അച്ഛന്റെ​യോ അമ്മയു​ടെ​യോ വേർപാട്‌

ബുദ്ധി​മുട്ട്‌

ഡാമിക്ക്‌ ആറ്‌ വയസ്സു​ള്ള​പ്പോ​ഴാണ്‌ തലച്ചോ​റി​ലെ ധമനി​വീ​ക്കം നിമിത്തം അവളുടെ പപ്പ മരിച്ചത്‌. ഡെറി​ക്കിന്‌ ഒമ്പത്‌ വയസ്സു​ള്ള​പ്പോ​ഴാണ്‌ ഹൃ​ദ്രോ​ഗം മൂലം അവന്റെ ഡാഡി മരിച്ചത്‌. ഒരു വർഷ​ത്തോ​ളം കാൻസ​റി​നോട്‌ മല്ലിട്ട്‌ ജെനി​യു​ടെ മമ്മി മരിക്കു​മ്പോൾ അവൾക്ക്‌ ഏഴ്‌ വയസ്സേ ഉണ്ടായി​രു​ന്നു​ള്ളൂ.a

ഈ മൂന്നു ചെറു​പ്പ​ക്കാർക്കും പ്രിയ​പ്പെ​ട്ട​വ​രു​ടെ മരണമെന്ന യാഥാർഥ്യ​ത്തെ നേരി​ടേ​ണ്ടി​വന്നു. നിങ്ങളും ഇതേ വേദന അനുഭ​വി​ക്കു​ന്ന​വ​രാ​ണോ? ആണെങ്കിൽ, ആ നഷ്ടം വരുത്തിയ വേദന​യു​മാ​യി ഒത്തു​പോ​കാൻ ഈ ലേഖനം നിങ്ങളെ സഹായി​ക്കും.b ആദ്യം​തന്നെ, വേർപാ​ടിൽ ദുഃഖി​ക്കു​ന്ന​തി​നെ​ക്കു​റി​ച്ചുള്ള ചില വസ്‌തു​തകൾ നോക്കാം.

നിങ്ങൾ അറിഞ്ഞി​രി​ക്കേ​ണ്ടത്‌

ദുഃഖം പ്രകടി​പ്പി​ക്കു​ന്നത്‌ പല വിധങ്ങ​ളിൽ. അതായത്‌, നിങ്ങൾ ദുഃഖം പ്രകടി​പ്പി​ക്കു​ന്ന​തു​പോ​ലെ​യാ​യി​രി​ക്കില്ല മറ്റൊ​രാൾ അതു ചെയ്യു​ന്നത്‌. മരണവു​മാ​യി ഒത്തു​പോ​കാൻ കൗമാ​ര​ക്കാ​രെ സഹായി​ക്കു​ന്നു എന്ന പുസ്‌തകം (ഇംഗ്ലീഷ്‌) പറയുന്നു: “ദുഃഖം പ്രകടി​പ്പി​ക്കാ​നാ​യി ഒരു പ്രത്യേ​ക​രീ​തി​യോ ഒരു കൂട്ടം നിയമ​ങ്ങ​ളോ ഇല്ല.” എന്നാൽ ശ്രദ്ധി​ക്കേണ്ട ഒരു കാര്യം, ദുഃഖം നിങ്ങൾ ഉള്ളി​ലൊ​തു​ക്കി​വെ​ക്കാൻ ശ്രമി​ക്ക​രുത്‌ എന്നതാണ്‌. എന്തു​കൊണ്ട്‌? കാരണം. . .

