ ലക്ഷണങ്ങളെ വാർധ​ക്യ​ത്തി​ന്റെ ഭാഗമായ സ്വാഭാ​വിക കാര്യ​ങ്ങ​ളാ​യി വീക്ഷി​ച്ചേ​ക്കാം. “എന്നിരു​ന്നാ​ലും ഇതു സത്യമല്ല, . . . പ്രായ​മാ​യ​വർക്കി​ട​യി​ലെ വിഷാദം വാർധ​ക്യ​ത്തി​ന്റെ ഭാഗമാ​യി സ്വാഭാ​വി​ക​മാ​യി ഉണ്ടാകു​ന്നതല്ല” എന്നു പ്രായം​ചെ​ന്ന​വരെ ചികി​ത്സി​ക്കൽ (ഇംഗ്ലീഷ്‌) എന്ന പുസ്‌തകം പ്രസ്‌താ​വി​ക്കു​ന്നു.

നീണ്ടു​നിൽക്കു​ന്ന വിഷാ​ദ​രോ​ഗം സാധാ​ര​ണ​മാ​യി ഉണ്ടാകുന്ന നിരാ​ശ​യിൽനി​ന്നു വ്യത്യ​സ്‌ത​മാ​യി ഗൗരവ​മായ ഭവിഷ്യ​ത്തു​ക​ളി​ലേക്കു നയിക്കുന്ന ഗുരു​ത​ര​മായ രോഗ​മാണ്‌. അതു​കൊ​ണ്ടു​തന്നെ അതിനെ അവഗണി​ക്ക​രുത്‌. വിഷാ​ദാ​വസ്ഥ ചികി​ത്സി​ക്ക​പ്പെ​ട്ടി​ല്ലെ​ങ്കിൽ അതു വഷളാ​കു​ക​യും അങ്ങേയറ്റം തീവ്ര​മാ​കു​ക​യും ചെയ്യും. അതിന്റെ ഫലമായി ഭഗ്നാശ​രായ ചില രോഗി​കൾ ആത്മഹത്യ​ക്കു​വരെ തുനി​യു​ന്നു. “മാനസിക രോഗ​ങ്ങ​ളിൽവെച്ച്‌ ചികി​ത്സി​ച്ചു ഭേദമാ​ക്കാൻ ഏറ്റവും സാധി​ക്കുന്ന രോഗം​ത​ന്നെ​യാണ്‌ അങ്ങേയറ്റം മാരക​മാ​യി​രി​ക്കാ​നും ഇടയു​ള്ളത്‌” എന്ന്‌ പ്രായ​മായ രോഗി​കൾക്കു​ണ്ടാ​കുന്ന വിഷാ​ദ​ത്തെ​ക്കു​റി​ച്ചു ഡോ. ലിവി പ്രസ്‌താ​വി​ക്കു​ന്നു. അദ്ദേഹ​ത്തി​ന്റെ അഭി​പ്രാ​യ​ത്തിൽ ഇതുത​ന്നെ​യാണ്‌ ഈ രോഗ​ത്തി​ന്റെ ദുരന്ത​മു​ഖ​വും. വിഷാ​ദാ​വസ്ഥ മാറ്റമി​ല്ലാ​തെ തുടരു​ക​യാ​ണെ​ങ്കിൽ, വികാ​ര​വ്യ​തി​യാന തകരാ​റു​കൾ ചികി​ത്സി​ച്ചു പരിച​യ​മുള്ള ഒരു ഡോക്ട​റു​ടെ ചികി​ത്സ​യ്‌ക്കു രോഗി വിധേ​യ​നാ​കേണ്ടി വന്നേക്കാം.b—മർക്കൊസ്‌ 2:17.

