അബ്രാ​ഹാ​മി​നെ​യും കുടും​ബ​ത്തെ​യും ദൈവം അനുഗ്രഹിക്കുന്നു

തനിക്ക്‌ ഏറ്റവും പ്രിയ​നാ​യ​വൻ ഒരുനാൾ കഷ്ടം സഹിച്ച്‌ മരി​ക്കേ​ണ്ടി​വ​രു​മെന്ന്‌ യഹോ​വ​യ്‌ക്ക്‌ അറിയാ​മാ​യി​രു​ന്നു. ഉല്‌പത്തി 3:15-ൽ രേഖ​പ്പെ​ടു​ത്തി​യി​രി​ക്കുന്ന പ്രവചനം ആ സത്യത്തി​ലേക്ക്‌ വിരൽചൂ​ണ്ടി. ആ മരണം തനിക്ക്‌ എത്ര വേദന ഉണ്ടാക്കു​മെന്ന്‌ ദൈവം മനുഷ്യർക്കു മനസ്സി​ലാ​ക്കി​ക്കൊ​ടു​ക്കു​മാ​യി​രു​ന്നോ? ബൈബി​ളിൽ രേഖ​പ്പെ​ടു​ത്തി​യി​രി​ക്കുന്ന ഒരു യഥാർഥ സംഭവ​ത്തി​ലൂ​ടെ ദൈവം അത്‌ നമുക്കു വ്യക്തമാ​ക്കി​ത്ത​രു​ന്നു. ദൈവം അബ്രാ​ഹാ​മി​നോട്‌ അവന്റെ പ്രിയ​പ്പെട്ട മകനായ യിസ്‌ഹാ​ക്കി​നെ ബലിയർപ്പി​ക്കാൻ ആവശ്യ​പ്പെ​ടു​ന്നു.

അബ്രാ​ഹാ​മിന്‌ ദൈവ​ത്തിൽ ശക്തമായ വിശ്വാ​സം ഉണ്ടായി​രു​ന്നു. വാഗ്‌ദത്ത സന്തതി അഥവാ വിമോ​ച​കൻ യിസ്‌ഹാ​ക്കി​ന്റെ വംശപ​ര​മ്പ​ര​യി​ലൂ​ടെ​യാ​യി​രി​ക്കും വരുന്ന​തെന്ന്‌ ദൈവം നേരത്തേ അബ്രാ​ഹാ​മി​നോട്‌ വാഗ്‌ദാ​നം​ചെ​യ്‌തി​രു​ന്നു​വെന്ന കാര്യം ഓർക്കുക. ആവശ്യ​മെ​ങ്കിൽ യിസ്‌ഹാ​ക്കി​നെ തിരികെ ജീവനി​ലേ​ക്കു കൊണ്ടു​വ​രാൻ ദൈവ​ത്തിന്‌ കഴിയു​മെന്ന്‌ ഉറച്ചു​വി​ശ്വ​സി​ച്ച അബ്രാ​ഹാം തന്റെ പ്രിയ​പു​ത്ര​നെ ബലിയർപ്പി​ക്കാൻ ഒരുങ്ങി. എന്നാൽ, ഒരു ദൂതനെ അയച്ച്‌ തക്കസമ​യത്ത്‌ ദൈവം അത്‌ തടഞ്ഞു. ജീവനു​തു​ല്യം സ്‌നേ​ഹി​ച്ചി​രു​ന്ന തന്റെ മകനെ ബലിയർപ്പി​ക്കാൻ അബ്രാ​ഹാം കാണിച്ച മനസ്സൊ​രു​ക്ക​ത്തെ പ്രകീർത്തി​ച്ചു​കൊണ്ട്‌ ദൈവം തന്റെ വാഗ്‌ദാ​ന​ങ്ങൾ അവനോട്‌ ആവർത്തി​ച്ചു.

പിന്നീട്‌, യിസ്‌ഹാ​ക്കിന്‌ രണ്ടു പുത്ര​ന്മാർ ജനിച്ചു: ഏശാവും യാക്കോ​ബും. ഏശാവി​നെ​പ്പോ​ലെ ആയിരു​ന്നി​ല്ല യാക്കോബ്‌; അവൻ ആത്മീയ കാര്യ​ങ്ങ​ളെ വിലമ​തി​ച്ചി​രു​ന്നു. തന്നിമി​ത്തം യാക്കോ​ബിന്‌ ധാരാളം അനു​ഗ്ര​ഹ​ങ്ങൾ ലഭിക്കു​ക​യും ചെയ്‌തു. ദൈവം യാക്കോ​ബി​ന്റെ പേര്‌ ഇസ്രാ​യേൽ എന്നാക്കി മാറ്റി. അവന്റെ 12 ആൺമക്ക​ളാണ്‌ പിന്നീട്‌ ഇസ്രാ​യേൽ ഗോ​ത്ര​ങ്ങൾക്കു തലവന്മാ​രാ​യത്‌. ആ കുടും​ബം ഒരു വലിയ ജനതയാ​യി​ത്തീർന്നു. എങ്ങനെ​യെ​ന്നു നോക്കാം.