ദുഃഖം ഉള്ളി​ലൊ​തു​ക്കു​ന്നത്‌ അപകട​കരം. മുമ്പ്‌ പറഞ്ഞ ജെനി പറയുന്നു: “കുഞ്ഞനി​യ​ത്തി​യെ ഓർത്ത്‌ ഞാൻ എന്റെ ദുഃഖങ്ങൾ കടിച്ച​മർത്തി, അവളുടെ മുന്നിൽ ഞാൻ തളരരു​ത​ല്ലോ. ഇപ്പോ​ഴും ചില​പ്പോ​ഴൊ​ക്കെ ഞാൻ എന്റെ വേദനകൾ ഉള്ളി​ലൊ​തു​ക്കാൻ ശ്രമി​ക്കാ​റുണ്ട്‌. എന്നാൽ എനിക്ക​റി​യാം അത്‌ ഒട്ടും നല്ലത​ല്ലെന്ന്‌.”

വിദഗ്‌ധർക്കും ഇതേ അഭി​പ്രാ​യ​മാ​ണു​ള്ളത്‌. “വികാ​രങ്ങൾ കടിച്ച​മർത്തു​ക​യോ ഉള്ളി​ലൊ​തു​ക്കു​ക​യോ ചെയ്‌താൽ ഇന്നല്ലെ​ങ്കിൽ നാളെ അതു പൊന്തി​വ​രും. നിങ്ങൾ ഒട്ടും പ്രതീ​ക്ഷി​ക്കാത്ത ഒരു സമയത്ത്‌ ഒരു പൊട്ടി​ത്തെ​റി​യാ​യോ ശാരീ​രിക അസ്വസ്ഥ​ത​ക​ളാ​യോ ഒക്കെ അതു പുറത്ത്‌ വരും” എന്ന്‌ കരയുന്ന കൗമാരം എന്ന പുസ്‌തകം (ഇംഗ്ലീഷ്‌) പറയുന്നു. ദുഃഖം അടക്കി​വെ​ക്കു​ന്നത്‌ ഒടുവിൽ നമ്മളെ മദ്യത്തി​നോ മയക്കു​മ​രു​ന്നി​നോ അടിമ​ക​ളാ​ക്കി​യേ​ക്കാം, വേദനകൾ മറക്കാ​നുള്ള മറുമ​രു​ന്നാ​യി തുടങ്ങു​ന്ന​താ​കാം ഇതൊക്കെ.

ദുഃഖം ആശങ്കകൾക്കു വഴിമാ​റു​ന്നു. ഉദാഹ​ര​ണ​ത്തിന്‌, തങ്ങളെ “ഒറ്റയ്‌ക്കാ​ക്കി​പ്പോ​യ​ല്ലോ” എന്ന്‌ ഓർത്ത്‌ ചിലർക്കു മരിച്ചു​പോ​യ​വ​രോട്‌ അമർഷ​മാണ്‌. ഇതൊക്കെ തടയാൻ ദൈവ​ത്തിന്‌ കഴിയു​മാ​യി​രു​ന്നി​ല്ലേ എന്ന്‌ ചിന്തിച്ച്‌ പലരും ദൈവത്തെ കുറ്റ​പ്പെ​ടു​ത്തു​ന്നു. ഇനി, മരിച്ച​യാ​ളോട്‌ മുമ്പ്‌ പറഞ്ഞതോ ചെയ്‌ത​തോ ആയ കാര്യങ്ങൾ ഓർത്ത്‌ മറ്റു ചിലർക്കു കുറ്റ​ബോ​ധം തോന്നു​ന്നു. അതിന്‌ ഇനി പരിഹാ​രം ചെയ്യാൻ കഴിയി​ല്ല​ല്ലോ എന്ന്‌ ഓർത്ത്‌ അവർ പരിത​പി​ക്കു​ന്നു.

ചുരു​ക്ക​ത്തിൽ, ആളുകൾ ദുഃഖം പ്രകടി​പ്പി​ക്കുന്ന വിധങ്ങൾ ഏതൊ​ക്കെ​യാ​ണെന്ന്‌ നമുക്കു കൃത്യ​മാ​യി പറയാ​നാ​കില്ല. എന്നാൽ ഈ ദുഃഖ​ത്തിന്‌ എങ്ങനെ ആശ്വാസം കണ്ടെത്താം, എങ്ങനെ മുന്നോ​ട്ടു​പോ​കാം?

