തൃപ്‌ത​രാ​യി​രി​ക്കുക

അതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

ഉളളതിൽ തൃപ്‌തി​പ്പെട്ട്‌ ജീവി​ക്കുന്ന ആളുകൾ മിക്കവാ​റും പോസി​റ്റീ​വാ​യി ചിന്തി​ക്കു​ന്ന​വ​രാ​ണെന്നു സൈ​ക്കോ​ള​ജി​സ്റ്റായ ജസിക്ക കൊഗ്ലർ പറയുന്നു. അങ്ങനെ​യു​ള്ള​വർക്കു മറ്റുള്ള​വ​രോട്‌ അസൂയ തോന്നാ​നുള്ള സാധ്യത കുറവാ​ണെ​ന്നും ജസിക്ക അഭി​പ്രാ​യ​പ്പെ​ടു​ന്നു. അവർ പൊതു​വേ സന്തോ​ഷ​മു​ള്ള​വ​രാ​യി​രി​ക്കും, ടെൻഷ​നും കുറവാ​യി​രി​ക്കും. ശരിക്കും പറഞ്ഞാൽ സന്തോ​ഷ​മുള്ള ആളുക​ളിൽ ചിലർക്ക്‌ വളരെ കുറച്ച്‌ പണം മാത്രമേ കാണു​ക​യു​ള്ളൂ. പണം കൊടുത്ത്‌ വാങ്ങുന്ന കാര്യ​ങ്ങ​ളെ​ക്കാൾ അവർ മൂല്യ​മു​ള്ള​താ​യി കാണു​ന്നത്‌ മറ്റു ചില കാര്യ​ങ്ങൾക്കാണ്‌; കൂട്ടു​കാ​രോ​ടും കുടും​ബാം​ഗ​ങ്ങ​ളോ​ടും ഒപ്പം ചെലവ​ഴി​ക്കു​മ്പോൾ കിട്ടുന്ന സന്തോ​ഷം​പോ​ലുള്ള കാര്യ​ങ്ങൾക്ക്‌.

നമുക്ക്‌ എന്തു ചെയ്യാ​നാ​കും?

താരത​മ്യം ചെയ്യാ​തി​രി​ക്കുക. നമ്മുടെ ലളിത​മായ ജീവിതം ആളുക​ളു​ടെ ആഡംബ​ര​ജീ​വി​ത​വു​മാ​യി താരത​മ്യം ചെയ്‌താൽ നമ്മൾ തൃപ്‌ത​രാ​യി​രി​ക്കില്ല, നമുക്ക്‌ അസൂയ​പോ​ലും തോന്നാ​നി​ട​യുണ്ട്‌. അതു​പോ​ലെ ആ വ്യക്തി​യു​ടെ ജീവി​ത​ത്തെ​ക്കു​റിച്ച്‌ നമ്മൾ മനസ്സി​ലാ​ക്കിയ കാര്യങ്ങൾ എപ്പോ​ഴും ശരിയാ​ക​ണ​മെ​ന്നില്ല. ചില ആളുകൾക്ക്‌ ഒരുപാ​ടു വിലപി​ടി​പ്പുള്ള സാധന​ങ്ങ​ളൊ​ക്കെ ഉണ്ടായി​രി​ക്കും. എന്നാൽ ശരിക്കും അവർ കടക്കെ​ണി​യി​ലാ​യി​രി​ക്കും. സെനഗ​ലിൽനി​ന്നുള്ള നിക്കോ​ളെ പറയുന്നു: “സന്തോ​ഷ​ത്തോ​ടെ​യി​രി​ക്കാൻ എനിക്ക്‌ ഒരുപാ​ടു സാധനങ്ങൾ വേണ​മെ​ന്നില്ല. ഞാൻ ഉള്ളതു​കൊണ്ട്‌ തൃപ്‌തി​പ്പെ​ടു​ക​യാ​ണെ​ങ്കിൽ മറ്റുള്ള​വർക്ക്‌ എന്നെക്കാൾ അധിക​മു​ണ്ടെ​ങ്കി​ലും എന്റെ സന്തോ​ഷ​ത്തിന്‌ ഒരു കുറവും വരില്ല.”