യഹോവ “മഹാ കരുണ​യും മനസ്സലി​വു​മു​ള്ളവ”നാണെന്ന്‌ വിഷാ​ദ​മ​ഗ്ന​രായ വ്യക്തി​കൾക്ക്‌ ഉറപ്പു​ണ്ടാ​യി​രി​ക്കാ​നാ​കും. (യാക്കോബ്‌ 5:11) അവൻ “ഹൃദയം നുറു​ങ്ങി​യ​വർക്കു . . . സമീപസ്ഥ”നാണ്‌. (സങ്കീർത്തനം 34:18) “തകർന്ന​വരെ സമാശ്വ​സി​പ്പി​ക്കുന്ന”തിൽ അവൻ മുൻപ​ന്തി​യിൽത്ത​ന്നെ​യുണ്ട്‌.—2 കൊരി​ന്ത്യർ 7:6, ഓശാന ബൈബിൾ.

പ്രയോ​ജ​ന​മി​ല്ലാ​ത്ത​വ​രെന്നു കരുതേണ്ട ആവശ്യ​മി​ല്ല

3,000-ത്തിലധി​കം വർഷം​മു​മ്പു വിശ്വ​സ്‌ത​നായ ദാവീദ്‌ രാജാവ്‌ ഇപ്രകാ​രം പ്രാർഥി​ച്ചു: “വാർദ്ധ​ക്യ​കാ​ലത്തു നീ എന്നെ തള്ളിക്ക​ള​യ​രു​തേ; ബലം ക്ഷയിക്കു​മ്പോൾ എന്നെ ഉപേക്ഷി​ക്ക​യു​മ​രു​തേ.” (സങ്കീർത്തനം 71:9) 21-ാം നൂറ്റാ​ണ്ടിൽപ്പോ​ലും, മറ്റുള്ളവർ തങ്ങളെ പ്രയോ​ജ​ന​മി​ല്ലാ​ത്ത​വ​രാ​യി വീക്ഷി​ക്കു​മെന്നു ഭയപ്പെ​ടുന്ന പ്രായ​മാ​യ​വർക്ക്‌ ഇത്തരം വികാ​രങ്ങൾ അസാധാ​ര​ണമല്ല. അനാ​രോ​ഗ്യം മൂലമു​ണ്ടാ​കുന്ന പരിമി​തി​കൾ, അപര്യാ​പ്‌ത​താ​ബോ​ധം എളുപ്പം മുള​പൊ​ട്ടു​ന്ന​തിന്‌ ഇടയാ​ക്കു​ന്നു. നിർബ​ന്ധിത വിരമി​ക്കൽ ഒരുവനു തന്നെക്കു​റി​ച്ചു​തന്നെ തോന്നുന്ന മതിപ്പ്‌ ഇടിച്ചു​ക​ള​ഞ്ഞേ​ക്കാം.