നിങ്ങൾക്കു ചെയ്യാ​നാ​കു​ന്നത്‌

ആരോ​ടെ​ങ്കി​ലും ഹൃദയം തുറക്കുക. ഈ പ്രയാ​സ​സ​മ​യത്ത്‌ എല്ലാത്തിൽനി​ന്നും ഉൾവലി​യാ​നാ​യി​രി​ക്കും നിങ്ങൾക്കു തോന്നു​ന്നത്‌. എന്നാൽ നിങ്ങളു​ടെ മനസ്സിനെ ഭാര​പ്പെ​ടു​ത്തുന്ന വികാ​ര​ങ്ങ​ളും ചിന്തക​ളും ഒരു അടുത്ത കുടും​ബാം​ഗ​ത്തോ​ടോ സുഹൃ​ത്തി​നോ​ടോ തുറന്നു​പ​റ​യു​ന്നതു നിങ്ങളെ ഒരുപാട്‌ ആശ്വസി​പ്പി​ക്കും, വരിഞ്ഞു​മു​റു​ക്കുന്ന ആ ദുഃഖ​ത്തിൽനിന്ന്‌ പുറത്തു​ക​ട​ക്കാൻ അതു സഹായി​ക്കും.—ബൈബിൾത​ത്ത്വം: സുഭാ​ഷി​തങ്ങൾ 18:24.

ഡയറി എഴുതുക. മരണത്തിൽ നിങ്ങൾക്കു നഷ്ടമായ മാതാ​വി​നെ​യോ പിതാ​വി​നെ​യോ കുറിച്ച്‌ എഴുതുക. ഉദാഹ​ര​ണ​ത്തിന്‌, അവരെ​ക്കു​റിച്ച്‌ ചിന്തി​ക്കു​മ്പോൾ നിങ്ങളു​ടെ മനസ്സി​ലേ​ക്കു​വ​രുന്ന മായാത്ത ഓർമകൾ എന്തൊ​ക്കെ​യാണ്‌? അവരുടെ എടുത്തു​പ​റ​യത്തക്ക ഗുണങ്ങൾ ഏതൊ​ക്കെ​യാണ്‌? അതിൽ ഏതൊക്കെ ഗുണങ്ങ​ളാണ്‌ നിങ്ങളു​ടെ ജീവി​ത​ത്തിൽ പകർത്താൻ ആഗ്രഹി​ക്കു​ന്നത്‌? എല്ലാം എഴുതി​വെ​ക്കുക.

മരണത്തി​നു മുമ്പ്‌ അവരോട്‌ അൽപ്പം ദേഷ്യ​ത്തോ​ടെ​യോ മറ്റോ ഇടപെ​ട്ട​തി​നെ​ക്കു​റി​ച്ചുള്ള ചിന്തകൾ നിങ്ങളെ വേട്ടയാ​ടു​ന്നെ​ങ്കിൽ അതെക്കു​റിച്ച്‌ മനസ്സിൽ തോന്നുന്ന വികാ​ര​ങ്ങ​ളും അങ്ങനെ തോന്നു​ന്നത്‌ എന്തു​കൊ​ണ്ടാ​ണെ​ന്നും കുറി​ച്ചി​ടുക. ഉദാഹ​ര​ണ​ത്തിന്‌ ഇങ്ങനെ എഴുതാം: “മരിക്കു​ന്ന​തി​ന്റെ തലേന്ന്‌ ഡാഡി​യോട്‌ തർക്കി​ച്ചത്‌ ഓർത്ത്‌ എനിക്കു കുറ്റ​ബോ​ധം തോന്നു​ന്നു.”