ചെയ്‌തു​നോ​ക്കാൻ: സമ്പത്തും ആഡംബ​ര​ജീ​വി​ത​വും ഒക്കെ എടുത്തു​കാ​ണി​ക്കുന്ന ആളുക​ളു​ടെ സോഷ്യൽമീ​ഡിയ പോസ്റ്റു​ക​ളും അതു​പോ​ലെ പരസ്യ​ങ്ങ​ളും കാണു​ന്നത്‌ പരമാ​വധി ഒഴിവാ​ക്കുക.

നന്ദിയു​ള്ള​വ​രാ​യി​രി​ക്കുക. നന്ദിയുള്ള ആളുകൾ മിക്ക​പ്പോ​ഴും ഉള്ളതിൽ തൃപ്‌തി​പ്പെട്ട്‌ ജീവി​ക്കു​ന്ന​വ​രാ​യി​രി​ക്കും. ഇനിയും വേണമെന്ന ആഗ്രഹ​വും കൂടുതൽ കിട്ടാൻ അർഹരാ​ണെന്ന ചിന്തയും അവർക്കു കുറവാ​യി​രി​ക്കും. ഹെയ്‌റ്റി​യിൽനി​ന്നുള്ള റോബർട്ടൺ പറയുന്നു: “മറ്റുള്ളവർ എനിക്കും എന്റെ കുടും​ബ​ത്തി​നും ചെയ്‌തു​തന്ന എല്ലാ കാര്യ​ങ്ങ​ളും ഞാൻ എപ്പോ​ഴും ഓർക്കും. അതിന്‌ എനിക്ക്‌ എത്രമാ​ത്രം നന്ദിയു​ണ്ടെന്നു ഞാൻ അവരോ​ടു പറയാ​റുണ്ട്‌. എന്തു കിട്ടി​യാ​ലും നന്ദി പറയാൻ ഞാൻ എന്റെ എട്ടു വയസ്സുള്ള മോനെ പഠിപ്പി​ച്ചി​ട്ടുണ്ട്‌.“

ചെയ്‌തു​നോ​ക്കാൻ: ഓരോ ദിവസ​വും നന്ദി തോന്നിയ കാര്യങ്ങൾ എഴുതി​വെ​ക്കുക. അതു ചില​പ്പോൾ നല്ല ആരോ​ഗ്യ​മോ നല്ല കുടും​ബ​മോ ആത്മാർഥ സുഹൃ​ത്തു​ക്ക​ളെ​യോ കിട്ടി​യ​തി​നാ​യി​രി​ക്കാം. അല്ലെങ്കിൽ നല്ല ഒരു സൂര്യാ​സ്‌ത​മയം കാണാൻ പറ്റിയ​താ​യി​രി​ക്കാം.

ഉള്ളതിൽ തൃപ്‌തി​പ്പെട്ട്‌ ജീവി​ക്കാൻ ചില​പ്പോ​ഴൊ​ക്കെ നമുക്കു ബുദ്ധി​മു​ട്ടാ​യി​രി​ക്കും. എന്നാൽ അതിനു​വേണ്ടി ശ്രമി​ക്കു​ന്നെ​ങ്കിൽ പ്രയോ​ജ​ന​ങ്ങളേ ഉള്ളൂ. ഉള്ളതിൽ തൃപ്‌ത​രാ​ണെ​ങ്കിൽ നമ്മൾ സന്തോ​ഷ​മു​ള്ള​വ​രാ​യി​രി​ക്കും. പണം കൊടുത്ത്‌ വാങ്ങാൻ പറ്റുന്ന ഒന്നല്ല സന്തോഷം.