എന്നിരു​ന്നാ​ലും, മേലാൽ ചെയ്യാൻ കഴിയാ​ത്ത​തി​നെ പ്രതി നിരു​ത്സാ​ഹി​ത​രാ​കു​ന്ന​തി​നു പകരം ചെയ്യാൻ കഴിയു​ന്ന​തിൽ ശ്രദ്ധ കേന്ദ്രീ​ക​രി​ക്കു​ന്നത്‌ നമ്മെക്കു​റി​ച്ചു​ത​ന്നെ​യുള്ള മതിപ്പും പ്രയോ​ജ​ന​മു​ള്ള​വ​രാ​ണെന്ന തോന്ന​ലും നിലനി​റു​ത്താൻ സഹായി​ക്കും. ഇതി​നോ​ടുള്ള ബന്ധത്തിൽ ഐക്യ​രാ​ഷ്‌ട്ര സംഘട​ന​യു​ടെ ഒരു റിപ്പോർട്ട്‌ ഇപ്രകാ​രം ശുപാർശ ചെയ്‌തു: ‘ഔപചാ​രി​ക​വും അനൗപ​ചാ​രി​ക​വു​മായ പഠനത്തി​ലൂ​ടെ​യും സാമൂ​ഹിക സംഘട​ന​ക​ളി​ലും മതപര​മായ പ്രവർത്ത​ന​ങ്ങ​ളി​ലും ഭാഗഭാ​ക്കാ​കു​ന്ന​തി​ലൂ​ടെ​യും പുരോ​ഗതി കൈവ​രി​ക്കു​ന്ന​തിൽ തുടരുക.’ സ്വിറ്റ്‌സർലൻഡിൽ നിന്നുള്ള വിരമിച്ച ഒരു വിദഗ്‌ധ ബേക്കറി തൊഴി​ലാ​ളി​യും യഹോ​വ​യു​ടെ സാക്ഷി​ക​ളി​ലൊ​രു​വ​നു​മായ എർണെസ്റ്റ്‌, ‘പഠനത്തി​ലൂ​ടെ പുരോ​ഗതി കൈവ​രി​ക്കു​ന്ന​തിൽ തുടർന്ന​തി​ന്റെ’ പ്രയോ​ജ​നങ്ങൾ അനുഭ​വിച്ച ഒരു വ്യക്തി​യാണ്‌. തന്റെ എഴുപ​തു​ക​ളിൽ, ഒരു കമ്പ്യൂട്ടർ വാങ്ങി​ക്കാ​നും അത്‌ ഉപയോ​ഗി​ക്കേണ്ട വിധം പഠിക്കാ​നും അദ്ദേഹം തീരു​മാ​നി​ച്ചു. അദ്ദേഹ​ത്തി​ന്റെ പ്രായ​ത്തി​ലുള്ള പലരും സാങ്കേ​തി​ക​വി​ദ്യ​യെ ഭയത്തോ​ടെ വീക്ഷി​ക്കു​മ്പോൾ അദ്ദേഹം അങ്ങനെ ചെയ്‌തത്‌ എന്തു​കൊ​ണ്ടാണ്‌? അദ്ദേഹം വിശദീ​ക​രി​ക്കു​ന്നു, “ഒന്നാമ​താ​യി പ്രായ​മാ​കു​ന്തോ​റും മനസ്സിനെ സജീവ​മാ​ക്കി നിലനി​റു​ത്താൻ; രണ്ടാമ​താ​യി ബൈബിൾ ഗവേഷ​ണ​ത്തി​നും ക്രിസ്‌തീയ സഭയിലെ എന്റെ പ്രവർത്ത​ന​ങ്ങൾക്കും സഹായ​ക​മാ​കുന്ന കാലാ​നു​സൃ​ത​മായ സാങ്കേ​തി​ക​വി​ദ്യ സ്വായ​ത്ത​മാ​ക്കാൻ.”

ഉത്‌പാ​ദ​ന​ക്ഷ​മ​മായ പ്രവർത്ത​ന​ങ്ങ​ളിൽ ഏർപ്പെ​ടു​ന്നത്‌ പ്രായ​മാ​യ​വ​രു​ടെ അടിസ്ഥാ​ന​പ​ര​മായ പല ആവശ്യ​ങ്ങ​ളും നിവർത്തി​ക്കു​ന്നു: അത്‌ ചാരി​താർഥ്യ​വും ജീവി​ത​ത്തിന്‌ ഒരു ഉദ്ദേശ്യ​വും ചില​പ്പോൾ അൽപ്പം വരുമാ​ന​വും പ്രദാനം ചെയ്യുന്നു. “ജീവപ​ര്യ​ന്തം സന്തോ​ഷി​ക്കു​ന്ന​തും സുഖം അനുഭ​വി​ക്കു​ന്ന​തും . . . ഏതു മനുഷ്യ​നും തിന്നു​കു​ടി​ച്ചു തന്റെ സകല​പ്ര​യ​ത്‌നം​കൊ​ണ്ടും സുഖം അനുഭ​വി​ക്കു​ന്ന​തും” മനുഷ്യർക്കുള്ള ദൈവ​ത്തി​ന്റെ ദാനമാ​ണെന്നു ജ്ഞാനി​യായ ശലോ​മോൻ രാജാവ്‌ പറഞ്ഞു.—സഭാ​പ്ര​സം​ഗി 3:12, 13.