അടുത്ത​താ​യി, കുറ്റ​ബോ​ധം ന്യായ​മാ​ണോ എന്ന്‌ ചിന്തി​ച്ചു​നോ​ക്കുക. കരയുന്ന കൗമാരം എന്ന പുസ്‌തകം പറയുന്നു: “ക്ഷമ ചോദി​ക്കാൻ ഇനി ഒരവസരം കിട്ടി​ല്ലെന്ന കാര്യം അറിയി​ല്ലാ​യി​രു​ന്നു എന്ന്‌ ഓർത്ത്‌ സ്വയം കുറ്റ​പ്പെ​ടു​ത്തേ​ണ്ട​തില്ല. ഭാവി​യിൽ മാപ്പു പറയേ​ണ്ടി​വ​രുന്ന ഒന്നും പറയു​ക​യോ പ്രവർത്തി​ക്കു​ക​യോ ചെയ്യരു​തെന്ന്‌ പറയു​ന്നത്‌ യാഥാർഥ്യ​ത്തിന്‌ നിരക്കു​ന്നതല്ല.”—ബൈബിൾത​ത്ത്വം: ഇയ്യോബ്‌ 10:1.

ആരോ​ഗ്യം ശ്രദ്ധി​ക്കുക. നന്നായി വിശ്ര​മി​ക്കുക, ആവശ്യ​ത്തിന്‌ വ്യായാ​മം ചെയ്യുക, പോഷ​ക​പ്ര​ദ​മായ ആഹാരം കഴിക്കുക. നിങ്ങൾക്കൊ​ന്നും കഴിക്കാൻ തോന്നു​ന്നി​ല്ലെ​ങ്കിൽപ്പോ​ലും പോഷ​ക​പ്ര​ദ​മായ ലഘുഭ​ക്ഷണം ഇടയ്‌ക്കി​ടെ കഴിക്കുക. നിങ്ങളു​ടെ വിശപ്പ്‌ പഴയതു​പോ​ലെ ആകുന്ന​തു​വ​രെ​യെ​ങ്കി​ലും ഇതു ചെയ്യണം. മദ്യമോ പോഷ​ക​ഗു​ണ​മി​ല്ലാത്ത ആഹാര​മോ കഴിച്ച്‌ ദുഃഖം മാറ്റാൻ ശ്രമി​ക്ക​രുത്‌, അതു കാര്യങ്ങൾ വഷളാ​ക്കു​കയേ ഉള്ളൂ.

ദൈവ​ത്തോട്‌ പ്രാർഥി​ക്കുക. ബൈബിൾ പറയുന്നു: “നിന്റെ ഭാരം യഹോ​വ​യു​ടെ മേൽ ഇടുക. ദൈവം നിന്നെ പുലർത്തും.” (സങ്കീർത്തനം 55:22) ആശ്വാസം കണ്ടെത്താ​നുള്ള വെറു​മൊ​രു പോം​വ​ഴി​യല്ല പ്രാർഥന. “ഏതു സാഹച​ര്യ​ത്തി​ലും ആശ്വാസം തരുന്ന” ദൈവ​ത്തോട്‌ ഉള്ളുതു​റന്ന്‌ സംസാ​രി​ക്കു​ന്ന​തി​നെ​യാണ്‌ പ്രാർഥന എന്നു വിളി​ക്കു​ന്നത്‌.—2 കൊരി​ന്ത്യർ 1:3, 4.

തന്റെ വചനമായ ബൈബി​ളി​ലൂ​ടെ ദൈവം ദുഃഖി​ക്കു​ന്ന​വരെ ആശ്വസി​പ്പി​ക്കു​ന്നു. മരിച്ച​വ​രു​ടെ അവസ്ഥ​യെ​ക്കു​റി​ച്ചും അവർക്കു ലഭിക്കാ​നി​രി​ക്കുന്ന പുനരു​ത്ഥാ​ന​ത്തെ​ക്കു​റി​ച്ചും ബൈബിൾ പറയു​ന്നതു മനസ്സി​ലാ​ക്കാൻ നിങ്ങൾക്കൊ​ന്നു ശ്രമി​ച്ചു​കൂ​ടേ?c—ബൈബിൾത​ത്ത്വം: സങ്കീർത്തനം 94:19.