യാക്കോ​ബി​ന്റെ പുത്ര​ന്മാ​രിൽ ഒരാളാ​യി​രു​ന്നു യോ​സേഫ്‌. അവന്റെ ജ്യേഷ്‌ഠ​ന്മാ​രിൽ മിക്കവർക്കും അവനോട്‌ അസൂയ​യാ​യി​രു​ന്നു. അവർ അവനെ ഒരു അടിമ​യാ​യി വിറ്റു. അവനെ വാങ്ങിയ വ്യാപാ​രി​കൾ അവനെ ഈജി​പ്‌റ്റി​ലേ​ക്കു കൊണ്ടു​പോ​യി. എന്നാൽ, വിശ്വ​സ്‌ത​നും ധൈര്യ​ശാ​ലി​യു​മാ​യ ആ യുവാ​വി​നെ ദൈവം അനു​ഗ്ര​ഹി​ച്ചു. ഈജി​പ്‌റ്റിൽ യോ​സേ​ഫിന്‌ വലിയ കഷ്ടങ്ങൾ സഹി​ക്കേ​ണ്ടി​വ​ന്നെ​ങ്കി​ലും കാല​ക്ര​മ​ത്തിൽ അവന്റെ കഴിവ്‌ അവിടത്തെ ഭരണാ​ധി​കാ​രി​യാ​യ ഫറവോൻ ശ്രദ്ധി​ക്കാ​നി​ട​യാ​യി. ഫറവോൻ അവന്‌ വലിയ അധികാ​ര​ങ്ങൾ നൽകി. അത്‌ വലി​യൊ​രു അനു​ഗ്ര​ഹ​മാ​യി ഭവിച്ചു. കാരണം, ആ സമയത്ത്‌ ഒരു ക്ഷാമം ഉണ്ടായ​തി​നെ​ത്തു​ടർന്ന്‌ യാക്കോ​ബിന്‌ തന്റെ പുത്ര​ന്മാ​രിൽ ചിലരെ ആഹാര​സാ​ധ​ന​ങ്ങൾ വാങ്ങാൻ ഈജി​പ്‌റ്റി​ലേക്ക്‌ അയയ്‌ക്കേ​ണ്ടി​വ​ന്നു. അപ്പോൾ അവിടത്തെ ഭക്ഷ്യ​ശേ​ഖ​ര​ത്തി​ന്റെ ചുമതല യോ​സേ​ഫി​നാ​യി​രു​ന്നു! അങ്ങനെ യോ​സേഫ്‌ തന്റെ സഹോ​ദ​ര​ന്മാ​രെ വീണ്ടും കണ്ടുമു​ട്ടാ​നി​ട​യാ​യി. അവർ മനസ്‌ത​പി​ച്ചി​ട്ടു​ണ്ടെന്ന്‌ മനസ്സി​ലാ​ക്കി​യ യോ​സേഫ്‌ അവർക്കു മാപ്പു​നൽകി. യോ​സേഫ്‌ തന്റെ കുടും​ബ​ത്തെ ഈജി​പ്‌റ്റി​ലേക്ക്‌ കൊണ്ടു​വ​ന്നു. അവർക്ക്‌ ഈജി​പ്‌റ്റി​ലെ കണ്ണായ സ്ഥലംതന്നെ ലഭിച്ചു. അവിടെ അവർ എണ്ണത്തിൽ പെരുകി അഭിവൃ​ദ്ധി​പ്പെ​ട്ടു. തന്റെ വാഗ്‌ദാ​ന​ങ്ങൾ നിറ​വേ​റ്റാൻ ദൈവ​മാണ്‌ കാര്യ​ങ്ങ​ളെ നയിച്ച​തെന്ന്‌ യോ​സേഫ്‌ മനസ്സി​ലാ​ക്കു​ന്നു.

യാക്കോബ്‌ തന്റെ ശിഷ്ടകാ​ലം ഈജി​പ്‌റ്റി​ലാണ്‌ ചെലവ​ഴി​ക്കു​ന്നത്‌. അവിടെ അവന്റെ കുടും​ബം വളർന്നു​കൊ​ണ്ടി​രു​ന്നു. മരണക്കി​ട​ക്ക​യിൽവെച്ച്‌ അവൻ ഒരു കാര്യം മുൻകൂ​ട്ടി​പ്പ​റ​യു​ന്നു: വാഗ്‌ദത്ത സന്തതി അല്ലെങ്കിൽ വിമോ​ച​കൻ തന്റെ പുത്ര​നാ​യ യെഹൂ​ദ​യു​ടെ വംശപ​ര​മ്പ​ര​യി​ലാ​യി​രി​ക്കും ജനിക്കു​ന്നത്‌; അവൻ ശക്തനായ ഒരു ഭരണാ​ധി​കാ​രി​യാ​യി​ത്തീ​രും. വർഷങ്ങൾക്കു​ശേ​ഷം, യോ​സേ​ഫും തന്റെ മരണത്തി​നു​മുമ്പ്‌ ഒരു പ്രവച​നം​ന​ട​ത്തു​ന്നു: ദൈവം യാക്കോ​ബി​ന്റെ കുടും​ബ​ത്തെ ഒരുനാൾ ഈജി​പ്‌റ്റിൽനിന്ന്‌ പുറ​പ്പെ​ടു​വി​ച്ചു​കൊ​ണ്ടു​പോ​കും.

—ഉല്‌പത്തി 20-50 അധ്യാ​യ​ങ്ങ​ളെ​യും എബ്രായർ 11:17-22-നെയും ആധാര​മാ​ക്കി​യു​ള്ളത്‌.