കഴിയു​ന്നത്ര ചെയ്യുക

പല സമൂഹ​ങ്ങ​ളി​ലും പ്രായം​ചെ​ന്ന​വ​രാണ്‌ പിൻത​ല​മു​റ​കൾക്ക്‌ അറിവും അതു​പോ​ലെ ധാർമി​ക​വും ആത്മീയ​വു​മായ മൂല്യ​ങ്ങ​ളും പകർന്നു നൽകു​ന്നത്‌. ദാവീദ്‌ രാജാവ്‌ ഇപ്രകാ​രം എഴുതി: “ദൈവമേ, അടുത്ത തലമു​റ​യോ​ടു ഞാൻ നിന്റെ ഭുജ​ത്തെ​യും വരുവാ​നുള്ള എല്ലാവ​രോ​ടും നിന്റെ വീര്യ​പ്ര​വൃ​ത്തി​യെ​യും അറിയി​ക്കു​വോ​ളം വാർദ്ധ​ക്യ​വും നരയും ഉള്ള കാലത്തും എന്നെ ഉപേക്ഷി​ക്ക​രു​തേ.”—സങ്കീർത്തനം 71:18.

എന്നാൽ, അനാ​രോ​ഗ്യ​മോ സാഹച​ര്യ​ങ്ങ​ളോ പ്രായ​മാ​യ​വർക്ക്‌ വളരെ​യ​ധി​കം പരിമി​തി​കൾ സൃഷ്ടി​ക്കു​ന്നെ​ങ്കി​ലോ? ഈ ദുരവസ്ഥ 79 വയസ്സുള്ള സാറയെ ആകുല​പ്പെ​ടു​ത്തി. യഹോ​വ​യു​ടെ സാക്ഷി​യായ സാറ ഒരു ക്രിസ്‌തീയ മേൽവി​ചാ​ര​ക​നോ​ടു താൻ നിരു​ത്സാ​ഹി​ത​യാ​ണെന്നു തുറന്നു​പ​റഞ്ഞു. അദ്ദേഹം സാറയെ പിൻവ​രുന്ന ബൈബിൾ തത്ത്വം ഓർമി​പ്പി​ച്ചു: “നീതി​മാ​ന്റെ ശ്രദ്ധ​യോ​ടു​കൂ​ടിയ പ്രാർത്ഥന വളരെ ഫലിക്കു​ന്നു.” (യാക്കോബ്‌ 5:16) അദ്ദേഹം വിശദീ​ക​രി​ച്ചു, “വർഷങ്ങ​ളാ​യി സഹോ​ദരി ദൈവ​വു​മാ​യി ഒരു അടുത്ത ബന്ധം വളർത്തി​യെ​ടു​ത്തി​ട്ടുണ്ട്‌. ഞങ്ങൾക്കു വേണ്ടി സ്വകാ​ര്യ​മാ​യി പ്രാർഥി​ക്കു​ന്ന​തി​ലൂ​ടെ ആ ബന്ധത്തിൽനി​ന്നും പ്രയോ​ജനം അനുഭ​വി​ക്കാൻ സഹോ​ദരി ഞങ്ങളെ അനുവ​ദി​ക്കു​ക​യാ​യി​രി​ക്കും ചെയ്യു​ന്നത്‌.” “ഞങ്ങൾക്കു സഹോ​ദ​രി​യു​ടെ പ്രാർഥ​നകൾ ആവശ്യ​മാണ്‌. ഞങ്ങൾക്കു വേണ്ടി പ്രാർഥി​ക്കണം” എന്ന അദ്ദേഹ​ത്തി​ന്റെ വാക്കുകൾ സാറയെ വളരെ​യ​ധി​കം പ്രോ​ത്സാ​ഹി​പ്പി​ച്ചു.

മറ്റുള്ള​വർക്കു​വേണ്ടി പ്രാർഥി​ക്കേ​ണ്ട​തി​ന്റെ പ്രാധാ​ന്യം സാറ തിരി​ച്ച​റി​ഞ്ഞു. പ്രായ​മായ പലർക്കും മറ്റുള്ള​വർക്കു വേണ്ടി രാപകൽ പോരാ​ടാ​നാ​കുന്ന പ്രതി​ഫ​ല​ദാ​യ​ക​വും അർഥവ​ത്തു​മായ ഒരു മാർഗ​മാണ്‌ പ്രാർഥന. (കൊ​ലൊ​സ്സ്യർ 4:12; 1 തിമൊ​ഥെ​യൊസ്‌ 5:5) അതേസ​മ​യം​തന്നെ അത്തരം പ്രാർഥ​നകൾ “പ്രാർത്ഥന കേൾക്കു​ന്ന​വ​നായ” യഹോ​വ​യോ​ടു കൂടുതൽ അടുത്തു​ചെ​ല്ലാൻ വിശ്വ​സ്‌ത​രായ പ്രായം​ചെ​ന്ന​വരെ സഹായി​ക്കു​ക​യും ചെയ്യുന്നു.—സങ്കീർത്തനം 65:2; മർക്കൊസ്‌ 11:24.

പ്രായം​ചെ​ന്ന​വർക്ക്‌ പരിമി​തി​ക​ളു​ണ്ടെ​ങ്കി​ലും ധാരാളം അനുഭ​വ​പ​രി​ച​യ​വും വിഭവ​ങ്ങ​ളും കൈമു​ത​ലാ​യുള്ള അവർ തങ്ങളുടെ സമൂഹ​ത്തി​നു വിലതീ​രാത്ത ഒരു മുതൽക്കൂ​ട്ടാണ്‌. “നീതി​യു​ടെ മാർഗ്ഗ​ത്തിൽ” കണ്ടെത്തു​മ്പോൾ “നരച്ച തല ശോഭ​യുള്ള കിരീ​ട​മാ​കു​ന്നു” എന്ന്‌ അവർ തെളി​യി​ക്കു​ന്നു.—സദൃശ​വാ​ക്യ​ങ്ങൾ 16:31.

എന്നാൽ നാം ഇങ്ങനെ ചോദി​ച്ചേ​ക്കാം: പ്രായം​ചെ​ല്ലവേ നമ്മുടെ ഭാവി എങ്ങനെ​യു​ള്ള​താ​യി​രി​ക്കും? വാർധ​ക്യ​കാ​ലത്തു മെച്ചമായ ഒരു ജീവിതം നമുക്കു യഥാർഥ​ത്തിൽ പ്രതീ​ക്ഷി​ക്കാ​നാ​കു​മോ?

[അടിക്കു​റി​പ്പു​കൾ]

[5-ാം പേജിലെ ആകർഷക വാക്യം]

ദ്രുതഗതിയിൽ മുന്നോ​ട്ടു​നീ​ങ്ങുന്ന ആധുനിക ലോക​ത്തിൽ തങ്ങൾ അവഗണി​ക്ക​പ്പെ​ടു​ന്ന​താ​യി പ്രായം​ചെ​ന്ന​വർക്കു പലപ്പോ​ഴും തോന്നു​ന്നു

[7-ാം പേജിലെ ചതുരം/ചിത്രം]

പ്രായമായവരെ നിങ്ങൾക്കു സഹായി​ക്കാ​നാ​കുന്ന വിധം

◼ അവർക്കു മാന്യത കൽപ്പി​ക്കുക. “പ്രായ​മു​ള്ള​വനെ ശകാരി​ക്ക​രുത്‌. അവനെ പിതാ​വി​നെ​പ്പോ​ലെ​യും . . . പ്രായം​ചെന്ന സ്‌ത്രീ​കളെ മാതാ​ക്ക​ളെ​പ്പോ​ലെ​യും പരിഗണി”ക്കുക.—1 തിമൊ​ഥെ​യൊസ്‌ 5:1, 2, പി.ഒ.സി. ബൈബിൾ.

◼ ശ്രദ്ധിച്ചു കേൾക്കുക. “കേൾപ്പാൻ വേഗത​യും പറവാൻ താമസ​വും കോപ​ത്തി​ന്നു താമസ​വു​മു​ള്ളവൻ ആയിരി”ക്കുക.—യാക്കോബ്‌ 1:19.

◼ സമാനു​ഭാ​വം പ്രകട​മാ​ക്കുക. “എല്ലാവ​രും ഐകമ​ത്യ​വും സഹതാ​പ​വും സഹോ​ദ​ര​പ്രീ​തി​യും മനസ്സലി​വും വിനയ​ബു​ദ്ധി​യു​മു​ള്ള​വ​രാ​യി​രി​പ്പിൻ. ദോഷ​ത്തി​ന്നു ദോഷ​വും ശകാര​ത്തി​ന്നു ശകാര​വും പകരം ചെയ്യാതെ”യുമി​രി​ക്കു​വിൻ.—1 പത്രൊസ്‌ 3:8, 9.

◼ പ്രോ​ത്സാ​ഹനം ആവശ്യ​മാ​യി​രി​ക്കു​ന്നത്‌ എപ്പോ​ഴാ​ണെന്നു തിരി​ച്ച​റി​യുക. “തക്കസമ​യത്തു പറഞ്ഞ വാക്കു വെള്ളി​ത്താ​ല​ത്തിൽ പൊൻനാ​ര​ങ്ങാ​പോ​ലെ.”—സദൃശ​വാ​ക്യ​ങ്ങൾ 25:11.

◼ നിങ്ങളു​ടെ പ്രവർത്ത​ന​ങ്ങ​ളിൽ അവരെ​യും ഉൾപ്പെ​ടു​ത്തുക. ‘അതിഥി​സ​ല്‌ക്കാ​രം ആചരി​ക്കു​വിൻ.’—റോമർ 12:13.

◼ പ്രാ​യോ​ഗി​ക​മായ സഹായങ്ങൾ നൽകുക. “ഈ ലോക​ത്തി​ലെ വസ്‌തു​വ​ക​യു​ള്ളവൻ ആരെങ്കി​ലും തന്റെ സഹോ​ദ​രന്നു മുട്ടു​ള്ളതു കണ്ടിട്ടു അവനോ​ടു മനസ്സലി​വു കാണി​ക്കാ​ഞ്ഞാൽ ദൈവ​ത്തി​ന്റെ സ്‌നേഹം അവനിൽ എങ്ങനെ വസിക്കും? കുഞ്ഞു​ങ്ങളേ, നാം വാക്കി​നാ​ലും നാവി​നാ​ലും അല്ല, പ്രവൃ​ത്തി​യി​ലും സത്യത്തി​ലും തന്നേ സ്‌നേ​ഹി​ക്കുക.”—1 യോഹ​ന്നാൻ 3:17, 18.

◼ ദീർഘ​ക്ഷ​മ​യു​ള്ളവർ ആയിരി​ക്കു​വിൻ. “മനസ്സലി​വു, ദയ, താഴ്‌മ, സൌമ്യത, ദീർഘക്ഷമ എന്നിവ ധരിച്ചു​കൊ”ള്ളുവിൻ.—കൊ​ലൊ​സ്സ്യർ 3:12.

പ്രായ​മാ​യ​വർക്കു​വേണ്ടി കരുതു​ന്ന​തി​ലൂ​ടെ നാം ദൈവ​ത്തി​ന്റെ നിലവാ​ര​ങ്ങ​ളോട്‌ ആദരവു പ്രകടി​പ്പി​ക്കു​ന്നു, കാരണം അവന്റെ വചനം ഇപ്രകാ​രം പറയുന്നു: “വൃദ്ധന്റെ [അല്ലെങ്കിൽ വൃദ്ധയു​ടെ] മുഖം ബഹുമാ​നി”ക്കുക.—ലേവ്യ​പു​സ്‌തകം 19:32.

[6-ാം പേജിലെ ചിത്രം]

സമഗ്രമായ ഒരു വൈദ്യ​പ​രി​ശോ​ധന പ്രയോ​ജ​ന​പ്ര​ദ​മാ​യി​രു​ന്നേ​ക്കാം